نعي للسبي الى الكوفه


ففي يوم الحادي عشر من محرم، وبعد ان جمع عمر ابن سعد قتلاه صلى عليهم وامر بدفنهم وترك الحسين (ع) واصحابه بالعراء.. وبعد زوال الشمس امر بتسيير السبايا الى الكوفة، فقال نسوة: بالله عليكم إلا مررتم بنا على القتلى؟ فمروا بهم على الحسين (ع) واصحابه وهم صرعى، فودعوا الشهداء بين نادبة وباكية.. وهنا وقفت بطلة كربلاء على جسد اخيها المرمل بالدماء، ثم بسطت يديها تحت بدنه المقدس، ورفعته نحو السماء وقالت (الهي تقبل منا هذا القربان)، ولسان الحال يقول ..؟


مريت لحسين الشفيه
وشفته ذبيح أعله الوطيه
أموذر أخوي البي حميه
❥━──➸➽❥❂❥━──➸➽❥❂
خال الولد مريت أودعه
والگلب مني أنصدع صدعه
أموزع جسمه شون أجمعه
❥━──➸➽❥❂❥━──➸➽❥❂
گتله يخويه راح أخليك
وأمشي سبيه ويه أعاديك
عاري يبو سكنه أبوذاريك
❥━──➸➽❥❂❥━──➸➽❥❂
للكوفه شالو ضعني أعداك
ومارضوا خويه نبقى وياك
ولا من يبعد أسمي دفناك
❥━──➸➽❥❂❥━──➸➽❥❂
الحادي يحدي الليله بينه
وللكوفه خذانه ياولينه
والروس أخذناها ومشينه
❥━──➸➽❥❂❥━──➸➽❥❂
أخذنه الروس وعفنه الأجساد
فوك التراب أبنص الأوهاد
وأعذرني عفتك يبو السجاد
❥━──➸➽❥❂❥━──➸➽❥❂
ردت أبعباتي خويه أغطيك
شمس الظهر حرها يأذيك
ويلچم أخاف أجروحك البيك
❥━──➸➽❥❂❥━──➸➽❥❂
عالناگه وللكوفه ممشاي
وخدودي غطها دمع عيناي
والعده أتولوني يولياي
❥━──➸➽❥❂❥━──➸➽❥❂
أنشدت أديه أبهاي الأحبال
وعليك أونن فوگ الأجمال
عذبوني ذوله گوم الأنذال
❥━──➸➽❥❂❥━──➸➽❥❂

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ٢٩ من شهر ذو القعدة
الموافق / ٢٠٢٢/٦/٢٨
                         https://www.tg-me.com/Wounds_AshuraOne

نعي يوم الحادي عشر

..........
وداعة الله ياولينه
نمشي وتظل بالطف رهينه
واحنه يخويه اشلون بينه
...........
وداعت الله عنك انروحى
وانت على التربان مطروح
ياريت كبلك راحت الروح
...........
مجبورات ويه الكوم رحنه
وانسلم اعليكم يهلنه
والوكت من عدكم بعدنه
...........
مروني بالحومه وشفتكم
من على الناكه ودعتكم
غصبن عليه فارككتكم
............
عالمعركه مروا ضعنها
وشافته امطبر خال ابنها
صاحت يخويه وزاد ونها
...........
غصبن عليه امشي واخليك
يانور عيني اشليدي عليك
بعد وين اشوفنك والاكيك
............
يخويه على الميدان مريت
شفت جثتك وصرخت وبجيت
او ونت قهر يحسين ونيت
...........
من شافت اخوتها مذابيح ويسفي عليهم ذاري الريح
من على الناكه رادت تطيح
..........
يعمن على زينب اعيوني

✍️✍️شاعرة اهل البيت
ام حسين الهلالي
اسالكم الدعاء لي ولوالدي
لا اجيز شرعا حذف الاسم او تغييرهhttps://www.tg-me.com/Wounds_AshuraOne

