ام جعفر:
نعي شموع ليلة الوحشه


شدورين


واليل ظلمه وتمشين
شدورين يا زينب

وما تلكين. احد تره من اعزازج ماتلكين
شدورين يا زينب

هندس ظلام اليل يأخذها الروح.
شدورين

وشيعوده ليج المذبوح 
شدورين يا زينب

اتلجمين خاف المجروح
شدورين يا زينب

بس لا بجسمه تعثرين
شدورين  يا زينب

اليل جلجل وزلم بل حومه
شدورين يا زينب

وراحت لاخوها البل كلب ملچومه
شدورين يا زينب

مذبوحه راسه وسالبين هدومه
شدورين يا زينب

وبحسين شنهي تشوفين
شدورين يا زينب

بس السهام الطافيات عيونه
شدورين يا زينب

وظلي بمجانك ظلي يالمحزونه

وكلبج بخوج اليله يسحنونه

بسكوت حيل تونين
شدورين يا زينب

شعليله شمعه وكعدي يم الايتام
شدورين يا زينب

بحظنج رقيه زينب اليله اتنام
شدورين يا زينب

خاف عله ابوها كلش تحتام
شدورين يا زينب

ولازم عليهه  تصبرين
شدورين يا زينب

وام الشباب اليله يا حالتهه
شدورين يا زينب

شمعة بحزن ام الولد حطتهه

الله يالفكدت شكد حسرتهه

شدورين يا زينب
شبان راحو حلوين
شدورين يا زينب

وام الرضيع وياج تمشي تكعده
شدورين يا زينب

هلبت تجيب اوليدها وترده
شدورين يا زينب

امه تهزه اتريد هيه بمهده

وحال الزغير موزين
شدورين يا زينب

وعدج سوالف وي كفيلج كثره

شدورين يا زينب
يم النهر عباس كون تمره

وحشه عليه اليله كلش كشره
من بعد ذيج الجفين

شدورين يا زينب


لخادمة الزهراء. العلويه ام جعفر غير مبري الذمه من يحذف الاسم وياخذ الكلام وينسبه له ج
https://www.tg-me.com/Wounds_AshuraOne

نعي
ليله الوحشه

الدهر ضيم ومصايب وآلمالي
وصل لمّي الزجيه وآلي مالي
وحشه الليله وآنه وآالي مالي
غريبه بلا اخو بالغاضريه
ـــــــــــــــــ
المصايب بالطفوف اهواي خيمات
عليّه وصحت يم حسين خي مات
وحشه ومابقت للخدر خيمات
احتركَت خيمة اخواني عليّه
ـــــــــــــــــ

نعي
الوحشه
الليله وحشه وبس حرم ويّايه
حسين ماهو ولا جفيل الرايه
اطفال كلهه تريد يلفي ابمايه
اطفال والله العطش حيل اذّاهه
ــــــــــــــ
لاخيم عندي وحرت يا بالفضل
وين انيم الحرم شيهود الطفل
هيج بيّه ايصير لا ما تنعقل
الكفل زينب بالغرب خلّاهه
ـــــــــــــــــ
الليل مظلم والعده تغير وتصول
وانه يمي بس حرم جا شرد اكَول
خويه باجر سفرتي وياهم تطول
الزمن هاي المحنه الي راداهه
ــــــــــــــــ
الشاعر  محمد حسن🏴أنت المعزى سيدي يا صاحب الزمان ... عظم الله اجوركم💔

✍️.. .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👤....................🥺😭💔...خدمتكم شرف لنا 
https://www.tg-me.com/Wounds_AshuraOne

قصيده للاخ

وتقرأ ليله الوحشه عن لسان السيده زينب ع وهيه تتذكر ايامها مع اخوتها .💔
❥❥❥❥ـــــــــــــ❁❁ـــــــــــــ❥❥❥❥
تـــذكريت اسنينــه وذيج اليالي
الجان بيـها يلاخوو مـرتاح بالي
❥ـــــــــــــ❁🪶❁ـــــــــــــ❥❥
تذكرت والــذكره راحت للطفوله
شلون انسه ايامنه بهاي السهوله
عمر مابيـــه الاخو شنـهو حلوله

يكسر الخاطر بدونك خويه حالي
❥ـــــــــــــ❁🪶❁ـــــــــــــ❥❥
تذكرت ونست اهلنه وذكرياتك
جنت تضحك حته تسعدهن خواتك
حيل مشتاكه يخي انه لصفاتك

