جهزت حالي واطلعت ودعتني كنت خجلانة هلا كل الحارة رح تعرف انو كنت نايمة عندهن الله لا يوفق الي كان السبب.
........
ببيت اهل ساجد
على الارض قاعدين يفطرو
ام ساجد:والله مو هاين عليي فيها
ابو ساجد:بالاخص انو ما انمسك
مجد: شو القصة عن مين بتحكوا
ام ساجد:انتي لا تدخلي
ساجد:مع انو كليوم بسهر ع الاسطوح بس مبارح تأخرت
ماجد:بلا شوفي يا جماعة صاير شي
ساجد:الي بيرجع الفجر للبيت مستحيل يعرف شوفي
مجد:صاير عند مريم شي
ابو ساجد:اي حرامي حاول يفتح البيت بس ساجد مسكو
مجد: حرامي ليش شوفي عندها مريم
ماجد:هو مو حرامي حرامي
ساجد:شو قصدك انت
ماجد:انت وماما وبابا فهمانين قصدي منيح😉
مجد:شو قصدك
ام ساجد:خلص حاجتك تدخلي ومابدنا حدا من الحارة يعرف بقصة الحرامي
ساجد:ليكون ماجد عندك فكرة وعم تحكي بثقة مو حرامي حرامي
ماجد: واضحة صبية لحالها وحدانية شو بدهم يسرقوا منها
ابو ساجد:عيب عليك ولاه خلص سكر ع الموضوع
ماجد:تعليقك ساجد بيك
ساجد:دايمة يا جماعة
ابو ساجد:وين
ساجد:دوبني اجهز حالي
ام ساجد:بدك تطول
ساجد: لا مشوار هون بالحارة
ام ساجد:الله يحميك يارب
لساهن عم يفطرو طلع ساجد متشيك ودغري طالع الموتور من غرفة صغيرة بجنب البيت وطلع من الحارة
ابو ساجد:شو رايك نخطبها ل ساجد
ام ساجد:قصدك مريم وساجد يتجوزو
مجد:فكرة بتجنن😂هو ما بطيقها
ابو ساجد: اي البنت مقطوعة من شجرة ورح نكسب اجر فيها
ماجد:انا باخدها🙂
ام ساجد:لا مو مناسبة الا لساجد
مجد:ياي تصير مريومة كنتنا
ام ساجد:لك ليش ما خطرلي من الاول اي انا حابة افرح فيه من زمان ومريم بغلاوة ولادي دخيل عينها
ابو ساجد:احكي معو اليوم وازا وافق فاتحي مريم بالموضوع
ام ساجد:يارب الله يجعلها من نصيبو ...
مجد :ياي بدو يصير عنا حفلة😂
ماجد بقلبو:لناس وناس الدعم
.........

وعند ساجد صفط الموتور بحد البقالة ونزل كان وائل عم ينزل لبضاعة
وائل:اهلا ساجد
ساجد:كمل شغلك انا جوى
وائل:بدك تخلي الموتور برى
ساجد:اي شو فيها
وائل:لك ليروح ينسرق
ساجد:مستحيل ولوو شو بتحكي انت
وائل: براحتك
اخد حبة بسكويت ووحدة عصير وقعد ينقرش
خلص تنزيل لبضاعة ورجعلو
ساجد: لك ما حاسبتو للموزع
وائل:محاسبو سلف بدلت بضاعة
ساجد:تعال احكيلي شو قصة السرقة
وائل:لك مو دريان
كان ورا طاولة البيع وائل
ساجد:لا
وائل:شغلة السرقة منتشرة وبالاخص الدرجات النارية
ساجد:ايه شو بتحكي انت
وائل:من يومين نزلو لبيت ابو ياسين طالعوه من ارض دارو
ساجد:لك معقول
وائل:ومو بس بحارتنا مستلمين اكتر من حارة
ساجد:شو سايبة الشغلة يعني
وائل:روح اشتكي لنشوف شو بيطلع منها
ساجد:شو يعني عم يتحدو الدولة
وائل:بيحكولك مرحبا دولة
ساجد: لعمى عينك عينك يعني
وائل:انت دير بالك ما صرلك زمان مشتريه
ساجد:ههه ابكيت لحفيت مدري كيف بقولو المثل
وائل: اتجوز بتعلمك المدام الردح😂والامثال
ساجد:بس شغلت بالي يا لوليتي
وائل:لا ينشغل بالك بس عطول اتأكد من الغرفة انو مقفولة
ساجد: مين بيسترجي يسرق الموتور وحدلي الله
وائل:لا إله إلا الله
ساجد:اي كيف الوضع عندك حركة السوق
وائل:خليها لله كلو عم يسحب ع الدين وبيحكولك لاول الشهر
ساجد:بدك تطول بالك بكون الحال داقر ع الكل
وائل:ليك والله الناس صارت تسرق لتعيش
ساجد:الحرام حرام ليكني عسكري اسرق لاعيش مثلاً
وائل:مبادئك ما بتسمحلك تسرق وانت ساجد لساك عزابي بكرى بس يصير عندك عيلة رح يختلف الوضع الزواج مسؤولية
ساجد:مرحبا زواج
وائل:😂كانو افهمت منك مسكر ع الموضوع
ساجد:مغلق حتى اشعار اخر
وائل:عشقان مطرح ما بتخدم
ساجد:قول طفران انو عشقان
وائل:خوفتني عليك فكرتك مو زلمة😂
ساجد:احتفظ بحق الرد
وائل:عيب عليك اكبر منك بخمس سنين
ساجد:اي اهلين عمو سجلهن ع الدين 😉
وائل:لك على حسابك
ساجد:كول هوى ما بحب الحسنة بنوب
وائل:وين فزيت خليك
ساجد:باب رزق عيب قعدتي عندك هلا بتيجي شي مراة وبتروح لدكان تاني
وائل:السهرة عندي
ساجد: بجي اسهر جهزلي الاركيلة
وائل:من عيوني تكرم
ركب الموتور وطلع من الحارة
.........

