?القصيدة: باقر علوم النبي يعرفونه
✒الشاعر : أبو فاطمة العبودي


باقر إعلوم النبي ايعرفونه
و آل أميه عمداً يسمونه
مسموم مات الباقر
مظلوم مات الباقر
🍂🍂🍂🍂🍂
سيرة المختار جده سيرته
الباقر وأهل المعارف عرفته
لاجن إجفوف الخيانه غدرته
ابيا جنايه نسأل إيقتلونه
🍂🍂🍂🍂🍂
وارث السجاد زين العابدين
تشهد إبفضله جميع المسلمين
ما رعوا قدره الجناة الحاقدين
بغضاً الجده علي يبغضونه
🍂🍂🍂🍂🍂
حقنه لو لجله نظل نجري الدموع
و للحشر نبقه على امصابه نلوع
يوم فقده حنه من عدنه الضلوع
و بـمـصابه أهل الغدر فجعونه
🍂🍂🍂🍂🍂
خيم اعلينه الحزن لمصيبته
و بانت بأمة محمد خلته
إحنه خدامه و أتباعه و شيعته
عن طريقه أبد ميغيرونه
🍂🍂🍂🍂🍂
من لفاه الجل أهله ودعوه
شيعوا نعشه ابمهابه طلعوه
جده الحسين إنذبح ما شيعوه
ظل ذبيح و رفضوا يدفنونه
🍂🍂🍂🍂🍂
آه يحسين و مصابه و غربته
رضت إخيول الأعادي جثته
اويه العده راحت سبايه عيلته
https://www.tg-me.com/Wounds_AshuraOne

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد 🥀
وااا إماااماه وااا باقراااه

قصيده لمولانا محمد الباقر عليه السلام كأني بلسان حال مولاتنا الزهراء عليها السلام تخاطب شيعتها...تقرأ بطور المربوعه وبعدة اطوار

على  البــاقر يا شيعـــتي واسوني
بمجالسكم الطمو الفگده عيونوني

❉━━━━━❰･❱━━━━━❉

وين اليلطم اويايه ويساعدني
ضلعي منكسر او حيل يوجعني
يوميه بولد هالبين يفجعــــــني
يا شيعه على المسموم عزوني

❉━━━━━❰･❱━━━━━❉

بسهامه الدهر   يوميه يرميني
بأولادي يصوبنـــــــي ويبجيني
يهل دمعي على السطره ويأذيني
ونحيله حيل من يوم ألي عصروني

❉━━━━━❰･❱━━━━━❉

اتعنه واروح الابــــــني المصوب
واشوفه شلون من اصوابه يتگلب
يون گــلبي عليه وحيل يتعذب
والسموا اوليدي اوياه سموني

❉━━━━━❰･❱━━━━━❉

من ولـــدي الينازع إلـه اتعنه
فوگه انحني واجلـــــب الونه
يلجملي الضلع لمـــــن اشوفنه
وعلى وجهه تنزل دمعة عيوني

❉━━━━━❰･❱━━━━━❉

أنه بضعة محمد النبي  الهادي
وازاني الدهـر حاربني بأولادي
وحزني بالبشر مـثله فلا سادي
بالسم والذبح باولادي فجعوني

❉━━━━━❰･❱━━━━━❉

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي ولكن اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


نشر قصائد الشعراء والشاعرات + تلحين
https://www.tg-me.com/Wounds_AshuraOne

*فزاعيه للامام محمد. الباقر. ع*
ــــــــــــــــــ😭ــــــــــــــــــــ
صعبه  تشيل عمامته
من راسه ويغسلونه
ــــــــــــــــ😭ــــــــــــــــ
تاج  الديانه والعلـــــم
هاليوم دين الله انهدم 
جعفر الصادق منهظم
وين الذي يعازونه
ام وليــــ✍️ــــد الموسوي
ـــــــــــــــ😭ــــــــــــــــــ
ع الابو روحه اموجله
يبچي وتصد عينه اله
ودمعاته ع الخد سايله
اليوم الابو  يشيعونه

✍️ام صادق المنصوري
ــــــــــــــــ😭ــــــــــــــــــــ
يعازونه بالهم والدمع
الليله  مولانه  انفجع
عالكاع   تاليها   وكع
اليوم   العده يسمونه