غالي انته عالكلب وشكثر غالي
❥ـــــــــــــ❁🪶❁ـــــــــــــ❥❥
ضحكتك ليهسه مرسومه بخيالي
تدري وحدي بگيت ماواحد بگالي
كلها راحت مني وبالضـــيم حالي

يالحنين بفركتك دمعتي تلالي
❥ـــــــــــــ❁🪶❁ـــــــــــــ❥❥
الي وياك اعتاب بس خافن اتعبك
حكي اعاتــب لان انه حيل احبك
كونك ترد واجــــي بلـهفه اضمك

الدنيه مره ومرمرتني اه يوالي
❥ـــــــــــــ❁🪶❁ـــــــــــــ❥❥
محد اخلافك يكلي شبيج مابيج
ليش زعلانه يخـويه شنو الماذيج
منو المزعلج يروحي وخل اراضيج

الحزن ياخويه بغيابك هل حلالي
❥ـــــــــــــ❁🪶❁ـــــــــــــ❥❥
للشاعره غدير الحساني
اداء والحان ملا ام علي
#اهدي_عملي_الئ_قبر_اخي_سجاد_رحم_الله_من_قرأ_سوره_الفاتحه_معطره_بذكر_محمد_وال_محمد 🙏
https://www.tg-me.com/Wounds_AshuraOne

قصيده ليله الوحشه

زينب بت علي بحالهه الصار
الليله حايره واخوتها طشار
〰〰〰〰〰〰
اذا رايد تواسيهه بمصيبتهه
اذكر يا وضع هالليله حالتهه
عالتربان متوذرين اخوتها
حٌيِّرهاِ الزمان عليها من دار
〰〰〰〰〰〰
حيرها الزمان شلون حيره
مهظومه صفت وسفه الاميره
تنادي كوم ياراعي الغيره
خيمنه يبن ابويه شبت بنار
〰〰〰〰〰〰
هاي الليله زينب فكدت الروح
ظلت بس جسد ومعاشر النوح
شافت عالترب الحسين مطروح
وتتعثر بقت باجساد الاطهار
〰〰〰〰〰〰
تعد اطفال ماكو الليله فكدتهه
راحوا بالهجوم الخيل داستهه
تعاين عالعليل تذوب مهجتهه
مايكدر يكوم يلم الازغار
〰〰〰〰〰〰〰
راحت يم جسد حامي الضعينه
تكله اكعد يخويه تمرمرينه
احنه بشيمتك ياخويه جينه
وسفه تعوفنه يولونه الاشرار

〰〰〰〰〰〰〰
مصايب هاي كلهه شلون حملتهه
نهد حيل العقيله وزاد حيرتهه
مجتوفه وسبيه شصعب حالتهه
تحشم بالكفيل تحشم الانصار
〰〰〰〰〰〰〰〰〰〰〰〰〰〰
تمت بعون الله تعالى
✍ نور الهدى الأسدي بنت خادمه الزهراء ام حسين الأسدي القصائد واﻻطوار موجوده في القناه لﻻشتراك اضغطhttps://www.tg-me.com/Wounds_AshuraOne

لطميه للأحباب ليالي الوحشه

ذكري  الاحباب    ذكري الاحباب
بدمع سجاب      بدمع سجاب
ذكري  ذيج  ايامهم
وابجي عله  اغيابهم

ذكري  الاحباب  يروحي
...........
شكثر  متروس الكلب شوك عله اهلنه
اذكرتهم   واجذبت    ونه عله  ونه   
اليوم  حنيت  الاهلي  وذيج المحنه
علينه  طال اغيابهم  والون   كتلنه

 علينه  سدو بابهم
وابجي عله  اغيابهم

ذكري الاحباب     ذكري الاحباب
...........
سدو  الباب  وبعد   لينه  شيردهم
بدمعي اعاتب  يادهر  رد  النحبهم 
حيل مشتاكين   للكعده   وسمرهم
كون  يجمعنه الوكت ويه النودهم 

احنان يحله عتابهم
وابجي عله اغيابهم
ذكري الاحباب      ذكري الاحباب
............
ارد اكلهم  مانست  روحي الحزينه
والكلب  من يومهم  زايد   ونينه
عتاب عندي  ليش  مانشدو علينه
يالنسونه  واحنه  نذكر   مانسينه

