مرهف : الله يبارك فيكي روحي من وشي المى روحي
فات لعند امو وسكر الباب اخد نفس قعد عالكنباية ركى حالو لورا : امي
الام : خير امي
مرهف : تعبان ياامي والله تعبان
الام : سلامة قلبك ياروحي ريتو التعب الي
جلس حالو مرهف : كل شي ولا تعبك ياحنونة
سكت شوي .... امي ... بتقبليني عريس لبنتك
الام لمعو عيونها بفرحة ومتفاجئة من الحكي: امي انت عنجد عمتحكي
مرهف : جد الجد
الام دمعو عيونها فرحة : يوم المنى ياروحي اصلا انا مابأمن على المى غير معك ياابني طول عمرك القلب الطيب معها طول عمرك الصدر الحنون طول عمرك سندها وحبيبا وضي عيونها هاد كلام اختك والله هي دايما بتقلي مابقدر اتخيل حياتي بدون وجود مرهف هي بتحبك كتير ياامي كتير
مرهف : امي بنتك حضنتني امي انا ما بدي خون ثقة ابي بترجاكي حلي هالموضوع بسرعة
الام : طيب امي طيب بس ما بدا كل هاللبكة طول بالك

قامت امو على مهلا اخدت المى على غرفتها وخلتها تتستر ونبهت عليها ماتشلح الحجاب اليوم ابدا

رجع ابوه من شغلو شاف المى محجبة قلبو ارتاح وهدي : كيفك يابي
ركضت المى وبوست ايدو : اهلين ابي الله يعطيك العافية
الاب : الله يعافيكي شو وين امك واخوك
المى بزعل : قاعدين جوا وما خلوني فوت قال عميحكو بموضوع مهم
الاب : طيب ابي بسيطة تعالي اصلا انا متأكد انك اساس هالموضوع
المى: شوقصدك ابي
الاب : تعالي معي بنتي
فتحو الباب وفاتو
كيفكن
مرهف : اهلين ابي الله يعطيك العافية
الاب : الله يعافيك ابني كيف صرتي رزان
كان مبين على رزان انها مبسوطة كتير : عال عال انا منيحة كتير
تبسم مرهف لانو عارف انو رزان خانم مشيت مخططاتها على قدم وساق
الاب : هاتو لنشوف شو سر هالسعادة
تلبكو مرهف وامو وغمزوه مشان ينتبه لكلامو
بس هو كان بدو ينهي كل شي بهاللحظة
الاب بكل خوف : المى تعالي لجنبي بدي احكيلك قصة ابي
المى تحمست روح قلبا القصص والروايات : اي ابي
مرهف حس انو ابوه بدو يخبر المى بكل شي بلع ريقو وتوتر كتير
الاب : بس يابي هاي القصة مو من الخيال
المى : يعني حقيقية
الاب : اي ابي وبس خلصها بقلك مين ابطالها تمام
المى بحماس تمام
ومرهف وامو عميتسمعو متل المى بالزبط
وبلش الاب من قصة الحب بين ابوه وامو لمرهف وكيف قتلو ابوه وامو ماتت وهي عمتولدو وكيف جابت الممرضة الطفل الصغير وعطتو لجماعة طيبين حسب وصفها هي وكيف ربي هالطفل اليتيم بحضن عيلتو الجديدة لوقت ما عرف الحقيقة لما صار عمرو ١٥ سنة وكيف كمل دراستو من بعدا وصار رجال الو قيمتو وهيبتو ومركزو بين الناس بس طبعا ابوها كان عميروي القصة بالتفصيل الممل وقدر يوصل لالمى المشاعر يلي عاشوها اصحاب القصة
المى كان وشا مليان دموع تنهدت بحسرة: الله يرحم ابوه وامو ويصبر قلبو كيف هيك تقبل الموضوع لما عرف الحقيقة ورجع وقف على رجليه وهو لساتو صغير ١٥ سنة والله صغير قديش هو جبار وقوي ياقلبي عليه
الاب : ابي انت عمرك ١٥ سنة
المى : اي صح ماكون انا مكانو لانجلط بارضي قال امي مو امي وابي موابي واخواتي مواخواتي ولي على قامتي شوضل من حياتو شي صح طلعت كلا كزبة بكزبة الله يكون بعونو على هالمصيبة
مرهف اختنق وغص وحس جبال قعدت على صدرو
ام مرهف فرطت بكا وجهت كلامها لالمى وهي عمتبكي وتشهق : ولك امي اهلو يلي ربو بحياتن مااعتبروه موابنن حبو اكتر من حالن كان بمثابة النور لعيونن والنبض لقلبن كان هو الدم يلي بيمشي بعروقن قدمولو كل شي بيحتاجو من عاطفة وحب وحنان حتى المادة ماحرمو من شي كانت طلباتو اوامر ربو احسن ترباية علمو احسن تعليم عملو منو رجال اخلاق وهيبة ومركز وقيمة ماتقولي كزبة وجودو بحياتن كان اكبر حقيقة
اطلعت بمرهف وعيونها مليانة دموع: واحلى حقيقة واغلى حقيقة وكل الحقيقة انت الروح يلي ساكنة بجسمي ياابني انت الحياة لقلبي بعدك عني رح يكسرني رح يجيب اجلي
مرهف بعد طوفان المشاعر يلي كان طاغي عالجو كلو وبعد ماخانتو عواطفو وجوارحو ودموعو يلي كانو نازلين على وشو متل السيل الجارف بغصة وحرقة ماعاد قدر يقاوم اكتر هجم على امو صرخ امي وحضنا بقوة بين ايديه وهي حاوطتو بايديها التنتين وصوت بكاها علي : يا عيون اماك ياروح اماك اشتقت لحضنك يابنيي.... ااااااه يا ابني يا حبيبي
كانت تشهق وتبكي بالصوت كلو ومرهف حاضنا ودموعو شرارة على خدو
ابو مرهف شاف الموقف وخانتو مشاعرو غطى وشو بايدو وسمح لدموعو ينزلو على راحتن
المى مصدومة بين الحقيقة والخيال صارت تدور أحداث القصة بعقلا والأحداث يلي عمتصير قدامها هلا
بينها وبين حالا : العمى القصة فيها الطفل اليتيم عندو اخوات تنتين اكبر منو ووحدة أصغر منو ومرهف نفس الشي ومشاعر امي هاي غريبة وليش هيك عمتحكي مع مرهف شوقصدا اشتقت لحضنك شوعميصير بصدمة كبيرة فتحت عيونها على وسعن العمى معقول مرهف مو اخي معقول تكون القصة يلي حكاها ابي قصة مرهف ولي ولي ازا هيك بس لا لا مستحيل شو انت خوتة ولك المى تفي من تمك خلص اخرسي العمى شو هالجنان ( ابتسمت ) قال مو اخي والله انا كتير عماتاثر

بالقصص والروايات ههه
بعد ماهديو مرهف وامو وبعدو عن بعض
التفت ابو مرهف لعند بنتو : اي ابي كملك القصة
المى : ليش ماخلصت ابي
الاب : لا ماخلصت اهم جزء فيها جاييكي عالطريق
تحمست المى ركت ايدها عالكنباية وحطتها تحت دقنا: تفضل ابي
الاب : اي يابي العيلة كانت محافظة يعني ملتزمة بالحجاب قولي اخواتو الكبار تزوجو وماعاد في مشكلة معهن بس اختو الصغيرة بلغت وصار حرام يقعد معها بنفس البيت ابي شو الحل برأيك
المى بتفكير: ابي انت عمتقول صار رجال ودرس وتخرج خلص بكفي صار لازم يعتمد على حالو
يعني يترك البيت ويشتغل ويصرف على حالو
الاب : طيب وعيلتو
المى : ما ضروري يقطعن بالنهاية هنن الن فضل كبير عليه لازم يزورن كل يوم وحتى يخصصلن جزء من راتبو لانو صار رجال بشوارب من ورا دعمهن وحبن الو وبزيارتو ابي يكونو أهل البيت مسترين وحرام بقى يسلم عليهن بالايد صحيح ابي هي مارضعتو ما ؟؟
الاب : لا
المى : الله يسامحها ياريت رضعتو بوقتا كان صار ابن هالعيلة عنجد وما حرام عليهن ابدا
مرهف بقلبو ( الحمد لله يلي مارضعتني )
الاب: ابي بوقتا ماكانت ترضع حدا من ولادها يعني ماكان في حليب بصدرا
المى : اي اي صح
الاب : والله يابي رأيك من رأي الشب كمان بس المشكلة بامو
المى : شبها ابي.
الاب : لما عرفت انو بدو يترك البيت تعبت كتير
المى : يا حرام الصراحة ابي معها حق والله يعني عمتقول ربتو من عمرو يوم مارح يهون عليها الفراق بهالطريقة يعني عاشت معو كل لحظات حياتو طيب كملي ابي كيف تصرفو
مرهف عميتسمع لالمى وبقلبو ( دخيل ربك مااحلاكي ولك ايمتا ياصغيرة ايمتا كبرتي هيك وصرتي عاقلة طول عمري بشوفك طفلة ايمتا صار عندك فكرة عن الدنيا وكيف ماشية ايمتا صرتي تفهمي بهالطريقة دخيل قلبك قال صغيرة قال والله مانطقتي الا جواهر )
الاب : الام اقترحت انو تزوج ابنها يلي تبنتو لبنتها يلي خلفتها من صلبا
المى : حلو والله فكرة بصير ... هلا ابي ازا تزوج البنت بصير حرمة دائمة على الام هيك اخدنا بالمدرسة يعني بصير ابنها عنجد متل كيف امي مع اصهرتي جهاد وممدوح صح يابي
الاب : يا عيني عليك فهيمة طالعة لابوكي
الام بزورة: اممممم قلتلي بس مشان زكرك مين صاحب هالفكرة
الاب : اه اي صح طالعة لامك يابي
الكل : هههههه
المى : ماقلتلي ابي شو كان رأي البنت
الاب : مهو هون المصيبة يابي
المى : خير ابي
الاب : يابي البنت عاشت معو طول فترة طفولتها على انو اخوها يعني ماكانت تعرف شي عنو واهلا محتارين و مو عارفين كيف بدن يخبروها
المى : ولي على هالدوخة ( تطلعت بمرهف عمتحاول تحس بشعور البنت ) والله صعبة يابي صعبة كتير اكيد البنت رح تزعل كتير كيف هيك بعد ماكان اخوها يصير زوجها موزابطة بنوب ابي بنوب
الاب : طيب ابي وامو يلي راسها والف سيف مابيطلع من عندا شو حلتا
حكت المى راسها ونفخت : اوووف يابي تعبت من التفكير انا مابعرف شو رح يعملو بس الله لايحطنا بهيك موقف ابدا ابدا رح قوم اسكب الغدا صحي يابي اليوم انا طبختلكن بس تحت إشراف امي طبعا
الاب بعد ماعجز وتعب هو كمان : قومي ابي قومي
طلعت المى من الغرفة وتركت الكل وراها غرقانين بحيرتن
الاب : اااخ يارزان ماكنت عارف الموضوع رح يكون صعب هيك
الام حزينة بعد اللي صار بس كمان متل زوجها محتارة كيف بدها تقول لالمى
مرهف : امي ممكن تسمعيني شوي
الام : ....
مرهف : يعني سمعتي بادانك امي صبية بأول عمرها حكت يلي لازم ينحكى
الام : شوقصدك
مرهف : قصدي المى حكت الصح لازم انا اطلع من هون واعتمد على حالي بقى ما بدي اربط المى فيني طول العمر بلكي البنت ( بغصة )مو شايفة فيني زوج المستقبل
الام : هو هو علينا خلص سكوت لابقى تحكي شي ماشي انا بعرف مصلحة بنتي كتير منيح
مرهف : بس .....
رزان بعصبية : شوقلتلك خلصنا
اشرلو ابوه بايدو انو يسكت
مرهف : حاضر امي سكتنا عن ازنكن رح غير تيابي

دخل مرهف على اوضتو قعد على تختو حط راسو بين ايديه وصار يحاكي حالو اااااخ شو العمل هلا ولك مرهف انت شوبدك والله انا ضايع يارب وكلتك امري


يـــتـــبـــع🌷🩷ٴ.

