مجلس نعي للدفنه
❥ــــــــ☆ــــــــ●ــــــــ☆ــــــــ❥
بعد واقعة كربلاء الاليمه بقيت جثّة الإمام
الحسين(عليه السلام)، وجثث أهل بيته
وأصحابه مطروحة على أرض كربلاء
ثلاث أيّام بلا دفن، تصهرها حرارة
الشمس المحرقة وااااويلاه وااااامصيبتاه
❥ــــــــ☆ــــــــ●ــــــــ☆ــــــــ❥
(نعي شعبي)
ضـــــــلو ثلث تيام بتراب
وسفه عليهم زلم الاطياب
اغــــرگو ابدمهم الخضاب

امطرحه اجســاد الميامين
ابلا غسل وبـــلايه تجفين
احاه يمصــــــيبة الحسين

بالشــمس ضلــو ويلي ايام
سايل الدم من جرح السهام
ذول النشامة وخوش ازلام

ويــن اليجي هاليوم دفان
بالغبـــــــرة يدفن ال عدنان
ويشيلهــــم مـن عله التربان
❥ــــــــ☆ــــــــ●ــــــــ☆ــــــــ❥
🔺 مصيبه
روي أنّه لمّا ارتحل عسكر ابن سعد من
كربلاء, وساروا بالسبايا والرؤوس, نزل
بنو أسد إلى جسد الحسين عليه السلام
وصار لهم بكاء وعويل، ثمّ إنّهم اجتهدوا
على أن يحرّكوه من مكانه ليشقّوا له
ضريحاً, فلم يقدروا, أن يحرّكوا عضواً
من أعضائه..فبينما هم في الكلام إذ طلع
عليهم أَعرابي على متن جواده وقد ضيّق
لثامه، فلمّا رأوه انكشفوا عن تلك الجثث
الزواكي. فأقبل الأعرابي, ونزل عن
جواده, وصار منحيناً كهيئة الراكع, حتّى
أتى ورمى بنفسه على جسد الحسين
عليه السلام فجعل يشمّه تارة ويُقبّله
أُخرى وقد بلّ لثامه من دموع عينيه

نعم يامولين اتعلمون من هوه هذا الرجل
انه مولانا زين العبادين ابن الامام الحسين اتى ليدفن اباه الحسين
اين المنادي واااحسياه واااغريباه

❥ــــــــ☆ــــــــ●ــــــــ☆ــــــــ❥
(نعي زريجي)
جـــــاهم علي السجاد ويون
وبيهــــم يريد الـــــيوم يدفن
لشوفتهم يروحه اهوايه اتحن

جاهــــم يويلي وحاله اشلون
محني الضـــــهر ويهل العيون
كلش حــــــــزين وما اله لون

مــــــن الدمــــــع بلل الالثام
وكلبه علــــــه الغالين محتام
واعله جـــــــسد والــده انام

عـــــــينوه بالدمع يل محبين
ووياه ابـــــــجو يا مــــــولين
ماجـــــــور كلمن يهمل العين
❥ــــــــ☆ــــــــ●ــــــــ☆ــــــــ❥
🔺مصيبه
وهنا مولانا الامام السجاد ينعى مصاب
ابيه الحسين ع حيث قالت الروايات انه
جاء محني الضهر من شدت الالام
المحرقه للقلوب وقيل انه رما جسمه على
ابيه ابا عبد الله وكاني بلسان حاله وهوه ينعى مصاب ابيه
❥ــــــــ☆ــــــــ●ــــــــ☆ــــــــ❥
(نعي ملائي)
جيتگ يبويه وضهري محني
وشنهو اخبـــــرك بويه عني
ريــــــتك يبويه تستمع وني
يطر الصخر من عند الونين

هاليــــــــوم يابويه اجيتك
وشــــلون حالك من لكيتك
لا جــــفن وعاري ناضريتك
حســين بويه حسين بويه

عاري وتـون شفتك اموذر
بيـــــــدت حيل بويه اكثر
بهل وضع انه شلون اصبر
امنــين اجيب الصبر بويه

بويــــه ترى خلصان صبري
جيتك اون ومحني ضهري
رحـــــنه سبايه بويه تدري
زلمه ينسبي يابويه اشلون
❥ــــــــ☆ــــــــ●ــــــــ☆ــــــــ❥
🔺مصيبه
وبعد ذلك قام الامام ليحمل جسد ابيه
الحسين وقال لبني اسد ائتوني بحصيره
وقال له يا اخ العرب ماذا تصنع بالحصيره
قال الامام اجمع عليها جسد ابي عبد الله جمع الامام زين العابدين اجزائه المقطعه
من هنا وهناك ووضعها على الحصيره
❥ــــــــ☆ــــــــ●ــــــــ☆ــــــــ❥
(نعي مجاريد)
كاللــــــــهم انــطوني الحصيره
بيهــــا الف شــــــــيخ العشيره
علي السجاد ضل حيرته حيره

