Халқ депутатлари Хива тумани Кенгашининг еттинчи чақириқ бешинчи сессияси бўлиб ўтди.

Сессия кун тартибида: 2024 йил мобайнида туман прокуратураси органлари томонидан қонун устуворлигини таъминлаш борасида амалга оширилган вазифалар, туман ички ишлар бўлими томонидан 2024 йил давомида туман ҳудудида жиноятчилик ва ҳуқуқбузарликларни барвақт олдини олиш тўғрисида, Ўзбекистон Республикаси Президентининг Хива туманидаги Халқ қабулхонасига 2024 йилнинг 4-чорагида келиб тушган мурожаатлар таҳлили, Хива туманининг маъмурий-ҳудудий чегараларига ўзгартириш киритиш тўғрисида, Хива туман маҳаллий бюджетининг қўшимча манбалари ҳисобидан маблағ ажратиш, 2025-йилда Хива туманини комплекс ижтимоий-иқтисодий ривожлантириш дастури тўғрисида, туман ободонлаштириш бўлими балансида қолган қурилиш материалларни тумандаги кам таъминланган, яшаш шароити оғир оилаларнинг яшаш шароитини яхшилаш учун ишлатиш ва бошқа ҳисоботлар тингланди. Кўрилган масалалар юзасидан депутатлар қарори қабул қилинди

Бугун вилоят ҳокими Жўрабек Рахимов Янгибозор, Гурлан, Хива туманлари ва Хива шаҳри тадбиркорлари билан учрашди.

✅ Учрашув аввалида вилоят ҳокими мазкур ҳудудларда жорий йилда ишга тушириладиган инвестиция лойиҳалари тақдимоти билан танишди. Тақдимотларда янги лойиҳаларнинг молиялаштириш манбалари, яратиладиган иш ўринлари ва ишлаб чиқариш қувватлари, экспорт имкониятлари ҳақида батафсил маълумот берилди.

✅ Шундан кейин тадбиркорлар билан очиқ мулоқот ташкил қилиниб, уларнинг бизнес фаолиятларини янада кенгайтириш йўлида тўсиқ бўлаётган муаммолар юзасидан мурожаатлари тингланди. Тегишли соҳа масъулларини жалб қилган ҳолда ушбу масалаларнинг қонуний ечимини топиш ва ҳал этиш чора-тадбирлари белгиланди.

Хоразм вилояти ҳокимлиги матбуот хизмати
Xorazm.uz | Facebook | Telegram | Instagram| Youtube