قصيده مربعه ( لمسلم ابن عقيل ع )
-------------------------------------------------------

يبو طاهر عليك النوح يحلالي
وسفه اتموت يالعلمك شده بالي


يبوطاهر عليك النوح محلاته
اليوم الجفن لجلك تهل دمعاته
هذا البشدد مشهوده وگفاته
خبر موتك يمسلم صدع دلالي

خبر موتك يمسلم ما الي حيله
لا تمشي و تضل ابنيتك انحيله
حمل بتك بعد جا منو الايشيله
مهضومه تضل ابعازة الوالي

تضل ابعازتك بتك يبو الغيره
بعد عينك يمسلم باجر ابحيره
وجها لو رحت جا عدمن اتديره
تضل بالضيم بس اعيونها اتهالي

ضيم البت ترا ما ينحمل مُره
تضل تنعه لبوها و هيه متحيره
افراگ الاب صعب يسعر مثل جمره
تگول اوياه اموت اهواي اشوالي

يبوطاهر حميده الليله مرتابه
تلطم عالوجه و اتصيح يا يابه
راح البي محنه و يكلف اغيابه
بيه شلون من بعده انه تالي

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tg-me.com/Wounds_AshuraOne

مقطوعه شعريه و نعي ( لمسلم ابن عقيل ع )
.....................

شمحلاته ابونه افياي بالدار
شمحله اسوالفه و ذاكه حجينه

خيمتنه الجبيره الما تصح دوم
مثله ما يجي روحه حنينه

لو سير و اجانه ايشيل الاهموم
يلاعبنه ابحنانه و عطف ادينه

صار اهواي غايب ما رجع ليش
مشتاگين اله الينشد علينه

ننشد وين ابونه و نهمل العين
مسلم ما اجه يحسين وينه

💔😭💔😭💔😭
حگ الاعيال اتريد والي
بالنزل هوه سور عالي
مثله مايصح ياناس غالي

غالي و غلاته يا حلاها
جا ليش الابنيه جفاها
تنشد عليه و ما اجاها

ثاري الابو ماكو ابعزه
حط بيه طول الليل فزه
و اغيابه حز دلالي حزه

ثاري الابو ماكو ابغلاته
حنين يا محله صفاته
حنيت اسمع حجاياته

يا محله ابونه نگعد اوياه
نتسامر و نسمع حجاياه
كلش هضمنه يوم فرگاه

يفراگ ابونه نار تسعر
جندوب نبقه اعليه ننطر
تعبنه هجره الله اكبر

يا هجر ابونه ويا صعبته
ما گال ضلت تون بنته
كل يوم اون ليه و ذكرته

حن الگلب و ايريد شوفه
غالي الابو وروحه عطوفه
مشتاگه ابوسنهن اجفوفه

يا شوفتك يا بويه عيدي
كلساع اگول لروحي هيدي
انطر يبويه و اصفگ ايدي

يابويه يكتل حيل الاغياب
ضليت اتاني و دمعي سجاب
هلبت تردلي يغله الاحباب

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه لهhttps://www.tg-me.com/Wounds_AshuraOne

قصيده فزاعيه ( لمسلم ابن عقيل ع )
.....................


لبن عمها العقيله نصبت احداد
و تبجي وي حميده بگلب مراد


لبن عمها العقيله ناصبه المأتم
اليوم اويا العلاوي امحزمه و تلطم
على مسلم تون و ادموعها من دم
يا وسفه انغدر و اتنوح الاولاد

يا وسفه انغدر و اطفاله يتمها
و بنته اخلاف عينه الدهر يهضمها
اليوم ام الخدر تنحب لبن عمها
و عليه حسين يبجي اليوم ما هاد

اليوم حسين گابل زينب و ينعه
گعد ويا اليتامه و ينحب بفجعه
شيرجعه ابوكم راح شيرجعه
بالكوفه انغدر ما بين الاوغاد

ماتم بالحزن نصبوله هالليله
و زينب نايحه و المدمع اتسيله
يا مسلم عليك ارواحنه انحيله
و بعيده اعلينه خويه ذيج الابلاد

اليوم الزين شال الكله حنيه
و مهضومه تضل اخلافه الابنيه
خن انعاون حميده ابدمعه مجريه
مهضوم اعله ابوها اليوم الافاد

مهضومه گلب صاحت ايا يابه
اجت وياها زينب تون مرتابه
و يا نار الابو بالگلب لهابه
جمر فرگاه يسعر حيل وگاد