نعي يوم الحادي عشر عن لسان حال زينب ع

وديني على الكله محنه
يجمال صوب النهر مرنه
يفز عباس باسمه لوندهنه

ادريه حنين وبيه غيره
اصيحله وباله يديره
كافل خواته وارد اشيره

ترضه نروح لديرة اجناب
ويه الغريب ومامش احباب
وفزعك ينايم فوك التراب


نمشي الدروب ايام وايام
بعيد الدرب وايريد اله ازلام
وايريد الاخوان محزمه احزام


انه من الضيم ماضل حيل بيه
فوك الهظم مجتوفه اديه
ماترضون يالكلكم حميه


مرني يجمال عله اخونه
نريد انعاتب النامن عيونه
ونكله عله الهزل خذونه


مرني الصوب حسين مرني
اخوي ارد اطلبه بريحت امي
خافن اروح وايعاتبني

يكلي يزينب يوم رحتي
عد راس اخيج ماكعدتي
والاشديتي بالمعصب ركبتي

ردتج يبت امي تكعدين
وجروح البجسمي تداوين
بعباتج عله ابن امج تفيين

هذا والعذر منكم يخوان
موبيدي تراني بحكم عدوان
ومودعين الله يالاحنان

✍ام زينب كربلاء غير مبري الذمه من ياخذ الكلام وينسبه له او يحذف الاسمhttps://www.tg-me.com/Wounds_AshuraOne

#قصيده ثقيله للامام الباقر عليه السلام

من زغري الطفوف مشيبه راسي
ماشفت بحياتي بس مــــأســـي
اجرع هم بـأثر هـم
وتالي انسكي بالسم
ماشفت بحياتي بس مأسي

▁▁▁▁▁▁▁▁▁▁▁▁▁▁▁▁

عشت أيام ماتخطر على الــبال
من حرگ الخيم لمراكض اطفال
وايادي مورومه من جر الحـبال
ويتيمه تاني عمهه ابـدمع همال

وتنادي ياعم ماي
يبست لبة حشاي
ماشفت بحياتي بس مأسي

▁▁▁▁▁▁▁▁▁▁▁▁▁▁▁▁

وشفت اعله المخيم هدت أرجاس
وحرم تركض تحشم وينـــه عباس
يخويه الحك علينه يبو النــوماس
ترضاها نضل ابـــلايه حــــــراس

ماضنكم تقبلــون
سوط يلوح المتون
ماشفت بحياتي بس مأسي

▁▁▁▁▁▁▁▁▁▁▁▁▁▁▁▁

الشمر وسفه ضرب عمتي رقيه
وسلب منهه تراجي ابن الدعيه
وضلت تـــون والدمعه جــريه
تنادي عـمه وين اهـــل الحميه

من عكب أهلي البدور
روعوا حيف الخدور

ماشفت بحياتي بس مأسي

▁▁▁▁▁▁▁▁▁▁▁▁▁▁▁▁

من اذكر نحر جـدي الـدامــي
ايزود الهم عليه تكثـر الامـــي
بحسره گضيته وسوده ايامـي
على المطروح علتربان ضامي

حزني مابطل يـوم
لحد مامتت مسموم
ما شفت بحياتي بس مأسي

▁▁▁▁▁▁▁▁▁▁▁▁▁▁▁▁

على جدي الحزن مابطل ساعه
وگلبي لاهده وطابت او جـاعـه
روحي اعليه مالـومه او مرتاعه
أبن المصطفى الحـــلوه اطباعه

وراسه فوگ السنان
طافو بيه البلــــدان
ماشفت بحياتي بس مأسي

▁▁▁▁▁▁▁▁▁▁▁▁▁▁▁▁

تمت بعون الله تعالى
باأقلام خادمات اهل البيت عليهم السلام
#الخادمات
✍الشاعره زهراء الحربي
✍الشاعره سهام المالكي

وغير مبري الذمه من يحذف او يغير الاسماء

ونسال الله القبول
https://www.tg-me.com/Wounds_AshuraOne

بعد ميحتاج تكتبين وتعب وجهد عليچ

اختاري القصائد التعجبچ من الشاعرات وطبعيهن بسعر مناسب جدآ ومرتب وطباعة سريعة
ملاحظه غير مبري الذمه اليعيد النشر المقطع

تواصلو معنا عالمعرف للأستفسار

@ABRAR5325

https://youtu.be/3o9OmCMoM8Y?si=Nh39ijvaTrA6r2QK


اكتمل النور بالنور
مبارك عليكم اقتران النورين علي وفاطمه عليهما السلام
فضلا وليس أمرا نرجوا دعمكم لهذا 👇المقطع فبدعمكم نستمر ونقدم الافضل وفقكم الله لكل خير

