هذه الصفحات ليست لتقرأها ولكنها صفحات ستعيشها! ستبحر بسفينة نجاة إلى عالم الله الخفي الملئ بالأسرار العجيبة التي لم تكن تعرفها، وقصص المعجزات الحقيقية المدهشة للأشخاص في زماننا المعاصر، لا هم أنبياء ولا أولياء أصحاب كرامات ولا شيوخ....
أناس مثلي ومثلك "خطّائون"، ولكنهم حققوا ما تمنوا لما فهموا أسرار هذا العالم وحققوا قوانينه ...
فأفرد شراع قلبك، واستعد لتغيير عالمك لما تتمناه وتدعو به !!.
الكتاب دا غيّر حياتي وأتمنى يغير حياتكم ، لاتنسوني من صالح الدعاء :-)❤
وأنشروا الكتاب ورسلوهو لي كل زول ولكم جزيل الثواب.

صباح الخير جدآ..

لمن الواحده ربنا يهديها وتلبس ليها نقاب او حجاب شرعي زي ما بقولو..

الناس دي كلها بتفتكر انو خلاص...

هي واحدة من جنس الملائكة وعيب وعار كمان عليها انو تقع في خطأ أو تغلط

اي زول بتلقى قاعد ليها بالمرصاد كدا ومنتظر اقل غلطه منها عشان يقيف ليها في حلقها..

وإن أخطأت يومآ لي بشريتها اتهموها انها منافقه ودي لابسه نقاب او حجاب ساي

دقيقه!!

خلوني اقول ليكم حاجة انا لمن لبست النقاب ما كتبت عليو ولا علي عبايتي ولا طرحتي اللابساها، (ملكه معصومه من الذنوب)....

انا زوله زي وزيكم وواحد كمان...

بصيب وبخطي وبذنب وبستغفر..

انا بس اخترت رضي ربنا في لبسي ، ونفسي تاقت للستر والعفاف والفخر وبعتز بيو جدآ جدآ

وبحاول وبسعي بكل جهدي في طاعه ربنا واتعلم واعرف حاجات كتيره عن ديني

لكن انا زوله في النهايه بشر ، والعصمه البشريه دفنت مع النبي صلى الله عليه وسلم

في النوع البقول ليك..

انتي منقبه وبتضحكي؟؟!

منقبه وبتتونسي؟!!

خلاص كملتي الحفلات دي كلها؟؟ اي انا كملت الحفلات دي كلها وربنا هداني ووراني الطريق الصح هل انت عندك اعتراض ع كدا؟؟

ع فكره انا في واحده لقتني ضاربه منكير قالت لي وبعلي دي انتي المنقبه كمان؟؟!!!

عليكم الله يا تقولو خير يا اما تصمتو..

نحن قادرين نلبس اي لبس بنحبو ونعمل اي مكيب بس عارفين كيف ووين ومتين؟

اما والله اذا كان في نفسكم حاجه تانيه وبتنظرو لي بحاجه تانيه ف دا والله ما بأثر معاي بي اي حاجه...

وخليكم عارفين انو كل دا والله لا يَزيدني إلا عزه وشموخ

انا الاخترت الطريق دا ورسمتو من بدايته...

وعنه لن احيد وإن تعثرت يومآ او تثاقلت خطواتي ، لكن ما ح اغير وجهتي لحدي ما اصل لي هدفي انو أرضى ربنا سبحانه وتعالى..

وأمهات المؤمنين قدوتي ، والجنه منيتي

ف الناس تبطل حقد وحسد وتركز في حياتها اكتر ، وتشوف وتحاول تعالج وتصلح من نفسها ، ف النهايه كلنا بشر وماف زول معصوم ليو من خطأ..

فالصراط المستقيم نوراً ساطع ، لا ولن تظللهُ غيوم السُفهاء الحاقدين الغافلين!


شكرآ
وعفون بالنون


#الرسالة_لطف_الله.

ولا تَجلِس إِلى أَهلِ الدَنايا
فَإِنَّ خَلائِقَ السُفَهاءِ تُعدي!

- أبو العلاء المعري.

عارف يعني إيه ؟

"وَأُفَوِّضُ أَمري إِلَى اللَّهِ إِنَّ اللَّهَ بَصيرٌ بِالعِبادِ"

هنا بقا كأنك بتقول لربنا انا معرفش حاجه ومش فاهم حاجة ومعرفش نصيبي إيه ،، ف مسلملك أمري كله ، رتبه إنت يا رب ، ودبره إنت يارب وأنا راضي ومؤمن بيك..

