የ8ኛ ክፍል ክልል/ከተማ አቀፍ ፈተና በመላ ሀገሪቱ በመሰጠት ላይ ይገኛል።

ፈተናው በአዲስ አበባ ከተማ በሚገኙ 182 የመፈተኛ ጣቢያዎችም መሰጠት ጀምሯል።

በከተማዋ 86,672 የ8ኛ ክፍል ተማሪዎች እንደሚሰጥ የከተማ አስተዳደሩ ትምህርት ቢሮ መግለፁ ይታወቃል።

ተማሪዎች በጠዋቱ የፈተና ክፍለጊዜ የአማርኛ እና የእንግሊዝኛ ፈተናዎችን የሚወስዱ ይሆናል፡፡

የፈተናውን አሰጣጥ የሚያስፈፅሙ ፈታኞች፣ ተቆጣጣሪዎች እና የፈተና ጣቢያ ኃላፊዎች መመደባቸው ተገልጿል።

ምስል፦ አዲስ አበባ ትምህርት ቢሮ

@tikvahuniversity

ዛሬ በመላ ሀገሪቱ መሠጠት የጀመረው የ8ኛ ክፍል ክልላዊና ከተማ አቀፍ ፈተና በአማራ ክልል ሙሉ በሙሉ እየተሠጠ አይደለም።

በክልሉ ባለው የፀጥታ ችግር ምክንያት በምዕራብ እና ሰሜን ጎጃም ዞኖች ፈተናው እየተሰጠ አለመሆኑን ቲክቫህ ዩኒቨርሲቲ ሰምቷል።

"ወቅታዊ የፀጥታ ችግር በተፈጠረባቸው የምዕራብ እና ሰሜን ጎጃም ዞኖች አንድም ተማሪ እንደማይፈተን" የአማራ ክልል ትምህርት ቢሮ ኃላፊ ሙሉነሽ ደሴ (ዶ/ር) ሰሞኑን ለመገናኛ ብዙሃን መናገራቸው ይታወሳል።

በተመሳሳይ 32 ትምህርት ቤቶች ብቻ የመማር ማስተማር ሥራቸውን እያከናወኑ በሚገኝበት ምስራቅ ጎጃም ዞን፣ በርካታ ተማሪዎች ለፈተናው አለመቀመጣቸው ታውቋል፡፡

“ምንም ዓይነት ተማሪ የማያስፈትኑ ሁለት ዞኖች አሉ፡፡ ሰሜን ጎጃም እና ምዕራብ ጎጃም ዞኖች ምንም ተማሪ አያስፈትኑም፡፡ 6ኛም፣ 8ኛም፣ 12ኛም አያስፈትኑም፡፡ ምስራቅ ጎጃም የተወሰነ ያስፈትናል" ነበር ያሉት ኃላፊዋ፡፡

ፈተናው በሚሰጥባቸው ሌሎች ዞኖች ደግሞ ከ350 ሺህ በላይ የ6ኛ እና 8ኛ ክፍል ተማሪዎች ፈተናቸውን እንደሚወስዱ ይጠበቃል፡፡ ለዓመታት ተቋርጦ የነበረው የ6ኛ ክፍል ክልላዊ ፈተና ዘንድሮ ለመጀመሪያ ጊዜ ሰኔ 13 እና 14/2016 ዓ.ም በአማራ ክልል ይሰጣል፡፡

ምስል፦ ደሴ፣ ባህርዳር እና ሰቆጣ

@tikvahuniversity

#Update

በፀጥታ ችግር ምክንያት ምዝገባ ማድረግ ላልቻሉ የ12ኛ ክፍል ተማሪዎች ሁለተኛ ዙር ፈተና እንደሚሰጥ የትምህርት ምዘናና ፈተናዎች አገልግሎት አሳውቋል።

የ2016 ዓ.ም የ12ኛ ክፍል መልቀቂያ ፈተና ከትግራይ ክልል ውጭ ባሉ አካባቢዎች ከሐምሌ 3/2016 ዓ.ም ጀምሮ ይሰጣል።

በዚህም የሶሻል ሳይንስ ተማሪዎች ፈተና ከሐምሌ 3-5/2016 ዓ.ም የሚሰጥ ሲሆን የተፈጥሮ ሳይንስ ፈተና ደግሞ ከሐምሌ 9-11/2016 ዓ.ም እንደሚሰጥ የትምህርት ምዘናና ፈተናዎች አገልግሎት ም/ዋና ዳይሬክተር ተፈራ ፈይሳ ተናግረዋል።

