﴿ لِكُلِ طالبٍ أتْعَبَتهُ دِراسَتهُ ﴾

★ عَـلـيّ مُـعِـين 🤍.

﴿ بصمة الامنيات 💭♥️ ﴾

ربنا عز وجل ما خلق بداخلنا امنية او حلم عبث الا لسبب معين 🥺🤍.

★ عَـلـيّ مُـعِـين 🤍.

حتى انا اشتاقيت لصوتي، سامحوني على تقصيري وياكم بس صدگوني ظروفي هاي المرة غلبتني، وكانت سبب رأيسي بابتعادي عنكم رغم انتم في قَلبي وحالياً انا مريض ووالدتي همين فصراحة بحاجة دعواتكم لوالدتي لان قريباً تجري عملية، بِصراحة هاي الايام ثقيلة علي هواي بس ان شاء الله مثل ما ساهمت بجبر قلوب كثيرين ناس رب العالمين راح يجبر قَلبي، فلا تنسوني من دعواتكم بصلاواتكم وبقيامكم الليل ممكن دعوة منكم تغير قدر مكتوب الي، وان شاء الله ارجعلكم ب اشياء جديدة وارجع واگف وياكم حُب كبير الكم 🫀✨🫂

• المُحب لكم عَليّ مُعين 🦋🤍.

#بصمة_الاقدار_والشك 💭♥️

الله حاضري الله ناظري الله شاهد علي الله معي الله معيني وهو بكل شيء محيط 🤍🥹

#ما_كـــان_لله_يــــنــــــمو 🤍
★ عــــــلــي مـــعـــيـن

🆔 = 🌀 @V66VA 🌀 @V66VA

• اللهُم آميين ممتن ع هالدعوات وعلى هالكلام الطيب، الحمدلله على كل حال واكيد رب العالمين خير سَند الي والكم ✨🦋.

مو صدفة كاعد تسمع هاي الرسالة بهذا الوقت ومو صدفة لما اذكرك اي شي دتمر بي حاليا حيعدي وراح رب العالمين راح يهيء كل اسباب الكون حتى يجبر خاطرك ولا صدفة لما اكلك كم مرة ضاقت قبل وتيسرت بلحظة
احلامك الي تحسها مستحيلة ان شاء الله تتحقق واتذكر دائما ما تعقدت لهذه المرحلة الا حتى تنحل بالنهاية
#ذكرى ♥️..

• بصمة الابواب المغلقة ستفتح

اللهُم قَدراً يشبه كرمك .

★ عَـلـيّ مُـعِـين 🤍.

كُل ما افكر ..
اشوف انُ الله سُبحانه وتعالى
ما يبتلينا بشي من دون ما
يلهمنا القوّة و الصبر عليه ، لا
يُكلِّف الله نفساً إلا وسعها ، ما
يخلي بطريقنا عقبات ما نگدر
نتجاوزها ، ما يبتلينا بشي يخلينا
نفقد عقلنا ، ما راح يخلي اقدارنا
صعب انُ نتحملها ، امتحان
الله تعالى دائماً يكون على
گد صبرنا وقوّة تحمُّلنا ..
هو اللي يدري بكُلشي بگلبنا
و ما راح يكلِّفنا بشي ما نگدر
عليه او ما نگدر نطيقه او
نتجاوزه لانهُ رحيم و لطيف
ويانا ، الله أحن و أرحم من
انُ يحملِّنا شي ما نگدر عليه✨️🤍

تنوروني هنا بقناتي الشخصية 🦋👇
https://www.tg-me.com/ali_mueen_Diaries

• بَصـمـة عـن الضُغوطـات 😩💜

لا يُوجدُ احدٍ لايَخلو من ضغوطاتِ الحيـاةِ ، نعيشُ على ارضٍ اُعِدت للبلاء ولم يَسلم منها حتى" الأنبيـاء عليهم السلام" تَوكل على اللهِ دائمًا و كُن مُطمئن 🖤.

★ عَــــــلــيّ مُـــعِـــيـن 🤍.

الاختبارات الإلهية الي تصير وياك
هيَ من أجل صَقل روحك ونفسك
فَأن صبرتْ وأوكلت أمرك لله تعالى
راح تشوف كل الامور يتم تسخيرها الك
وراح تشوف القوة والنور الالهي يحيطك
من كل الاتجاهات، فَ اصبر وتحمل وخَلي
ايمانك برب العالمين ايمان تام ومطلق
صَح الاختبار صعب، ممكن يتم اختبارك
بفقد شخص عَزيز عليك، او مرض او قلة
الرزق .. الخ ، ممكن يجي وقت تكره نفسك
ممكن يجي وقت تتمنى الموت حتى ترتاح!
هالشي كله توصله اذا كان ايمانك مو تام ومُطلق
صح الصبر صعب لكن تذكر بقدر هذا الصبر
وبقدر هذا الألم والتحمل، كيف راح يكون
الجبر؟ تذكر ربنا عز وجل راح يجبر خاطرك
وراح يفرحك فرحة ما متخيلها ابد! فرحتك
تكون بأضعاف الالم الي تحملته بصدرك
فدائماً خليك صابر محتسب بكل ثقة
وايمان بالله سبحانه وتعالى 🤍.

صوتوا رجعتلكم من جديد🦋🤍!
وعندي اشياء حلوووة تفيدكم بمسيرتكم!

• بداية العام الدراسي الجديد ٢٠٢٣ / ٢٠٢٤

اول شي الف مبارك عليكم بداية الدوام، يعني بداية النجاح، بداية الاصرار، بداية توجهك المُستقبلي، لازم تشدون حيلكم من البداية وتتعبوا لان نهاية كل تعب نجاح عظيم، لا تخلون احد يثنيكم عن اهدافكم ونجاحكم، لا تصغون للناس السلبيين ويدفعوكم للبرود وعدم الجهد.