محـــتاره ضل ابهاي الوضاع
بحصـــيره لفه وضمه بالگاع
مــــــولانه گلبه اليوم مرتاع

بحـــصيره علي السجاد لمه
وبلا غسل هل ضال جسمه
دفـــــــناه يـــــاويلي ابدمه
❥ــــــــ☆ــــــــ●ــــــــ☆ــــــــ❥

قال الراوي: ورجع إلى الكوفة وإذا بعمته زينب
قالت : يا ابن أخي أين كنت هذا اليوم ؟ قال: عمه الان فرغت من دفن والدي الحسين
فبكت وقالت يا ابن أخي إلى الان
لم يدفن أبوك الحسين؟
❥ــــــــ☆ــــــــ●ــــــــ☆ــــــــ❥
(نعي عاشوري)
كلـته عمه انت جنت وين.. اه اه
كللها جنت ادفن بالحسين.. اه اه
والــــي بقو كلهم مطاعين.. اه اه

كلـــــــــي يعمه شنهو اصار.. اه اه
وشلون حال اخوان الاطهار.. اه اه
سولفلي مو گلبي اشتعل نار.. اه اه

جــــــاوبها والمدمع يسيله.. اه اه
ومــــن البجي مهدود حيله.. اه اه
بالدمـــــــــع جاوبها العقيله.. اه اه

كلــــــــها والدي ادفنته بديه.. اه اه
لفيته ابحصيره ابن الزجيه.. اه اه
ماضل بعــــــد كل حيل بيه.. اه اه

كلـــــــها يعمه شلون منضر.. اه اه
ذاب الكلـــــــب مني وتفطر.. اه اه
بهل مـــــــصــــيبه الله اكبر.. اه اه
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إلهhttps://www.tg-me.com/Wounds_AshuraOne

(حديث للدفنه )

(دفن الحسين ع والاجساد الطاهره )

صلى الله عليك ياسيدي ويامولاي يااعبدالله صلى الله عليك ياسيدي ويامولاي ياابن رسول الله ياابن امير المؤمنين وابن فاطمه الزهراء سيدة نساء العالمين يارحمة الله الواسعه ماخاب من تمسك بكم وامن ولجأ اليكم باابي انت وامي باابن رسول الله

هذا حسين بالحديد مقطّع
متخضّب بدمائه مستشهد
عار بلا كفن صريع في الثرى
تحت الحوافر والسنابك مقصد
والطيّبون بنوك قتلى حوله
فوق التراب ذبائح لا تلحد

ويلي الوالي موذر عله تربان
لاواحد حضر لاجابله جفان
وين الفحل داحي البيبان

ويلي بحصيره حسين لموو
وبدال خده النحر عترب خلو
صيحو بني هاشم خلهم يدفنو

عطشان الولي رشوو ميه
بدموع العقيله الهاشميه
مشت عنه ياولي سبيه
الف لاحول ولأ قوةالأبالله العلي العظيم وعوذ باللة من شر شيطان رجِيم وسيعلم الذين ظلموا ال بيت محمدا اي منقلبآ ينقلبون ولعاقبة للمتقين سلام الله على المتقينً

بعد واقعت الطف
بقيت جثّة الإمام الحسين(عليه السلام)، وجثث أهل بيته وأصحابه بعد واقعة الطف مطروحة على أرض كربلاء، ثلاث أيّام بلا دفن، تصهرها حرارة الشمس المحرقة، قال أحد الشعراء حول مصرع الإمام الحسين(عليه السلام):