وعند ديب بورشة تصليح المواتير مصطفى ومصلح عم يتكورعو شاي وهو مرتكي وبايدو مفك التصليح ومبستم للصبية
مصطفى:معلميي وينك
ديب:سدو لبوزك
مصلح:تعال اسمع تعال
بعدم اهتمام:احكي سامعك
مصلح:هالحمار على شوي انمسك مبارح
ديب:حمار لانو كيف صار هيك
مصطفى:وطي صوتك مشان الله
قعد ديب معهن
ديب:مين شافك
مصطفى بهمس:ساجد خلع باب البيت قبل ابدا حتى
ديب:ابن النمر
مصطفى:في غيرو
ديب:الله لا يوفقك منيح لو انمسكت
مصلح:لك مو زعلان غير عليه حاكيتلو يع ما ابشع ريحتك
مصطفى:الله ياخدها شو مفكرة حالها هالمقطوعة

ديب:حقها الشرف غالي يا عديم الشرف
مصطفى: بحبها يا معلمي شو اعمل
ديب:اعمل نفسك ميت😂
مصلح:😂دخيلو لمعلم الي بحب النكت
ديب:هرهور
مصلح:وجب معلم اليوم الهرهور بكون متل الغندور
ديب:انصراف مصطفى روح شوفلك هرهور لبكرى
مصطفى:وجب معلم
كان مصطفى بيخزي قول وفعل فارق شعراتو بالنص وجديبة عند الكل
مصلح: أسمعت
ديب:اي ومستغرب كيف ماجد بدو يشتغل معنا وأخوه ساجد عاملي شريف
مصلح:الظروف😂
ديب: لك يخرب بيتو مصطفى ما لقى غير هالمقطوعة
مصلح:😂ماحدا رح يقرب عليها غيرو
ديب:بنات الحسب والنسب عاطلات كيف هي...
مصلح:درر معلمي
بجية ماجد لعندهن بايدو كيس شبس
ديب:فرجيني عضلاتك ابو الجود
ماجد: ايمتى
ديب: بتروح لعند نصرت وهو بيعلمك اصول الشغل
ماجد:صار واحلى ديبو ابن بنت عم امي
ديب:مرحبا قرابة
.........
كنت مخلصة تعزيل البيت لسى قلبي مقبوض من الي صار خلصت وجهزت حالي لروحة البنك اللبست مانطو جينز وبنطلون اسود لفيت شالة زهر فاتح حطيت مسلتزماتي بالشنتة حطيتها على كتفي واطلعت من البيت لموقف الباص بنهاية الحارة ودغري اطلعت وصلت للتقاطع وكملت مشي البنك
سلمت على ميس وقعدت على الكرسي واسترحت من المشوار
ميس:اتاخري كمان ساعة
مريم:ع شو مستعجلة دخيلك مين سائل فينا
ميس:افطرتي
مريم:ما جاي عبالي شي اشربتي قهوة
ميس:منجدد شو ورانا
مريم: روحي وصي عليها التلفون عطلان
ميس:😂يلا
ارجعت اتزكرت شو صاير معي وهبط قلبي كيف بدي انام ياريت بيت ميس في فضى لاروح معها ويحكو تقيلة دم ما بهمني ولا ينعاد موقف الليل ولا كيف فات وراه ساجد ولييي خوفوني لتنين بس رعبتي من هالوسخ الي اتهجم عليي ما بنساها بكل عمري🥺انا مخذولة ومقهورة انقهرت من صغري وماحدا مهتملي انا ياربي أتعبت ومحتاجة سند استند عليه بس.
.......
وبشقة فارهة كانت جيانا لابسة فستان اسود وشعرها مفرود ومكياج صاخب اجى الشوفير واخدها للملهى الي بتداوم فيه رقاصة وبدونها بيتسكر
بدلع حكت:زوزي شو مشان ديب
عزيز:من بعد اخر خناقة مدير الملهى قلعوا تقليع
جيانا:هو اد ديب ليتحداه واسطتو واسطة
عزيز:ما دخلنا اجى بيرشرشلك
جيانا:زوزي افهمني انا حابيتو كتير ل ديب
عزيز: مقطع موصل ابنو بطولو شو بدك فيه
جيانا:بدلعني ورافض يصاحبني للشقة بدك احلى من هيك
عزيز:وبعدين مع سيرتو اصلا المكان الي بكون فيه مليان شياطين بكون
جيانا:ديب ملائكة لا تحكيلي عليه
عزبز:عاملك عمل مافي مجال
جيانا:ازا ما بيحضر اليوم رح الغي مواعيد باقي الاسبوع ها
عزيز: متل مابدك .....
.......

