- النص المستخرج من الصورة: 📝
۱۲:۱۹ ص
شمس : لا هاد
سن
اليأس مسيطر عليك
25
K/
10
میثاق : هههه بس براهنك اذا بتقدم لصبية عمرها ١٤ بيعطوني
شمس ؛ بلكي تصحى ما تلاقي ع راسك شعر وحتى دقنك رح
تودع المونديال
ميثاق : بتحبيني
شمس : اي
ميثاق : اممم طيب انا مابدي بس . كلمة بحبك
شمس: لكن
ميثاق : شفتي كيف عبرتلك عن حبي
الك
شمس :
ميثاق وغير هيك بتكوني ما بتحبيني
شمس : بس
ميثاق : مافي واليوم بدي تثبتيلي محبتك
شمس ....
وحسيت هالطلب اصعب من كل الطلبات الي انطلبت مني
بكل حياتي بس كان لازم اثبتلو حتى كرمال اقتنع انو مافي
بعقلي وقلبي غيرو.
ل أعجبني
إرسال

الجزء الثالث وعشرون
كانت مبتسمة ببلاها نسرين
مروان : شبكي وليه
نسرين : لسى ما طفو الاغاني
مروان : نسرين ليش مهتمة فيهن هيك لك اتزوج اخوكي وما اهتميتي
نسرين : بدك الصراحة اهتمام ميثاق هو الي خلاني اهتم بعلاقتهن بسأل حالي معقول كل هالحب وزواج تقليدي يعني لو متزوجين عن حب شو رح يصير
مروان : ما ضروري يكون عن حب للاستمرار تفهم طرف واحترام الطرف التاني اساس لكل علاقة ناجحة هلا لو صغرت عقلي وانتي كمان مو اتطلقنا
نسرين : بس انا وانت حبينا بعض سنتين
مروان : قلتلك مو الحب الي بيستمر الاحترام والاهتمام
نسرين : بس انت بتعرف شو يعني ميثاق مايكمل الاربع شهور
مروان : عنجد اديش الو مسافر
نسرين : سافر ب ٢٠ واحد وليكو اجى بواحد اربعة يعني اربع شهور الا عشر ايام ما اتحمل البعد
مروان : حقو بعدين ميثاق طول وهو عزابي وسافر وهو عريس اقل شي لازم بقي خمس شهور بالبلد
نسرين : يلا كيفت شركة الطيران عليه
مروان : هههه ومكتب الشحن لا تنسي
نسرين : ما شاء الله هالسيارة هلا حماتي بتكون خايفة عليه من عيون عيوش
مروان : الله يسترو
وهلا سمعو صوت الاغنية التانية
(بحبك مش هقول تانى و عايزك و انت عايزانى
بحبك حب مش عادى مشاعرى من زمان تانى
و روحك ساكنه فى روحى فى قلبك شفت شريانى
دموعك بتجرى فى عيونى و تدبل كل احزانى
وبفرح والحياة فرحه لو انتى راضية ومسامحه
وضحكت شمس فى صباحى عشانك ولا علشاني
و روحك ساكنه فى روحى فى قلبك شفت شريانى
دموعك بتجرى فى عيونى و تدبل كل احزانى)
~
وبغرفتهن كان مو مصدق انو هالليلة صار بجنب شمس عم يمسح على شعرها ويسمع اغاني على زوقها هي
شمس : ما انعست
ميثاق : شو بدو ينيمني جنبك
شمس : ميثاق انت هلكان
ميثاق : اي هلكان شوق مو تعب
شمس : بس عيونك مغمضين نام يلا
ميثاق : وانتي قلتيها
غمرها بكل قوتو وخلا راسو عند رقبتها
شمس : ع اساس ما بتحب تنام وجنبك حدا
ميثاق : اول ليلة بعيد عنك الندم سيطر عليي ومن هون وبالرايح هون نومتي تسطفلي دبري حالك
مسحت على دقنو
شمس : بس مارح اعرف انام
ميثاق شبه نايم : المهم انام واكون مرتاح
وغفي بكل راحة وطمأنينة
~~~
والصبح بالزور لسحبت حالي منو الساعة تسعة المراهق لساتو نايم اللبست برنص قميص النوم ورحت للمطبخ اجهزلو القهوة واصحيه غصب عنو حاجتو نوم كنت مبسوطة او كأني بحلم اتزكرت كلشي جايبو معو رغم انو جهازي جديد بس هو زوقو بالتياب شي بيجنن وحتى البارفان وبكلات الشعر والحفايات حتى هي شحاطة البيت غير شكل بس والله كتير مصرفجي
كنت افكر بصوت عالي ونقزني وقت غمرني وكبيت شوي من القهوة
ميثاق : مشكلة فرار من الصبح
شمس: خوفتني ميثاق
ميثاق : مين بدو يغمرك
شمس : انا ببالي لسى انو الباب ما قفلتو لهيك خايفة لاني لابسة قصير
ميثاق : دخيلو الي صاير جريء ويبلس قصير السنة الجاي رح يختلف كل الوضع
شمس : انت قفلت الباب
ميثاق : لا ماحدا بيقرب.....دخيل هالشعرات الناعمين
لفيت عليه لاشوف عيونو
شمس : حبيت لونهن
عض على شفتو وغمض عيونو
شمس : ههه يا مراهق ركز معي
ميثاق : مو حرام تعيريني ما بتخافي الله يعمل فيكي متلي
شمس : اعشقك مثلا
ميثاق : مع انو بشك هالشي يصير بدي اصير بمثابة قلبك
شمس بدلال: ليش انا بمثابة قلبك
اخد ايدي وحطها ع قلبو
ميثاق : واغلى بعد من قلبي جيتك ومو شايف بعيوني غيرك
شمس : بس سلمت عليي عادي
ميثاق : هههه لك مجنونة انتي ما زودت لعيار لانو بعرف حالي هيمان فيكي
شمس : وهلا شو مشاريعك
ميثاق : النوم ثم النوم ثم النوم
شمس: وانا قلت بدو ياخدني سياحة
ميثاق : اي يا روحي بغرفتنا السياحة ورح افرجيكي جزر المالديف حتى
شمس: ما تشوفنا حماتي مشغلين الغاز وعم نتغزل ببعض
ميثاق : لا قولي ما تشوفنا امك
شمس : مو بتزعل
ميثاق : قولي يلا
شمس : ما تشوفنا امك
حملني وخفت كتير
ميثاق : دخيل امك ع هالخلفة اي
شمس: هههه نزلني لك بخاف
ميثاق : ترى مسموحلك بكلشي من اليوم ورايح
شمس : بس كنت تزعل متزكر اول مرة ازعلت مني
ميثاق : ما بنسى وعمرني ما اشرب قهوة اي
شمس : بلا ما تحكي هيك عملتلك اطيب فنجان قهوة
ميثاق : مو اطيب منك
شمس: يا بدنا نشرب قهوة
ميثاق : يلا
نزلني وكملت القهوة ورحنا للغرفة وشغلت اغاني وعليت للصوت وكل الوقت اراقب حركاتو وملامحو
ميثاق : اي شمس كيف نزلتي
شمس : صابني وجع وحكت الدكتورة مهدد بالاسقاط
ميثاق : معقول ما اتعبتي او حملتي شي تقيل
شمس : مضت ع خير
ميثاق : جاوبي
شمس: بس مادخل الشغل حكت نهال يمكن ما علاقة الشغل
ميثاق : مني مثلا يعني
شمس : لا
ميثاق : طيب قولي شو حملتي لحتى نزلتي او انتي مابدك مني ولاد

شمس : حرام ان بعض الظن اثم مافي نصيب والله
ميثاق : بتعرفي انو مارح اسافر الا لحتى تحبلي
شمس : شووو
ميثاق : اي والله
شمس : وبلكي احبلت هاد الشهر
ميثاق : اي مافي مشكلة بضل لحتى يصير الك اربع شهور كاملين بعدها بسافر
شمس : ومعك تكمل سفرتك
ميثاق : ههههه منبيع صيغتك
شمس : هههه عحسابك
ميثاق : اي الجاية ع حسابي ترى عاملك كمين بتفتحي الجزدان بتلزق اصبعتك فيه منضطر نقطعو
شمس : واضل بلا اصبع
ميثاق: هههه مصرة تسرقيني
شمس : له هيك صار الحكي سرقة
ميثاق : بتعرفي كنت كل ما احط بالجزدان مصاري اتزكرك واحكي بحالي وينها عني
شمس : وانا كمان
ميثاق : ليش انا بسرق منك
شمس : اتزكرت كتير شغلات بتعرف حكولي انو ما طولت بس انا حسيتك كتير طولت
ميثاق : اي شو رايح عليهن هني بس ع الزمة مو نهال هيك حكتلك
شمس : شو عرفك
ميثاق : هي كتيرة غلبة انا بعرفها مين صبغلك شعرك
شمس : هي
ميثاق : بيجنن عليكي وكتير لابقلك
شمس : واتسلينا يومها كتير بس كنت خجلانة لانو كتير لمحو صحيح ميثاق انت مطلق الحيا
ميثاق : ههههه شو شفتي انتي
شمس : يعني بتخبص قدامهن والا ما بيعرفو
ميثاق : شو بدي اخبص يا جدبة بيسحبو منك الحكي ليعرفو اني رومنسي وهيك
شمس : في رجال مو رومنسي
ميثاق : شو بتحكي شايفة هالمعاملة في نسوان بيحلمو فيها يعني انتي عايشة بنعمة
شمس : كيف يعني ما افهمت
ميثاق : شو بدي افهمك
شمس : يعني مو كل لرجال بيدللو نسوانهن
ميثاق : وبيقربو لحاجتهم وبس
شمس : متلك هيك
ميثاق : ههههه انا بفرجيكي لتتمني ابوسك
شمس : بمزح معك وافهمت عليك
ميثاق : ولو كان مافي بوسة
شمس : مارح تقاومني
ميثاق : يا ويلك من الله شو بتعملي فيني
شمس : ههههه قول انك اخسرت
ميثاق: رفعت الراية البيضا ازا بدك
~~
ونسرين سامعة صوت الضحك والاغاني سوى ونقزت من صوت مروان
مروان : عم تتسمعي عليهن
نسرين : وطي صوتك لا مو اتسمع بس عبالي اعزمهن ع قهوة
مروان : يا عيب عليكي بس مابصير هيك
مسرين : يا مروان والله غصب عني عندي فضول اعرف كيف عايشين
مؤوان : يلا بعدي عن الباب عيب عليكي
نسرين : خلينا نعزمهن ع الغدا
مروان : ماشي
كانت محرجة من جوزها وبنفس الوقت عندها فضول تعرف كيف اجوائهن وحابة تفوت للغرفة وتشوف شو جايب معو ميثاق
~
وعند ام مروان كانت مقهورة الساعة صارت ١٢ وابنها ما اجى ولا طل ومقهورة
محمود : بدك شي من برى
ام مروان : جيب معك خضرا
محمود: اتصل مروان عازم الكل
ام مروان : ماني رايحة
محمود : ليش يا روحي زعلانة
ام مروان : كلكن بتحبو النسوان ومن هيك بعتوني
محمود : يا ماما هي سنه الكون مو بابا بالمناسبات بيزور ستي وحتى انتي وهيك الدنيا
ام مروان : ميثاق غير....انا متوقعة من الكل يبعدو عني الا هو
محمود : ماما ما شبع من مرتو سافر عريس والله كل البلد حكت عليكن حكو انو سفروه من غيرتهن سافر عريس وين صارت
ام مروان : وانا شو علاقتي على عيوني سافر ابكيت وحسيت رح يوقف قلبي من زعلي عليه
محمود : وهلا لازم تفرحيلو مبسوط ومتهني بدك احسن من هيك
ام مروان : لا
محمود : يلا روقي يا ست الكل
بس كلام محمود ما غير شي ولا خفف عنها كانت حاسة انو شمس سرقت احن ولد عندها
وهي بتعرفو انو قلبو طيب ودمعتو سخية وبالزور ليقسى
~
كان يصلي الظهر وانا واقفة عند الباب ناطرة يخلص لشوف شو حابب نتغدا وطول الافندي وخلص وضل قاعد يستغفر ورحت لازعجو اوقفت جنبو اطلع فيني وابتسملي
ميثاق : شو بدك
شمس: الله يقبل
ميثاق : منا ومنك صالح الاعمال شوفي
شمس : شو حابب نعمل ع الغدا
ميثاق : بجيب غدا جاهز لشو تتعبي
شمس : وهو كذلك
ميثاق : ...