*قصيده لسان حال مولاتنا زينب ع*
ـــــــــــــــــــــــــــــــــــــــــــــــــــــــــــ
خشنه الحبال يهلنه خشنه الحبال
يصعب الحال يهلنه يصعب الحال
خشنه يحبال السبي يحدي بينه الاجنبي
يصعب الحال يدهري يصعب الحال
.......................
خشنه الحبال وتگص بجفوف اديـــــــه
مرافگه خولي وشمر يزمخ عليه
حسين راسه ع رمح ينظر اليه
شلون بيه يادهر
رفگت جتال ونحر
جثته برمال يدهري جثته برمال
ـــــــــــــــــــــــــــــــــــــــــــ
جثته برمال ونحر يبره الضعينه
واحنه من حر الشمس رگدت عبينه
جدامنه حفاي ع جمره مشينه
جدامه تسحگ جمر
شگد. صعب هذا الأمر
ضاعت اطفال من اديه ضاعت اطفال
ـــــــــــــــــــــــــــــــــــــــــــــــــــ
ضاعت اطفال بصحاري شلون المها
صعبه تدرون المره
الذبحو زلمــــــها
وبقه بشاطي المشرعه نايم علمــــــها
مشيت بدروب الخطر
مادره بيه الگمر
گطعت الامال يخويه كطعت الامال
ــــــــــــــــــــــــــــــــــــــــــــــ
اگطع الضنه وبعد ماارجه منهم
ناموو بطف كربله وگطعو وصلهم
بين خيل وليل ضلت عمت ابنهم
متني ازرگ يخوتي
الشمر يحدي بناگتي
لليسر گال يزينب لليسر گال
ـــــــــــــــــــــــــــــــــــــــــــــــــ
لليسر صعبه اروح وعفت اخوتي
بهاي لحظات المشيت اتمنه موتي
دعيت ربي بكل حزن هايه رجوتي
زينب انه معذبه
من المرار مصوبه
حملي شوو مال يهلنه حملي شوو مال
ـــــــــــــــــــــــــــــــــــــــــــــــ
ثگيل حملي تكلفت وانه والعقيله
انتي بالشدات عون النه وسيله
هموم عدنه وصارت علينه ثگيله
نگصد احنه الحضرتج
نحلفج بذبح خوتج
وسبي العيال يزينب سبي العيال
ـــــــــــــــــــــــــــــــــــ
*تمت بقلم خادمة اهل البيت ع ام وليــ✍️ـد الموسوي لا اجيز حذف الاسم شرعا والفاتحه الى روح والدي*

https://www.tg-me.com/Wounds_AshuraOne

ام جعفر:
قصيده حول السبي


اشمن ريحتك   عالرمح ويانه

واشوفن راسك  المكطوع شريانه

عمت عيني يخال ابني يبو سكينه




اشم ريحة الغالي ودمعتي بعيني
واشم عطر المحنه وعشرة اسنيني
يروح اختك يخويه الفركه تاذيني
ومثل نار بدليلي هيج تچويني

وحك عينك تراني حسين تعبانه

واشوفن راسك المكطوع شريانه



تعبانه وبعد كل حيل ما بيه
واشوفن راسك المذبوح يوميه
اشمن ريحته وروحي ترد ليه
واعرفه  عطر اخوي الكله  حنيه

هلا بريحة الخوه وهلا بعنوانه

واشوفن راسك المكطوع شريانه



مثل نسمة هوه واشتم عطر منه
يمرني هيجي احسه وحيل اشمنه
وترد روحي الحزينه وكلبي يشفنه
شكثر مشتاكه راسه وخده احبنه


احس بيه ريحة امي الوالي هيج انه

واشوفن راسك المكطوع شريانه



اصد راس الولي عالرمح يبرالي
واشم بيه ريحة امي والدي الغالي
اگله الموت وسفه اشلون شل حالي
خذاك وما ترد يحسين يالوالي