قبيلة بني أسد
قبيلة تعيش أطراف كربلاء، خرج رجالها يتفحّصون القتلى، ويتتبّعون أنباء الواقعة بعد رحيل جيش عمر بن سعد إلى الكوفة، فلمّا نظروا إلى الأجساد وهي مقطّعة الرؤوس، تحيّروا في دفنها، فبينما هم كذلك جاء الإمام زين العابدين(عليه السلام) بمعجزة طي الأرض إلى أرض كربلاء.
كيفية الدفن
قال السيّد المقرّم(رحمه الله): «ولمّا أقبل السجّاد(عليه السلام) وجد بني أسد مجتمعين عند القتلى متحيّرين لا يدرون ما يصنعون، ولم يهتدوا إلى معرفتهم، وقد فرّق القوم بين رؤوسهم وأبدانهم، وربما يسألون من أهلهم وعشيرتهم! فأخبرهم(عليه السلام) عمّا جاء إليه من مواراة هذه الجسوم الطاهرة، وأوقفهم على أسمائهم، كما عرّفهم بالهاشميين من الأصحاب، فارتفع البكاء والعويل، وسالت الدموع منهم كل مسيل، ونشرت الأسديات الشعور ولطمن الخدود.
ثمّ مشى الإمام زين العابدين(عليه السلام) إلى جسد أبيه واعتنقه وبكى بكاءً عالياً، وأتى إلى موضع القبر ورفع قليلاً من التراب فبان قبر محفور وضريح مشقوق، فبسط كفّيه تحت ظهره وقال: “بسم الله وفي سبيل الله وعلى ملّة رسول الله، صدق الله ورسوله، ما شاء الله لا حوّل ولا قوّة إلاّ بالله العظيم”، وأنزله وحده لم يشاركه بنو أسد فيه، وقال لهم: “إنّ معي من يعينني”، ولمّا أقرّه في لحده وضع خدّه على منحره الشريف قائلاً:
“طوبى لأرض تضمّنت جسدك الطاهر، فإنّ الدنيا بعدك مظلمة، والآخرة بنورك مشرقة، أمّا الليل فمسهّد، والحزن سرمد، أو يختار الله لأهل بيتك دارك التي فيها أنت مقيم، وعليك منّي السلام يا بن رسول الله ورحمة الله وبركاته”.
وكتب على القبر: “هذا قبر الحسين بن علي بن أبي طالب(عليه السلام)، الذي قتلوه عطشاناً غريباً”.
ثمّ مشى إلى عمّه العباس(عليه السلام)، فرآه بتلك الحالة التي أدهشت الملائكة بين أطباق السماء، وأبكت الحور في غرف الجنان، ووقع عليه يلثمّ نحره المقدّس قائلاً: “على الدنيا بعدك العفا يا قمر بني هاشم، وعليك منّي السلام من شهيد محتسب ورحمة الله وبركاته”.
وشق له ضريحاً وأنزله وحده كما فعل بأبيه الشهيد، وقال لبني أسد: «إنّ معي من يعينني»! نعم ترك مساغاً لبني أسد بمشاركته في مواراة الشهداء، وعيّن لهم موضعين وأمرهم أن يحفروا حفرتين، ووضع في الأُولى بني هاشم، وفي الثانية الأصحاب وأمّا الحر الرياحي فأبعدته عشيرته إلى حيث مرقده الآن»(۲).
وبعدما أكمل الإمام(عليه السلام) دفن الأجساد الطاهرة، عاد إلى الكوفة والتحق بركب السبايا.

هنا تلكته زينب عمه علي اين كنت وتراب والغبار عليه
قال عمه زينب كنت ادفن والدي الحسين

(فائزي)

نادته عمه حسين كلي شلون حاله
شلون صار دفنته وكطعه اوصاله
وحيد ياعمه بكه محد اجاله

صاحت يعمه ماي كلي شربيته
ناداها عمه عله ترب بيدي وسديته
وبدال خده حسين النحره خليته

ناده النحر سمعيت وسدلي طفلي
عمه علصدره طفله خليته اخيي
صعبه الوضع ياعمه دمعي يهلي

(نعي الفراق)

سولف يسجاد ..الاخو شلون حاله
سولف يسجاد..مرمي ماواحد بكاله
سولف يسجاد..عرمل محد الشاله

عمه عمه ..الابو موذر لكيته
عمه عمه..بترابه وسديته
عمه عمه…الي تهدمة ثنيته

عمه بيدي..لملمت عظمه بحصيره
عمه بيدي…سكيته بدموعي جثيره
عمه بيدي...صعبه لمه وهاي حيره


تمت
اعداد وكلمات ✍🏻خـادمـة الزهـراءام احمد العبوديه زبيرhttps://www.tg-me.com/Wounds_AshuraOne

#ديـوان #عزاء_اولاد_الزهراء الجزء الثاني

حديث دفن الإمام الحسين (عليه السلام) وباقي الشهداء


بعد واقعة الطف:
بقيت جثّة الإمام الحسين (عليه السلام)، وجثث أهل بيته وأصحابه بعد واقعة الطف مطروحة على أرض كربلاء، ثلاثة أيّام بلا دفن، تصهرها حرارة الشمس المحرقة، قال أحد الشعراء حول مصرع الإمام الحسين (عليه السلام):
هذا حسين بالحديد مقطّع* متخضّب بدمائه مستشهد
عار بلا كفن صريع في الثرى* تحت الحوافر والسنابك مقصد
والطيّبون بنوك قتلى حوله* فوق التراب ذبائح لا تلحد .
وكانت قبيلة بني اسد
قبيلة تعيش أطراف كربلاء، خرج رجالها يتفحَّصون القتلى، ويتتبَّعون أنباء الواقعة بعد رحيل جيش عمر بن سعد إلى الكوفة، فلمّا نظروا إلى الأجساد وهي مقطّعة الرؤوس، تحيّروا في دفنها، فبينما هم كذلك جاء الإمام زين العابدين (عليه السلام) بمعجزة طي الأرض إلى أرض كربلاء.