شمس : ليش هيك عم تطلع فيني
ميثاق : ليش نحفانة
شمس : بربك لا تقول شي قدام مرت عمي بكرى بتزعل مني
ميثاق : بس عنجد متغيرة من مبارح بدي أسألك
شمس : احلى مو
ميثاق : ليكي شمس لو تتغيري كليا انا بحبك نحيفة سمينة قصيرة طويلة خلص اعشقتك
شمس : طمنتني
اندق الباب وراح ليشوف ونطرتو لاجى
ميثاق : كيفي انعزمتي ع غدا
كان عم يلبس جاكيت البيجامة
شمس : وين
ميثاق : في صاحبي باعت لاهلو مصاري معي وبدي اروح لعندهن
شمس : يجي هو ياخدهن
ميثاق : لا امن فيني اوصلهن
طبعا ما عجبني يتركني اخد مصاري من الجزدان وطلع وضليت مراقبيتو وهو طالع من البيت وبالسيارة وكنت غيرانة عليه كتير معقول رايح لبيت رفيقو ببيجامة
كنت معجبة حتى بسواقتو للسيارة
~~
واول ما سمعت صوت السيارة انبسطت امو صفطها برى وفتح البوابة وفات وابتسملها
ميثاق : كيفها ست الكل
غمرها وباس راسها

ام مروان : اهلين حبيبي وين شمس
ميثاق : تركتها تعزل وتجلي
ام مروان : نورت البلد والبيت وعمري كلو
ميثاق : الله لا يحرمني منك نحكي جوى
ام مروان :....
وكانت عارفة ليش جاي
وعهد واقفة عند المجلى وانتبهت انو جاي ميثاق وفات هو وامو لغرفتها وسكرو الباب ودغري طالع مصاري
ام مروان : لشو هدول
ميثاق : مصروف الشهر
ام مروان : الله يرزقك يارب
ميثاق : تصرفوهن بالهنا
ام مروان : الله يهني قلبك
ميثاق : ماما بدي أسألك كيف شمس نزلت
وكتير اتوترت
ميثاق : بدي تحكي الصراحة
ام مروان : مافي نصيب والله هيك رايد
ميثاق : والنعم بالله بس مو غريب تعسفو المطبخ تاني يوم سفري بتعرفي كنت ما اخليها تحمل لو طنجرة فيها شوية مي كنت متأمل كتير وانقهرت من شغلة التعسيف وانا رايح ومتأمل لانو كانت ما تتقبل الاكل واتغيرت نفسيتها وحسيت انها حامل وكنت ناطر تحكولي انها حامل وهون بتحكيلي انها كانت حامل ونزلت بيجوز من الله هيك تعملو مو فيها فيني انا
ام مروان : سدءني ما فكرت انها حامل ليش ما لمحتلي
ميثاق : ماما انا ماني صغير ومتمني اليوم قبل بكرى يصير عندي ولد
ام مروان : وانا والله يا روحي امنية حياتي اشوفلك ولد
ميثاق : حصل خير انا مابدي تحبي مرتي بس كمان لا تقسي عليها كرمالي انا بحس بالمسؤولية تجاهها هي كتير عفوية وصغيرة ما بدافعلها بس والله مو قوية وبريئة كتير
ام مروان : اي حرام مافي منها وبتسمع الكلمة وبتعجبني لانها ما بتكزب ابدا الله يطعمك الي ببالك
ميثاق : تسلميلي
ام مروان : انت ما حابب تكمل العمرة
ميثاق : بس لاريح شوي بشوف شو بدي اشتغل فيها
ام مروان : خفف مصاريف لشو كل هالاكل والله هون كلشي موجود
ميثاق : الله بيرزقني وان شاء الله مارح اقطعكن من شي ازا ما صرفت عليكن على مين بدي اصرف
ام مروان : الله يرزقك وتمسك لتراب يقلب بين ايديك دهب
ميثاق : بالمناسبة اليوم ابو رضا عازمنا
ام مروان : بتعرف ماكنت حابة اروح
ميثاق : لا بدك تيجي ورح نسهر سهرة غير شكل انا مشتاقلكن خيرات الله
ام مروان : حاجتك ولاه عم تحببني بحالك غصب عني
ميثاق : اعترفي يلا قولي مين بتحبي اكتر شي
ام مروان : كلكن والله بس انت لانك بتبعد عني اغلى شي
ميثاق : هههه ايوا وهو المطلوب بس لا تقولي لبابا عن المصروف تناقرت انا وياه مشان مصروفكن
ام مروان : شكالي منك كتير ضب ايدك شوي
ميثاق : عيني خير
فاتت عهد مداهمة
عهد : شو بتحكو
ميثاق : عليكي عم احكيلها خلينا نسفرها نعالجها برى
عهد : ههههه لا تتمسخر
ميثاق : مطولة اقامتك عنا انا كتير مليت جاي عبالي يصير عنا عروس واخلص منك
عهد : منيح بيت ابي هاد
ميثاق : ولو كان حتى بابا مزعوج منك
عهد : وين شمس
ميثاق : بدك تعملي عليها بنت احمى
عهد: هي جدبة مرتك
ميثاق : اي قدام خباثتك جدبة ونص....جهزو حالكن
ام مروان : منيجي مشي
ميثاق : باطل تيجي مشي وعنا سيارتين
عهد : بسيارتك ها
ميثاق : اي ماشي
ام مروان : وين رايح
ميثاق : لعند علي ما بطول
ام مروان : بالسلامة

~
وقت اجى راقبتو من الشباك وهو نازل وقلبي غرف لهالشبوبية والاناقة لو ببيجامة بس بيجنن وحبيت استقبلو ع طريقتي اوقفت عند باب الغرفة واول ما فتحها غمرتو وانبسط
ميثاق : شو مشتاقة
شمس : خلينا نرقص رقصة سلو
ميثاق : ههههه شو اجى عبالك
شمس : يا ميثاق حابة نسترجع ذكريات الخطبة
ميثاق :لك لا تزكريني كل ما اتزكر رقصتك مابعرف شو بصرلي
شغلت اغنية عبالي حبيبي وفرط ضحك
ميثاق : بدك ارقص ع هي
شمس : يا ميثاق حلوة بتجنن
ميثاق : لك مابعرف
شمس : اتمايل معي لقلك
وصار يتمايل ب مسخرة بس انا سحرتني حركاتو كنت منسجمة بعيونو ودقنو وقلبي يدق بسرعة
وبعدها فرط ضحك ورماني ع التخت
شمس : لك ما خلصت
ميثاق : شو هالاغنية شغليلي دبكة قال عبالها حبيبها اغمري اشبعي مني
شمس : قوم خلينا نكمل
ميثاق: ههههه دخيلو الي عقلو قليل وبيرقص ع سلو
شمس : خسارة قال رومنسي وهو رقصة ما بيعرف يرقص
ميثاق : ما بحب اليسا
شمس : شو دخل اليسا عم ترقص معها ولا معي
ميثاق : معك معك كلي معك انا دخيل شعراتك الناعمين
شمس : صلي ع النبي يا زلمة ليهرو
ميثاق : منركز ع شي تاني
شمس : وين كنت
ميثاق : ازا حزرتي بدي ابوسك
شمس: ببيت حماي عند امك مو
ميثاق : ههههه اي شو عرفك
شمس : بتحبهن
ميثاق : اي
شمس : اكتر مني
ميثاق : كلشي لحال بس انتي ماحدا بعبي مطرحك
شمس : خوفي يكون حب مؤقت
ميثاق : شموس بتحبيني
شمس : اي بحبك كتير كتير
ميثاق: اكتر من حبيبك
شمس: مين حبيبي
ميثاق : يعني في غيري
شمس : لك شو عم تحكي انت قلت حبيبي مين حبيبي
ميثاق : وقعتك بالفخ😉 وهلا اتاكدت في حبيب قبلي وبالعلامة بس تزعلي مني بتفكريه فيه وبتقولي حرام لو اتزوجتو الو

بعدت عنو واتجلست وانطمزت
شمس : بتعرف مافي منو هالكلام
ميثاق : يعني لو كنتي تحبي لشو هالسرية المهم اننا مع بعض
شمس : انت كل فترة لازم تزكرني
ميثاق : فيه
شمس : ليك ميثاق ما لحقت احب
ميثاق : اي سادءة بس ليش بعدتي عني
شمس : بتستفزني لانك
ميثاق : لا بعدتي مشان لا احس على خوفك على دقات قلبك بتعرفي ازا بتسمع ع دقات قلبك ويتكون قوية معناها بتحبي قبل تعرفيني
ومن خوفي تركتو وهربت للمطبخ وكتير اتوترت وحاولت اضل طبيعية بس ما اقدرت واستوعبت انو حتى ماحدا بيعرف بالموضوع بس بيني وبين حالي حبيت منيح لو صار مبادرة شو بيعمل هالمجنون الشكاك واخدت منو موقف وبس اجى للمطبخ زورتو
ميثاق : ليش هربتي
شمس : فاضي لحالك عنجد
ميثاق : اللبسي خلينا نروح نجيب اهلي ومنو منفتل بالبلد
وافقت دغري سبقني لبرى
~
كان مبتسم بس ابتسامة غيرة
ميثاق : اخ بس لو اعرف مين هو يا ويلي ازا بعرف لاموت قهر معقول هالعيون شافت غيري وهالقلب الطيب دق لشي حدا وبس طلت عليه انبسط شقرق لجمالها بالعباءة الي جايبها هو كان مرتكي على السيارة ومتكتف وبس اجت لعندو ابتسملها
ميثاق : خفي عليي شموس بعدين شمسين بحياتي ما بتحمل عم بحترق حرق
شمس : بتجنن العباءة شو عرفك بمقاسي
ميثاق : حافظك حفظ
شمس : بدنا نضل هون
ميثاق لا اكيد
فتحلا الباب بيعاملها معاملة الاميرات وشغل اغاني ومسك ايدها وفتلو على طريق السهل ورجعو من الشارع العام ووصلو لبيت اهلو وهنيك كانو جاهزين والا شمس تنزل وتقعد بالمقعد الخلفي مشان ام مروان وهالحركة خلت اعجابو يزيد فيها
ام مروان : خليكي جنب جوزك
ميثاق : انتي الأصل ام مروان
قعدت بجنب وعد ومحمود شغل الموتور وطلعو لبيت ستو واخدوها بطريقهن ووعد كملت ورا محمود وهنيك اللمة غير شكل اتغدو وبعد الغدا اجت نهال وجوزها وصارت السهرة كلها مناقرات ومزح بين نهال وميثاق
نهال : بكرى معزوم عنا انت ومدامتك
ميثاق: لشو تعزبي حالك بعدين بعرفك من سلالة حاتم طي
حسن : عم تضربنا بحجارك.