القسم الثالث
على العشى كانت ام ساجد عاملة مفركة بطاطا وسلطة ومتبل غسل أيديه واجى شاركهن الاكل
ام ساجد:اشبعت نوم يعني
ساجد:اي الحمد لله
ابو ساجد:احكيه يلا
ساجد:شو القصة
ام ساجد:هلا رايحة اجيب مريم تنام عنا
ساجد:شو علاقتي انا
ابو ساجد:ما علاقتك اكيد بس اسمع كلام امك
ام ساجد:بدي تكتب كتابك عليها
ساجد بصدمة:شووووو؟
ابو ساجد: البنت مقطوعة ما الها حدا والا ما بتتعرض لهالموقف مبارح بليل ولولاك الله اعلم شو صار فيها
ساجد:بس مين خبركن ناوي اتجوز
ام ساجد:لايمتى يعني انا بدي افرح فيك كمان مو من حقي
ساجد:حقك ماما بس
ام ساجد:حاجتك تبسبس لايمتى بدك تضل عزابي الي من جيلك رح يجوزو اولادهن
ساجد:يعني مافي غير مريم
ام ساجد:اي وهي بحاجة رجال يسندها
ساجد:ومافي غيري يسندها
ام ساجد:انا شايفها مناسبة الك
ساجد:من وين لوين مناسبة انتي عم تقرري عني شريكه حياتي
ابو ساجد: مو عاجبيتك البنت
ساجد:مو قصة اعجاب انا ما حابب الارتباط خبط لزق والا زمان كنت قلت لامي دوريلي على عروس
ام ساجد:ليكون عشقان
ساجد:لا يا امي مافي منو لا عشق ولا بلاوي بس كمان تكون ام اولادي من بيت عالم وناس
ام ساجد:ليش شبهن اهل مريم والله مافي منهن وباخلاقهن
ساجد: شو يعني بتقرري من حالك ارتبط فيها
ابو ساجد:اسمع كلام امك
ساجد:اي ما معي مصاري للجواز
ام ساجد:شو بدها الشغلة محبس وحلقات وغرفة نوم
ساجد:شايفة الي عديتيهن كلهن مامعي منهن
ابو ساجد:ما عليك امك مزبطة وضع جوازتك يعني موافق على مريم
ام ساجد: موافق وما بدها نطرة كملو العشى انا رايحة اجيبها ومنو بحكي معها
ساجد: انتو ما خليتولي مجال حتى افكر
ام ساجد:حط ببالك ازا وافقت اقل من سنة بكون فرحانة فيك
تركتوا مو مستوعب ابدا شو حكت
دغري شبع غسل ولبس قبل تيجي مريم وراح لعند وائل مجهزلو نفس اركيلة على كيفو
.........
بالمطبخ كانت عم تجلي مجد
ماجد:ليش ساجد ما عجبو
مجد:مابعرف بس هو ما بتعجبو مريم
ماجد:يعني بدو بنت مدير الناحية😂
مجد:مابتعرف
ماجد:ايه نيالو
مجد:ليش بدك تتجوز
ماجد:هني جابو سيرتي وانا اعترضت بس الدلال لناس وناس

تركها وطلع ابتسم وقت اتزكر كيف هو ونصرت سرقوا الموتور وحالياً ناطر دفعة مصاري وهي حصتو من سرقة الموتور وكأنو رح يصير غني كتير 😂
.......
كنت خجلانة منها لاني عم اتعشى
مريم:تفضلي خالتي
ام ساجد:سبقتك اتهني
مريم:ليش ما اجت مجد تسهر معك
ام ساجد: انا ما أجيت اسهر مارح اخليكي تنامي لحالك
مريم:لا والله يا خالتي ما بقدر وانتي بترضيها انام ببيتكن وعندك ولاد شباب
ام ساجد:لا ما بقبل اكيد ومارح اكزب واحكيلك ولادي متل اخواتك انا بدي اطلب ايدك لابني ساجد شو قلتي يا مريم
صدمتني تركت من ايدي وقلبي وقع من الخوف
مريم:تطلبي ايدي
ام ساجد:اي شو ناقصك يعني جمال وهضامة ومشالله رتابة وما بشوف فيكي الا صبية بتليق بابني ساجد
مريم:انا انا مابعرف شو احكيلك
ام ساجد:انتي خجلانة ويمكن مصدومة رح تفكري ومستحيل ترفضي مو لانو ابني بس ساجد مؤدب ومربيتو منيح مو متل الزعران يعني
ضليت مصدومة وما عم سدء او مو مستوعبة اصير زوجة ساجد واصلا هو ما طاسسني
ام ساجد:كملي اكلك طيب
مريم:انا اشبعت
ام ساجد:يلا لكن جهزي حالك لنروح
مريم: مافي داعي خالتي ولا تزعلي مني خلص انا اي شي بتصل فيكي
ام ساجد: في داعي بالصدفة ساجد اتاخر والا كنتي رحتي فيها الحارة مليانة زعران وعارفين وضعك يلا
بقلبي:بس كمان انا مو مسترجيه انام لحالي
مريم:سهرة بسهر بس نومة لا
ام ساجد:تعالي هنيك منتفاهم
طاوعتها بسهرة بس وميتة من خجلي بالاخص من ساجد
.......
وعند ديب بالمزرعة الي عامل قبوها لتغيير اشكال المواتير الي بيسرقهن بادراتو وتنفيذ عدة شباب كان عليه شوية صبغ وعم يتفرج على المظهر الخارجي الاخير للموتور
مصلح:تسلملي ايديك يا معلم ولايمكن ينعرف لمين
ديب:جيب النمرة صطيف
مصطفى:جاهزة معلم
ركبها على الموتور وبلشو يتفحصوه
ديب:هاد الشغل المزبوط طجلي اياه كم صورة واعرضو للبيع لقلك
مصلح:صار معلم
ديب:انا تاخرت على السهرة عبالكن
مصطفى: بروح معك معلم
ديب:بكون اتحممت منلتقي باول الحارة وانت مصلح روجلي للبيعة والسعر ع الخاص متل ما اتفقنا صورو من الناحية هديك دخيل عينو عريس والله
وهو طالع التقى بأخوه دياب
نفخ مو عاجبو
ديب:يا دافع البلاا
دياب:شو بتعمل جوى شو ريحة التنر هي
ديب:صبغت خلفيتي الك عندي
دياب:يا ديب الشغل النظيف نظيف
ديب:صحلي بسعر جددتو وبدي ابيعو الك عند ابي انت
دياب:ليش عم تصرخ ولاه
ديب:وقت اندقيت قتلة مشان لديون الي راكبيتني ماشفتك حمي عصك عليي
دياب:لمين طالع فاجر انت اه
ديب:مجهود شخصي من الاخر شو بدك
دياب:بدي تدير بالك الحرام بروح هو واهلو
ديب:دخيلك سيدي لجهنم مني لاهلي
دياب:لعمى امي مخلفة مصيبة
ديب: تصبح ع خير
تركوا وركب موتورو ونغم تنغيمة مافيها منها سمع كل الحارة انو فايتها زمررر عند البيت ونزل وطبعا ضب الموتور😂خاف مصلح يسرقوا بالغلط لانو مو متركين حدا من شرهن
كانت ختام عم تفصفص بزر وتفتف
ديب:جاهز الحمام
ختام:اي
ديب:نامو لولاد
ختام:شو بدك
ديب:شو بدي يعني
ختام:ديب حل عني
ديب:احل عنك قلتيلي
سحبها من أيدها وفوتها غصب عنها للحمام
ديب:لك انا سلكت طريق الحرام غير منك صرت اسرق بدك انجس كمان
ختام:لككك ديب اتركني اتركني
(فاصل زمني قصير)
وبالمرقص صوت الغنى شغال وجيانا عم ترقص وتبدع متل عادتها فات ديب وبس انتبهتلو ركزت عليه قعد وزبط حالو وبلش يهز ويرقص هو ومصطفى مخرب الحارة والمراقص وكل الدنيا وابن مراة يسترجي يحكي معو.
