የአርባ ምንጭ ዩኒቨርሲቲ የማስተማሪያ እና ኮምፕርሄንሲቭ ስፔሻላይዝድ ሆስፒታል ሊመረቅ ነው።

ላለፉት ዘጠኝ ዓመታት በግንባታና ግብዓት በማሟላት ሒደት ላይ የቆየው ሆስፒታሉ፤ ሰኔ 01/2016 ዓ.ም ተመርቆ አገልግሎት መሥጠት ይጀምራል፡፡

ተቋሙ "አርባ ምንጭ ዩኒቨርሲቲ የማስተማሪያ እና ኮምፕርሄንሲቭ ስፔሻላይዝድ ሆስፒታል" በሚል ስያሜ እንዲጠራ መወሰኑም ታውቋል፡፡

ሆስፒታሉ 600 የህሙማን አልጋዎች እና የተለያዩ ዘመናዊ የህክምና ግብዓቶች ይኖሩታል የተባለ ሲሆን ከሰባት ሚሊዮን በላይ ለሚሆኑ የአርባ ምንጭ እና አካባቢዋ ነዋሪዎች አገልግሎት ይሰጣል ተብሏል፡፡

@tikvahuniversity

#MoE

የዩኒቨርሲቲዎችን አፈጻጸም ለመለካት የሚረዱ ቁልፍ የውጤት መለኪያ አመላካቾች (KPIs) መዘጋጀታቸውን ትምህርት ሚኒስቴር ገለፀ፡፡

የመንግሥት ዩኒቨርሲቲዎች ከተሰጣቸው ተልዕኮና ቁልፍ የለውጥ አጀንዳዎች አንፃር በውጤት እየተለኩ የሚሔዱበት የአሰራር ስርዓት ከቀጣይ ዓመት ጀምሮ እንደሚዘረጋ የትምህርት ሚኒስትር ዴኤታ አቶ ኮራ ጡሽኔ ገልፀዋል፡፡

ከፍተኛ ትምህርት ተቋማቱ ሥራ ፈጣሪ እና በዓለም ገበያ ተወዳዳሪ የሆኑ የሰው ኃይል ማፍራት እንዲችሉ ማድረግ ያስፈልጋል ያሉት ሚኒስትር ዴኤታው፤ ዩኒቨርሲቲዎቹ ተልኳቸውን በሚገባ እንዲወጡ ቁልፍ የለውጥ አጀንዳዎች ተቀርፀው ተግባራዊ እየተደረገ እንደሚገኝ ተናግረዋል።

የዩኒቨርሲቲዎች እድገት እና ውጤት ለመለካት የሚረዱ ቁልፍ የውጤት መለኪያ አመላካች መስፈርቶች መዘጋጀታቸውን አቶ ኮራ በመቐለ ዩኒቨርሲቲ እየተካሔደ ባለው የኢትዮጵያ ዩኒቨርሲቲ ፕሬዝዳንቶች ፎረም ላይ አንስተዋል።

በተዘጋጁት ቁልፍ የውጤት መለኪያ አመላካች መስፈርቶች (KPIs) ላይ ውይይት በማድረግ ከስምምነት ከተደረሰ በኋላ ከቀጣይ ዓመት ጀምሮ ፕሬዝዳንቶቹ ውል እንሚገቡ ከትምህርት ሚኒስቴር ያገኘነው መረጃ ያሳያል።

@tikvahuniversity

#MoH

በተለያዩ የጤና ሙያዎች በመጀመሪያ ዲግሪ የተመረቁ የጤና ባለሙያዎች የብቃት ምዘና ፈተና ግንቦት 15 እና 16/2016 ዓ.ም ይሰጣል።

በኮምፒውተር የሚሰጠው ፈተና ፕሮግራም እንደሚከተለው ይሆናል፡-

➧ Pharmacy, Public Health, Midwifery, Medical Laboratory
👉 ግንቦት 15/2016 ዓ.ም
➧ Nursing, Medicine, Dental Medicine, Pediatric Nursing, Psychiatric Nursing, Emergency & Critical Care Nursing, Medical Radiology Technology, Anesthesia and Environmental Health
👉 ግንቦት 16/2016 ዓ.ም

ተመዛኞች ግንቦት 14/2016 ዓ.ም ከጠዋቱ 3፡00 ሰዓት በመፈተኛ ጣቢያ በመገኘት ስለፈተናው አሰጣጥ ኦረንቴሽን መከታተል፣ የኮምፒውተር ቅድመ-ፈተና መለማመጃ ጥያቄዎችን መስራት፣ ወደ ፈተና የሚያስገባውን Username and Password ማወቅ እንዲሁም የመፈተኛ ክፍላችሁን መለየት ይኖርባችኋል ተብሏል።

