#ጥቆማ
#AASTU #ASTU

በ2017 ዓ.ም በአዲስ አበባ ሳይንስና ቴክኖሎጂ ዩኒቨርሲቲ እና በአዳማ ሳይንስና ቴክኖሎጂ ዩኒቨርሲቲ ገብተው በአፕላይድ ሳይንስ እና በኢንጂነሪንግ የትምህርት ዘርፎች ትምህርታችሁን መከታተል ለምትፈልጉ ተቋማቱ መስፈርቶችን ይፋ አድርገዋል።

ዩኒቨርሲቲዎቹ በ2016 ዓ.ም የ12ኛ ክፍል ሀገር አቀፍ መልቀቂያ ፈተና ወስደው 50% እና ከዚያ በላይ ያስመዘገቡ የተፈጥሮ ሳይንስ ተማሪዎችን ተጨማሪ የመግቢያ ፈተና በኦንላይን በመስጠት ይቀበላሉ።

የትምህርት መስኮች

ሁለቱም ዩኒቨርሲቲዎች በተለያዩ ኢንጂነሪንግ እና የአፕላይድሳይንስ መስኮች አመልካቾችን ይቀበላሉ። (የትምህርት መስኮችን ዝርዝር ከላይ በተያያዘው ምስል ይመልከቱ።)

የምዝገባ ጊዜ፡-
ከመስከረም 6 እስከ 13/2017 ዓ.ም

አመልካቾች በ https://stuoexam.astu.edu.et ወይም www.aastu.edu.et / www.astu.edu.et ላይ መመዝገብ ትችላላችሁ፡፡

የመግቢያ ፈተና የሚሰጥበት ቀን ወደፊት ይገልፃል።

ለምዝገባ እና ለመግቢያ ፈተና ምንም አይነት ክፍያ የማይጠየቅ መሆኑ ተገልጿል።

@tikvahuniversity

#ETA

የዕውቅና ፈቃድ ተሰጥቷችሁ እየሠራችሁ የምትገኙ እንዲሁም ለተለያዩ የመንግሥት ተቋማት ተጠሪ ሆናችሁ ነገር ግን በፈቃድ አሰጣጥ ስርዓት ውስጥ ሳታልፉ ትምህርትና ስልጠና እየሰጣችሁ ያላችሁ ተቋማት ከዛሬ መስከረም 7/2017 ዓ.ም ጀምሮ በባለሥልጣኑ ቅጥር ግቢ በመገኘት ዳግም ምዝገባ እንድታደርጉ የትምህርትና ስልጠና ባለሥልጣን አሳስቧል።

በዳግም ምዝገባ ሂደት ውስጥ ያልገባ ተቋም በመምሪያው መሠረት ከባለሥልጣኑ የወሰደው የማስተማር ፈቃድ በገዛ ፈቃዱ እንዳቋረጠ ተቆጥሮ ፈቃዱ የሚነጠቅ መሆኑን ባለሥልጣኑ ገልጿል።

@tikvahuniversity

በአማራ ክልል የ2017 ትምህርት ዘመን የመጀመሪያ ቀን ትምህርት ዛሬ ተጀምሯል፡፡

በክልሉ በዚህ ዓመት 7 ሚሊዮን ተማሪዎችን መዝግቦ ለማስተማር እየተሠራ መሆኑን የክልሉ ትምህርት ቢሮ ምክትል ኃላፊ እየሩስ መንግስቴ ገልፀዋል።

እስካሁን ባለው የምዝገባ ሒደት 24 በመቶ ተማሪዎች እንደተመዘገቡ ተናግረዋል፡፡

በቀጣይ ቀናት ሁሉም እድሚያቸው ለትምህርት የደረሱ ህጻናትን ወደ ትምህርት ቤት እንዲሄዱ ሁሉም ባለድርሻ አካላት ኃላፊነታቸውን እንዲወጡ ኃላፊዋ ጥሪ አቅርበዋል፡፡

@tikvahuniversity

የ2017 ትምህርት ዘመን የመማር ማስተማር ሒደት በተለያዩ ክልሎች ተጀምሯል።

የመማር ማስተማር ሒደቱ በኦሮሚያ፣ በትግራይ፣ በጋምቤላ፣ በማዕከላዊ ኢትዮጵያ ክልል፣ በደቡብ ኢትዮጵያ ክልል፣ በቤኒሻንጉል ጉሙዝ ክልል፣ በሐረሪ ክልል እና በድሬዳዋ አስተዳደር በይፋ ተጀምሯል።

@tikvahuniversity