الجزء العاشر :

*▭▭▭▭▭▭▭▭▭▭▭▭▭*
*(لا تلهيكم القراءة عن الصلاة يالغوالي) اللهم بلغت اللهم فاشهد*
*▭▭▭▭▭▭▭▭▭▭▭▭▭*
مضى هداك اليوم على خير
تاني يوم الصبح
المى : مرهف
مرهف : اممممم
المى : مرهف قوم يلا
مرهف وهو مغمض عيونو : شوفي
المى : قوم اخي رح تتأخر على شغلك
مرهف اي اي قايم
وطت المى نزلو شعراتا على وشو ريحة عطرها اخترقت انفو باستو من خدو : تقبرني هالشبوبية اي وطلعت
فتح عيونو مرهف على ملاتن : العمى شو هاد
نط على حيلو متل المجنون ( ولك هاي المى) وقف وصار يدور بالغرفة رايح جاي متوتر ومتلبك العمى ولي أستغفر الله ولك هي مين قلا تفوت
لبس بدلتو العسكرية حمل موبايلو وطلع بسرعة مشان ما يشوف حدا لقى المى بوشو لابسة قميص نوم قطن لونو زهر حفر و قصير لعند الركبة شعراتا مفرودين حاملة بايدها ابريق المي عمتسقي الزريعة وتدندن على أنغام فيروز
حست عليه فتح باب الغرفة تطلعت فيه بكل براءة وحنية صباح الخير اخي ابوك شرب قهوتو وراح على شغلو حسبت حسابك تشرب؟؟
واقف مصدوم محتار متلبك بدو يزيح نظرو عنها بس موقدران مسحور فيها وبجمالا عيونو ماعميشبعو من هالمنظر شايف قدامو صبية حلوة بياضها ناصع بتحمل كل مقومات الجمال قشعر بدنو وهو عميفكر انو هالجمال ممكن يكون ملكو يتمتع فيه ويحضنها بين ايديه ويحس بنعومتا ويشم ريحتا يلي عالقة بمخو فجأة صحي غطى وشو بايدو التنتين وطلع من البيت ركض
المى استغربت من تصرفو بس ما اخدت وعطت
بالفرع
اللواء: يا شباب جمعتكن اليوم مشان استشيركن بشغلة
مرهف : تفضل سيدنا
اللواء : اتصلو بقيادتنا من لبنان وطالبين من طرفنا مساندة عسكرية عاجلة وضرورية وأكيد نحنا مارح نخيبن مشان هيك قررنا نبعت ٥ فرق عساكر من عنا وعلى رأس كل فرقة حيكون ضابط مسؤول عنهن مشان يساعدون بضبط الوضع الأمني المتدهور وبما انكن من أكفأ الضباط رح اترك مهمة اختيار العساكر والضباط الكن رح يروحو بمهمة الصراحة مدتها طويلة شوي بس مضطرين
جاد : قديه المدة سيدي
اللواء : حوالي ٣ سنين
جاد : اوف مدة طويلة والله
اللواء : بس اجورها رح تكون مضاعفة مشان هيك تشاورو بين بعضكن وبس تعتمدو ردولي خبر
مرهف : انا اول واحد سيدي
جاد 😲 طول بالك اخي شو عمتقول انت (بلبكة) سيدنا بنحكي وبنردلك خبر
مرهف : بس انا فكرت منيح سيدنا انا رايح
ابتسم اللواء : معناها يامرهف رح تكون انت المسؤول الاعلى عن البعثة وبوعدك بس ترجع رح تكون الك ترقية مرتبة ومو حيلا ترقية بتمنالك التوفيق
قام اللواء وقفو كلن احتراما الو طلع وتركهن
جاد بصدمة كبيرة مرهف شبك صاير لعقلك شي
مرهف : اي مجنون انا الك عندي شي
تركو محتار وطلع لحقو جاد عالمكتب فات وسكر الباب
جاد : مرهف طلع فيني واحكي معي متل العالم والناس ليش هيك عملت ليش
مرهف ببرود : شو عملت
جاد : لك ليش بدك تروح على لبنان
مرهف : لانو هون مالي شي حاج نضحك على بعض
جاد : موصحيح هالحكي الك امك و ابوك وانا واخواتك والمى
ابتسم ابتسامة جانبية : ها المى قال
جاد : شبك مرهف ليش هيك اليوم متشائم كتير قلي شو صاير معك
مرهف : مو صاير شي جاد حل عني مشان الله اتركني بحالي يا اخي
جاد : هلا هيك صارت الله يسامحك
تنهد مرهف خلصنا جاد انا تعبت والله تعبت الوضع بالبيت صاير كتير صعب والله ماعاد اقدر اتحمل بترجاك فهمني حاسس حالي غريب بين اهلي وناسي
جاد : طيب بس خبرني شو صاير معك
مرهف : ما قدرو جاد ما قدرو يخبرو المى ولا حتى انا موقدران خبرا بالحقيقة مشان هيك احسن شي بعد ورح قول لامي انو جبروني عالطلعة مشان ما تزعل وتحط بقلبا وتضايق
جاد : يعني قررت تهرب بدل ماتواجه الحقيقة
مرهف : خلص جاد ( بوجع كبير ) انا تعبان جاد تعبان كتير وبدي ارتاح الله يخليك أتركني اعمل يلي بريحني ماعاد قدران اتحمل اكتر من هيك
جاد : ااااخ يا صاحبي فكرك مو حاسس بوجعك الله يهدي بالك
اجا جاد بدو يطلع رجع التفت على مرهف : سجل اسمي معك
مرهف بصدمة: لا جاد مارح اسمحلك
جاد ابتسم : وحياة اللي خالقك ماني مفارقك
مرهف : جاد بترجاك انت امورك تمام و ابوك دكتور قد الدنيا يا اخي روح خلي يخطبلك ويزوجك روح فرح قلبو احسن ماتعزبو
جاد : ازا ما تزوجت انا وانت بيوم واحد ما بدي
مرهف : جاد بلاها مياعتك هلا ماشي
جاد : ما تنسى تسجل اسمي سلام طلع وسكر الباب وترك مرهف متدايق
مرهف : اوووووف اوووف منك رجع ابتسم ابتسامة ههه والله لنكيف
بعد ما خلص دوام رجع مرهف عالبيت وقف قدام الباب مدري ليش قلبو عميدق بسرعة دق عالباب تمنى من جواتو المى يلي تفتحلو ويشوفها متل ماشافها الصبح ركدت المى تفتح وقفها صوت امها وين رايحة رجعي على غرفتك وماتطلعي منها ابدا

المى : شبك امي
الام : شوسمعتي
المى : حاضر امي متل ما بدك
فتحت رزان الباب : اهلين حبيبي الله يعطيك العافية
مرهف : كيفك امي
الام: تمام ياروحي فوت
فاتو مرهف وامو عالغرفة
مرهف : احم امي في حديث بدي قلك ياه
الام : امي اسمعني انت بالأول اسفة ما قدرت مبارح احكي مع المى امهلني شوي والله الموضوع صعب
مرهف : مافي داعي امي لاتحكيلا شي
الام : ليش ابني
مرهف : امي سامحيني بس بالفرع جبروني انتقل على لبنان
الام : شو لا واللي خلقك شو عمتقول انت
مرهف : امي سدقيني مو بايدي إجت الشغلة من فوق وازا خالفت الأوامر بحطوني بالسجن
الام : شو عمتقول ولك امي مافيني اسمحلك تروح مافيني
مرهف : خلص بعترض وبنسجن شو رايك
الام : اه لا ابني انا بروح وبحكي مع القائد تبعك
مرهف : هههههه شوانت رايحة عالمدرسة بدك تفضحينا ام مرهف عمقلك اوامر هي اوامر ومن فوق
الام : شوقصدك ابني يعني مافي مهرب
مرهف : امي المدة مو طويلة كلن ٣ سنين
ضربت على صدرا : شو ولي على قامتي انا ولي على طولي وصارت تبكي
مرهف : امي مشان الله طولي بالك روقي
صارت تندب: لمين بدك تتركني اه لمين انا مافيني عيش بعيدة عنك والله مافيني
مرهف : امي ببوس ايدك طولي بالك شونسيتي عندك ابي واخواتي
الام : ااااااخ والله ماحدا بعبي مكانك يا امي
مرهف : شوبدنا نساوي امي بعين الله
الام : ايمتا المسير امي
مرهف : يومين تلاتة بس لنجهز كل الفرق بس امي ازا اثبتت جدارتي ونجحنا بهالمهمة موعود بترقية ادعيلي وماعليكي مني انا بدير بالي على حالي
الام : الله يحميك ياابني ويوجهلك الخير وين مادرت وشك
مرهف : يعني رضيانة عني
الام : الله يرضى عليك دنيا وآخرة

مرقو اليومين واجا يوم السفر
ام مرهف بعتت المى على بيت اخواتا وهنيك
المى : اما شوقصة حكالي ياها ابوكن
ياسمين : شو هي حكيلنا
المى : بس قلي انو حقيقية ها
جوري : عنجد هاتي لنشوف احكي
بلشت المى ترويلن القصة وتوصفلن الأحداث بدقة
المى: وهاي هي شو رايكن
جوري سرحت بعالم تاني رجعت بزاكرتا لورا
وفجأة شهقت : العمى معقول
المى : شو هو اختي
جوري : معقول هي القصة تكون عن مرهف اخي
ياسمين : شو انت مجنونة لك اختي مستحيل
جوري : ولك ياسمين انت كنت صغيرة بس انا كنت واعية شوي بتزكر كيف صار بين يوم وليلة عنا بالبيت يلي بالضيعة بيبي صغير وقتا سألت امك مين هاد قالتلي ابني وقتا قلتلا بس امي انت ماكنت حامل تلبكت امي بوقتا و قالتلي مبلا بس ماكان مبين عليي وقتا انا ما اخدت وعطيت وكنت مبسوطة انو صار عندي اخ
المى صافنة
ياسمين : مستحيل اختي هاد الحكي كانو حكولنا صح ليش لحتى يخبو علينا
المى اصفرت ووقفت على رجليها وتزكرت امها لما كانت المى عمتتناقش مع ابوها وقتا بكيت كتير وحضنت مرهف وقالتلا لالمى بوقتا ( ولك امي اهلو يلي ربو بحياتن مااعتبروه موابنن حبو اكتر من حالن كان بمثابة النور لعيونن والنبض لقلبن كان هو الدم يلي بيمشي بعروقن قدمولو كل شي بيحتاجو من عاطفة وحب وحنان حتى المادة ماحرمو من شي كانت طلباتو اوامر ربو احسن ترباية علمو احسن تعليم عملو منو رجال اخلاق وهيبة ومركز وقيمة ماتقولي كزبة وجودو بحياتن كان اكبر حقيقة
اطلعت بمرهف وعيونها مليانة دموع: واحلى حقيقة واغلى حقيقة وكل الحقيقة انت الروح يلي ساكنة بجسمي ياابني انت الحياة لقلبي بعدك عني رح يكسرني رح يجيب اجلي ) صارت المى تمشي بهدوء وتربط الأحداث ببعضا تزكرت لما مرهف شافها هداك النهار بقميص النوم كيف تلبك وهرب هريبة من قدامها وكيف صارو يحبسوها اغلب الوقت بغرفتا ويدققو على حجابها حتى بالبيت
شهقت المى بصوت عالي : انا انا اختي انا
جوري : شبك شبك
المى : انا اللي بلغت لك اي اي اختي انا اختي انا البنت يلي بالقصة انا انا
ياسمين : ليش اختي انت من ايمتا بلشت تجيكي
المى : اول يوم كان قبل حفل تخرج مرهف بيوم ولك اي ومن وقتا وانا حاسسة انو كل شي تغير بالبيت مافي شي طبيعي تصرفات اهلك ابوكي وامك و مرهف كلن تغيرو وانا قول لحالي شبن
بانهيار وخوف وقلق : معقول اختي معقول لا لا مستحيل ياربي مستحيل جوري مشان الله قولي غير هالحكي
جوري : والله يا اختي يمكن صح انتو مابتلاحظو انو مرهف مابسلم عليي وعلى ياسمين غير من بعيد لبعيد وملاحظين انو بيتجنب كتير يقعد معنا بس المى ماكانت بالغة مشان هيك كانت علاقتو فيها طبيعية حتى أمكن كانت بس يجي مرهف تخلينا نتستر وتلبس هي وبس كنا نستغرب تبررلنا انو بركي جايب معو حدا صح كلامي
ياسمين : اي والله مزبوط حتى بالأعياد كنا نجي بدنا نسلم عليه ونبوسو يقول انو ما بحب يبوس حدا الا المى حتى وقتا كنت قلو لكان ياعمي العز للرز

