من لە کوورەی فیرقەتا ناکەم خەیاڵی غەیری تۆ..!

#زێوەر

قەت نەبوه شەوێکی بە خەمی کۆنەوە بنووم
هەر سوبحدەم ئازوردەیی تازە ستەمێکم..


#ئەدەب

خەمی کۆنە بەبا نادەم
خەمی تازە یەخەم ئەگرێ..

مەگەر دەستی قەدەر بێت و
لەجەمعی خەم نەجاتم با..


#قانع

سوپای غەم هاتە تاراجی قەرار و سەبر و ئارامم

کە زانی مڵکی دڵ بێ شەهریار و لەشەکەرە ئەمشەو


#کوردی

چییە ئازیز،
چاوەڕوانی خۆشە وا نایەیت؟

#فروغ_فەڕۆخزاد
بۆ #ئاڤە

دڵی خۆم خستە سەر سینی سزاواری و لە بۆتم نارد
کە ھاتە بەردەمت داتە دەمی سەگ گوایە ھەر خاوم

#دڵدار

عاشق و مەحزوون و
بیمار و نەخۆشی عەشقی تۆم..

عیللەت و دەرد و شیفاشم
وا بە گەردی پێتەوە..


#ئەخۆل

زۆر كه‌ڕه‌ت هانم‌ ئه‌دا داخی ده‌روونی پڕ گڕم
بۆتی  هه‌ڵڕێژم  سكاڵای  ناسكی گه‌رم و گوڕم

داخه‌كه‌م  كاتێ كه‌ دێمه‌ به‌رده‌مت، واقی وڕم
وام  ئه‌شێوێنێ به‌ جۆرێ  نایه‌ڵێ هیچ ده‌ربڕم



#هەردی

وەکوو نەی تا لەبم نەگرێ لەبی یار
نەی ئاسا دێتە گوێم ناڵەی دڵی زار


#سالم

‏لێیان پرسیم بۆ ناخەوی
‏بۆ شەیدای درێژی شەوی

‏ئەوەی لە ئەوین تێ ناگا
‏حەز بە بێداری شەو ناکا

‏من کە دایم مەستی ئەوم
‏چیم داوە لە خەوی شەوم


#هێمن

تۆ خودا تاکەی
لە تاریکیی شەوی هیجرانی تۆ

دەستەوئەژنۆ دابنیشم
ڕەببی کەی ڕۆژ بێتەوە...


#وەفایی

یەک کەڕەت دڵم مەشکێنە
دەربێنە لە ژێر ئەو هەورەدا ڕۆژت..


#زاری