ميثاق: بدي نهال ترد عليي
نهال : اي ماعلاقتي بحدا بعدين انا طالعيتلك كريمة
ميثاق : الله يكون بعونك اولا بتحب النفش ومصرفجية
حسن : خليها لله يا زلمة هات جيب بدي بحب مابحب
ميثاق : ههه عليكي به لو تعرفي انو بدوب ع سيرة النسوان
ودغري نهال فتحت عيونها بصدمة
وحسن خاف واتوتر
حسن : استرنا يا زلمة انت جاي تخرب
ميثاق : هههه بتعرفيني بكزب
نهال : لا
ميثاق : بيفرح بس يشوف النسوان
مروان : حجو ولبو وزارو الحرم
حسن : ايوا ناقصك انت مابكفي اخوك الداهية
نهال : يعني جد
ميثاق : والله
حسن : انت احسن
ميثاق : انا كتاب مفتوح حدا يجي يقول عملت هيك او هيك
محمود : وحلوين النسوان الي بيعرفهن حسونة
ميثاق : انت شوف زوقو بالنسوان بتعرف
ودغري وقفت نهال بس هو اخد وضعيه الحذر بس هالشي ما منعها تقرب منو
نهال : سامعة مرت خالي ابنك
ام مروان : هههه بمزح معك
ميثاق : حلوة بس عيونك بخوفو
حسن : هههه بتستاهلي ردي عليه
نهال : قول اسف
ميثاق: قول حسونه
نهال : بتعرفو انو اللون البني جنني
ودغري وقف وسحبها من ايديها وشحطها شحط والكل فرطانين ضحك
نهال : حسن بربك تفزعلي
حسن: اتركها بتخاف بالليل
ميثاق : يا ويلك تكملي
نهال: خلص خلص توبه
~
ضليت مصدومة كيف بيمسكها وعادي الي صار ماحدا استغرب او اتفاجئ حتى جوزها وكأنو متعودين عليهن هيك وصار بدي اعرف ليش هيك فري مع بعض والمناقرة ما خلصت جننها ومتل ما يعمل فصول ناقصة ب عهد يعمل فيها فصول ناقصة ويخرب بينها وبين جوزها وما سدءت خلصت السهرة واطلعنا نودعهن
نهال : بكرى ها
ميثاق : اي افهمت خلص بكرى
نهال : باي
ميثاق : الله معكن
راحو وراح مروان يوصل اهلو وستو ونحن ضلينا نتمشى برى
شمس : ميثاق كتير زودتها على نهال
ميثاق : بالعكس خففت لعيار كتير
شمس : بس استغربت كيف بتمسكها من ايديها هيك
ميثاق : وين الغلط
شمس : بعرفك ملتزم حتى ما بتصافح بنات عمك
ميثاق : بس نهال اختي برضاعة
وانصدمت صدمة كبيرة
شمس : لا تقولها ومين الي الو ام تانية
ميثاق: انا
شمس : عنجد كيف هيك
ميثاق : قصة طويلة بخلي ستي تحكيلك اياها
شمس : يعني صاير شي
ميثاق : اي
بس اطمنت انها اختو برضاعة يعني المزح الي صار لازم لانو ماسك العيلة واحد واحد
فتنا للبيت وما اقدرت اتوقع شو الاسباب الي خلت عمتو ترضعو مع امو او معقول بدل امو
اتاريها امو برضاعة لهيك مجننها ههههه نهفة ميثاق والا اعمل اجواء رومنسية عملت دوش سريع واللبست قميص نوم من الي جايبهن هو كنت سامعة صوت بالمطبخ لهيك فتت للغرفة نشفت شعري على السشوار وحطيت عليه كريم ليضل محافظ على لمعتو شغلت شموع وموسيقى هادية كتير واول ما فات للغرفة ابتسم

ميثاق : انتي ع شو ناوية اه
حاوطتو من رقبتو
شمس : شو عملت
ميثاق : كل هالشي ومو عاملة في تطور كبير
شمس : علموني هني علموني
ميثاق : ههههه نهال مو
شمس : شو عرفك
ميثاق: مرة اسمعتها تحكي لنسرين عن كيفية سلب عقل الرجال بخمس دقايق
شمس : وليش لتتسمع عليهن
ميثاق : هني قليلات ادب بس بتعرفي شو عملت فيهن
شمس : شو
ميثاق : بس خلصو السيرة انزلت من السيارة وانصدموا نسرين هربت بس نهال صارت تمزح وتضحك مشان انسى
شمس: ههههه واضح انك انسيت وكنا متزوجين
ميثاق : لا كانت نهال عروس جديدة متخيلة انها بتعلم نسرين الي متجوزة قبلها
شمس : ميثاق انت مشكلجي كتير وازعر
ميثاق : هههه بالعكس راكز بتراهني
شمس: خلال عشرتي الك اكتشفت هالاكتشاف والدليل مقطعهن خوف كلهن
ميثاق : لاني جريء الحياة مابدها خجل
شمس : شو رايك نرقص
ميثاق : انا الي برقص
شمس : بس مو تتمايل بمسخرة
ميثاف :: لا لا عنجد رح نرقص تعي لقلك
شلح جاكيت البيجامة وهو اساسا لابس بنطلون جينز وبلوزة سودة وقربنا من بعض وبلشنا رقص بس مو بمسخرة حسيتو بطل رواية او فيلم ورحت بشربة مي ريحة عطرو عشقانة كل الغرفة ومابعرف شو عم يصير معي
~~
وصوت الموسيقى منع نسرين تنام بس مروان سحبها نومة
نسرين ؛ ياااا ما بنامو هدول لك سافر مروان اشتاقلي وصير رومنسي متل اخوك يا الله كيف غار ع لون شعراتها بس لانو نهال حكت البني جنني طقو فيوزاتو يعطي لمروان شوية غيرة كان يقول لمحمود تعال شوف شو مسوية بشعراتها ....ومن قهرها ضربتو ع كتفو ونقز
مروان : شوفي
نسرين : قوم لشو نايم الناس هلا بلشت سهرتها
مروان : اتعبت اليوم
نسرين : روح اتعلم الرومنسية والغيرة من ميثاق
مروان : حلي عنهن خليهن مبسوطين
نسرين : يا مروان كيف فيني اطردهن من بالي لك اسمع صوت الاغاني
مروان : الله يهنيه من يومين كانو بعاد عن بعض وهي نايمة ببيت اهلي وما الها لو خزانة وميثاق ع اضرب حالتو بالسفر حالة يعني سعادتهن مؤقتة ليكني بسافر معك ومنعمل سياحة واهلي تاركيني ع راحتي اصلا لو تيجي للحق لو خيروني اعيش ظروفي او ظروف ميثاق لا ظروفي اهون بكتير
نسرين : طيب غار عليي فرجي العالم انك بتغار
مروان : من اخواتي مثلا
نسرين : شفت كيف غار ع لون شعر شمس
مروان : ههههه بني يعني وصحيح ناعمين
نسرين : وشو عرفك
مروان : نهال حكتلو ما بيهدو ببكلة عادية قصدها ناعمين وحرير
نسرين : نام احسن ما اخلي امك تولول عليك الصبح
مروان : هههههه ناقصات عقل ودين
وما هديت تركتو غفي وراحت للباب تتسمع صوت ضحك وبدها تعرف شو بضحكهن عند الليل وعبالها لو تفتح هالباب وتسمع شو بيحكو ورح تموت طقيق بدها تشوف شو جايب لمرتو أغراض.
~ ~~ ~
تاني يوم اسمعتو يحكي مكالمة وهو شبه نايم
ميثاق : اهلين...اي ...لا ببيت اخي....اي بس مو تيجي فاضي....اهلا وسهلا والله
شمس : مين
ميثاق : اهلك عاملين فيها بيت احمى جايين يسلمو عليي
شمس : هون
ميثاق : اي ما حابب اطلع لمكان
جهزت حالي واصرت نسرين نستقبلهن بغرفة لضيوف ببيتها وبالفعل اجو بس انا الي قمت بالواجب طلب مني ميثاق احط مكسرات وفواكه واخر شي عملت القهوة
خالتي : شمس باعتنا صرنا نتمنى تزورنا
عمر : طبقت المثل الي قلتو انت
خالتي : حابين بكرى نعزمكن
ميثاق : لشو هالرسميات مرت عمي
خالتي : لا ولو مقصرين والله
نور : ع كلا بابا جاي بس مارح نخبرك اي يوم
ميثاق : منعرف منو مو منك
عمر : اكيد منخبركن
ميثاق : جكارة فيكي انا وشمس رح نستقبلو
نور: بابا بحبني اكتر مارح يحكيلي لا
وكتير اتحسست من كلمتها اي هو فعلا بحبها
عمر : لك ما بتبطلي تسميع حكي هلا بتزعل شمس
شمس : لا بابا كمان بحبني
نور : بس انا اكتر
شمس : لا مو صحيح اتصل فيه
نور : ههه اي رح يجاملك اكيد
عمر : شو كيف كانت سفرتك
ميثاق : الحمد لله ميسرة
خالتي: لا تنسو بكرى
شمس: ان شاء الله
وبعد ما خلصت لزيارة اطلعنا نودعهن
ميثاق : قويانة نور
شمس : ما بزورهن متل اول بس هي ارتاحت كتير
ميثاق : اي مبين عليها منيح عدت ع خير القصة
شمس : بس عماد ماحدا عم يعطيه
ميثاق : جاجة حفرت ع راسها عفرت مو هيك بقولو
شمس : معك حق
ميثاق : ليكون ما حابة نروح على عزيمة نهال
شمس : لا امبلا حابة كتير
اصلا عاجبيتني شخصيتها بس ما أظهرتلو ضل برى يتمشى وفتت لجوى واصرت نسرين ترافقني للغرفة واضطريت افرجيها شوي من لتياب مو كلهن وبعد ما خلصت لبس جاكيتو وقفلت الغرفة منيح واطلعنا لبيت نهال والاستقبال كان حافل هو ومرتو وولادو وستي هنيك واجو بيت حمايي المضافة صارت مليانة والاكل كان بيشهي والا اروح اغسل مع ميثاق

نهال : شو شمس عجبك الاكل
ميثاق: بتسموه اكل وطبخ
شمس : كتير طيب يعطيكي العافية
نهال : شايف ما احسنها دخيل عينك
ميثاق : هههه يلا يلا اجلي الجليات
نهال : كنت بدي اعزملك ماما بس من حظك اليوم عازمين رهام
ميثاق : يكتر خيرك منيح ما عزمتيها
نهال : ههه بس الا ما تيجي تزور
ميثاق: بربك خبريني مشان افل يومها
طبعا لمناقرة ما تخلص ابدا وبعد التحلاية والقهوة ارجعنا تمشاية لبيت حماي لنكمل السهرة
~
وببيت ابو عمر كانو ملتمين على العشى
عمر : كان لازم خبرناها انو بكرى بابا جاي
نور : لا لا خليها تتفاجى
ام خالد : هيك بدها نور تسطفل بس ازا عرفت انو رؤى وجوزها بيعرفو لتزعل
نور : اي رح يعرفو لانو يحيى بدو يجيبو من المطار
عمر : انا بقول لازم خبرناها
نور: لك والله لتتفاجئ سدءوني
ام خالد : شفتي كانو مشتري ل شمس خاتم جديد
نور : اي عاينتو مو قديم جديد
ام خالد : وهي صار عندها تلت خواتم
نور : لو مطرحها لالبسهن كلهن
عمر : ما بتلبس الا بالمنا

- النص المستخرج من الصورة: 📝
K/s
ص
عمر : ما بتلبس الا بالمناسبات يلا هيك بكرى بس اخطب
بفتخر اختي غنيه
نور ......
طبعا ما عجبها نور ابدا وغارت كتير من وضع شمس المادي
لانو العز مبين عليهن كتير مو شوي
222
~

القسم الرابع وعشرون
شمس الغرام ♪
بقلمي مايا الحجازي
ببيت حماي ما استوعبت الا وصوت ميثاق طالع كانو بالمضافة ومافكرت انو هيك بيعصب فجأة رغم انو عمتو ام يوسف وجوزها موجودين
ميثاق : حاجتك تقوليلي ولاد عمي
ام محمد : شو يعني مو ولاد عمك
ام يوسف : بسم الله شو صرلك
ميثاق : عمي مات الله يرحمو بس خلف ....
