☘️قصيده للزهراء ع☘️

تقرأ // بعدة اطوار

هاي الوالده الماينسى رباهه
عمت عين التراب شلون غطاهه
🏴🏴🏴

هاي الوالده ام ريحه الحلوه
يايمه حنانج للكلب سلوه
وفراكج صعب ماينحمل بلوه
ياجلمه اليمه وياج شلناهه...
هاي الوالده الماينسى رباهه
🏴🏴🏴

تركتيني وغبتي ليش عن وجهي
دارج خاليه جا طبّتي شنهي
وجلماتج ابالي ظلت و تزهي
مُر وما اريده يوم فركاهه...
هاي الوالده الماينسى رباهه
🏴🏴🏴

ماينراد يومج يم حسن ردي
حنينه انتي ييمه وغيرج شعندي
فارغ بيتنه منعندج وجدي
حفار الكبر ادفني وياهه...
هاي الوالده الماينسى رباهه
🏴🏴🏴

مالي روح يمه اتذكر مصابج
كلما جيت يمه اكعد ابّابج
دمج يم حسن مطبوع بعتابج
وهايه عملتج كولي شينساهه...
هاي الوالده الماينسى رباهه
🏴🏴🏴

خلص صبري بعد مااحمل الفركه
وروحي ناحله ولهفانه للملكه
بكلبي نار ظلعج تجوي بحركه
بعد كعداتنه جا وين نلگاهه...
هاي الوالده الماينسى رباهه
🏴🏴🏴

٨/ربيع الاول/١٤٤٣
بقلم شاعرات اهل البيت عليهم السلام
✍️☘️ام فراس الساعدي☘️
وام روكان الشمري
غير مبري الذمه لكل من يغيير الاسم او ياخذ كلمات  القصيده وينسبها اليه
https://www.tg-me.com/Wounds_AshuraOne

فزاعيه جنوبيه للخوان
بقفل الهوسه
---------------------------

مهيوبه جنت ما بين خواني
محلاه ابذكرهم يلهج الساني.

┉❈❥ًً🔹(🔵)🔹 ❥❈┉

وين الله وترد ايامنه الحلوه.
وارد اكضي العمر ويه اهل المروه.
اطرشنه ودهرنه بحالنه شسوه.

(نزامط بيهم، لو عالوا بينه )

✍الاء الطائي

┉❈❥ًً(🔵)🔹 ❥❈┉

هجم بيت الزمان الفرك الخوان
بوجود اهل الحميه الحرمه ما تنهان
خذت خوان مني يا زمن شجعان

شرايه. بلدم للخوه

ام علي الصالحي

┉❈❥ًً(🔵)🔹 ❥❈┉

جنت ابجال ابو فاضل فلا اهتم
بعد هيهات ماضن نكعد ونلتم
فرگنه الزمن والكلب زايد هم
((فلوها/ العشره الخوه))

أم محمد البديري

┉❈❥ًً(🔵)🔹 ❥❈┉

انه اختک یخویه اسمع اعتابی
نمت و ابنومتک زيدته امصابی
ناشدتك واريد اتردلي اجوابي

*((اگعد لینه یلکلک غیره))*

✍ #علويه ام فاضل

┉❈❥ًً(🔵)🔹 ❥❈┉

چانوا كل هلي اويايه يحيطوني
مهيوبة چنت وانه يسموني
راحوا عزوتي كلهم او عافوني
(لهيابة/ ضاعت بالگوة)

أمينة أم علي (دمعة لقاء)

┉❈❥ًً(🔵)🔹 ❥❈┉

جيتك خويه انه استمع وناتي
دمعاتي اتسيل تهيج عبراتي
خدي مايبس منشرب دمعاتي
فركاكم /يجتل يالخوه

أما✍️مه العلويه ام علي

┉❈❥ًً(🔵)🔹 ❥❈┉

فركاهم يهد الحيل خواني
انادي يالولي او طايره اذهاني
حاربني زماني وحيل اذاني

كل يوم الدنيا ⚡ تلوعني
✍🏻 ام حيدر العباديه

┉❈❥ًً(🔵)🔹 ❥❈┉

اهلي اهل الشرف والخير والعفه
يحضرون النخه و وكفاتهم وكفه
هلي حلالت الصعبات والكلفه

والكلفه عليهم ،،، محللوله

ام مرتضى الخفاجيه

••<<<♡{{{🔵}}}♡>>>•••
https://www.tg-me.com/Wounds_AshuraOne

تردين مجالسچ تكثر ويحجزوچ
طبعي كارت بأسمچ بي الرقم والعنوان وزعي بالمجلس للكاعدات او نشري عالحاله والناس تحجز رقمج

اذا تحبين تطبعين تواصلي علمعرف

⬇️ للتواصل والاستفسار ⬇️
@ABRAR5325
@ABRAR5325

كروب اجهزة يفيد ملايات👇👇

https://www.tg-me.com/+n-BgqsOHygw5OWNh

ماعندج فلوس تطبعين القصائد وعندج حيل تكتبين اشتري قصيدة فارغة وكتبي بيها براحتج بخط ايدچ خفيفه ورخيصه ومرتبه

تكدرين تاخذيها من المكتبة اتواصلي معاهم عبر المعرف

⬇️ للتواصل والاستفسار ⬇️
@ABRAR5325
@ABRAR5325

كروب اجهزة يفيد ملايات👇👇

https://www.tg-me.com/+n-BgqsOHygw5OWNh