كان الرسول ﷺ: إن ضاقت دُنياه يردد : "يَا حَيُّ يَا قيوم بِرَحْمَتِكَ أستغيث أَصْلِحْ لى شَأْنِي كُلَّهُ وَلا تَكِلْنِي إِلَى نفسي طرفه عين"💜

‏إنّ المُسلم ليُؤجَر في كل أمرٍ يمُـر به..
حُزنـه، وثقَـل نفسِه، وكل آهٍ يئنُ بهَـا.

إذا أرادَ الله بعبدٍ خيراً جعلَ فيهِ ثلاث خِصال: فِقهاً في الدِّين، وزهادة في الدُنيا، وبصراً بِعيوبِه.

- القرظي | صفة الصفوة

كان من دعاء سيدنا النبي صلى الله عليه وسلم:

"اللهم بَرِّد قلبي"

"اللهم إني أسألك رحمة من عندك تهدي بها قلبي"

"اللهم إني أسألك أن تفرج بكتابك عن قلبي"

"اللهم اجعل لي في قلبي نورًا"

تخيل أنك عبدٌ عزيزٌ عند اللّٰه ، تتجنبك الذنوب وتتقرب إليك الطاعات دون شعور منك !💛💛

عمرك ما هتشوف إنسان بيعبر عن الحب زي سيدنا النبي ﷺ🥺❤️


- بتلاقيه وهو طالع على جبل أحد يقول ( هذا جبل أحد نحبه ويحبنا ).

- بتلاقيه شاف جمل صاحبه بيعنف فيه
بيحضنه ويمسح على دموعه ويقول له ( الراحمون يرحمهم الرحمن ).

- بتلاقيه واقف على المنبر يقول
أحب الناس إلى قلبي ( عائشة )
قدام افواج الرجال لم يستحِ من حبها يوما.. ❤️

- بتلاقيه خلص الصلاة وقال لـ معاذ هات يدك اسبح عليها ويقول ( والله لاني احبك يا معاذ).

- بتلاقيه ماشي في طرقات مكه بعد الفتح ويقول : ( ها هنا حجر كان يسلم عليَّ وأرد عليه السلام ).


- بتلاقيه بيحضن الحسن والحسين ويقول ( ريحانتا قلبي).

- بتلاقيه في حركه معتاده يقبل فاطمه ابنته بين عينيها ويقول
( بضعة مني).

بتلاقيه يضحك مع ابو هريرة ويقول ( من أحبه فقد أحبني).

و كلنا عااارفين قد ايه كان بيحب سيدنا ابو بكر الصديق رضوان الله عليه، و قد ايه هو كان ممتن ليه .

انه يكون في رجل قادر على حب الأماكن والنباتات والجبال والأشخاص ويوقف قدام الكل يبوح بالحب عادي ..!! 😭❤️

بأبي أنت وأمي يا رسول الله

صلى الله عليك يا خير الورى🌷


اللهم صل وسلم وبارك علي سيدنا وحبيبنا
محمد❤️❤️.


#ليلة_الجمعة.
صلو على الحبيبﷺ

سُورة الكهَف في صفحة واحدة🧡🌿.

- لا تنس الصلاة على النبي ﷺ وإعادة نشرها🔄 √

#تذكيرات_مكتبتي.

السلام عليكم ورحمة الله وبركاته

-حأتكلم في مواضع بضمير المُخاطب عشان الكلام يكون واضح، وما أُبرئ نفسي والله فكُلنا نُذنب ونُخطئ-

_ حصل مرة وانتِ بتعملي في ذنب مُعين فكّرتي أو جا على بالك انو الله يراك!
يعني هل انتِ مُستوعبة انو الله الآن الآن مُطّلع عليك وانتِ بتعملي في حاجة ما بِرضاها!