المى صارت تشهق وتبكي بالصوت كلو : ياربي معقول
وطلعت من عند اختا ركض
جوري : لوين اختي لوين
المى : بدي روح افهم كل شي وتركتن وراحت
بالبيت
ام مرهف فاتت على غرفة مرهف تضبلو اواعيه وطبعا كانت دموعا ملات وشا .... مرهف تحمم وطلع لحتى يجهز حالو ابوه كان قاعد بارض ديار زعلان ومقهور كتير شافو مرهف قرب لعندو
مرهف : شبك ابي
الاب : مافي شي
مرهف : زعلان على فراقي ما
نزلو دموعو وقف وحضن مرهف وشد عليه ومرهف بادلو الحضن وفي غصة بقلبو
مرهف : الله لايحرمني منك يابي
الاب : وانت كمان ياابني بس والله ٣ سنين كتار لك ابني ماكان فيك ترفض أو تعترض أو حيلا شي
مرهف : ياريت يابي بس بدي صارحك بشي
الاب : قول ابي
مرهف : انا مبسوط بهالسفرة مشانكن انتو كمان مشان اخواتي وامي ياخدو راحتن بالبيت حاجة وجودي كاتم على نفسن ومنو راتبي مضاعف والي ترقية بعد هالمهمة انت ما بدك ياني اكبر ابي
الاب : احب على قلبي تصير احسن الناس ربي يكرمك ويوفقك بحياتك بس بدينك بضميرك مو انت يلي طالب هالسفرة
مرهف اشر لابوه يوطي صوتو : الصراحة ابي اي انا بس ببوس ايدك ما تقول لامي
طلع فيه نظرة حب : حاسس بوجعك يابي بركي بس ترجع بتكون الظروف تغيرت ... رجع حضنو مرة تانية
فات لعند امو: امي اتركي من ايدك انا بضبن
اطلع فيها لقاها فارطة بكا
مرهف : امي قلبك مشان الله
الام : انت قلبي
مرهف : طيب وعافيتك
الام : انت عافيتي انت دنيتي كيف بدك تروح وتتركني
مرهف : امي ازا بتحبيني تقبلي غيابي وحاجة تبكي
الام : رح حاول امي بس مابوعدك بشي
كان جاد ناطر مرهف برا بسيارتو طلعو من باب البيت وصارو رجال وشباب الحارة يسلمو عليه ويودعوه اجا بدو يطلع بالسيارة بس وقفو صوت المى إجت راكضة من بعيد وعمتلهت وصاحت بصوتا ابي مرهف
وقفت قدامن وهي عمتلهت
الاب : خير خير ابي شوفي
كلن صارو يطلعو عليها امها و ابوها و مرهف وجاد
المى بخوف كبير وايدين عميرجفو ودموع مغرغرة بعينها : ابي بترجاك جاوبني مين ابطال القصة يلي حكيتلي ياها مو انت وعدتني بس تخلص القصة تحكيلي مين ابطالا
الاب : اه هلا وقتو بنتي
زاد بكاها لالمى : ابي ببوس ايدك تقلي حلفتك بالله ماتكزب عليي وقلي مين ابطال القصة
مرهف ركى راسو على ايدو على طرف السيارة وغمض عيونو وهو خايف كتير
امو قلبا صار يدق بسرعة وانفاسها تسارعت
ابوها وقف مصدوم وساكت مو قادر ينطق
شافت المى توترن ولبكتن قربت من مرهف حطت ايدا على كتفو حس عليها اطلع فيها وقالتلو: مين انت ...... انت وانا ابطال القصة صح ؟ انت يلي امك موقدرانة تتخلى عنك وتعيش بدونك انت اليتيم يلي قتلو ابوك ورملو امك انت يلي ماتت امك وهي عمتولدك انت يلي ربتك امي انا من عمر يوم صح ؟ انت يلي بدن يزوجوك اختك الصغيرة مشان تبقى بحضن هالعيلة
مرهف فتل وشو عنها وغمض عينو بقوة وبقهر
المى : اخي ببوس ايدك جاوبني قلي انو انت اخي من لحمي ودمي قول انو انا غلطانة قول انو هاي القصة من خيال ابي قول انو زكرياتي معك مو كزبة قول انو حبك الي برئ وطاهر مشان الله احكي لاتضلك ساكت قول اي شي احكي اخي احكي
بهالوقت كان مرهف غاصص ودموعو على وشو نهر
فتل وشو لعند المى ودموعو ملات وشو مسك المى من ايدها وشدا لجوا على ارض ديار ووقف قدامها
مرهف بحدة : بدك تعرفي الحقيقة
بعيون ضايعة وغرقانة دموع : اي
اي ياستي انا بطل القصة..... انا يلي انحكم عليي الحرمان من اول يوم خلقت فيه ......انحرمت من امي وقتلو ابي بكل دم بارد ولك ااااخ ...... انا يلي ربك عوضني بامك الحنونة ضمتني لصدرا...... صحيح مارضعتني حليبا بس شبعتني حب وحنية واهتمام ...... سمعتي بحياتك عن حب بيكسر
اي اي حب امك كسرني انت بتعرفي امك ليش تعبت لانو قلتلا اني رح اترك البيت.....صابتها أزمة قلبية بس لمجرد التفكير اني بدي فارقها ..... حبي الك من نعومة اظفارك ابدا مو كزبة..... زكرياتي الحلوة معك اهتمامي فيكي يلي كل الدنيا حسدتك عليه ابدا مو كزبة ..... المى انت من اول يوم خلقتي فيه من لما حملتك بين ايديي وانا طفل صغير حسيت انو انت بتخصيني الي رغم صغر سني كنت حسك قطعة من قلبي
الام : المى الي انا لحالي
اطلعوا مرهف والمى
الام : اي ابني والله بالحرف انت قلت امي هاي الي لحالي بوقتا كنت طفل عمرك ٦ سنين والمى كان عمرها يوم بس كل زكرياتكن مع بعض كان فيها شي مميز بحياتي كلا ما شفت اخ بعامل اختو هيك ولك امي انتو بتعرفو انكن اجيتو بنفس اليوم ٢٥ / ٩ بنفس اليوم سعاد عطتني مرهف وعمرو يوم ومتل هاليوم بعد ٦ سنين ولدتك يابنتي شي غريب ما
المى : كيف بتخبو عنا هيك شي كيف
الام : خفت عليه خفت على ابن قلبي يتعقد أو الناس تعايرو أو حدا يشفق عليه انو يتيم خفت انو أهل ابوه يلاقوه ويقتلوه ولو ماسمعني مرهف بالصدفة كان حتى هو ماعرف وحياتك عالغالي يابنتي مالي ندمانة على شي ابدا ابدا بالعكس اليوم شايفة قدامي رجال عزوة وسند وبينشد فيه الضهر انا مبسوطة باللي وصلو مرهف وفخورة فيه كتير

مرهف اطلع بالمى نظرة حب وحنية : بعرف انو صعبة الحقيقة باولا بس بوعدك رح تتعودي عليها بعدين
المى انا رح سافر رح غيب ٣ سنين وبعدها راجع ديري بالك على حالك وعلى امك وابوكي وسامحيني اي
المى ضلت ساكتة مو عارفة شو تقول باي صفة بدها تحكي معو كانت تايهة ومشتتة ومنهارة
طلع مرهف من البيت تارك وراه قلبو عند المى
وقعت المى بالارض وصارت تشهق و تبكي ودموعها ينزلو على خدودها شلالات ليش هيك عميصير ياربي ليش بدي اخي امي ببوس ايدك ماتخليه يروح خليه يرجع لهون هاد اخي خليه يرجع يعيش معنا ماتخليه يسافر بترجاكي امي انا بحاجتو مابقدر عيش بدونو

قربت الام يلي حالها ماكان احسن من حال بنتها ضمتا بين ايديها وبكيو التنين من قلبن على فراق مرهف



يـــتـــبـــع🌷🩷ٴ.

الجزء الحادي عشر :

*▭▭▭▭▭▭▭▭▭▭▭▭▭*
*(لا تلهيكم القراءة عن الصلاة يالغوالي) اللهم بلغت اللهم فاشهد*
*▭▭▭▭▭▭▭▭▭▭▭▭▭*

وصل مرهف ورفقاتو على لبنان وباشرو فورا بمهماتن العسكرية
بسوريا
بعد سفر مرهف ضلت المى ٣ ايام بكا متواصل بدون اكل وشرب حبست حالا بغرفتا ومارضيت تطلع منها باليوم الرابع فاتت امها لقتها مغمى عليها صرخت على زوجها اسعفوها عالمشفى فورا
بالمشفى
الاب : خير دكتور طمني على بنتي
الدكتور : كل شي نازل عندها الضغط والخضاب والفيتامينات مع انو البنت صغيرة شو يلي وصلها لهون
الام : زعل دكتور اخوها سافر وهي زعلت عليه
الدكتور : اها طيب نحنا ركبنالا سيرون وعمنحطلا بقلبو فيتامينات ومكملات غذائية من هون لبكرة بتكون صارت تمام ان شاء الله وبرأيي اعرضوها على دكتور نفسي مشان يساعدها انو تتقبل سفر اخوها
الاب : يسلمو ايديك دكتور
فاتو لعندا
الام : كيف صرتي امي
المى ساكتة
الام. : بترجاكي يابنتي حاجة زعل ما بدي اخسرك وينا المى يلي كلها حياة وغنج ودلع
المى .....
الام : امي حبيبتي المدرسة رح تبلش بعد يومين تلاتة وانت هالسنة عاشر بدي منك تقومي بالسلامة وتكوني قوية ياروحي
المى ....
الام : اخواتك اشتاقولك ياامي وخايفين عليكي كتير
المى : بدي أخي وصارت تبكي
امها ببكا حضنتا حاج ياامي ببوس ايدك ارحمينا بكفي حاجة تعزبي حالك وتعزبيني معك
تاني يوم الصبح المى عالغذاء صارت احسن شافها الدكتور وخرجها وطلب منها تهتم بصحتا
بالبيت
الام : على مهلك امي تعالي
المى تركت ايد امها وتوجهت لغرفة مرهف فتحت الباب وفاتت قعدت على تختو دفنت راسا بمخدتو وصارت تشم ريحة عطرو العلقانة فيها وصارت تبكي : اشتقتلك ياروحي وين رحت وتركتني وين صرخت بأعلى صوتها ااااااااااخ ياخيي وينك اااااااااخ
فات ابوها حضنها وصار يمسح على راسها ما تخافي يا بنتي مرهف رح يرجع بس بدها شوية صبر بترجاكي كملي حياتك طبيعي وحاجة زعل قومي على غرفتك نامي وارتاحي
المى : خليني نام هون ابي الله يوفقك
الاب : متل ما بدك بس بشرط بتوعديني من اليوم و رايح بتاكلي منيح وبتاخدي ادويتك وبتديري بالك على صحتك
المى : حاضر ابي
طلع ابوها حطت راسا على مخدتو ونامت وهي عمتفكر فيه
ومن هداك اليوم صارت كل يوم تنام بغرفة مرهف وماغيرت فيها شي وخصوصي مخدتو
بلشت المى تحاول تتاقلم عالوضع الجديد
بعد بيوم فتحت المدارس وبلشت المى دوام وصارت الايام تمرق ورا بعض بس المشكلة انو مافي تواصل مع مرهف المنطقة يلي كان فيها كانت تعاني من فلتان أمني كبير كانو المخربين قاضيين عالبنية التحتية فيها من اتصالات واسعاف حتى مخافر الشرطة ماسلمت منهن وبالمقابل كان قلب امو عميغلي ويفور عليه بس كانت تدعيلو بعد كل صلاة
بعد ٦ شهور رن تلفون رزان
الام : الو
مرهف : كيفك امي
الام : مرهف ياويل قلبي عليك ياامي كيفك يا عيوني شو اخبارك
مرهف : منيح امي مشتقلك خيرات الله
الام : تقبر عيون امك وانا كمان ياروحي اشتقتلك
مرهف : سلامة عيونك ياغالية كيفن ابي واخواتي
الام : كلن مناح ياروحي وبسلمو عليك كتير السلام بس انت ليش ماعمتتصل يامو فورا نسيتنا
مرهف : حدا بينسى روحو لك امي بس والله الوضع عنا بيخزي وهلا عماحكي معك بسبب اول انجاز حققناه رجعنا الاتصالات عالمنطقة وان شاء الله رح نكمل لحتى ترجع المنطقة كلها عمار
الام : الله يقويك انت ورفقاتك يامو يعني هلا ماعاد تقطعني من اتصالك ما
مرهف : لا امي كل ماصحلي رح احكي معك اطمني
الام : الله يطمن قلبك يارب
مرهف : امي
الام : عيونا
مرهف : كيفا المى
الام : منيحة يامو مشتاقة الك كتير
مرهف : عنجد امي
الام : يعني امي هي بتضل تقول مشتاقة لأخي
مرهف : اه طيب امي بدك شي انا لازم سكر
الام : بدي سلامتك تقبرني دير بالك على حالك

حست ام مرهف من نبرة صوتو انو هو زعل من كلمة مشتاقة لأخي حست انو هو حبها لالمى بطريقة تانية بس ماكانت متأكدة من شي تنهدت ودعتلو بالخير
انشغل مرهف كتير وماقدريتواصل مع اهلو لبعد شهر
مرهف : الو
الام : اهلين امي حبيبي كيفك
مرهف : انا منيح امي انت كيفك
الام : مشتقتلك ياروحي
مرهف : كيفن ابي واخواتي
الام : مناح امي بسلمو عليك
مرهف : والمى امي كيفا
الام : منيحة امي الحمد لله مشتاقتلك كتير
مرهف : موجودة هي فيني احكي معها
الام : للاسف يا امي بالمدرسة
مرهف : اه اي صح طيب امي بس يصحلي برجع بدق بتوصيني بشي
الام : بوصيك بحالك امي
مرهف : امرك امي يلا سلام
الام : الله معك ياروحي

رجعت المى من المدرسة
المى : مرحبا امي كيفك
الام : منيحة امي اتصل مرهف
المى : عنجد امي كيفو شواخبارو
الام : منيح و مشتاق للكل
المى : اي الحمد لله الله يرجعلنا ياه بالسلامة

بعد مرور شهر كمان
هالمرة مرهف تعمد يكون اتصالو المسا مشان تكون المى موجودة
المى : الو
مرهف والفرحة مو سايعتو : مين المى
بعيون مليانة فرح : مرهف هاد انت اخي ( هو اكيد غص لكلمة اخي ) كيفك شو اخبارك مشتقلك كتير كتير كتير
المى : والله وانا كمان ايمتا راجع اخي (مرهف بقلبو اوووووف مارح نخلص من كلمة اخي )
مابعرف المى .... المى ممكن طلب
المى : تفضل
مرهف : لابقى تقوليلي اخي
المى : ليش اخي
مرهف بقلبو ( ياعفوالله ) ولا شي عطيني امك .... سلم مرهف على اموواخواتو وابوه وسكر

مرقت الايام لحتى انقضو ٣ سنين متل لمح البصر

بالبيت
المى : دخيلك ياامي خايفة كتير
الام : لا تخافي امي بإذن الله ناجحة
المى : والله قالو النتائج عالستة هاي صارت الساعة سبعة وبعدن مانزلو نتائج البكالوريا
ااااخ الموقع ماعميفتح
وقفت على حيلها فتح فتح فتح
اخواتها وقفو متحمسين شو اختي شو
لحظة لحظة
وااااااااااو نجحت امي نجحت وصارت تنط يمين وشمال من فرحتا نجحت امي وعلاماتي عاليين
الف مبروك ياروحي الف مبروك ضمتا من الفرحة وصارت تبوس فيها
تنهدت بفرح كبير أخيرا يا امي أخيرا ارتحت
هنوها اخواتا بس فرحتا كانت ناقصة بسبب غياب مرهف
جوري : امي خلينا نطلع نشوف نتائج البنات بالحارة
الام : اي والله وبنشاركن فرحتن

