( إن في جهنمَ بردًا هو الزَّمهَرير يُسقِط اللحم عن العظم حتى يستغيثوا بِحرّ جهنم )

عن ابن عباس .

-حلية الأولياء .

تَوَلّنا وَتول أختياراتِنا وَحياتَنا ياربّ لطريقٍ تُحِبه ونُحِبُه.

‏السلام عليكم ورحمه الله وبركاته.

-لما تعمل ريأكت على بوست ديني، بوست مفيد ؛
البوست بيترفع وغيرك بيشوفه بسببك وغير إن إيدك هتشهد عليك يوم القيامة وتبقى صدقة جارية ليك.

‏﴿يَومَ تَشهَدُ عَلَيهِم أَلسِنَتُهُم وَأَيديهِم وَأَرجُلُهُم بِما كانوا يَعمَلونَ﴾

‏-غير بقى لما تعمل ريأكت على بوست موسيقى أو بوست مغننين أو بوست فيه الألفاظ مُسيئة وإلخ
البوست هيرتفع بسببك وغيرك هيشوفه وإيدك هتشهد عليك يوم القيامة وغير ذنوب جارية ليك.

‏﴿ وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ ۖ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ﴾

رد السلام بثلاثون حسنه💗💗.

مساء الخير 🤍🌷

" ‏اطمئِن، فإن ما كُتِبَ لك سيصل إليك، ولو تَقطعت أمامه السُبُل، وأُغلقت دونه أبوابٌ عديدة، وتراكمت بينك وبينه الحُجُب، فإن الرزق لا يُخطئ صاحبه، يُناديه من بين الخلائق، الذي يرزق الطير إذ تغدو جائعة وتعود شبعى، وهو الكريم الوهّاب الذي لا يُعجزه شيء في الأرض ولا في السماء."


#استغفر_قبل_تنام.

في صفة بيتمتع بها فقط، الإنسان المؤمن بشكل صادق مع الله؛ هي خوفه مما بعد الحياة.

ربنا بيصف عباده الصالحين، بإنهم، رغم كل أعمالهم الصالحة وسعيهم لدخول الجنة؛ إلا إنهم في المقابل بيخشوا غضب الله عليهم، بيخشوا مصيرهم فيما بعد.

{وَالَّذِينَ هُم مِّنْ عَذَابِ رَبِّهِم مُّشْفِقُونَ} من صفات كثيرة للصالحين، رغم عملهم الصالح..تخيل؟

ليه كل ده؟!...{إِنَّ عَذَابَ رَبِّهِمْ غَيْرُ مَأْمُونٍ} متزكيش نفسك على الله، وتفتكر بصلاتك وعملك اللي في نظرك صالح، ممكن يخليك ضامن الجنة بشكل حتمي!

كونك بتخشى الله وبتتقيه؛ ده أكبر دليل على إن الدنيا هينة في نظرك، إنما لو في غفلة ومش في بالك أصلًا، هيكون وضعك صعب..صعب جدًا.

-
‏”اللهم خذ همي وهم من أحب، وذنبي وذنب من أحب، وتعبي وتعب من أحب، أحب، وأسعد قلبي وقلب من أحب.”

اللهم صلي وسلم على نبينا محمد وع اله و
صحبه اجمعين 💙

نعم، المرأة هي سند حقيقي للرجل، كما كان الحال مع النبي صلى الله عليه وسلم حين التجأ إلى السيدة خديجة رضي الله عنها وقال لها: "دثريني". خديجة كانت مثالاً للمرأة القوية والداعمة، حيث وقفت بجانبه في لحظات الشدة وقدمت له الدعم العاطفي والروحي. هذه القصة توضح أهمية دور المرأة في حياة الرجل، فهي ليست فقط شريكة حياته، بل مصدر للسند والقوة في الأوقات الصعبة.💛🌸

لو دخلت المسجد في أي وقت للصلاة، هتلاقي ناس من كبار السن موجودين، بعضهم مصاب بمرض بيمنعه من الوقوف، بعضهم بيعاني أصلًا عشان يوصل المسجد، بعضهم...إلخ.

ولو دخلت المسجد في وقت صلاة الفجر، هتلاقي شباب زيهم زيك، بعد ساعة أو ساعتين هيصحوا لشغلهم، لكنهم تنازلوا عن الساعة دي ابتغاء مرضاة الله، والفوز بثواب عمرهم ما يحصلوا عليه أثناء النوم.

عايز تنام، نام براحتك، عايز تتأخر عن الصلاة أو تغيب عنها تمامًا، أنت مسؤول عن قرارك، لوحدك، لكن متتفاجئش إن في ناس مقامهم عند الله أفضل وأعلى منك، رغم حبهم لنفس الراحات اللي أنت بتحبها.

اللي بيسعى للصلاة بأي حال كان عليه، واللي بيفضل الصلاة والعبادة على أي شيء دنيوي؛ دول اللي ربنا قال عنهم:

{مِنْكُمْ مَنْ يُرِيدُ الدُّنْيَا وَمِنْكُمْ مَنْ يُرِيدُ الآخِرَةَ}❤️

ورد الصلاه علي الحبيب 🌷✋🏻

اقرا معايا يلا لو شايف المسدج 😘

اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد، اللهم بارك على محمد وعلى آل محمد كما باركت على إبراهيم وعلى آل إبراهيم إنك حميد مجيد. (١٠ مرات)

اللهم صل وسلم وزد وبارك على نبينا محمد.وعلي آله وصحبه.