بكلبي ضل صوابهم
وابجي عله اغيابهم

ذكري الاحباب    ذكري الاحباب
............
روحي ماتنسه العشت وياهم سنين
لاكطع ون  الكلب   لادمعت  العين
كل ساعه اسولف وحدي ويالبعيدين 
اشتاك لحباب الكلب واجهر بالونين

شلع كلبي فراكم
وابجي عله غيابهم
ذكري الاحباب    ذكري الاحباب
.............
وني  يالراحو هلج  وابجي عالزينب
ذكري يوم الحملت  عالناكه تنحب
مشت عنه بلاولي والروحه تصعب
عافت حسين عالثره وبدم تخضب

ماكو  مثل  مصابهم
ابجي عله غيابهم
ذكري الاحباب      ذكري الاحباب

✍أم زينب كربلاء غير مبري الذمه من يأخذ الكلام اويحذف الإسم من كتاب المآسي الفاطميه الجزء الثلاثين
https://www.tg-me.com/Wounds_AshuraOne

*من ديوان 📚 مسير الفواطم لإرض المظالم الجزء ٣*
*هوسه مع قصيده ختاميه ل ليله الوحشه*
❥━──➸➽❥❂❥━──➸➽❥❂
الليله ام عون حزنانه وتهل العين
حرگوها‌ خيمها گوم الملاعين
وين اليلطم وياها اعله اخوها حسين

*القصيده:*

*كلنه وياچ زينب لا تخافين*
الليله للصبح نلطم عله حسين
وعله الكافل الضل بلايه چفين
الشيعه وياچ هالليله محزنين
نلطم والدمع يجري من العين
وبليلة الوحشه انتي تونين
وما بين الجثث رحتي تدورين
عله إبن امچ الطاح وما اله معين
گلبچ يم طهر منجسم نصين
وعله يا حال گمتي انتي تنوحين
شلون لوحدچ بليل تمشين
ما واحد إجه من اهلچ الطيبين
نامو عالثرة كلها الميامين
وعليمن هالنضر انتي تديرين
بوسط الحومه يبن امي تصيحين
اگعدو يا هلي كلنه مكدرين
واطفال وحرمكم تمشي لا وين
وباچر للسبي كلنه مرحلين
نمشي ميسرات ويه الملاعين
ويدخلونه يا خوية بدوواوين
يروحي اهلچ مشو بيمن تزمطين
*(حاميني اگعد يالكافل)*
*(تدريني ما احمل فگدك)*
❥━──➸➽❥❂❥━──➸➽❥❂
*بقلم✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

قناة دمع زینب للقصائد والالحان
کل ما تحتاجه تجده هنا قصائد
نعي ابوذيات حديث https://www.tg-me.com/Wounds_AshuraOne

الشاعرة ام زينب كربلاء:
لطميه ليلة الوحشه

احاجي اليل وانحب حيل

واسولف ويه نجماته

اكله شلون دنيا تخون

واخونه عاف اخياته

🎤🎤🎤🎤🎤🎤🎤
لاخيمه البكت عندي ولا وليان
اسولف وحدي ودمعي يهل جروان
ساعه اندب علي وساعه كمر عدنان

بيه جروح تشوغ الروح

اه يانار الشماته واخونه عاف اخياته
🎤🎤🎤🎤🎤🎤🎤🎤
اسولف ويه روحي شلون عاينته
صدك عدله اصبحت وحسين فاركته
وراسه وياي فوك الرمح شايلته

شني صبري شلعب دهري

اه يالدهر واهاته اخونه عاف اخياته
🎤🎤🎤🎤🎤🎤🎤🎤🎤

الم وافراك والحسرات ملمومه
المن اشتكي واهلي صفو نومه
واحد طاحن جفوفه واحد سلبو هدومه

اروح المن واعاتب من

دوت بالكلب جمراته واخونه عاف خياته
🎤🎤🎤🎤🎤🎤🎤🎤🎤

صاحت والدمع بالعين دم جاري
كعدت بالمعاره وتشكي للباري
محتاره بفركته والمت وازغاري

