TBC Bank Uzbekistan 2024 йилнинг учинчи чораги якунлари бўйича ҳисоботини эълон қилди

Банк ҳисоботларига кўз ташлар эканмиз, унда ҳар томонлама фақат ўсиш кўришимиз мумкин.

Жумладан, Омонатларнинг ҳажми ўсган ва 4 трлн сўмга етган (ўтган йилга нисбатан 70% ўсиш) ва бу орқали банкнинг Ўзбекистон омонат бозоридаги улуши 3,5% га етган. Банкнинг кредит портфели 5,86 трлн сўмга етди (ўсиш ўтган йилнинг шу даврига нисбатан 104%). Банк Ўзбекистон молия бозоридаги улушини оширишда давом этмоқда: 2024 йилнинг 30 сентябрь ҳолатига кўра нақд пул ва микроқарзларнингбозор улуши 14,8%ни ташкил қилган (2023 йил якунларига кўра 13,9% эди). Банк 2024 йилнинг учинчи чорагида операцион даромадини 103% ошириб, 520 млрд сўмга етказди. Банкнинг соф фойдаси эса рекорд даражада 147,6 млрд сўмни ташкил этди (ўсиш 132%) ва йил бошидан жами 343 млрд сўмга етди.

TBC Bank нафақат молиявий кўрсаткичлар бўйича, балки бошқа йўналишларда ҳам ютуқларга эришган. Масалан TBC Bank Uzbekistan халқаро тўловлар ва пул ўтказмалари имкониятларини кенгайтириш учун Visa ва Mastercard билан узоқ муддатли стратегик ҳамкорлик шартномаларини имзолаган. Бундан ташқари, банк Швейцариянинг responsAbility Investments AG компаниясидан қўшимча 10 млн АҚШ доллари кредит жалб қилди, бу орқали умумий молиялаштириш 35 млн АҚШ долларига етди.

Шунингдек, банкнинг истиқболли ўсишида унинг маҳсулотларининг ўрнини ҳам алоҳида қайд этиб ўтиш зарур. 2024 йилда TBC Uzbekistan ўзининг янги Салом дебет картасини тақдим этди. Бу карта рақамли банкнинг экотизимига кириш учун асосий нуқта бўлиб, мижозларга қулай тўлов воситаси сифатида хизмат қилади. Шу билан бирга, TBC Bank Uzbekistan Friends & Family TBC Business режимида кичик ва ўрта бизнес ва якка тартибдаги тадбиркорлар учун мамлакатдаги биринчилардан бўлиб тўлиқ рақамли банк сервисини ҳамда кредит картасини ишга туширди.