طلعو كلن وضلت المى صافنة بالبحرة نزلت دمعة من عينها ااااخ ياخيي انت اكتر واحد كنت رح تفرحلي انا بعرف رفعت راسا للسما يارب والله اشتقتلو رجعلي ياه بالسلامة
فاتت على غرفتو تسطحت بتختو حضنت مخدتو وغفيت ( يافرحة ما تمت )
انفتح باب البيت بالمفتاح وبصوت عالي ياللاااه
امي ابي المى ( كان مرهف وحب يعمل مفاجأة لاهلو ) شي كأنو مافي حدا هون شو وين راحو
فتح باب المضافة غرفة امو غرفة المى مافي ماحدا أبصر وينن لفوت ارتاح بغرفتي شوي لبينما يجو
فتح باب الأوضة كانت عتمة زت غراضو على جنب شغل الضو فتح عيونو على وسعن تفاجأ بوجود المى نايمة على تختو لابسة بنتكور احمر منقط اسود مبين منو رجلها يلي عمتشع بياض عليه كنزة سودة نص كم قبتا سبعة كاشفة مفاتن صدرا شعراتا منيمتن حدا حاضنة مخدتو بين ايديها وغرقانة بنوم عميق وشا متل الملائكة مرهف بلع ريقو كأنو كبرانة وحليانة هالضرسانة ولي على طولي صايرة معالم جسما بتجنن بتسطل انثى بكل معنى الكلمة ولي ياامي شو هاد حاسس حرارتي ارتفعت قرب منها شوي وتنهد ياروحي شو اشتقتلك
ياريت فيني ضمك وبوسك وشم ريحتك اااااه
صحي مرهف من شرودو بعد مافصل البنت تفصيل الله لايوفقني ولك شوبعدني واقف عماعمل هون
طلع لبرات البيت بسرعة رهيبة مشي بالشارع ومخو بعدو مفيرس ياالااااه قديشك حليانة يا بنت قلبي والله مابخليكي تروحي من ايدي لو تطبق السما عالارض ورح خليكي تنسي كلمة اخي يلي صرعتي مخي فيها
ضل مرهف يفتل بالشوارع قديش مشتاق للشام وحارات الشام وشوارعا بعد مافتل شي ساعتين رجع عالبيت ما رضي يفتح بالمفتاح دق عالباب
المى : مين
مرهف : (دخيل هالصوت مااحلاه ) اي المى هاد انا مرهف
لمعو عيون المى رقص قلبا ركضت لجوا لبست طقم الصلاة امها واقفة على جنب لك شوفي امي
المى مو وعيانة رجعت ركضت لعند الباب فتحت وعيونها عمتغزل شوق وحب صرخت اخي
مرهف ( الله ياخد اخوكي ) كيفك المى
بكل صوتا اميييي اجا مرهف
شو راحت تركض عيونا مو مسدقين. : مرهف ورمت حالا بحضنو وحاوطها بايديه وشهقت بالبكا وهو صار يبوس بايديها اشتقتلك ياروحي
وهي عمتبكي وغصب طلع الحكي معها وانا تقبر قلبي يالله شو اشتقتلك ياابن قلبي
فاتو لجوا
الاب : مرهف الحمد لله على سلامتك يابي
وطى مرهف على ايد ابوه وبوسا ورجع حضنو اشتقتلك ابي
ضحك ابوه وربت على ضهرو والله وانا يابي بعد عنو شوي شدو فوت يابي فوت
قعدت المى حدووخلت مسافة صغيرة ياالله شواشتقتلك اخي مشان الله لابقى تروح وتتركنا هيك
وهو عميطلع بعيونها وبقلبو عميقول ( اااخ ياريت مشاعرك هي مو لانو اخوكي ) تشتقلك العافية خلص المى ماعاد اتركن ابدا
الاب : طمني يابي كيف كانت مهمتك
مرهف : والله يابي ابنك سبع ومابينخاف عليه مارجعنا الا لحتى امنا المنطقة مزبوط ورجعت البنى التحتية كلا تحت الخدمة وهالكم وزووز يلي كانو خاربين الدنيا شي راح قتل وشي بالسجن وشي فعسنا فعس متل الصرصور
المى بقلبا ولي شو هاد متوحش
الاب " كفو يابي كفو
المى : جوعان اخي
مرهف : ( يلعن اخي ) اي والله مهري جوع
تكرم عينك راحت عالمطبخ ولحقا مرهف
مرهف : المى
المى : عيونا
مرهف: ( ولك دخيل عيونك ) انا شوقلتلك من زمان
المى : شو قلتلي اخي مابتزكر
ضرب كف ايدو على وشو ولك ما قلتلك لابقى تقوليلي اخي
المى : اي صح
مرهف : اي شو ؟؟؟؟
المى : بس اخي ماقلتلي ليش
مرهف : ولك الله ياخدني وارتاح منك اي
شهقت المى لا سلامتك اخي
صار يصرخ لك ولي على هالمصيبة ولي وحمل حالو وفات عالحمام


يـــتـــبـــع🌷🩷ٴ.

الجزء الثاني عشر :

*▭▭▭▭▭▭▭▭▭▭▭▭▭*
*(لا تلهيكم القراءة عن الصلاة يالغوالي) اللهم بلغت اللهم فاشهد*
*▭▭▭▭▭▭▭▭▭▭▭▭▭*

خلص مرهف حمام لبس بجامة رمادي بينت كل عضلات جسمو الرياضي وطلع عمينشف شعراتو يلي عمينترن يمين وشمال مع حركة البشكير
لقاهن قاعدين عالكراسي وطاولة الأكل قدامن ناطرينو بجنب البحرة
الام : ريتو حمام الهنا يامو عقبال حمام عرسك
اطلع بالمى : امين يارب الله يسمع منك
انتبهت امولنظراتو وابتسمت بينها وبين حالا
مرهف : ايييه الله يسلم ايديكي حبي
المى : صحة وهنا اخ.....طلع فيها مرهف سكتت ما كملت ووطت راسا
الام : لك صحيح امي ماباركتلا لالمى بالنجاح
مرهف : بصدمة نجاح شو
الام : اليوم المى نجحت بالبكالوريا وبعلامات عالية كمان
مرهف : عنجد المى
المى : عنجد اخ ......طلع فيها مرهف ما كملت اي عنجد
مرهف : ريتو الف مبروك يارب الك عندي احلى هدية
المى : ياااااي عنجد اخ..... رجع اطلع فيها ياالله منك مرهف ليه هيك عمتعزبني
مرهف : خلصنا المى بطليها للكلمة قليلي مرهف بطيخ حيوان حمار ولك كلب قبلان بس بلاها هالكلمة
المى : ههههههه لا شو حمار عيب خلص خلص متل ما بدك بس حابة اعرف ليش كرهانة لهالكلمة
مرهف : لانها بتضرب على أعصابي
الاب : انو كلمة
المى : اخ..... خافت تكملا معليش بس وضح لابي
مرهف : لا مومعليش مافي داعي توضحي كلو ياجماعة تفضلو
ام مرهف كانت عمتضحك من تحت لتحت ومبسوطة كتير بالوضع

تاني يوم بالفرع
اجتمعو مع اللواء
اللواء : اهلين بالأسود والله بيضتوها كل الدنيا عمتحكي بانجازاتكن الرهيبة
اطلع بمرهف وانت يامرهف والله طلعت قدها وقدود ما تفكر اني موعرفان شي كانت التفاصيل عمتوصلني يوم بيوم وكل العساكر كانو مبهورين باصرارك وشجاعتك وتفانيك بشغلك وكلن اجمعو على انك انسب قائد للمهمات الصعبة كنت حكيم بقراراتك وحازم وما كان عندك وقت للعب برافو عليك يا ابني هيك بكون القائد الناجح واكبر دليل يلي حققتوه
مرهف : شكرا سيدي والله خجلتني بس سدقني نحنا ما قمنا غير بالواجب
اللواء : على فكرة انا عملت تصويت بين العساكر يلي كانو معك انو ازا بعتناكن على مهمة تانية بتروحو بالأول كلن ترددو بس لما قلنالن انو انت القائد فرحو وقالو معك عالموت تغير رأين بسببك وهاي كمان من صفات القائد الناجح انك تكون حازم بس بنفس الوقت تكسب محبة واحترام عساكرك
وقف اللواء قام الحاضرين وقفولو احترام قرب لعند مرهف حط ايدو على كتافو رفاع راسك ابني اطلع مرهف باللواء انت بتستحق احكي مع يلي فوق مشانك.....استغرب مافهم شو قصدو
كمل كلامو انا جبتلك استثناء من القيادة العليا ورح تترقى لرتبة رائد الف مبروك ياابني
لمعو عيون مرهف ورقص قلبو من الفرحة وفنجر عيونو : عفوا سيدي ش شو قلت
اللواء : ههههه من الفرحة ماعمتستوعب ما .... انت صرت رائد ومو بس هيك الضباط الأربعة يلي كانو معك على رأس المجموعات رح يترقو لرتبة ملازم اول وغير هيك وقعتلكن على مكافأة لكل واحد كان موجود بالمهمة وانت مكافأتك محرزة غير الكل
مرهف مو مسدق حالو ومن كتر الفرحة : سيدي .....بتسمحلي ضمك
ضحك اللواء وفتحلو ايديه مرهف ضمو وعيونو مليانة دموع بعد عنو شوي : بتشكرك سيدي بتشكرك من كل قلبي وبتمنى كون دائما عند حسن ظنك
اللواء : انت بتستاهل كل خير وانا بحب كرم المميزين عندي هلا فيكن تنصرفو وحضرو حالكن لحفل تكريم يليق فيكن
ضربولو تحية وطلعو
جاد ركض على مرهف وضمو والفرحة مو سايعتو : الف مبروك يا صاحبي والله فرحتلك من كل قلبي
مرهف : والله ياجاد مالي مسدق رائد دفعة وحدة والله كتير هيك الف الحمد لله يارب وانت كمان الف مبروك هاي صرت ملازم أول
جاد : الله يبارك فيك يا صاحبي حلو طعم الترقية ما
مرهف تنهد بفرح : ااااه اي والله حلو كتير
امشي نروح عالمكتب عازمك على فنجان قهوة

بالمكتب
قعد على كرسيه وفرد حالو وتنهد اووووه يا سلام عالاخبار الحلوة جلس حالو لك صحي ماقلتلك المى مبارح نجحت بالبكالوريا
جاد : عنجد ريتو الف مبروك يعني صارت الفرحة فرحتين عقبال التالتة
مرهف : الله يبارك فيك اي اخي شو بدي اعمل هلا
جاد : بشو
مرهف : يعني المهمة وخلصت وترقية وترقينا والجيبة عمرت والحمد لله شوبقيان ياحزرك
جاد سفق بايديه : تتزوج المى
مرهف : هههههه من ايمتاصاير زكي هيك
جاد : ولو من يوم يومي بلقطا عالطاير..... ولك يخرب بيتك ما انت ٣ سنين نقرت راسي نقر بسيرة المى ليش خليتني انسى لحظة لا وبس نام بتجوني بالحلم
مرهف : ههههههه العمى بقلبك مو لهالدرجة
جاد فتح عيونو : شو واكتر حبيبي تضرب انت و ....
مرهف : كمل لشوف
جاد : لا دخيلك بلا ما اكل رصاصة بين عيوني

مرهف : برافو عليك شاطر .....اي قلي شولازم اعمل هلا
جاد : بتروح بتزبط نفس ارجيلة وبتعمل ابريق شاي وبتجيب شوية تسالي وبتعزمني
مرهف : ولك الله ياخدك اي عماحكي عن المى
جاد : اي مافي مشكلة خلي المى تعمل كل هدول
اطلع حواليه عميدور على شي يضربو فيه مسك طاقيتو ولحشا بوشو انت ايمتا بدك تبطل سآلة اه
جاد : شبك شبك قول ما بدك تعزمني وخلص
مرهف : ولك جاد ركز معي مشان الله انا مو عرفان كيف بدي افتح معها الموضوع هي شايفة اني اخوها
جاد : بعدا لهلا ماصارلك ٣ سنين تعلما انو ما تقول اخي يعني ما كانت تفهم وتستوعب الله يعينك على هالحوبة
مرهف : اخراس ولا يقطع عمرك ما تحكي عليها ....والله الحوبة يلي عميستشيرك قوم انقلع من وشي قوم
جاد : هههههه طول بالك ولا خلص روق ما قصدي
مرهف : اوووووف تضرب نزعتلي مراقي انا قايم روح عالبيت بدك شي
جاد : اجي لعندك اليوم
مرهف : تعال انقبر
جاد : منية لا ما بدي
مرهف : من ايمتا صاير عندك كرامة ولا
جاد : من وقت خبر الترقية الجديدة
مرهف : هههههه معناها ازا بتصير لواء ماعاد تطلع فيني بنوب خلص اليوم المسا ناطرك سلام
جاد : الله معك حبيب بعد ماطلع ... الله يقبرني ياكي ياالمى آخرتي رح روح قواص من تحت راسك معقول مالك حاسة بحبو الك الحمار فهم وانت لا

