چییە ئازیز،
چاوەڕوانی خۆشە وا نایەیت؟

#فروغ_فەڕۆخزاد
بۆ #ئاڤە

دڵی خۆم خستە سەر سینی سزاواری و لە بۆتم نارد
کە ھاتە بەردەمت داتە دەمی سەگ گوایە ھەر خاوم

#دڵدار

عاشق و مەحزوون و
بیمار و نەخۆشی عەشقی تۆم..

عیللەت و دەرد و شیفاشم
وا بە گەردی پێتەوە..


#ئەخۆل

زۆر كه‌ڕه‌ت هانم‌ ئه‌دا داخی ده‌روونی پڕ گڕم
بۆتی  هه‌ڵڕێژم  سكاڵای  ناسكی گه‌رم و گوڕم

داخه‌كه‌م  كاتێ كه‌ دێمه‌ به‌رده‌مت، واقی وڕم
وام  ئه‌شێوێنێ به‌ جۆرێ  نایه‌ڵێ هیچ ده‌ربڕم



#هەردی

وەکوو نەی تا لەبم نەگرێ لەبی یار
نەی ئاسا دێتە گوێم ناڵەی دڵی زار


#سالم

‏لێیان پرسیم بۆ ناخەوی
‏بۆ شەیدای درێژی شەوی

‏ئەوەی لە ئەوین تێ ناگا
‏حەز بە بێداری شەو ناکا

‏من کە دایم مەستی ئەوم
‏چیم داوە لە خەوی شەوم


#هێمن

تۆ خودا تاکەی
لە تاریکیی شەوی هیجرانی تۆ

دەستەوئەژنۆ دابنیشم
ڕەببی کەی ڕۆژ بێتەوە...


#وەفایی

یەک کەڕەت دڵم مەشکێنە
دەربێنە لە ژێر ئەو هەورەدا ڕۆژت..


#زاری

لە دەستانت شکایەت بەرمە بەر کێ؟
لە سووچی خۆت و ئاهی من بترسێ!

ڕەوا بوو شووشەیەک بشکێنی ئەمما
دڵی هێدی و شکاندن چۆن دڵت دێ؟


#هێدی

نیگارا! دڵبەرا! نامێھرەبان! یاری جەفاکارم!
بە زاری کوشتمت! تاکەی دەفەرمووی من وەفادارم؟

#وەفایی

بڵێ بەو ئاشنایە: بێ چرایە شامی من بێ ڕووت

#مەحوی