የ12ኛ ክፍል ፈተናቸውን አብረው እየወሰዱ የሚገኙት እናት እና ልጅ

የተፈጥሮ ሳይንስ ትምህርታቸውን አብረው ሲከታተሉ የነበሩት እናት እና ልጅ ሀገር አቀፍ ፈተናውን በጥሩ ውጤት ለማለፍ በጋራ ሲዘጋጁ መቆየታቸውን ይናገራሉ፡፡

እናት ወ/ሮ ፍሬህይወት ኃይሉ የ8ኛ ክፍል ተማሪ እያለች ልጇን በመውለና በማኅበራዊ ጫና ትምህርቷን አቋርጣ ነበር። በሒደት ያቋረጠችውን ትምህርት በመቀጠል፣ ከልጇ ተማሪ ሰብሪና ታጅር ጋር ትምህርቷን በመከታተል የ12ኛ ክፍል መልቀቂያ ፈተናን በጥሩ ውጤት ለማጠናቀቅ ሲዘጋጁ መቆየታቸውን ገልፃለች።

እናት እና ልጅ እየተደጋገፉ ልጅ ቀን እናት በማታ ትምህርታቸውን እየተማሩ በመደጋገፍ ለፈተናው ሲዘጋጁ እንደነበር ወ/ሮ ፍሬህይወት ጠቁመው፤ ባለቤታቸውም ጥሩ ውጤት እንዲያመጡ ድጋፍ ሲያደርግላቸው እንደነበረ ተናግራለች።

እናት እና ልጅ ፈተናቸውን በሐረማያ ዩኒቨርሲቲ እየወሰዱ ሲሆን፤ ጥሩ ውጤት በማምጣት በቀጣይም አብረው ትምህርታቸውን ለመማር ማቀዳቸውን ለሐረማያ ዩኒቨርሲቲ ማኅበረሰብ ሬዲዮ ገልፀዋል።

@tikvahuniversity

በትግራይ ክልል ሁለተኛው ዙር የ12ኛ ክፍል መልቀቂያ ፈተና በመሰጠት ላይ ይገኛል፡፡

በዚህኛው ዙር በ2013/14 የትምህርት ዘመን በቀድሞ ስርዓተ ትምህርት ተምረው ፈተናውን ሳይወስዱ የቆዩ ተማሪዎች ፈተናቸው እየወሰዱ መሆኑ ተገልጿል፡፡

23 ሺህ የሚሆኑ ተማሪዎች፤ ከዛሬ ሐምሌ 9/2016 ዓ.ም ጀምሮ ለአራት ተከታታይ ቀናት በመቐለ፣ ራያ፣ አዲግራት እና አክሱም ዩኒቨርሲቲዎች የሚሰጠውን ፈተና እንደሚወስዱ የክልሉ ትምህርት ቢሮ ኃላፊ ኪሮስ ጉዕሽ (ዶ/ር) ተናግረዋል።

@tikvahuniversity

ለቻርጀር መሯሯጥ ድሮ ቀረ! ገና ቀኑ ሳይጋመስ የሚያልቅ ባትሪ አላማረራችሁም? እንደዛ ከሆናችሁ ቅመም Itel Pro ለእናንተ ነው! ትልቅ የ4000mAh የባትሪ አቅም ስላለው በአንድ ጊዜ ቻርጅ ብቻ ለሁለት ቀናት እንደልባችሁ ስልካችሁን መጠቀም ያስችላችኋል! ቅመም Itel Pro በሄዳችሁበት ሁሉ አብሯችሁ ነው!

