ايام ايام هاي الدنيا ايام
يوم الاهل يحمونه
يوم العده يسلبونه
هاي الدنيا ايام
ــــــــــــــــــــــــــــــــــــــ
گوم ياحيدر بناتك شوفهه بالطف يحيدر
چانت ابمنظر خدرهه ليوم اصبح غير منضر
جانت باوطان صارت بالخيام وتسكن البر
حته الخيام باهلها محصنه وميمسهه كل شر

لن الاهل فوك الثره
كلهه جثث متوذره
ولن الاخيام اموجره
ولنهه متسلبهه الخدر

بخيام بخيام يوم الحرم بخيام
يوم اخيامهه اعليها
تتلاهب مسلبيها
هاي الدنيا ايام
ــــــــــــــــــــــــــــــــــــــ
زينب تحاجيك من الطف وانت ياكرار تسمع
تصيح يابويه الزمان شلون بينا گام يصنع
بويه تذكر من اروح لگبر جدي شلون اطلع
اطلع بوكت الضلام ولمن الاصوات تهجع


انته يبويه بصحبتي
والي تباريني اخوتي
واركض ليوم بغربتي
صرت من مصرع لمصرع

أجسام أجسام عيني تشاهد الاجسام
جانو امس كدامي
ليوم النار بخيامي
هاي الدنيا ايام
ــــــــــــــــــــــــــــــــــــــ
امس يابويه اخوتي كبال عيني وصد ليهه
خيمتي من اربع جوانب اخوتي حاطت عليهه
يروح اخو عنهه يحامي الجار اخو ثاني يجيهه
وابنك العباس يمهه بالحراسه التزم بيهه

وناشر عليهه رايته
وبخميتي ايوصي اخوته
بخوته الخيمه وهيبته
حارسيهه محصنيهه

ضلام ضلام لن ليوم ضلام
للخيمه يحرگوها
ولزينب يسلبوها
هاي الدنيا ايام
ــــــــــــــــــــــــــــــــــــــ
امس يابويه اخوتي بخيميتي يتفكدوني
شاريده كولي يزينب كل الاخوه يسالوني
ليوم لن شفت السياط يكسروها عله متوني
ليوم لن من خدري اطلع خايفه ويسلبوني

هم هاي جانت تنحسب
متون العقيله تنضرب
بعزت خدرهه تنسلب
وين الاخوه فاركون

اكرام اكرام يوم ابين ل اكرام
ويوم ابين سلابه
وخدر الحرم متهابه
هاي الدنيا ايام
ــــــــــــــــــــــــــــــــــــــ
امس عالعايله بين الاهل همه اليحرسوهه
وحده تلكاهه وي ابنهه وحده تلكاهه واخوهه
وحده تلكاهه وي عمهه وحده تلكاهه وي ابوهه
العايله الشافت اليوم تشوف ناس يلسبوها

تشوف الاهل متطشره
تشوف الضلوع مكسره
عالنهر سبع الگنطره
حسين جثته يسحگوهه

جسام جسام ثوب العرس جسام
جفوفه بدمه حنوهه
شموع العرس طفوهه
هاي الدنيا ايام
ــــــــــــــــــــــــــــــــــــــ
امس يابويه اشوف كبال عيني علي الاكبر
شوكت ما اندهه باسمه بخيمتي بالحال يحضر
ليوم لنه كبال عيني جسمه ياحيدر موذر
ذاك وجهه ليذكرني بالرسول اصبح امعفر

كل اخوتي بهذا الوضع
كل جسم راسه منگطع
بصدر الاخو لا ضل ضلع
سحكته الخيل وتكسر

مانام مانام جفن احسين مانام
يرعه جان امس حالي
ليوم اموذر اكبالي
هاي الدنيا ايام
ــــــــــــــــــــــــــــــــــــــ
وين ايامي يبويه ابين ولياني عشتهه
راحت الوليان عني فارگتني وفاركتهه
الخدر راح الاهل راحت شفت ناس الماشفتهه
اصبحت حرمه وغريبه وهيبتي ذيج افگدتهه

هاي الاطفال الي ربت
ابعزت اهلها اتسيبت
مثل يبويه اتسلبت
السلبتني سلبتها

ايتام ايتام لنهه ليوم ايتام
امس والدهه يشبگهه
اليوم الخيل تسحگهه
هاي الدنيا ايام
ــــــــــــــــــــــــــــــــــــــ
امس غير النسم ميمر ابد يابويه عليه
ليوم لن اركض ابين الخيل وآلآم بيه
والسياط اتربعتني وانه اشگفهه بديه
لا هذاك العز اشوفه ولا الذل بالغاضريه

يابويه اصير بيا فكر
اذكر اخوتي والخدر
ابن امي حز راسه الشمر
واجه براس احسين ليه

آلآم آلآم شتريد احچي آلام
بن امي الماكو امثاله
صار الشمر چتاله
هاي الدنيا ايام
ــــــــــــــــــــــــــــــــــــــ
ما اجاك الخبر عني صرت يابويه بهضيمه
الخيم وجوها علينا ولا بگت للحرم خيمه
وانه ساعه اركض واجيب ايتيم والحگلي يتيمه

ساعه العليل ابخيمته
اسمع يبويه صيحته
مهدد بگطعت رگبته
كضيت يابويه النهار عله هل حاله بهذا همي


