#MizanTepiUniversity

ሚዛን-ቴፒ ዩኒቨርሲቲ በቅድመ እና ድህረ-ምረቃ ፕሮግራም ያሰለጠናቸውን 361 ተማሪዎች አስመረቀ።

ዩኒቨርሲቲው ሕክምናን ጨምሮ በተለያዩ የትምህርት መስኮች ያስተማራቸውን ተማሪዎችም አስመርቋል።

ዩኒቨርሲቲው ትምህርታቸውን በተቋሙ ሲከታተሉ የቆዩ የደቡብ ሱዳን ተማሪዎችንም አስመርቋል።

@tikvahuniversity

#AmboUniversity

አምቦ ዩኒቨርሲቲ በጤና ሳይንስ እንዲሁም በተለያዩ የትምህርት መስኮች ያሰለጠናቸውን 714 ተማሪዎች አስመርቋል።

ከተመራቂዎቹ መካከል 322 ተማሪዎች በሁለተኛ ዲግሪ የትምህርት መርሐግብር ትምህርታቸውን ተከታትለው ያጠናቀቁ ሲሆኑ ቀሪዎቹ በመጀመሪያ ዲግሪ የተመረቁ ናቸው።

የመጀመሪያ ዲግሪ ተመራቂዎቹ በሙሉ ሀገር አቀፍ የመውጫ ፈተና ወስደው ያለፉ መሆናቸውን የአምቦ ዩኒቨርሲቲ ፕሬዝዳንት ባይሳ ለታ (ዶ/ር) በምረቃ ስነ-ስርዓቱ ወቅት ተናግረዋል።

@tikvahuniversity

#WolaitaSodoUniversity

ወላይታ ሶዶ ዩኒቨርሲቲ በተለየዩ የትምህርት መስኮች ያስተማራቸውን 809 ተማሪዎች አስመረቀ።

ተመራቂዎቹ በመጀመሪያ ዲግሪ (483)፣ በሁለተኛ ዲግሪ (331)፣ በስፔሻሊቲ (10) እና በፒ.ኤቺ.ዲ. (5) መሆናቸው ተገልጿል።

@tikvahuniversity

#AddisAbabaUniversity

አዲስ አበባ ዩኒቨርሲቲ ዛሬ ጠዋት 2:30 አካባቢ በተቋሙ የቢዝነስና ኢኮኖሚክስ ካምፓስ ወንዶች ዶርሚተሪ የእሳት አደጋ ተነስቶ እንደነበር ገልጿል።

የእሳት አደጋው በሰው እና በንብረት ላይ "የከፋ ጉዳት ሳያደርስ" በቁጥጥር ስር መዋሉን ዩኒቨርሲቲው አሳውቋል።

አደጋው ሲቀሰቀስ ከህንጻው ያልወጡ አራት ተማሪዎች የነበሩ ሲሆን የአደጋ ጊዜ ሰራተኞች ተማሪዎቹ ምንም ጉዳት ሳይደርስባቸው እንዲወጡ ማድረጋቸው ተሰምቷል፡፡

የእሳት አደጋውን ለመቆጣጠር አራት የአደጋ መቆጣጠር ተሽከርካሪዎች እና ሁለት አምቡላንስ ከ32 የአደጋ ጊዜ ሰራተኞች ጋር ተሰማርተው እንደነበር የአዲስ አበባ እሳት እና አደጋ ሰጋት ሥራ አመራር ኮሚሽን ገልጿል፡፡

የአደጋ ጊዜ ሰራተኞች ባደረጉት ርብርብ እሳቱን በፍጥነት መቆጣጠር መቻሉን የኮሚሽኑ የህዝብ ግንኙነት ባለሙያ ንጋቱ ማሞ ለብስራት ኤፍ.ኤም. ተናግረዋል፡፡

በሰው ላይ ምንም ጉዳት አለማድረሱን የገለፁት ባለሙያው፤ የአደጋውን መንስኤ ፖሊስ እያጣራ መሆኑን ጠቁመዋል።

@tikvahuniversity