قال السيّد المقرّم: (ولمّا أقبل السجّاد (عليه السلام) وجد بني أسد مجتمعين عند القتلى متحيّرين لا يدرون ما يصنعون، ولم يهتدوا إلى معرفتهم، وقد فرق القوم بين رؤوسهم وأبدانهم، وربما يسألون من أهلهم وعشيرتهم! فأخبرهم (عليه السلام) عمّا جاء إليه من مواراة هذه الجسوم الطاهرة، وأوقفهم على أسمائهم، كما عرّفهم بالهاشميين من الأصحاب فارتفع البكاء والعويل، وسالت الدموع منهم كل مسيل، ونشرت الأسديات الشعور ولطمن الخدود.
ثم مشى الإمام زين العابدين (عليه السلام) إلى جسد أبيه واعتنقه وبكى بكاءً عالياً، وأتى إلى موضع القبر ورفع قليلاً من التراب فبان قبر محفور وضريح مشقوق، فبسط كفّيه تحت ظهره وقال: (بسم الله وفي سبيل الله وعلى ملّة رسول الله، صدق الله ورسوله، ما شاء الله لا حوّل ولا قوّة إلاّ بالله العظيم)، وأنزله وحده لم يشاركه بنو أسد فيه، وقال لهم: (إنّ معي من يعينني)، ولمّا أقرّه في لحده وضع خدّه على منحره الشريف قائلاً:
(طوبى لأرض تضمّنت جسدك الطاهر، فإنّ الدنيا بعدك مظلمة، والآخرة بنورك مشرقة، أمّا الليل فمسهّد، والحزن سرمد، أو يختار الله لأهل بيتك دارك التي فيها أنت مقيم، وعليك منّي السلام يا ابن رسول الله ورحمة الله وبركاته).
وكتب على القبر: (هذا قبر الحسين بن علي بن أبي طالب (عليه السلام)، الذي قتلوه عطشاناً غريباً).

يگول

هذا الغريب المات العطشان
اليوم اجيته وگلبي خلصان
وسدت جسمه بين تربان

شلون ابوي حسين ينشال
جسمه يويلي مگطع اوصال
لميته بيدي والدمع سال

گلبي انمرد من هذا المصاب
وسمعت صوته يردلي اجواب
يگلي خلي نحري فوگ الاتراب

شد النحر والراس يبني
وعبدالله خليه اعله صدري
سمعته ونفذ ياشيعه صبري

ثم مشى إلى عمّه العباس (عليه السلام) فرآه بتلك الحالة التي أدهشت الملائكة بين أطباق السماء، وأبكت الحور في غرف الجنان، ووقع عليه يلثم نحره المقدّس قائلاً: (على الدنيا بعدك العفا يا قمر بني هاشم، وعليك منّي السلام من شهيد محتسب ورحمة الله وبركاته).
وشق له ضريحاً وأنزله وحده كما فعل بأبيه الشهيد

يگول

لگيته النهر طايح لگيته
عمي النسولف عن حميته
جبت الجفوف ووسديته

لكيت الجفوف وعاينتهن
بدموعي بجيت و بللتهن
النوب وي جسمه دفنتهن

من عمتي هاي الوصية
گالت من تصل للغاضريه
تدور اديه يابعد اديه

هاي الجفوف الدگها لخته
وشمرهن لسكنه من نخته
حنين وينحلف كله اعله بخته

، وقال لبني أسد: (إنّ معي من يعينني)! نعم ترك مساغاً لبني أسد بمشاركته في مواراة الشهداء، وعيّن لهم موضعين وأمرهم أن يحفروا حفرتين، ووضع في الأُولى بني هاشم، وفي الثانية الأصحاب وأمّا الحر الرياحي فأبعدته عشيرته إلى حيث مرقده الآن
وبعدما أكمل الإمام (عليه السلام) دفن الأجساد الطاهرة، عاد إلى الكوفة والتحق بركب السبايا.
يگول لزينب

عمه اجيتج من دفنهم
سلام ودوه لعمة ابنهم
گلها المنيه فارگتهم

لو ماالمنيه جا بقينه
نگضي عمرنه ويه الحنينه
لكن امر الله مو بدينه

افراگ اليموت افراگ گوه
خلصت ايام الگبل حلوه
انگضت ويه اهل المروه
ـــــــــ

بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام لهhttps://www.tg-me.com/Wounds_AshuraOne

نعي حول دفن شباب الغاضريه



يدفان ذوله اولاد حلوين
وعله الكبر جنهم مسرعين
عافو اهلهم ليش ماشين


الشبان حط عينك عليهم
حلوين جانو كل حجيهم
وياك خلنه انروح ليهم

نمشي عله اكبور الشبابات
عدهم عيون اشلون حلوات
عليهم بكت بالكلب حسرات


حسراتهم ظلت بهلهم
يردون بالله هيج كلهم
لو نكطع الظنه احنه منهم
ابنوم الكبر شبان شلهم


حلوين ويغير المعاني
ويا نومكم والله تلوهاني
يكون الموت وياهم خذاني


خذاني الموت وياهم اريده
الفاكد ولد كولو شيفيده
صوب المنيه يروح بيده


الكبور وسعهه يدفان
عدك تره حلوين شبان
ارسومهم تخرب ابتربان

عينك عله ذيج الصبايه
وراسي خوه ووشلت مايه
ماجانت ابالي يهايه



حلوين عل نومه بعدهم
ابنوم الحد كول شعجلهم
بلكت يردون عله امهم
توسع انريد احنه لحدهم


اجروح يا الشبان بيهه
وعميه تره عيوني عليهه
اخذنه نروح انريد ليهه

حلوين مو مالين نومه
وندري الولد تخرب ارسومه
حار الكبر ويدوم يومه

يومه ثجيل وما يحمله
ابنوم الاحد يالولد شله
محروم من دون البحله


عله الولاد خل الكبر مفتوح
حته نجي كل يوم ونروح
نشتم عطرهم ترجع الروح



*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه لهhttps://www.tg-me.com/Wounds_AshuraOne

قصيده ثقيله للدفنه على طور قصيده يا ناكه من اوصل هلي ياناكه بهداي
ا...