الشاعر المرحوم
عبد الحسين ابو شبع

#اللهم_عجل_لوليك_الفرج

(18)
https://www.tg-me.com/Wounds_AshuraOne

للمبدعة المتألقة العلوية مريم النور

ماشاء الله تبارك الرحمن على دواوينها الراقيه كلهن حزن واحساس خو جزء 15 روووعه بعد خاص بالعباس والحُسين وجزء ١٣و١٤ ما عليهم زود القصائد حزينة وما تتفوت


انصحكم بدواوينها حجزيهن لأن تتندمين إذا اجه محرم وهاي الأجزاء ما عندچ، قصائد تبچي الصخر مليانه احساس ومشاعر وحنية

👇🏻👇🏻👇🏻👇🏻

للحجز

@ABRAR5325

قصيده للهلال على طور (ناذر سنيني)
باسم الكربلائي

عاشور هل جاني جدد احزاني... حسينا
كل سنه انتظره. بنوح وبعبره ....حسينا
〰〰〰〰〰
هذا شهر المحرم شهر الالام
اعلنو بيه الحداد وعلگو الاعلام
انصبو يله المواكب لطمو الهام
نوحو اعله المنذبح متوسد سهام
منذبح ضامي ...وزيد الامي..،، حسينا
هشمو صدره ....بنوح وبعبره ...حسينا
〰〰〰〰〰〰
اه ياشهر المصايب شهر الاحزان
بيه زينب حايره تفگد الوليان
ينفگد منها الخدر وي كمر عدنان
وتمشي حره ميسره بوليه العدوان
للشام مسبيه....دموع مجريه ...حسينا
وبالگلب حسره ....بنوح وبعبره ...حسينا
〰〰〰〰〰〰〰
اه منج كربله وبشهر عاشور
بيج اكبر مجزره وتذبح بدور
حتى طفل بالمهد نلكاه منحور
گامت خيول العده عالخدر دور
مابقه والي ....يحرس اطفالي ...حسينا
والخيم جمره ...بنوج وبعبره ...حسينا
〰〰〰〰〰〰
كل سنه وكل عام يتجدد حزنه
ننعه لمصاب السبط نجذب الونه
احنه عاشورك يظل دوم بگلبنه
عهد ويه حسين ونوفي بعهدنه
نبجي لمصابه ...احنه احبابه ...حسينا
نجدد الذكره ...بنوح وبعبره...حسينا
〰〰〰〰〰〰
روحي ملهوفه تحضر هالمجالس
باللطم مجنون انه وجني عابس
من ادك صدري احس المهدي جالس
يصير عندي بالبجي والنوح واهس
يلطم ويانه ...ويبجي لبجانه ...حسيناه
تحضر الزهره ....بنوح وبعبره...حسيناه
〰〰〰〰〰〰〰〰〰〰〰〰〰〰〰〰〰〰〰〰
تمت بعون الله تعالى
خادمة الزهراء ام حسين الأسدي القصائد
https://www.tg-me.com/Wounds_AshuraOne

القصيدة 📜ملكني
اداء  الملا🎤 علاء الغريباوي
الشاعر ✍️حسين حزام البوشي


ملكني عبد يمه ملكني
شغلني جمال اسمه شغلني

🔷🔷🔷🔷🔷🔷🔷🔷

حسين الحُب الول  حياتي بدونه تذبل
يرضا اعليه ياريت. خلها الدنيه تزعل
احبه بكلشي مولاي لأن بكلشي أجمل
مامر بيه إنسان ينطي وهوه يخجل

شدهني ضوه رسمه شدهني
شغلني جمال اسمه شغلني

🔷🔷🔷🔷🔷🔷🔷🔷🔷

جمال عيونه لوحه  لغز محد يشرحه
ملكني من الزغر طير حر وعالي جنحه
ونه تربات الحسين وغزر بيه ملحه
الباب البيت أجه الريح  لاما اسده افتحه

نذرني لأبو الدمه نذرني
شغلني جمال آسمه شغلني
🔷🔷🔷🔷🔷🔷🔷🔷🔷

نشأ بيه ويه عظمي حرز عاش ويه دمي
شربت احروف الحسين قبل لا ارضع امي
حفظت اسمه ونه ازغير قبل لا اسمع اسمي
وبوي يگلي محروس  وبسم أحسين محمي

أخذني الأفق نجمه أخذني
شغلني جمال اسمه شغلني
🔷🔷🔷🔷🔷🔷🔷🔷🔷

حسين ألقابه جوهر   الزكي النجم الازهر
أمام الدنيه والدين    وفي المنجي الجدر
صدوق وسبط السلام    شهيد الدمه منبر
ولاكن احلى اللقاب   ابو الخدام الكبر

شبكني بعطف حلمه شبكني
شغلني جمال آسمه شغلني

🔷🔷🔷🔷🔷🔷🔷🔷🔷

من يتعبني دربه.  يقرّبني اعله گلبه
حبيبي ومالك الروح وحق اعيونه احبه
دنيه بدون الحسين عطاشه بدون جربه
احبه وهوه مذبوح.   احبه وهوه گبه


غرامي الضاوي نجمه    سحربي حته الأعمّه
گالو تخدم حسين  گلت لاهايه قمّه
خادم خادم أحسين  يشرفني من اخدمه
عرّاب العشگ جون  لاح أتراب جدمه