.........
وعند ساجد خلص اركيلة ووقف
وائل:وين ولوو بكير
ساجد:بكفي فوت نام انت عندك شغل بكير
وائل: عيدها
ساجد:المرة الجاي عندي
وائل:ان شاء الله
كمل تمشاية للبيت وهو يراقب كل طرقات الحارة الهدوء بكل مكان ومافي ضجيج وقبل يحط المفتاح بالباب اتزكر انو عندهن ضيوف لهيك دق الباب وشوي طلت عليه امو ومبين مفرفحة
ام ساجد:ليش ما معك مفتاح
ساجد:اه...لا انسيتو
شلح من رجلو ولحقتو للغرفة سكرت الباب وحكت
ام ساجد: مريم عنا
ساجد:اي اعرفت
لانو شاف حفايتها
ام ساجد:انا حكيت معها وبدها تفكر بالموضوع ومستحيل ترفض يعني جهز حالك
ساجد:من وين اطلعتيلي بهالحكاية مابعرف
ام ساجد:حاجتك تتدلل يلا تصبح على خير
سكرت وراها الباب بدل تيابو وتنحنح بس طلع من الغرفة فات للحمام ورجع ل غرفتو يفكر بموضوع زواجو المفاجئ
بقلبو:رح توافق شو يعني امي عم تجبرني على الزواج وانا اصلا مو مفكر بأي بنت ومن وين طلعتلي بمريم وانها وحدانية صرلها سنة متوفية ستها اليوم فطنت يمكن لو ما صار الي صار ما تفكر بالموضوع والله مابعرف من وين خطر عبالها تزوجني بيوم وليلة.

........

صوتو بالبيت خوفني كنت خجلانة من كل موضوع الزواج بس هالعرض مغري الخالة ام ساجد بنت حلال وطيوبة بس انا ساجد مابعرفو لانو اغلب السنة بيقضيها بالعسكرية وهو اصلا ما بيشوفني يعني مريم بدك توافقي

بقلبي: ياربي ساعدني واختاريلي الافضل
مجد:مابدك تنامي مريم
مريم:مو جاييني نوم
مجد:لا تخافي مابفوتو لغرفتي اشلحي عن راسك
مريم:لا هيك مرتاحة كتير
مجد:عم تفكري بموضوع الخطبة
مريم:بس مابعرف حاسة في شي مو زابط
مجد:ازا مشان ساجد هو هيك مع الكل
مريم:مابعرف
مجد:والله رح اكون مبسوطة ازا صرتي كنتنا
مريم:لحتى أوافق
مجدد:مو بكيفك بدنا نفرح فيكي وفيه
صار قلبي يدق بس كمان ماني مرتاحة بنوب
......
اصحيت بكير اللبست تياب البيت بلوزة للركبة طويلة وبنطلون جينز ولفيت الشالة ورحت للمطبخ لمحت فيه الخالة ام ساجد وكملت لعندها
مريم:صباح الخير خالة
ام ساجد:صباح الورد شو يا مريم والله ناطف قلبي بدي اسمعك موافقة
مريم:هو موافق
ام ساجد:اي موافق اكيد شو قلتي
مريم:بدي افكر بالموضوع
ام ساجد:خدي وقتك بس الليلة لازم ترديلي خبر
مريم: ماشي
اطلعت من عندهم وكنت خجلانة كتير جهزت حالي لدوامي وطول الطريق شاردة وحاسة القرار صعب لدرجة عليي
بالبنك
ميس:مريومة
مريم:اي ميسو
ميس:مو على بعضك
مريم:انا ماعم اعرف شو صاير معي
ميس:احكيلي
مريم:اتقدملي عريس
ميس:بصلاة محمد
مريم:اي بس مو هو اهلو خطبة اهل يعني
ميس:وانتي بدك توافقي
مريم:انا مبدئياً موافقة بس في مشكلة
ميس:شو هي
مريم:هو طول الوقت بيتزاور فيني بحسو متجاهلني ف كيف بدي اوافق
ميس:يوه شو هالحكي حدا بشوفك يا روحي وما بينعجب فيكي
مريم:اي هو
ميس:لكن ازا ما بدو ليش اهلو يتقدمولك
مريم:امو كتير بتحبني
ميس: عال من حظك
مريم:شو اعمل ميس بترجاكي
ميس:استخيري
مريم:هو هيك
ميس:وبدك تخبري عمك
مريم:بخبرو اكيد
ميس:الله يتمملك على خير والله مبسوطة الك خيرات الله
طول الوقت مو مرتاحة وانا راجعة للبيت اتصلت ب عمي وطول لحتى رد
عمي:الووو
مريم:اهلين عمي انا مريم
عمي:مريم بنت اخي
مريم:اي
عمي:شوفي ليش متصلة
مريم:مابدك تزورني
عمي:والله ما عندي وقت بتعرفي شغلي والارض
مريم:بس الموضوع ضروري
عمي:اي افهمت احكيه هلا
مريم:انا متقدملي عريس وبدي اخد رأيك
عمي:ومين هالعريس
مريم:ابن ام ساجد
عمي:خلص على بركة الله ايمتى الخطبة مشان اجيب المراة ولولاد
مريم:يعني انت موافق
عمي:لشو اوقف بوجه مستقبلك وبعرف انك من بعد موت ستك وحدانية موتفكري مو شايل همك بس والله مابدي تروح عليكي وظيفك
مريم:طيب عمي ما بدي اعطلك بحكي معك المسا
عمي: ماشي
سكرت معو
بقلبي:بس بدو يخلص من همي مشان لا يقولو ما سأل ع بنت اخوه
كان قرار صعب بالاخص انو مابعرف راي ساجد ليكون مابدو ولازم اعرف واتاكد بس كيف ما بعرف.