بالبيت
يالللاه وينكن
الام : فوت امي
كيفكن
تمام الله يعطيك العافية
الله يعافيكي وينو ابي لسا ما اجا
لا قال بدو شي ساعتين هلا حكيت معو
والمى
قال بدها تاخد غفوة
طيب رح قوم ريح شوي لبينما يجي ابي قام مرهف راح على غرفتو فتح الباب انصدم بالمى يلي اخدة غفوة بتختو طلع عليها كانت نايمة على بطنا وحاضنة المخدة تحتا وراكية وشا عليها وشعراتا نازلين شلال بجنبا لابسة كنزة بيضا حفر معلقة على كتافها بخيوط رفاع يعني ضهرا من فوق وكتافها مبينين ولابسة بنتكور اسود لعند الركبة فاردة رجل وطاوية الرجل التانية ونايمة بكل هدوووء
بلع مرهف ريقو تخيل حالو راح نام حدا وحط راسا على ايدو ولفها بايديه التنين وحضنا شطت ريالتو قلبو عميقلو خليك طلع عليها ملي عيونك منها اروي عطشك اشبع منها مو كل مرة بصحلك لاتخاف من شي يلي بحب مابخاف لحد ماتدخل عقلو قلو شبك ياحمار استغفر ربك وتحرك انقلع سكر الباب الله لا يوفقك رح تدهورو للصبي صحي مرهف من المعركة يلي دايرة بين قلبو وعقلو طلع من الغرفة وسكر الباب وراه وتوجه لعند امو
وشو مابيتفسر امي احم
الام : شبك امي
مرهف : امي لي ماقلتيلي انو المى نايمة بتختي
شهقت امو وحطت ايدا على تما ولي على قامتي يبعتلي ستين حمى انا والله نسيت يا امي قالتلي رح تغفى شوي راح عن بالي انو هي من يوم يلي فارقتنا انت ورحت على لبنان والمى مابتنام الا بتختك
تلبك مرهف ومبسوط بنفس الوقت( والله عمقول في ريحة طيبة بتختي ولك ياعمي هي ريحة الحب دخيل الله) احم اي سامحيني امي بس انا مابعرف والله
الام : لا ابني دخيلك انت سامحني بعدين هي الله يهديها الحق عليها ما انت رجعت مبارح عالبيت ونمت بتختك شو يلي خلاها تفوت اليوم وتنام فيه ولك اوووووف منك ياالمى
إجت بدها تطلع وهي معصبة مسكها مرهف امي لوسمحتي ماتعصبي عليها خلص يلي صار سوء تفاهم ماتكسري خاطرها اي
ابتسمت امو خايف على مشاعرا
تلبك : امي انا اااا.....انا بحبا كتير وبدي ياها بس
الام حطت ايدا على صدرو : طول بالك عليها امي فكرك انا مو حاسة عليك بس ماعمتتقبل فكرة انك مواخوها
مرهف : امي وانا بلبنان ماغابت عن بالي لحظة اشتقت لدلعلا وغنجا وطلباتا الطفولية اشتقت احضنا العبلا بشعراتا وانكشلا ياهن هههه يالطيف شو كانت تتجاكر من هالحركة ااااه ولا صورتا بقميص النوم وهي عمتسقي الزريعة شلتني شل مافارقت خيالي
استغربت الام : ايمتا هي
مرهف : قبل ماسافر فاتت على اوضتي صحتني على بوسة منا مو زنبي والله اامي كنت نايم قمت متل المجنون لبست وبدي اهرب لقيتا بوشي بارض الديار قديه كانت حلوة بوقتا بس هلا صايرة احلى واحلى دخيل يلي خلقا عالهوش متل القمر بليلة التمام
امو مرتكية عالكنباية وصافنة بحكياتو الحلوين تقبر قلبي لهالدرجة بتحبا يعني انا كنت فكر انو بدك تتزوجا مشاني بس طلعت عشقان ولك امي
قرب حط راسو بحضن امو ااااخ ياامي ابنك عشقان ومكتر مشان الله قليلي شو اعمل
عمتلحمس على شعراتو : احكي معها امي صارحها بمشاعرك
مرهف : خايف ترفضني
الام : حتى لو حاول معها اكتر من مرة قرب منها اكتر ولك امي انت مو بتحبها
مرهف بلوعة : اااااخ كتير
الام : خلص لكان ورجيها حبك بكل مناسبة وبكل الطرق ما تخليها تروح لحدا غيرك
قعد على حيلو شو هي غيري والله بشرب من دمو مين ماكان يكون
الام : ولي طول بالك امي مو لهالدرجة
مرهف : مبلا امي مبلا المى ازا ماكانت الي وحياة يلي خلقك ماحتكون لحدا غيري ...... ليكي امي بقوصا وبقوص حالي ومابشوفا بحضن رجال غيري
الام : ههههه روق امي رووق رح قوم فيقا مشان تاخد راحتك

عند المى
الام : قومي ولي مقصوفة الرقبة ولي على قامتي هيك شافك الصبي معو حق يجن
المى : امممممم
الام : ولك قومي اجا مرهف
المى وهي مغمضة : يجي شواعملو
ولك ما انت نايمة بتختو ياحمارة
المى وبعدا مو مستوعبة :شو يعني مو على طول بنام بتختو
الام : لا حول ولا قوة إلا بالله ولك فات على غرفتو بدو يرتاح شافك هيك
فتحت المى عيونا وشهقت لك كيف هيك مادرت بالي اسفة امي بس بحكم العادة والله
يعني استوعبتي أخيرا قومي انقبري تستري خلي ياخد راحتو بالبيت
حاضر امي حاضر
قامت على غرفتا ومرهف فات على غرفتو وسكر الباب اطلع عالتخت قرب مسح بايدو عالتخت مسك المخدة وشما بنفس طويل وزفر ااااااه وليييييييي لك شو هاد ريحتا بعدا معبقة بمخدتي تسطح وحضن المخدة وعميشم ويبوس فيها وو شو مبتسم لحتى غفل ببدلتو ونام يظهر الريحة خلتو يسكر ويفقد الوعي
( شارب الخمر لابد أن يصحو من سكرته ولكن شارب الحب طول العمر سكرانا )
بعد ساعة
فاتت امو لقتو حاضن المخدة دافن راسو فيها ونايم ياروحي الله ينولك مرادك
يامو مرهف تقبرني نايم ببدلتك
مرهف : اممممم
الام : امي اجا ابوك قوم ياروحي مشان تتغدى
مرهف : يالله امي هلا بغسل وبغير وبلحقك
الام : طيب حبيبي ناطرينك ماتطول
مرهف : حاضر ..... فاق الاخ من سكرتو

مرهف : يعطيك العافية ابي عطيني ايدك
الاب : واصلة ابي الله يرضى عليك
تطلع بالمى كانت لابسة عباية سودة وشال اسود ووشا عميضوي ضوي بقلبو ( ياعفو الله ولك هي ازا بتلبس خيشة بتطلع قمر )
مرهف : احم يالله ياجماعة سمو بسم الله
بعد ما خلصو غدا
مرهف : المى ما بدك تشربينا شاي
المى : من عيوني التنتين
( ريتن يسلمولي عيونك )
مرهف : ابي ما قلتلك شو صار معي اليوم بالفرع
الاب : خير ابي
مرهف : انت هلا عمتتفرج على سيادة الرائد مرهف
لمعو عيون ابوه وو شو ضحك عنجد عمتحكي ابي
مرهف : اي والله فز الاب على حيلو وحضن ابنو وهو مبسوط كتير ان شاء الله الف مبروك ياابني يا حبيبي بعد عنو بس كيف هيك نطيت لرتبة رائد دغري
مرهف : عود ابي عود لاحكيلك
إجت المى جابت الشاي وقعدت معن تتسمع على سير مرهف وانجازاتو وكلن عيونن معلقين عليه مبسوطين فيه كتير
المى : يا عيني معناها الاحتفال اليوم صار تنين
مرهف : انو احتفال
المى : اخواتك جايين اليوم يباركولي بالنجاح وهاي انت ترقيت يعني صارت الفرحة فرحتين
مرهف : بس اليوم جاي لعندي جاد
الام : مافي مشكلة امي جاد غلاوتو من غلاوتك اهلا وسهلا وبيحتفل معنا وبنحتفل فيه الو كمان
تزكر مرهف الهدية يلي وصى عليها لالمى استأزن من اهلو راح جابها واجا خباها بغرفتو للمسا
اجتمعو كلن المسا حتى جاد كان معن قعدو بارض ديار على كراسي حوالين البحرة وقدامن طاولات صغيرة عليها هالقاتو والفواكه والمكسرات والعصير اتطلع مرهف بالمى : ربي يسلم هالايدين شو هالترتيب والزوق كلو
المى : صحتين وعافية يا روحي
جاد انصدم من كلمة ياروحي
مرهف : حبي بس شوناقصا القعدة ياحزرك
المى : اممم اكيد نفس ارجيلة
مرهف : يقبرني الفهيم عرفتي ليش بحبك
المى بدلع : مو لأني مدللة قلبك
مرهف : ومشان هي كمان
المى : طيب تكة وبتكون عندك
مرهف : تسلمي لقلبي اي
المى : اي
ضل يطلع فيها لفاتت عالمطبخ وقلبو ولهان عالآخر
قرب جاد وصار يهمس بادنو مرهف شو هاد الحكي صاير شي بيناتكن
مرهف : لا ابدا
جاد : لكان شو هالغزل
مرهف : ههه هيك دايما بنتعامل مع بعض من لما كانت مفكرتني اخوها يعني عادي مافي شي جديد
جاد بقلبو ( والله معك حق تغرق فيها صاروخ أرض جو عقبالي يارب )
جاد : اها بس انت رح تشلق الدنيا كلا انو مو عادي
مرهف : خلين يشتلقو دخيلك مو سائل
جاد : منين جايب كل هالثقة
مرهف : نحنا الدولة ولااك
ضحكو التنين بصوت عالي
جوري : شو يا ضحكونا معكن
مرهف : لا بس عمقول الجو كتير حلو
جوري : امممم قلتلي أسرارك مابتخلص انت وياه
خجل جاد لك اختي تزكرنا شغلة وووبس
جابت المى الارجيلة وحطتا بين جاد ومرهف
تفضل أخ....... تطلعو ببعض
المى : اسفة
مرهف : بسيطة
جاد كتم ضحكتو
قربت ياسمين من المى وتطلعت بالكل ما صار وقت الهدايا .....حضنت اختا وباركتلا وعطتا علبة مكياج كبيرة على شكل وردة فيها كل شي بتحتاجو الصبية
جوري قدمتلا طقم اكسسوارات الماس ( طبعا تقليد ) طوق وحلق وخاتم وبلاك كلن نفس النقشة بس كان كتير حلو وخرج عروس تلبسو
ابوها وامها فاجأوها بعلبة كرتون كبيرة لما فتحتا طلع فيها غيار متكامل فستان وسكربينة وشال وشنتاية كلن الوانن متناسقة
مرهف فات على غرفتو طالع الهدية واجا
وقف قدام المى والعيون كلا عليهن
تفضلي.... اخدت المى العلبة الصغيرة من ايدو فتحتا وشهقت اه يااااااي شو حلو بجنن ياالله ونطت على مرهف وحضنتو.... مرهف فنجر عيونو وقف جامد بارضو ما تحرك وابوها ماكان حالو احسن ولك بنتي شوصرلك انتبهت المى ورجعت اسفة ابي بحكم العادة

اسفة مرهف بس هيك متعودة كل ماكنت تجبلي شي يفرحني كنت نط عليك واحضنك
خجلت كتير واحمر وشا ومرهف حس عليها إجت بدها تهرب على غرفتا مسكا مرهف من كوعها طولي بالك الموش لا تروحي عدي
المى : بس ابي ......
مرهف : شو قلت انا عدي معليش ابي قالتلك بحكم العادة هالمرة سماح مشاني
الاب : خلص بنتي عدي ما بدي انزعلك فرحتك بس تاني مرة ديري بالك على تصرفاتك الله يرضى عليكي
المى : امرك ابي
جوري مشان تلطف الجو لك هاتي لشوف ليش عجبتك اكتر شي عطتا المى العلبة تفرجت فيها شهقت يااااااي شو حلو معك حق لو كنت مكانك كنت حضنتو لمرهف
ضحكو الكل
مرهف كان عامل لالمى عند الصايغ سنسال من الدهب بيحمل اسمها بالانجليزي وبين نخلتين
🌴 ALMAH🌴
بس كان كتير حلو وكان مشغول بزاوية السنسال كلمة عشقي للاسف المى من الفرحة ماانتبهت بس جاية الايام ورح تنتبه لكل العشق يلي قدامها

قضو السهرة ضحك ومزح وزكريات رجعتن لوقت كانو صغار كتير لما كانو ياسمين ومرهف يقضوها جكر ومقالب ببعضن ويضحكو على هالمواقف وتزكرو كيف كان مرهف يفضل المى على كل شي وايدن جاد لما تزكر كيف كان يتركو كل مرة ويروح يلعب مع المى وكيف كان بحبا اكتر وحدة ومايحب حدا يزعلا وغير الدلال وكل شوي تنط المى وتقلن على موقف بينها وبين مرهف وهي فرحانة كتير وعيونو ماانشالو عنها على اساس عميتسمع بس قلبو كان عميغزل قصائد عشق وحب وغرام
طوال ماهن عميحكو مرهف قلبو عميدق وعيونو عميلمعو جاد كان مراقبو وعميبتسم وامو كان قلبا عندو لانو ماحدا حاسس فيه قدها
عالساعة وحدة بالليل جهاد وممدوح وقفو يلا ياجماعة اسمحولنا
خليكن ابني بكير
ضحك جهاد والله يامرت عمي لا يمل بس صارت الساعة وحدة و بتعرفي بكرة دوام
قامو البنات جهزو حالن وجهزو ولادن وقف جاد هو التاني قلو مرهف خليك
جاد : كفاها الله ....خالة الله يسلم ايديكي على السهرة الحلوة انبسطنا وتسلينا كتير والله
الام : حبيبي تقبر قلبي هاد البيت بيتك وانا امك ايمتا ماحبيت تعال لعنا
جاد : تسلمي لقلبي واحلى ام بالدنيا والله
الكل تصبحو على خير ياجماعة وراحو كل واحد على بيتو
إجت ام مرهف بدا تساعد المى .... لا والله امي مابتمدي ايدك على شي روحي انت نامي وارتاحي وانا بضب .... حاولت تساعدا بس المى ماخلتا قالتلا طيب امي تصبحي على خير
راحو الاب والام ينامو طلع مرهف من غرفتو لقى المى لحالها
مرهف : وينن ابي وامي
المى : راحو ينامو
كان في كتير صحون وكاسات وكركبة كتير
قرب منها لكان رح ساعدك..... صار يلم معها الغراض هيك لحتى خلصو قعدت المى فوق عالكنباية الكبيرة يلي قدام غرفتا فوق عالمصطبة وركت ضهرا وحطت ايدا بحضنا واخدت نفس
إجا مرهف قعد حدا وهي راكية حالا تعبانة فتلت وشا لعندو ابتسمت : انبسطت كتير اليوم
وهو نفس قعدتا فتل وشو لعندا وانا كمان كانت سهرة خيالية اشتقت كتير لجمعاتنا
المى : يلا من اليوم و رايح بترجع تقعد معنا لانو نحنا مابطلنا هالقعدات الحلوة بس كان ناقصها انت
هي عمتحكي وهو صافن بعيونها وتايه بجمال وشا
حست المى بشي غريب نظراتو الها مو طبيعية عيونو ما عمينزلو عنها حتى طول السهرة كل ماكانت تتفرج عليه تلاقي نفس النظرات جلست حالا وفتلت بكل جسما لعندو رفعت رجل عالكنباية وضلت التانية عالارض : مرهف
مرهف : اه اي قولي
المى : شبك عمتشكي من شي قلي صارحني
ضل صافن بعيونا اي عماشكي
المى : خير شو عميجعك
مرهف : قلبي
المى : سلامة قلبك طيب روح عالدكتور واعمل تخطيط
مرهف : رحت قلي دواك مو عندي
المى : كيف هيك لكان وين
كان عميتنقل بعيونو بين عيونا وشفايفا ودقات قلبو عميزيدو
مرهف : قلي دواك تاكل قشطة وعسل
المى : اي بسيطة ازا هيك بكرة بنجبلك من السوق والك عليي ماعاد ينقطعو ابدا من البيت
مرهف : مافي منن بالسوق هدول بيجو تواصي خصوصي على اسم المريض وممنوع حدا ياكل منن غير هو
المى : هاي اول مرة بسمع بهيك شي
مرهف : قلك شي أغرب من هيك
المى : هات لنشوف
وهو دايب عالاخير وصارت حرارتو نار وولهان فيها : في عنا منن بالبيت بس
المى : بس شو قلي وينن لحتى قوم جبلك ياهن
جلس حالو وفتل بكل جسمو لعندا وركى ايدو على طرف الكنباية وقرب منها اكتر رفع ايدو التانية مرق اصابعو على خدا رجع حط ابهامو على شفايفا وتحسسن عض على شفايفو وعيونو عميلتهمو شفايفا رجع اطلع بعيونا انت الدوا لقلبي
المى انتفض كل جسما كأنو كهربا مشيت فيه من اصبع رجلا لحد شعر راسا نزلت ايدو بهدوء وهي مستغربة وعمتتفرج بعيونو وبصوت يادوب طالع : مرهف شبك
اششششششش ماخلاهاتكمل حط ايدو ورا رقبتا وقرب وشا ميل وشو وانقض على شفايفا ببوسة متل النار كان عميلتهمن وهي عمتحاول تبعدو عنها حاولت كتير بس كان مثبتا بين ايديه بقوة حاوطا بايدو التانية وشدا لعندو وميلا على ايدو وهو بعدو عميلتهم شفايفا بهديك اللحظة غاب عنو العقل غاب عنو الضمير صبرو خانو نسي دينو ماكان في الا قلبو يلي بينبض باسم المى وحب المى وعشق المى كان كل همو بوقتا يطفي النار والبراكين يلي

