Хива туманида ёшларининг ҳарбий ватанпарварлик руҳида тарбиялаш, бўш вақтларини мазмунли ўтказиш, уларни ҳарбий соҳага, ватанга бўлган меҳр-муҳаббатини шакллантириш, қурол-яроқ, ҳарбий техникалар билан таништириш мақсадида Хива тумани ҳокимлиги, 92-03 сонли ҳарбий қисм, туман мудофаа ишлари, ички ишлар, фавқулодда вазиятлар бўлимлари, “Ватанпарвар” ташкилоти туман кенгаши ҳамкорлигида ҳарбий-ватанпарварлик тадбири ўтказилди.
Тадбирда иштирокчи ёшлар ҳарбий хизматчилардан техникалар ва ўқотар қуролларнинг тузилиши ва ишлаш техникаси, ҳарбий машиналар, алоқа воситалари ҳақида тўлиқ маълумот олдилар. Шунингдек ҳарбий хизматчиларнинг жанговор чиқишлари ёшларда катта таассурот қолдирди.

2024 йил 30 декабрда Давлатимиз раҳбарининг “Қишлоқ хўжалиги майдонларидаги қўшимча имкониятлардан фойдаланган ҳолда маҳсулот етиштиришни кўпайтиришга доир чора-тадбирлар тўғрисида”ги ПҚ-465-сонли қарори қабул қилинган эди. Мазкур қарорда дала четлари ҳамда каналлар, суғориш ва коллектор-дренаж тармоқлари атрофидаги майдонларда қишлоқ хўжалиги маҳсулотлари етиштирилишини самарали ташкил қилиш ва кўпайтириш орқали экспорт кўрсаткичларини оширишга қаратилган чора-тадбирлар белгиланган. Шунингдек ҳудуд тупроқ-иқлим шароитидан келиб чиқиб, мева ва узум навларини экиш ҳамда экилган кўчат ва сабзавотлар ирригация ва мелиорация тадбирлари амалга оширилишига тўсқинлик қилмаслиги юзасидан алоҳида топшириқлар берилган. Хива туманида мазкур қарор ижросини таъминлаш юзасидан амалий семинар ташкил қилинди.