#SafaricomEthiopia
#MpesaSafaricom
#1Wedefit
#FurtherAheadTogether

ሠመራ ዩኒቨርሲቲ የክረምት መርሐግብር የ2016 ዓ.ም ምዝገባ የሚካሔደው ከሐምሌ 17 እስከ 19/2016 ዓ.ም መሆኑን አሳውቋል፡፡

ሰኞ ሐምሌ 22/2016 ዓ.ም ትምህርት የሚጀምረው መሆኑ ተገልጿል፡፡

@tikvahuniversity

አክሱም ዩኒቨርሲቲ ነባር የክረምት መርሐ ግብር የመጀመርያ እና የሁለተኛ ዲግሪ ተማሪዎች የ2016 ዓ.ም ምዝገባ ሐምሌ 21 እና 22/2016 ዓ.ም መሆኑን አሳውቋል፡፡

ነባር የክረምት ተማሪዎች የምዝገባ ቦታ በዩኒቨርሲቲው ዋና ግቢ ሬጅስትራር ቢሮ ሲሆን፤ በመንግሥት ስፖንሰርነት የምትማሩ የመገጣጠሚያ ደብዳቤ መያዝ ይጠበቅባችኋል፡፡

በ2016 ዓ.ም በአክሱም ዩኒቨርሲቲ እንድትሰለጥኑ የተመደባችሁ አዲስ ሰልጣኝ መምህራንና የትምህርት አመራሮች የምዝገባ ቀን ሐምሌ 22/2016 ዓ.ም መሆኑ ተገልጿል፡፡

አዲስ ሰልጣኝ መምህራንና የትምህርት አመራሮች ለምዝገባ ስትሔዱ ብርድ ልብስ፣ አንሶላ እና የትራስ ልብስ መያዝ ይጠበቅባችኋል፡፡

Note: ነባር የ PGDT ተማሪዎች የምዝገባ ቀን በቀጣይ እንደሚያሳውቅ ዩኒቨርሲቲው ገልጿል፡፡

(ተጨማሪ መረጃ ከላይ ተያይዟል፡፡)

@tikvahuniversity

ጂንካ ዩኒቨርሲቲ ለጤና ሳይንስ እና የእንስሳት ህክምና ተማሪዎች አድርጎት የነበረውን ጥሪ አራዝሟል፡፡

የጤና ሳይንስ እና የእንስሳት ህክምና ተማሪዎች ምዝገባ ሐምሌ 29 እና 30/2016 ዓ.ም እንደሚከናወን ዩኒቨርሲቲው አሳውቋል፡፡

@tikvahuniversity

መደ ወላቡ ዩኒቨርሲቲ የ2016 ዓ.ም ነባር የክረምት መርሐግብር የቅድመ እና የድኅረ ምረቃ ፕሮግራም እንዲሁም የ PGDT ሰልጣኞች ምዝገባ ሐምሌ 22 እና 23/2016 ዓ.ም እንደሚከናወን አሳውቋል፡፡

ከሐምሌ 24/2016 ዓ.ም ጀምሮ የቲቶሪያል ትምህርት የሚሰጥ መሆኑ ተገልጿል፡፡

የሁሉም ተማሪዎች ምዝገባ የሚከናወነው በኦንላይን ብቻ እንደሆነ የተገለፀ ሲሆን፤ http://estudent.mwu.edu.et/auth/login በመግባት ምዝገባችሁን መማጠናቀቅ ይኖርባቸዋል።

@tikvahuniversity

#ጥቆማ

በባህር ዳር ዩኒቨርሲቲ የኢትዮጵያ ቴክስታይል እና ፋሽን ቴክኖሎጂ ኢንስቲትዩት በተከታታይ መርሐግብር በመጀመርያ ዲግሪ #በፋሽን_ዲዛይን ፕሮግራም ተማሪዎችን ተቀብሎ ማስተማር ይፈልጋል።

የምዝገባ ጊዜው የሚያበቃው ➭ ሐምሌ 19/ 2016 ዓ.ም

አመልካቾች በትምህርት ሚኒስቴር የወጣውን የዩኒቨርሲቲ መግቢያ መስፈርት ወይም መቁረጫ ነጥብ የሚያሟሉ መሆን አለባቸው።

(ተጨማሪ መረጃ ከላይ ተያይዟል፡፡)