በፈተናው ዕለት ማንነታችሁን የሚገልጽ መታወቂያ (የቀበሌ መታወቂያ፣ ፓስፖርት፣ መንጃ ፍቃድ ወይም ሌላ በግልጽ የሚታይ ህጋዊ መታወቂያ)፣ የፈተና መስሪያ ግብዓቶች (እርሳስ፣ ላጲስ፣ መቅረጫ) እና ስትመዘገቡ ሲስተሙ የሰጣችሁን ስሊፕ ይዛችሁ መገኘት ይኖርባችኋል፡፡

ስልክ፣ የእጅ ሰዓት፣ መነጽር (የተረጋገጠ የዕይታ ችግር ከሌለ በስተቀር)፣ ቦርሳ፣ ምንም አይነት ማጣቀሻዎች እንዲሁም ባዶ ወረቀቶች፣ ምግብ ወይም መጠጥ (የተረጋገጠ የጤና ችግር ከሌለ በስተቀር) ይዞ መግባት አይፈቀድም፡፡

የመፈተኛ ጣቢያ ኦንላይን በመረጣችሁት መሰረት ስም ዝርዝራችሁን ተከታዩን ሊንክ በመጫን መመልከት ይኖርባችኃል 👇
https://drive.google.com/drive/folders/1e329fbEYG-P2vT0WJ1uSlw1tVlgtEFg4?usp=sharing)

ለተጨማሪ መረጃ በስልክ ቁ. 0118275936 እንዲሁም moh.gov.et ላይ EHPLE የሚለው ውስጥ በመግባት ማግኘት ይቻላል፡፡

@tikvahuniversity

በራያ አካባቢ ባለው አለመረጋጋት ምክንያት ትምህርት አቋርጠው የነበሩ 850 የሚሆኑ የዘንድሮ የ12ኛ ክፍል ተፈታኝ ተማሪዎች በወልድያ ዩኒቨርሲቲ ትምህርታቸውን እንዲያጠናቅቁና ማጠናከሪያ እንዲያገኙ እየተደረገ መሆኑ ተሰማ፡፡

ከራያ አካባቢዎች የተውጣጡት ተማሪዎች ከሐሙስ ግንቦት 8/2016 ዓ.ም ጀምሮ ወደ ወልዲያ ዩኒቨርሲቲ መግባት መጀመራቸውን ቢቢሲ አማርኛ ሰምቷል።

በራያ አካባቢዎች ትምህርት ከተቋረጠ ከአንድ ወር በላይ እንደሆነ በአማራ ክልል የተሾሙት የአላማጣ ከተማ ከንቲባ አቶ ኃይሉ አበራ ለቢቢሲ ተናግረዋል። በዚህም ምክንያት ዘንድሮ ለ12ኛ ክፍል ብሔራዊ ፈተና የሚቀመጡ የአካባቢዎቹ ተማሪዎች “ከዚህ በኋላ ለፈተናው ተዘጋጅቶ የተሻለ ውጤት ለማስመዝገብ የሚያስችል ሁኔታ ላይ እንዳልሆኑ” ከንቲባው ጠቅሰዋል።

ተመሳሳይ ሀሳብ የሚያነሱት የሰሜን ወሎ ዞን የትምህርት መምሪያ ኃላፊ አቶ ሰጠ ታደሰ፤ “ከዚያው አካባቢ ሆነው የማጠናከሪያ ትምህርትም የቀራቸውን [የትምህርት] ይዘቶች መሸፈን ስለማይቻል ወደዚህ ቀረብ ብለው ይሸፍኑ የማጠናከሪያ ትምህርት ይሰጣቸው የሚለውን አላማ ያደረገ ነው” ሲሉ ተማሪዎቹ ወደ ወልድያ ዩኒቨርሲቲ እንዲገቡ መደረጉን ገልጸዋል።

ተማሪዎቹ እስከ ሰኔ መጨረሻ ድረስ በሚኖራቸው ቆይታ በዩኒቨርሲቲው መምህራን የማካካሻ ትምህርት እንደሚያገኙ ተገልጿል። ተማሪዎቹ ነገ በዩኒቨርሲቲው ገለጻ ተደርጎላቸው፣ ሰኞ ዕለት ትምህርት ይጀምራሉ ተብሏል።

ተማሪዎቹ በዩኒቨርሲቲው ሲቆዩ ለሚያገኙት የምግብ አቅርቦት ከአምስት እስከ ስድስት ሚሊዮን ብር ያስፈልጋል የተባለ ሲሆን የምግብ ወጪያቸው በማን እንደሚሸፈን እስካሁን ድረስ በይፋ የተገለጸ ነገር የለም። #ቢቢሲአማርኛ

@tikvahuniversity