በወለጋ ዩኒቨርሲቲ የጤና ሳይንስ እና ሕክምና ኮሌጅ ተማሪዎች ሐምሌ 15/2016 ዓ.ም በተቋሙ ዋና ግቢ ሪፖርት እንድታደርጉ ዩኒቨርሲቲው አሳስቧል።

@tikvahuniversity

#TVTI

የፌደራል ቴክኒክና ሙያ ስልጠና ኢንስቲትዩት ነባር የመጀመሪያ እና የሁለተኛ ዲግሪ የክረምት መርሐግብር ተማሪዎች የ2016 ዓ.ም ምዝገባ የሚካሔደው ሐምሌ 18 እና 19/2016 ዓ.ም መሆኑን ኢንስቲትዩቱ አሳውቋል፡፡

በመሆኑም በተገለፁት ቀናት ብቻ በተቋሙ ሬጅስትራር ቢሮ በአካል በመቅረብ እንድትመዘገቡ ተብሏል፡፡

በ2015 ዓ.ም የክረምት ስልጠናችሁን አጠናቃችሁ የመውጫ ፈተና ሳትወስዱ የቀራችሁ የዋናው ግቢ እና የሳተላይት (ባህርዳር፣ ኮምቦልቻ፣ አዲግራት እና ማይጨው) ሰልጣኞች ሐምሌ 29/2016 ዓ.ም በስልጠና ተቋማቹ በአካል በመገኘት ሪፖርት አንድታደርጉ ኢንስቲትዩቱ እናሳስቧል፡፡

@tikvahuniversity

በሐረማያ ዩኒቨርሲቲ #የድኅረ_ምረቃ ፕሮግራም ትምህርታችሁን ስትከታተሉ ቆይታችሁ ኮርስ ያልጨረሳችሁ ነባር የክረምት መርሐግብር ተማሪዎች ሐምሌ 22 እና 23/2016 ዓ.ም በዩኒቨርሲቲው ዋና ግቢ በድኅረ ምረቃ ሬጅስትራር ቢሮ አድርጉ ተብሏል።

ትምህርት ሐምሌ 24/2016 ዓ.ም የሚጀመር ይሆናል፡፡

የጤናና ሕክምና ሳይንስ ፕሮግራም ተማሪዎች ሪፖርት የምታደርጉት በሐረር የኮሌጁ ግቢ መሆኑ ተገልጿል፡፡

(ተጨማሪ መረጃ ከላይ ተያይዟል።)

@tikvahuniversity

ደመወዝ ያልተከፈላቸው መምህራን ጉዳይ

በርካታ ክልሎች የመምህራን ደመወዝ መክፈል ተስኗቸው መምህራን ለከፋ ችግር እየተጋለጡ እንደሚገኙ ቅሬታቸውን በተደጋጋሚ ያቀርባሉ፡፡

በጉዳዩ ላይ ማብራሪያ የሰጡት የትምህርት ሚኒስትሩ ብርሃኑ ነጋ (ፕ/ር) ፤ "ክልሎች ለመምህራን ተብሎ የተሰጣቸውን በጀት ለተባለው ጉዳይ ባለማዋላቸው እየተፈጠረ ያለ ችግር እንደሆነ" ገልፀዋል፡፡

ጉዳዩ እልባት እንዲያገኝ ትምህርት ሚኒስቴር ከሚመለከታቸው አካላት ጋር በመሆን እየተነጋገረ እንደሚገኝ ጠቁመዋል፡፡

የመምህራኑ የደመወዝ ይከፈለን ጥያቄ አፋጣኝ ምላሽ የማያገኝ ከሆነ በትምህርት ጥራት ላይ አሉታዊ ተፅእኖ እንደሚኖረውም ሚኒስትሩ አንስተዋል፡፡

በወላይታ ዞን፣ ጋሞ ዞን፣ ሀዲያ ዞን እና ትግራይ ክልል የሚገኙ መምህራን የወራት ደመወዝ ሳይከፈላቸው መቆየቱ ይታወቃል።

@tikvahuniversity

በ2017 የትምህርት ዘመን ገቢራዊ የሚደረግ አዲስ የዩኒቨርሲቲዎች የቀን የምግብ በጀት ዋጋ ተመን ይፋ እንደሚደረግ ትምህርት ሚኒስቴር ገልጿል።

ዩኒቨርሲቲዎች በቀን አንድ ተማሪ ቁርስ፣ ምሳ እና እራት ለመመገብ በመንግሥት የሚመድብላቸው 22 ብር በጀት በቂ አለመሆኑን በተደጋጋሚ ያነሳሉ፡፡

የዋጋ ትመናው ጊዜውን ያላገናዘበ በመሆኑ ማስተካከያ ሊደረግበት እንደሚገባ የሕዝብ ተወካዮች ምክር ቤት አባላትን ጨምሮ የተለያዩ አካላት ሲጠይቁ ይደመጣል፡፡

ከፍተኛ ትምህርት ተቋማቱ ከተለያዩ በጀቶች በማዛወር በቀን እስከ 80 ብር በመመደብ ተማሪዎቻቸውን እየመገቡ እንደሚገኙ ይገልፃሉ፡፡

በጉዳዩ ላይ የተጠየቁት የትምህርት ሚኒስትሩ ብርሃኑ ነጋ (ፕ/ር) ፤ "ለዩኒቨርሲቲ ተማሪዎች በቀን ተተምኖ የሚመደበው ሒሳብ ላይ ማሻሻያ ለማድረግ ሲደረጉ የነበሩ ጥናቶች እና ሲሰሩ የቆዩ ሥራዎች እየተጠናቀቁ" መሆኑን ጠቁመዋል፡፡

"እስከ ነሐሴ ድረስ ሥራዎች ተጠናቀው በአዲሱ የትምህርት ዘመን አዲስ የቀን ዋጋ ተመን ይፋ ይደረጋል" ብለዋል፡፡

@tikvahuniversity