ታዳጊዎቹ የድረ-ገፅ አበልፃጊዎች

ጎዶሊያስ ሙሉጌታ እና ሰላዲን መራዊ በአቤም ዩዝ አካዳሚ የሰባተኛ ክፍል ተማሪ ናቸው።

ታዳጊዎቹ የግለሰብ መረጃን ወይም 'CV' የሚያደራጅ ድረ-ገፅ አበልፅገዋል።

ድረ-ገፁ፤ ሰዎች ሥራን ለመቀጠር የሚያስገቡት የራስ መግለጫ 'CV'' በእጅ ስልካቸው ላይ እንዲያገኙና በማንኛውም ሰዓት ለሚፈልጉት ቀጣሪ ማስገባት የሚያስችል ነው።

ድረ-ገፁ የግለሰቡን የትምህርት ደረጃ፣ አድራሻ፣ ክህሎቶች እና የሰዎችን ምስክርነትን ማካተት የሚያስችል መሆኑን ታዳጊዎቹ ተናግረዋል።

ድረ-ገፁ የሰዎችን ብቻ ሳይሆን የድርጅቶችን መረጃ እንዲያስቀምጥ ተደርጎ የተዘጋጀ መሆኑንም ታዳጊዎቹ አስረድተዋል።

ታዳጊዎቹ በአዲስ አበባ ሳይንስ ሙዚየም በተከፈተው የ'ስታርት አፕ' አውደ-ርዕይ ላይ ፈጠራቸውን አቅርበዋል። #ENA

@tikvahuniversity

#MoE

በሰኔ ወር 2016 ዓ.ም የሚሰጠውን የመውጫ ፈተና ለመጀመሪያ ጊዜ የሚፈተኑ ተፈታኝ ተማሪዎች እያንዳንዳቸው የአገልግሎት ክፍያ 500.00 (አምስት መቶ) ብር ብቻ የሚከፍሉ መሆኑን ትምህርት ሚኒስቴር ለሁሉም የመንግሥት ከፍተኛ ትምህርት ተቋማት በፃፈው ደብዳቤ አሳውቋል።

በዚህም #ዩኒቨርስቲዎች ተማሪዎች የሚከፍሉትን ብር ሰብስበው በኢትዮጵያ ንግድ ባንክ ሒሳብ ቁጥር 1000553176097 በመጠቀም እስከ ማክሰኞ ሚያዚያ 15/2016 ዓ.ም ድረስ ለትምህርት ሚኒስቴር ገቢ እንዲያደርጉ አሳስቧል።

ተፈታኞች የከፈሉበትን ደረሰኝ ኮፒ በኢሜይል አድራሻ [email protected] እና [email protected] መላክ ይኖርባቸዋል።

(ተጨማሪ መረጃ ከተያያዘው ደብዳቤ ይመልከቱ።)

@tikvahuniversity

#ጥቆማ

በአዲስ አበባ ትምህርትና ስልጠና ጥራትና ቁጥጥር ባለስልጣን ፍቃዱ የታገደበት የጊብስን አንደኛ እና መካከለኛ ደረጃ ትምህርት ቤት ተማሪዎች የ6ኛ እና የ8ኛ ክፍል ክልላዊ ፈተና መውሰድ እንዲችሉ ምዝገባ እንዲያደርጉ የከተማ አስተዳደሩ ትምህርት ቢሮ ጥሪ አድርጓል፡፡

በዚህም የትምህርት ቤቱ የ6ኛ እና የ8ኛ ክፍል ተማሪዎች ምዝገባ ዛሬ ሚያዝያ 15/2016 ዓ.ም በጊብሰን የጉለሌ ብራንች መድኃኔዓለም 2ኛ ደረጃ ት/ቤት እና በጊብሰን የንፋስ ስልክ ላፍቶ ብራንች ብስራተ ገብርኤል ኢስት ዌስት አዳራሽ የሚካሔድ መሆኑ ተገልጿል፡፡

በተጠቀሱት ቦታዎች ወላጆች/አሳዳጊዎች ተማሪዎችን በመያዝ ምዝገባ በዛሬው ዕለት እንዲያካሒዱ ቢሮው አሳስቧል፡፡

@tikvahuniversity

እስካሁን ጥሪ ያልተደረገላቸው የባህርዳር ዩኒቨርሲቲ የሪሚዲያል ተማሪዎች

የ2016 ዓ.ም የሪሚዲያል ተማሪዎች ፈተና በሰኔ ወር መጀመሪያ እንደሚሰጥ ትምህርት ሚኒስቴር መግለፁ ይታወቃል።

ተማሪዎቹ ከታህሳስ ወር ጀምሮ በመንግሥት ዩኒቨርሲቲዎች የአቅም ማሻሻያ ትምህርታቸውን እየተከታተሉ ይገኛሉ፡፡

ይሁን እንጂ በባህርዳር ዩኒቨርሲቲ የሪሚዲያል ትምህርታቸውን እንዲከታተሉ የተመደቡ ተማሪዎች እስካሁን ጥሪ አልተደረገላቸውም።

ዩኒቨርሲቲው በ2016 ዓ.ም አዲስ ለተመደቡ የጀማሪ መርሐግብር እና በ2015 ዓ.ም የሪሚዲያል ፕሮግራም ለተከታተሉ ተማሪዎች መጋቢት 14/2016 ዓ.ም ጥሪ ሲያደርግ፤ በ2016 ዓ.ም ባህርዳር ዩኒቨርሲቲ ለተመደቡ አዲስ የሪሚዲያል ተማሪዎች ጥሪ ሳያደርግ ቀርቷል።