سُبحان الله العجيب انو خوفنا من البشر أكثر من خوفنا من ربّ البشر، ف إذا نهاك والدك أو والدتك عن تصرّف مستحيل تعمليهو قدامهم لأنك عارفة انو الحاجة دي محظورة!
طيب كيف بنواصل في الذنب المُعين ال انا وانتِ وكلنا عارفين انو الله شايفنا في كل حِين

بل والأعجب...
انتو مُستوعبين إنّنا بنعصي ربّنا بِنعمة ربّنا؟
يعني حصل فكرتي انتِ كيف بتسمعي أغاني؟
حتقولي لي بأضاني يعني بشنو؟
حأقول ليك أضانك اللي رزقك بيها منو؟ والحرّم الموسيقى منو؟

وانتِ بتحضري في المُسلسلات والأفلام -اللي ما بتخلوا من التبرج والاختلاط والموسيقى والحاجات المُحرّمة- حصل فكّرتي عيونك ديل الرزقك بيهم منو؟ وزيّنهم ليك ف رزقك معاهم جفون ورموش وحتى شكّلها ليك تشكيل حلو دا كلو من منو؟ وإنْ صحَّ التعبير ... أهكذا يكون جزاء الإحسان؟

وانتِ طالعة مشوار ومُظهرة شعرك برة هل فكّرتي شكلك كان حيكون كيف من غير شعرك؟ ربنا هو الرزقك بالشعر وزيّنك بيهو وأمرك تخفيهو ما يظهر قدام رجل إلا محارمك وزوجك... وانتِ عملتِ شنو؟ أطعتِ الله في هذا الأمر؟

وانتِ لابسة ومُتبرجة وماشة حفلة كلها أغاني واختلاط وتبرّج هل أخدتي وقفة مع نفسك لمدة خمسة دقايق فكّرتي فيها في ٣ حاجات بس؟
رجلك الماشة بيها الرزقك بيها منو؟
ملامحك وشعرك وجسمك الرزقك بيهم وزيّنهم ليك منو؟
قروشك ال اشتريتي بيها ملابس- أخدتيها عشان تمشي بيها الحفلة- الرزقك بيها منو؟

وانتِ بتقلّبي في الفيس وتظهر ليك فيديوهات فيها موسيقى أو مناظر لا تحل لك رؤيتها هل فكرتي النت الداخلة بيهو دا الرزقك بيهو منو؟

وقيسي على ذلك كل معصية احنا بنعملها بنعمة ربنا💔

يا مُؤنسات...
نحذر أن يجدِنا الله حيثُ نهانا
والله لا انا لا انتِ لينا طاقة نتحمّل بيها الذنب دا
لا في الدُنيا ولا الآخرة

حاولي جاهدة إنك تكوني من العباد الشكورين
وقتها حتخافي تعصي ربنا بعد أسبغ عليكِ نِعَمُه العظيمة
وقتها حتعيشي في جنّة الحمد والشكر لله رب العالمين
وقتها فعلًا حتحسّي بالسكينة في قلبك🤍

المُبهج يا كِرام انو دائمًا في فُرصة عشان نرجع ونتوب
وبالله عليكم ما تركزوا مع وساوس الشيطان(ما حيقبلك بعد الذنوب الكتيرة دي)
الله لو ما أراد انو يغفر لينا ما كان شرع التوبة وهو أصلًا غني عننا
لكنّه سُبحانه عالم بضعفنا وقِلّة حيلتنا

كل يوم في الليل يناديك [هل من تائب فأتوب عليه؟]
قومي الليلة وأجيبي هذا النِداء وقوليها بقلبك : أنا يا ربّ!

خِتامًا أذكّرك بالحديث القُدسي
《 يا ابن آدم، لو بلغت ذنوبك عنان السماء ثم استغفرتني غفرتُ لكَ ولا أُبالي》
منتظرة شنو؟
يلا بادري بالتوبة
والله حيقبلك، بس انتِ أصدقي النيّة

والسلام عليكم ورحمة الله وبركاته

يا رب..
إذا سافرتُ بعيداً بعيداً
فهبني حسنات ترحل إلي في ليالي القبر الطويلة..
إذا غشيتني برودة العدم.. و تناثر مامني على الثرى.

‏"صلّى عليكَ اللهُ ما اتّسع المدى
‏ واشتاقت الأرواحُ للرّحمنِ
‏ نفسي فِداك وكُلُّ أهلي والورى
‏ الجِذعُ حنّ..فكيفَ بالإنسانِ؟"

ما قادرة تقري البقرة كاملة؟

طيب قومي اقري حزب
خلاص خمسة أوجه
كتيرة ؟ طيب وجه واحد!

خلاص عايني قومي اقري أول خمسة آيات يس

ولو حافظة أقريهم من رأسك
ولا أقول ليك دقيقة أنسخهم ليك هنا
عشان ما يكون عندك عذر 💗..