شعلتا المى بجمالا وصوتا وعفويتا وبراءة الاطفال يلي ساكنة بعيونا فجأة المى ارتخت بين ايديه ماعاد فيها طاقة للمقاومة بعدما حاولت كتير استسلمت نزلو دموعها شلال على خدا كان مرهف بعدو عميلتهم شفايفا لما حس عليها بعد وشو عن وشا ولساتو محاوطا بين ايديه تفرج فيها حضن وشا بأيد والايد التانية منيمها عليها مسحلا دموعا بابهامو رجع تلمس شفايفا وبصوت أقرب للهمس بحبك المى بموت فيكي انت عشقي
تفرجت فيه المى وهي منهارة وعمتبكي قامت من بين ايديه بكل هدوء وقفت ومشيت على غرفتا فاتت وسكرت الباب وراها بالمفتاح



يـــتـــبـــع🌷🩷ٴ.

الجزء الثالث عشر :

*▭▭▭▭▭▭▭▭▭▭▭▭▭*
*(لا تلهيكم القراءة عن الصلاة يالغوالي) اللهم بلغت اللهم فاشهد*
*▭▭▭▭▭▭▭▭▭▭▭▭▭*

فاتت المى على غرفتا وقفلت الباب وراها بالمفتاح قعدت على طرف التخت مستسلمة تماما تسطحت على تختا بكل هدوء وبعدا سمحت لمشاعرا تتدفق حضنت المخدة بين ايديها شدت عليها وصارت تبكي وتشهق من قلبا وهي مصدومة صدمة كبيرة ومو قادرة تستوعب يلي صار
مرهف كان بعدو قاعد عالكنباية راكي ايدو على ركبتو موطي راسو صافن بالارض سامع صوت بكاها بوقتا لعن حالو لعن رغبتو فيها لعن شهوتو دموعو كانو ينقطو من عيونو عالارض ندمان ومحتار ومشوش( ولك انا شو عملت ولك الله ياخدك يامرهف ولك انت واحد حقير وخاين لك ليش ياربي ليش يارب سامحني دخيلك ولك انا شو عملت بالبنت لك ليش مااستنيت كمان شوي ماكان بقيان شي لحتى تكون الي من بعد هالموقف مستحيل بقى تفكر فيني مستحيل رفع راسو للسما ولك ااااااااه يارب ساعدني )
مرهف بصوت واطي : المى افتحي الله يوفقك
المى انا اسف بترجاكي سامحيني
وهي لساتا عمتبكي : مشان الله حاج تبكي سامحيني والله غصبن عني
طيب ازا ما بدك تفتحيلي حاكيني من الشباك كرمال الله
المى ..... ازا ماحكيتك مارح اقدر نام اسمعيني الله يخليكي
بعد محاولات كتير
فجأة انفتح الباب
فرح مرهف وتاملا قعدت عالكنباية قعد جنبا اشرتلو يبعدشوي وبالفعل بعد
بعيون مجمرين وصوت مخنوق وعمتفرك بايديها سألتو بدون ماتتفرج فيه : من ايمتا هالمشاعر ....يعني انا بعرف انو كان بدن زمان يزوجونا بس مشان الحلال والحرام بس ماكنت اعرف انو انت ......
مرهف : المى انا ...... انا بحبك من اول يوم خلقتي فيه كان عمري ٦ سنين مستحيل انسى اي تفصيل بخصك جابوكي عطوكي لابي قلتلو ابي خليني شيلا قعدني وحملني ياكي تفرجت فيكي قديشك صغيرة وناعمة وريحتك بدوب القلب قلتلو لابي المى قلي نعم قلتلو ابي هاي البنت اسمها المى قلي ابي لحتى نسأل امك وناخد رايها قلتلو ليش امي شودخلا ابي هاي الي انا الي انا وبس حتى انت مافي تحملا وهو عميحكي وصافن بالفراغ ابتسم..... الله وكيلك تنحت يوما تتنيحة الله مولاها كان ابي على شوي بدو يضربني غصب غصب اخدوكي من بين ايدي ضليت حاضنك وصافن فيكي اكتر من ساعة كاملة من هديك اللحظة وانت ساكنة بقلبي سكون تربينا سوا كبرتي قدام عيوني من قبل ما اعرف الحقيقة كنت بقلبي غير كانت مكانتك مميزة غير اخواتك كنت اعشق تفاصيلك كل كلمة كل حركة كنت تدوبي بقلبي متل السكرة وبعد ما عرفت الحقيقة انو مواخوكي ما تغير شي من ناحيتك كان عمرك بوقتا ٨سنين بس من لما صرتي صف سابع وانت معالم الانوثة بلشت تبين عليكي كنت لاحظن اول بأول واعمل حالي مو شايف لحدما خلصتي تاسع واجتك لأول مرة
المى انصدمت : كمان هي بتعرفا
مرهف : باليوم والتاريخ الله وكيلك بوقتا كنت مفكر انو خلص هاي هي المى الانثى اكتملت بس طلعت غلطان كانت هي البداية وقتا سافرت انا على لبنان وتركتك ٣ سنين بتعرفي كنت اترجاها لامي تصورك وتبعتلي صورك وهي كانت ترفض كنت بدي شوف بنت قلبي وهي عمتكبر ماكان بدي تغيبي عن عيني ولا لحظة ولما رجعت كان البيت فاضي فتت على غرفتي تفاجأت بالقنبلة الموقوتة يلي كانت نايمة عليه ( المى فتحت عيونا على وسعن عضت على شفايفا وحطت ايدا على تما من الخجل )
مرهف انتبهلا ابتسم ماتخجلي لانو مو هاي المرة الوحيدة يلي شفتك فيها بس كانت اول مرة بشوفك بعد ٣ سنين وردة جورية مفتحة انوثة طاغية جمال بيفتن اكبر رجال اي المى انت فتنة
مابعرف المى بحس انك ملكي شي بخصني متل الطفل الصغير لما يتعلق بلعبة وممنوع حدا يقرب عليها شد على قبضة ايدو
فتل لعند المى ومسكها من كتافها وفتلها لعندو اسمعيني منيح المى ازا حدا بفكر فيكي مجرد تفكير رح احرقو حرق انت الي انا بحبك وبدي ياكي وازا ماكنت الي سدقيني بقتلك ومابخليكي لحدا غيري

المى كانت تطلع بعيونو خايفة منو كتير هاي اول مرة بتشوف هاد الوجه من مرهف وتلبكت وماعرفت شوبدا تقول : بس الشي يلي عملتو من شوي حرام وغلط
تنهد ورخى ايديه عنها انا هربت منك ٣ سنين مشان مااضعف ولك رجال بشوارب كانو مخربين الدني وعاملين فيها قطاع طرق ماضعفت قدامن ربيتن وحولتن لقطط أليفة صارو يرجفو بس يسمعو بإسمي
بس انت ..... انت نقطة ضعفي اي انا غلطت وبعترف بس والله انا ماعمبقدر المى انا قدام الناس كلا اسد بس قدامك قطة
المى ماقدرت تمسك ضحكتا هههههه اسفة مرهف اسفة
مرهف : عم تضحكي عليي ما
المى : يعني مرهف هالطول وهالعرض وبتقلي قطة
مرهف : طيب شو اعمل انا مرضان فيكي انت دوايي بترجاكي المى ماتصعبي االامور اكتر من هيك
المى بكل حنية : طول عمري بموت فيك بحبك فوق الحب حب بس

مرهف : متل اخوكي ما
المى : اي
مرهف : يلعن اخوكي منيح هيك
ههههههههههه فرطت المى ضحك مابسمحلك تحكي عليه
مرهف : يعني حتى بعد هالبوسة بعدك تشوفيني اخوكي
هون المى تكركبت احمرت وخجلت كتير اطلعت فيه : بس عيب على فكرة
مرهف : معك حق ......سكت شوي بس طيبة كتير وربي عسل
قامت من كتر خجلا مسكا من ايدا : خليكي
المى : طيب اسكوت
مرهف : طيب ريحيني
المى اطلعت بعيونو : طيب كيف
وهو دايب بعيونا تنهد وقال سلميني حالك
المى بانفعال كبير : شووو
صار يتلفت حواليه : هصص الله لايوفقك وطي صوتك والله مو هيك قصدي يعني اللي قصدتو سكت شوي نزل على ركبتو قبالها وقلا: حبيبي...... روحي ..... .....قلبي .... ... حياتي ........تتزوجيني
المى ترددت : بس انا بدي مرهف الاخ
مرهف : انت وافقي وبوعدك كون الك الاخ والاب والحبيب والسند رح عبي كل الأماكن الفاضية منيح هيك
المى : يعني رح تتحملني ازا ما قدرت كون معك .....
مرهف : انت رح تتحمليني ازا اغتصبتك
المى : استحي ولا
مرهف : ماهو ماعندك خيار تالت انت يااما الي يااما الي
المى : بس هاد مو عدل
مرهف ابتسم : يعني بدك اكزب عليكي انا مجرد ما يقول الشيخ اعلنكما زوجا وزوجة رح اترك الكل اشحطك من ايدك رأسا على غرفة النوم بكيفك غصبن عنك رح آخدك تمام يعني ما تفكري تدللي عليي ماشي لانو البركان يلي قدامك وصل لذروتو ورح ينفجر اكتر من هيك ماعاد في مجال
المى : طيب ازا عليك ماتدللت على مين بدي ادلل
مرهف : لا حبيبتي دللتك كتير وصار هلا دورك بدي منك كل شي كل شي وصار يتأمل جسمها بشهوة ويعض على شفافو
صار وش المى متل البندورة قامت ركض وفاتت على غرفتا بس كانت كل مشاعرا مخربطة فرح على خوف على حماس
مرهف هديك الليلة ما عرف ينام من الفرحة ضل يتقلب بفرشتو الصبح
تاني يوم الصبح
مع انو المى ماكان عندا طلعة من البيت الا انو قامت لبست وترتبت وتعطرت ولبست حجابها بطريقة حلوة وفاتت تفيق مرهف لقتو نايم على ضهرو وفاتح ايديه التنتين وبدون كنزة( هو تقصد ينام هيك بيعرف انو المى بتفوت تفيقو الصبح ) و رايح بنوم عميق قبل ماتقرب تفيقو ضلت عمتتامل عضلات جسمو وملامحو الرجولية وقلبا عميشعل نار يظهر البوسة اثرت فيها وبلشت تغير تفكير المى
هزت راسا لتنفض الأفكار منو
المى : مرهف
مرهف : اممممم
المى : مرهف قوم يلا
مرهف : شو ووو
المى : مرهف يلا رح تتأخر على دوامك
مرهف : امممممم كمان شوي
قربت لعند دانو وهمست : حبيبي
فورا فتح عيونو جوارحو كلن فتحو قعد فجأة .....بسم الله عليك شبك
مرهف : شو قلتي
المى : قلتلك قوم مشان االدوام
مرهف : وبعدين
المى : بس
مرهف : المى احكي خلصيني والله رنت باداني رن
المى : بعدين بقلك وطلعت من الغرفة وهي عمتتغنج
مرهف بكل صوتو : ايييه امشي على رمشي وهدي على خدي يقبرني الله ايه
غسل ولبس وطلع لقى المى عاملة قهوة و ناطرتو بارض الديار
مرهف : يقبرني صباحك مااحلاه
المى وقصدا تجاكرو : وصباحك اخي
مرهف عصب : الله لا يوفقك ولك انت بدك تجننيني
المى بكل برود : شبك ليه عصبت موانت هيك وعدتني تتحملني
نفخ وقف على حيلو ماعاد بدي بطيخ اشربيا لحالك
وقفت قبالو المى ومسكتو من ايديه خلص روق
مرهف : ما بدي روق
كرمالي....... حبيبي
شو
حكتا بدلع : حبيبي
تنهد وقرب لعندا بشهوة وهي رجعت شبك مو قلنا بالحلال
عصب وقال : اليوم رح جيب الشيخ ونكتب الكتاب وندخل
المى : ههههه والله انت ماعاد استحيت
مرهف : المى مشان الله هاي حركات الدلع وتتمايلي وتتغنجي قدامي بلاها يعني بس لبينما تصيري مرتي
رجعت حكت بغنج ليش ياقلبي
مرهف : لا والله انت ناوية تجيبي آخرتي وتركاومشي
المى : مرهف
مشيت لعندو شبكت ايديها ورا ضهرا قربت منو كتير اطلعت بعيونو عضت على شفايفا وقالت بحبك
مرهف داخ من حركاتا حط ايدو حولين خصرا وشدا لعندو بقوة لحتى لزقها فيه وحكالا بصوت كلو خدران ببوس ايدك حلي عني بس لنكتب كتابنا قرب لعند ادانها ونفسو مسموع لالها لاتختبريني انا مافيني قاومك بنوب
المى بين ايديه كان حالها اصعب من حالو تأثرت كتير بحضنو لدرجة ماعاد قدرت توقف على رجليها
بصوت خدران : مرهف روح بترجاك
تركها مرهف وراح بس قلبو ضل معلق بجسمها ونفسها وريحتا