ام محمد : عيب تحكي هالحكي بدهن يجو ويسلمو عليك لك انت وقت تركت تغريد ما عملت هالمشكلة
ميثاق : انتي بتريدي يطالعو حكي عني
ام محمد : اكيد لا بس الكل بيعرفك
ميثاق : ويعرفوني ما بهمني بس ما بسامح ناس رايدة تأذيني وسلام مابدي حدا يسلم عليي
ام يوسف : يوه شبك طول بالك
ابو يوسف: حقو الزلمة ما اجى صوبهن ليش ليحكو عنو بالعاطل
ام محمد : بحرم افوت بيت اهلك
ميثاق : لا تجادليني انا ما بحط ايدي بأيدهن
ام محمد : يا ستي لا تكبرها جامل مجاملة وبس
ميثاق : الله ربي بدها تجنني
ام يوسف : احكيلك كلمة ام مروان
ام مروان : يسطفل مو صغير لاتحكم فيه
ام محمد : هو بيعرف ليش نزلت شمس
ام مروان: لا تخلطي الأمور مافي نصيب
ام محمد : اسمعني ساوو مرتك خدامة وهاد يبهدل والتاني يتأمر وخلتها اختك تعسف بعز البرد اجيت للبيت ولقيتها متجمدة وجها مصفر وعم تكز من البرد كز
ام مروان : بس بعد باسبوع لنزلت
عهد : هي حابة ترمي بلى
ام محمد : خطية مرت اخوكي برقبتك
عهد : ليش لتفتحي السيرة ما عم افهم
ميثاق : خلص ضاعت ولقيناها
ام محمد : يعني ما أزعلت عم تنافق عينك عينك
ميثاق : الي صار صار
ام يوسف : وهني كلمة وحكوها والي صار صار
ميثاق : بس انا مابدي افتح صفحة جديدة
ام محمد: الله يحن عليك
ميثاق : بس انا لا تلوميني ع شي
هديو واخيرا فتت للمضافة وشوي وصلو ولاد عمو ومرت عمو د وحسيتو غصب عنو وقف يسلم وبدون نفس مد ايدو مع انهن مبسوطين ويضحكو ويمزحو ومن اول جملتين اتحول السلام ل عصبية
مراد : صاير شي معك
ميثاق : اي ليش ما ادريتو طالع عني حكي ما بينحكى
ام مراد : اه...مين حاكي عليك
ميثاق : حدا وسخ وحدو صرماية وقريبا رح احطها بتمو
ام محمد : اي شو ام مراد وين صرتو ببيت مراد
ميثاق : اتصلو باللجنة الخيرية ترى شغلتو يبعت يسكر تم قرايبو
وحماتي شو مبسوطة منو بسط غيرشكل
عماد : انت ع شو بتلمح
ميثاق بسرعة : اي اي الي ببالك صحيح وازا اجت ع مقاسك البسها
مراد : شبك يا زلمة ليش عم تسمع حكي نحن اجينا
ميثاق : تمسحو جوخ وبلكي يطلعلكن شي بس ما بقى تحلمو مني بصرماية انا ماني صغير ولا مراهق لتقولو بيسكر وبيسهر مع نسوان
ام مراد : مين بدو يحكي عليك
ميثاق : اسالو حالكن بس ع فكرة لموت ما بنسى
مراد : انت مو ناوي ع الخير
ميثاق : لا مو ناوي انا ما رح اقلعكن من هالبيت لانو بيت ابي الله يطول بعمرو وعلاقتكن فيه متينه بس انا شطبو عليي احسبوني غريب
ام مراد : مشان شو ما عم نفهم مين حكى عليك مو تركتو وضلينا قرايب
ميثاق : والله خلصني ورادلي الخير
ام مراد : مو عيب تحكي هالحكي
ميثاق : لك مين انتي لتعلميني العيب
ام مروان : ميثاق
ميثاق : بلا ميثاق بلا بطيخ وقت بنتك رمت الهدية وصرخت بوجهي ليش ما اتحرك عرق اللباقة عندك وقلتيلا عيب تقليعتكن الي ما انسيتها وازا اغفلت يومين مو معناها فتت بغيبوبة انا بحفظ المواقف منيح لانو بتلزمنيى
ام مراد : لكن نحن اسفين الي اجينا نسلم عليك
ميثاق : ما قصرتو شفت منكن العجايب
اتقلعو وطلعت مرت عمي وراهن وستي وهو كانو هلا روق ابتسم وشغل سيكارة
ام يوسف : ما اتوقعتها منك
ميثاق : جديد وحصري ديري بالك ع حالك
ام يوسف : بس
ميثاق : واي حدا بيجي صوبي او صوب مرتي هيك مصيرو
ام يوسف: نيالني اتحرك انت صير متلو دافعلي هيك
ابو يوسف : هههه ما انت قبرتي حماتك
ام يوسف : لك شوف كيف بيحامي عنها يا هيك لرجال يا بلى
ميثاق : يلا جيبي اجلنا بعرفك عينك ديقة
ام يوسف : اخراس ولاه ما قلتلي شو جبتلي معك
ميثاق : علكة مشان تبطلي تعلكي ع لسان العالم
ابو يوسف: هههه
ام يوسف : عم تضحكلو مو
فاتت مرت عمي وستي وزعلانين
ميثاق: انقلعو
ام مروان : خوفي يدرى ابوك
ميثاق : خايف لانو
ام يوسف : بس ما منيح الي عملتو ليروحو يعملو شي انت مابتعرفهن
ميثاق : والي حط فيني الروح الي بقرب صوبي لسى لاخلص عليه وانتو بتعرفوني
ام يوسف : منعرف منعرف
ام محمد : الله يهديك يارب
ميثاق : ع فكرة كنت طايش والله هداني واعرفت الناس كلا
ولسى لاتاكد من شغلة ببالي
ام محمد : ايوا هاد جاي يخرب الدنيا
ام يوسف : وانا هيك شايفلك غاب فوق العشر سنين وجاي يتفشش بالعالم
طبعا ما اهتم ابدا وبعد ما راحو ابو يوسف وام يوسف وستي راحت معهن سكرنا المضافة واطلعنا منها وهو وحماتي فاتو للغرفة وكنت سامعة الحكي ومتخيلة كيف واقف وحاطت ايديه بجياب الجاكيت

ام مروان : زودتها
ميثاق : انتي اطلعي منها
ام مروان : برضاي عليك قلبي متل النار
ميثاق : ترى انا لساتني مساير هاتي لقلك
واول ما طلع من الغرفة انصعقت لانو معو الروسية وعم يلقمها
عهد : ولييييي ع مين ناوي
ام مروان : ميثاق بربك
ميثاق : خلص يا مراة مابدي اقتل حدا
واطلع فيني ولاني واثقة انو جوزي اطمنت
ميثاق: شو شمس خايفة
بلعت ريقي بصعوبة وأيدي يرجفو من منظرها معو
شمس : لشو هيك
ميثاق : انتي قلتيها هيك
واجى محمود واستغرب
محمود: شو الي جرى بغيابي
عهد : جهزت ابريق شاي مشان احكيلك
طلعو يودعونا واصرت حماتي تنبه عليه
ام مروان : برضاي عليك لا تعمل شي
ميثاق : والله اخدتها احتياط بعدين بستعيرها منكن وهي الي بصير هيك
محمود: اخي هي صرت مرتين ساحبها تقتل فيها هالمرة ثابته
ام مروان : ميثاق مشان الله
ميثاق : والله تخويف مو اكتر انا اصلا ما بحب الااذية
محمود عهد: اي امبلا
شغل ومشي
شمس : لشو بدك اياها
ميثاق : جاي وقعدتي طويلة وبحب اطلع مع الشباب نتسلى
ومع هيك ما اتطمنت ابدا واول ما وصلنا نزلها معو فتنا والامور طبيعية واستغربت انو لبس جاكيت
شمس : وين
ميثاق : هون ليكي ازا اسمعتي شي لا تخافي
شمس : بربك شو بدك تعمل
ميثاق : خلص قلتلك انا هون
شمس: ميثاق
ميثاق : متل ما قلتلك ازا صار صوت قواص من عندي بكون
طفى الضو وطلع ومعو الروسية
وضل قلبي يرجف جواتي وما اقدرت اهدا ولا حتى اتصل فيه قاعدة و خايفة و بس اسمعت صوت رصاص اتجمدت لانو الصوت قريب كتير مابعرف شو بصير معو ولشو عم يقوص دقات ع الباب وفتحت ل نسرين
نسرين : شوفي
شمس : والله مابعرف متلي متلك
نسرين : مروان بقول شايف ضو عند عمرتكن
~~~وهلا افهمت شو صاير
هدي الجو ع الاخير اندق الباب ورحنا ركض نفتحلهن
مروان : اي متل ما اتوقعت
ميثاق بضحكة : انقطع ضناهن بس بتعرف منيح خبرتني
مروان : لا بدهن اياها
نسرين : لك شو صاير
ميثاق : مو شغلك
فتنا لشقتنا وسكر الباب
شمس : شو صار
ميثاق : انا متوقع دك ندالة ببيتي تعليمة بس ما لحقو
شمس: وكيف أدريت
ميثاق : باخر السهرة بعتلي مروان في حركة غريبة ولحالي افهمت شو الموضوع
شمس : وقوصت ع الصايب
ميثاق : هههه لا بالهوى
شمس : مابدكن تعرف نسرين
ميثاق : ولاحتى ماما اوعك تحكي
شمس : لا مارح احكي
كان محمود يتصل فيه ورد وكانو ولافي شي
محمود : من عندك
ميثاق : شو هو
محمود : لك ما اسمعت
ميثاق : شو بدي اسمع
محمود : لكن مخربط انا
~~~~
عهد : لا تقنعني من عندو
محمود : صوتو عادي
عهد : بس مارد دغري
محمود : بكون بالحمام اكيد
عهد : لك صوت روسيتو شو غشيم عنها
محمود : معقول
عهد : انا شفتو مستعجل بدو يطير سدءني بكون مروان مخبرو يمكن حرمية وانت بتعرف مروان مابحب يستعملها
محمود : اي معك حق بس شوفي شي ينسرق
عهد : الله اعلم بس مقتنعة من عند ميثاق
وكملتلو كيف ستو حاولت تحرضو عليها وكيف اتقلعو بيت عمو وانبسط كتير مو شوي
~~
تاني يوم كانو جاهزين للعزيمة شمس ع اخر طراز بس ميثاق لساتو ببيجامة وبطريقهن لبيت اهلها وصلها ودغري كمل ما رضي يفوت وبطريقو لمعمل سراميك وغرانيت ليشوف شي على زوقو يكون حلو ومناسب للبيت
~~~~
انصدمت وقت شفت بابا سلمت عليه واكتسحني الخجل
ابو عمر : ليش هيك متغيرة نحفانة كتير
شمس : الحمد لله على سلامتك
ابو عمر : الله يسلمك ليش مصدومة
عمر : ما خبرناها
ابو عمر : ليش ما فات ميثاق
عمر : صحيح شو وصلك وطار
شمس : مابعرف
ولساتني متأثرة كيف ما بخبروني وانا قبل اتزوج بخجل منو كتير كيف هلا ودغري فتح الشناتي يوزع الهدايا لرؤى ولولادها وحتى لجوزها ولنور وعمر والحصة الكبيرة لماري وخالد والي افهمتو انو ما الي هدية وحاولت اتجاهل الموقف اد ما فيني
رؤى : بس...وشمس ما الها
ام خالد : مبارح اجى ميثاق يعني لهدايا لسى مكدسة
رؤى : ...بس هي عروس شو دخل
نور : هي العزيمة ع شرف جوزها
رؤى : العزيمة شي والهدية شي ليش مانك حاسب حسابها
شمس : عندي كلشي حتى اغلبهن رفعتهن ع لخزانة مافي مكان
رؤى : لا ما بقتنع
ابو عمر : انا احترت شو بدي اجيبلها نور وماري طلبو الموديلات بس شمس ما اعرفت شو بتلبس بس رح اعطيها مصاري هي بتجيب من هون شو ما بدها
شمس : والله مابدي غير سلامتك
خالد : بس حلوة المفاجئة
بقلبي : هي صدمة كبيرة معقول ما حاسب حسابي بشي يارب ما يخبرو ميثاق انو جايب هدايا لحدا مو حلوة يشوف النفاق بعينو وخوفي يعيرني...او يحس انو مفضل عليي لانو مغرقني هدايا يارب مايجي اريح.....يارب يخلص هاليوم بقى
رغم انو زعلانة مقهورة بس مافي ما ابتسم واكتر حدا اتدايق عليي رؤى

رؤى : الله يحميلك جوزك
شمس : امين يارب
رؤى : بس اكيد ازعلتي
شمس : لا عادي انا ما ناقصني شي ولا حتى مصاري
رؤى : وين جوزك
شمس : مابعرف والله
حاولت اتصل فيه ما يرد
رؤى : مابصير العزيمة كرمالو
شمس : الا مايرد وين يحيى
رؤى : دغري اجاه اتصال وراح
وع الغدا حاولنا نتصل ومايرد وما كان فينا الا نبلش بالاكل بس ما كنت حاسة بطعم شي ومتمنيه هلا يجي ميثاق مشان نرجع للبيت وبلشت السهرة وصوت سيارتو راحة نفسية اطلعت ركض افتحلو مو مسدءة يطل عليي استقبلو عمر وفتنا للغرفة وسلم على بابا ورفض يتعشى حلف الف يمين انو متعشي مع رفقاتو واجى بعدها يحيى وكملت السهرة وكل شوي اتفقد الساعة لحد ما حكالي يلا مشينا
وبعد جدال بيني وبين خالتي اعطتني المصاري وحالتي النفسية تعبت كتير ومع هيك مارح احكي او اظهر شي لميثاق واتنفست وارتحت بس شغل السيارة
ميثاق : انتي بتعرفي انو ابوكي جاي
شمس : لا اتفاجئت
ميثاق : يعني لشو يخبو ما افهمت
شمس: مابعرف
ميثاق : وشو قصة المصاري
شمس : مابعرف
ميثاق : شو بتعرفي لكن
شمس :....
كنت معكرة ومع اني وعدت حالي ما اخلط الامور ببعضها بس نفسيتي كانت تعبانة لدرجة وصلنا وهلا ارتحت كتير
~
كان حاسس انها مقهورة وكتير مو شوي فاتو للبيت واول حركة منها رمت المصاري على الكومدينة لاحظ هالشي بس تجاهل وما سأل شلح الجاكيت غسل وفات للمطبخ يجهز عشى خفيف والا يروح للغرفة مشان تشاركوا شمس واستغرب أنها اخدا وضعية النوم ما لحقت حط الاكل وراح لجنبها
ميثاق : شبكي حبيبتي
شمس : كتير نعسانة
ميثاق : حاسب حسابك بالعشى
شمس : سدءني مو جوعانة
ميثاق : شو رايك ما ادوق الاكل
شمس : اتهنى انا شبعانة
بعد عنها لحرام ومسك أيدها
ومع كل المحاولات رفضت تتعشى وهو سكرت نفسو اكل كم لقمة ورجع العشى مستغرب من تصرفها من زعلها وما قدر يخليها بعيدة نام جنبها وحضنها
ميثاق : حبيبتي زعلانة
شمس : ...
ميثاق : يا عمري شبكي
شمس : نعسانة بس
ميثاق : محاربيتني يعني
شمس : لا
ميثاق : طيب اطلعي فيني
وبحركة وحدة خلاها تطلع فيه
ميثاق : شبكي بلا...شو صاير من شو مزعوجة
شمس : كتير نعسانة
ميثاق : لا انتي زعلانة ليكون مشان العزيمة
شمس : اي ليش ما اجيت
ميثاق : كنت مع رفقاتي
شمس : طيب اتركني انام
ميثاق : قبل اعرف شبكي مستحيل
شمس : مافي شي بس نعسانة
ميثاق: انتي متدايقة لانو اجى ابوكي
شمس :...
ميثاق : خلص انتي صرتي من عيلتنا نحن لا تزعلي واصلا مو ضروري تعرفي
شمس : بس هو بابا
ميثاق : اي وحبو يفاجئوكي خلص لا تحطي ببالك هيك عم تخربي ع حالك وعليي ونمنا زعلانين مين دريان فينا أو سائل علينا
شمس ؛ ماني زعلانة
ميثاق : طيب بدي دليل واحد
شمس : متل شو
ميثاق : بوسيني ازا مو زعلانة.
ولفت للصوب التاني من جديد
ميثاق : طيب احكيلي شو جايبلك ابوكي معو
شمس : ...