" ‏من سرور القلب وابتهاجه؛ معاهدة الورد القرآني والالتزام بالمقدار المُحدّد لقراءته دون نقصان، لا سيما وقت الصّوارف والمُلهيات، فإنّ المحافظة على مقدار الوِرد جهادٌ آخر، وبقدر المُجاهدة في أخذه؛ يكمل النَّعيم القلبي، والسُّرور الأبدي، والقُرآن ما زاحم شيئًا من الأوقات إلا باركه💛🌸"

صباح الخير❤️


لو فاضيين و حابين تسمعو تفسير للقران، ادخلوا اليوتيوب واكتبوا
‏دروس الدكتور : محمد بن عبدالعزيز الخضيري .. لأي سورة واسمعوا التفسير !! تفسيره جميل و مبسط.

‏حين قال سُبحانه: ﴿وإن يمسَسك الله بضرّ فلا كاشفَ له إلا هو﴾، فسّرها السَّعدي بقوله:

بأنّ الخلق لو اجتمعوا على أن ينفعوا بشيء، لم ينفعوا إلا بما كتبه الله، ولو اجتمعوا على أن يضروا أحد، لم يقدروا على شيء من ضرره، إذا لم يرده الله"، وهذا المعنى يستوجب من العبد التعلّق بالله وحد.

الحمد لله انه مُحوطانا عناية إلهية عظيمة

مهما خططنا ، اجتهدنا و فشلنا واتبشتنّا وضاقت بينا الأرض بما رحبت من حيث لا نتحتسب ربنا بيفتح لينا باب من جديد ، فـنستشعر قُربه وكرمه اللامحدود علينا ..

ربنا الذي "لا تأخذه سنة ولا نوم" ما قاعد يغفل عننا لحظة وحدة !

إتخيلو نحن كلنا بهمومنا ومشاكلنا والدنيا الفانية دي الماخدة تركيزنا كله ربنا قاعد ينظر لقلوبنا وشايف أحزانّا ومتجاهل تقصيرنا في العباده وذنوبنا كلها وقاعد يدينا على حسب لُطفه ورحمته التي تسع السموات والأرض❤️.

بنقيف مشدوهين ونقول

"سبحان الله !
فُرجت من حيث لا نحتسب "

كم مرة حسينا كدة بالله ؟!


محتاجين نطمّن ونهدي روحنا شوية

..

في آخر الليل ده حابة اقول ليك ..

مهما كنت شايل همّ
إلا باكر يجي وتشرق شمسنا ويفرجها علينا من عنده

احنا عندنا رب معانا
محاوطانا عناية مقدسة تاني نشيل هم شنو ؟!


تصبحو مجبوري الخاطر يارب .



#إقتباس_النهاية

‏"كيف في أعماقنا،
شيئًا فشيئًا،
كانت تتجمد الآمال الأخيرة❤️؟"




- تنزيل صابر.
- على آخر الليل .

-أَتَعْلَمْ مَا مَعْنَى: عَسَى خَيْرًا؟

"أَنْ يُبْعِدَ اللهُ عَنْكَ الأَسْوَأْ، لِيُقَرِّبَ مِنْكَ الأَجْمَلْ"💛🌻.

مصيبة لما يتقلك ان من كبائر الذنوب هو نومك عن صلاة الفجر وعدم اهتمامك بأدائها في وقتها

وتستمر زي ما انت
والمصيبة الأكبر انك مش حاسس بخطورة الموضوع

كل صلاة تصليها بعد خروج وقتها بدون عُذر
= ذنب من كبائر الذنوب

كبيرة واحدة قد تُلقي صاحبها في النار
فتخيل لما كل يوم تصحى على كبيرة.. كل يوم!

«فويلٌ للمُصلين . الذين هم عن صلاتهم ساهون»

الحاجة الما جاتك ما نصيبك، ولو بعدت عنك معناها فيها شر ليك..

اقتنعت بالجملة دي قريب قريب شديد، لما كان نفسي في حاجة ودايراها أسي وطالعة وداخلة بدعي بيها.

لمن قنعت خلاص وخليتها على ربنا؛ لقيت الحاجة دي مشت بعيد مني!

واكتشفت أنها كانت خطر بالنسبة لي، وإنو لو حصل الكان نفسي فيه كنت خسرت أكتر من ما هي في يدي.