غفت عينك يخويه وروحي خلصانه
واشوفن راسك المكطوع شريانه



گضت روحي عليك حسين تدريهه
وبعد كل حيل اخيتك ما بگه بيهه
من اشوف الراس فوك الرمح يكضيهه
ونفس بيه انگطع وعيوني اعميهه

تعال امسح الدمعه واكعد احذانه

واشوفن راسك المكطوع شريانه



لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له ج
https://www.tg-me.com/Wounds_AshuraOne

قصيده حول السبي


درب السبي  ويه الاجنبي  كلش ثجيل

بت النبي.   وحيدر علي.  حامي الدخيل


تمشي وحبل بجفوفهه المحزونه
وجانت كبل ويه الاهل مصيونه
هسه شعجب غربه الظعن يحدونه

وبلا ولي.  ويه لاجنبي. كلش ثجيل


ماظل ولي ولاظل  اخو اليحديهه
ودرب اليسر كلش احس كاضيهه
المدلله جانت كبل هسه الشمر يوليهه

اه يا هلي ويه الاجنبي كلش ثجيل


اه يا هلي وين الخدر جا وينه
رحت بيسر وكلبي انكسر بونينه
اعتب ولا واحد يجي يمر بينه

وشظل الي.  ويه الاجنبي. كلش ثجيل


حيل الهظم/ جاس الكلب/ وعيوني
راحت بعد/ عكب المشو/عافوني
المن اظل/اه يالاهل/اتخلوني

يا كافلي  ويه الاجنبي كلش ثجيل.


اخلاف الكفل/كل العمر/ماريده
وعكبه الخدر/يمشي بدروب/ابعيده
اعثر كمت/وين الولي/يحط ايده

ينهض الي ويه الاجنبي كلش ثجيل


لخادمة الزهراء العلويه ام جعفر
غير مبري الذمه من يحذف الاسم وياخذ الكلام وينسبه له ج
https://www.tg-me.com/Wounds_AshuraOne

قصيده للحسين ع
يوم الحادي عشر من محرم الحرام
للمسير الى الكوفه
==========


عفت الجنايز بلبر

وگلبي على اهلي اتفطر


لا فاتحه السوينه
لا قاري يقره علينه

ولحد علينه تأثر
عفت الجنايز بلبر

🕧🕧🕧🕧🕧

لو بيدي عنك ما ارد
انصب عزه وبچيلك

ونعي نعاوي الفاگده
وعن ظيم گلبي احچيلك

وكلساعه اقره الفاتحه
ومن گلبي انه ادعيلك

وانصب عليك الاحزان
واصرخ يداحي البيبان

ياعلي لا تتأخر
عفت الجنايز بلبر

🕧🕧🕧🕧🕧

ياهو اليسويلك عزه
وهلي علي كلها ابعاد

من يرفع اعلام الحزن
منهو اليعلگ الاسواد

وحدي غريبه بلبلد
والكفل راح وماراد

محد من اهلي موجود
لاحسين لا راعي الجود

بس العليل مأسر
عفت الجنايز بلبر

🕧🕧🕧🕧🕧

ايسي يروحي من المشو
وتحمليها الشمات

جرحچ كلف ماله دوه
وزادت عليه اللچمات

من زغرچ وعندچ وعد
ومعلمه اعلى الشوغات

جارت عليچ الايام
وعندچ ارامل ويتام

من العدو نتستر
عفت الجنايز بلبر

🕧🕧🕧🕧🕧


عفتك على الرمله تون
وتگلي خويه صبري

تدريني ما احمل بعد
فگدك كسرلي ضهري

جارت عليه دنيتي
خاين زماني ودهري

والدنيه ما رحمتني
وسوط الشمر عذبني

علمتن سوطه يفتر
عفت الجنايز بلبر

🕕🕕🕕🕕🕕

عفت الجنايز علثراى
ومشيت دمعي مسفوح

ياهو اليسويلك عزه
وانه بحزن كلي جروح


لافاتحه النصبوها الك
لامن ثوابات ونوح

لامجلس ولا رادود
والعزه عليكم مريود

محد عليكم ينغر
عفت الجنايز بلبر


===========
خادمة ال البيت وخادمتكم الحجيه ام علي البصره نسألكم الدعاء

قناة الحجيه ام علي البصره احزان العترة الطاهرة
قناة خادمة ال البيت الحجيه ام علي البصره
لانجيز حذف اسم الحجيه ام علي من قصائدها غير مبرء للذمه
https://www.tg-me.com/Wounds_AshuraOne

قصيده خطاب السيده زينب
مع اختها ام كلثوم
____

لاخيه ما ونيت عالضيعوني
حدر الضلع ظميت نوحي وشجوني...