خويه حسين عميه العين

من اسمع عزيزاته اخونه عاف اخياته
🎤🎤🎤🎤🎤🎤🎤🎤🎤
اسمعهن يصيحن لصبح يحسين
شبعنه اهموم وانته عالتراب ارهين
لوصاحن يبويه دم تسيل العين

شوف الحال يهد اجبال
وعليل اتسيل دمعاته اخونه عاف اخياته
🎤🎤🎤🎤🎤🎤🎤🎤

✍ام زينب كربلاء
غير مبري الذمه من يأخذ الكلام او يحذف الاسمhttps://www.tg-me.com/Wounds_AshuraOne

قصيده ثقيله مربعه للحسين ع
في ليلة الحادي عشر من محرم عندما رات زينب سواده على باب الخيام فقالت لها ايتها السواده ان كنت تردين سلبنا فنحن والله مسلوبات وان كنت تردين ترويعنا فنحن والله خائفات مرعوبات فنادها بنيتي زينب انا ابوك علي جئت لحمايتكم ولسان الحال يقول
=========

نعي قبل القصيده👇🏻
.

تگله يلجاينه وبتالي الليل

عوف الحرم عن الخيم ميل

مرعوبات تدري وبايد الحيل

ونخاف من الزلم والخيل

ارحم بحالي وبلمداليل

=========
القصيده 👇🏻
.

يفارس يل الاجيت بصوب الخيام

عليك الله ترد لتروع الايتام

يگلها لاتخافين
يبويه انه ابو حسين

اجيتچ حارس من العده الظلام

=========

صاحت ياعلي الحگ علينه

من گوم الكفر بويه نولينه

ذبحو كافلي وذبحو ولينه

وخلوني غريبه
الكفلني منين اجيبه

وخوي حسين بويه على الرمل نام

{{{{{{{{■}}}}}}}

اجيت من الغري يازينب احميچ

بويه لوحدچ لاما اخليچ

ذبح حسين ياذيني ويأذيچ

شفته بگلبه مطعون
وگلبي لهسه مسحون

گلبي على حسين امحمل الالام

{{{{{{{{■}}}}}}}

جيت من الغري احرسچ بليل

وشوف شلونه حالچ والمداليل

بويه دمعتچ تچوي من تسيل

بسچ لاتنوحين
جرحي صار جرحين

الجرالچ ماجرى حتى بلاحلام

{{{{{{{■}}}}}}}}

اجيتچ حارس بهاي المسيه

يهدم اجبال ياهم العليه

على المكتوب يابويه شبديه

جيتچ حارس عليچ
ابوچ و مااخليچ

اريد احميچ من الماهم اسلام

{{{{{{{■}}}}}}}}

يبويه اتصبري لهاي المصيبه

ولو ادري الگلب يسعر لهيبه

يابت فاطمه الحره النجيبه

صبري علجرالچ
وحفضيهم اعيالچ

ياوسفه يبويه الفرح مادام


=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
https://www.tg-me.com/Wounds_AshuraOne

ام جعفر:
ام جعفر:
قصيده حول ليلة الوحشه




ها يزينب. ماكو اعزاز التحضرچ. 

ها يزينب.  وحشه حيل اليله عدچ

لا حسين ولا اخوچ   ظلمه حيل وما اجوچ

ها يزينب. ها يزينب




الیل هندس والمره تصعب عليهه
وبين غربه وعايله وتفكد وليهه
بشلوه زينب ظاله تفرچ بديهه
ماتنام وناطره الكافل يجيهه


ها يزينب//ظاله باليل وحدچ

ها يزينب //وحشه حيل اليله عدج



الحگ الچ واليل كلش غيراچ
ناطره والصوط كل ساعه وراج
البارحه وياج جان الدللاج
وهسه شال البيه محنه وما اجاج

ها يزينب/راح اخوج وكافلج

ها يزينب//وحشه حيل اليله عدج


يعينج الله وحالج اليله صعب
والمناطر عالفكد غالي تعب
ناس يمج كون هسه وتنتحب
اتصبرج عله الصار يحضر كل محب

ها يزينب//وانتي محد كابلج

ها يزينب /وحشه حيل اليله عدج


بس عليل وياج وانتي امرمره
وروحج تشوغ وترد يمحسره
فاكده اعزازج ولا هين تره
الصبر خلص يم اخوج ومنحره


