ወለጋ ዩኒቨርሲቲ የ2016 ክረምት ትምህርት ምዝገባ ከሐምሌ 15-16/2016 ዓ.ም እንደሚካሔድ አሳውቋል።

ከሁለተኛ ክረምት/ዓመት በላይ የሆናችሁ ተማሪዎች በተጠቀሰዉ ቀን ተገኝታችሁ እንድትመዘገቡ ዩኒቨርሲቲው አሳስቧል።

@tikvahuniversity

ወልቂጤ ዩኒቨርሲቲ ነባር የክረምት መርሐግብር ተማሪዎች የምዝገባ ጊዜ ከሐምሌ 15-16/2016 ዓ.ም መሆኑን ገልጿል።

ትምህርቱ እስከ መስከረም 10/2017 ዓ.ም እንደሚሰጥ ተገልጿል።

@tikvahuniversity

#AAU_Commencement

አዲስ አበባ ዩኒቨርሲቲ የ2016 ዓ.ም የተማሪዎች የምረቃ ሥነ-ስርዓት ነገ ሰኔ 29/2016 ዓ.ም ያካሒዳል።


➭ አጠቃላይ ተመራቂዎች - 5,911
➭ በሦስተኛ ዲግሪ - 337
➭ በሁለተኛ ዲግሪ - 2,837
➭ በቅድመ ምረቃ - 2,737

@tikvahuniversity

የ2016 ዓ.ም የ12ኛ ክፍል ማጠናቀቂያ ብሔራዊ ፈተና በኦንላይን እና በወረቀት እንደሚሰጥ ትምህርት ሚኒስቴር አረጋግጧል።

በተለያዩ የማኅበራዊ ትስስር ገፆች ፈተናው በኦንላይን እንደማይሰጥ የሚገልፁ መረጃዎች "በፍፁም ከእውነት የራቀ ሐሰተኛ" መሆኑን ሚኒስቴሩ ገልጿል።

ፈተናው በወረቀት እና በኦንላይን እንደሚሰጥ ሚኒስቴሩ ማምሻውን በተቋሙ የፌስቡክ እና የቴሌግራም ገፆች ባወጣው መግለጫ አረጋግጧል።

በመሆኑም ተማሪዎች ይሄንን ተገንዝበው ዝግጅት ማድረግ እንዲቀጥሉ መክሯል።

ትምህርት ሚኒስቴር ፈተናውን የተሳካ ለማድረግ ከሚመለከታቸው ባለድርሻ አካላት ጋር በጥምረት እየሰራ መሆኑን ሚኒስቴሩ አስገንዝቧል።

"የኦንላይን ፈተናው ቀርቷል" የሚሉ በማኅበራዊ ትስስር ገፆች የሚዘዋወሩ መረጃዎችን አስመልክተን የጠየቅናቸው የትምህርት ሚኒስቴር ከፍተኛ አመራር፤ "መረጃዎቹ ሐሰተኛ ናቸው" በማለት መልሰዋል።

@tikvahuniversity

የ2016 ዓ.ም የ12ኛ ክፍል ሀገር አቀፍ ፈተና በኦንላይን እና በወረቀት እንደሚሰጥ የትምህርት ምዘናና ፈተናዎች አገልግሎት አረጋገጠ።

በተለያዩ የማኅበራዊ ትስስር ገፆች ፈተናው በኦንላይን እንደማይሰጥ የሚገልፁ መረጃዎች "ሐሰተኛ" ናቸው ያለው አገልግሎቱ፤ ፈተናው በወረቀት እና በኦንላይን የሚሰጥ በመሆኑ ተማሪዎች ይሄንን ተገንዝበው ዝግጅት ያድርጉ ብሏል።

@tikvahuniversity

የአዲስ አበባ ትምህርት ቢሮ ሀገር አቀፍ የ12ኛ ክፍል ፈተና በኦንላይንም በወረቀትም እንደሚሰጥ የሚገልጸውን የትምህርት ሚኒስቴር መረጃ አጋርቷል።

' የኦንላይን ፈተናው ቀርቷል ፣ አልቀረም ' ብሎ ውሳኔ የሚሰጠው ማዕከላዊው ትምህርት ሚኒስቴር ብቻ ነው።

ትምህርት ሚኒስቴር አስረግጦ በተደጋጋሚ የኦንላይን ፈተና እንደሚሰጥ አሳውቋል።

ተማሪዎች ተረጋግታችሁ ለፈተናው ተዘጋጁ።

ተማሪዎችን ውዝግብ ውስጥ የከተተው ምንድነው ?

ባለፉት ቀናት በተለይ አዲስ አበባ በተሰጠው የሙከራ ፈተና ወቅት በተለያዩ ትምህርት ቤቶች ሲስቱም አስቸጋሪ ነበር።

ወላጆችም ሲስተሙ ካስቸገረ " ልጆቻቸው ዩኒቨርሲቲ ገብተው ይፈተናሉ " ተብሎ ከት/ቤት እንደተነገራቸው ለቲክቫህ ተናግረዋል።

በኃላ ግን አንዳንድ ትምህርት ቤቶች ሲስተሙ ተስተካክሎ ዛሬ በተሳካ ሁኔታ የሙከራ ፈተና መፈተናቸውን ተናግረዋል።

ዛሬ ሁሉም ሳይሆኑ አንዳንድ  ትምህርት ቤቶች ለተማሪዎች " ፈተናው በኦንላይን አይሰጥም " በማለት ኮምፒዩተር እንደመለሱላቸው ተማሪዎች ተናግረዋል።

ይህ ግን በትምህርት ሚኒስቴር በኩል በወረደ ትዕዛዝ እንዳልነበር እራሱ ትምህርት ሚኒስቴር ዛሬ ባወጣው ማሳሰቢያ ላይ መመልከት ይቻላል።

ለሁሉም ግን ውሳኔ የሚሰጠው ትምህርት ሚኒስቴር ብቻ ነው።

ተማሪዎች ይህን ሀገራዊ የተማሪዎች ጉዳይ መረጃ መከታተል ያለባችሁ ከትምህርት ሚኒስቴር ብቻ መሆን አለበት።

ፈተናው መቅረቱን፣ በሌላ መንገድ እንደሚሰጥ ወይም በኦንላይን እንደሚሰጥ የሚያሳውቀው ትምህርት ሚኒስቴር ብቻና ብቻ ነው።

ሚኒስቴሩ " የኦንላይ ፈተና ቀርቷል " የሚለው ሀሰት እንደሆነ በማስገንዘብ ተፈታኞች ለኦንላይን ፈተናው እንዲዘጋጁ አሳስቧል።

ተማሪዎች ተረጋግታችሁ የትምህርት ሚኒስቴርን መመሪያ እና ውሳኔዎች ተከተሉ። አትረበሹ !

@tikvahuniversity