سجني بدفو الرحمه سجني
شغلني جمال آسمه شغلني

🔷🔷🔷🔷🔷🔷🔷🔷

الكاتب عادل الوائلي
https://www.tg-me.com/Wounds_AshuraOne

•‏​‏​​‏•❥ًً❀(•«﷽»•)❀❥ •‏​‏•‏​‏
اللهم صل على محمد وآل محمد مشيئة الله والمفوض لهم كل شي من الله 🥀

شعر منصه لسان حالي
الى من يكتبون قصائد بكلام عادي وضعيف كلام لا يصلح إلا للفواتح لاشخاص عاديين وينسبونها الى آل بيت رسول الله صلى الله عليه وآله وسلم والى الأئمه المعصومين بحجة الحسجه وعذراً من بعض الأقلام الراقيه التي كتبت الحسجه بمعناها وابدعت في ذلك مع جل احترامي وتقديري للجميع...
بسم الله نبدأ

✹✭┈✺✺---- ​​‌༄✹✭​​​​◌‌*

أشوف أبعــــــاد كلماتي وارددهه
وأقيس آنه القصيده يالله اكتبهه

ما اكتب كلام شلون مـــــــــا جان
اخافن ساحة العصمه أنه أخدشهه

بثقافه وبعلم اكتب على المعصوم
وكلماتي بعقيده وحكـمه اخططهه

روحي والفكر والقلم والكلمات
شرط تسجد جميعاً ألى سيدهه

ما أجيبن كلام بحق بشر خطاء
ولآل النبي بكـــل جرأه انسبهه

ما اكتب قصيده بأضعف الكلمات
وكولن عنهه حسجه لمن انشرهه

الحسجه لغــــز معناها بالتفسير
بس اهل العقل والحكمه يفهمهه

الحسجه مو كلام يطابق الأيقاع
ويظل يدبج عليها الذي يسمعهه

لأسياد الخَلِق مو اي حجي ينگال
والله شما خلــــــق هُمه مشيئتهه

هُمه النور هُمْ لاهوُت والناسوُت
وبهيأة بشــر الله الجسدهـــــــه

من نكتب بحقهم نعرف شنختار
ويا كلمات بيها العتره  نوصفهه

وفرق بين الثرى وبين الثريه
الخلق كله ثرى وهمه ثريتهه

واخيراً راح آنـــه اختم كلامي
أُمنيه كل الخدم تنقبل خدمتهه

✹✭┈✺✺---- ​​‌༄✹✭​​​​◌‌*

خادمة اهل البيت عليهم السلام
        أزهار جبار الجياشي

      نسألكم الدعاء
  ولفاتحه لروح والدي

لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له

من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام


نشر قصائد الشعراء والشاعرات + تلحين
https://www.tg-me.com/Wounds_AshuraOne

حي الله خادمات الحسين الملايات مابقى شي على محرم لتبقين محتاره وفرنالكم جهاز خاص من اجهزة ابو امجد
جهاز معروف وراقي جدا

وبعد هم خليتلچ لواقط واختاري اليعجبج سارعو بالحجز عبر المعرف 👇🏻👇🏻👇🏻👇🏻👇🏻

@ABRAR5325

قناة مكتبة عاشوراء 👇👇👇
https://www.tg-me.com/AiDoiwwn19878

كروب اجهزة ملايات👇👇

https://www.tg-me.com/+n-BgqsOHygw5OWNh

📜 القصيدة: عباس خويه احا
🎤 أداء: مسلم الوائلي

يا من يدليني على بدر العشيره
عندي بصيره اويه اولي وارد استشيره
يرضه خواته ميسره صاحب الغيره
وراس المشد بالنوح ياجلة الوليان
(عباس خويه احا)
****
وينه اليدليني بطريج العلكمي منين
عباس اريد اباصره عن النساوين
جا من عكب عينه الحريم وجوهها وين
بلجن يدليني أعلى رايه ليث الأكوان
[عباس خويه احا ]
****
جنه يكللها يزينب لا تجيني
ماريدج تشوفين راسي وسهم عيني
ولااريدج تشوفين يسراي ويميني
لاينصدع كلبج يزينب يم الاحزان
( عباس خويه احا)
****
يامايـــ💔ـــله الدنيا ويه زينب
علي يآآآآآآآ بووووويه

ردت عليه وتصيح يالدگيت صدرك
تحمي الضعينه يبن ابوي وجيت بأمرك
يالنايم اعله العلگمي اختك تعذرك
ما گصرت دون الخدر يا گمر عدنان

عبااااااس خويه احااااا
****
تــــــم كتابة المقطع الآخير القصيده كامله. ✍🏻أزهار التميمي. لا أجيز حذف الأسم.
كلمات المرحوم. معين السباك.
https://www.tg-me.com/Wounds_AshuraOne