ها يزينب//  كاظيه ومتغيره چنچ

ها يزينب//وحشه حيل اليله عدچ


اهواي شيبتي ولا تشبهين امس
بس علامه ضاله وبيج النفس
حيل تعبانه عله الظل بل شمس
ميته ها يا ام عون بيج اليله احس

ها يزينب// شالو الغالين منچ

ها يزينب //وحشه حيل اليله عدج


لخادمة الزهراء العلويه ام جعفر غير مبري الذمه من يحذف الاسم وياخذ الكلام وينسبه له م
https://www.tg-me.com/Wounds_AshuraOne

قصيده للوحشه

اليوم اعيون زينب تهمل ادموم
ناحل حيلهه وما تكدر اتكوم

💔💔💔💔

اليوم اعيونهه لصبح سهرانه
اليوم مكدره من ضلم عدوانه
اتخاف اعله العزيز احسين وخوانه
مدري شمالني يا خويه هل يوم

💔💔💔💔

خويه الخاطر اختك كوم لضعوني
تموتون وبرض غبره تخلوني
ويم عدوانكم يحسين تجفوني
وتلتم ع حرم يا خويه الكوم

💔💔💔💔

وتلتم ع حريم الزلم والخيل
خويه وداعتك لا ما يضل حيل
اتعثر بلهدم يحسين واميل
واتحمل يخويه ضيم وهموم

💔💔💔💔

انه الخلصان حيلي وعيني هماله
ليش وياي بويه الدنيا مياله
الون والنوح يم احسين وعياله
يذبحه كبال عيني بيوم ميشوم

💔💔💔💔

اشلون ع الارض تبقون طشار
خويه وداعتك مني العكل طار
ابهيمه انه يخويه وبين كفار
وروحي اعله الجثث يا كافلي تحوم

💔💔💔💔

تمت بعون الله تعالئ

بقلم الشاعره والملايه براق جاسم

لا يجوز حذف الاسم واشكال ذمه الئ من ينسب الكلام له


https://www.tg-me.com/Wounds_AshuraOne

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة فزاعية حول ليلة الوحشة 🌺
-------------------------------------------------------

نعي قبل القصيدة
😭
گعدت زينب اتحاجي المنحر
وحشة   و تصيح   الله  اكبر
اخلافك  تگلة  خوية  مگدر

.......
نزلة القصيدة
🙅🏻‍♀️
اجاني الليل  خوية شلون بية
ابنيتك  ضايعة  من  بين  ادية


اجاني الليل واني اصفگ بالايدين
لملمت  الحرم  و ادموعي  بالعين
اعثر  بالجثث  يبن  امي  يحسين
اصعب   ليلة    يالوالي    علية

بقيت   امحيرة  و  امتيهة   الراي
نايم  عالشريعة  الجان  الي افياي
صعبة يالولي من احجي الك هاي
باجر    رايحة    عنك    سبية

گالو  باجر  اتروحين  عنهم
مذابيح اخوتج محد دفنهم
لا جادر  عزة و لا لطم الهم
ما خلوني اون يمك اشوية

شفتك   عالثرة   اموسد   يعيني
حبست بصدري حسراتي و ونيني
و هاي   الگوم   ماهم   راحميني
اخلص   اشلون   گلي   هالمسية

خوية  وداعتك  مهدوم  حيلي 
و هاية  نومتك  گطعت  دليلي
الم  بعظام  صدرك  اه  يويلي
و محد  ينغر  الليلة  الية

-------------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tg-me.com/Wounds_AshuraOne

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 مربعة ليلة الوحشة 🌺
-------------------------------------------------------

جيبنلي  الحصيرة و خل  نلمه
و جيبن ماي نغسل فيض دمه


جيبنلي  حصيرة  و لمن  اوياي
ترا اجروحه ثگيله وكلش اهواي
بيدي اشلون  المه  عمت  عيناي
هذا البي محنة و جان الي افياي
صعبة امصيبته و العين تعمة

الليله اشلون المه واجمع اعضاه
عالتربان  نام   امسلب  اهناه
محد صاحت وصرخت اويلاه
و ما بين الزلم طلعتنة زحمة

ما  عندي  جفن  خاطر  نلفه
و جرحه الينزف ابأيدي انشفة
شلون الليل انامه و عيني تغفة
اريد اشبع وداع و ارد اشمه