يا غيمه من حر الشمس صيري اله فياي
يم الولي ابقى حرس ماتقبل عداي
ظلي على جثمانه
لمن تجي الدفانه
هذا الوضع ماينحمل عذبني هواي

ا===============

يا غيمه هاي ام الخدر زينب تحاجيج
اعتبري جسم المنطرح ياغيمه واليج
لا تكولي شنهو المشكله شو عفتي اهاليج
غصبا رحت يا غيمه
وعفت الولي بالهيمه
انا الصحت عن الشمس صيري اله فياي

ا===============

جان برداء ابن النبي يظلل عليه
وهسه انا يا غيمه رحت عنه سبيه
فوك الجمال الضالعه انصب عزيه
ماتمهم على الناكه
والعدو ضعني ساكه
اخته وعليه تعذبت كلفتج بهاي

ا===============

كلفتج انا بخوتي سمعي كلامي
لو رحتي فوك ابن النبي بلغيه سلامي
كليله راحت بت علي بليه محامي
ماظل الي بس عليل
امشي ودمع عيني يسيل
ماجره مثل اللي جره عالوادم وياي

ا===============

انا الفكدت من اخوتي واحد وسبعين
واكثر مصاب اللي جرحني مصاب الحسين
ظل باراضي كربله من غير تجفين
يصعب علي تغسيله
متكسره مفاصيله
محد يهمه من العده ضيمي وبلواي

ا===============

محتار مابين العده ظليت بايتام
وكافل ضعن زينب بقى مابين ظلام
ما صدكت عني الكفل عالمشرعه نام
نام وتركني لحالي
مسبيه وي جتالي
اصرخ كمت من الحزن منين اجت هاي
ا===============

ام تبارك الخفاجيhttps://www.tg-me.com/Wounds_AshuraOne

الشاعرة ام زينب كربلاء:
لطميه لدفنه


يادفان الاحباب عندي وياهم عتاب
ترابك لاتهيله وتعور دليله
يافان الاحباب
**
يادفان حط عينك عالصواب
بهيده من تريد تهيل التراب
براضه عالثره وسدهاالاركاب
وصيه من العقيله
النحر لمن تشيله
بهيده هيل التراب
يادفان الا حباب
**
بهونك من تشد الجرح بهداي
تراب الكبر هيله ورشه بالماي
عطشانه جبدته ثمرة احشاي
بهونك من تجره
لايلجم صدره
بعده الجرح ماطاب
يادفان الاحباب
****
اتمنه حاضره بسا عت دفنهم
يسمعون العتب من عمت ابنهم
اخوتي اعزاز وشمحله عتبهم
اعاتبهم واكلهم
بالذله حرمهم
راحن ويالاجناب
يا دفان الاحباب
*
وصيه وياك دور خنصر ايده
واخوي الحيد كله اخته تريده
يسيره وكطعت دروب البعيده
عتب ويالكفلني
جتالك هظمني
عليه رد الاجواب
يادفان الاحباب
**
خط عتاب يم عباس خليه
وسلامي هواي للكافل توديه
كله اخته ذليله وتعتب عليه
وجفوف الشفيه
حبهن حيل اليه
كبل لاتغلك الباب
يادفان الاحباب
*
ام زينب كربلاء
غير مبري الذمه الي يتلاعب القصيده او يحذف اسم الشاعره
https://www.tg-me.com/Wounds_AshuraOne

*قصيدة للدفنه (بوية يحسين)*
*(من ديوان 📚 عبرات وأنين في رثاء الطاهرين ج٤)*
❥━──➸➽❥❂❥━──➸➽❥❂
*لسان حال الامام السجاد(ع) عندما رجع الى كربلاء وجاء ليدفن جسد ابيه الامام الحسين(ع) وهو يبكي ويخاطبه ويقول:*

      *اشلون اوسدك باللحد* 
          *يالابو گلبي انمرد*

بوية يحسين          بويه يحسين
❥━──➸➽❥❂❥━──➸➽❥❂
بوية گلي اشلون اوسدك آه يغالي
وجسمك بلاراس هذا الهظم حالي
راح من عگبك يغالي كل دلالي

*راح وياك العمر … بعد ماعندي صبر*

بوية يحسين          بوية يحسين
❥━──➸➽❥❂❥━──➸➽❥❂
بعد ما عندي صبر بويه بغيابك
على گبرك يالولي تنحب احبابك
يا عضمها مصيبتي وقصة  عذابك

