Dunyoda mashhur taomlar narxining o‘sishini baholab boradigan turli xil indekslar mavjud. Masalan, Amerikadagi bigmak indeksi yoki Rossiyadagi olivye indeksi. Biz ham o‘zimizga indeks kerakligini o‘ylab, palov indeksini yaratishga qaror qildik. Endilikda har oy eng mazali, xushta’m, ishtahani qitiqlaydigan palovning bir porsiyasi qanchaga tushishini hisoblab boramiz.

Hisoblash uchun esa doim "Korzinka"da har oyning 1-sanasidagi narxlarni olishga qaror qildik. Retseptni esa Vector Uz kanalibosh oshpazi Ahmad Hamdamovdan bilib oldik.

Shunday qilib, 2024-yil noyabr oyi uchun bizning birinchi palov indeksimiz — 24 860 so‘m.

Bir porsiya tayyorlash uchun sizga shuncha pul kerak bo‘ladi. Rasmiy statistikaga ko‘ra, palov indeksi yuqoriroq — 34 500 so‘m. Buning sababi, rasmiy statistika umumiy ovqatlanish joylaridagi palov porsiyasining narxini ko‘rsatsa, biz oddiy oilaviy palovning narxini hisoblaymiz.

2024-yil oktyabr holatiga ko‘ra, O‘zbekistonda o‘rtacha oylik ish haqi 5,2 million so‘mni tashkil etadi. Bu oyiga 207 porsiya palov degani.

Kelgusi oyda indeks qanday o‘zgarishini kuzatib boramiz.

NECHPUL — pul haqidagi hamma narsa. Obuna boʻling 💵