ابن امي غفه و الوجل بية
اجيته الليله اون عيني جرية
من بعده العدة تزمخ علية
وهاي الناس ابد ما بيها رحمة

تعالن  خل  نون  و الضيم  نشكيه
ننعة امصاب اهلنة وكلشي نحجيه
و السلبو  اهدومة  خل  نغطيه
عاري اعلة الترابة من يهمه

بنات حسين گومن نمشي بسكوت
ننصبله عزية بگلب مفتوت
باجر نمشي عنه و نجزي و نفوت
ميخلونة نگعد نبجي يمه

خل نشبع اوداع و نشبع ادموع
ابهيدة فدوة لمن هاي الاضلوع
و نمشي للگمر و المتن موجوع
للعباس نشكي كله همنة

-------------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tg-me.com/Wounds_AshuraOne

#الطميه_بديوان_أقل_الوفاء_في_مصائب_كربلاء_الجزء_١١_.


لطميه للحسين عليه السلام


صار الليل واتذكرت الأحباب
بعد يا يوم واسمع دكت الباب
❥━──➸➽❥💔❥━──➸➽❥💔
بعد يا يوم غيابي يجوني
ابطبتهم عليه ايفرحوني
اشكد عنو عليه الدللوني
بفراك الأحبه كلبي انعاب
❥━──➸➽❥💔❥━──➸➽❥💔
صار الليل ودموعي سجيبه
على الشالوا وخلوني غريبه
بعد اعزيز كلبي امنين اجيبه
ويه احباب كلبي عندي اعتاب
❥━──➸➽❥💔❥━──➸➽❥💔
صار الليل وآنه انطر الراحوا
تمر اسنين والأحباب ماجوا
عافوني ابهضمي واستراحوا
اكضي الليل كله ابدمع سجاب
❥━──➸➽❥💔❥━──➸➽❥💔
وين احباب كلبي الجانوا احذاي
شالوا من زمان وكطعوا اوياي
انه حرمه وجبيره اهموم دنياي
من افراكهم حتى الكلب ذاب
❥━──➸➽❥💔❥━──➸➽❥💔
يجيني الليل ابد متغمض العين
ينطر الفجر وآنه بلونين
علي عنت كعدتك خويه يحسين
كلبي عليك خويه امحمل اعتاب
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
https://www.tg-me.com/Wounds_AshuraOne

ام جعفر:
قصيده حول ليلة الوحشه


صلات الوحشه.  خلنه نصليهه

ولرواح لاعزاز.   اليله نهديهه



تعالن خن نصلي اليله جمعيه
ونقره الفاتحه برواح مگضيه
تعبانات ادري وانه مابيه
وسورة فاتحه الهم نوديهه



تعبانات ادري وحيل مابيجن
ومن ظيم السده والقهر كاظيجن
ظل فوك التراب الحار واليجن
وتون ارواحجن وفراكه كاظيهه



محد صله عمه الوحشه تدرنه
وخلنه نكوم نصلي خلنه
من نگضي نجر الاه والونه
عله النامو اليله الدمعه نجريهه



نصلي وفاتحه عله الاهل نقراها
عمتجن كضت والحزن هداها
ام عون اتريد منجن كومن وياها
خلصانه تره عله افراك واليهه



وحشه بكربله كلش تشوفنهه
وظنه من الاهل للموت شيلنهه
ثواب وفاتحه عليهم تسونهه
وكون عيونه من الدمع نعميهه



لخادمة الزهراء العلويه ام جعفر غير مبري الذمه من يحذف الاسم وياخذ الكلام وينسبه له م
https://www.tg-me.com/Wounds_AshuraOne

يا حسين:
يا حسين:
فزاعيه حول ليلة الوحشه



*اجاج اليل يا بت علي المهظومه*

*واخوج عله التراب مسلبه هدومه*



اجاج اليل وأهل اليل ماهمه
وصارت كربله يا ام الخدر ظلمه
صحتي يا ام حسن حضريني يا يمه
كضو كلهم هلي وظليت مالومه




هذآ اليل اجاها وزلم ما عداها
ومفكود الحنين وشال كافلها
اليله ام الخدر بس تجر ونتها
وكل خوانها فوك الترب نومه




محتاره وعليهم بس تجر ونه
واليله من أهلها كطعت الظنه
الله يعينها وشافت الداسنه
بحافر خيلهم وضلوعه مهشومه