*آه من ظلم الدهر ... عذباني من الزغر*

بوية يحسين          بوية يحسين
❥━──➸➽❥❂❥━──➸➽❥❂
اه منه هالدهر حرمانه منك
موذر عله الغبره يالغالي انضرنك
تحيرت يحسين گلي اشلون ادفنك

*وانت نايم عالتراب… اموذر ودمك خضاب*

بويه يحسين.              بويه يحسين
❥━──➸➽❥❂❥━──➸➽❥❂
نهدم حيلي آ يبوية من نضرتك
سابح بدمك واشوف موذره جثتك
شنهي سوت بيك الخيول من اجتك

*طاحنه اضلوعك طحن…شفتك وظليت اون*

بويه يحسين                 بويه يحسين
❥━──➸➽❥❂❥━──➸➽❥❂
حفرت گبرك بيدي والمدمع اهله
وجيت اريدن جسمك بگبرك انزله
لملمت يحسين بيدي وصله وصله

جثتك گوة شلتها…وصله وصله لملمتها

بويه يحسين           بويه يحسين
❥━──➸➽❥❂❥━──➸➽❥❂
*بقلم ✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحة الى روح اختي ولأمواتكم:🍃*https://www.tg-me.com/Wounds_AshuraOne

#الطميه_بديوان_بحر_الولاء_الجزء_٣_.


لطميه ليلة الدفن


عندي اويه الولي اعتاب
يادفان الاحباب
بخ اكبورهم ماي عطشانين ولياي
يادفان الاحباب
🩸🩸🩸🩸🩸🩸🩸
اوصيك ابوصيه اهنا يدفان
عينك من تشيل اجساد الاخوان
وسع اكبور حلوه الذيج الابدان
اورش ابماي كبر المات عطشان
ابراضه لو تنزلوه عنه الترب زيحوه
يادفان الاحباب
🩸🩸🩸🩸🩸🩸🩸
اوصيكم يدفانه على حسين
بخو اتراب كبره اوسبلو الايدين
لاراس البكه عنده ولاعين
راح اعله الرمح بيده الملاعين
كلبي ليهم اشتاك مايتحمل افراك
يادفان الاحباب
🩸🩸🩸🩸🩸🩸🩸
يدفان اخوتي اهل الحميه
اوصيك اعله خواني وصيه
رش اكبورهم بالله اميه
عطشانين ماتو علوطيه
كلبي اليوم ماجاز آيافركه الاعزاز
يادفان الاحباب
🩸🩸🩸🩸🩸🩸🩸
يادفان شيله امنلترابه
اخوي حسين لاتلجم اصوابه
عطشان اودماه صاير اخضابه
يمه اكبور حط بيهه اصحابه
وسع اكبور الهم اوحط الماي يمهم
يادفان الاحباب
🩸🩸🩸🩸🩸🩸🩸
يادفان اخيي مو تعوفه
ذاك العلنهر كطعو اجفوفه
احملنك وصيه من تشوفه
كله اويه العده عرضك توفه
ماضن برضه عباس يتركني اويه الارجاس
يادفان الاحباب
🩸🩸🩸🩸🩸🩸🩸

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*https://www.tg-me.com/Wounds_AshuraOne

قصيده للدفنه
تقرأ  بعدة اطوار
===========


الگبر  لاباب لاشباچ

الوالي شلون اشوفنه

عندي عتاب وي حسين

 بحليب   امي   اطلبنه

===========

عندي عتاب ويه الراح
اريد اعتب واجر حسره

واگله فرگتك ياخوي
  خلت بلگلب جمره

نحنه ضهري يماي العين
گلبي انكسر شيجبره


اريد اشكي الهظم ياناس
الوالي  شلون  اشوفنه

بحليب امي اطلبنه

🚪🚪🚪🚪🚪

ياريت الگبر بي باب
لو شباچ لو فتحه

وراوويك المتون السود
وشگد روحي منجرحه

الظيم المر علينه هواي
مانگدر تره انشرحه

محتامه واجيت اليوم
الوالي شلون اشوفنه

بحليب امي اطلبنه

🚪🚪🚪🚪🚪

اطلبنه بحليب امي
يگعدلي الولي مريود

اخبره بلجره والصار
ومتوني هذنّي شهود

واخبرنك يبو الشيمه
صاحو بلخيم فرهود

خلاني ومشه ياحيف
الوالي شلون اشوفنه

بحليب امي اطلبنه

🚪🚪🚪🚪🚪

الگبر لاباب لاشباچ
شلون اگعد وحاچيهم

واسولف عن مرار البين
وعن ظيمي وابچيهم

يطگني الناصبي بلسوط
مايرضون انه ادريهم

جيت محمله ب الالام
الوالي شلون اشوفنه

بحليب امي اطلبنه

🚪🚪🚪🚪🚪

الگبر مسدود مابي باب
شلون اشوفن الوالي

شلون ادخل على ابن امي
وشكيله هظم حالي

واگله خذني خويه وياك
الموت وياك يحلالي

بعد مايرد لينه المات
الوالي شلون اشوفنه

بحليب امي اطلبنه


===========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
https://www.tg-me.com/Wounds_AshuraOne

