የ2016 ዓ.ም የሪሚዲያል ፕሮግራም ተማሪዎች ፈተና ዛሬ ይጠናቀቃል።

የዘንድሮው የሪሚዲያል ፕሮግራም ፈተና ከሰኔ 3/2016 ዓ.ም ጀምሮ በኦንላይን ሲሰጥ ቆጥቷል።

በዛሬው ዕለት የተፈጥሮ ሳይንስ ሪሚዲያል ተማሪዎች የኬሚስትሪ ፈተና እየተሰጠ ይገኛል፡፡

ከታህሳስ ጀምሮ የሪሚዲያል ፕሮግራም ትምህርታቸውን ሲከታተሉ የቆዩ 78 ሺህ የሚጠጉ ተማሪዎች ለስምንት ቀናት የተሰጠውን የዩኒቨርሲቲ መግቢያ ፈተና የወሰዱ ሲሆን፤ ውጤታቸው 30 በመቶ በዩኒቨርሲቲዎች የትምህርት ሒደት እና 70 በመቶ በማዕከል በሚዘጋጅ ፈተና የሚለይ መሆኑ ይታወቃል።

ምስል፦ አምቦ ዩኒቨርሲቲ

@tikvahuniversity

ደብረ ማርቆስ ዩኒቨርሲቲ "የተማሪዎቹን ደህንነት" በተመለከተ በተለያዩ የማኅበራዊ ትስስር ገፆች እየተናፈሰ ያለው መረጃ ሐሰት መሆኑን ገለፀ፡፡

ሐሰተኛ መረጃዎቹ "የፆታዊ ጥቃት መከሰታቸውን እንዲሁም የተማሪዎች ህይወት ማለፉን" የሚገልጹ ሲሆን፤ አሉባልታዎቹ ሙሉ በሙሉ ሐሰት መሆናቸውን ዩኒቨርሲቲው ባወጣው መግለጫ አሳውቋል፡፡

"የተማሪዎቻችንን ደህንነት ማስጠበቅ የቅድሚያ ቅድሚያ የምንሰጠው ጉዳይ ነው" ያለው ዩኒቨርሲቲው፤ በተቋሙ ውስጥ ምንም አይነት ፆታዊ ጥቃት፣ ጉዳት እና ሞት አልተፈጠረም ብሏል፡፡

ዩኒቨርሲቲው የአሉባልታዎቹን ምንጭ አጣርቶ ተገቢውን እርምጃ እንደሚወስድ አሳውቋል፡፡ ሐሰተኛ መረጃዎቹን ያሰራጩ የማኅበራዊ ትስስር ገፆች የትኞቹ እንደሆኑ ዩኒቨርሲቲው አልገለፀም፡፡

@tikvahuniveristy

በትግራይ ክልል ከ122 ሺህ በላይ የ8ኛ ክፍል ተማሪዎች ክልላዊ ፈተና እየወሰዱ ነው።

በክልሉ የ8ኛ ክፍል ፈተና በ1,129 ትምህርት ቤቶች እየተሰጠ እንደሚገኝ የክልሉ የትምህርት ጥራት ማረጋገጫ ኤጀንሲ ዳይሬክተር ታደሰ ካህሳይ (ዶ/ር) ለኢዜአ ተናግረዋል፡፡

ፈተናው ዛሬን ጨምሮ ለተከታታይ ሦስት ቀናት ይሰጣል፡፡ ምስል፦ @ProfKindeya

@tikvahuniversity

በአዲስ አበባ የ6ኛ ክፍል ከተማ አቀፍ ፈተና መሰጠት ጀምሯል፡፡

በአዲስ አበባ የ2016 ዓ.ም የ6ኛ ክፍል ፈተና በ183 ጣቢያዎች እንደሚሰጥ የአዲስ አበባ ከተማ አስተዳደር ትምህርት ቢሮ ገልጿል።

ከተማ አቀፍ ፈተናው ዛሬን ጨምሮ ለሦስት ቀናት ይሰጣል።

@tikvahuniversity

ይለማመዱ!

የ12ኛ ክፍል ተፈታኞች የኦንላይን የመፈተኛ ፕላትፎርም አጠቃቀምን ይለማመዱ!

ፕላትፎርሙን እንዴት መጠቀምና እንዴት ፈተናውን መውሰድ እንደሚቻል ለማሳየት በትምህርት ሚኒስቴር እና በትምህርት ምዘናና ፈተናዎች አገልግሎት የተዘጋጀን የአራት ደቂቃ ገላጭ ቪዲዮ በተከታዩ ሊንክ በመግባት ይመልከቱ፡፡ ራስዎን ለፈተናው ያዘጋጁ!

