جبتلكم عرض مستمر لمدة3 ايام يجنن 🔥🔥

تختارين 4 اجزاء من كتب

الشاعرة غدير الحساني

ديوان نحر الرساله

ديوان الحسانية والمنهالية

ديوان موعد المآتم

وجنطة  كلهن ب20 الف

توصيل بغداد ٥
محافظات ٦

متوفره الان
سارعو بالحجز والشراء

#الطلب_والاستفسار⭕👇👇👇⭕

@ABRAR5325

قناة مكتبة عاشوراء 👇👇👇
https://www.tg-me.com/AiDoiwwn19878

كروب اجهزة ملايات👇👇

https://www.tg-me.com/+n-BgqsOHygw5OWNh

مجلس نعي لاستشهاد الاکبر عليه السلام
❥ــــــــ☆ــــــــ●ــــــــ☆ــــــــ❥
🔺مصیبه
بدأ القوم بمضايقة الامام الحسين (ع) ومنع الماء هنا جاء وقت المبارزة وقطف الثمار، برز علي الأكبر إلى ساحات القتال يمثل هيبة الرسول وجماله. أخذوا يهربون من سيفه كأنه علي الكرار في خيبر، كيف تتصورون حالة ليلى أم وخرج ابنها إلى القتال ماذا يكون حالها؟ ليلى وقفت بجانب الخيمة وهي تسمع أنفاس علي وتدعو له وقد استجاب الله دعاءها وانتصر علي الأكبر في تلك الجولة، لكنه ما لبث أن ودّعها وعاد إلى الميدان يقاتل بشجاعة لا نظير لها. حتى سقط شهيدا، وشاهدته في تلك الحالة قد غطّت الدماء وجهه، وغيّر العطش والطعنات زهرة شبابه
نادت وشباااباه واعلیاااه اي وامصیبتااااه
وکاني بلسان حالها وهي تنعی ولدها
❥ــــــــ☆ــــــــ●ــــــــ☆ــــــــ❥
(نعي مجاريد)
راح الولـد وامــــــه جفاها
وتـرید مــــنه حــــگ رباها
ويا عشـرته وياي شحلاها

شحــلاة الولد لو گال یمه
یـــــزیل مــن الکلب همه
خــــله الولد بالکلب لچمه

لیـــش اسکنت یمه بالتراب
اعلیك الگلب هالیوم عطاب
بیه یـــــــریته هذا الصواب

بیــــــه ییـــــمه کونه البیك
مصیوب یمه شبیدي اعلیك
لــــو تنـفـدي بالروح لفدیك

یمـــــه الولــد یابعد روحي
طر الصـــخر اعلـیك نوحي
زودت یــــایمـــــه جروحي
❥ــــــــ☆ــــــــ●ــــــــ☆ــــــــ❥
(نعي عاشوري)
تمنیتــــها مــعمیه هـــل عین.. اه اه
ولا شوفك تون یایمه بالطین.. اه اه
اجیــــب لدوه لجرحك امنین.. اه اه

امنین الـــدوه لجرحك اجیبه.. اه اه
ابنـــــص کربــــله اني غریبه.. اه اه
جرحك صـــعب ضایع طبیبه.. اه اه
❥ــــــــ☆ــــــــ●ــــــــ☆ــــــــ❥
🔺نعي خلیجي باب اول
طایح علي الاکبـــر //ودمــــومه تتنثر
والجـــــسم مـــتوذر//ویجــــر الونین

مــات ويون عــطشان //وهالجبــد وجعان
شبیه النـــــبي العدنان// هل غمض العین

غمــــــضهن عیـــــونه //وطـــــایح ابکونه
ولیــــلــی محـــــــزونه //رایــــــــح الزین

راح ومـشه الغـــــــالي//ودمـــعتها اتلالي
ضـــلت بــــــــــلا والي//وبلایــــــه امعین
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
  صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://www.tg-me.com/Wounds_AshuraOne

ابوذيه مع نعي مجرد بحق الامام علي الاكبر ع لسان حال الامام السجاد يكول



ادفنك بيدي خويه شلون يكبر
يهد الحيل يومك صعب يكبر
احس اصواب وسط الكلب يكبر
ويهل دمعي ويموتن حتى اديه