آلُِرٍآدِوُدِ بَهـآء آلُِزْيدِآوُي:
لطمية يازينب وين سويتي عزه حسين

يازينب وين سويتي عزه حسين

يازينب وين سويتي عزه حسين
..........................
بهيده ابچي ياحرة ولا تونين
يازينب وين سويتي عزه حسين
........................
بهيده ابجي ياحرة  ولا تونين
يازينب وين سويتي عزه حسين
.........................
اخافن تعثر الناقة وتطيحين
يازينب وين سويتي عزه حسين
.........................
على العباس جم بيرغ تشيلين
يازينب وين سويتي عزه حسين
..........................
على العباس جم بيرغ تشيلين
يازينب وين سويتي عزه حسين
.........................
چم چادر على ابن امچ تنصبين
يازينب وين سويتي عزه حسين
.........................
چم چادر على ابن امچ تنصبين
يازينب وين سويتي عزه حسين 
.........................
نعاويچ خلصن وشلون تنعين
يازينب وين سويتي عزه حسين
.........................
نعاويج خلصن وشلون تنعين
يازينب وين سويتي عزه حسين
..........................
راح الحيل من گعده تصلين
يازينب وين سويتي عزه حسين
..........................
راح الحيل من گعده تصلين
يازينب وين سويتي عزه حسين
..........................
قرآنچ تشگك بيش تقرين
يازينب وين سويتي عزه حسين
..........................
قرآنچ تشگك بيش تقرين
يازينب وين سويتي عزه حسين
..........................
فاتحت العزيز بنص ديواوين
يازينب وين سويتي عزه حسين
..........................
فاتحت العزيز بنص ديواوين
يازينب وين سويتي عزه حسين
.........................
بثواب حسين بدمعاتج تمسحين
يازينب وين سويتي عزه حسين
.........................
بهيده ابچي ياحرة ولا تلطمين
يازينب وين سويتي عزه حسين
.........................
بهيده ابچي ياحرة ولا تلطمين
يازينب وين سويتي عزه حسين
...........................
على العباس يا ونة تونين
يازينب وين سويتي عزه حسين
..........................
وزينب لو بچت يسطرها على العين
يازينب وين سويتي عزه حسين
...........................
وزينب لو نعت يسطرها على العين
يازينب وين سويتي عزه حسين
...........................
خويه يازلمة يشيع من تشيعين
يازينب وين سويتي عزه حسين
...........................
يازينب وين سويتي عزاء حسين

يازينب وين سويتي عزاء حسين

يازينب وين سويتي عزاء حسين
.................................
الشاعر  امجد الشطري
https://www.tg-me.com/Wounds_AshuraOne

رأي المله ام علي من بغداد بدواوين مواجع الطف وديوان العبره الفاطميه 👌🏻👌🏻

شكرآ غاليتي على كلامج الذهب

متوفره الان
سارعو بالحجز والشراء

#الطلب_والاستفسار⭕👇👇👇⭕

@ABRAR5325

حديث مختصر ونعي لاستشهاد مولاتنا#رقيه بنت الحسين عليهما السلام

بسم الله الرحمن الرحيم

ياموالين
كانت السيّدة رقية(عليها السلام)قد واقعة كربلاء، وهي بنت ثلاثة سنين، ورأت بأُمّ عينيها الفاجعة الكبرى والمأساة العظمى، لما حلّ بأبيها الإمام الحسين(عليه السلام) وأهل بيته وأصحابه من القتل، ثمّ أُخذت أسيرة مع أُسارى أهل البيت(عليهم السلام) إلى الكوفة، ومن ثمّ إلى الشام.
وفي الشام أمر اللعين يزيد أن تُسكن الأُسارى في خربة من خربات الشام، وفي ليلة من الليالي قامت السيّدة رقية فزعة من نومها وقالت: أين أبي الحسين؟ فإنّي رأيته الساعة في المنام مضطرباً شديداً، فلمّا سمعن النساء بكين وبكى معهنّ سائر الأطفال، وارتفع العويل والبكاء.

كاني بلسان حالها 😭👇


فزت وصاحت عمه وينه
توه مسح راسي بيمينه
خافنه اجانه ومادرينه


عمه وعلي هلتوه اجاني
حبني وعنچن ناشداني
گتله تره فراگك عماني


عاتبت ابوي وشاف متني
وگتله عليمن يتمتني
انه العزيزه الدللتني


عمه الدمع من عينه يجري
كتله ارد اموتن گال صبري
موتچ يمدلوله اعله نحري




فانتبه يزيد (لعنه الله) من نومه وقال: ما الخبر؟ فأخبروه بالواقعة، فأمر أن يذهبوا إليها برأس أبيها، فجاؤوا بالرأس الشريف إليها مغطّىً بمنديل، فوُضِع بين يديها، فلمّا كشفت الغطاء رأت الرأس الشريف نادت: «يا أبتاه مَن الذي خضّبك بدمائك؟ يا أبتاه مَن الذي قطع وريدك؟ يا أبتاه مَن الذي أيتمني على صغر سنّي؟ يا أبتاه مَن بقي بعدك نرجوه؟ يا أبتاه مَن لليتيمة حتّى تكبر»؟



جلبت راسه وسالت العين
وتصيح يابويه يالحسين
بس راس هذا وجثتك وين


ظلت تنوح وتبچي يمه
تگله الزغیره ترید رحمه
خلیتني بس للمغمه

بويه وعلي يوجعني متني
واسياطهم تگضي وگضتني
كتلك اخذني وماخذتني


👇👇
كلام مولاتنا زينب لرقية من قبل ان تموت

عمه البچي والنوح كافيچ
خافن ونینچ یلحگ اعلیچ
زغیره یبعد اهلي ارد اربيج

هزتها عمتها الحزينه
تگلها یمحزونه اشبدینه
مکتوب یبنیتي علينه


ثمّ إنّها وضعت فمها على فمه الشريف، وبكت بكاءً شديداً حتّى غشي عليها، فلمّا حرّكوها وجدوها قد فارقت روحها الحياة، فعلى البكاء والنحيب، 


