በማዕከላዊ ኢትዮጵያ ክልል የ12ኛ ክፍል ማጠናቀቂያ ፈተና በበይነ መረብ ለሚወስዱ ተማሪዎች ሞዴል ፈተና እየተሰጠ ነው።

ሞዴል ፈተናው በክልሉ በሚገኙ አምስት ማዕከላት ማለትም በዋቸሞ ዩኒቨርሲቲ ዋና ጊቢና ዱራሜ ካምፓስ፣ በወራቤ እና በወልቂጤ ዩኒቨርሲቲዎች እንዲሁም  ሆሳዕና ሊች ጎጎ አዳሪ ሁለተኛ ደረጃ ትምህርት ቤት እየተሰጠ ነው።

በክልሉ በ2016 ዓ.ም የ12ኛ ክፍል ማጠናቀቂያ ፈተና ከሚወስዱ ከ 47 ሺህ በላይ ተማሪዎች ውስጥ 1,401 ተማሪዎች በበይነ መረብ ይፈተናሉ ተብሏል።

ሞዴል ፈተናው እስከ ሰኔ 28/2016 ዓ.ም ድረስ ለአምስት ተከታታይ ቀናት እንደሚሰጥ ተገልጿል።

የዘንድሮው የ12ኛ ክፍል ማጠናቀቂያ ብሔራዊ ፈተና ከሐምሌ 3/2016 ዓ.ም ጀምሮ እንደሚሰጥ ይታወቃል።

@tikvahuniversity

#JimmaUniversity

ጅማ ዩኒቨርሲቲ በተለያዩ የትምህርት መስኮች ያሰለጠናቸውን ከ 1,700 በላይ ተማሪዎች አስመርቋል።

ከተመራቂዎቹ መካከል 20 በሦስተኛ ዲግሪ፣ 253 በሁለተኛ ዲግሪ እንዲሁም ከ 1,400 በላይ በመጀመሪያ ዲግሪ ፕሮግራም ትምህርታቸውን ተከታትለው ያጠናቀቁ ናቸው።

@tikvahuniversity

ከጅማ ዩኒቨርሲቲ በተመሳሳይ ውጤት የተመረቁት መንትዮቹ

ጅማ ዩኒቨርሲቲ ዛሬ ካስመረቃቸው ተማሪዎች መካከል መንትዮቹ ዮሴፍ ሞላወርቅ እና ሰለሞን ሞላወርቅ ይገኙበታል።

መንትዮቹ ከመዋለ ህጻናት ጀምሮ በአንድ ክፍል የተማሩ ሲሆን፤ በጅማ ቴክኖሎጂ ኢንስቲትዩት በባዮ-ሜዲካል ምህንድስና ትምህርት ክፍል ትምህርታቸውን ተከታትለው አጠናቀዋል፡፡

በጅማ ዩኒቨርሲቲ ቆይታቸው ተመሳሳይ የአጠቃላይ ውጤት (CGPA) እና ተቀራራቢ የከፍተኛ ትምህርት የመውጫ ፈተና ውጤት (71 እና 73) በማምጣት ተመርቀዋል።

@tikvahuniversity

በአዲስ አበባ የ2016 ዓ.ም የ12ኛ ክፍል መልቀቂያ ፈተናን በኦንላይን ለሚወስዱ ተፈታኞች #ሞዴል_ፈተና ዛሬ ተሰጥቷል።

የሙከራ ፈተናው አብርሆት ቤተ-መፃሕፍትን ጨምሮ በከተማ አስተዳደሩ በሚገኙ የኦንላይን መፈተኛ ጣቢያዎች መሰጠቱን የአዲስ አበባ ትምህርት ቢሮ ገልጿል።

ከሐምሌ 3/2016 ዓ.ም ጀምሮ የሚሰጠውን አገር አቀፍ ፈተና፣ በአዲስ አበባ ከተማ አስተዳደር በስኬት ለማከናወን ዝግጅት እየተደረገ እንደሚገኝ ቢሮው ጠቁሟል።

ቢሮው ከኢትዮ ቴልኮም እና ከኢኖቬሽንና ቴክኖሎጂ ልማት ቢሮ ጋር በመተባበር ቅድመ ዝግጅት ተግባራትን ሲያከናውን መቆየቱን የቢሮው ኃላፊ ዘላለም ሙላቱ (ዶ/ር) ገልፀዋል፡፡

@tikvahuniversity

#WallagaUniversity

ወለጋ ዩኒቨርሲቲ በተለያዩ የትምህርት መስኮች ያሰለጠናቸውን ከ 2,300 በላይ ተማሪዎች አስመርቋል።

ወለጋ ዩኒቨርሲቲ ነቀምቴ ከተማ በሚገኘው ዋናው ግቢ ትምህርታቸውን ተከታትለው ያጠናቀቁ 2,335 ተማሪዎችን አስመርቋል፡፡

ተመራቂዎቹ በመጀመሪያ፣ በሁለተኛ እና በሦስተኛ ዲግሪ ስልጠናቸውን የተከታተሉ መሆናቸው ተገልጿል፡፡

@tikvahuniversity