ازت ارسومك بكبرك وسدها
وحشتك بيش اعوضها وسدها
يبن الكون كله انت وسدها
وابن الزاجيه والفاطميه


الفاكدله عزيز منين ينجاب
رحلت ومو وكت الرحيل ينجاب
المثلك لا بعد هيهات ينجاب
نجبلي الوكت بس اه واذيه


الدله تفارك الفنجان هيهات

والمفارك اخيه شلون يرتاح

حكه لو يون وتهمل العين

على الي عاشراه بالمسه ومصباح

ماينلام لو كلبه انهدم ساف

ولو كلش تهدم منه وطاح

كلش حيل يوجع يوم الخوان

يحس بالكون كله محمل وراح

على الفطره اذا يعثر يكول اخ

بعد محد يرد اعليه لو صاح


بقلم الشاعرة سحر ام كرار الساعدي
غير مبري الذمه من يحذف اسم الشاعرhttps://www.tg-me.com/Wounds_AshuraOne

نعي للاكبر "ع" ويصلح للفواتح {{غالي الولد}}

غالي الولد ياناس غالي
من صغري اربي وضيم حالي
وتبوگه من يمي الليالي
@@@@@
شهور شلته ابطني وأفخر
وربيته ذاك الليل أسهر
وبطوله جنت شبر اشبر
@@@@@
اشبر بطوله گبر لولاه
وماخلي حته الهوه يدناه
مذبوح اجاني من وره اعداه
@@@@@@
وراح التعب ذاك التعبته
ووليدي مذبوحه رگبته
والله واكبر يافركته
@@@@@@@
فراگ صعب گلش عليه
الربيته دفنيته بديه
وظلت غرف بيته خليه

يمه الولد فرگاك يكتل

الشاعره رسل الابراهيميhttps://www.tg-me.com/Wounds_AshuraOne

*القصيدة من ديوان📚 مسير الفواطم لارض المظالم الجزء٢*
*قصيدة لعلي الاكبر(آه يوليدي)*
❥━──➸➽❥❂❥━──➸➽❥❂
آه يوليدي         آه يوليدي
يا بعد امك  رحت من ايدي
❥━──➸➽❥❂❥━──➸➽❥❂
وديتك للحومه بأيدي       ورحت امن ايدي ومارديت
ضنيتك سالم ترجعلي       للخيمه تعود تمنيت
احسب باللحظه بغيابك     ولملگاك شگد تانيت
جيتك عيدي             جيتك عيدي
انتَ اهلالي               وجيتك عيدي
❥━──➸➽❥❂❥━──➸➽❥❂
انتَ اهلالي وشمعة عمري       وانتَ الروح وماي العين
ربيتك للعازه وردتك               تكبر وتشد ضهر حسين
بالطف ضيعتك تاليها              دولبني وحاربني البين
اشعندچ هيدي                         اشعندچ هيدي
اگعد گلي                                 اشعندچ هيدي
❥━──➸➽❥❂❥━──➸➽❥❂
اگعد شوف الصار بحالي         من بعدك گاضيني النوح
حزنانه وگلبي متفطر           بغيابك يا بعد الروح
يا بعد عيوني وانفاسي           شيصبر گلبي المجروح
انه شبيدي                                 انه شبيدي
اعله الدنيه وهمهه                      انه شبيدي
❥━──➸➽❥❂❥━──➸➽❥❂
غير النوح ولاضل بيدي            آه يوليدي اخلاف عيونك
ماحمل لحضه امن افراگك       ماريدن هالدنيه بدونك
احا يرسومك متغيره               من الطبره امغير لونك
هلي وزيدي                             هلي وزيدي
ياعين اصرخ                            هلي وزيدي
❥━──➸➽❥❂❥━──➸➽❥❂
ياعين اصرخ هلي وزيدي        وابچي اليوم ادموع ودم
راح الغالي وثمرت روحي         راح الچان ايشيل الهم
خله حسين وحيد وحاير         والعسكر بالحومه التم
آه يعضيدي                         آه يعضيدي
وزينب نادت                       آه يعضيدي
❥━──➸➽❥❂❥━──➸➽❥❂
*بقلم✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*https://www.tg-me.com/Wounds_AshuraOne