(١٠ مرات ) 🌸

الشيخ علاء حامد كان قاعد في درس من الدروس وكان بيقول يلا يا جماعة هدعي وانتوا تأمّْنوا

اللهمّ احشرنا مع المغنيين، فـ الكل سكت
قال الله! يا جماعة مش بتقولوا آمين ليه!

قال اللهمّ أمتنا علي سماع الأغاني، فـ الكل سكت، قال لهم إيه ياجماعه ما تقولوا آمين!!

بعدها قال اللهمّ احشرنا مع الصالحين، الكل قال آمين، قال اللهمّ أمتنا على سماع القرآن الكل قال آمين

فبصلهم وقال لهم دا أقوى دليل على تحريم الأغاني والموسيقى، أنتم حكمتم بنفسكم

-

" اللَّهُمَّ أَغْنِنِي بِالعِلْمِ ، وَزَيِّنِّي بِالحِلْمِ ، وَأَكْرِمْنِي بِالتَّقْوَى ، وَجَمِّلْنِي بِالعَافِيَةِ❤️."

‏كان سيدنا النبي ﷺ يدعو:
«اللهم إني أعوذ بك من الحور بعد الكور»

قال المباركفوري:
أي النقصان بعد الزيادة وفساد الأمور بعد صلاحها.

يا شيخنا يعني ايه حسبي الله ونعم الوكيل)؟

فاكر لما اتظلمت وافتر عليك بكلام وحش، ومشي بين الناس ف سيرتك .. وبالرغم من كدا تلاقي الناس بتتكلم عنك حلو وبكل خير ..

هو دا ربنا الوكيل ، اللي انت وكلته ف أمرك لما قولت حسبنا الله ونعم الوكيل ورحتله بكل جوارحك واشتكيت

يعنى ايه ؟
يعنى قولتله مش هوكل غيرك يارب تجبلي حقي ، انت كفاية وهتنصرنا يارب ..

" إن الله يُدافع عن الذين آمنوا " "ومَا هُم بِضَآرِين بِهِ مِن أَحَدٍ إِلاَ بِإِذْن الله" .. إيه اكثر من كدة أمان

ربك بيدافع عنك لما سخر لسان الناس تتكلم عنك حلو
ربك بيدافع عنك لما أنزل عليك سكينة وانت ف عز كربك..
ولما تلاقيه مسخرلك الدنيا كلها تحت أمرك كلموا واشتكوا لربنا متحاولوش تردوا اذيه ربنا عادل ..

خليها على صفحتك، عشان تبقي قدامك دايما.

كُلُّ ضِيقٍ إذَا حَسُنَ الظَّنُّ باللهِ يتَّسِعُ.

سفيان الجبالي |🤍

‏"أقبِل تُقبَل، واصدق تَنل، ومَن سَلكَ وَصَل!."

خلّيك في السّعي طمّاع؛ وفي النتائج رضي

طريقة سهلة عشان تحفظ بيها أسامي أولو العَزم من الرُسل :


بس تعالوا كدة نعرف يعني إيه أولو العزم قبل ما نعرفهم .. العزم يعني القوة والثبات والعزم في الأمر ، + ان الـ ٥ أنبياء اللي ربنا إصطفاهم إنهم يكونوا أولو العزم هما أكتر أنبياء إتأذوا في ربهم ، بل إن الأذية مكنتش بس في دعوتهم لله ، دي كانت نفسية و جُسمانية كمان .

و عشان نحفظ أسمائهم بطريقة سهلة ، هنتعرف عليهم بالشكل ده :

عددهم ٥ ..
٣ منهم أصحاب ديانات سماوية ، و هُما :
١- سيدنا موسى - وكِتابه التوراة .
٢- سيدنا عيسى - وكِتابه الإنجيل .
٣- سيدنا مُحمد - وكِتابه القُرآن .
صلوات اللَّه وسلامه عليهم جميعاً .

و الـ ٢ اللي فاضليين هما الأبوين :
١- سيدنا إبراهيم - أبو الأنبياء .
٢- سيدنا نوح - أبو البشرية الثاني .
عليهم السلام جميعاً .
و سيدنا أدم هو أبو البشرية الأول .



منقول من :-
شهندة وليد.
#اعرف_دينك ❤

" الإنسان بيواسي نفسه دايماً إن الخيرة فيما أختاره الله ، وإنه مأجور على صبره وتحمله ، مأجور على كتمانه وظروفه اللي اتفرضت عليه ، مأجور على دموعه وحزنه وقلة حيلته ، مأجور على رضاه بظروف ماتمنهاش وتعامله مع ناس ماتمنهاش وماشيه في دروب وسكك ماتمنهاش ، بنواسي نفسنا دايماً بدا وواثقين في إن ربنا هيعوضنا على دا كله❤️ ."