كان عندي كباية سوداء سادة بحبها شديد وما بعرف أشرب الشاي زاتو لو ما شربت بيها، مر الزمن واليد بتاعتها أنكسرت فزعلت زعل على أنها أنكسرت فـ بقيت بشرب بيها وهي يدها مكسورة..

بعد فترة بقيت بشرب الشاي وأنا ما مرتاحة في الكباية دي
لازم أنتظر الشاي يبرد شوية حتى أشربُ.

لازم الكباية تكون في صينية عشان تقعد عديل..

لازم الكباية ما يكون فيها شوية موية عشان ما تتكسر كلها.

لقيت نفسي باذلة مجهود كبير شديد في الكباية، أضطريت أخليها وأشتري واحدة سوداء تانية.

بعد فترة الكباية السوداء الجديدة زاتها وقعت وانكسرت وحيرتني!

بس ما زعلت عليها زي الأولى، لأنو كنت مقتنعة تماماً إنو الكباية دي ما فيها خير لي..

أو لو كانت معاي يمكن كان تتكسر في يدي ويحصل لي يدي حاجة.

الحكمة من الكلام دا كله شنو إنو الحاجة المكتوبة ليك بتجيك بتجيك.

والفيها نصيبك بتصيبك، فما تزعل على حاجة مشت منك..

ولو مشت منك وزعلت عليها أتذكر إنو كان ممكن يكون فيها شر ليك.


"ورب الخير لا يأتي إلا بالخير"♥️


#مثابة_السمحة

هل تؤمن برسائل الله لك ..؟

هذه رسالتك اليوم :
‏
أنت لا تعرف كيف سيغير الله المشهد لأجلك، وكيف سيُعيد ترتيب الأقدار لأجل نداءك ورجاءك "فاستجبنا له"
هذه لوحدها كفيلة أن تجعل من المستحيل ممكناً، ومن الصعب سهلاً، ومن البعيد قريباً، فأبشر يا من لجأت لمن أراد شيئاً قال له كن فيكون

إن يعلم الله في قلوبكم خيراً يؤتكم خيراً .❤

متذكرة لما كنتِ بتصلي الصلوات في وقتها وبتقري قرآن وعلاقتك بـ ربنا كويسة متذكرة لمن بتتصدقِ ومواظبة على أذكارك وكنتِ حاسة بـ قلبك بيضحك ووشك منور وصدرك منشرح.
ما ناوية ترجعي لله وتضوقي لذة القرب منه ؟!💕

#أذكار صباحك_حصنك
#ورِدك بركة يومك

‏يُشغلني التّفكير بالملاحِدة أحيانًا، وآسىٰ على حالهم، يُوجعني قلبي شفقةً عليهم بمَنْ يلوذ الواحِد منهم حين يَرتعش من شدّةِ العويل ويتخبّط من لوعةِ الغُموم، بمَنْ يستظل أثْناء هجِير السفر وقَسوة الحياة؟ آهِِ يا إلهي.. تكاد تنفجر أفئِدتنا تحنانًا إليكَ ونحن لم نَرك، فكيف بعد رُؤية جَمالك ؟!💛🌸

والله لو طَهُرَت قلوبكم، ما شَبِعَت من كلام ربكم

- سيدنا عثمان بن عفان -رضي الله عنه-

صباح الخير:

عد إلى الله بـإجهادك ، بـلهاثك، بـخوفك بـصدماتك ، بـأوتار قلبك التي ارتخت ، بـهزائمك الثقيلة والخفيفة ، بـكلّ شيء هدمته الحياة فيك💛🌸

-
" ‏اللهم عز شأني وارفع مكاني واحفظ لساني عن العالمين وسخر لي ملائكة السماء وجنود الأرض، اللهم غير حالي لأفضل حال وارزقني رزقًا واسعًا مباركًا فيه."

اللهم صلي على نبينا محمد وع اله وصحبه
اجمعين🩵.