✍️ام زهراءالفاطميه
ــــــــــــــــ😭ــــــــــــــــــــ
ايسمونه ليش اهل الرده
چــبـدته ويلي امرده
ويلوج ضل الوحده
أمن السم تغير لونه

✍️زينب خضر الواسطية
ــــــــــــــــ😭ــــــــــــــــــــ
سمـوه گوم الطاغيه
لا عدها دين ولاهيه
بدنيا غرورة وفانيه
خسران اليعادونه
✍🏻العلوية أم منتظر جمال الدين
ــــــــــــــــ😭ــــــــــــــــــــ
هذا الــعداء المستمر
من يوم ضلع المنكسر
وراس الوصي المنطبر
لهل النبي يحملونه
ام عـــ✍🏻ــــــــلي البابلي

((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار  باروع اقلام شاعرات اهل البيت في رابطة رثاء العتره

🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا
https://www.tg-me.com/Wounds_AshuraOne

لطميه  لزهراء ع عن لسان حال زينب ع


انه وانتي  من الدهر  ونينه
اثنينه  جار  الزمان  علينه

جارت  علينه  اليالي
والجره  بحالج جرالي
ثنينه  جار  الزمان  علينه

..........

انتي  جفنتي  النبي  بس دموعج جاريه
وانه  خليت  الحسين  واجفنوه بالباريه
يمه  هظم  المر  عليه  بيه انتي الباديه

انتي  متي  من المصايب
وانه  كتلتني   الخرايب

والدهر  مارحم بيج وبينه
ثنينه  جار  الزمان  علينه
..........

انتي بسوط انظربتي وانكسر ضلعج يزهره
انه عاينت الحسين وشفته من كسرو صدره
انتي  بليل  اندفنتي ومهجتج برماح  نحره

انتي  دمعاتج  جريه
وانه  جم صواب بيه

خن نسولف يم حسن خلينه
ثنينه   جار  الزمان  علينه
.................
انتي سطروج عله عينج والضلع يمه انكسر
وانه  مجتوفه عالناكه ومتني طكاه  الشمر
يمه  يازهره  هظمنه  ايفتت  اجبال  الصخر

انتي  وناتج  شجيه
وانه  وناتي  خفيه

يمه من جور الدهر سلينه
ثنينه  جار  الزمان  علينه
.............
انتي منعوج البجه وبالجفن  حبسو  دمعتج
لوتشوفين الجرالي والسده  يمه عله   بتج
ضلت  ابصدري عبرتي مثل ماحبسو  عبرتج

ثنينه  حبسو  دمعنه
ومارحم  بينه    وكتنه

والجروح  البالكلب تاذينه
ثنينه  جار الزمان  علينه
................
نار  شعلوها عله بابج ونار شعلوها بنزلنه
بس فرق بيني  وبينج  احنه عالغبره زلمنه
انتي  داحي الباب يمج  واحنه عالشاطي الكفلنه

هاي قصتنه  الحزينه
يالتحب ابجي علينه

اذكر مصاب الجره اواسينه
ثنينه  جار  الزمان  علينه

✍أم زينب كربلاء غير مبري الذمه من ياخذ الكلام وينسبه له او يحذف الاسم القصيده  من كتاب الماسي العلويه الجزء الاول
https://www.tg-me.com/Wounds_AshuraOne

لطميه للرضيع  على طورالمهوال مرتظى حرب (ذبواعمايمهم)
🏴🏴🏴🏴🏴🏴🏴🏴🏴🏴

شفت المهد خالي
             مايرجع الغالي
شذنب الطفل عطشان ويذبحونه
بيد الحسين وبالسهم يرمونه
وانه شجرى ابحالي
              مايرجع الغالي

🖤🖤🖤🖤🖤🖤🖤
عطشان عبدالله ويريد اميه
واشلون اشوفه وحيل ماظل بيه
فرفحت روحه وتصد عينه اعليه
ومنين اجيب الماي مو بيديه
اخذ الطفل الهم
عطشان   كللهم
ازغير يخويه هالطفل شيصبره
ومن العطش نيران جبده موجره
حاله شده بالي
            مايرجع الغالي