اين المنادي وارقيتاااااه
واسيدتااااااه 😭😭😭😭😭😭😭


من دونهن سكتت رقيه
حسبالهن نامت خطيه
عالراس وازتها المنيه


زينب تصيح اهنا يعمه
حاچیني يزغيرونه چلمه
گلبي انمرد مابيه هظمه

وينچ یعمه اوین المصاب
بعدچ زغیره الفگد الاحباب
طریتي گلبي والضلع عاب

يالناحله وجسمچ زغیر
وحزنچ عله احبابچ چبیر
ویلي يعمه گلبي شيصير

شلتي بعجل مابعد ملگه
عالراس ظلیتي امدنگه
طگني الدهر واوجر ابطگه

وجهچ یظمه اتراب وسفه
زغیره یبعد اهلي وترفه
وگاع التضمچ حیل صلفه




*تمت*


العمل مهدی الی مولاتنا الحوراء زينب ع


خادمة الحسين ع
*ام علي رضا الشريفي الحسيني*https://www.tg-me.com/Wounds_AshuraOne

#الحديث_والنعي_بديوان_منابر_النور_الجزء_٩_.


حديث وفاة السيده رقيه عليها السلام


حضرت السيده رقيه (ع) واقعة كربلاء وهي بنت ثلاثة سنين ورأت بأم عينيها الفاجعة الكبرى والمأساة العظمى لما حلّ بأبيها الأمام الحسين (ع) واهل بيته وأصحابه من القتل ثم أخذت أسيرة مع اسارى آل محمد (ص) الى الكوفة من ثم الى الشام أمر اللعين يزيد ان تسكن الاسارى في خربة من خرابات الشام وفي ليلة من الليالي قامت السيدة رقية (ع) فزعة من نومها وقالت أين ابي الحسين (ع) فأني رأيته الساعة في المنام مضطرباً شديداً فلما سمعن النساء بكين وبكى معهن سائر الاطفال وارتفع العويل والبكاء فانتبه يزيد (لع) من نومه قال ماهذه الضجة؟ فاخبروه بالواقعة فأمر ان يذهبوا اليها براس ابيها فجاؤوا بالرأس الشريف اليها مغطى بمنديل بطشت من ذهب فوضع بين يديها فقالت لا أريد الطعام أريد ابي فلما كشفت الغطاء رات رأس أبيها الحسين (ع) مرمل بالدماء فنادت يا أبتاه من الذي خضبك بدمائك يا أبتاه من الذي قطع رأسك يا أبتاه من الذي ايتمني على صغر سني يا أبتاه من بقي بعدك نرجوه يا أبتاه من لليتيمه حتى تكبر ثم انها وضعت فمها على فمه الشريف وبكت بكاءاً شديداً حتى غشي عليها حتى صاح الأمام السجاد (ع) ارفعوها عن الرأس فقالت زينب (ع) دعها تتزود من ابيها فقال الامام عمه زينب ارفي الطفلة فقد ماتت على رأس والدي حركوها فاذا هي ميته فصرخت زينب وصاحت .. وامصيبتاه .. واحسيناه .....


نعي للسيده رقيه عليها السلام


هليوم متوفيه رقيه
بلشام وافتهه المنيه
محتاره زينب بلابنيه
❥━──➸➽❥💔❥━──➸➽❥💔
محتاره هليوم العقيله
اتصيح النعش منهو اليشيله
يدرون بيه اهلي نحيله
❥━──➸➽❥💔❥━──➸➽❥💔
يدرون بيه بين الاجناب
اريد دفانه امنلحباب
تدفن رقيه ابدمع سجاب
❥━──➸➽❥💔❥━──➸➽❥💔
ماتت يويلي بلخرابه
تبجي وتصيح حسين يابه
ابدم النحر شيبه اخضابه
❥━──➸➽❥💔❥━──➸➽❥💔
آ يا رقيه ونت اليوم
وامصابهه حارمني النوم
وانه نحيله ومكدر أكوم
❥━──➸➽❥💔❥━──➸➽❥💔
ماتت رقيه سود الامتون
من الهظم ما ظلت عيون
يمته يهل كلبي تردون
❥━──➸➽❥💔❥━──➸➽❥💔
يمته يهل كلبي تجوني
واعله المصايب تعينوني
ماتت رقيه وما لفوني
❥━──➸➽❥💔❥━──➸➽❥💔
رقيه تون هليوم علراس
اضنه ما يدري العباس
خلاني اونن بين هلناس
❥━──➸➽❥💔❥━──➸➽❥💔
بس العليل احتار بيهه
عينه تهل من دم عليهه
لا عمهه اجه لحسين ليهه
❥━──➸➽❥💔❥━──➸➽❥💔
ليش الاهل ما يحضروهه
اليوم الجنازه يشيلوهه
يغسلون الابنيه ويدفنوهه
❥━──➸➽❥💔❥━──➸➽❥💔
قصت رقيه اشكثر صعبه
ماتت تون ابين غربه
وحسين متوسد ابحربه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*https://www.tg-me.com/Wounds_AshuraOne