ቪዲዮውን ይመልከቱ 👇
https://www.youtube.com/watch?v=PdAu-FI-Q5M


@tikvahuniversity

#RevisedExitExamSchedule

ሀገር አቀፍ የመውጫ ፈተና ከአርብ ሰኔ 14/2016 ዓ.ም ጀምሮ እንደሚሰጥ ይታወቃል፡፡

የመውጫ ፈተና የተሻሻለ መርሐግብር ከላይ ተያይዟል።

@tikvahuniversity

ይመልከቱ ፦ ይህ የመውጫ ፈተና የተመለከተ አጭር ቪድዮ የይለፍ ቃል (Password) እንዴት መቀየር እንደሚቻል ፣ ተፈታኞች በፈተና ወቅት መከተል ስላለባቸው ጉዳዮች ያሳያል።

#MoE

@TikvahUniversity

አዲስ አበባ ዩኒቨርሲቲ ተመራቂ ላልሆኑ የተቋሙ ተማሪዎች የመኝታ እና የምግብ አገልግሎት ከነገ ሰኔ 13/2016 ዓ.ም ጀምሮ እንደማይሰጥ አሳውቋል።

ለመጀመሪያ ዓመት ተማሪዎች ግን አገልግሎቶቹ መሰጠት እንደሚቀጥሉ ተገልጿል።

@tikvahuniversity

በአማራ ክልል ለመጀመሪያ ጊዜ የሚሰጠው የ6ኛ ክፍል ክልላዊ ፈተና ከነገ ሰኔ 13/ 2016 ዓ.ም ጀምሮ ለሁለት ቀናት ይሰጣል፡፡

ከ170 ሺህ በላይ የ6ኛ ክፍል ተማሪዎች ፈተናውን ለመውሰድ መመዝገባቸውን የክልሉ ትምህርት ቢሮ መግለፁ ይታወሳል።

በፀጥታ ችግር ምክንያት 99 ሺህ የ6ኛ ክፍል ተማሪዎች ለፈተና እንደማይቀመጡ የቢሮው የሕዝብ ግንኙነት ኃላፊ ጌታቸው ቢያዝን ለአሜሪካ ድምፅ ሰሞኑን መናገራቸው አይዘነጋም።

@tikvahuniversity

አምቦ ዩኒቨርሲቲ ዘንድሮ የ12ኛ ክፍል መልቀቂያ ፈተና ለሚወስዱ ተማሪዎች ገለፃ ሰጥቷል፡፡

ዩኒቨርሲቲው ከአምቦ ከተማ ትምህርት ቢሮ ጋር በመተባበር ገለፃውን የሰጠ ሲሆን፤ የተማሪዎቹን የስነ-ልቦና ዝግጁነት ለማጎልበት ያስቻለ እንደነበር ተገልጿል፡፡

በአምቦ ከተማ ከሚገኙ ሰባት የሁለተኛ ደረጃ፣ የመሰናዶ እና የአዳሪ ትምህርት ቤቶች የተውጣጡ የ12ኛ ክፍል ተፈታኝ ተማሪዎች በመርሐግብሩ ተሳትፈዋል፡፡

@tikvahuniveristy

የአውሮፓ ህብረት ለ48 ኢትዮጵያውያን ተማሪዎች የኢራስመስ+ ሁለተኛ ዲግሪ ስኮላርሺፕ መስጠቱን ገለፀ፡፡

ዕድሉ ተማሪዎቹ በ12 አገራት በሚገኙ ታዋቂ የአውሮጳ ዩኒቨርሲቲዎች የማስተርስ ዲግሪ ትምህርታቸውን ለሁለት ዓመታት (2024-2025) እንዲከታተሉ የሚያስችላቸው ነው፡፡

ኢትዮጵያ የአውሮጳ ህብረት ኢራስመስ+ ስኮላርሺፕ ፕሮግራም ተጠቃሚ ከሆኑ ቀዳሚ አገራት አንዷ ነች። የአውሮጳ ህብረት ከ2002 ዓ.ም ጀምሮ ከ600 ለሚበልጡ ኢትዮጵያውያን ተማሪዎች የኢራስመስ ሁለተኛ ዲግሪ ነፃ የትምህርት ዕድል ሰጥቷል፡፡

@tikvahuniveristy

በአማራ ክልል የ6ኛ ክፍል ክልላዊ ፈተና መሰጠት ጀምሯል።

ለመጀመሪያ ጊዜ እየተሰጠ የሚገኘውን ፈተና፤ ከ170 ሺህ በላይ ተፈታኞች በ4,355 ትምህርት ቤቶች እንደሚወስዱ ይጠበቃል።

በፀጥታ ችግር ምክንያት በክልሉ 99 ሺህ የ6ኛ ክፍል ተማሪዎች ለሁለት ቀናት የሚሰጠውን ፈተና እንደማይወስዱ የክልሉ ትምህርት ቢሮ መግለፁ አይዘነጋም።