قصيده ثقيله للحسين للدفنه
=======

اريد اوصل گبرهم

واصب دموع يمهم

نامو حدر التراب
ذيچ اوجوه الاحباب

شيوصلني يمهم

=======

شيوصلني والمگبره ابعيده

حرمه شلون اطر واگطع البيده

راح البيه محنه والأريده

بعد المن اعاتب
نومه علترايب

شيوصلني يمهم

🕳🕳🕳

چبيره المگبره وگبورها هواي

چا ياهو يدليني اعلى ولياي

ارش گبورهم بلورد والماي

اريد اگعد بكتره
وجر يمهم الحسره

شيوصلني يمهم

🕳🕳🕳

ودعنه الحنين وخلصت وياه

وعافلنه الحزن والدمع والاه

گليلي يدنيه شلون انساه

انسه الغالي اشلون
علينه لاتعتبون

شيوصلني يمهم

🕳🕳🕳

ياريت الحنين يطول عمره

لو جار الوكت اگعد ابكتره

مشه وخله العزيز بگلبي حسره

اجر حسرات كل يوم
ابد ماضايگه النوم

شيوصلني يمهم

🕳🕳🕳

شحلات الاهل لو مره اعتنيهم

يشيلون الولد مابين اديهم

هله وكل الهله يگلي من اجيهم

يتلگونه بلباب
هله بجية الاحباب

شيوصلني يمهم


=======
خادمة ال البيت وخادمتكم الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء عhttps://www.tg-me.com/Wounds_AshuraOne

لطميه فزاعيه لدفن الحسين عليه السلام
=========


خال ابني وعليه

موش بلهون

اخذوني وياكم هنا يلتدفنون

=========

خذوني وياكم احضر دفن الاجساد

خذني وياك ياعمه يسجاد

ثلث أيام وهلي عني ابعاد

وحليته / وحزام الخوه

➖➖➖➖

يادفان خل اتوادع وياه

وانزل للگبر وتوسد احذاه

ابوسن منحره وتحنه بدماه

وهد حيلي / يايوم الوالي

➖➖➖➖

يادفان خل احچي وي الحسين

من يسمع ونيني يفكلي العين

اگله اتفرهدت خويه الصواوين

وصيواني / وتفرهد خويه

➖➖➖➖

ارد اعاتب العباس هليوم

چاوين الوعد خويه يجيدوم

اگعد ياشهم بسك من النوم

ومن النومه / اگعد ياخوي


➖➖➖➖

اگعد ياشهم ياگمر دنياي

خلافك ياعزيز متيها الراي

اطفالي عطاشا هنا يرواي

ويسكيها / اطفال الضلت

➖➖➖➖

منكم يا اخوتي اگطعت الضنون

علينه يانشامه ماتردون

مهظومه العزيزه شلون ترضون

ويهظموني / ماضن ترضون


=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
https://www.tg-me.com/Wounds_AshuraOne

فزاعيه للدفنه

يادفان عندي عتاب وياه
ريض لاتغطي حسين بثراه

...........
عندي عتاب ويه الدللاني
مايدرون بالضيم الفاني
افراكه والهظم غير اللواني
عزيز الروح مشتاكه عالمكاه
........
انه اشتاكيت لحبابي الاودهم
امشي باليسر والروح عدهم
اتمنه حاضره بساعت دفنهم
اشمن عطر ااخيي واكعد احضاه
........
اشمن ريحته العنت عليه
واكله وداعتك ماحيل بيه
روحي معلكه بالغاضريه
ماراحت يوالي ضلت هنا
.......
ياخال الولد عتبك ازيده
عندي عتاب والعباس اعيده
واكله اشلون بدروب البعيده
ضعنك ياغيور الشمر وداه
.......
تاني خل تجي زينب يدفان
مهظومه وتريد اتشوف الاخوان
وتكله بالمتن يحسين نيشان
ماتدري الشمر بالسوط طكاه

.......

هاي القصيدة من كتاب الماسي العلويه الجزء الحادي عشر

.✍إم زينب كربلاء
غير مبري الذمه الي يتلاعب القصيده او يحذف اسم الشاعرهhttps://www.tg-me.com/Wounds_AshuraOne

لطمية للدفنة ( چم حافر لگيت )


چم حافر لگيت ... بصدر ابو اليمه
بدمعك من غسلته ياعلي عمه


چم حافر لگيت امكسر بصدره
بيمن وسديته وعالرمح نحره
احچي اوياي عمه وبسك العبره
اشلونه اصواب گلبه الغارگ بدمه
چم حافر لگيت ... بصدر ابو اليمه