المهم يومك دا ما يكمل من غير بركة

"بِسۡمِ ٱللَّهِ ٱلرَّحۡمَٰنِ ٱلرَّحِيمِ

(1) ٱلۡحَمۡدُ لِلَّهِ رَبِّ ٱلۡعَٰلَمِينَ (2) ٱلرَّحۡمَٰنِ ٱلرَّحِيمِ (3) مَٰلِكِ يَوۡمِ ٱلدِّينِ (4) إِيَّاكَ نَعۡبُدُ وَإِيَّاكَ نَسۡتَعِينُ (5) ٱهۡدِنَا ٱلصِّرَٰطَ ٱلۡمُسۡتَقِيمَ (6) صِرَٰطَ ٱلَّذِينَ أَنۡعَمۡتَ عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ وَلَا ٱلضَّآلِّينَ (7)"

بسم الله الرحمن الرحيم

الٓمٓ (1) ذَٰلِكَ ٱلۡكِتَٰبُ لَا رَيۡبَۛ فِيهِۛ هُدٗى لِّلۡمُتَّقِينَ (2) ٱلَّذِينَ يُؤۡمِنُونَ بِٱلۡغَيۡبِ وَيُقِيمُونَ ٱلصَّلَوٰةَ وَمِمَّا رَزَقۡنَٰهُمۡ يُنفِقُونَ (3) وَٱلَّذِينَ يُؤۡمِنُونَ بِمَآ أُنزِلَ إِلَيۡكَ وَمَآ أُنزِلَ مِن قَبۡلِكَ وَبِٱلۡأٓخِرَةِ هُمۡ يُوقِنُونَ (4) أُوْلَٰٓئِكَ عَلَىٰ هُدٗى مِّن رَّبِّهِمۡۖ وَأُوْلَٰٓئِكَ هُمُ ٱلۡمُفۡلِحُونَ (5) "


سبحانك اللهم وبحمدك نشهد ألا إله إلا أنت نستغفرك ونتوب إليك
ربنا تقبل منا إنك أنت السميع العليم وتب علينا إنك أنت التواب الرحيم 💗

الحمد لله🌷

اسمعوه 🥺🩷

هذا الصباح .. ♥️🌏


الدنيا بتختنا في اختبارات قاسية..
بتمر علينا صدمات..
بتحصل أكبر صدمة بحياتكَ وقتها بتحس كُل حاجة فيكَ بتالمكَ بتبكي بكُل حواسكَ الا عيونكَ ، بتموت مؤقتاً..

اسلوبكَ في التعامل مع الناس بتغير..
بتقسى و بتقسى حتى علي نفسكَ ما بتكون الإنسان اللطيف ، الحنين اللي اسلوبهُ دايماً حلو.

بتكون إنسان بارد و هادي ، إنسان إنطوائي إنسان مجرد المشاعر اتجاه كُل حاجة...

الشعور بجيكَ ، مرة حتى باقي الصدمات بتحسها أحداث طبيعيّة مُتسلسلة ما أكتر..

بجيكَ الشعور لمّا تكون متوقّع و منتظر شي معيّن و ما بحصل بالشكل اللي كُنت منتظره..

يعني مثلاً صارحته فيه إنسان ومنتظر منه كلمة ، موقف، صدمة، خيبة،كسرة..الخ

فى انتَ يا جميل كُل الحصل معاكَ من صدمات دي طبقها في ورقة واجدعها وانظر للحياة بجانب ايجابي و لازم تتعلم تدي من قلبكَ و تعرف تهتمّ بادق التفاصيل حتي لو تافهة وتقدر كُل حاجة بتتقدم ليكَ لو كانت بسيطة..

اغلبية الناس مروا بالاختبارات دي و مرات الحاجات دي بتبدر مننا وممكن ناذي غيرنا ونخليهُ يعدم الثقة اتجاه اغلبية المُجتمع..

لازم تراعي شعور اي إنسان في حياتكَ.

مُهم جداً تعطي قيمة لكُل موقف بحصل مع كُل إنسان بتعرفهُ من اللطف إنو نفرّح غيرنا و تكون جبر الخاطر لانه أعظم من الحُب نفسه و مُفتاح للقلب..!