نعي للسيدة رقية عليها السلام


صبح وعصر تبچي رقيه
واتصيح بويه الحگ عليه
بالشام تلگاني سبيه


تلگاني مهضومه واسيره
بجالك چنت هيبه واميره
يسبني الشمر ماعنده غيره


يسبني الشمر ماعنده شيمه
ولاگال مهضومه ويتيمه
مابيه حيل اگطع الهيمه


مابيه حيل اگطع الوديان
لاعندي ابو ولاعندي وليان
بس واحد امچتف اوجعان


بس واحد ومهدوم حيله
وبالمعركه امضيع جبيله
همه ثجيل ومن يشيله


همه ثجيل اشلون ينشال
بويه وحملنه اتضعضع ومال
گلبك علينه شگال ماگال


اشگال چا گلبك علينه
من الهضم طحنه وگضينه
وردناك گدام الضعينه


وي الضعن ردناك گدام
تباري الحرم وتباري الايتام
ياحيف والله عيونك اتنام


ياحيف والله تنام هالنوم
بس راسك اويانه يمظلوم
فوگ الرمح يتناگط ادموم


فوگ الرمح ويسيل دمه
لو شفته اصيح اهنا يعمه
والشمر ماخلاني اشمه


الشمر راسك ماينزله
بگلوبنه لوعات خله
والهضم يكتل مانحمله


الهضم ماينحمل تدري
والسوط يتكسر بضهري
عساني متت ماريد عمري



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخرhttps://www.tg-me.com/Wounds_AshuraOne

نعي للسيدة رقية (عليها السلام)

*ابوذيه*
لسان حال العقيله زينب عليها السلام لمصيبة رقية :
راسك   يالولي يا  وسفه منصاب
دمه امن العين مو بس دمع منصاب
صوبني بسهامه الدهر من صاب
ولحگني انوب صاباني برقيه

*نعي مجرد*
❥━──➸➽❥❂❥━──➸➽❥❂
راسك يالولي جابوه ليهة
شبگتة وكثر ونهة وبچيهة
ووافتها المنية وحرت بيهة
❥━──➸➽❥❂❥━──➸➽❥❂
عمت عيني عليها يارقية
فوگ الراس وافتها المنية
ياهو لدفنها ايگوم لية
❥━──➸➽❥❂❥━──➸➽❥❂
خوية اتحيرت والحسرة اجرها
ياهو اليحفر لبتك گبرها
رقية امصابها لروحي سطرها
❥━──➸➽❥❂❥━──➸➽❥❂
ماعندي ولي واشكيله الحال
بس العابد مگيديه باحبال
امصاب ابنيتك صوب الدلال
❥━──➸➽❥❂❥━──➸➽❥❂
مالومة بگيت واهمل العين
والگلب انفطر يالغالي نصين
وحدي يالولي بين الملاعين
❥━──➸➽❥❂❥━──➸➽❥❂
ماظن يالولي بغربة تقبلون
اخليها رقية گولوا اشلون
واعليها الگلب هاليوم محزون
❥━──➸➽❥❂❥━──➸➽❥❂
*نعي فائزي*
ماتت رقيه أعله النحر ما درو بيهه
طفله وحزينه وحطو الرأس بايديهه

شبگت الرأس وبچت وانخمدت الأنفاس
من شافت رقيه ابوهه مگطع الرأس

صرخت اوفاتهه المنيه وزينب تنوح
بتك يغالي لحگتك وراحت الروح
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://www.tg-me.com/Wounds_AshuraOne

*قصيدة لرقية عليها السلام (شبگت الراس)*
*((من ديوان عبرات وأنين جزء٥))*
❥━──➸➽❥❂❥━──➸➽❥❂
شبگت الراس وتشمه
              تصيح  لحگيلي يعمه

*راح من عدهه النضر … والگلب منها انفطر*

والكلب كثران همه
                    شبگت الراس وتشمه
❥━──➸➽❥❂❥━──➸➽❥❂
يوم فزت من حلمها والدمع منها يسيل
اتصيح ابوي احسين اريدة وذاب من عدها الدليل
جابوا العدوان راسة شافتة وصاحت يويل
*شمتة بحسرة وتگلة… والدمع عالخد تهلة*
ليش متخضب ابدمه
                    شبگت الراس وتشمه
❥━──➸➽❥❂❥━──➸➽❥❂
بحسرة شبگتة رقية تگلة واتهل الدمع
ياهو گاطعلك وريدك خلة گلبي منفجع
عمة صاحت يالعقيلة شوفي ابوي بيا وضع
*خمدت الوالي انفاسة… منگطع ياعمة راسة*
ومنفصل عن باقي جسمه
                      شبگت الراس وتشمه
❥━──➸➽❥❂❥━──➸➽❥❂
ذاب دلالي علية وحيلي ياعمة انهدم
من شفت مگطوع راسة وشيبتة مخضبيها دم
بويه اگلة وماسمعني وماحچة وگلي نعم
*ابد ماردلي جواب… والگلب ياعمة ذاب*
وداعت المظلومة امه
                    شبگت الراس وتشمه
❥━──➸➽❥❂❥━──➸➽❥❂
خلاف ابوي الغالي اني بعد ماريد العمر
شلي بعمري واشوفة گبالي محزوز النحر
راح صبري ومابقالي حيل لاظلي صبر
*بعد ماريد الحياة… رايدة بس الممات*
ارد اموتن انة يمه
               شبگت الراس وتشمه
❥━──➸➽❥❂❥━──➸➽❥❂
سكتت بلحضة رقية وهدة من عدها الونين
ويوم شالتهة العقيلة من على راس الحسين
لگتهة ميتة ياوسافة والگلب منها حزين
*صاحت الحرة يوالي … ماتت ابنيتك اگبالي*
والگلب زيدتلي همه
               شبگت الراس وتشمه
❥━──➸➽❥❂❥━──➸➽❥❂
*بقلم ✍🏻 شاعرة اهل البيت ع*
*العلوية مريم النور نسألكم الدعاء الفاتحة الى روح اختي ولأمواتكم:🍃*https://www.tg-me.com/Wounds_AshuraOne

#الطميه_بديوان_منابر_النور_الجزء_٩_.