وبس سمع صوت شهقاتها انقهر كتير
ميثاق : عم تبكي شمس
شدها لحضنو وغمرها
شمس : اتركني
ميثاق : ليش بتبكي شوصايرر عقلي بلش يسكر شمس يعني ماجابلك شي
شمس : مو هيك
ميثاق : انا ماعم افهمك ازا ما حكيتي رح انام
شمس : ليش انا ماعندي ام
وهالكلمة أثرت فيه كتير
ميثاق : شو اجى عبالك
شمس : بيقولو الام بتكون حنونة عنجد ميثاق
ميثاق : شو مناسبة هالسؤال
شمس : اشتقتلا كتير
ميثاق : خلص لا تقهريني بربك اليوم تزكرتيها
شمس : لا كتير بتزكرها....انت مرة حكيتلي الام شي والخالة شي
ميثاق : انا بخبص كتير شو بدك بكلامي
شمس : بس انا اليوم افهمت قصدك
ميثاق : ما كنت قاصد شي بس انتي جاي عبالك تنكدي
شمس : انت بتحبني ميثاق
ميثاق : بموت فيكي
شمس : رح يجي يوم وتكرهني
ميثاق : لا الله لا يقدر
شمس: لا تزعل مني بترجاك
ميثاق : لا ما بزعل منك بزعل عليكي مو من حقي اعرف شبكي.
شمس : ميثاق لا تتخلى عني لو شو ماصار
ميثاق : حدا بيتخلى عن روحو
شمس : انت كلشي بالنسبة الي انت كتير حنون وواعي وانا بحبك كتير
ميثاق : والله وانا بحبك احكيلي من شو زعلانة ممنوع تنامي مقهورة هيك
كان يحكيها ومقهور كتير
شمس : انا كتير غيرانة لانو ما خبروني انو اجى يعني حسيت اني صرت غريبة بس مشان هيك
ميثاق : خلص المرة الجاي بس ارجع مارح نخبرهن مشان يجربو التخباية ويدوقو طعمها
شمس : اي وهو هيك انا خايفة يتخلو عني مع الايام
ميثاق : وانا وين رحت يتخلو انا و عمري وروحي الك بدك احسن من هيك
شمس : لا
شدت هي الغمرة وكتير ارتاح وتركها تنام بهدوء وسلام وعم يحاول يأمنلا الحياة الي متمني يعيشها فيها.
~~~
وببيت رؤى كانت عم تنطر يخلص يحيى مكالمتو على نار واخيرا خلص
يحيى : غريب مو نايمة
رؤى : بدي اشكيلك من اهلي
يحيى : خير
رؤى : تخيل بابا اجى وشمس عروس ما جايبلا ولا هدية بتعرف اعطوها مصاري

يحيى: اي مو بحاجة جوزها مغرقها كل اهل البلد شافوه وقت وصل ومعو حمل
رؤى : يحيى بربك لو صايرة معي لاموت قهر شمس اتحسست كتير
يحيى : مابعرف بس انا شايفلك ميثاق لغى شخصيتها وين شمس الواثقة من حالها الي بتحب لمجاكرة
رؤى: بس هو حاببها
يحيى : اي هي بعرف فيها بس مسيطر ع اختك عم تفهمي
رؤى : بس لساهن عرسان
يحيى : على الاقل تشارك ببيت اهلك كل الوقت ساكته والجو كلو لجوزها وشفتي ما اجى للعزيمة ترى هي تعليمة ع بيت اهلك
رؤى : وشو قصدو
يحيى : انو ما بدو جميلة حدا مروان شكالي منو كتير حكالي عنيد وحربوق لتقولي حاجة وبس حكيتلو مو مبين هيك مبين عاقل
حكالي انت العاقل اعلق معو وشوف
رؤى : وهاد الحكي بعد الصلحة
يحيى : ما متزكر بس الي بعرفو ميثاق مسيطر ع اختك وحتى ع اهلو
رؤى : طيب انا مكسور خاطري عليها شو اعمل
يحيى : لا تحطي ببالك معها ميثاق مستحيل يتركها زعلانة
رؤى : الله يسمع منك
~~
تاني يوم اصحيت ولقيتو عم يتجهز
شمس : وين
ميثاق : صباح النور
شمس : لوين رايح
ميثاق : اللبسي بدنا نروح للعمرة
وانبسطت كتير ولا مرة فتتها وما بشوفها الا من برى جهزت حالي واستغربت انو عامل قهوة اخدت عنو الصينية ورحنا للبيت وقلبي فرحان كتير هاد البيت رح يصير بيتي وما سدءت ايمتى حط المفتاح بالباب وفتحو ومع انو الارضية كلا حجار صغيرة وردم بس انا افرحت كتير الصالون كبيير وشرح
سكر الباب وفتنا لجوى حط بلوكتين وجهز قعدة حطيت القهوة من ايدي والحقتو لاشوف البيت كلو
شمس : بيشبه تصميمة بيت مروان
ميثاق : بس بيت مروان اكبر
كان المطبخ والغرفة والحمامات بقسم والباقي بقسم
ميثاق : شو رايك بالاطلالة
شمس : متل إطلالة غرفتنا ابدا
ميثاق : بس انا حبيت الشباك يكون اكبر
شمس : بالعكس غير شكل
ولاحظت انو عم يتفقد كل شباك بشباكو ومبين مو عاجبو الشغل وفتنا للمطبخ الي لساه مو مجهز وبدو سيراميك وارضية ورفوف
ورحنا لباقي الغرف
ميثاق : هي رح تكون غرفة لولاد
شمس : كتير حلوة
اتفتلنا بكل الغرف وارجعنا للصالون نشرب القهوة والا يعدل مزاجو بسيكارة ويعرض عليي بس ما عجبني ابدا
ميثاق : روقي نمتي معصبة
شمس : لا مابدي شي
فتحت الموبايل اتسلى وهو كمان انشغل وبلش يبعت فويسات
ميثاق : الامور تمام اليوم شفت كلشي جوى في كم شغلة ما عاجبيني بس بيتزبطو ازا ما استلمت ورشة بدي الصبح تكون عندي ردلي خبر دغري
شمس : شو بدك تشتغل بالبيت
ميثاق : اي لازم اخلصو مشان ازبط باقي اموري
وكتيرر انبسطت يعني جاي يكمل شغل بالبيت هالمرة وبعد القهوة اتمشينا برى وبعد الفطور اجى يمكن صاحب الورشة وراقبتهن من الشباك وهني فايتين للبيت ومو مسدءة يبلشو شغل وتاني يوم كان عبارة عن تنزيل كراتين فيها الغرانيت وبلشت عمليه تركيب الأرضية ومو ملحقة شاي وقهوة وميثاق ما يخليني اعمل فطور ابدا كان يجيب سندويش جاهز للعمال ويوميا بعد ما يروحو العمال تيجي حماتي وتشوف الشغل
~
كان يداريها وكأنو عم يداري عيونو وبدون ما يحسسها ابدا انو ناطر تطلع حامل وحتى ببيت اهلو وبكل زيارة يضل يراقبها وخايف عليها
~~~
ببيتنا كنا سهرانين بالغرفة ميثاق متولع بالموبايل لابعد الحدود واغلب وقتو ساكت ولاحظت عليه كتير يصير مناقرات ببيت اهلو يلتزم الصمت فيها صاير غامض كتير عكس مابعرفوا وهلا اجاه اتصال ورد بدون نفس
ميثاق : اي محمود مين...مين راشد....انا بعرفو....هههه والله مامتزكر حدا بهالاسم ....اي احكيلي جار بيت عمي اي ماشي لا مسافة الطريق وبكون عندك
ودغري اهتميت
شمس : شو بدو
ميثاق : تخيلي قريب اسافر اليوم جاي راشد يسلم عليي
شمس : مين راشد
ميثاق : مابتعرفيه جار بيت عمي ابو مراد
بقلبي: حبيب عهد😂
شمس : رفيقك
ميثاق : لا ابدا بس مرة اتمشيت معو من شي عشر سنين يمكن اللبسي لنروح
شمس : يلا
اتحمست كتير حابب اشوف ردة فعل عهد وهو بس لبس جاكيت البيجامة واطلعنا ومو مسدءة اوصل بالاول خلاني افوت للصااون بعدها فات للمضافة وشفت عهد مشقرقة كتير
ام مروان : كيف ساويتيها واجيتي
شمس : هيك ميثاق بدو
ام مروان :ساوي شاي
عهد : لا انا بساوي الشاي
بقلبي : نيالها حبيبها جاي يزور اخوها لروح اعملي جولة برى
اطلعت والا اشوف من الشباك كيف قاعدين وميثاق عم ياخد ويعطي والله حبيبها شخصية كمان وفتت للمطبخ
شمس : تمنيت القلب شفاف والي بداخله ينشاف
عهد : شو جاي عبالك تغني
شمس : هدي هدي مانك قدي
عهد : شو قصدك وليه
شمس : كأني اعرفت شو اسباب الضحكة
عهد : وشو اسبابها
شمس : الحب الحب
عهد : هسسس وطي صوتك
شمس : بس كيف اتشجع واجى يسلم على ميثاق

عهد : ما دخلك
شمس : والله لاخبر ميثاق انا بفرجيكي
عهد : لا اوعك بيدبحني والله
شمس : واديش بتدفعيلي لحتى ما احكي
عهد : حبابة شمس
شمس : لا حبيبتي ببلاش ماني ساكته
عهد : شو بدك
شمس : بدي سنيكرز وعصير طبيعي
عهد : تكرمي
شمس : وشيبس كمان
عهد : حاضر
شمس : يلا ناطرك لا تتاخري عليي
عهد : ماشي
وانبسطت لاني هددتها راحت تعطي محمود الشاي
~
راشد : حقك عليي بس قلت بيجيك ضيوف وهيك
ميثاق : ماحدا طايقني يا زلمة
راشد : لانهن بلا فهم ادريت من عماد بتقليعتك الهن بس بتعرف مو من طبعي احكي بس رح اخبرك بيومها اجى عماد وطلب مني نروح نخرب ببيتك حمايات الشبابيك ورفضت
ميثاق : لو اجيت كان انقطع ضناك
راشد : هههه ما قصرت بس لو جبت الضرب ع الصايب
ميثاق : ما حرزانة يا زلمة
راشد : يعني كنت بتعرف انو هني
ميثاق : اكيد ما رح حدا ياذيني من بعيد
راشد : انت زلمة معدل وما شفت منك اي شي غلط
ميثاق : طيب وعماد
راشد : انا بس اسمعت ع شو ناوي قلت الي مافيه خير لاهلو مافيه خير لحدا خففت روحات لعندو وبس يجي بحكي لامي تقلو مو بالبيت
ميثاق : اي وايمتى بدنا نفرح فيك
محمود : لساتك حاطت عينك على دعاء
راشد : هههه الك دعاء
محمود : هي حبيبة ميثاق
ميثاق : لك مين دعاء
راشد: ههههه معقول انسيت بتتزكر وقت كنا نتمشى بجنب بيتهن
ميثاق : هههه الله لا يوفقك ع هالاستفقادة خدها الك
راشد : بلا شو
محمود : بس شد حيلك
راشد : ما انتو بتعرفو قدامي صخرتين مو حجرين
ميثاق : بدك تضل عزابي
راشد : بحاول اقنع بابا بس مافي امل
ميثاق : خود دعاء ازا مافي امل
راشد : هههه خليها لمحمود
محمود : فشرت
طبعا راشد بيعرف الشاردة والواردة عن اهل حبيبتو حتى بيعرف كيف ميثاق عشقان مرتو ومحمود حابب بنت خالو صهر المستقبل هو وبعدها اشتاق لشمس ميثاق وراح يطل عليها كانت بس امو ووعد بالصالوون
ميثاق : وين البنات
ام مروان : بغرفتي
ميثاق :...
ودغري اتوجه للغرفة واول ما فتح شافهن قاعدات منظر ولا بالخيال وشمس عم تنقرش سنكيرز وتشرب عصير وقلبو جواتو فرح
ميثاق : ساوي قهوة
عهد : انا بساويها
طلعت وسكر الباب وفات لعند شمس
ميثاق : شو جاي عبالك الحلو بعدين كيف طلعت عنهن انتي اكلة كل هدول
شمس : هههه اي
ميثاق : صحتين وهنا ريتو
ودغري باسها
شمس : ميثاق قلتلك هون مابحب
ميثاق : انتي مخربة عقلي
شمس : عيب عليك بعد عني
ميثاق : بس شو لازمة الحلو
شمس : هههه طيبين
ميثاق : لك لا تجننيني خزانتك مليانة سنيكرز
شمس : الي عند عهد اطيب
ميثاق : دخيل الله بتموت ع لمجاكرة
شمس : جيبلي اندومي
ميثاق : حاضر اتدللي انتي
وقبل يقرب منها فاتت عهد ودغري وقفت شمس
عهد : جاهزة القهوة
ميثاق :
اخدها وطلع
بالمضافة بالو صار عند شمس وقلبو يدق بسرعة حاسس انها حامل وناطر بس يتأكد من هالشي وبعد ما شربو القهوة طلعو يتمشو برى هو وراشد وبعدها ودعو وراح وفات لجوى
ميثاق : جاهزة شمس
ام مروان : يعني نحن ما بينسهر عنا
ميثاق : اجت ستي اليوم لهون
ام مروان : رحت انا ووعد لعندها
ميثاق : يلا شمس
ام مروان : اسهرو بكير لسى
ميثاق : لا حاجتنا
ام مروان : بكرى عاملين كبة بتيجو ها
ميثاق : لا مابدنا دايمة
ام مروان : لك مابدي مرتك تشتغل تعالو وقت الغدا
ميثاق : مابتقبل تاكل ع الجاهز لهيك مابدنا
ام مروان : مو بكيفك وكيفها
ميثاق : اتهنو شوبدكن فينا
ام مروان : شمس لا تردي عليه بتيجو ها
شمس : ان شاء الله
ميثاق : يلا تصبحو على خير
شمس : تصبحو على خير
ام مروان : وانتو من اهلو
~
وبغرفة امها كانت عم تحكي مع راشد ودايبة من خجلها
راشد : اي غير شكل الجية لعند اخواتك
عهد : يعني انبسط فيك ميثاق
راشد : والله مابعرف انا عملت الي عليي
عهد : ما سألك شو سبب لزيارة
راشد : لا قلتلك منعرف بعض من بعيد
~~~~
اول ما وقف السيارة استغربت
شمس :ليش جايين لهون
ميثاق : زيارة لستي
شمس : بلكي نايمة
ميثاق : مستحيل تنام بكير
انزلنا ولانو طريق بيتها عتم مسكلي ايدي وامشيت وراه دق الباب
ام محمد : مين
ميثاق : انا ستي.