#حصرياً_من_ديوان_قُربانُ_الطف_ج_٣
#قصيدة لعلي الأكبر(تاخذ هالروح)
❥━──➸➽❥❂❥━──➸➽❥❂
امودع الله عمه يالاكبر صحت
انكسر ضهري وهاي بعدك مامتت
شحال لو عني تروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
وداعت الله ياعلي من عمتك
گلبي يشبه گلب ليله لربتك
لجدي الهادي يعمه وداعتك
چنت من اشتاگ انظر طلعتك
يالغلاتك من غلاة حسين ابوك
بجدي الهادي صدگ من شبهوك
افراگك يهيج جروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
بالخيم بعدك واحس بمصرعك
تصيح ياناس العطش چني اسمعك
وچني اشاهد هالسيوف اتگطعك
وبالحصير حسين اخوي ايجمعك
وكل جمالك عمه غاطيه التراب
وما اميز وجهك انه من الخضاب
چنه دمك مسفوح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
صاير السانك مثل قطعة خشب
وضاهدك ثگل الحديد من الحرب
اصفر من العطش مدري من التعب
گلبي من هالحال ياعمه انشعب
عمه وابالي اجت اشگد صور
مصرعك گدامي ياعمه حظر
فگدك يهد صروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
طولك الهيبه يعمه چن گصر
بكل كتر وصله انتَ متگطع وذر
وين صارت سيف يخسفله گمر
آه يا عمه شكبر غدر الدهر
شوفتنه المانشوفه كربله
موت ويه العطش وانواع البله
وشچم عزيز المذبوح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
اوداعت الله روح حارب يالولد
ماكو شي ياعمه حته احچي بعد
هذا المقدره الله النه يالسند
لا اعتراض اعله الحكم لو عالعهد
حكمة الله شائت نشوفك چتيل
اعليك واعله القاسم المدمع يسيل
ويبقه طولك مطروح .. وياك تاخذ هالروح
امودع الله عمه يالاكبر صحت
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*https://www.tg-me.com/Wounds_AshuraOne

قصيده ثكيله حول علي الاكبر


*يمه أعز من الهوه الكلبي حسيتك دوه*

*دنيتي اختنكت بعد من مشه ابني ومايرد*
*يمه يمه يلولد يمه يمه يلولد*



اختنكت الدنيه ومتت والهوه مني رحل
ماشفت شخصه وبعد فأكده جني الامل
يمه يمه ارجع الي دخيله عدك والدخل
ارحم بحالي صحت كلبي فركه ما حمل
*يمه دلالي التوه الكلبي حسيتك دوه*



جني مخنوكه صرت ونكطع مني النفس
ظلمه صارت دنيتي ظلمه يا يمه احس
ماترد ليه أظن غابت ابعيني الشمس
خابت اظنوني الولد من طلع ليك الرجس
*هجمت العسكر سوه الكلبي حسيتك دوه*



دمعتي ونار الكلب ماترد ادري الي
هذه الوداع الوصل يمه يمه ياعلي
ظنوتي ومني رحت انته روحي امدللي
انهض وشيل الحمل يل اجيت ابمحملي
*ظعنك ابظعني سره الكلبي حسيتك دوه*



غالي يا يمه الولد للكلب تدري ودليل
من فكدتك ما نمت احسب انجومك ياليل
اشكد عزيز وفركتك حولت جسمي نحيل
غايب اهلال العمر والعمر صاير عويل
*عمري بس نوحك تره الكلبي حسيتك دوه*



هذه الموادع علي وداعت الله من رحت
نايم ابحر الشمس ضامي يا يمه طحت
وسفه محروم الولد يل شباب اتحسرت
عمرك ابعمر الورد يمه بل دنيه اشفت
*دمعي وي دمك ارتوه الكلبي حسيتك دوه*


*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه لهhttps://www.tg-me.com/Wounds_AshuraOne

لطميه عن لسان ليلى ع وام الشهيد


امودع الله يالرحت من بين اديه
امودع الله اشبيدي يبني عالمنيه

نام بحظان الزجيه يالرحت من بين اديه

مودع الله مودع الله

.............