@tikvahuniversity

#NATIONAL_EXAM

የተፈጥሮ ሳይንስ ተማሪዎች የሁለተኛ ቀን ፈተና እየተሰጠ ነው፡፡

ሁለተኛው ዙር የተፈጥሮ ሳይንስ ተማሪዎች የ12ኛ ክፍል መልቀቂያ ፈተና በወረቀት እና በኦንላይን እየተሰጠ ይገኛል፡፡

በዛሬው የሁለተኛ ቀን ፈተና በጠዋቱ መርሐግብር የስኮላስቲክ አፕቲትዩድ ፈተና እየተሰጠ ሲሆን፤ ከሰዓት የፊዚክስ ትምህርት ፈተና ይሰጣል፡፡

ምስል፦ ወለጋ ዩኒቨርሲቲ

@tikvahuniversity

በአዲስ አበባ ሁሉም የመንግሥት ትምህርት ቤቶች የ2017 ዓ.ም የተማሪዎች ምዝገባን በኦንላይን ብቻ እያካሔዱ ነው።

በከተማዋ ከቅድመ አንደኛ እስከ ሁለተኛ ደረጃ የሚያስተምሩ ሁሉም የመንግሥት ትምህርት ቤቶች የ2017 ትምህርት ዘመን የተማሪዎች ምዝገባን በኦንላይን ብቻ እንዲያካሒዱ ተደረገ።

አሰራሩ በዚህ ዓመት ለመጀመሪያ ጊዜ ተግባራዊ እየተደረገ ሲሆን፤ በዚህም በከተማዋ የነባር ተማሪዎች ምዝገባ እና የመጽሐፍት ስርጭት ከሰኔ 30/2016 ዓ.ም ጀምሮ እየተከናወነ እንደሚገኝ ተገልጿል።

የኦንላይን ምዝገባው በከተማዋ በሚገኙ ከቅድመ አንደኛ እስከ 12ኛ ክፍል በሚያስተምሩ 555 የመንግሥት ትምህርት ቤቶች እየተካሄደ መሆኑን በአዲስ አበባ ትምህርት ቢሮ የኢንፎርሜሽን እና ቴክኖሎጂ ልማት እና ማስፋት ዳይሬክተር ደረጀ ዳኜ ለ“ኢትዮጵያ ኢንሳይደር” ተናግረዋል።

በአዲሱ አሰራር ከ600 ሺህ በላይ ተማሪዎች ይመዘገባሉ ተብሎ እንደሚጠበቅ የጠቆሙት አቶ ደረጀ፤ በመጀመሪያው ሳምንት የምዝገባ ጊዜ ብቻ 16 ሺህ ተማሪዎች መመዘገባቸውን ገልፀዋል።

አዲሱ አሰራር ተማሪዎች ኢንተርኔትን በመጠቀም ከየትኛውም ቦታ ሆነው “E-School System” በተባለ ሶፍትዌር አማካኝነት እንዲመዘገቡ የሚያደርግ ነው።

እስከ ሐምሌ መጨረሻ ድረስ ይቆያል ተብሎ የተገመተው የመንግሥት ትምህርት ቤቶች የኦንላይን ምዝገባ ሲጠናቀቅ፤ የግል ትምህርት ቤቶችም አዲሱን አሰራር ተግባራዊ ያደርጋሉ ተብሏል፡፡ #ኢትዮጵያኢንሳይደር

ሙሉውን ያንብቡ 👉 https://ethiopiainsider.com/2024/13585/

@tikvahuniversity

የተፈጥሮ ሳይንስ ተፈታኞቹ እናት እና ልጅ በእንጅባራ ዩኒቨርሲቲ

እናት የሺወርቅ ደስታ እና ልጅ አዳነች ኃይሌ እናትና ልጅ ሲሆኑ፤ ከቤኒሻንጉል ጉሙዝ ክልል መተከል ዞን ቡለን ሁለተኛ ደረጃ ትምህርት ቤት የ12ኛ ክፍል መልቀቂያ ፈተናቸውን ለመውሰድ በእንጅባራ ዩኒቨርሲቲ ይገኛሉ።