شوفوا اهم شي تختارون ناس بحياتكم يساعدوكم بمسيرتكم، لان رَفيق الدرب والصداقة الصحيحة والحقيقية تلعب دور مهم بحياتك، اكو اصدقاء حسودين واكو اصدقاء شگد ما تقدمت ونجحت يتمنون الك الخير، اكو اصدقاء يردونك تضيع وقتك في سبيل ما تقرأ، واكو اصدقاء يگلك دراستك ثم دراستك ثم دراستك، فلازم تختارون ناسكم بعناية بمشوار حياتكم .


وتذكروا التخيل.. الإصرار.. الإنعزال.. الشغف.. الهدف.. العمل.. الانتقاد كلها أساسات مزروعة داخل كل شخص ناجح بحياته وكل شخص گدر يقدم شيء للعالم وللبشرية وللمجتمع، ببيئة كبيئة العراق أكبر شي ممكن تواجهه هو انتقاد الناس إلك وتقليلهم من شأنك والسعي لإحباطك حتى لو ميعرفوك! .

لا تنتظر يجي أحد يقيمك أنت شنو، أنت قيم نفسك بنفسك وقارن ادائك اليوم بادائك ووضعك قبل سنة، معلوماتك اليوم بمعلوماتك قبل سنة، تجربتك اليوم بتجربتك قبل سنة "وعيك اليوم بوعيك قبل سنة ❤️" .

لا تجعل العالم يأثر عليك أو على مسعاك، قوتك تكمن بداخلك مو برأي الناس بيك واستنقاصهم نحوك وشوفتهم إلك بالعين الصغيرة.

ليش هم منو الناس ؟ إلي ديقدموا بشنو أحسن منك ؟ تعرف هلناس اليحچون عليك ميسوون حتى المخيلة إلي موجودة بدماغك فشلون كلامهم يأثر بيك؟!

وتذكر طول حياتك عبارتي هاي وخليها ترن بأذانك : أقوى شي ممكن يسوي إلك العالم حتى يحاول يهبطك هو " الكلام " .

#اثبت_نفسك
#خليك_قوي
#اوصل_لشغفك

• عَليّ مُعِين ✨🦋.

🔰 لطلاب دفعة ٢٠٢٤ الابطال اقرؤوا 🔰

🔺 طلاب دفعة ٢٠٢٤ ان شاء الله راح نبدأ وياكم من الصفر من ناحية النصائح ، والتحفيز وايجاد الحلول لمشاكلكم الدراسية ، ومنها : ضعف التركيز ، النسيان ، الملل ، الخوف .... الخ من المشاكل الي يمر بيها اي طالب او اي انسان .


🔺 اضافة راح نزيد من الوعي الدراسي والثقافة الي تخص هذا المجال ، ونحاول نبتعد عن التهويل الي جاي يصير ونبعد الطالب عن مجموعة ارتادو المجال التعليمي وصارو فلاسفة براس الطلاب ومن ضمن هاي الاعلانات " شوف شلون طلعت معدل ٩٩ ب ٢٠ يوم ! " فراح نتكلم وننصح ونوجه الطلاب ونحذرهم من هيج مواضيع وشنو مردودها السلبي والنفسي عليكم.

🔻 الي ما يعرف قناتي ، اني علي معين محتواي تحفيزي وتعليمي ( ما يخص مجال الدراسة فقط ) وانما بكل مجالات الحياة، وخاصة الضغوطات الي يمر بيها الانسان بصورة عامة ، والطالب بصورة خاصة، الحمدلله طلاب كثيرين كانو متابعيني وطلعو معدلات عالية ومتوسطة وجيدة ولله الحمد 🙏.


🔻 اني بالنسبة الي ما اسوي اعلانات بقناتي او تبادلات، او اكذب ع طالب في سبيل ازيد التفاعلات بالقناة مثل باقي بعض القنوات ، هدفي " مصلحة الطالب ومنفعته " ، واصدقائي الي يتابعوني هم الي يشاركون القناة لاصدقائهم لانهم استفادو وانتفعو، " والدال على الخير كفاعله "


🔁 شارك رابط القناة لكل اصدقائك ➰
🌐 https://www.tg-me.com/V66VA

من اليوم راح ابدي وياكم بسلسلة :
" طريقك نحو ال100 درجة" هاي السلسلة راح تتضمن اخطاء الطلبة السابقين حتى ما توگعون بنفس الخطأ مالتهم وتصححونه، وتتضمن ايجاد حلول لاغلب المشاكل الدراسية مثل النسيان، الخوف، التفكير الزائد عن اللزوم، كلام الناس السلبي و شلون تواجهه، وتتضمن السلسلة طريقة دراسة المواد بصورة صحيحة ... الخ من فقرات يحتاجها كل طالب سادس او حتى طلاب الكليات والمراحل الاخرى، المطلوب منكم توجيه القناة لطلاب دفعتكم ٢٠٢٤ اريد اطلع من هالدفعة ابطال ان شاء الله فهمتكم وياي حتى نساعد الكل وربي يوفق الجميع🦋🤍.

#السلسلة_الذهبية_الاولى ‼️

- كل طالب مقبل على السادس او مُعيد في السادس يسمع البصمة للاخير .

- محتوى البصمة:

• الافكار المغلوطة عن السادس
• الكلام السلبي وتأثيره
• كيفية تجاوز الكلام السلبي
• كيفية الاستعداد النفسي للسادس
• خطة اسبوعية

#ما_كـــان_لله_يــــنــــــمو 🤍
★ عَــــــلــيّ مُـــعِـــيـن

🆔 = 🌀 @V66VA 🌀 @V66VA