حدر الضلع نيران ضلت مسعره
دلالي يلهب نار وبعيني عبره
انده توالي اليل يمه يزهره
ماورج الشمات دمعة اعيوني ،


خوفي اليتامه اتخاف لوشاهدتني ..
ابجي ونوح ابصوت من وجع متني
طميت انا الاهات كلهه الفتني
بوسط الحشه حسرات عالفاركوني

ارد ااشجي الا ﻻم يم النشامه
ورد انحب بشوغات مثل اليتامه
صوبني دهري صواب مخطه سهامه...
و زاد الظلم والحيف لمن سبوني


ماريد انا اليتام تبجي اعله مبجاي
منهم ادير العين لو كعدو حذاي
خافن تره يحسون لو تجري عيناي...
ادري اليتامه احنان ويرافبوني


سجادتي حسرات مسبحتي دموع
صبح لذيذ النوم من عيني منزوع
طغن اسنين الجور من عمري الشموع..
رديت لهلي اردود خافن نسوني

ما ظنتي ينسون رفجات الحنان..
من مثلي ياهالناس عدهه احسن اخوان..
ادري دمع عيناي غالي وﻻهان...
ﻻكن بمر جبار خوتي تركوني




ناعيه خيام الطف
ام فاطمة للزهراء ✍✍
https://www.tg-me.com/Wounds_AshuraOne

شده لدخول السيده زينب ع الى الكوفه
****
للنجف هالصوت من أحزاني
كوم يابويه علي اتلكاني
****
كوم طر الكبر شوف احوالي
جيت حرمه ياعلي ابلاوالي
عفته عالشاطي الكمر كفالي
حسين مذبوح وسبيه آني
****
جيت للكوفه سبيه اتذكرت
بيتنه وذيج السوالف عاتبت
وين وداني زماني اتمرمرت
وين هيبة زينب شجاباني
*
بويه مسبيه ويعت بيه الشمر
من بعد ولياني ضيعت الخدر
اتشمتو بينه يبويه اهل الغدر
سبو امي فاطمه عدواني
*
كوم واتلكه الضعن من السبي
جينه ياكرار وبطرك العبي
ترضه ياحيدر يطكنه الاجنبي
وترضه بحبال الشمر شداني
*
بويه عفت حسين نايم عالثره
بويه كدامي الشمر حز منحره
عاري عالتربان كطعو خنصره
الصاب جبده بالسهم صاباني
*
راح ابو الغيره بلايسره ويمين
عالشريعه اموذر ودامي الحنين
عينه ممروده بسهم وابجي بونين
هو بس عباس ماله ثاني
*
روس اخوتي وياي تمشي بغربتي
إلهم من اشتاك اشتم شيلتي
بيه اشم يابويه ريحة اخوتي
جنه بالخيمه سوه اويه اخواني
**
الشاعرة أم علي
https://www.tg-me.com/Wounds_AshuraOne

قصيده للسبي
المستهل 👇🏻👇🏻

شلون يصير الموادع عله الناكه
لوداع الأهل ياناس مشتاكه

•───✧◐🕊🌻🕊◐✧───•

خاف اروح وتعيل الزلم بيه
يبو فاضل يخويه لحك اعليه
وانتو اولاد حيدر ياافاعيه
ماترضون اختكم تمشي مسبيه
يايوم اوياكم نتلاكه

•───✧◐🕊🌻🕊◐✧───•

خال ابني قبل لاروح اودعنه
ارد انزل امن الناكه واشبكنه
مايرضه الكفيل امشي واعوفنه
وياه اتوادع خلوني

•───✧◐🕊🌻🕊◐✧───•

كفيلي النام عالغبره بمعز بروحي
يبو فاضل امصابك يلجم اجروحي
عليكم ياعزازي مابطل نوحي
لخال اولادي نزلوني