اشلونه اصواب گلبه ياعلي اشلونه
بالتابوت كل ميت يشيلونه
وابوك حسين عدوانه شيطلبونه
خذوني ابساع ماخلوني اشد عزمه
چم حافر لگيت ... بصدر ابو اليمه


خذوني بساع للكوفه ورحت عنه
لاخلوني اودعه ولاادفننه
چم طبره شفت بحسين چم طعنه
اجروحه اهواي لو هب الهوه يلچمه
چم حافر ... لگيت بصدر ابو اليمه


تربان وسموم يلچمن اجروحه
هاذا حسين فدوه ارواحنه الروحه
ليش اجنازته لليوم مطروحه
ماكو احباب بس عدوان ملتمه
چم حافر لگيت ... بصدر ابو اليمه


ماكو احباب عند حسين وتشيله
عشر اخيول اجن رضن مفاصيله
هم نشداك عني وعن مداليله
مايدري الحنين اچتافنه امورمه
چم حافر لگيت ... بصدر ابو اليمه


مايدري الحنين اچتافنه شبيهه
واسياط الشمر يتلون اعليهه
رقيه تصيح يابويه وشحاچيهه
مشتاگه الوليهه ورايده اتشمه
چم حافر لگيت ... بصدر ابو اليمه


تعذبني وتدولبني وتشيبني
بت حسين عن حسين تنشدني
شحاچيهه وشگلهه وانگطع ضني
راسه اوياي جبته وبالحرب جسمه
چم حافر لگيت ... بصدر ابو اليمه



لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخرhttps://www.tg-me.com/Wounds_AshuraOne

من ديوان عبرات وأنين ج ٤
قصيــده فزاعيه مع هوسات للدفنه
❥━──➸➽❥❂❥━──➸➽❥❂
بهيده وياه يادفان الحسين
ضلوعه مكسره من حافر البين
❥━──➸➽❥❂❥━──➸➽❥❂
بهيده وياه هذا ابن الزچيه
ضلوعه مكسرتها خيول اميه
ظل اعله الترب جثه رميه
((تسيل دماه//موذر جسمه))
❥━──➸➽❥❂❥━──➸➽❥❂
ارد اوصيك يادفان ابو الاكبر
شيله براض جسم الوالي موذر
لاتلچم جروحه وتلچم المنحر
((ولاتنساه//الخنصر دوره))
❥━──➸➽❥❂❥━──➸➽❥❂
لاتنسه تدور خنصر العطشان
شوفه بيا كتر شمرته العدوان
واوصاله اجمعها من عله التربان
((اموذريها//ياويلي الگوم))
❥━──➸➽❥❂❥━──➸➽❥❂
من فوگ التراب اجمعهن اعضاه
وادفنهن ابهيده ابگبره وياه
وگله اختك بگت تبچي وتجر اه
((ايدفنوها//تتمنه وياك))
❥━──➸➽❥❂❥━──➸➽❥❂
گله اختك بگت مدمعها سچاب
ومن عدها الگلب متوجر وذاب
وياك اتمنت يغطيها التراب
((اتخليها//بالغربه اشلون))
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*https://www.tg-me.com/Wounds_AshuraOne

لطمية للدفنة (الله يعين گلبك)


الله يعين گلبك ياعلي الليله
بيش اتغسل المظلوم وتشيله


لاعندك چفن لاماي لاتابوت
گلبك يالعليل امصدع ومبهوت
وي حسين تتمنه الگبر والموت
موش ادموع دم وادموع تبچيله
الله يعين گلبك ياعلي الليله


موش ادموع دم الوالدك تبچي
گابلت النعش شتگول وشتحچي
ودعه ياعلي گبل الدفن واشچي
ومن ضيم ومرار العندك اشچيله
الله يعين گلبك ياعلي الليله


ودعه وعاليسر والضيم سولفله
بهداي الحفرته ياعلي نزله
عن زينب ينشدك گول شتگله
وزينب حايره براسه ومداليله
الله يعين گلبك ياعلي الليله


تصد الراس اخوها وتصد لعياله
يتمرجل عليهه النذل چتاله
الله يعين گلبك من شافت حاله
مذبوح وسليب ومات كل حيله
الله يعين گلبك ياعلي الليله


مذبوح وتوزع بالحرب شفته
وبيمن ياعلي السجاد وسدته
راسه الگوم لبن ازياد ماخذته
من حر الشمس محد يفييله
الله يعين گلبك ياعلي الليله


من حر الشمس محد يغطي الراس
جوه الخيل صدر حسين ابوك انداس
ادفنه وروح دور عن زند عباس
كلف يصواب البعينه اشتسويله
الله يعين گلبك ياعلي الليله


اصواب العين بالك ياعلي تلچمه
العمك روح فض هم الگلب يمه
وي ماي النهر تلگاه يصب دمه
گله اشلون نايم گوم للعيله
الله يعين گلبك ياعلي الليله


لشاعرة اهل البيت
ام هجران العمارچيه
غير مبري الذمه من يمحي الاسم او يغيرهhttps://www.tg-me.com/Wounds_AshuraOne