ووقت فتحت الباب شفت كيف انبسطت فيه
ام محمد :الله لا يحرمني هالقامة والطول اتفضلو والا تبوسني
ميثاق: ليش محاربة اهلي
ام محمد : بعيد المشوار عليي
ميثاق : بتتصلي فيني ايمتى مابدك لكن شو اسمي ابن ابنك
ام محمد : دخيل قلبك شو بتحبو تشربو
ميثاق :مابدنا غير سلامتك
ودغري حطت فواكه
ام محمد : والله نورتوني شو شمس ماصار شي معك
شمس : مابعرف
ام محمد : ترى مرتك غشيمة انت دير بالك عليها
ميثاق : لا تخافي انا قدا وقدود
ام محمد : الله يطعمك الي ببالك

ميثاق : تسلميلي اي كيف عمي عبد
ام محمد : صرلو شهر ما اجى ولا اتصل ابنو مبارح حكالي منيح بابا
ميثاق : بدي اطلب منك طلب
ام محمد : ابشر اطلب واتمنى
ميثاق : انتي بتعرفي انو العقار فوق باسم مروان
ام محمد : اي
ميثاق : بدي تقنعي بابا مشان يتنازلي مروان بس عن مسطح بيتي
ام محمد : ليش بس المسطح والك دونم مشجر كمان
ميثاق : ستي انا مابدي اعمل مشاكل بيع شرى بس لبيتي
ام محمد: شو مشاكل ما مشاكل يوه متلك متل اخواتك ومحمود مستقبلا الو بيت اهلو ودونم ارض حتى البنات الهن حصة
ميثاق : انا مابدي شي بس على الاقل اجهز بيتي واضمن انو الي مروان منيح بس انا مابعرف شو ممكن يصير وشو بيخطرلو وانا مو مجبور اترجاه وابوس ايدو يتنازل عن بيتي
ام محمد : حقك يا ستي ولا تشيل هم
ميثاق : بس هاليومين لا تتصلي فيه ومابدي بعرف اني اجيتك وحكيت معك
ام محمد : لا تخاف رح نعمل فيه فلم متل فيلم الشغل
ميثاق: هههه دخيل قلبك متل ما اتفقنا مابدي الا بيتي
ام محم

- النص المستخرج من الصورة: 📝
ام محمد : متلك مثل اخواتك ما جدا احسن من حدا ولا
تشغل بالك غير الي بدك اياه ما بصير
وهلا فسرت ليش الو فترة شاغل بالو ومو على بعضو بس
ليش عمي ليسجل العقار كلو باسم مروان والا افتح الحديث
معو بس ارجعنا للبيت
شمس : ميثاق ليش انت مافي شي باسمك
ميداق : هي الشقفة صار عليها مشكلة مع عم بابا وكانو رح
بتضحكو عليه وستي الي وقفتها المسخرة ولاتر بابا مسافر
جدي تنازل امروان اخي وصارت الو
شمس : وانت ليش لتطلب من سنتي
ميتاق : بابا مستحيل يرد عليي وانا مستحيل اطلب من
مروان وحتی مروان ازا ما وافق بابا مستحيل يتنازل
شمس : وليك لتطلب من ستي مو من عمي
ميثاق مشان لا يفكر بدي حصتي
شمس : میثاق بيت اهلك باسم مين
ميثاق : باسم بابا انا مابدي ارض من حدا ولابدي ارت بس
بدي بيت اضمن مستقيلك ومستقبل أولاد
شمس بخوف : وهو يعني كلامات هاد
ميثاق : لشو خفتي بس المفروض اضمن حقك وحق ولادي
مستقبلا بلكي صار عليي شي ما يقبل تترجي الرابح او
تقعدي على الحسنة
وقلبي صار مثل النار ومجرد خطرلي يصير لو شي اكتليت
شمس : ليش عم تحكي هيك بربك
ميثاق : قلتلك اضمن شمس لو هو ماصار ممنوع حدا يقرب
ع دهباتك أي
شمس : خلص خلص شيلني من هالسيرة
ميدان : الي بحكيه مو حكي ولاد او مرح هاد احتمال ولازم
الحط كل الاحتمالات
شمس : يعيد الشر عنك يومي قبل يومك
میثاق : هههه يجن اذا بصيرلك شي
شمس : يموت اذا بصرلك شي
ميثاق : لا شمس التي ما بتحبيني اد ما بحبك انا
شمس: والله بحبك
ميثاق : يعرف بس والله مو محل حبي الك ما عم أتحداكي
ابدا بس انتي ما بتعرفي مكانتك بقلبي
شمس ....
بقلبي : لازم ما افكر الا فيه ياربي بعد عني وساويس
الشيطان
شمس : انت صرلك فترة شاغل بالك
ميثاق : اي شمس انا شايفك ع نياتك ولو بتصيري قوية
مستحيل يطلعلك مع اهلي مروان محامي ووقت بدو يبقلب
القضايا كلا الصالحو انا ماني ضامن عمري ومستحيل أسمح
النهائي من بعدي
شمس : مشان الله ميعان ليش عم تناول ع حالك
ميداق : ليش ما يتسمعي عن الي بتترمل بالبلد شو مصيرها
ومتصير كلنا تتحسن عليها واول مقال سلفة نهال
شمس : اي يعرف المهم انت ما يصير عليك شي والباقي ما
بهمني
محاق : ولو الزوجتي من بعدي خايف على أولادي
شمس : لك شو عم تحكي رح تجنني اليوم
ميثاق : ههههه بس والله كلامي مو مزح ولا لعب جذب جد
شمص: تصبح على خير
حاولت انام كنت خايفة عنجد اول مرة حدا يبزرع فيني
الخوف بها الطري الله رغم انو حاول يغير تفكيري بس كنت شاردة
وما اقدرت ما اتخيل الموقف وقلبي مثل النار صار

القسم الخامس وعشرون
شمس الغرام♪
{بقلمي مايا الحجازي}
اتصلت ام محمد بابنها من موبايل محمود كانو لتنين بالمضافة بس
ام محمد : طمني وعن شغلك
ابو مروان : الحمد الله انتي كيفك طمنيني عنك
ام محمد : الله يرضى عليك
ابو مروان : بتزورينا
ام محمد : اي عطول
ابو مروان : ازا ناقصك شي خبريني
ام محمد : بدك الصراحة بالي مو مرتاح ابدا
ابو مروان: خير
ام محمد : شفت ميثاق بالمنام متدايق ومهموم
ابو مروان : ليكو بالبلد شو صاير عليه
ام محمد : بس انا شفتو متدايق وفسرت المنام
ابو مروان : خير اللهم اجعله خير
ام محمد : بدي تحكي مع مروان يتنازل لميثاق عن حصتو فوق بالبلد
ابو مروان : مو وقتو وع شو خايفة انتي ولا ليكون من ميثاق هالحكي
ام محمد : ايمتى وقتو لكن
ابو مروان : هيك ومتبري مننا بكرى لياخد حصتو رح يدعسنا برجليه
ام محمد : انت غلطان كتير يا ابو مروان ميثاق احن منو مافي
ابو مروان : حنون ما اختلفنا بس هو ما بيسمع الكلمة بس يرجع للسوق لعندي ويشتغل متل مابدي بصير الي بدو اياه
ام محمد : بغضب عليك
ابو مروان : هههه لا قلبك كبير ما بتعمليها بعدين انا مأمن مروان
ام محمد : اهلين امانة
ابو مروان : شو مفكريتو متل العاقل الي سحب سلاح ع اخوه لكبير
ام محمد : انا لا امك ولا بعرفك
ابو مروان : هههه وين ام مروان
ام محمد : تضرب منك الها عيلة فاشلة هاملة حقها نص فرنك
بزقت عليه وعصب ومحمود كاتم الضحكة مكيف
محمود : اي بابا
ابو مروان : وين امك
محمود : هاد الاتصال ع المخفي
ابو مروان : دخلك ميثاق بيزور ستو
محمود: مابعرف والله بس ما بظن بيزورها
ابو مروان : ماشي كيف دراستك انت
محمود : غير شكل
ابو مروان : بس تجيب معدل عالي دغري رح اخطبلك
محمود : الله يطول بعمرك
سكر معو بجية ام مروان
ام محمد : تفيه عليكي وع جوزك
ام مروان : شو شايفيتنا بمنامك
محمود : بدها بابا يعطي ميثاق حصة
ام مروان : شو موال جديد
ام محمد : فاشلة انتي بدك تحطي رقبة ابنك بايد اخوه
ام مروان : متلو متل اخواتو ماحدا رح يحرمو
ام محمد : قولي لجوزك ازا ما بصير الي طلبتو منو لا يحكيلي يامو
ام مروان : هههه خلص بناديكي باسمك
محمود : هههه حبيت
ام محمد : انا بفرجيكن
ام مروان : بس شو خطرلك
ام محمد : بيجوز من الله بعدين ميثاق مو صغير
ام مروان : اي ما اختلفنا وبكير ع توزيع الحصص ابو مروان لساه عايش والله يطول بعمرو
ام محمد: لك لا تجننيني العقار باسم ابنك مو باسم جوزك
ام مروان : اي وهو مأمن فيه
ام محمد : انتي والامانه الي بيعرفها ابنك لو العقار باسم ميثاق كان تنازل لاخوه بدون ماحدا يطلب
محمود : يعني ميثاق حاكي معك
ام محمد : انت لا تدخل وازا ما بصير تنازل لميثاق لا يحلم بشي مني
محمود: اي منعرف رح تعطيهن لعبد حبيب قلبك
ام محمد : تفوه عليك انت كمان
محمود : هههه يسلم تمك يا ستي
نيال الي بتحبيه
ام محمد : وقولي لاحمد ال ستة دونمات رح اسجلهن لميثاق
محمود : طولي بالك حجة شو جاييكي من ميثاق
ام محمد : مو شغلك انت قوليلو هالحكي اي
ام مروان : لشو زعلانة انا امو مو انتي
ام محمد : لو انك امو كنتي من زمان انصفتي ابنك
ام مروان : انا بعرف شو مخلفة
ام محمد : بصير خير فيك وبجوزك تعال وصلني لعند مروان انا بحكي معو
محمود : ستي عالفاضي بابا هيك بدو وغير الي بدو ياه ما بصير
ام محمد : يلعنك ويلعن ابوك
محمود: ههههه شرشحتنا اليوم مرت عمك حجة روحي تفششي بغيرنا عهد يا عهد
ام محمد : انا بفرجيكن
وراحت زعلانة من عندهن
ام محمد : لموت مابفوت هالبيت
صارو يترجوها وعالفاضي راحت
وميثاق منتكس وماحدا سائل عنو
~~
متل المنام شفت ميثاق متجلس وعم يسعل وهلا استوعبت انو مو بجنبي وصوتو عم يستفرغ بالحمام ودغري رحت لعندو فتحت الباب وشفتو منهك لدرجة
ميثاق : جيبيلي بلوزة غير هي
رحت دغري كنت خايفة عليه كتير اعطيتو اياها
شمس : اطلاع خليني انظف الحمام
ودغري دفشني من كتفي
ميثاق : انا بنظف ورا حالي روحي
سكر الباب بقوة كنت مقهورة عليه كتير وصوتو عم يسعل كانو بقلبي وعم اتوجع عنو وما لقيت حالي الا عم افتح الباب بينا وبين مروان ودقيت عليه خجلانة وبنفس الوقت اتشجعت لانو بدي يطلب دكتور لميثاق اجى ومعو نسرين ومبين انهن كانو بسابع نومة
مروان : شوفي
شمس : ميثاق تعبان
مروان : منتكس
شمس : عم يسعل ويستفرغ
طلع ميثاق من الحمام وحسيتو ما عجبو
مروان : اطلبلك دكتور
ميثاق : مابدي شي
مروان : تعال ارتاح بالمضافة غير جو احسن
ميثاق : هاتي جاكيتي شمس
طاوعو رغم انو لساتو عم يسعل شي مو طبيعي اختنقت عنو واتمنيت السعلة الي مو الو ومقهورة عليه كتير راحو للمضافة وصوتو لعندي واصل

مروان : نسرين جيبي موبايلي
كان عم يحكي مع الدكتور
وميثاق قاعد بتعب وما عم تروح السعلة ابدا
~
كان من تعبو شبه دايخ والمضافة عم تدور فيه ومو شايف الا الغباش بعيونو صدرو اتجرح على قد ما سعل وبس اجى الدكتور طلعت شمس ونسرين وبقي بس مروان كان عم يفحصو الدكتور وبنفس الوقت ما وقف سعلة
الدكتور: من زمان هيك
مروان : من لما كان صغير بتصيبو هي السعلة
الدكتور: ما منيحة الو ابدا انت بتدخن
مروان : بس ع الخفيف
الدكتور : لا بدك تتركو ضروري نفسك صعب كتير لازمو تبخيرة ضروري
كان الدكتور عم يتصل بالموبايل ومروان كتير انقهر على اخوه لانو وجهو شاحب ومنهك والسعلة ما عم تروح ابدا ولا عم يستريح
مروان : رح يتحسن دكتور
الدكتور : اي هلا ع التبخيرة رح تهدأ كتير بس بدو يبعد عن كل العوامل الي بتزيد السعلة التدخين والعطور والغبرة كمان
مروان : انت مابتشرب الدوا
ميثاق : لا
مروان : هو بيستعمل حبوب يومية قبل النوم بس الو فترة تاركها
بعدها حطلو تبخيرة لمدة نصف ساعة وهديت السعلة شوي
والتعب مسيطر عليه الظاهر مو نايم ابدا
خلصت التبخيرة
مروان : عزبناك معنا دكتور
الدكتور : لا ولو هي التبخيرة خليها عندكن لربما يحتاجها بكرى
مروان : يعطيك العافية دكتور
الدكتور : الله يعافيك حاول تنام متجلس عليك العافية
حاسبو مروان واكرمو لانو جابوه بعد نص ليل ورجع مروان لعند ميثاق
مروان : تنام هون
ميثاق : لا
مروان : ريح حالك هون
ميثاق : بدي انام وبس
مروان : متل مابدك
راح للغرفة وحطلو مخدات
مروان : نام وانت متجلس بعينك الله على هالليلة
كان مساير كتير غمض دغري وطلع مروان تارك شمس تتطمن عليه
~
شمس : اتحسنت
اكتفى بهز راسو
شمس : من ايمتى عم تسعل
ميثاق : ما نمت
وكتير ازعلت مشانو كنت مراقبيتو وخايفة عليه بنفس الوقت
شمس: ربو الي معك
ميثاق : اسألي امي انا مابعرف
فتح شوي من عيونو
ميثاق : نامي شمس لا تضلي صاحية
حاولت كتير بس ما اقدرت
شمس : موجوع
ميثاق : حتى راسي عم يوجعني
شمس : بس خفت السعلة
ميثاق : ...