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه لهhttps://www.tg-me.com/Wounds_AshuraOne

من أروع المحاضرات المنبريه باللهجه الشعبيه المطلوبه 👌🏻👌🏻

حجزي ديوانج لأن عدد الديوان كلش محدود

سارعي بالحجز من هنا 👇🏻👇🏻👇🏻👇🏻


@ABRAR5325

للحجز والاستفسار تواصلو معي عالمعرف

👇🏻👇🏻👇🏻👇🏻


@ABRAR5325

للحجز والاستفسار راسلوني عالمعرف


👇🏻👇🏻👇🏻👇🏻👇🏻


@ABRAR5325

عمار الكناني (الرساله المفجعه)

شما يقره رساله حسين اصد ليه

اشوفن يارساله حيل تاذيه
قره وحده وتحير
كض ظهره وتحسر
لزم عباس عمي  وانتجه عليه
+++++++++++++++++++
على طول الدرب توصل
رسايل كلها قاريها
بس وحده خذت حيله
صدك ما اعرف شبيها
اشوف الحسره بعيونه
ياخذها ويرد ليها
مره يعاين لعباس
مره عاين عليها

اول مره اشوفن هيج  حاله
عجيد الكوم وتخنكه الرساله
شمها وحبها مرتين
جرت دمعات الحسين
حسره جيبه ضل حسره التوديه
شما يقره رساله حسين اصد ليه
++++++++++++++++++++
اول مره اشوف حسين
يمشي بخطوه خجلانه
اجاني مغوركه عيونه
بس كلبي انجوه هنانه
عرفت السالفه توجع
شفت عمي ذبلانة
وعرفت بوالدي استشهد
من كلي ابوج انه

گعد يمي ومسح دمعاتي بيده بيده
يكلي عضم الله اجرج حميده
يحجي وحيل مهضوم
بنبره صوته ملجوم
جان هواي يبجي مبين عليه
شما يقره رساله حسين اصد ليه
+++++++++++++++++
قراها وكال هالجلمات
بيه الحيل ما   خلن
كتبها يكول مسلم مات
وانه عيوني يتخيلن
مات عيونه مفتوحات
عالسچه كربله يصدن
مات اضلوعه مكسورات
يدري ضلوعي ينكسرن

ابن عمي بمماته شكد وفي چان
دره عطشان اموت ومات عطشان
بلسانه كلمتين
فدوه لوجه الحسين
الف مره من اموت واعدل افديه
شما يقره رساله حسين اصد ليه
++++++++++++++++++
صاحب نايبه وفاكد
الله يگوي حيل حسين
من ساعه قره المكتوب
احس انه كبر سنتين
ضل يتعثر بممشاه
وعلى وجهه وكع مرتين
انه گباله بس يكول
دلوني بحميده وين

الخلت عمي يبچي  وحيل مقهور
قره مكتوب من القصر مشمور
وديه مشدوده بحبال
اسير بوليه انذال
بنص السوگ وسفه استعرضو بيه
شما يقره رساله حسين اصد ليه
++++++++++++++++++++
حسين يسولف ويبجي
سوالف توجع الدلال
بدمعه يگلي يبنيتي
هسه عرفت شلت الحال
العزيز يخلي وسط الروح
نار موجره لو شال
لفاكدله مسلم حيد
مالومه الگلب لو زاد

شما افكدلي واحد يحيل ينجاس
اموت بيوم من يروح عباس
حجاها وللارض طاح
سكنت ايده الصفاح
اول مره اشوفن  رجفت اديه
شما يقره رساله حسين اصد ليه

الشاعر # علي الدراجي
الكاتب # ليالي الجروح
https://www.tg-me.com/Wounds_AshuraOne

لطمية للأهل والاحباب (( مشتاگه العيون ))


مشتاكه العيون     للماينشدون
همه النسونه وحملو     ننساهم اشلون


همه النسونه وحملو     ماردو النه
چانت حنينه اگلوبهم     تنگط محنه
الضيم اخذنه والهضم     وانريد اهلنه
كلما نصد لنزولهم      نجهر الونه
ردو علينه انصيحهم     شو مايسمعون
همه النسونه وحملو     ننساهم اشلون


يهل المحنه انصيحهم     ردو علينه
ماخله بينه افراگهم     ماخله بينه
دمع المصايب واليتم     بلل عبينه
هاي المباني اخلافهم     وحشه وحزينه
جوه التراب اتوسدوا     ماضن يگعدون
همه النسونه وحملو     ننساهم اشلون