•───✧◐🕊🌻🕊◐✧───•

اريد اوادعك يحسين يبن امي
ياناكه اعله اخيي تكربي يمي
وديني لخوي اعله الثره مرمي
امشي ابهيده ياناكه اوياي

•───✧◐🕊🌻🕊◐✧───•

اريد انزل امن الناكه واشبكنك
والزم لحيتك بيدي واشمنك
واشيل السهم من عينك وودعنك
يمشيم مو وكت النومه

•───✧◐🕊🌻🕊◐✧───•

عله الناكه اصعدت كل حيل مابيه
كلساعه النذل صوته عله اعليه
عفتك عالثره ومشيت مسبيه
اكعد خويه اكعد حدك عالو بي

•───✧◐🕊🌻🕊◐✧───•

خويه اختك غريبه لاتخليها
ياهو الها بعد لو عالو اعليها
وابوك المرتضى وصاك راعيها
ماعندي اجفوف اتعذريني


•───✧◐🕊🌻🕊◐✧───•


اهداء هذا العمل الى زوج ام مجتبى
✍️بقلم ام مجتبى المولى
غير مبري الذمه اليحذف اسم الشاعره وينسب الكلام لهhttps://www.tg-me.com/Wounds_AshuraOne

العلويه ام اياد
قصيده للسبي من ديوان نحر الحسين ع الجزء الثاني



هاي اخت السباع شلون مسبيه

زينب بليسر كعدو يفاعيه



زينب شامخه وماطخت الهامه
اخوهه الضيغمي المعروف صمصامه
نامت بلحرب ياوسفه ازلامه
يلخوان شيردكم بعد ليه



راحت لليسر كعدو يهاليهه
زينب غربت وتريد واليهه
جاوين السباع الزامطت بيهه
تهد الحيل ياونت العلويه



تهد الحيل وناتج يمهيوبه
شلون اعله الهزل تمشين مسلوبه
يبت حيدر علي بيا ذنب مطلوبه
من ضيم العليهه الحره محنيه




بيكم زامطت كعدو يخواني
شلون احسين ويه عداه ينساني
من هضم العليه امغيره الواني
افزعو ياهلي اولحكو اعله




هاي اخت البطل عباس المجنه
ليش اميسره اوتجذب الونه
الزينب بت علي الميدان وسعنه
انون عله المشت ونه جماعيه




هاي امخده اوبلنسب معروفه
اخوهه ابكربله امضحي اجفوفه
ريتك ياعلي ابحملاتك اتشوفه
كومو ياهلي اولحكو اعيه




الخادمة الحسين العلويه ام اياد لا يجوز حذف الاسمhttps://www.tg-me.com/Wounds_AshuraOne

نعي ...

علنوك خويه وصعدوني

ومن الهظم صبن عيوني

اضنهم خوال ابني نسوني

عليهم يشيعه ساعدوني
..........

فزاعيه للسبي لسان حال الحوراء زينب عليها السلام تخاطب العباس عليه السلام
===========


ترضى شلون

زينب تصعد الناگه

ويانار الشماته خويه حراگه

===========

فوك النوگ ترضه خويه ركبوني

وبضعن اليتامه الغرب يحدوني

عيون اعداك وكحات وينضروني

وينضرونه / ياخويه اعداك


🐪🐪🐪🐪🐪

شلون اصعد يخويه النوگ هزلانه

وانه محيره والتحدي عدوانه

ترضه شلون اختك شمر مشانه

محتاره / وبضعنك خويه

🐪🐪🐪🐪🐪

عرجه ناكتي اتگوم وتطيح

جروح اهواي بيه ومنهن اصيح

وتلچم گلبي حتى نسمة الريح

والوياي منكوبه ومجاريح

ومنكوبه / والعيله الضلت

🐪🐪🐪🐪🐪

ياهو يركب اختك ها يريسان

واخوانك ذبايح على التربان

وماعندي زلم بس علي الوجعان

گلب اختك دوه ياخوي نيران

ونيراني / ياهو يطفيها

🐪🐪🐪🐪🐪

شلون اصعد تره ماعندي ازلام

ونضرات الشماته ترمي سهام

دوهني الوگت عذبتني الايام

من ظيمي يخويه الليل مانام

ومانامه ... ياليل الغربه


===========
خادمة ال البيت الحجيه ان علي البصره
المستهل ل خادمة الحسين
ام حيدر نسألكم الدعاء