صدك صعبه / صدك الصعبه الوالده اتودع ابنها
صدك صعبه / من تذكره ازعير ويلاعب متنها
صدك صعبه / ايام مرت بيها ماطبك جفنها
صدك صعبه / ضيعت ذيج اليالي وضيعنها

بونه وبدمعه جريه
يالرحت من بين اديه

امودع الله امودع الله

..................
يمه يمه / بوسط كلبي يبني تبقى ونتك
يمه يمه / تضل مرسومه بخيالي شوفتك
يمه يمه / تدري ليش اتسيل عالخد دمعتك
يمه يمه / رحت من دنياك يبني بحسرتك

بكلبي نيرانك سريه
يالرحت من بين اديه

امودع الله امودع الله
...........
ياغيابك / شرد اسولفلك ييمه عن عذابه
ياغيابك / تسعر بكلبي غدت جمرت مصابه
ياغيابك / شلون حال الفاركت باول شبابه
ياغيابك / ياشباب الغطت عيونه الترابه


ادري ماترجع عليه
يالرحت من بين اديه

امودع الله امودع الله
............
وشيرده / النامت اعيونه وغفه حدر الترايب
وشيرده / والدمع ما ينكطع بعيوني ساجب
وشيرده / واشتكي ضيمه وعذابه والمصايب
وشيرده / والخذاه الموت مني وصار غايب

ضمته اتراب الوطيه
يالرحت من بين اديه


امودع الله امودع االله
...............

وشبدينه / اكلوبنه من فكد الاعزاز ايتفطر
وشبدينه / شلون يرجع الي بالحومه وتوذر
وشبدينه / اتذبحت شبانه جاسم و الاكبر
واشبدينه / واشيفيد الدمع لومن دم تفجر

ايسينه وهاي هيه
يالرحت من بين اديه

امودع الله امودع الله

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم من الجزء العاشر الماسي العلويهhttps://www.tg-me.com/Wounds_AshuraOne

لطميه زينب تخاطب علي الاكبر ع

عمه يالاكبر وينك
عذبت حال حسينك

طفيت شوف عيونه
وحال الغريب اشلونه

عمه يالاكبر وينك
.........
يبني يالاكبر هدمت حيل احسين
للخيمه جابك وانطفت منه العين
ينده يزينب شوفي عملات البين
خويه واريدج عله اويليدي تونين

طفو شمعته الكفار
وبالكلب شعلوها النار
وبالمعركه موذرينك
عمه يالاكبر وينك
..........
اسمع ونينه من اجه واحاجاني
من طاح الاكبر عالثره هداني
يابويه فت كلبي العطش واذاني
من بعده ماريد العمر خلاني

ايصيح العمر ماريده
من شال الاكبر بيده

عينه انطفت ويعينك
عمه يالاكبر وينك
..........
الله يعين حسين يوم الشالك
بجفوفه ابو السجاد لم اوصالك
يوليدي بالدلال تسعر نارك
وامك بكت تتناطر عالا خبارك

من شافتك بيد حسين
لطمت يالاكبر عالعين

بسيف العده موذرينك
عمه يالاكبر وينك
...........
يايمه حال امك بكه ماموصوف
موذر وذر وعيونها تصد وتشوف
يافتشت عيوني انطفه مني الشوف
بحال ابوك وحالها يبني تروف

كعدو عليك ايونون
يا لاكبر تروح شلون

والعتب بيني وبينك
عمه يالاكبر وينك
..........
انه عله ابوك محيره كلي شلون
حيلي انهدم وانتم اكباله تونون
واحد بعد واحد ييمه اتموتون
ظل وحده محتار ماظن ترضون

ظل وحده بين الكوم
وينده يبوفاضل كوم

اشلون نامت عينك
عمه يالاكبر وينك
...........

✍ام زينب كربلاء
غير مبري الذمه الي يحذف أسم الشاعره او يأخذ الكلام وينسبه لهhttps://www.tg-me.com/Wounds_AshuraOne

قصيده ثكيله حول علي الاكبر



شمعت البيت/يالجنت ضاوي بحياتك

شمعت البيت/يبني يا يمه اشحلاتك


نارك بكلبي سريه يالمشيت ارجع عليه

شمعت البيت شمعت البيت



يمه تدري اشكد معزتك بالكلب بس الله يدري
يل عفتلي نار فكدك ونارهه ابدلالي تسري
عاد اخذني وياك اموتن بل عمر متكلي شلي
تدري اليفارك عزيزه ما ينام ابليله يبني