ممكن بشوية كلمات ايجابية منكَ تخليهُ إنسان مفرهد ومبسوط وشغفهُ يرجع زي اول و ممكن اكتر كانها الدنيا نورت في وشهُ و بقت حلوة..

لاننا كُلنا فترات في حياة بعض و الفترة دي لازم نتعامل بكُل علاقاتنا بأريحية وفرايحية بمبداً "لا الومني ولا الومك والبينا عامرة."

خليكَ الملاذ الامن والسند لإنسان محتاجلكَ طبطب على الماري والماشي صدقني ما بتخسر شئ..


اتعامل باريحية واتذكر دايماً.!


" كُل ساقي سَيُسقى بما سقى ولا يظلم
ربُك أحداً..♥️"

قبل أيام كده كنتَ بتكلم مع واحدة من صحباتي مطوّلة منها لَي شهور وما عارفة أخبارها
أها أثناء الكلام معاها حسيت إنها خالص مع على بعضها ولا دي طبيعتها
سألتها مالك يا بتي الحاصل عليك شنو
فـ عرفتَ من طرف كلامها إنها ليها فترة ما كويسة وربما مارَّة بي اكتئاب
بقيت شايلة همها أيام وما عارفة كيف ممكن أقدم ليها المساعدة
زمان ياخوانَّا قُبّال الحاصل علينا ده
الواحد كان بركب أقرب حافلة يمشي لي صاحبو، قعدة عند ست شاي في طرف الشارع كانت بتحل الموضوع مهما كان كبير
أسي مع الفُرقة الاتكتبت علينا دي والظروف الصعبة المارّين بيها كلنا، المشاكل بقت بتكبر جوانا وتتضاعف وأي زول حاسي روحو قليل حيلة تجاه الناس الـ بِتعنيهو وبحبهم!

رسلتَ لي واحدة معرفتي بيها ما كبيرة وعرفتَ من طرف كلام صحبتي دي إنها ساكنة قريب منها
بس قلتا خلاص الزولة دي بتساعدني اطلّع صحبتي دي شوية من الجو الهي فيو
ونظرًا لي إلتزاماتها في البيت بقيت محتارة اسوي ليها شنو
ونظرًا لي إني ما فطرتَ فقلتَ اهدي ليها حاجة بسيطة تعبّر عن وقفتي معاها وإني هنا

أها رسلتَ للبت عايني ياخ أنا دايرة لي بوكيه ورد لطيف خفيف كده تشيليو تودّيهو للبت دي في بيتهم أو تطلبيو توصيل وتكتبي لي معاو كرت ظريف كده وشُكرًا يا ست البنات ما قصرتي معاي وخدمتيني تَب

زولتنا ما قصرت سألت لَي عن الورود في كم محل كده وكم موقع
فإذا بهِ ألقى الورداية الوااااحدة عندهم بتعادل عندنا حوالي 15 ألف🤣💔!!
يعني يا بت الحلال لو دايرة اجيب لي بوكيه؟!
اتي عارفة بي حق البوكيه ده أنا ممكن ارسل ليها كم شوال بلح؟؟ البت زاتا في غربة وبتكون فاقدة أهلها الفي الشمالية🤣

ما منّكم مدسّة واللهِ ياخوانَّا بالتَّبادي كده انحرجتا مع البت المشيت كلّفتها ورسلتها دي
وتاني شي اخدتَ في خاطري إني ما حقدر أجيب البوكيه اللي هو باعتباره أبسط تعبير عن أي مشاعر حلوة بين الناس!!

الموقف ده ذكرني بوست كده كان لافي تقريبًا بقول
يا رب تديني قروش كتيرة أجيب بيها هدايا لكل البحبهم

والبوست الفوق+الموقف ده ذكروني حديث النبي ﷺ:
"إنَّكم لا تسعون الناس بأموالكم، ولكن يسعهم بسطُ الوجه، وحُسن الخلق"

ناس كتيرة كان نفسنا نقدم ليها الدعم النفسي والمعنوي والمادّي خصوصًا في الفترة دي
وناس كتيرة مقصّرين في حقهم وما قادرين نوصلهم بسبب الظروف المارّي بيها كل واحد فينا

فأحسن شي ممكن نقدمو للناس إننا نعاملهم بطيب وحسن خُلق، ونبتسم للبنلاقيهم حتى لو ما بنعرفهم
ونهوّنا على روحنا وغيرنا عشان تعدّي وتهون

وفي الخِتَام
هدايا المحبّين=الدُّعاء♥️!