.........
المسا اندق الباب رتبت شعري ورحت لورى الباب
مريم:مين
ام ساجد: انا
فتحتلا وفاتت
ام ساجد:مقاطعيتني لك مريم
مريم:لا ابدا
ام ساجد:طيب ازا مو مفكرة معك مهلة للصبح وهلا جايه اخدك تنامي عنا
مريم:بس والله
ام ساجد:خلص يا مريم اللبسي انا ناطرك هون
كنت مسايرة اي لشو اكزب ع حالي النومة عندهن هنية ببساطة بيت فيه رجال مافيه خوف ابدا بس الخوف من حكي الناس
جهزت حالي ورحت معها والحمد لله ما شفت ساجد بنوب
اسهرت ب غرفة مجد هي مولعة بالموبايل وعلى طق حنك مع رفقاتها وخالتي ام ساجد راحت لعند بنت عمها تسهر
وانا ضليت ناطرة اتصال عمي
واول ما اتصل رديت عليه
عمي:كيفك يا مريم
مريم:بخير عمي
عمي:شو قررتي انتي
مريم:بكرى بردلهن خبر
عمي:كتير منيح وخبريني مشان كتب لكتاب
مريم: ماشي
كانت مجد مركزة معي
مجد:يعني وافقتي
مريم:بس حاسة ساجد مابدو
مجد:يييي لك والله هو هيك طبعو ما بضحك للرغيف السخن
مريم: طيب وبلكي رافض
مجد:لا بس بتعرفي عسكرية وهيك
مريم:....
ليلة من الصراع الداخلي وبالاخير دعيت
مريم: يارب اختارلي الافضل
........
الصبح اول ما اصحيت رحت لعند الخالة ام ساجد
مريم:صباح الخير
ام ساجد:صباحك فل وورد مبين بتمك في حكي
مريم:اي موافقة
انصدمت وقت زغردت وزاد الخوف
واجى ابو ساجد على صوت الزغاريد
ابو ساجد:شو القصة
ام ساجد:مريم صارت منا وفينا
وكملت زغاريد يا خجلتي من هالشغلة
ابو ساجد:الف مبروك اليوم لكن اشترو الدهب مشان نحدد موعد كتب لكتاب
كنت مصدومة من السرعة بالموضوع ولازم اطلع من البيت قبل يصحى ساجد
مريم:انا خالتي راجعة للبيت بدك شي
ام ساجد:رح اتركك ع راحتك جهزي حالك الظهر بدنا ننزل نشتري دهب
هربت هريبة من البيت وما عم استوعب انو خلص بدي اتزوج واصلا ولا مرة اتخيلت يكون ساجد العريس
........
صحي ماجد على صوت الزغاريد وكمان مجد طلعت شعرها منكوش وتفرك بعيونها
وساجد فتح الباب وعلى عيونو النوم وبس شافتو كمان زغردت
ساجد:مطولة امي شو بصير معك
ام ساجد:بدي افرح فيك والله مو مسدءة
ابو ساجد:مبروك يا ابني وافقت مريم

ساجد:اخ بس لو بعرف ازغرد شو يعني وافقت
ام ساجد:للللوليش يعني خلص صارت كنتي
ساجد:شرف بس بدها كلمة ماما معها طاقة مكبوتة وعلى حسابي انا طالعتها
فات للحمام غسل وطلع يشاركهن القهوة
بعصبية حكى:شو حكيتيلها لوافقت بدون موافقتي
ام ساجد:وما احلاني ناطرة جوابك
ساجد:يا جماعة هي حياتي مو حياتكن انتو مين قرر عنكن
ابو ساجد:امك وبتعرف مصلحتك
ساجد:انا عندي دوام
ابو ساجد:ايمتى متيسر للدوام
ساجد:اخر الشهر
ام ساجد:كتير منيح
ساجد: يعني كيف وافقت مابدي افهم
ام ساجد:شو بدها احسن منك يعني ..الظهر مشان نروح للصايغ
ساجد:روحي انتي وياها انا مالي خلق
ابو ساجد: ما بصير رح تزعل منك المخلوقة
ساجد:من هلا خايفين ع زعلها
ام ساجد:يكون بعلمك بدي ادللها وجكارة فيك
ابو ساجد:لا تخاف امورك بخير
مجد:في بيتنا عريس
ماجد:لللليييش
فرطوا من الضحك بس ساجد متل الغراب مو عاجبو ال

العجب
استوعب انو عروستو رح تصیر مریم طول الوقت جنبهن
وهو بيسمع من امو اديشها نظايفية ومؤدبة.