شمعت البيت/هاكثر عندي غلاتك
شمعت البيت/ يبني يا يمه شحلاتك



ادري ماترجع تجيني وما اشوفنك عليه
اتعود يبني انوب لامك النارهه ظلت سريه
تكسر الخاطر يبنهه ماكلت امي وخطيه
اتموت لو انه عفتهه وابد متفاركني هيه

شمعت البيت/ فدوه اروح انه الحياتك
شمعت البيت/يبني يا يمه اشحلاتك




فدوه كل عمري وحياتي وشلي بل دنيه عفتهه
من رحت مني يغالي صدك انه الضيعتهه
يمه ماريد ابقه تدري روحي والدنيه خذتهه
مني يوليدي بغيابك كلهه عكبك طلكتهه

شمعت البيت/يمه ما اسمع شفاتك
شمعت البيت/يبني يوليدي شحلاتك



طلكتهه الدنيه عكبك يالعفتني بس حزينه
كاعده الدربك اكولن لو يحن ابني ويجينه
ماحسبت الموت ثاري باعدك غصبن علينه
يل بعد عمرك نريده وتدري فكدك ناره بينه

شمعت البيت/نفسي والدنيه فداتك
شمعت البيت/فدوه يوليدي شحلاتك



شمعتي وزهرت حياتي يل غبت عن عيني انته
فكدك الخلاني اموتن وكلشي يبني انه عفته
شخصك يعود عله بالي ويرجع النوبه نطرته
غالي يا يمه انته ليه وحملي يا وسفه شمرته

شمعت البيت/وهيبه يا يمه الخواتك
شمعت البيت/فدوه يوليدي شحلاتك


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له القصيده من ديوان طف الحوراءhttps://www.tg-me.com/Wounds_AshuraOne

قصيده لعلي الاكبر عليه السلام
على مرتضى حرب
حلو بيارغهم ذبو عمايمهم
=========


هذا علي الأكبر....

بلحومه يتبختر....

زلزل الحومه الأكبر ابخزاته
مثل الصميده بلحرب صولاته

والعسكر اتحيّر....
والعسكر اتحيّر....

=========

مثل النبي ياصورته وجماله

هيبه وشجاعه ومكرمه وجلاله

يشبه لحيدر شيمته وخصاله

سيفه بيمينه يلوگله ويحلاله

جنه الگمر عمه.....
فنه الوصل يمه....

ومحزم أحزام وصعد علمهره
وبعين ابوه حسين دمعه وعبره

وطبلهم  اموزُر.....
والعسكر اتحير....

♦️♦️♦️♦️

صاح اخسف انه الگاع بيكم يرجاس

موت احمر انه وجيت اخمّد لنفاس

ماخذ شمرتي  وهيبتي من العباس

وتشهدلي كلها بلحرب هاي الناس

طشار اخليكم.....
واليوم  لفنيكم.....

انه علي وانه ابن داحيها
وانه الشجاعه من يمر طاريها

ياسيفي موت احمر....
هذا علي الاكبر.....

♦️♦️♦️♦️

گللهم انه الأكبر وعنواني

ابن الحسين وبلفخر رباني

دين وشجاعه وبلعلم غذاني

واليوم اراويكم رعب عدواني

وينه  اليبارزني....
زلزال  يعرفني....

راس ابن غانم جابه يگطر بيده
براسه يلولح والحرب چن عيده

والخايف  اتكتر....
هذا علي الاكبر.....

♦️♦️♦️♦️

امه تنادي بلخيم شيجيبه

گلبي خلص من ونته ونحيبه

ياربي ردلي ضنوتي والهيبه

سالم علي ياريت ربي تجيبه

وي عمته تدعيله..
والمدمع  تسيله...

ريتك ترد للخيمه يمه سالم
گلبي خلص يلولد ربي العالم

وشلون  اتصبر.....
هاذا علي الأكبر....

♦️♦️♦️♦️

يوم  الدنت يم البطل منيه  

صاح اعلى ابوه الجائزه وهديه

كله يبويه الصبر علرزيه

ومن ايد جدك تشرب انته أميه

وشفافه  تتفطر....
والعطش ضل يسعر...

والحومه يوم الي دخل زلزلها
ونگطع نعله ونازل ايعدّلها

والصار  المقدر.....
هاذا علي الاكبر....