جوه التراب اتوسدوا     حلوين الاطباع
تچوي الضلوع ولاطفت     يانار الاوداع
والعشره فلت والشمل     ماينجمع ضاع
وحشه المنازل صبحت     بغياب الاسباع
دگوا الباب اضيوفهم     عنهم ينشدون
همه النسونه وحملو     ننساهم اشلون


مروا اليوم اضيوفهم     وگفوا عله الباب
گالو نريد احبابنه     وابعاد الاحباب
غياب كلهم صبحوا    وايطول الاغياب
بيمن نشد اصوابهم     يسعر ولاطاب
اعزاز ذوله اعله الگلب     ماواحد ايهون
همه النسونه وحملو     ننساهم اشلون


اعزاز كلهم عالگلب     ذوله وغوالي
چان النزل بوجودهم     يزهي ويلالي
من فارگتهم فارگت     عزي ودلالي
كلساع اصيحن ياهلي     ومشدوه بالي
وبهاي ابد ماحسبت     عني يبعدون
همه النسونه وحملو     ننساهم اشلون


من ديوان معاني الحزن جزء السابع
لشاعرو اهل البيت
ام هجران العمارچيه

غير مبري الذمه من يمحي اسم الشاعره او يغيره او يتلاعب بالقصيده وينسب الرثاء لشخص اخر
https://www.tg-me.com/Wounds_AshuraOne

.....