القسم الرابع
بلشت امو تتجهز ليروحو يشترو الدهب هو واقف عند الباب ومو عارف شو يحكي
مجد:لساتك ما أجهزت
ماجد:😂بلكي امي تشتري الها محبس بدل ساجد
ساجد:انتو ما دخلكن
ام ساجد:يلا ساجد شو ناطر
ساجد:هي حكتلك موافقة
ام ساجد:اي
ساجد:انتي اسمعتي اني موافق
ام ساجد:لا بس غصب عنك موافق
ساجد:شو مفكرة تجبريني يعني
ام ساجد:انا امك وبعرف مصلحتك عم تفهم
ساجد:اهلها وين
ام ساجد:بيدرو اصلا لو سألو فيها ما تركوها
ساجد:ارجعنالها ازا اهلها الها هيك نحن شو نقول
ام ساجد:بدك توافق وغصب عنك
ماجد:😂ايه اليوم الحلوي دااا
مجد:ايه الناس الحلوة دييي
ساجد:انتي وياه اختفو من وشييي
ام ساجد: غنوا يا ولاد
ماجد ومجد: والليلة بدنا نولعا
صارت امو تضحك لانو مجد وماجد عم يرقصو ومبسوطين وهو تركهن وفات ل غرفتو قعد على طرف التخت
بقلبو:من وين امي دبرت المصاري ع حساب ما معها يعني مخططة ل كلشي ومجهزة الوضع
لك والله كنت حاسس كل هالتطبيل لزواجي منها وانتي مريم وافقتي شو وضعك فهميني
اندق الباب فتح لخزانة وهو يطالع تياب طلت عليه امو
ام ساجد:يلا حبيبي انا أجهزت ومريم جاهزة
ساجد:تكه وبجهز
لبس قميص كحلي وبنطلون بيج اتعطر واخد موبايلو ونظراتو ولبس البوط عند الباب
ماجد يكركر ضحك ومجد مبسوطة وهلا اجت التقو بمريم ومرت عمها
........
عند الصايغ كنت خجلانة من ساجد كتير وبالزور عم انطق الحرف وحاسة بخوف
بقلبي:اوف مريم انتي قد الزواج ومن هالشخص المتكبر الي ما بتعرفي عنو شي و امو اكيد شايفيتو ومو مسدءة
ام ساجد:بدنا تفرجينا محابس فضة
مرت عمي:اختاريلو انتي مريم على زوقك
كان نفسي صعب وخجلانة من كلشي اختار هو وانا كمان اخترت محبس بيجنن وحلقات وساعة اطلعت انطر برى انا ومرت عمي
مرت عمي:نقشت معك مريومة يلا الله يتمملك على خير
مريم:تسلمي
وبعدها الا يعزمونا على الغدا بس ساجد لساتو بنفس المود وحتى ما اتطلع بحدا
وقلبي حاسسني انو مابدو يتزوج بس امو اجبرتو
بعدها روحت البيت مع مرت عمي واجى لياخدها وبالزور لفات شرب قهوة
........
وعند ديب كان عم يستلم بالعملة الصعبة حق الموتور وتوزعوه بس الحصة الاكبر الو لانو رجعو وكالة حطهن بجيبتو سكر الغلق تبع المحل وعند محل وائل
وائل:معلم ديب
وقف مو عاجبو
وائل:اتفضل
ديب:شوفي عندك
وائل: عاوزك بكلمتين
فات وشاف ساجد لهيك ما عجبو بزيادة
ديب: عوافي
ساجد بنفسية:اهلين
ديب:شوبدك
طالع دفتر لحساب وعلى صفحة خاصة بعيلتو
وائل:صرلو ابنك شهر بيسحب ع الدين وبيحكيلي بيمرك ابي اول الشهر وليكنا بشهر جديد
ديب:شو هاد
كانت قائمة طويلة عريضة مكسرات منقرشات بزر فستق فواكه كولا
ديب:وووواااال كل هاد
وائل:والله ما بكزب عليك
ديب:طيب اصبرني هاليومين بس
رجع للبيت مستعجل وبس فات مسكها من شعرها وبلش فيها ضرب بالحزام
ديب:يا بنت الكلب ما تبتي من قتلة هديك المرة لك شو اعمل فيكي احرقكك ادبحك
وانت يا ابن الكلب بتروح بتجيبلا تتسممم
ختام:انا بفرجيك عند اهلي يا عديم الرجولة يا حثالة المجتمع
فاتت امو وانبسطت لانها ختام اكلت قتلة
ام دياب:منيح قبلان ابني يعيش معك يا وخمة
ديب:احكيلا امي والله يا ختام ازا ما بتصيري بشر لاطقها جوازة عليكي
تركها وطلع من البيت مو شايف بعيونو
.......
وعند وائل بالمحل
وائل:ما عجبو ديب
ساجد:شو متبلي عليه ولا متزهرمهن
وائل:لا يا زلمة هي مرتو بتبعت الولد وهو مو دريان
ساجد: يسكر حلقها بتبطل تاكل
وائل: المشكلة عندو منها عر وكل يومين بدن مرتب يعني امورو باللورد
ساجد:وما احلاه ما يكون باللورد افهم منك حالتو مو زيادة
وائل:ولا بعرف الصراحة مو ابن بنت عم امك
ساجد:اهلين عيني شو عرفني بداخليتو
وائل: هو من جيلك
ساجد:اي بعرف
وائل:انت بدك تنسيني لك مبروووك يا ورد
ساجد بدون نفس :الله يبارك فيك
وائل:الله يكتبلك السعادة
ساجد:بتشرفني بكتب لكتاب
وائل: جوازة الدهر ريتها
ساجد:يعني الخيار مناسب
وائل:مرتي مدحت فيها باخلاقها لحتى تقول حاج
ساجد: انا يمكن مرة او مرتين لمحتها فيهن
بقلبو:بس اليوم اتاملت كل ملامحها عن قريب اي ملفته بشكل شو اكزب عيوني يعني رح تصير مرتك يا ساجد بس مو ببالي كل قصة العرس ولا حتى العروس
.......
