💔 لطميه ثكيله الزهراء عليها السلام من ديوان زينب والطفوف جزء👈 ١٠ج خاص للزهراء والسيده زينب 💔

روحي تشتاك الحنانج يمه يمه
يمه ضل خالي مكانج يمه يمه

➖➖➖💔➖➖➖
روحي تشتاك الحنانج يالحنينه
ابعيد شلتي يمه متردي علينه
اليوم وجهج يالحنينه مضيعينه
بعد وين الكه دلالج يمه يمه
يمه ضل خالي مكانج يمه يمه
➖➖➖➖➖➖
يمه ضيعنه دلالج وين نلكاه
يصعب افراكج ييمه وكلبي صاباه
وجهج من الدار يمه شو فكدناه
بالحزن ضلن بناتج يمه يمه
يمه ضل خالي مكانج يمه يمه
➖➖➖➖➖➖
بالحزن ضلن بناتج يالزجيه
وحشه دارج يمه ضلت هالمسيه
شلون اصد للدار من عدج خليه
شلون اطب واكعد بدارج يمه يمه
يمه ضل خالي مكانج يمه يمه
➖➖➖➖➖➖
شلون اطب للدار وانتي ماهي بيها
العين تبجي يمه مايبطل بجيها
يمه يمه احلف يمين الجان اجيها
ضلمه بعيوني المباني اخلاف عينج يمه يمه
يمه ضل خالي مكانج يمه يمه
➖➖➖➖➖➖
ضلمه بعيوني المباني اخلاف عيناج
يمه روحي تون ولاترهم بلياج
يمه حن كلبي ويريد الكعده وياج
جنتي ويانه كبل يمه اشحلاتج يمه يمه
يمه ضل خالي مكانج يمه يمه
➖➖➖➖➖➖
جنتي ويانه كبل يمه تكعدين
انتي بلسم للجرح ياشمعة العين
طيبه ومنبع محنه وكلبج احنين
يمه حلوه بكل صفاتج يمه يمه
يمه ضل خالي مكانج يمه يمه


تمت✍️ الشاعره والمله ام حسين العامري
غير مبري الذمه من يحذف اويغير اويتلاعب بالكلمات او يحذف اسم الشاعره وينسب الكلام له



https://www.tg-me.com/Wounds_AshuraOne