በትግራይ ክልል ከሐምሌ 2-12/2016 ዓ.ም በሁለት ዙር ፈተናው ይሰጣል ብለዋል።

ዘንድሮ 701,489 ተማሪዎች የ12ኛ ክፍል ፈተናን በኦንላይን እና በወረቀት እንደሚወስዱ ተናግረዋል።

የፀጥታ ችግር ባለባቸው አካባቢዎች በተለይም በአማራ ክልል የሚገኙና ምዝገባቸውን ማድረግ ላልቻሉ በመስከረም ወር 2017 ዓ.ም ሁለተኛ ዙር ፈተና እንደሚዘጋጅ ገልፀዋል።

@tikvahuniversity

የሪሚዲያል ፕሮግራም ተማሪዎች የሦስተኛ ቀን ፈተና ዛሬ ይሰጣል።

የማኅበረሰብ ሳይንስ ተማሪዎች የታሪክ ትምህርት ፈተና በአራት ክፍለጊዜ ተከፍለው በኦንላይን ይወስዳሉ።

የሪሚዲያል ፕሮግራም የማኀበረሰብ ሳይንስ ተማሪዎች ፈተና ነገ ከሚሰጠው የእንግሊዝኛ ትምህርት ፈተና በኋላ ይጠናቀቃል።

የተፈጥሮ ሳይንስ የሪሚዲያል ተማሪዎች የዩኒቨርሲቲ መግቢያ ፈተናቸውን ነገ በሚሰጠው የእንግሊዝኛ ትምህርት ፈተና መውሰድ ይጀምራሉ።

ምስል፦ ሠመራ፣ ወለጋ እና ቀብሪደሃር ዩኒቨርሲቲዎች

@tikvahuniversity

የፈተና ጥሪ

የደብረብርሃን ዩኒቨርሲቲ አስራት ወልደየስ ጤና ሳይንስ ካምፓስ በተለያዩ የህክምና ሙያ ባለሙያዎች አወዳድሮ ለመቅጠር ላወጣው የቅጥር ማስታወቂያ ለተመዘገባችሁና ለተመረጣችሁ አመልካቾች የፈተና ጥሪ አድርጓል፡፡

በዚህም ስማችሁ ከላይ የተጠቀሰው ተወዳዳሪዎች ሰኔ 10/2016 ዓ.ም ከጠዋቱ 4፡00 ሰዓት በአስራት ወልደየስ ጤና ሳይንስ ካምፓስ ግቢ ለፈተና የተጠራችሁ መሆኑን ዩኒቨርሲቲው አሳውቋል፡፡

ለፈተና ስትሔዱ ራሳችሁን የሚገልጽ መታወቂያ መያዝ ይጠበቅባችኋል፡፡ በሰዓቱ መገኘት ይኖርባችኋል የተባለ ሲሆን፤ የሞባይል ስልክ ይዞ መግባት የተከለከለ ነው፡፡

@tikvahuniversity

ወንድ ልጅ የወለደለችው የ8ኛ ክፍል ተፈታኝ

ሐና ደሳለኝ በመሪ የመጀመሪያ ደረጃ ትምህርት ቤት በማታው መርሐግብር ተማሪ ናት፡፡

ባለትዳር የሆነችው ተማሪ ሐና፤ የመጀመሪያ ቀን የ8ኛ ክፍል ፈተናዋን ከተፈተነች በኋላ ትላንትና ማታ በድንገት ምጧ መምጣቱን ተከትሎ ወረዳ 02 ጤና ጣቢያ በመሔድ ወንድ ልጅ በሰላም ተገላግላለች፡፡

ፈተናዬን ሳልጨርስ አላቋርጥም በማለት የምጥ ድካሟ ገና በአግባቡ ሳይሽር የሁለተኛ ቀን ፈተናዋን በፈተና ጣቢያ አሰተባባሪዎች እገዛ ወስዳለች፡፡ #አአትቢ

@tikvahuniversity