اجاج اليل وانتي ما تريدينه
ماعدج محامي وراح ابو سكينه
وكون احزام هليله تشدينه
عكب الدللاج وجان جيدومه




شدي احزام هليله واحرسيهه
هاي العايله المفكود واليهه
عينج عالبنات ولا تضيعيهه
واهلها اتوسدو يا زينب الحومه


*لخادمة الزهراء العلويه ام جعفر*
غير مبري الذمه من يحذف الاسم ويأخذ الكلام وينسبه له
https://www.tg-me.com/Wounds_AshuraOne

فزاعيه ليلة الوحشه

اليلة امنين اجيبنك يعباس
لاخيمه البكت لاعندي حراس
............
لاخيمه بكت لاضلت اخوان
لختك كوم يمكطع الذرعان
يكافل موش الك نومت التربان
حد اختك يخوها شلون ينجاس
...........
صدك نايم وماتدري شجرالي
يخويه من الهظم مشدوه بالي
كوم بساع شوف اختك يوالي
تفتر بالمعاره وتلطم الراس
..........
جلجل ليلها وادير بالعين
ومحتاره بكت بعيال الحسين
بعالي الصوت تنده ياميامين
يالكافل ولونه كوم الارجاس

........
خويه صاح فرهود بخيمنه
ولاوالي بكه ويلم حرمنه
حرك خيامنه وذبحت زلمنه
اختك خلصت واجر بالانفاس
........
اليله منين اجيبك يمهيوب
وحيده وجيش اميه اليوم مكلوب
وكلب اختك بجم صواب مصيوب
اكعد شوف حال اختك ينوماس

........

✍أم زينب كربلاء
غير مبري الذمه الي يأخذ الكلام او يحذف أسم الشاعر
https://www.tg-me.com/Wounds_AshuraOne

لطميه ليلة الوحشه وبدايتها نعي

من جلجل اليل ومابكت حيله
مشنه نروح للعباس نشكيله
وين انبات ياراعي الوفه اليله
لاخيمه ولاوليان ضلت تايها العيله
اسوي رايته خيمه والم بيها مداليله

لطميه

كومن راية العباس خيمه خنسويها
من عيون الاجانب نحتمي بيها
.............

كومن خنروح ونكصد الوالي
اكله تاه خدرك والخدر غالي
وين اتروح خويه اليلة اعيالي
وسكنه مدللتكم وين اوديها
...............
يعمه خايفه واليل يرهبنه
خن نكصد لعد عباس المجنه
ندور رايته وننشد عله اليمنه
بعد عطر المحنه باقي عليها
...............
نشم بريحيته ونأمن اليلة
وبسد الولي ماتكرب العيله
نكعد لصبح بضيم نشكيله
احتركت خيمتي ومحد يطفيها
..............
ضلمه والضلام هواي راعبني
غريبه والدهر عباس دولبني
حكي من ارد اعاتب ياخوال ابني
برايه اليتامه ارد اغطيها
............
ادور رايته وانشد عله جفوفه
بكلب سكنه ورقيه ياولي خوفه
ومتن اختك تعور ريتك اتشوفه
ماتدري الزلم من هدت عليها
...........


✍ام زينب كربلاء

من كتاب الماسي العلويه الجزء الحادي عشر
غير مبري الذمه الي يأخذ الكلام او يحذف أسم الشاعر
https://www.tg-me.com/Wounds_AshuraOne

هوسات ليلة الوحشه



وحشه ودنيه ليل الوالي ضيعته
اليوم الجابته امي اليوم فاركته
خلصت عشرته باليوم حشمته

ها يا البيك غيره كتله اريدنه
يومك مو محله اكعد يالمجنه
العايل يالولي جابيش اردنه

*(اختك لو عالو/ماتكعد ليهه)*



شالو ليش روحتهم فرد شيله
ويدرون الموادع مالنه حيله
ام عون امدلله وماشافت العيله

انه ايست كطعيت كل ظنه
وكلي افراكهم جابيش اجبرنه
اشد احزامهم لظيم اشدنه

*(احزام اخوانج/كون اتشدينه)*



شدي احزام ها ياروحي شديهه
وكل ظنه بعد منهم تكطعيهه
هوه المات لاخته مايرد ليهه


مايرجع عله اخته النامت اعيونه
نايم خال ابنه ولا تندهونه
اجت يم الولي ونت المحزونه

