ئەو بەڵای بۆ قامەتی تۆ دێ
لە عوششاقت کەوێ
سەدهەزاران عاشقت جانا بەڵاگەردانە بۆت..



#ئەحمەد_موختار_جاف

پێم دەڵێن: مەحبوبە خێل و قیچە، مەیلی شەڕ دەکا
خێل و قیچە، یاترازووی نازی نەختێ سەر دەکا؟!


#نالی
واتە: ناحەزەکانم دەڵێن مەحبوبە خێلە و کە سەیری دەکەیت وا دەردەکەوێت کە خێسەت لێ بکات و شەڕت پێ بفرۆشێ، بەڵام ئەمە ڕاست نیە تەنها ئەوەیە کاتێک ناز دەکات بە چاو، چاوێکیانی زیاتر ناز دەکات لەوەی تریان.

چاوی هەمڕەنگی گوڵی مەستی شەب و ڕۆژن مەدام
یەک لە نەشگوفتەی بەنەفشە یەک لە نەیلۆفەڕ دەکا..


#نالی
واتە: چاوەکانی یار وەک گوڵ وان، یەکێکیان گوڵە نەیلۆفەڕە و لەبەر خۆردا دەکرێتەوە، چاوێکیشی وەک گوڵی وەنەوشە لە سێبەردا ئەگەشێتەوە.

عەکسی چاوی تۆ لە چاویدا بە خواری تێ دەگەی
کەچ نەزەر کەی فەرقی خوار و ژوور و، خێر و شەڕ دەکا؟!
هەرکەسێ نوقسانی ڕووی باوێتە سەر ڕووی ئاینە
شاهیدی هەرچەندە (رأﻱ العین)ـە، کێ باوەڕ دەکا؟!


#نالی
واتە: یار چاوی وەک ئاوێنە وایە و تۆیش ئەی ناحەز لە چاوی یاردا وێنەی چاوە لارەکانی خۆت دەبینیت و وا هەست دەکەیت کە عەیبەکە لەوەوەیە.
جا هەرکەسێکیش ناشرینی خۆی بخاتە ئەستۆی ئاوێنە کێ باوەڕی پێ دەکات با دیمەنیشی شاهید بێت.

دەستم لە گەردنی خۆت هەڵمەگرە ئەی حەبیبە
دڵ مەیلی خاکی پێتە، ڕۆح مـاڵی خۆتە بیبە..



#نالی

مامۆستا عەلائەدینی سەججادی لە مێژووەکەیدا لە باسی نالیدا ئەڵێ:
حەبیبە پێش مردنی نالی کۆچی دوایی کردووە و نالیش کە نەهاتۆتەوە بۆ سلێمانی هەر لەبەر ئەوە بووە تەماشای کردووە حەبیبە نەماوە، دۆستەکان و ئەربابی زەوقی خۆی کە لەگەڵیان ڕایبواردوە نەماون، ئیتر دڵخۆشییەکی شك نەبردووە تا ڕوو بکاتەوە سلێمانی، وەک لە شیعرەکەیدا ئەڵێ:

لەکن من با وجوودی ناس و ئەجناس
کەسی تێدا نییە ئەم شارە بێ تۆ

ھەتا تۆم ئاشنا بووی، ئاشنام بوون
ئەمێستا موو بە مووم ئەغیارە بێ تۆ

ھەموو ڕۆژێ لەتاو ھیجرانی ئەمساڵ
تەمەننای مردنی پێرارە بێ تۆ

لە حەسرەت سەروی قەددت چاوی نالی
دوو جۆگە، بەڵکوو دوو ڕووبارە بێ تۆ..


#نالی

پێم نەوتی بۆ دوور مەچۆ ئاشنات منم
لەم سەرابی بیابانە سەرچاوەی ژیانت منم

بەڕقەوە گەر بتۆرێیت سەدهەزار ساڵ دوورکەویت
لە ئاکامدا دێیتەوە لام چونکە خاڵی کۆتات منم .



#مەولانا #ڕۆمی

پاش ئەوەی خۆر ئاوابوو
ڕووناکایی زەردەپەڕ
لە چاوانتا جێ مابوو.

سەرگەرم و خەیالاوی
ڕۆح تینوو هەتا لێوان
لەناکاو ماچم کردی
ساتێ دابڕام لە جیهان.



#ڕەفیق_سابیر

وە من چۆن دڵتەنگ نەبم بێ تۆ؟


#حسین_منزوی

بە یادی قامەتی ماوم بە پێوە
عـلی مـا مـثلهـا مـوسـی توکـا..



#مەحوی
واتە:
وەک چۆن موسا پاڵی دەدا بە عاساکەیەوە و دەوەستا منیش پاڵم داوە بەیادی باڵای یارەوەو بەو یادە دەژیم،
هۆی ژیانم بوون و مانەوەم تەنها ئەوە،

گر طبیبانە بیایی بەسر بالینم
بە دوعالم ندهم لذت بیماری را..


#سەعدی

واتە:
گەر وەکو دکتۆر بێتە سەرینم
بەدونیای نادەم چێژی برینم..

بەبۆنی زوڵفی تۆ مەستم ئەی گوڵ
بەڕەنگی ڕوویی تۆ غەمبارم ئەی گوڵ

منی عاشق لەعیشقت بێ قەرارم
چون تۆ لەیلی منیش مەجنونم ئەی گوڵ



#بابا_تاهیر

دڵی دەرهات زاری
کەوتە بەر پایی و کەچی نەت نا بەساریا پا..
دەبا گەردێ لەخاکی ڕێ گوزارت بم..



#زاری

هەتاکەی تاسە خوارت بم هەتاکەی ئینتیزارت بم
هەتاکەی بێقەراری هیجرەتی وەک ژەهری مارت بم..

هەتاکەی ئێشی دووری ساکنی ماڵی دەرونم بێ
ڕەفیقی ئاهی سەردو ڕەنگی زەرو دەردەدارت بم..



#زاری

من شه‌وم تـۆ مانگى من
بۆ ئاسمان بێ مـــن مه‌ڕۆ..



#مەولانا #ڕۆمی

بیته گلشن به چشمم گلخن آیو
واته گلخن به چشمم گلشن آیو
گلم ته گلبنم ته گلشنم ته
که واته مرده را جان بر تن آیو

بێ تۆ گوڵشەن لەچاوم کوڵخەنێکە
بە تۆ کوڵخەن لەچاوم گوڵشەنێکە..
گڵم تۆ گڵبەنم تۆ گوڵشەنم تۆ
کەتەن مردوو بەتۆ زیندە دڵێکە..



#بابا_تاهیر
و :#بیلال_کەیوانی