🖤🖤🖤🖤🖤🖤
تبجي الرباب اعلى الطفل مهظومه
عطشان عبد الله وعليه مهمومه
وتخاف ابنها اليوم يوصل يومه
من العطش ذابت جبدته ومالومه
ساعه وكظه طفلي
يحسين    لحكلي
جاها الحسين واخذ منها وليده
فرحان ويشمه ويقبل ايده
وجهه يتراولي
     مايرجع الغالي

🖤🖤🖤🖤🖤🖤
للكوم ر اح حسين ويكلمهم
شذنب الطفل عطشان ويحذرهم
ماكو ر حم بالكوم ردوا كلهم
ذبحوه  اولترحمون واحد منهم

شذنب الطفل ناده
                       ويتكطع افاده
عطشان ذابت جبدته ودلاله
عدوان مارحموا يويلي بحاله

صابوا سهم تالي
        ومايرجع  الغالي

🖤🖤🖤🖤🖤🖤🖤
للخيمه رد حسين شايل طفله
مكطع اكماطه والدموم اتغسله
الله يعينه من فكد عبد الله
مهموم رد ودمع عينه يهله
نادها     يازينب
عبد الله اتصوب
صاحت يخويه الله يساعد حالك
عالطفل ياخويه انمرد دلالي
خويه  انشده بالي
           مايرجع الغالي

🖤🖤🖤🖤🖤🖤
كلها يزينب يختي اتلكيني
اخذي الطفل يابت علي وعينيني
صاحت يخويه اشلون اشوفه بعيني
مذبوح طفلك حالته  تاذيني
غطيه يبن امي
اعليه كثر همي
شذنبه يخويه وذبحته عدوانه
بالخيمه امه    تنتظر   حيرانه  خبرها  ءيالوالي
      مايرجع الغالي
🖤🖤🖤🖤🖤🖤🖤
للخيمه وصلت زينب بصرختها
الله يساعدها ا  وتهل   دمعتها
طلعت رباب وكامت  اتلكتها
شافت طفلها صاحت بلوعتها
شذنبك يذبحونك
بنبله ويفطمونك
شنهو الذنب مذبوح ايوليدي
ياسلوتي وبساع رحت امن ايدي
ياثمر دلالي
         مايرجع الغالي
🖤🖤🖤🖤🖤🖤🖤
حضنت ولدها وبدمعها اتشمه
وكامت تحني راسها من دمه
صاحت اشذنبك تنذبح يايمه
مصابك فجعني وكلبي زادوا همه
صابوك بالنبله
يبني يعبد الله
حرموني يبني شوفتك حرموني
وعليك انوح ويجري دمع اعيوني

من يرحم بحالي
          مايرجع الغالي

🖤🖤🖤🖤🖤🖤
الشاعره ام حسين الهلالي
https://www.tg-me.com/Wounds_AshuraOne

متوفر الآن ديوان ( رثاء وارث الأنبياء ) الجزء الثاني عاشوري للشاعره أزهار جبار الجياشي في مكتبة ابو منتظر
محافظة البصرة

ابو الخصيب الشارع العام تسجيلات اليوسف الحسينيه
قرب جامع ابو خفيف

توصيل مجاني داخل ابو خصيب
للحجز والاستفسار الاتصال على هذا 👇الرقم

07708465035

نعزيكم بذكرى استشهاد باقر علوم الاولين والآخرين
وعظم الله اجورنا واجوركم بهذا المصاب
رزقنا الله وإياكم في الدنيا زيارته وفي الآخره شفاعته

فضلا وليس أمرا نرجوا دعمكم لهذا المقطع 👇 فبدعمكم نستمر ونقدم الافضل

https://youtu.be/VK0LVERafzc?si=dYSR83yzx2Y9gcF3

صدر حديثاً 💥💥💥

ديوان

آيات الشهادة ج ٢٣

خاص.. من مصرع الحسين إلى رجوع العيال إلى الديار 😭😭


لشاعره اهل البيت ام غصون العمارجيه 🔥


لشهر محرم الحرام ٢٠٢٤ 😭😭


متوفره الان
سارعو بالحجز والشراء

#الطلب_والاستفسار⭕👇👇👇⭕

@ABRAR5325

قناة مكتبة عاشوراء 👇👇👇
https://www.tg-me.com/AiDoiwwn19878

كروب اجهزة ملايات👇👇

https://www.tg-me.com/+n-BgqsOHygw5OWNh