=========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء عhttps://www.tg-me.com/Wounds_AshuraOne

وينهم الي يدورون حسچه جنوبيه بقصائد جديده وقوية تهز الميدان انصحكم ان تشتركون بقناة الشاعرة المتألقه ام نادين المحمداوية

تم نشر قصائد بالقناة

الأشتراك عبر الرابط 👇🏻👇🏻👇🏻

https://www.tg-me.com/tufdyhryggddg

https://www.tg-me.com/tufdyhryggddg

فزاعيه لشجاعة علي الاكبر ع

الاكبر ياسبع    واربات  خياله
خذيت الزود  من اهلك العياله
...........
برز  يبن الهيابه وصاح هذا انه
انه ابن الحسين اكبال عدوانه
ابوي البالخلك  معروف عنوانه
صول بالمعاره  والعزم  شاله
...........
انه ابن  الشيم واهل الفروسيه
ابن المرتضى المعروف ماضيه
غارت مهرتها  ورجت الحربيه
سيفه بيمتنه  وياهو  التدناله
............
ياهو الكربه ماسلم من سيفه
طراها المعاره وبيها اخذ حيفه
هذا ابن النشامه والحرب كيفه
تخوف هدته  والسيف يحلاله
............
الاكبر بالشجاعه من يوصفونه
اله موقف شرف لمن يذكرونه
تباها حسين بيه وكرت عيونه
شجاع وسولف التاريخ بفعاله
............
يربات السباع اوالدك هيبه
هله يالماثنيت بساعت النيبه
رباه  السبط واحسن بترتيبه
شسوه لبن غانم  من  تدناله

✍ام زينب كربلاء غير مبري الذمه من ياخذ الكلام وينسبه له او يحذف الاسم   من كتاب
المآسي الفاطميه الجزء  الثاني عشر
https://www.tg-me.com/Wounds_AshuraOne

فزاعيه لشجاعة علي الاكبر ع

الاكبر يوم صول حير الحومه
خذاها بزود يبن الشايعه اعلومه
.........
اربات حسين هذا يالتعرفونه
نزل بالسيف واشحد اليكربونه
حسين بيوم شافه كرت عيونه
يالجدك علي ورباك جيدومه
........
احتارت من نزل يبن الافاعيه
وخلاها جثث بالكاع مرميه
وغركها بدمه ساحت الحربيه
هله بشبل الاسد ماينوصف يومه
........
سيفه ماثنه من صول عليها
وحك حسين ويكاع اسويها
هاي سيوفنه ومشهود ماضيها
بخيبر وبحرب صفين معلومه
.......
ذوله اهل الشيم والموت شارينه
عزم للموت جنه بايع اسنينه
بعمه الحيد لورتي توصفينه
اتوذر دون ابوي وهاي مقسومه
........
شمرات الصميده اليوم شمراته
سبع يبن السبع عدليها وناته
وحسين عله الاكبر يجر حسراته
من شافه انتحب والروح مالومه
.......

...............

✍أم زينب كربلاء غير مبري الذمه من ياخذ الكلام وينسبه له او يحذف الاسمhttps://www.tg-me.com/Wounds_AshuraOne

ام جعفر:
فزاعيه حول علي الاكبر



حسافه اليوم  شال احزام اخياته

وعليه اتهدلن.  من طاح عماته



شال احزام سكنه وتون خلاها
وامه بالحزن والنوح عافاها
عمته تلطم ولحسين منواها
تصبره وبالكلب لوليده حسراته



حسراته يجرها وعينه مجريه
نكطع هرش الكلب گلها يعلويه
تكله اشبيدنه والروح مو بيه
ويه ابنك مشت من شفت وناته



ابنك من مشه يا خويه هدانه
وعليه ونن خواته وامه حزنانه
شيعوده علينه ويكعد ويانه
وماترجع بعد يا ذيج كعداته




مايكعد يجي وظلن ينطرنه
واليهن عزيز وهنه يردنه
ابنياتك واخوهن ما يعوفنه
يعود عليهن الغالي محسباته



شال احزامهن والونه جرنهه
واهدوم الحزن يا خويه لبسنهه
عليه امه تموت وما بطل ونهه
ويبجن عالولد حيل المضيعاته



لخادمة الزهراء العلويه ام جعفر غير مبري الذمه من يحذف الاسم وياخذ الكلام وينسبه له مhttps://www.tg-me.com/Wounds_AshuraOne

لطمية لعلي الاكبر (اشماله الموت)