بالفرع
دخل جاد لعند مرهف لقاه صافن بعالم تاني كلو حب وعشق حاطط اغنية
شو حلو حبيبي شو حلو 🎉🎶🎵
هالقمر شوفو مااجملو 🎉🎼🎼🎵📢🔊
بس انا عبالي دللو 🎉🎼🎵🎼🎶
وحياتي ماحدا بقى يزعلو 🎉🎼🎼📢
جاد : شو هالرواااق كلو من عند الصبح
اطلع فيه بطرف عينو وهو مرتكي عالكرسي وحاطط رجل على رجل : اهلين حبيبي جاد كيفك يسعدلي صباحك
جاد : لاااااااا هيك كتير في شي صاير معك غير الغزل تبع مبارح ؟؟

مرهف : هههههه قدامك ما صار شي يا حبيبي
فنجر عيونو : شو ليش صار شي بعد مارحنا
وهو عميبتسم : هو هو صار اشياء
تحمس جاد : هات احكيلي
مرهف : ااااااه مااحلى الحب انا لازم اليوم اتزوج
جاد : هههههه يخرب بيتك لك قلي فتحت الموضوع مع المى ؟؟
مرهف: اي
جاد : وافقت؟؟
مرهف : اي
جاد : وشو كمان ؟؟
مرهف : مادخلك
جاد : والله وبكسر الهاء انت عامل عملة سودة اعترف ولا
مرهف : ولا شي
دقق فيه جاد منيح : انت مقرب عالبنت وازا كان لا رح قص ايدي
مرهف : مافي داعي تقصا
جادضحك بكل صوتو : ههههااااااي الله لا يوفقك شو عامل دير بالك ياحمار امسك حالك ولاتتهور راح الكتير وما ضل غير القليل
مرهف : لاتخاف
جاد : قوم يلا
مرهف : لوين
جاد : اللواء طالبنا بس خايف تحضنو وتبوسو
مرهف : ليش
جاد : لانو العشق والغرام مشتغلين فيك منيح عيونك عميطالعو قلوب يا حبيبي ههههههاااااااي
مرهف : يخرب بيتك وطي صوتك حاسك مبسوط اكتر مني
جاد : انا اكتر واحد مبسوط لأني رح اخلص من نقك الحمد لله ياربي دخيلك


يـــتـــبـــع🌷🩷ٴ.

الجزء الرابع عشر :

*▭▭▭▭▭▭▭▭▭▭▭▭▭*
*(لا تلهيكم القراءة عن الصلاة يالغوالي) اللهم بلغت اللهم فاشهد*
*▭▭▭▭▭▭▭▭▭▭▭▭▭*

رجع مرهف من الدوام فتح الباب قال يااللاااه وفات
امي وينكن
طلعت امو من المضافة ووشا مابيتفسر وخايفة كتير
مرهف حس عليها قلا امي خير حبيبتي شبك في شي
بصوت واطي مليان خوف الام : الله يسامحك ياابني انت شو عامل
مرهف بخوف : شوفي امي
الام : ولك انا قلتلك عبرلا عن حبك كان قصدي بالحكي ونظرة العيون وأشياء مابتمس شرفا ولك انت شو عملت وصارت تضرب على راسا
فجأة طلع ابوه من الغرفة شاف مرهف قدامو. : شرفت حضرتك الحقني لجوا
مرهف نشف الدم بعروقو وسيطر عليه الخوف من ابوه
استجمع قوتو ودخل وراه عالغرفة
إجت امو بدها تلحقو بس ابوه اطلع عليها نظرة حادة سكر الباب بوشا وقفلو
الام عمتبكي : ابو مرهف طول بالك مشان الله
الاب : روحي من هون واتركينا لحالنا
مرهف كان واقف بنص الغرفة متلبك ومتوتر وقلبو عميضرب بصدرو ضرب : خ خ خير ابي شوفي
قرب منو ابوه وعيونو عمتقدح شرار : انت شو عامل
مرهف : ما ما ماعملت شي
ماحس غير وهداك الكف نازل على وشو
بلع ريقو ابي انا شو عامل
الاب بحسرة : حضنتك وعمرك يوم ربيتك وكبرتك وعلمتك ساويت منك رجال بتهابو كل الدني بحياتي ما قصرت معك لا بمشاعري ولا بتعبي قلبي من جوا ضمك حبيتك اكتر من بناتي يلي خلفتن من صلبي وامنتك عليهن وثقت فيك قلت هاد تربايتي مابخون مابيغدر بس انت عضيت الايد يلي انمدتلك ياكلب ورفع ايدو وضربو كف تاني
كانو دموعو ملات خدو والندم اكلو اكل : ابي .....
اخرااااس ما تقول ابي انا مابشرفني يكون عندي ولد متلك انقلع من بيتي ولا انقلع الله يلعنك
هون اسودت الدنيا بوش مرهف انهارت اعصابو فرط حمل حالو وجرجر خيبتو وراه كان قلبو محروق حرق فتح الباب لقى امو منهارة بالارض دموعها معبيين وشا
الام : لا تروح
مرهف : سامحيني ببوس ايدك .....بوس ايد امو وطلع من البيت مكسور رجع تزكر المى لك وين المى ماشفتا معقول دبحها امي افتحي وين المى صار يخبط على باب البيت بكل قوتو امي المى مشان الله امي المى بدي المى امي بدي المى
الام : مرهف مرهف ابني حبيبي لك اصحى امي قوم مرهف قوم ياامي انت عمتحلم
فز مرهف على حيلو مرعوب وخايف قعد وصار يتلفت حواليه عميتنفس بسرعة والعرق عميزخ منو زخ : شوفي امي شوفي شو صاير
الام : روق امي روق سمي بسم الله هاد كابوس ما تخاف رح جبلك كاسة مي .. كانت المى واقفة عالباب عمتتفرج عليه بخوف اطلع فيها مرهف : انت منيحة
انا منيحة انت منيح
اخد نفس عميق : اي اي انا منيح ما تخافي
رجعت امو خود حبيبي اشرب بسم الله حواليك
المى ابتسمت بخجل وراحت على غرفتا
انتبهلا مرهف استغرب : شبها هي
الام : هههههه امي لأنك فضحتنا
مرهف : كيف يعني مافهمت
الام : اجينا انا وياها نركض على صوتك كنت عمتصرخ بمنامك... وصارت امو تقلدو بصوت تخين امي بدي المى امي مشان الله بدي المى امي بدي المى هههههههه
وكنت عمتخبط بايديك ورجليك منظرك كان بموت ضحك ههههههه
خجل مرهف وابتسم : اه هلا انا هيك حكيت
الام : اي امي انت وغصب لصحيت معي شبك امي والله ماحدا رح ياخد المى منك
مرهف ركى ضهرو عالتخت مبتسم و بشوفة حال : اه لا عادي يعني امي
اطلعت فيه امو بعدم تسديق : امممم قلتلي نسيت خبرك انو المى انطلبت لابن جارنا بتعرفو منيح الدكتور حسام تخرج
وقال امو بدها تزوجو وتفرح فيه واجت طلبتلو المى
جلس حالو وبعصبية: بالله شو
الام : والمى موافقة على فكرة
فتح عيونو منيح : عنجد عمتحكي امي
الام : والله جد
قام مرهف معصب كيف يعني امي كيف انت عمتحلفي امي بس انا مستحيل سدق وطلع ركض وصرخ المى تعي لهون
طلعت المى من غرفتا خير خير شوفي
قال انت موافقة عالدكتور
اطلعت عليها امها وغمزتلا قالت اي موافقة
مرهف : ولك شو انت غبية ولا حمارة شو عمتخبصي والله لاطلعلك بروحو والله
فات يلبس كنزتو المى قالت لاما امي مشان الله هاد مجنون بيعملا
الام : هههههه ما تخافي بس عمجاكرو شوي
طلع متل التور الهايج مسكتو اموخلص ابني اهدى روق
مرهف : صرخ مارح روق اتركيني
الام : طيب قلي شو رح تعمل
مرهف : رح خلص عليه وعلى اهلو
الام : هههههه طيب خلص اهدى مشان قلك الحقيقة
مرهف : اي حقيقة ؟
الام : صح اجووخطبوها قبل ماترجع من سفرك بكم يوم والمى كان عاجبها الشب الصراحة يعني .... اطلع بالمى وهو مكشر : وضريب ابتسمت ونزلت راسا بالارض
كملت الام : إجت اليوم لعندي ام حسام تاخد الجواب وانا كنت مفكرة انو المى موافقة بس تفاجأت لما قالت انو ما بدي ياه الصراحة مابعرف ليش غيرت رأيها مع انو الجماعة طاير عقلن فيها وحابينها كتير

اطلع بامو نظرة سخرية : امممم ما بتعرفي ليش ما
امو عمتتبسم : لا انت بتعرف شي ؟
مرهف : لا مابعرف متلي متلك انا غشيم امي
مرهف اطلع بالمى : انت حسابك معي عسير
الام : هههههه ما دخلا انا حبيت جاكرك شوي ولا مابيطلعلي
مرهف : ولو حماتي المصون انت بتموني عالرقبة
الام : ههههه وشو هي حماتي المصون ولا
مرهف : يعني شايفك بلشتي فصول الحموات من هلا
الكل: هههههه
اجا الاب وتغدو وبعد الغدا قعدو بارض الديار يشربو شاي بوقتا مرهف كان يطلع على ابوه و بعدو عميفكر بالحلم يلي شافو كان ضميرو عميوجعو
مرهف : احم ابي
الاب : اي يابي
مرهف : في موضوع بدي احكي معك
الاب : تفضل ابي سامعك
مرهف : ابي انا .... انا بدي المى تصير مرتي على سنة الله ورسولو
الاب : تفاجأ ابوه عنجد عمتحكي ابي
مرهف : اي ابي ليش .....عندك مانع
مرهف : اه لا مو هيك القصد بس لما فتحنا الموضوع من ٣ سنين يعني فكرت بس مشان امك انو ماكانت قادرة تفارقك
مرهف : ابي انت وامي على عيني وراسي بس انا بحب المى وبدي ياها وما بدي غيرا ابي
الاب : بس انا خطبتلك بنت رفيقي والجماعة طاير عقلن فيك
عصب مرهف بس ضل صوتو واطي احتراما لابوه : شو مين هي ابي الله يخليك ليش هيك عملت مين قلك تخطبلي انت الله يسامحك انا ما بدي ياها مين ماكانت تكون
الاب : بدك تكسر كلمتي
مرهف : ماعاش ابي بس
الاب : بس شو يا ولد
مرهف : ابي مشان الله انا بعتزر من الزلمة والله انت ما بتكون غير رضيان
الاب : لك ابي ازا مشان البيت انت رح تبقى معنا هون رح زوجك عندي
مرهف : يلعن ابو البيوت لك ابي مين قلك انو انا بدي اتزوج المى مشان البيت اصلا ابي انا هلا معي حق بيت يعني مو بحاجة بيوت وصار يحوص ويفرك جبينو وتوتر وصار ينفخ وطلع الدم لراسو
الاب باصرار شديد : ابني البنت عمرا ٢٠ سنة وحلوة وعمتدرس طب سنة تانية وابوها مليان ووحيدة يعني رح تورت كل شي
مرهف مستغرب : بس ابي انت من ايمتا بتهمك المصاري
الاب : انا بدي مصلحتك بعدين المى كتب كتابها الجمعة على الدكتور حسام انا شفت ابوه من شوي وقلتلو انو موافقين وانت يارزان حسابك بعدين ليش طالعتي مرتو من هون مكسورة الخاطر
مرهف وقف و صار يبرم حولين حالو و خلص خالص الجلطة صارت فوق بمخو
الام : بس المى مو موافقة
الاب : شو من ايمتا بناخد رأي البنات يلي رح يصير هو اللي قلتو وخلص
مرهف : ابي شوصايرلك ابي ليه ماعمتفهم علينا
الاب : خلصنا يلي عندي قلتو سكرو السيرة
قعد قبال ابوه وعلى شوي رح ينجلط وحاول لابعد الحدود يكون هادي رغم البراكين والاعاصير والزلازل يلي صايرة جواتو : ابي ازا مو حابب تدفن بنتك و ابنك هاد الاسبوع بتنسى كل الكلام يلي حضرتك قلتو وبتتزكر بس انو المى حبيبتي ورح تصير خطيبتي ومرتي
الاب : عمتهددني
مسك ايد ابوه وباسها بقوة ودمعت عيونو وحكى بكل هدوء ماعاش يابي بس المى خط أحمر أقسم بالله العظيم ازا ما كانت الي ماحتكون لغيري بنفس اليوم رح ارتكب جريمتين اول وحدة قتل والتانية انتحار
وقف بدو يطلع برات البيت
الاب : انت قدو هاد الحكي
قرب لعند ابوه وعيونو جمر طلع بعيوني منيح ابي وانت بتعرف
الاب بكل رواق وهدوء : خلص ابني الله يرضى عليك انا حكيت كلمتي انت رح تتزوج المى
مرهف بعصبية : ابي مشااااان ..... سكت شوي رجع حكى شو قلت ابي
الاب : ههه قلت هالمنحوسة لهالمنحوس
الام المى مرهف القراء وكل الكرة الأرضية تنفست الصعداء من اول وجديد
الاب : ههههههه شبكن ياجماعة ليش هيك لونكن مخطوف اضحكو عمامزح معكن
المى وامها مجلوطين
مرهف نام على الأرض حط ايدو على صدرو وصار يئن ويتوجع لا اااه الحقني ابي
الاب ارتعب على ابنو قعد جنبو عالارض حط ايدو تحت راسو شبك ابني قوم مشان الله ولك جيبو مي بسرعة ابي والله عمامزح معك وصار يضربو على وشو
مشان الله ولك شبكن واقفين جيبو مي .....اطلع فيهن لقاهن عميضحكو تفرج بمرهف لقاه مغمض عين ومفتح التانية
الاب : الله لا يوفقكن نشفتولي دمي الله ياخدكن اي ونتر راس مرهف من ايدو قوم انقلع ولا تضرب بهالماركة
جلس مرهف : هههههه لكان ياعمي ابو مرهف بحقلو يلي مابحق لغيرو ما شفت حالك شو عملت فينا أقسم بالله طلع الدم لراسي حسيت انو خلص رح انشل منك
الام : ههههههههههه والله انا سدقت يعني ماغمزني أو لمحلي انو مزح ولي عليك يا كريم والله قلبي كان حيوقف
مرهف : ابي بتعرف لو انك تحت ايدي بالقسم كان عرفت اتصرف معك
الاب : شو بدك تساوي ولا
مرهف : كنت بساويلك شاي
اضحكو الكل ماعدا المى تفرجو عليها لقوها عمتبكي
الاب : طولي بالك ابي انا اسف والله ما قصدي زعلك بس كنت بدي شوف غلاوتك عند هالحيط معقول ارميكي هيك حيلا