قناة الحجيه ام علي البصره احزان العترة الطاهرة
قناة خادمة ال البيت الحجيه ام علي البصره
لانجيز حذف اسم الحجيه ام علي من قصائدها غير مبرء للذمه
https://www.tg-me.com/Wounds_AshuraOne

*قصيده حماسيه لدخول زينب الكوفه والشام*
زينب طبت الكوفه ...بزناجيل
حرمه ابليه والي ولا ارياجيل
🏴🏴🏴🏴🏴
زناجيل ابأديها وتمشي محتاره
تصرخ يالكفيل شلون والچاره
حسافه شلون بين الناس منداره
وشمر كلساع بينه خويه ايعيل
وزينب طبت الكوفه ...بزناجيل
🏴🏴🏴🏴🏴
طوگ الجامعه بالرگبه اذاها
مچتوفه وعلي السجاد وياها
مچتوف اعله اديها وي يتاماها
الو مال الحبل هالعايله تميل
زينب طبت الكوفه... بزناجيل
🏴🏴🏴🏴🏴
چتفوهم سويه ايد وي ايد
حفر بچفوفها للعضم هالگيد
باچر تمشي لرض الشام وايزيد
دمع بعيونها من دم تره ايسيل
زينب طبت الكوفه بزناجيل
🏴🏴🏴🏴🏴
بعد ام الخدر سموني مسبيه
وانه بت علي حيدر العلويه
يا حيف الدهر مييل صدك بييه
بناتك فطرن گلبي بالعويل
زينب طبت الكوفه بزناجيل
🏴🏴🏴🏴🏴
حطونه ابخرابه ابليه بيبان
وجابو راس اخونه والنحر بأن
صفينه ابلا زلم لا عدنه وليان
رقيه تصيح بويه خايفه وليل
زينب طبت الكوفه بزناجيل
🏴🏴🏴🏴🏴
يبويه خايفه خل اشبك الرأس
عتبي اعليك لو عتبي اعله عباس
تتفرج علينه شلون هالناس
رقيه وي ابوها راحت تشيل
زينب طبت الكوفه بزناجيل
🏴🏴🏴🏴🏴🏴🏴 *تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب ونسألكم الدعاء بالتوفيق لخدمة الحسين عليه السلام*
https://www.tg-me.com/Wounds_AshuraOne

ياعلي مدد يامهدي سند:
حال الناقه الهزيله التي حملت مولاتنا العقيله زينب
وكانب بها تخاطبها ولسان حالها يقول ،،

احلفج يوم بطلي يالتونين
شلعتي كلوبنه يالفاكده حسين ،


تيهت الدرب من كثر الدموع
من ونج يزينب كلبي مشلوع
هزيله من التعب محنيه الضلوع
وانتي مرافجتني وبس تنوحين،

عيوني عليج ضلن بس تراقب
اشوف الموح من عيناج ساجب
شنه الصار مذبوحه الكواكب
وياهو الي ذبحهم ياضوه العين،

فوك ارماح اخوتج طول الدوب
تونين ونينج كولي جندوب
ونينج يالحزينه يفطر الكلوب
لكن ماكسر كلب الاملاعين ،



كسرتي الضهر يمحمله هموم
من حملج يحره حيلي مهدوم
هموم الشايلتهن صبحن كوم
الله يساعدج يالصابج البين ،



اون انه عله ونج ونحب وياج
تنعين عالخوتج وانه انعاج
كافي من البواجي الظيم خواج
متكفله بيتامه وبنساوين،

حنين النوك صبح مضرب امثال
ومن انحن نصدع كلب الجبال
الله يساعدج يالفاكده رجال
تعادل ونتج وناتنه اسنين،


ناعيه خيام الطف
ام فاطمة الزهراء ✍✍✍https://www.tg-me.com/Wounds_AshuraOne

#قصيده لدخول الكوفه

يريت انخسفت الكوفه بااهاليها
ولاتدخلها بت حيدر مچتفيها

يريت تزلزلت بيهم ارض كوفان
ولاطبتها اخت المنذبح عطشان
عافت. كل. اهاليها. عل التربان
غصب عنها خذوها بگوه اعاديها