لطميه للسيده رقيه عليها السلام


من ونت رقيه      ابساعات المنيه
واهيه بلخرابه      تصيح حسين بابه
بويه الحك عليه      ابساعات المنيه
❥━──➸➽❥💔❥━──➸➽❥💔
عني شلت يحسين      وانه ضيعتني
بويه اشكيلك الحال      اكعد شوف متني
ما تدري الجرالي        كومك لوعتني
جابوني يسيره      تدريني زغيره
دمعاتي جريه      ابساعات المنيه
❥━──➸➽❥💔❥━──➸➽❥💔
تدريني عزيزه         والظالم ولاني
بيده السوط يحسين      بويه واضرباني
ماتدري اشسوه      من عكبك زماني
هلت دمعت العين      ما تمسحهه يحسين
وجابوني سبيه      ابساعات المنيه
❥━──➸➽❥💔❥━──➸➽❥💔
ونت بلخرابه      رقيه ابصوت عالي
اتكله الطشت يمي      بي راسك اكبالي
من امصايب البين      بويه وتاه بالي
الحد الموت اونن      ودموعي يهملن
مانشديت بيه      ابساعات المنيه
❥━──➸➽❥💔❥━──➸➽❥💔
بويه اشكيلك الحال      من طبينه للشام
من اسياط اميه      جرحي شلون يلتام
من فركاك يحسين      شلون عيوني اتنام
بويه اكعد احضني      حته اتشوف متني
من اسياط اميه      ابساعات المنيه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*https://www.tg-me.com/Wounds_AshuraOne

رقية بالخرابة تصيح عمه
مشتاكة لبوي وارد اشمه

وينه الدللاني. اصيح ومااجاني
اريد اشكيله الهظم والضيم يمه
مشتاكة لبوي وارد اشمه
&&&&&&&&&&&&&_

مشتاكة اشم عطر المحنه
واشكيله الهظم واسدر الونه
يردلي الغالي لو اكطع الضنه
نسه بته ابوي حسين جنه

ضالم يازماني. اصيح ومااجاني
دنية خلاف عينه بعيني ضلمه
مشتاكة لبوي وارد اشمه
&&&&&&&&&&&&_

ابوي الجان ميفارك خيالي
فاركني وصفيت بلايه والي
بعد شيعودها ذيج الليالي
ياوسفه انفكد عزي ودلالي
شو جنه نساني. اصيح ومااجاني
صوبني الوكت وشكلفه سهمه
مشتاكة لبوي وارد اشمه &&&&&&&&&&&&&&&_

عمه شلون خلاني غريبة
صعبه اعله المحب يفكد حبيبة
اعتب والعتب بلكت يجيبة
وكلبي يهيد ويبطل نحيبة
ملهوفه واتاني. اصيح ومااجاني
فراكة اعله الكلب ياعمه لجمة
مشتاكة لبوي وارد اشمه
&&&&&&&&&&&&&&_

تهل دموعي وكت المغربية
اريدن والدي ينشد علية
عزيزة كلبة عمه انه رقية
ماظنه نساني وكطع بية
عزيزة كلبة اني. اصيح ومااجاني
عونه العده ابو يشرك بهمه
مشتاكة لبوي وارد اشمه
&&&&&&&&&&&&&&_

عازات الأبو ياعمه عازة
مكسور الكلب فاكد اعزازة
شماله اعلى الولي دهري توازة
حالي بغيبته حال الجنازة

فراكة عذباني. اصيح ومااجاني
عذبني الوكت طشر اللمه
مشتاكة لبوي وارد اشمه

خادمة الزهراء
الشاعرة هالي نورhttps://www.tg-me.com/Wounds_AshuraOne

قصيده للسيده رقيه عليها السلام
على طور قصيده معلوله وغريبه
للرادود حسين الحجامي
========


طفله انه وغريبه......
اهلي فارگوني

ماظنهم يجوني.......
بلشام تركوني

طفله انه وغريبه .....
اهلي فارگوني

😔😔😔😔

انه رقيه
ابچو عليه
ياهو يجيني يجيني يجيني

بگبري غريبه
قصتي رهيبه
خط بجبيني بجبيني بجبيني

بزغري يتيمه
والله هظيمه
ظاعت سنيني سنيني سنيني

كل اهلي جفوني
بلشام تركوني

طفله انه وغريبه......
اهلي فارگوني

😔😔😔😔

ما اگدر احچي
بس عيني تبچي
وجر التراچي التراچي التراچي

سوطه اعلى متني
حيل وجرحني
وبس البواچي البواچي البواچي

ومنين اجيبه
الزاچي حليبه
حلو المحاچي المحاچي المحاچي

بلسوط ضربوني
عمي وعذبوني

طفله انه وغريبه اهلي فارگوني

😔😔😔😔

جابولي الراس
ياعمي عباس
شفته وحظنته وحظنته وحظنته

شفت المنيه
ماتدري بيه
بحرگه عتبته عتبته عتبته

گدامي بلسيف
يابويه ياحيف
يضربه علشفته علشفته علشفته

مانامت عيوني
زغيره وعذبوني

طفله انه وغريبه.......
اهلي فارگوني

😔😔😔😔

ودمعاتي يجرن
عماتي يدرن
بس شبديهن شبديهن شبديهن

يشوفوني ابچي
مااگدر احچي
وزايد بچيهن بچيهن بچيهن

يرهبهن الصوت
ويشوفن الموت
ومحد يجيهن يجيهن يجيهن

راحو ما خذوني
والدمعه بعيوني

طفله انه وغريبه......
اهلي فارگوني


========
خادمة ال البيت الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء عhttps://www.tg-me.com/Wounds_AshuraOne