كانت عمتبكي بشكل مو طبيعي
قرب منها مرهف قعد قبالها: خلص حبيبي روقي انت شفتي كانت الشغلة مزحة من ابوكي
المى : بس انت كنت عمتحكي جد
مرهف : كيف يعني
المى : يعني انا شفت بعيونك انو بدك تقتلني عنجد
اطلع بابوه نظرة عتب رجع اخد نفس: المى انا لو بصحلي افتح صدري و خبيكي جواتو مابقصر شايفة هالقلب بحياتو ما دق ولا رح يدق الا الك ياضي عيوني ليكي انا بغار عليكي اي اي بغار كتير يعني من كل شي حتى من ابوكي وامك بس والله ياالمى وهاي قدام امك وابوكي بوعدك ما تكوني غير مدللة قلبو لمرهف متل ماكنتي من اول يوم خلقتي فيه
ابتسمت المى لانو بتعرف حالا مدللتو : لو سمحت لابقى تجيب سيرة القتل على لسانك لما تحكي هيك بحسك متوحش
مرهف : شوعليه بنصير الجميلة والوحش

يوم الجمعة وبعد الصلاة ابو مرهف عزم رجال الحارة والشيخ لعندو عالبيت اعترف قدامن بحقيقة مرهف وبنفس الوقت كتب كتابو على المى

عند المى
كمان ام مرهف عزمت نسوان الحارة بنفس اليوم بعد المغرب على حفلة الخطبة
لبست المى فستان سومو لابق كتير على بشرتا البيضة الناعمة من فوق من جهة اليمين بدون كم ابدا قطع و التانية ٣ أرباع الكم وضيق من عند الصدر والخصر ومن تحت كلوش واصل لعند الركبة واخواتا عملولها شعراتا مفرودين على ضهرا ومن فوق تسريحة ناعمة زينوها على جنب بمشبك الماس على شكل وردة لون سومو من لون الفستان ومكياج هادي وناعم لابقلا كتير وبرجلا لبست سكربينة سومو وتزينت بالطقم الالماس يلي جابتلا ياه اختا هدية طلعت اميرة متل تبعات القصص
كانو النسوان مجتمعين بارض الديار كانت الكراسي بشكل دائري وبالنص كانو يرقصو الصبايا ويلي عمتلقلق بقصة مرهف والصبايا الغيرانين من المى ويلي مبسوطة من قلبا وعمتغني وترقص والمى كانت فوق بالصدر قاعدة على كنباية مجوزة إجت امها قالت تسترو ياحريم اجا العريس
نزلت المى وقفت بالنص فات مرهف لابس بنطلون اسود وقميص ابيض بس شادد عليه مبين صدرو العريض وعضلات جسمو وقوامو اللي بدوخ واول ما اجت عينو عليها بحلق فيها وماعاد قدر يشيل عينو عنها قرب منها لصار قدامها مدت ايدا سلمت عليه رفعها وباسا والصبايا طار عقلن (بعدن ماشافو شي 😂😂😂)
رجع نزل ايدا وحضن وشا بايديه التنتين تلاقت عيونن قلا بحبك وباسا من جبينا هون الصبايا غميو عنجد حطولن غنية وصارت المى تتمايل قدامو وكل شوي تطلع بعيونو بجرأة رفع ايديه وتجاوب معها وعيونو عمياكلوها اكل وقلبو دايب دوب رجعت فتلت حالا عطتو ضهرا قرب ولزق فيها وهو عميميل عليها همس بادنا ولك ترقصي على قبري اي رجعت دارت لعندو وقربت منو وهي عمترقص همست بادنو بعيد الشر عن قلبك ياقلبي عض على شفايفو وقلبو شعل نار
خلصت الاغنية مسك ايدها متل الاميرات قعدو عالكنباية
قرب منها ركى ايدو عالمخدة بيناتن شو عاملة بحالك يا بنت والله حرام عليكي
المى : ليش شوعاملة ؟؟
طالعة بتجنني اسرتي قلبي بجمالك
انا عادية كتير بس عيونك الحلوين
تنهد وقال :اييييه صبرك يارب
ابتسمت المى ووشا مليان فرح
اجا وقت تلبيس المحابس مسكت ايدو لبستو الخاتم رجع مسك ايديها الناعمين ولبسها المحبس ورفعها لعندو وباسا قرب لعند ادانها ازا بلمحك شالحتيه من ايدك يا ويلك من هاللحظة انت صرتي ملكي
خلصت الحفلة وروحو النسوان بقيو المى واما واخواتا
قربو سلمو عليهن وباركولن
مرهف : ولي ياسمين تعي لهون ليه ماحطيتي اغنية هادية نرقص عليها
ياسمين : اخي كنت بدي حطلكن اغنية بس المى قالتلي بلاها
اطلع فيها مرهف تلبكت كانت عمتحاول تسكت اختا بس للاسف ما قدرت
مرهف : بسيطة ياالمى انا بفرجيكي
اطلعت فيه وهي عمتتبسم
فاتت المى ومرهف وابوها وامها عالمضافة قعدو واخواتا بلشو يضبو الكراسي ويزبطو البيت
بعد مارتبو البيت قضو سهرة حلوة مع بعضن استازنو اخواتا وراحو على بيوتن والاب والام فاتو ينامو بقيت المى قاعدة مع مرهف قام سكر الباب ورجع قعد حدا بعدت شوي رجع قرب إجت بدها تبعد كمان لف ايدو على خصرا وثبتا : وين عمتبعدي اه
المى : احم خلص مرهف عيب شيل ايدك
رفع ايدو التانية وحضن وشا ودارو لعندو صارمقابيل وشو
نزلت عيونا من الخجل
مرهف : اطلعي فيني (اطلعت فيه)
مرهف : بحبك
المى : بموت فيك
قرب بدو يلتهم شفايفا دارت وشا ووقفت على عجل
مسك ايدا : خليكي المى لا تروحي
بعيون مليانة حنية : مالي رايحة
توجهت لعند البفلة شغلت اغنية رومانسية قربت لعندو مدت ايدا : مو كنت حابب ترقص سلو
مسك ايدا باسا وقف حاوط خصرا بايديه التنين وشدها لعندو بقوة وهي حاوطت رقبتو وشا بوشو
المى : خفت ارقص معك قدام الناس مالك امان
مرهف : هههههه خير ماعملتي
المى : بحياتي ماتخيلتك هيك

مرهف : كيف يعني
المى : يعني هيك لهلا مو مستوعبة طول عمري عشت معك على انك اخي وبعدين بين يوم وليلة تصير خطيبي غريبة ما
مرهف : مو غريبة ..... نادرة...... متل جمالك
كان يطلع عليها نظرات كلا حب وشهوة عكست النار اللي بقلبو بحبك المى
وانا كمان بحبك
نزل على شفايفا بقبلة رومانسية غمضت عيونا استسلمت لرغبتو كانت حاسة بالنار يلي عمتحرقو وحبت تقدملو لو شي بسيط
كان يشد عليها اكتر ويلتهم شفايفا بقوة لحد ماانقطع نفسا تركها شوي وهو لساتو حاضنا اختلطت انفاسن ببعض بكفي بترجاك
قرب لعند ادانها وهو عميلهت بحبك المى بحبك
بعدت عنو وبصوت كلو خدران خلينا نقعد لو سمحت
قعدو وطت راسها بخجل وصارت تفرك ايديها من التوتر بس هو عبث قاطع شرش الحيا قعد قبالا وصار يتأملا عيونا شفايفا رقبتا كتفا صدرا يلي عميشع بياض رجليها المفتولين قنبلة اغراء وفتنة تسارعت انفاسو دقات قلبو زادو عض على شفايفو
قرب منها ضما بايديه التنتين لصدرو غمضت عيونها تنفست عطرو يلي تغلغل جوات قلبا
مرهف : انا حمار
المى : ههه حاشاك
مرهف : لا انا حمار
المى : ههههههه خلص بقى
مرهف : ليش ما عملنا العرس اليوم يعني هلا بدي ارجع اصبر مرة تانية اوووف انا عنجد حمار
بعدت المى شوي طلعت بعيونو حبيبي انت مو حمار انت عشقان ولهان مغروم
دقات قلبو زادو اي والله انا كل هدول حط ايدو ورا رقبتا وابهامو على خدا المى قومي معي
المى : لوين
مرهف : على غرفتي .......بدي ياكي هلا هلا
انتفضت المى ووقفت على حيلا لا مرهف انت واحد طماع على فكرة ومابتنعطى وش
مرهف : هههه خلص خلص اسف من زمان هيك عصبي عليي جننتيني لحستيلي عقلي بجمالك ونعومتك ودلالك
المى : طيب بكفي لازم نفوت ننام ما
مرهف : مع بعض
صرخت عليه : مرهف
مرهف : ههههههه عمامزح خديني بحلمك
المى : طيب تصبح على خير
وانت من اهلو مشيت قدامو مشي وراها وعميتاملا لحد ماوصلو على غرفن وقبل ما تفتح الباب
مرهف : المى يعني امك قالتلي انك كنت تنامي بغرفتي طول ما انا مسافر
المى : اي صح
مرهف : اي ازا بدك مافي داعي تغيري هالعادة
المى : هههههه عنجد
مرهف : اي والله جد
المى : هههههههه ولك خلص انضب بقى
مرهف بوله : بأمر عيونك انا
نامو هديك الليلة وقلوبن مليانة حب وغرام

تاني يوم الصبح
حبيبي قوم يلا
مرهف بنعس : لوين
المى : على دوامك
مرهف فتح عيونو منيح شاف المى منورة شعراتا نازلين على كتافا وعلى وشا بسمة ناعمة مسك ايدها شدها لحضنو نيمها عالتخت ونام فوقها
احمر وشا وشهقت المى: لك مرهف قوم عني عيب عليك
مرهف داب بملامح وشا وشفايفا : يسلملي صباحك شو حلو وشو رايق
المى : مرهف الله يوفقك بخاف امي تجي قوم بسرعة
مرهف : اي وتجي بكون عيب عليها فاتت على واحد هو ومرتو
المى : بس انا لساتني خطيبتك
مرهف : مرتي غصبن عن راسك ...... نزل لعند شفايفا واخدهن بين شفايفو ببوسة مليانة شغف وحب وغرام
بعد عنها اطلع بعيونها عميلهت: جننتيني المى ماعاد فيني اتحمل اكتر من هيك
المى ماكان حالها احسن كانت دايبة بين ايديه حاوطت رقبتو بايديها وشدت عليه وهو غرق راسو برقبتا وصار يمتصها بكل قوتو وقلبو شاعل نار وحاول ينزل على صدرا بس هون المى دفشتو وهمست : مرهف
بصوت خدران ياروح مرهف
المى : بكفي
مرهف : ااااه اتركيني اشبع منك لاتمنعيني
المى : الله يوفقك بكفي خليني قوم
مرهف : خلص خلص .... خليكي بدي احكي معك
اتسطح جنبا وهي بحضنو محاوطها بايديه التنتين وعيونن التقو : بعشقك المى
قربت منو حطت ايدا على وشو باستو بوسة ناعمة على تمو وانا كمان
غمض عيونو شد عليها وتنهد اااااااخ المى ااااخ
المى : سلامة قلبك يا قلبي.....اطلعت فيه بحنية روق حبيبي...... وهدي شوي كل شي بوقتو حلو
مرهف : شو رايك نتزوج الجمعة هي
فتحت عيونا كيف يعني مابلحق
مرهف : نحنا ساكنين ببيت واحد يعني مابدنا غير غرفة النوم وتياب جديدة الك اليوم السبت انزلي انت وامي اشترو كل يلي بيلزمكن ومعك كل الاسبوع واحجزي مشان اللف والبدلة وانا بحجز الصالة وبجيب غرفة النوم شو رايك
المى : ههههه والله مابعرف
مرهف : وافقي الموش
المى : امممممم احزر شو.... الاسبوع الجاية ببلش التسجيل بالجامعة فخلينا نخلص من العرس مشان اتفضى لدراستي
مرهف : شو نويتي تدرسي
المى : مجموعي عالي باهلني ادرس صيدلة
مرهف : لا
المى : لكان
مرهف : ادرسي شي مايخليكي تختلطي مع العالم
المى : هههههه متل شو
مرهف : مابعرف بس تخيلي واقفة بالصيدلية ورجال أشكال ألوان فايتة طالعة لعندك
المى : على هالحالة مارح ادرس شي
مرهف : ياريت
المى : شبك لهالدرجة بتغار
مرهف : بعدك ما شفتي غيرتي