የ46 ዓመቷ እናት የሺወርቅ፣ ትምህርት የጀመሩት ሦስት ልጆች ከወለዱ በኋላ መሆኑን ገልፀው፤ ከተማሪ ልጃቸው አዳነች ጋር እኩል ጀምረው ለዚህ መብቃታቸውን ይናገራሉ።

ከእናቷ ጋር አብረው ፈተና እየወሰዱ መሆናቸው እንዳስደሰታት የገለፀችው ተማሪ አዳነች ኃይሌ፤ ቤትም አብረው በማጥናት ይተጋገዙ እንደነበር አክላለች።

@tikvahuniversity

#MoE

ትምህርት ሚኒስቴር ከፍተኛ ትምህርት ተቋማት የሪሚዲያል ተማሪዎች የፕሮግራም ድልድል የሚሰሩበትን መስፈርት አሳውቋል።

በሚኒስቴሩ የአካዳሚክ ጉዳዮች ዋና ሥራ አስፈፃሚ ኤባ ሚጀና (ዶ/ር) በቀን ሐምሌ 10/2016 ዓ.ም ተፈርሞ ለሁሉም የመንግሥት ዩኒቨርሲቲዎች እና ለሁሉም የግል ከፍተኛ ትምህርት ተቋማት የተላከ ደብዳቤን ቲክቫህ ተመልክቷል።

ቲክቫህ ዩኒቨርሲቲ የደብዳቤውን ትክክለኛነት ከዋና ሥራ አስፈፃሚው አረጋግጧል።

የሪሚዲያል ተማሪዎቹን ወደ ፕሮግራም ለመመደብ በሚደረግ ድልድላ ተመሳሳይ መሰፈርት መጠቀም እንደሚያስፈልግ ተገልጿል።

በዚህም ሁሉም ተማሪዎች በዩኒቨርሲቲ መግቢያ ፈተና 20%፣ በአንደኛ ሴሚስተር አማካይ ውጤት 50% እና ወደ መስክ መግቢያ ፈተና 30% ብቻ የሚደለደሉ መሆኑን ደብዳቤው ያስረዳል።

@tikvahuniversity

መንትዮቹ የ12ኛ ክፍል ተፈታኞች በሐረማያ ዩኒቨርሲቲ

ምስጋና አለምዬ እና በረከት አለምዬ መንትዮች ናቸው። በሐረማያ ዩኒቨርሲቲ ሀገር አቀፍ የ12ኛ ክፍል የተፈጥሮ ሳይንሰ ፈተናቸውን እየወሰዱ ነው።

መንትዮቹ በባቢሌ 2ኛ ደረጃ ትምህርት ቤት በተፈጥሮ ሳይንስ ዘርፍ ትምህርታቸውን እየተከታተሉ ለሀገር አቀፍ ፈተናው ሲዘጋጁ እንደነበር ይናገራሉ።

በሐረማያ ዩኒቨርሲቲ ለፈተና በአንድ ላይ በመመደባቸው ደስተኛ ሆነናል ያሉት መንትዮቹ፤ "ጠንክረን በጋራ ስናጠና ነበር፣ በቀጣይም ውጤት አስመዝግበን ወደ ዩኒቨርሲቲ አንድ ላይ ለመግባት እየጣርን ነው" ለዩኒቨርሲቲው የማኅበረሰብ ሬዲዮ ተናግረዋል።

@tikvahuniversity

ጅግጅጋ ዩኒቨርሲቲ የነባር የክረምት ትምህርት መርሐግብር ተመራቁ ተማሪዎች የመግቢያ ጊዜ ሐምሌ 13 እና 14/2016 ዓ.ም መሆኑን አሳውቋል፡፡

የተማሪዎቹ ምዝገባ ሐምሌ 15 እና 16/2016 ዓ.ም እንደሚከናወን ተገልጿል፡፡

የቲቶሪያል ትምህርት ሐምሌ 17/2016 ዓ.ም መሰጠት ይጀምራል ተብሏል።

@tikvahuniversity