@tikvahuniversity

#ETA

የግል ከፍተኛ ትምህርት ተቋማት በ2015 ዓ.ም እና በ2016 ዓ.ም የመውጫ ፈተና ወስደው ያለፉ የመጀመሪያ ዲግሪ ተመራቂዎችን ዝርዝር እንዲልኩ የትምህርትና ስልጠና ባለሥልጣን አሳስቧል።

ተቋማቱ ፈቃድ በተሰጣችሁ ትምህርት መስኮች፣ ትምህርት ደረጃ፣ መርሐግብር እና ካምፓስ ያስመረቋቸውንና ከዚህ በፊት ያልተላኩ የተመረቁ ተማሪዎች መረጃንም እንዲልኩ ተብሏል።

በዚህም መረጃዎቹን እስከ ሰኔ 30/2016 ዓ.ም በሶፍት እና በሀርድ ኮፒ እንድትልኩ ባለሥልጣኑ አሳስቧል።

@tikvahuniversity

#Update

የ2016 ዓ.ም የመውጫ ፈተና ተፈታኝ ተማሪዎች በሙሉ ከዛሬ ጀምሮ ለፈተና የሚጠቀሙበትን የይለፍ ቃል ከላይ ባሉት ሊንኮች በመግባት መቀየር ይችላሉ።

@tikvahuniversity

#MoH

የጤና ሚኒስቴር ከከፍተኛ የትምህርት ተቋማት ፦
- በነርሲንግ፤
- ሜዲስን፤
- ጤና መኮንን፤
- አንስቴዥያ፤
- ፋርማሲ ፤
- ሜዲካል ላቦራቶሪ፤
- ሚድዋይፈሪ፤
- ዴንታል ሜዲስን፤
- ሜዲካል ራዲዮሎጂ፤
- ኢንቫይሮመንታል ሄልዝ፤
- ፔዲያትሪክ ኤንድ ቻይልድ ሄልዝ፤
- ሳይካትሪ ነርሲንግ፤
- ኢመርጀንሲ ኤንድ ክሪቲካል ኬር ነርሲንግ ፤
- ሰርጅካል ነርሲንግ፤
- ኦፕቶሜትሪ፤
- ፊዚዩቴራፒ እንዲሁም ሂውማን ኒውትሪሽን ሙያዎች በመጀመሪያ ዲግሪ ተመርቀው በትምህርት ሚኒስቴር በኩል ተመዝግበው የብቃት ምዘና ፈተና ለመውሰድ በመጠባበቅ ላይ የሚገኙ አዲስ እጩ ምሩቃን የጤና ባለሙያዎች ፈተናው ከትምህርት ሚኒስቴር የመውጫ ፈተና ጋር በጋራ ሰኔ 19/ 2016 ዓ.ም የሚሰጥ መሆኑን አሳውቋል።

ለዚህም ፈተና ተመዛኞች መዘጋጀት እና በፈተናው ወቅት በጠዋትም በከሰዓትም ክፍለ ጊዜ አቴንዳንስ ላይ በአግባቡ መፈረማቸውን ማረጋገጥ እንደሚጠበቅባቸው አሳስቧል።

በተጨማሪም ፦
° በሰርጅካል ነርሲንግ፤
° ኦፕቶሜትሪ፤
° ፊዚዩቴራፒ እንዲሁም ሂውማን ኒውትሪሽን ሙያዎች የሚመረቱ ባለሙያዎች ከሰኔ 1/2016 ዓ.ም ጀምሮ የሙያ ፈቃድ ለማግኘት የብቃት ምዘና ፈተና የሚጠበቅባቸው መሆኑን
አውቀው ከወዲሁ ከላይ በተጠቀሰው የፈትና ወቅት ዝግጅት አድርገው እንዲቀርቡ ማሳሰቢያ ሰጥቷል።

@tikvahuniversity

በትግራይ ክልል ለሦስት ተከታታይ ቀናት የተሰጠው የ8ኛ ክፍል ፈተና ተጠናቋል።

ከ122 ሺህ በላይ የ8ኛ ክፍል ተማሪዎች ክልላዊ ፈተናውን ወስደዋል።

በክልሉ የ8ኛ ክፍል ፈተና በ1,129 ትምህርት ቤቶች መሰጠቱን የክልሉ የትምህርት ጥራት ማረጋገጫ ኤጀንሲ ዳይሬክተር ታደሰ ካህሳይ (ዶ/ር) ለኢዜአ ተናግረዋል፡፡ ፈተናው በሰላም መጠናቀቁን ኃላፊው ገልፀዋል።

@tikvahuniversity