بالمزرعة اغاني نعيم الشيخ جاط فواكه وجاط مكسرات ومشروب طاقة واراكيل الجو صيفي بأمتياز وماجد مبسوط خيرات الله
جبورة:اي ابو الجود اخوك خاطب
ديب:صحيح مبروك لساجد
ماجد:تسلم عقبالك😉
ديب:من تمك لباب السما
جبورة:😂 نحن نحصل وحدة ديبو شبك طماع
ديب:شو بدي اسرق منك المرأة حلال وبشرع الله ريتك ما تلحق تتجوز
نصرت:خلونا بالشغل
ديب:كيف شفتلي ماجد
نصرت: كفو لو تشوف كيف شغل واختفى

ديب:برافو عليك عجبتني
ماجد: ايمتى الصيدة التانية
ديب:هالمرة بدنا نتركها عليك
ماجد:ولايهمك
على الصوب التاني
مصطفى كان يغلي ويثور
مصلح:شبك مشغل تحتك الببور
مصطفى: صارت خطيبة ابن النمر
مصلح:ليش ما بعتت اهلك
مصطفى:لك نفسيتها زفت انت ما شفتها
مصلح:بس بدك الصراحة الي شايفك شايف ابن النمر
مصطفى:ليش شو بينقصني هلا بربي دقن متلو
مصلح:ما اختلفنا ربيت دقن بدك كتير لتصير متلو شخصيتو فارضها على كل الحارة
مصطفى:والله غير اهرهرو
مصلح:😂ييي والله عريس موتورو
مصطفى:خليه انا بفرجيه
مصلح:بس وكالة مبارح تمايزتو شو قولتك
مصطفى:اعتبرو صار
وبلشو يغنو كلهن مع الاغاني
من مفرق جاسم للصنمين حاجة تهل الدمع يا عيني وصار ماجد ومصلح يرقصوا والباقيين
عم يصفقو ومتفاعلين ومبسوطين على الاخير 😂
.......
وبالمرقص كانت زعلانة جيانا
عزيز:روقي يا ست الكل
جيانا:ما اجى ديب اليوم
عزيز:بجي وبجيب المشاكل ما شفتي كيف قلب الطاولة بلي فيها
جيانا:حمش دخيل عينو
عزيز:شو عاجبك فيه
جيانا:رجال ما بيكفي
عزيز:زوقك صاير غريب
جيانا:جيبلي رقمو زوزي
عزيز: ادورلك عليه يعني
جيانا:لا بس بدي احكيه مكالمة
عزيز:بجيب رقمو خلص انتي لا تتوتري وتشغلي بالك بهالازعرجي
انبسطت كتير
جيانا:دخيلو لانو بس ازعر وبخلص حقو من الحجر..
.........
وعند ديب بعد سهرة المزرعة
كان عم يتقرب من ختام
ختام:محاربيتك
ديب:لك الك عين تحاربي افلست يا بنت الحرام
ختام:كزاب وائل ما منسحب من عندو
ديب:لك الزلمة احسن منك انابعرفك جلطة وكلو بتودريه لاهلك شوفي المزبلة الي نايمين عليها
ختام:لك كسرتني انت ما بتخاف الله فيني
ديب:والله من اشعل النيران يطفيها
ختام:لك عم تضربني قدام ولادي بربك انت شو
ديب:زلمة وكسار راسك
ختام:اتركني
ديب:اسمعيني ختام علاقتنا شي وحردك مني شي تاني
ختام:اهووو علينا حل عني حل
ديب:والله لاحل مفاصلك
........
اليوم كتب لكتاب ورح يعملو حفلة مقتصرة على الجيران والقرايب
صبايا الحارة ونسوانها لرجال والشباب كلو معزوم كان ساجد عم يتجهز لابس بنطلون اسود وقميص ابيض وطالع بجنن وماجد مو اقل منو اناقة وكانو عريس ومجد كمان لابسة فستان وطالعة غير شكل وامو لابسة لبسة جديدة وساجدة عم تحكي مع ابوها صوت وصورة
ساجدة:وين العريس
ابو ساجد:عم يجهز
ساجدة:فرجيني اياه
وجه الكاميرا عليه
ساجدة:دخيلو عريسنا اي
ساجد:كيفك وليه
ساجدة:ممنوع تتجوز الا لانزل زيارة ها
ساجد:اي عيني خير
ام ساجد:حبيبتي اتمنيتك معنا
ساجدة:صوريلي العروس
ساجد:نعم نعم ممنوع التصوير
مجد: اختي انا بفتحلك كاميرا اتصلي مكالمة فيديو
ساجدة:اي ماشي بدي اشوف ساجد يرقص مع العروس
ماجد :ارقصلك انا
ساجد: شد حيلك ولاه ع الطالعة والنازلة هز ورقص زوق على دمك
طنشوا وما عجبو
ابو ساجد:انا بدي اروح المضافة ما بقى الا يوصلو المعازيم
مجد:يلا منحكي ونحن عند العروس
ساجدة:اوعك تنسي ها
........
كنت لابسة فستان بدرجات البيج بيبرق برق وشعري عاملتو كيرلي و نازل لنص ظهري ومصمودة وجنبي ميس والصبايا عم يرقصن وأجواء الحفل ولعانة
ميس:ما شاء الله طالعة بتفلجي
مريم:بس ع الطبيعة احلى
ميس:وهيك بتطيري العقل لنشوف عريسك 😉
مريم:شو بدك تشوفي فيه
ميس:حليوة او لا
مريم:متوترة ميس كتير
ميس:😂التوتر ليفوت المحروس
مريم:لكك هس والله وقع قلبي من الخوف
ميس: الخوف لبعدين
مريم:حاجتك بترجاكي ميس الي فيني مكفيني
وبس عليت الزغاريد اعرفت انو انكتب لكتاب والعريس عند الباب قلبي ما عم يهدى وخجلانة كتير اول ما لمحتو بلشت ارجف
بقلبي:ولييي على هالشعور
فات معو عمي وباركلي وهلا اجى دور يلبسني المحبس مديت ايدي
دفشتني ميس
ميس: حاجتك ترجفي وليه
اتمالكت نفسي ولبسني الساعة
مجد: وين ما لبستيه المحبس
بالزور لاقدرت اللبسو المحبس
مجد:الف مبروك
ام ساجد:الله يكتبلكن السعادة
ميس:مبروك يا روحي
مريم:الله يبارك فيكي
مجد:باركو لبعض
ساجد:خلص وليه
ميس:قوموا ارقصو يلا
مجد:شغلي لقلك

لعيون كلها علينا وفضولنا الساحة وشغلو الأغنية مسكلي ايدي وأيدو التانية على خصري
وقربني منو ومابعرف كيف بلشت اتمايل وقلبي ما عم يهدى بالاخص وقت التقو عيوني بعيونو جرحني بنظراتو ولمسة أيديه ما كانت عادية
يا حبيبي بعد الانتظار الدنيا جت صالحتني بيك
أنت الأمان وباختصار لو كله مال بسند عليك
أنت اللي بيك احلو عمري
ومهما يجري أنا بلقى كل حلول مشاكلي لما بس بشوف عنيك
أنا كنت مين قبل أما اشوف عينك وألين
قبل أما تيجي تنوري قلبي وتمليني بحنين
ده بكلمتين بتهوني الوقت الحزين
يا حبيبتي وأما بتضحكي بتحلي في عنيا السنين
يا سبب فرحتي يا مقاسماني سكتي

بتقويني في دينتي
وأنا جمبك مش هميل، أنا ليكي بنتمي
يا آخري وأولي
ولا حاجة بتهمني طول ما أنا شايفك بخير
❤️كنت بعالم العشق انا معجبة فيه من زمان واليوم انا وياه صرنا لبعض❤️
......