#صفِيَّة_مُصطفى

قريت الليلة منشور يقول :

" في ذنوب أنت ما عملتها في حياتك ما عشان أنت شخص كويس.. إنما عشان أنت ما جاتك الفرصة! فلما تشوف زول بيقع في ذنب، أوع تحتقره أو تتخيل إنك أحسن منه، أحمد ربنا بس أنه لم يختبرك فعصمك من السقوط في الذنب ده .
ياما ناس كانت فاكرة نفسها مستحيل ترتكب معصية معينة ومع أول إختبار سقطت في الوحل! .. فلا تغتر. "

فالذنوب زي الحسنات او العبادات.. أرزاق

زي ما واحد رزقه ممكن يكون حفظ القرآن .
وواحد تاني قيام ليل ، ده فرضه السادس.
ووحدة محافظة على كل صلواتها ،لا بتاخر لا بتوفتها صلاة مهما كان.
وفي وحدة رزقها في النوافل ،بتصلي القيام والضحى وال 12 ركعة النافلة في اليوم ، ايوة عادي في ناس بتصليهم كلهم .!
وفي واحد رزقه في الصيام ، بصوم كل اثنين وخميس ويا عظمة الصيام ياخ ، اليوم الواحد يبعدك عن النار سبعين خريف ! .
وفي وحدة رزقها بقى في الصلاة على النبي ، ممكن تصلي في اليوم اكتر من الف مرة ، وشي اوردة إستغفار وتسبيح و لسانها رطب بذكر الله .

المهم انو العبادات أرزاق ، كل واحد عنده سره في حاجة ، ومدام ربنا ييسر ليك عبادة عن غيرها وقدرت تحافظ عليها ابقى عليها عشرة ، حتى لو حاجة بسيطة في نظرك أكيد خير الدنيا والآخرة كله فيها ، دي من الحاجات الـ أنا مقتنعة بيها جداً ❤️ .

" قليل مستمر خير من كثير مُنقطع" .

بس أكيد طبعا ده ما يمنع الإنسان يكثر من الطاعات ويجاهد نفسه في باقي العبادات .

فحتى الذنوب كدة، كونو ربنا يمنع عنك فِتن معينة ده زاتو رزق في حد ذاته واعظم رزق كمان .

أحياناً الانسان الصالح لم يشوف الإنفتاح في دول الغرب اول ما يخاف عليه هو نفسه ، كيف حيقدر يحافظ على دينه وإتزانه هناك ؟!

عارفين انو البيئة بتأثر تأثير كبير وكمان عدم وجود قيود ووفرة في كل وسائل او سبل الإنحراف او التطرف الديني بخلي التحدي كبير شديد .

هنا يداب بكون الإختبار الحقيقي ، هل إيمانك كافي و قوي وجذوره راسخة جوّاك ما حتهزّك ريح ؟ ولا انت حتقع في الضلال وتغرق في أول شبر موية ؟!

اسأل الله دايماً ما يختبر إيماني بما يفوق طاقتي وصبري ويهديني دايما الى الصواب ويجنّبني الفتن ويعيني ما حيت على ذكره وشكره وحسن عبادته.
وده من احب الأدعية لقلبي اللي وصى بيها الرسول ﷺ واحد من الصحابه :

" اللهم أعني على ذكرك وشكرك وحسن عبادتك ."

وادعي كمان لنفسك :
"اللهُمَّ قِنَّا الفِتَنَّ مَا ظَهرَ مِنهَا ومَا بَطُنَ."❤️


#تنزيل_صابر.

- كتبت سمر إسماعيل:
"لماذا أهمُّ صفة ترتكز عليها العلاقات عامةً والزواج خاصةً هي المرجعيَّة الدينيَّة؟
لأنَّه إذا اضطربتْ العلاقة وغاب عنصر الحبِّ لن يستر عيوبك إلا من يتقي الله.
لأنَّه في وقت الشقاق لن يعدل ويؤثر الحقَّ على الانتصار لنفسه إلا من يتقي الله.
لأنَّه إذا وقع بينكم نفور وعزمتم الفِصال لن يُمسِك بمعروف أو يُسرِّح بمعروف إلا من يتقي الله.
ركيزةُ العلاقاتِ تقوى الله،
وأي علاقة لا تدور حول التقوى لن ترتقها المشاعر مهما بلغت."🤍