*(اكعد يا ابن امي/وشوف المحزونه)*


جا خويه الحمل يرادله عونه
معقوله ابغرب تالي تعوفونه
نمشي لليسر باجر يريدونه


وتدري بل بنات اتريد والدهه
لو تبجي يخويه من يسكتهه
ليش اختك ابحيره ليش عايفهه

*(ابنيتك ونت/وتكول انريده)*



يا نوح البنيه طير اذهاني
اتكلي اشلون ابوي اليوم ماجاني
اظن عودي انذبح يا عمه عافاني

كتله الصبر هسه يجي لينه
ما ينساج عمه ولا يخلينه
تردين الابو يا ابنيتي تريدنه

*(الشال من ايدج/مايرجع لينه)*


كالتلي الابو مو طبعه يتاخر
اخاف عله الابو من طاري المنحر
اظن عودي انذبح ولينه شو مامر

كليلي يمر لو مايجي عمه
اخذيني يم ابوي ورايده يمه
ابنيته وبنفسهه الغالي اتشمه

*(اتريد اتشمه/ابنيته اتوديهه)*



تدرين الابو غالي لابنياته
خيمتهن يعمه وفي عزيزاته
ما حملن تره يسمعنهه وناته

كليله البنيه اشتاكت اتشوفك
تريد اتسامرك وتشدهه ياجروحك
ما تبطل تكليله ابد نوحك

*(اشلون اتبطل ونهه/وشايل غاليهه)*



سلميلي عليه يا عمه وديله
رساله وبيهه المعاتب تحمليله
كليله البنيه اشتاكت اليله

يدري الشوفته مشتاكه البنيه
مامر لا نشد صارت العصريه
ولا يمهن كعد وكت الغروبه

*(حسين اليله/اتحشمينه اريده)*


كالت بس ابوجن مايرد ليجن
لتعتبن تره ماهو امخليجن
مذبوح الولي وكل فكرته بيجن

تعالن يمي عمه ولوذن ابسدي
صار اليل وانه ضاله ابوحدي
بعد ماكو محامي ولا ولي عدي

*وحته الكافل/عمه امضيعينه)*



خلنه البجي يا عمه جمعيه
نوبه الجن يعمه ونوبه عليه
هدمت كل دليلي ونت ارقيه

نشدت وعله ابوهه صبت الدمعه
تكلي شو تاخر ليش برجعه
معقوله ابعجل شو والدي انودعه

*(اتريدك بتك/ماتكعد ليهه)*



*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له من ديوان طف الزهراء
https://www.tg-me.com/Wounds_AshuraOne

هوسات ليلة الوحشه

اليلة اتحيرت زينب حيره الماتوصفيها
لاخيمه والاخوان يوم امسه المسه عليها
صدت للحنين اتصيح بناتك وين اوديها

( هنا يحسين الخدر / ماضل والي ايلوذن بيه)
..............

تعال واشوف حالي مابكه كل حيل
حيرانه شسوي من اجاني اليل
سكينه تصيح عمه والدموع اتسيل

مشينه الصوب الكافل / نكظي اليل وياه
..............
زينب جمعتهن والدمع بالعين
ولن خيال اجه وتكول هذا منين
يكله انه علي يابويه لتخافين

تصيح دخيلك حيدر / وادك عالهامه

..........
من سمعت ببوها لطمت عالراس
شنهي العطلك ماجيت يالفراس
راح حسين مني وضيعت عباس

علينه اليوم انهدت / خيل وخياله
...........


✍ام زينب كربلاء غير مبري الذمه من ياخذ الكلام وينسبه له او يحذف الاسم
https://www.tg-me.com/Wounds_AshuraOne

#اصدار_جديد متوفر

ديوان المآسي الزينبيه

آلجزء الثامن خاص للهلال للعليله وام البنين

لخادمة أهل البيت عليهم السلام

الشاعرة والمله أم زينب كربلاء

متوفره الان
سارعو بالحجز والشراء

#الطلب_والاستفسار⭕👇👇👇⭕

@ABRAR5325

قناة مكتبة عاشوراء 👇👇👇
https://www.tg-me.com/AiDoiwwn19878

كروب اجهزة ملايات👇👇

https://www.tg-me.com/+n-BgqsOHygw5OWNh