~
نسرين : يعني خفت السعلة
مروان : خفت وطار النوم من عيوني
نسرين : ياحرام شكلو مو نايم
مروان : لا تخبري ماما
نسرين : ليش بقى
مروان : غشيمة عنها كل ما انتكس بتحط الحق على حالها هيك الله كاتبلو مابدي تزعل ماما
نسرين : لا مابخبر حدا
بقلبها : بدي اخبر نهال وهي بتشيع الخبر
~~
وببيت ابو مروان كانت مستفقدة لابنها كتير وبنفس الوقت عم تحكي بحالها باعنا
بجية نهال والا تتناقر ع الباب هي ومحمود
محمود : دخيلو الاورنج
نهال : عيب عليك
عهد : هههه شو لابسة اورنج
محمود : شعراتها
نهال : قليل ادب ابنك مرت خالي مبارح فات بدون احم ودستور
محمود : والله قلت احم دستور يالله يالله بس الانسة نسيت انها بلا حجاب
نهال : ههههه لك لا تقول لحسن هيك
محمود : بدي احكيلو ضبها
نهال : بس للامانة شلون اللون
محمود : كانو لباس عمال نظافة
عهد : ههههه والله جبتها شو عاملة اليوم غدا
نهال : يالنجي مع تبولة بتعرفي حسون بحبها
محمود : حسونة قال وهو قد الجحوشة
نهال : فشرت شو ما بيجي ميثاق لهون
عهد : لا يا اختو باعنا مشان شمس
نهال : اي صرلو تلت ايام ما بنام الا ع التبخيرة
ودغري وقفت ام مروان
ام مروان : بتحكي جد نهال
نهال ؛ اي والله
ام مروان : مين خبرك
نهال : نسرين
عهد : ما بموت لا تخافي لانو خبيث
ام مروان : اخرسي وليه
نهال : ما احقرك انتي ولا هو
عهد : بيكون بسبب شمس على اد ما بتحط عطر
نهال : وين رايحة مرت خالي
ام مروان : محمود بدي توصلني
محمود : يلا ناطرك برى
كانت خايفة كتير عليه وهي الي زعلانة منو لانو ما بيزورها لبست وراحت مع محمود لبيت ابنها فتحتلها شمس لهيك انقهرت
ام مروان: وينو ميثاق
شمس : بالغرفة
ام مروان : صحيح تعبان
شمس :...
ودغري فاتت للغرفة وبقي محمود برى واول ما شافتو زاد خوفها عليه
ام مروان : نايم
ميثاق : فوتي ماما
قعدت بجنبو تمسح على شعرو
ام مروان : سلامتك يا روحي اتحسنت
ميثاق : احسن مين خبرك
ام مروان : نهال كانت عنا من ايمتى مريض
ميثاق : لا تشيلي همي بتحسن
ام مروان : كيف ما اشيل همك موجوع هلا
ميثاق : راسي ماعم يهدا ولا شوي
ام مروان : مبين عليك التعب اترك هالدخان بقى
ميثاق : الدخان ما علاقتو
ام مروان : برضاي عليك تتركو
ميثاق : الدخان بيخفف عني
ام مروان : طيب من شو مهموم حبيبي
ميثاق : شمس اتركينا لحالنا
طلعت شمس وسكرت وراها الباب
ام مروان :صاير شي
فتح الموبايل وعلى محادثة ابوه وشغل
الفويس
ابو مروان : كيفك ميثاق اليوم ستك بتتصل فيني مشان بيت ومابيت مدري العقار ساعة الي بدي بخلي مروان يتنازلك عن البيت والارض وكلشي بس اكيد مو هلا اقل شي بتشتغل خمس سنين عندي بالسوق ساعتها بخليه يتنازل ولا تظن بمروان السوء هو من لما اتجوزت حكالي بدي اتنازلو بس انا رفضت فكر بكلامي مزبوط

وسمعها شو بعت هو لابوه
ميثاق : اهلين بابا انت مستعد تعطي فاضل السلفة الي اخدتها ازا موافق جاي ودغري لعندك اشتغل
ليكون رد ابوه
ابو ميثاق : لا ماني مستعد لدفع اي شي دوبني اللحق دفع الضمان واحاسب الموظفين
ميثاق : لكن ليش بدك اياني اترك شغلي انت متاجر فيني تجارة مشان البيت مابدي شي مو تفكرني بهددك لا لا مروق وعين الله عليي بس هي فترة صغيرة لاخلي البيت ردم ع الارض
ام مروان : وشو رد عليك ابوك
ميثاق: شو بدو يرد انا بطلت بدي شي منكن بس يمهلني مروان فترة بدي اشوفلي شقة بالمدينة واول ما اسافر ببعت شمس لعند اهلها اتبرو مني
ام مروان : لا يوه خلص شو بدك انا بقنعو ازا مشان البيت
ميثاق : لا تحاولي ولاعبالك انا هالبيت نفسي طابت منو والي حكيتو رح انفذو لو بعد سنين .
ام مروان : برضاي عليك لا تكبر الموضوع خلص الي ببالك بصير
ميثاق : مابدي شي منكن وعلى عيوني ساكن هون
ام مروان : هاد حقك وازا اجيت للحق الك نص البيت
ميثاق : على حب النبي لا تضلي تجيبي سيرة نص البيت انا وقت ساهمت مع مروان ما كان ببالي الا اساعدو وبس مابدي من حدا شي حتى ارض جوزك مبروكة عليه وع اولادو ترى السلفة سحبتها مشانو بس اتاريه ما ببين معو لو اختو اتصلت فيه هلا ليكون عندها المبلغ الي بتطلبو بس الظاهر انا عدوه مو ابنو
ام مروان : لا تقهر حالك هو خايف عليك
ميثاق : واضح جدا الخوف هو بدو يتحكم فيني مو اكتر
ام مروان : طيب تعال معنا غير جو لا تضل بالبيت
ميثاق : تعبان والله
ام مروان : لانك ما غيرت جو يلا اللبس وتعال معنا
ميثاق : ع الزمة استفقتديلي
ام مروان : والله ما رحت من بالي
ميثاق : واكيد قلتي هاد باعنا
ام مروان : لا لا بس اخدت ع خاطري شوي لو بعرف انك تعبان ما بتركك لحظة
اتجلس ليروح معها
~~~~
وصلنا لبيت حماي كانت نهال هنيك استقبلتو حسيتها أحن عليه من عهد مدتلو ايدو وخلتو يسلم عليها
نهال : هو هووو علينا بس يمرض ما بيتحاكى
منيح اجيت عاملة يالنجي اكيد لساك بلا اكل
ميثاق : روحي جيبيه يلا
نهال : يلا لا تشرب شاي لارجع
حسن : هلا رايحة مشان تجيبيلو يالنجي
نهال : اي سالت يعليي من المرض
حسن : سامعة مرت عمي كيف مدلله اخوها
ميثاق : بكفي مرت عمك ما طايقيتني
ام يوسف: هههه بالعكس بحبك كتير وجاية اجاكر فيك
ميثاق : عذرا اليوم ماعندي القدرة على الكلام
نهال : تعي شمس معي بخاف
شمس: اروح
ميثاق : انا بجي معكن لشو تتلبكو فيني
نهال : حسونتي لا تزعل راجعتلك
اشرلا بمعنى الله معك ورحنا تمشاية للبيت مبسوطة لانو واخيرا بدو ياكل مسكلي ايدي ونحن رايحين لبيت نهال
نهال : كيف صرت
ميثاق : لا احسن المهم انام
نهال : شمس عم تسهرك
ميثاق : ههه ياريت معها بسهر
نهال : شمس وليه دلليه هو بحب الاهتمام
دفشتو لانو عم ياخد ويعطي معها
شمس : لشو هالحكي
ميثاق : اي اسمعي كلمتها شوفي ابو علوشي كيف نص اجدب
نهال : انا بفرجيك
صارت تدفش فيه
ميثاق : شفتيه شمس
شمس : ههه اي بس مو متل ما بتقول
نهال : شايف حكت الحق مو متلك
وصلنا لبيتهن الي بيلمع لمع نظافة
نهال : ارتاحو هون
ميثاق : لا بالمطبخ عالماشي
نهال : فوتو لكن بدي انزل الغسيل
شمس : ليش ما قلتلي بتحب اليالنجي
ميثاق : مو قصة بحب
شمس : الك يومين ما بتاكل
ميثاق: انا كرمالك
شمس : ليش انا بحب اليالنجي
ميثاق : لا انا حاسس انك حامل
شمس : شو هالحكي
ميثاق : وحابب نتاكد
شمس : بس
ميثاق : مافي بس بدي أتأكد
والا يلقمني كان اكلها بيشهي
ميثاق : بتعرفي لو غيرها مستحيل اكل
شمس : هههه ليش بقى
ميثاق : هي اضرب مني موسوسة كتير
شمس : ههه مو من قليل اخوة
بجية نهال
نهال : شو ميثاق عجبوك
ميثاق : امم غير شكل وانا أسأل ابو علوشي ليش كرشو كبران
نهال : ههه ع الاكل الطيب مو متل بعض ناس من السهر حالتها حالة
ميثاق : بدي احكيلك شغلة بس انتي فسادة
نهال: لا لا قول مابفسد
ميثاق : كيف بدي اتاكد من حمل شمس
نهال : يييييي مبروك
شمس : مو حامل
ميثاق : يعني مابدك
شمس : لا بس مابعرف
نهال : جيب تيست من الصيدلية
ميثاق : وهاد التيست ما بخربط
نهال : لا مضمون مية بالمية
شمس : ليش متحمسين
ميثاق : خبريها نهال
نهال : انتي مو متحمسة يعني
شمس : الصراحة خايفة
نهال : ازا مشان الحمل الاول مافي نصيب بس هالمرة ان شاء الله بتصمدي
ميثاق : مارح اسافر الا لاتاكد من حملك
نهال : ياعيني ع الدعم شو رايك بطبخي
شمس : كتير طيب
ميثاق : دايمة بعرس ابو علوشي
نهال : نهنه ترى بايخة
ميثاق : هههه الله يعينو بس
ارجعنا تمشاية وعلى مناقرة بينو وبين نهال ما بتخلص وبالمضافة التزم الصمت وطنش حكي ام يوسف حسيتو كتير متغير او صاير شي معو وما كنت بعرف ليش هو مزعوج معقول عم يفكر فيني وخايف عليي

~~~
وقبل تسكر الصيدلية طلع ليجيب التيست ومو مسدء يرجعو للبيت مشان يتأكد وبعد ما انتهت السهرة طلعت امو توصي شمس فيه وبالبيت اول ما اعطاها التيست شافها كيف خجلت واتلبكت
شمس : ايمتى اشتريتو
ميثاق : من شوي
شمس : من البلد
ميثاق : شو بدك انتي
شمس : بس
ميثاق : يلا شمس
شمس : وبلكي مو حامل
ميثاق : عادي واقل من عادي بس انا حابب اتاكد مشان لا يصير متل اول مرة
قعد يستنى بحماس مو طبيعي وما سدء ايمتىى طلت عليه وفرجتو اياه ابتسم
شمس : شو يعني هيك
ميثاق : هلا بسأل نهال هي خبرة
والا يتصل فيها وزادت فرحتو
نهال : معناها حامل مبروك
ميثاق : الله يبارك فيكي شو رأيك ايمتى أخدها للدكتورة
نهال : استنى يومين اكتر لا مشان تكتبلا ع فيتامينات ومنو بتطمن على وضعها
ميثاق: بس مابدي حدا يدرى
نهال : ولا يهمك خلص