قصيدة || دار الوكت وين

الرادود : سيد فاقد الموسوي


الشاعر : حمزة الحسناوي

الکاتب.... رهف الکعبی


دار الوکت وین یالماخذ الحیل

وشطلع حسین من گلبی للخیل

دار الوکت وین یلماخذ الحیل

ذاك الوكت راح. مو من مهر طاح

من كلبي للخيل. من كلبي للخيل

من ظهره گال انذبحه انگدر

بس من گفاه يتعذب اكثر

چا حگهم الناس

ماهوه عباس

ــــــــــــــــــــــــــــــــــــــــــــــــــــ

ما حشمینه نرید فزاع بس ردنه نسمع صوت زلمه

هیه المره المحترکه شترید فی اوستر ترتاح یمه

ماهوه اخوچن های بس گاع بس هاذه یمکن ضال دمه

ماهوه بس صاحنلی لمی چا هسه ماودلی المه

بین الرمل وسیوفهم غاب تردنه خن انلم التراب

بینه الوکت دار

شفت الخیم نار

یالماخذ الحیل. یالماخذ الحیل
ــــــــــــــــــــــــــــــــــــــــــــــــــ

هنه الیعورن کلش اهوای بس های کلش تختلف های

خویه الرخیص انگله بالمای چا لیش یغله اکبالك الماي

و الخيل تركض حيل يحسين جا ليش فوكك تمشي بهداي

كلمن ابكيفه يذبحك ايريد حتي الذبح هم صار بي راي

من نخرة كال انذبخه نكدر

بس من كفاه يتعذب اكثر

جا حكهم الناس

ماهوه عباس

من كلبي للخيل. يالماخذ الحيل

ــــــــــــــــــــــــــــــــــــــــــــــــــــــ

ماجر نفس بالموت الحسین ثکلت الکاع اوکامت اتمیل

توخر الخیل و تلتم الناس توخر الناس اوتلتم الخیل

مو مال ساعه اجروحك اهواي لا مال من الصبج لليل

و الشال راسك كام تعبان وشل ابنحرك سيفه و الحيل

تعبان يعني اشكثر ماذيك

من شفته طول بالذبح بيك

يالماظكت ماي. تعبتك اوياي

يالماخذ الحيل یالماخذ الحیل

ــــــــــــــــــــــــــــــــــــــــــــــــــ


من بعد ذيج ادوارتي اعليك ياخويه جا وحده امن الثنين

لو انته يمي او انه ماشوف لوشوف بس امخلص حسين

كالو ترس بي نترس الكاع شبكي الرمل لو ردتي تبجين

املاكيج يمكن بس عبرتي مسحوك بس ماينشاف بالعين

لا شفت منه ولاطلع صوت

جا هوه هيج الرايد ايموت

وبنحرك اتطوف. تعبت السيوف

يالماخذ الحيل. يالماخذ الحيل

ــــــــــــــــــــــــــــــــــــــــــــــــــــــ

لازلم عدنه اولا صواوین لاظل ستر لاعدنه نغار

بلكوه المهم لاجن الصوط ياكل امتون ازغار و اكبار

راح احجي و انته ابكيفكك انوب بس هاي وافهم عكبك اشصار

اليامرحله اختك واصله حسين
من تلبد امن الناس بالنار


بطلنه لحد يفزعنه

والله احسنلنه انموت كلنه

صحتلهن ابصوت احسلهه التموت

يالماخذ الخيل. يالماخذ الحيل



ـــــــــــــــــــــــــــــــــــــــــــــــــــــــ





{تم الناشر.}{ رهف الکعبی}

اللهم صلي علي محمد وآل محمد

وعجل فرجهم و انعل اعداهم




......... ✍️✍️✍️✍️.........
https://www.tg-me.com/Wounds_AshuraOne

_*علقو الراياااات*_ 🏴🚩


_*علقوا الرايات ونشرو السواد*_
_*الدنيا بعد ايام تعلن الحداد*_
_*محرم محرم .. محرم محرم*_

*🚩🏴 مۘــحۡـ---------------ـڔمۘ*

يالماتتوصون .. يالعلمكم جون
هل الخدمه تشيل الهامه

يامحله الطام .. بوجه يخلي وسام
ويضل يكشخ بوسامه

خل جفك منذور .. لو مابي عاشور
عمرك شلك بيامه

وصاحب صاحب زين .. يدلك على حسين
ويحجيلك عن اخيامه

ومن ضميرك صيح حي عالعزاء
وشد رحال ال آه نحوه كربلاء

*محرم محرم .. محرم محرم*

*🚩🏴 مۘــحۡـ---------------ـڔمۘ*

تحزمو وشدو الحيل .. ومن يمر اليل
مو احد وتغفه عيونه

ماضل بس جم يوم .. والبي غيره يقوم
يفزع موش يفزعونه

هايربات الزود .. الخدمه تريد حيود
المايل كون يعدلونه

الشد احزامه وصاح .. موش انه اليرتاح
باجر هذا يجازونه

اتعب اشما بيك ويبجي للغريب
وحزن ابو السجاد منه ضل قريب

*محرم محرم .. محرم محرم*

*🚩🏴 مۘــحۡـ---------------ـڔمۘ*

الموكب مر علي .. شوف شبي مابي
خادم صير الدامه

كل خادم وفاي .. يشد حزامه الهاي
وموبس احزامه الثامه

افزع للمذبوح .. الطم وبجي بروح
بقلبك حس بيهه اسهامه

خادم بارع صير .. وحس عندك تقصير
كل ماتتعب بيامه

لو خلص عاشور كون الك اثر
مثل طيف النوم فشله لو عبر

*محرم محرم .. محرم محرم*

*🚩🏴 مۘــحۡـ---------------ـڔمۘ*

لوما ابوالسجاد .. الدنيه ولا تراد
ماحد يستاهل غيره

هنياله المحسوب .. عالخدمه ومكتوب
اسمه بسجله اهل الغيره

دربه ولا ينعاف .. تحتار الاوصاف
بوصفه ويصعب تفسيره

غالي الزهره يريد .. خدام ولتهيد
تفتر من ديره الديره

المجلس اتعناه وين مايصير
يكبر بكل عين اليخدم الجبير

*محرم محرم .. محرم محرم*

*🚩🏴 مۘــحۡـ---------------ـڔمۘ*

خل حزنك مفضوح .. ومشاي انوي اتروح
وبالك تتغير نيتك

وقبل اهلال الأه .. بيتك لاتنساه
علق رايات بيتك

ادعي ابجاه الجان .. ماي الكل عطشان
خادم تبقه التاليتك

حزنك مو جم يوم .. ادعي من الله يدوم
وبدمعك خضب الحيتك

وقف قلبك كون يبقه للحسين
استغل عمرك جاي تركض السنين

*محرم محرم .. محرم محرم*

*🚩🏴 مۘــحۡـ---------------ـڔمۘ*

حسين شماننطي .. ذره ولا نوفي
وشما نتعب يحلاله

وماينلام المات .. بحزن العطشانات
الخاطرنه معطش عياله

على عضمه المرضوض .. الديوان المفروض
بمحرم نجفي ادلاله

حسين احاه يحسين .. من ضل ماله معين
وجلبو بهدومه اطفاله

انجازي ذن ابيش بالطم مُحال
ولسه عين حسين تبجي عالدلال

*محرم محرم .. محرم محرم*



كلمات واداء .. مرتضى حرب
https://www.tg-me.com/Wounds_AshuraOne