- تعلموا أن يجتمع الدعاء والعمل..
رجاءك كُل صلاةٍ وتمنّي الذرية الصالحة..
يبدأ منك، أن يقترن دعاءك الصادق بالعمل،
أن تُصلحَ نفسك، أن لا تكون المظاهر شُغلك الشاغل، وتنتبه لزُخرف الدُنيا وما طاب منها وأعجبكَ، تعلم العلم من أجلهم، أعرف ماهو دينك، من أنت وما غاية الإنسان الحقيقية، تثقّف وأقرأ، وليعُد الجميع لمحراب الصلاة، وقراءة القرآن علمًا وتدبرًا وعملاً به.
الزواج مسؤولية كُبرى..
تحتاج من له عقلٌ وروح ممتلئة، بما يغذي طبيعة الأطفال اللحوحةَ بالأسئلة، غريزتهم تدفعهم ليكونوا دائمِي السؤال، فضولييّن بما تقع عليه أعينهم، فكَيف لك أن تعلمهم أن الدنيا دارَ فانية والآخرةُ خيرٌ وأبقى بينما تركض كل يومٍ لاهثًا خلف شهواتهَا تاركًا صلاتك وعماد دينك؟
الذي مدحه الناس وهو ذو عمرٍ صغير يصلي صلواته كاملة في المسجد، والفتاة التي حفظت القرآن قبل سن السابعة، والفتى الذي تعّلم باكرًا أن يغطي بصره، ويبحث في أفعاله عن رضا الله، والفتاة التي اتخذت الحجاب لها سترًا من عيون الغرباء بينما مثلها يقال له:"ما زلتِ بعد صغيرة!"
والذي قرأ السيرة كلها، يعرف نبيه وأصحابه حق المعرفة، ويحرص أشد ما يكون من الحرص أن يكون نظر قلبه عليهم، قدوتهُ التي لا يقتدي بغيرها، وطفلة في مكان ما في العالم، تنعم بحياةٍ مريحةَ دافئة، في منزلها وبين والدّيها، لكنها لم تنس اللذين حرموا أبسط حقوقهم كبشر، وعلقت ورقةً قرب سريرها تذكر نفسها أن تدعو للمسلمين المستضعفين في كل مكان في صلاتها!

- واحدة من النعّم المنسية..
هي نعمة الفراغ!
هذا الفراغ هو عمرك في الواقع..
تعّلم.. أقرأ.. اعرف.. أنفع نفسك وأنفع ذريتكِ التي ترجوا أن تكون صالحًا..
وإن كنت ممّن لهم ايامٌ مزدحمة، فخصصّ قدر استطاعتك وقتًا لك وحدك، أصلح نفسك واتقي الله في أفعالك كلها،
حافظ على صلواتك الخمس في وقتها، وأذكارك اليومية، ووردك من القرآن
راقب نفسك، ولا تنام قبل أن تسألك أين اهدرت اليوم وقتك؟
فإن كان في خيرٍ فبارك الله فيك وفي وقتك..
وإن كان في سفاسف الأمور، ومشاغل الدنيا التي لا تنفد ولا تنتهي فراجع نفسك..
فالذرية الصالحة تحتاج الكثير جدًا من العمل.🤍

#زكية_عاطف

"منحتني الكتابة نوعًا من الإرتياح، مَنفذًا،
فضاءً للتعبير عن الذات، شئٌ يشبه العلاج
على ما أظن)).


مرحباً..

• هنا كاتبة، قارئة، مُهتمة بجمع كل ما من شأنه التعبير عني✨🔗.


أنا تنزيل صابر ، مُلهمة ، مُحبّة للحياة والعلم، طَبيبة قيد الإنشاء ، الأخت الكبرى والحفيدة الأولى، كاتبة تحفيزية، مُعبرة بالخواطر وصديقة للجميع في نهاية المطاف💙


أتمنى أن تصبح فرداً من عائلتي.


#تنزيل_صابر.

" لا خيباتَ في الدُعاء ، إما مُجاب ، أو مدفوع به أذى ، أو أجرُُ مُدخَر ، تيقن أن عند الله لا يضيعُ
شيء" ❤️