ودغري غمرها وزاد الخوف عندو لانو شايفها كتير طفولية وصغيرة ع المسؤولية بس كان متحمس ليصير عندو ولد او بنت
~~
ما كنت بعرف انو هالخبر ناطرو معقول اجى من السفر مشان شغلة الحمل طيب ازا بحب يكون عندو عيلة ليش طول وهو عزابي ليش ما بيحكيلي وبيشاركني افكارو وعندو اسرار بينو وبين حماتي
ومن بعد روحتنا للدكتورة كتير اتطمن لانو اتاكد انو انا حامل وما كنت متوقعة هالدلال كلو وطلبي ع راس لساني وما خبرهن محمود اكتشف اني حامل ونحن سهرانين بجنب الليمونة طبعا الحكي والمزح بس انا وميثاق نتهامس ونضحك
محمود : ما باركتو لبعض ناس
انتبهنا لتنين
عهد : لمين نبارك
محمود : في جماعة مخبيين خبر مهم ومنتظر
ميثاق : وانت شو عرفك
محمود : بالمدينة عند الدكتورة سما
ميثاق : ايمتى
محمود : يومها رحت لعند حمودة وشفتكن
ام مروان : شو القصة
ام محمد : شمس حامل
ميثاق : اي
ام مروان : عنجد
محمود : ما لاحظتي الكيك والحلويات كنو شمس رح تجيب حلاوة من الحلو
عهد : بنت يعني
ام محمد : ان شاء الله صبي
ام مروان : المهم الخلقة التامة كلو نعمة
عهد : يلا ابو احمد اتلحلح جيب الحلوان
ميثاق : ليكك عم تتحلي
عهد : لااااا بدي فلوس مد ايدك ع جيبك
ميثاق : ههههه
عهد : يلا بلا بتضحك
ميثاق : طيب ليش هالقد بتحبو المصاري
طبعا طالع الجزدان وعدلها مصاري الها ول وعد ومحمود تنحنح واعطاه
عهد : يييي يا حرام يا شمس ما أعطاها
محمود : بدها تصير ام معقول تضل مولدنة
ميثاق : انت لمولدن
وصرت اجاكرو
محمود : ترى شوف عم تجاكرني
اطلع فيني واخدت وضعية المسكينة
ام محمد : نحن ما اتحلينا
ميثاق :رح اجيب عشى اللبسي
عهد ووعد : ونحن ونحن
ام مروان : يوه ما اتغديتو
محمود : جعنا بعدين من طول عمرهن بقولو لاتردي الكريم عن كرمو
ميثاق : خلصوني بقى
سبقناهن للسيارة والا يسألني
ميثاق: شو بدك انتي
شمس : ما عبالي شي
ميثاق : يلا بسرعة احكي
شمس : فلافل
ميثاق: هههه هلا هاد طلب
شمس : انت سألت
ميثاق : بس انا بدي اجيب عشى مدلل مو فلافل
شمس : ميثاق ضب ايدك ترى رح تفلس
ميثاق : ههههه بكرى بس تيجي قمر بتيجي رزقتها معها
شمس : مين قمر
ميثاق : بنتنا
شمس : مو كوكب يعني
ميثاق : هههه زمردة ازا بدك
شمس : ليش متأكد انو بنت
ميثاق : انا متمني صبي لعدة اسباب بس إحساسي انو بنت
بس ما كنت حاسة انو منحازة ل جنس معين صبي او بنت ما بتفرق ابدا المهم خلقة تامة اجت عهد ووعد ومحمود ودعنا برى
محمود : جيب كنافة لا تنسى
ميثاق : ليش حامل انت
محمود : عيب عليك
ميثاق ؛: ههه والله شمس استحت تتوحم
محمود : اهوووو علينا المهم جيب شمس توحمي مو ع الفاضي حامل
ميثاق : ياحبيبي احلوت
دغري شغل ومشينا والا عهد تحط اغاني عراقية بس للامانة صرت احب هالاغاني شي بيجنن وبالاخص اغنية قلب قلب وين وين غايب عليي يومين ذكرتني بخطبتي من هالمنظوم دخيلو كيف مركز بالطريق
وعند المطعم ما كنت بعرف انو العشى شاورما والا يجيبلي فلافل خجلني كتير بس ما حدا بيعرف انو طلبت منو اشترينا العشى وبطريقنا للبيت مع برودة الصيف غير شكل الاجواء والعشى برى بجنب الليمونة من احلى الشغلات الي صارت واتصل عمي وخبروه اني حامل ودغري ميثاق قرر نمشي وببيتنا جهزنا ابريق شاي وعزمنا مروان ونسرين على سهرة ع الاسطوح وعلى حكي ومزح وضحك
~~~
الحمل مستمر وابو مروان ناطر ميثاق يحجز ويسافر واتصل فيه وميثاق مابدو يرد بس اضطر
ابو مروان ؛ كيفك
ميثاق : الحمد لله
ابو مروان : مبروك حمل شمس
ميثاق : الله يبارك فيك
ابو مروان : ان شاء الله أمورها تمام
ميثاق : ان شاء الله
ابو مروان : وما ناوي تيجي
ميثاق : بدك الصراحة مافيني اسافر الا لحتى اتطمن لانو مجرد صرت بعيد الشاطر الي بدو يتمقطع فيها
ابو مروان : انا بنبه عليهن

ميثاق : لا بابا انا حابب اهتم فيها بنفسي انا واثق انو ازا الها نصيب رح تكمل معنا بس كمان نحن منضربو ومنصيبو ومنقول نصيبو
ابو مروان : يعني ايمتى بدك تسافر
ميثاق : بابا ازا حابب تيجي انا بدفع اجار السكن
ابو مروان : لا ابدا بس انا كرمالك يعني حطيت كلشي معك على البيت
ميثاق : لا تشيل همي الي خلقنا بدبرنا
ابو مروان : طيب ماشي انتبه على عيلتك
ميثاق : ولايهمك
طبعا لتنين ما عجبهم الاتصال
ابو مروان بقلبو : بدي اقص ايدي ازا مو معبي مصاري وعم يسلبها عليي
ميثاق بقلبو : ازا ما صارلها اربع شهور كاملين ولايمكن اسافر وراجعلا دغري رح احضر ولادتها ومستحيل اسمح لاي مكروه يصيبها من اهلي
~
كان ظاهر الحمل عليي واهلي بس عرفو صارو يوم اي يوم لا يعزموني وميثاق ابدا ما يعترض يجي يسهر وياخدني من عندهن هالمرة المغرب اجى لياخدني سلم على العيلة والا يخليه بابا يسهر
ابو عمر : شو ما عبالك تسافر
ميثاق : لا ابدا
ابو عمر : والله انك خطير انت
ميثاق : بس ليكون بدك تسافر
ابو عمر : اي بدي اسافر قبل رمضان
ميثاق : بس مطول رمضان عمي
ابو عمر : دوبني اللحق واجهز اموري المسؤوليات كتيرة
ميثاق : الله ييسرلك
ابو عمر : بدي تدير بالك على شمس
اكتفى بابتسامة يا ويلي شو قوي
عمر : انت قول لشمس تدير بالها عليه
ابو عمر : شمس مافي متلها بس ليش نحفانة
(وكأنها شرارة ولعت حستو ما عجبو )
ميثاق : ليش نحفانة
خالتي : في نسوان ع الحمل بيضعفو
ميثاق : بس مايكون قلة اكل
ابو عمر: لا ابدا ماقصدت هيك بس يمكن انت عم تزودها عليها
ميثاق : كمان شو شاكية مني
عمر : ما شكت بس بابا ملاحظ على شمس انها متغيرة قبل كانت شخصيتها اقوى
ميثاق : يعني انا لغيت شخصيتها
خالتي : لا هي اتغير عليها الجو
ميثاق : يلا مشينا شمس...ولا حابة تضلي هون ومنو بترجعي قوة شخصيتك
ابو عمر : ليكون أزعلت
ميثاق : لا لشو الزعل بس هي شمس من وقت اتجوزتها هيك مابعرف صراحة كيف كانت بس الي بعرفو اي وحدة بتتزوج بتتغير
عمر : وين وقفت بدنا نشرب قهوة
ميثاق : غير مرة
ودغري اوقفت وطلع معنا بابا وعند السيارة
ابو عمر : دير بالك عليها
ميثاق : ان شاء الله
واول ما شغل ومشي
ميثاق : قافلين ع الاكل يعني
شمس : مين حكى هيك
ميثاق : واضحة مابدها شرح وهلا فسرت ليش عم يعزموكي كل يومين
شمس : مافي من هالكلام ابدا
ميثاق : مافي دخان بلا نار ولو ما شكيتي لاهلك ما حكو هالحكي ابدا
شمس : ما شكيت والله انت بتأمن بالله
ميثاق : اكيد بأمن بالله بس متأكد شاكيه بس معقول كل هالدلال وما يبين معك
شمس : ولو ازعلت مارح صالحك
ميثاق : ...
اكتفينا بالسكوت بس جواتي خوف ما طبيعي ويمكن جابني لبيت حماي ليحرد مني على كيفو كانو عيلة مروان موجودين وعم يشربو قهوة وياويلي كيف سلم بلا نفس وفات بالبوط لجوى ودعس على المد النظيف
~~~~
وبمكالمة هاتفية كانت عهد عاطيه ظهرها للباب وعم تحكي بصوت واطي ومندمجة ليفوت ميثاق ويسمع هديك الكلمة (مابس بحبك بعشقك)
وقلبو من جواتو طلع ومن عصبيتو فتح الباب وخبط بالحيط ووقفت بصدمة عهد
وسكرت الموبايل
ميثاق : لك مع مين كنتي تحكي اه
وهون فزعو كل العيلة
عهد : مع....مع مع تغريد
ميثاق : لك انتي شو مفكريتني ريالتي شاطة مين هاد الي كنتي تحكي معو
ام مروان : شوفي شوفي
ميثاق : لك شوفي تاركه بنتك ع حل شعرها بتطاول علينا منقول عادي بتصير بس وصلت معها عم تتمادى مع شباب لااااااا لهون وبس
مروان : لك شوفي يا عاقل شبك
ميثاق : لا حدا يتدخل مشان لا يطولكن مني شي
وسحبها من شعرها وموبايلها صار بايدو واخدها للصالون
واول كف ضربها اياه خلا امو تشهق ومروان مسكو من أيديه بس ما قدرلو دفشو ورجع مسكها من حنكها وشد
ميثاق : مين هاد يا حيوانة الي عم تتفلتني معو
تسرين : طول بالك بلكي سامع غلط
عهد : والله لاخبر بابا
ميثاق : عم تهدديني كمان
وبلش فيها تعفيس واي حدا يحاول يبعدو عنها عم يندفش وبجثتو ماحدا وبقوتو حتى مروان ماقدر يبعدو عنها
~~~~
كنت ميتة من خوفي ومالقيت حالي الا اتخبيت بالحمام خفت منو كتير ولسى سامعة صوتهن برى هو يهدد وعهد تبكي وحماتي تبكي ومروان ومحمود عم يحاولو يخلصوها من بين ايديه ما كنت مفكرة انو هيك متهور معقول سمع عنها شي او سمعها تحكي مع حدا
~~~~
وبعد ما خلص ما همو إلا موبايلها الي بجيبتو
ميثاق : والله والي اسمو الله لاعيد تأهيلك يا فلتانة وانتي اي اي انتي ازا لسى بتخليها تتمادى لو على وعد لافرجيكن الويل كلكن
مروان : ليش ضربتها ليش
ميثاق : تبلي ليكو موبايلها معي والله لطالع من الخمير والفطير يا بنت الشوارع
محمود : عنجد كنتي تحكي مع شب