خذوها لليسر تحمل غصص وهموم
مصيبتها ...ابد ....ماماره... فد يوم
تعاين...عل الجثث ..مترمله. بدموم
و لا واحد. تحشمه و يستمع. ليها

تحشم. من و كلهم عل الثره نومه
اخوها احسين ضامي مسلبه هدومه
و كافلها. وكع. مچتول بل الحومه
زمان. الشوم فرهد. كل غواليها


شتتهم... زمنها. ..كل من ابديره
حارت بالحصل و شلون من حيره
ضاع الامل. و انكطعت تدابيره
عكب عين الاحبه العده ميسريها

لديار. الغرب. راحت. العلويه
والوليان. عافتهم عل الوطيه
اجساد وروسهم عالرمح مدميه
لو دارت العين تشوف واليها

.............................................................

تـםـت بـقـلـᓄ الــﺸـاﻋـره
ﺯﮪــﺭاء الـحـربــي

ونـسـال اللـه القــبول والتـوفيق

غــير مبـري الذمه من يحـذف اسـم الشـاعرهhttps://www.tg-me.com/Wounds_AshuraOne

فزاعية لدخول الكوفه

الله ايساعد اخت حسين
لمن طبت الكوفه
.....
طبتها ابياحاله
والدمعات هماله
علي السجاد وشحاله
مكيد بالحبال اوروحه متلوفه
.....
ايون العمته وينادي
عمتي مارده افادي
بيها من حده الحادي
الكافل علترب والرايه ملفوفه
.....
صاحتله يبو فاضل
اكعد خويه يالكافل
حيلي يالولي ناحل
ابن ازياد صعبه اعليه انشوفه
.....
الكوفه ماهي ديرتنه
اهلها عمه خذلتنه
بيها الناس غدرتنه
الكوفه ياعلي بالغدر موصوفه
......
طبتها علي صعبه
لبن ازياد متعصبه
واحنه بيها الغربه
ابو فاضل يوسفه كطعو اجفوفه
......
الكوفه ما اطبنها
اولاريدن اشوفنها
يعمه جافله منها
روحي من هظمها عمه مكلوفه
.......
الحاجة ام احسان الخاقاني
15 محرم الحرام1442 هـhttps://www.tg-me.com/Wounds_AshuraOne

جديد
هوسات
لدخول الكوفه
.......
اجت زينب اجت للكوفه ابيا حال
ويه اعيالها امجتفينها بحبال
اوروس اخوتها مرفوعه على الميال
يا خويه افراكك هد حيلي
......
خويه يابن امي اويا نظر عيني
شادهني زماني اوحيل ماذيني
ذبحاحك الفرك بينك اوبيني
يضرب ياخويه امداليلي
.......
اجيت المجلس ابن ازياد مجتوفه
متكبر الناقص ريتك اتشوفه
جذلان ويعاين خويه بعطوفه
يتنشد عني اويوميلي
......
كالوله اخت عباس هذي زينب الكبرى
ايكول امخدرة حيدر اجتنه اليوم متيسره
كفيلج وين يازينب يمينه اكطعنه واليسره
ياصبري اسندني اوتجيلي
........
صحت ابسري خويه واهتفت عباس
ماتحضر يخويه اوصاحب النوماس
علي تصعب يخويه اشماتة الارجاس
رايدتك تحضر يجفيلي
......
رايدتك تجي اتضيج الهوى اعليهم
اوتخلي الوسعه خويه تنكلب بيهم
وانته الي اخبطت اولها تاليهم
انهض يا جبار ادليلي
.......
اريد اليوم انخي واسمع النخوه
واكولن يا هلي ما هيه امروه
تذبوني يخويه اعله الغرب كوه
منهو الي جرحي ايداويلي
..........
يخويه اغصبا اعليه اشاكفهم
واصبر الروح خويه اعله شماتتهم
لوردتو الصدك خويه انهنت منهم
ياخويه اوما نامن ليلي
.....
الحاجة ام احسان الخاقاني
١٥ محرم ١٤٤١ هـhttps://www.tg-me.com/Wounds_AshuraOne