.قصيده للسيده رقيه عليها السلام  ....
لسان حال والدها الحسين عليه السلام
========


نامي  بابا  بلخرابه

نامي  نوم  العافيه

خلي راسچ فوق راسي

وخلي عينچ غافيه

نامي بابا وبأمان 
شبعي من صدري حنان

نامي بابا .....
نامي بابا .....

➖➖➖➖

بابا يلبعدچ زغيره ما شبعتي من حناني

ارد اظمچ يارقيه نامي باباتي بحضاني

ليش ضيعت النودهم ليش ظالم يازماني

ضيعاكم هلزمان يارقيه وضيعاني

نايمه ودمعچ يصب
نار تچوي بلگلب 

نامي بابا  ....
نامي بابا ....

➖➖➖➖

شفت من جرّو اذانچ والتراچي سلبوچ

والدمه تجري اعلى خدچ وليه يابويه ولوچ

والحبل جرح جفوفچ بلسياط ويضربوچ

مارحم حالچ الطاغي براس ابوچ ايروعوچ

حضنتي الراس وغفيتي
بلخرابه    ودعيتي 

نامي بابا 
نامي بابا

➖➖➖➖

شلون نمتي بلخرابه ونتي يابويه اميره

عمتچ تبچي وتنادي والله ياحيرتها حيره

نمتي بيها حيف بويه حتى مابيها حصيره

باجر تصير الخرابه جنه من الله چبيره

هلخرابه تصير جنه
ليها شيعتنه أتعنه

نامي بابا
نامي بابا

➖➖➖➖

نامي باباتي علراسي خل اشمن ريحتچ

ونتي تدريني احبچ ابد محمل فرگتچ

امشي ويايه رقيه متانيتنه جدتچ

تكول مشتاقه لرقيه عذبتها صرختچ

فاطمه تجري الدمع
عليج محنيه الظلع

نامي بابا
نامي بابا

➖➖➖➖

نامي بابا يارقيه اتحرسچ عيون الاله

صوت جبرائيل كبر سمعي يبنيتي نداه

بويه ورتاحي رقيه من الونه ومن الاه

انه ونتي نشكي لله مالنه ربآ سواه

نشتكي ظلم  الزمن
والمصايب  والمحن

نامي بابا
نامي بابا


========
خادمة ال البيت وخادمتكم الحجيه ام علي
نسألكم الدعاء
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء عhttps://www.tg-me.com/Wounds_AshuraOne

قصيده ثكيله للسيده رقيه عليه السلام


بويه جيتك خل نبدي بلحجي
بنيتك انه تدري مااحمل بجي


زغيره لاتخليني ...اسمع وحاجيني
بويه جيتك خل اسولف عل جرالي
ضاع كلشي بغيبتك حتى دلالي
كلبي مايحمل صبر تدري يغالي
بعمري ماحسبت هيجي تضيع تالي
طفله راواني زماني اشكال تدري
كلبي مايحمل مصايب صعب امري
ظيعتهه اسنيني...اسمع وحاجيني
جيت يمك خل نبدي بلحجي


والشمر بيده ظربني من اجاني
يزمخ ابصوته ويعلي وخوفاني
سلب الترجيه مني وجر اذاني
طكني وبجفه يبويه وهل عماني
بلحبل شدهن اديه وعيني تهمل
كلته ارحم زغر سني كافي بطل
غيبتك تجويني...اسمع وحاجيني
جيت يمك خل نبدي بلحجي


مدلله وانت عفتني اليش وحدي
واسمع الليله عتابي وياك شبدي
من اجاني الشمر كلي كومي نحدي
ماكمت اليه يغالي وصحت ردي
من خذوني عداك تالي تيسرت
كمت ابجي وبلدرب بويه طحت
زوديت اونيني...اسمع وحاجيني
جيت يمك خل نبدي بلحجي


عذبوني كوم اميه وسارو ابعيد
لليسر ودوني كوه وبعد شيفيد
رايحه اوياهم يبويه وكلبي ميهيد
دمعي عاالوجنه يلالي وعفتك اوحيد
طفله وبعينه خزرني وهاي هيه
ماريد امشي اسيره شلون بيه
دمعتي وبعيني ...اسمع وحاجيني
جيت يمك خل نبدي بلحجي


راحت اوياك اليالي الحلوه جانت
بليتم حسيت انه وروحي راحت
غيبتك صعبه وجبيره صدمه صارت
عمري خلصته بكئابه وعيني نامت
صعب حالي طفله حيل تمرمرت
من حياتي زغيره كلشي ماشفت
المن امخليني ...اسمع وحاجيني
جيت يمك خل نبدي بلحجي


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراء بتاريخ الثلاثاء/2022/3/22
١٨شعبان سنة هجري١٤٤٣
نسالكم 🙏🙏🙏🙏الدعاء للتوفيقhttps://www.tg-me.com/Wounds_AshuraOne