اشماله الموت ... خلصكم يشجعان
ضل حسين وحده ابين عدوان


ضل بين الشماته حسين وحده
گلبي ايصيح محروگ شيبرده
طولك ياعلي ماي وتبده
عالتربان نايم مو بصيوان
اشماله الموت ... خلصكم يشجعان


نايم ليش هالنومه الثجيله
عينك ذابله وروحك هزيله
تنطر جيتك وتنوح ليله
دمع امك يهل والحيل عدمان
اشماله الموت ... خلصكم يشجعان



دمع امك يهل والحيل معدوم
شو صاير وذر مانگدر انگوم
راسك ياعلي نصين مجسوم
من دم هامتك ضليت غرگان
اشماله الموت ... خلصكم يشجعان


راسك ياعلي غرگان بالدم
اشده اشلون مطبور وتهشم
ذاك الجيش بالحومه تلملم
كلهه اتصيح ماتطلع يعطشان
اشماله الموت ... خلصكم يشجعان


اطلع للحرب كلهم يصيحون
وانه اوحيد لاناصر ولاعون
ياشبان اگعدو لاتنامون
چا ترضون اضلن هيچ حيران
اشماله الموت ... خلصكم يشجعان


چا ترضون اضلن هيج محتار
كلهه اتحشدت ضدي الكفار
افكر بالحرم واطفال الازغار
حرم واطفال عندي وشاب وجعان
اشماله الموت ... خلصكم يشجعان


وجعان وحرم عندي ويتامه
ازامط بيش وامضيع نشامه
السهم بعيون ابو فاضل علامه
علم عالمشرعه واثنين ذرعان
اشماله الموت ... خلصكم يشجعان



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر
https://www.tg-me.com/Wounds_AshuraOne

قصيدة بحق الامام علي الاكبر ع


يحلاله الدرع والسيف لو شاله
بعد امه علي طشر الخياله



بعد امه علي دور على الزينه
من عالوا عليه ماغمضت عينه
ماضلت زلم من هد اخو سكينه
بجاهم دمه ودموع هماله



صال وجال والعدوان بجاها
طب للمعركه الشجعان ذلاها
مثل عمه علي نسوان سواها
شحده الكابله وفنه التدناله

الاكبر مايهم والحومه زلزلها
ماخذ من طبع عباس كافلها
شجاع ومايهم والزلم طشرها
امه اليوم خل تتنومس بجاله



خل تتنومس وماضايع ارباها
طب ميدان حومه وغنم سواها
علي الاكبر سبع والحومه رجاها
بجفه لو زعل يسطر العياله



ماخذ طبع من الكمر حيوله
مثل عمه سبع يسبك الهلهوله
الف احساب بالحومه يحسبوله
هذه ابن السبع ثلثينه من خاله


بقلم الشاعرة سحر ام كرار الساعدي
غير مبري الذمه من يحذف اسم الشاعر

❥❥ـــــــــــــ❁❂❁ـــــــــــــ❥❥https://www.tg-me.com/Wounds_AshuraOne

فزاعيه نصف للشباب

يوم الولد يحني الظهر
مابيه حيل اغيابه

مابيه حيل الغيبته
صارت بعيده شوفته
ماظن يرد لغرفته
سد المشيم بابه

ظلت الغرفه مظلمه
ماتنچهب تعمي عمه
الحيل كله هدمه
صار بكلبته اصوابه

اصواب المشى بدلالنه
مهظوم صبح حالنه
ماشفنه وجهه اگبالنه
من وكت عاف احبابه

من وكت عاف اخوانه
راح وبعد ما جانه
وام الولد سهرانه
ماشبعت من الشبابه

منه كلبها ماشبع
ححگها الحنينه تنفجع
الغيبه توجعه وجع
ونار الولد لهابه

ما تطفى ناره اموگده
يومه الصعب مال چده
شتكول عنه الوالده
لمن نشوف اثيابه

اتشوف اثياب امصفطه
اشلون بيها لو بطى
طكها الزمان ولا خطه
وما شافته اويه اصحابه
❤️❤️❤️❤️❤️❤️❤️❤️❤️❤️❤️❤️

الناشر // عالي مقامي
غير مبري الذمه يحذف اسم الناشر من القصيده
https://www.tg-me.com/Wounds_AshuraOne