እነዚህ ተማሪዎች በቀጣይ ጥሪ ይደረግልናል በሚል በተስፋ ሲጠብቁ ቆይተዋል። ይሁን እንጂ ከአንድ ወር በኋላም ዩኒቨርሲቲው ጥሪ አላደረገላቸውም።

"የትምህርት ጊዚያቸው እየባከነባቸው እንደሆነ"ና "አስቸጋሪ ጊዜያትን እያሳለፉ እንደሚገኙ" ለቲክቫህ አስተያየታቸውን የሰጡ ተማሪዎች፤ መንግሥት መፍትሔ እንዲሰጣቸው በተደጋጋሚ ጠይቀዋል።

የሪሚዲያል ፈተናው ይሰጣል ተብሎ በመንግሥት የተቀመጠው ጊዜ 45 ቀናት የቀሩት መሆኑ ሌላው ተማሪዎቹን እያሳሰበ ያለ ጉዳይ ነው።

ቲክቫህ ዩኒቨርሲቲ ለተማሪዎቹ መቼ ጥሪ እንደሚደረግ የባህርዳር ዩኒቨርሲቲ ከፍተኛ አመራሮችን በስልክ እና በአጭር መልዕክቶች የጠየቀ ቢሆንም ምንም አይነት ምላሽ ማግኘት አልቻለም።

ተማሪዎቹ ወደሌሎች ዩኒቨርሲቲዎች ተዘዋውረው የሚማሩበት ዕድል ካለ፣ አማራጭ የፈተና ጊዜ የሚዘጋጅላቸው ከሆነ እና በተያያዥ ጉዳዮች ላይ ባህርዳር ዩኒቨርሲቲ ወይም/እና ትምህርት ሚኒስቴር የሚሰጡትን ምላሽ ወደናንተ እናደርሳለን።

@tikvahuniversity

#MoE

በሰኔ ወር 2016 ዓ.ም የሚሰጠውን የመውጫ ፈተና ለመጀመሪያ ጊዜ የሚፈተኑ ተፈታኝ ተማሪዎች እያንዳንዳቸው የአገልግሎት ክፍያ 500.00 (አምስት መቶ) ብር ብቻ እንደሚከፍሉ ትምህርት ሚኒስቴር ለሁሉም የመንግሥት ከፍተኛ ትምህርት ተቋማት በፃፈው ደብዳቤ አሳውቋል።

የዚህን ደብዳቤ ትክክለኛነትና ከደብዳቤው ጋር በተያያዘ ያላቸውን ጥርጣሬ በርካታ ተፈታኝ ተማሪዎች ለቲክቫህ ዩኒቨርሲቲ አድርሰዋል፡፡

ደብዳቤው ትክክለኛ መሆኑን ቲክቫህ ዩኒቨርሲቲ አረጋግጧል፡፡ የተገለፁትም የኢሜይል አድራሻዎች ህጋዊ የተቋሙ አድራሻዎች እንደሆኑ ለማወቅ ችለናል፡፡

Note:

#ዩኒቨርሲቲዎች ተፈታኝ ተማሪዎች የከፈሉትን ብር ሰብስበው በኢትዮጵያ ንግድ ባንክ ሒሳብ ቁጥር 1000553176097 ለትምህርት ሚኒስቴር ገቢ ማድረግ እንዳለባቸው ሚኒስቴሩ አሳስቧል፡፡

በተመሳሳይ ተቋማቱ ተፈታኞች የከፈሉበትን ደረሰኝ ኮፒ በኢሜይል አድራሻ [email protected] እና [email protected] መላክ ይኖርባቸዋል።

@tikvahuniversity

#ጥቆማ

የእንግሊዘኛ ቋንቋ ምዘና ፈተና (IELTS Test) በሀዋሳ ዩኒቨርሲቲ ይውሰዱ፡፡

የብሪቲሽ ካውንስል IELTS የፈተና ማዕከል የIELTS ፈተና ግንቦት 17/2016 ዓ.ም በሀዋሳ ዩኒቨርሲቲ ይሰጣል፡፡

ፈተናውን ለመውሰድ የአመልካቾች ምዝገባ በመከናወን ላይ ይገኛል።

ሁለት አይነት የ IELTS ፈተናዎች (IELTS Academic and IELTS General Training) መውሰድ ለሚፈልጉ አመልካቾች እንደሚሰጡ ተገልጿል፡፡

የብሪቲሽ ካውንስል ድረ-ገፅ ላይ በመግባት ኦንላይን መመዝገብ ይችላሉ 👇
https://ethiopia.britishcouncil.org/exam/ielts/dates-fees-locations

ለፈተናው ዝግጅት የሚያስፈልግዎትን ስልጠና እና ምክር ከሀዋሳ ዩኒቨርሲቲ ማግኘት ይችላሉ።

ለበለጠ መረጃ፦ 0925629589

@tikvahuniversity