بتكَلّم مع صحبتي قلتا ليها عندي ليك نكتة رهيبة شديد تعالي انَّحكيها ليك
قالت لي كهربتنا قاطعة والجو كاتم خليها بعدين😂!
قلتا ليها الرابط شنو يعني ما فهمتا دي ما سخانة يضحكو فيها يعني ولا كيف؟؟

قالت لي يا صفية زمان في الجامعة تقريبًا قبل 6 سنوات كده
لاقتني واحدة وكنتَ بضحك، قالت لي نفسي يوم بس أشوفك ما بتضحكي! اليوم كله بتضحكي!
قالت لي أنا تقريبًا ما كنت متحصِّنَة
لكن من وقتها يا صفية
أنا كلما أضحك بتجيني كتمة نَفَس إلا آخد أوكسجين!!
للدرجة دي ؟؟ ااي للدرجة دي

ذكرتني واحدة قريبتي -قريبتي شديد يعني- لكن خلوها كده بدون ذكر أسماء

مشت عيادة الأسنان، قامت واحدة قاعدة قصادها ساي شافتها تشيل تضحك وتتونس وهي ما شاء الله بشوشة شديد وضحكتها جميلة
فالبت بدون تقول تبارك الله، قالت ليها انتي متأكدة جاية لي أسنانك دي؟؟
ومن وقتها هي عندها ألم في أسنانها فوق الطبيعي
ألم لدرجة ما بتتحمل الهوا واليوم كله لابسة كمامة
لغاية ما أسنانها الأمامية كلها وقعت
للدرجة دي؟؟ واللهِ للدرجة دي وأكتر وكنتا بمشي معاها الدكتور أنا وربنا بسألني!!

بتذكر في المعسكر كان معانا واحدة جميلة ومحبوبة ولطيفة شديد ما شاء الله تبارك الله
البت دي قدر ما تبدا الحلقة هي تستحضر
ولمن تستحضر بتتكلم بي صوت بت
وتقعد تقول ليه يحبوها؟؟ ليه الناس كلها بتحبها وتتونس معاها هي وتحبها هي؟؟
ليه بس العرسان بجوها هي؟؟
ليه هي اليوم كله مبسوطة وفرحانة و و و

البت دي كانت شدة ما بتتعب
تصل الموت وتجي راجعة!!

أنا واللهِ ياخوانَّا بستغرب
ما من الزول البشوف الحاجة وما بقول تبارك الله
لالا بستغرب من زول عارف إنو الناس نفوسها ما واحد
وإنو الحقد والحسد ده مزروع في أغلب نفوس الناس وتهذيب النَّفس ده اجتهاد شخصي من الزول ومن تربية أهلو

بستغرب انتي تكوني عارفة ده كلو
ولسه تشيلي وترفعي صورك هنا وهناك

وتشيلي وتقولي راجلي عَمَل وراجلي فَعَل وراجلي جاب!
واللهِ مقدّرين إنك عايزة تفرحي وتعبّري عن حُبّك وسعادتك وفرحتك
لكن ما هنا
ولا مع كل الناس!
عشان شنو؟؟
عشان ما كل الناس دايرة ليك الخير
ولا كلهم ح يفرحو ليك!

في الما انكتب ليو نصيب لسه في فرحة زي فرحتك دي
وفي الما عندها حق الـ skin care الانتي بترفعي صوره يمين وشمال
في الما عندهم حق الأكل وانتي تشيلي وتصوّري طلعاتك ونزلاتك في المطاعم
وفي الما عندها صحبات وانتي تشيلي وترفعي صحباتي هناي وصحباتي بتاع

في البتشوف فرحتك وتقول تبارك الله وتسأل ربنا من فضلو يديها
وفي الما بتقول تبارك الله وانتي بهناك أمورك تجوط وحياتك تَخرَب!!

هل بتتحصّنو صباح مسا قبل ترفعو وتقولو وتكتِبو ؟؟
إذا مقصّرين في التحصين
ما تجو تبكو تقولو الناس ليه بتحسدنا وليه الناس نفوسا كعبة!

النبي ﷺ قال لينا أغلب أهل المقابر ديل ماتو بي سبب العين
ونحنا لسه عشان سعادة مؤقتة مستعدين نبوّظ حياتنا ونجوطها فوق تحت

واللهِ لا اللايكات بعدين ح ترجّع ليك صحتك
ولا التعليقات الحلوة دي ح تعوضك الممكن تفقديو بي سبب العين والحسد!

تتمني العافية ما تلقيها
وتسألي أنا ليه حياتي معكسة قدر ده!!

فرحتكم اتقاسموها مع القريبين والبحبّوكم
وأخباركم الحلوة شاركوها مع القُرَاب والانتو ضامنين محبّتهم ليكم
وكلما كانت دائرتك ضيقة
كلما كنتِ مرتاحة وسعيدة
وربنا يبعد عنكم شر الحاسدين، ويحفظكم من العيون .


أذكاركم=حِصنَكُم♥️


#صفِيَّة_مُصطفى

«المُحاولة؛ عِبادة♡».