بقلبو:والها غمزة كمان خلص ساجد عيب عليك المخلوقة محرجة من نظراتك
حاول يتطلع بالعالم وحس انو شوفتها احسن بكتير لهيك رجع ركز على كلشي عم يشوفو بعيونو وبالاخص انو مستمتع بلمسة ايديها الي مليانين نعومة واضحة وحتى بالحجم خلصو رقص وقعدو طبعا بلش يخف عدد النسوان انتبه كيف رفيقتها كل شوي تهمسلا وعم تخجلها .
.....
كانت اجواء الخطبة بتجنن ودعتني مرت عمي وبقيت عندي ميس بدلت الفستان ومسحت المكياج وكان بدي استفرد بمشاعري بس اليوم ميس رح تنام عندي يعني مارح اخد راحتي بالتفكير ب ساجد
ميس:لك مريومة نقشت معك
مريم:ليش
ميس:حليوة😂
مريم:انتي هيك شايفة
ميس:وغير هيك شخصيةوايمتى العرس دخلك
مريم:والله مابعرف
ميس:ليكون عشقانة وليه
مريم:لا مافي منو بس شوفة عينك جيران نحن وياهن
ميس:خبط لزق
مريم:امو اقترحت عليي وعليه
ميس:دارس
مريم:بيخدم جيش
ميس: عسكري
مريم:ليش قرفانة
ميس: يعني رح تكونو بعاد عن بعض
ميس:اديش عمرو
مريم:ما بعرف بس بحدود لتلاتين اقل اكتر ما بعرف
ميس:جازة الدهر لكن ليكي بدي اجهزلك على زوقي😂
مريم:وافقت خلص
بدلت تيابي وجهزت تنين قهوة واسهرنا سهرة غير شكل وبقلبي ملامحو وصوتو ياربي على العشق والشعور الحلو الي متملكني
..........
فات ساجد ل غرفتو بعد ما كانوو الشباب سهرانين عندو بالمضافة سكر الباب بهدوء وبقي واقف يستوعب ليش هو بكامل اناقتو وانو من شوي كان ماسك ايدين مريم هي اول مرة بيمسك ايدين صبية هو ما بينكر الشعور كان حلو وغريب فك زرار القميص وقعد على طرف التخت وشغل سيكارة الغرفة شبه عتم وعم يتزكر كل التفاصيل الي شافها وهو عم يرقص مع مريم
.......
وعند ماجد كان عم يطالع الموتور ع الهسي وجبورة ناطرو بأخر الحارة على العتم قفل منيح الغرفة ومشي فيه لانو ساجد بيعرف صوت الموتور
بقلبو:هاد مفكر حالو ابي لحتى متحكم فيني
اتزكر كيف مجد سرقتلو مفتاح الموتور ركبو وطلع وراه جبورة وشغل وطلع من الحارة
جبورة:والله زمان ما شفت موتور ساجد
ماجد:احتقار لانو
جبورة:😂احتكار يا جديبة
ماجد:جاي تصححلي معي دبللور عربي
جبورة 😂دبلوم يا جاهل
ماجد:لك مو مسدءني انت بتحط تنوين على اخر الحرف انا بحط حرف النون
جبورة:😂حاجتك ولاه والله لو ما ساجد نفضك بدن ما بتنجح بالبكلوريا
ماجد:هههه اي ساجد قلتلي لو فلح مانو عسكري لهلأ
جبورة: احمد ربك يا زلمة لو مو ساجد عسكري كنت هلا مشحوط بدالو ع حساب انت معيل لأهلك موو
ماجد:😂اي شيلني من ابو نفسية جبورة جيبتي مفلسة
جبورة:شو وين رحت بحساب السرقة
ماجد::وائل نشر عرضي وسديتو الدين واشتريت تياب ل خطبة الي ما بيتسمى
جبورة:بس للامانة اليوم ساجد كان عنجد شخصية ما تصير متلو الك حضورك شفت كيف التمو شباب الحارة وحتى كبارية المنطقة
ماجد:كرمال عيون بابا النمر ليش ما بتعرف انو مو اي رجال عادي بالمنطقة
جبورة: هلا انت بتعرف بيحكو لساجد ابن النمر وانت لا بيحكولك ابو الجود
ماجد:هاد كلو تمسيح جوخ
وشد بقهر بالموتور وجبورة فرطان ضحك عليه
لانو قهرو
بقلبو:انا بفرجيك يا ابن النمر يا ابن امي وابي
كانت جولة صياعة وتحديداً للسوق الي ما بيخلى من العالم والصبايا هنيك بجننو لابسات ديق وبلايز قصيرة وجبورة وماجد عم يتصيدو والعريس بعالم تاني
......
القسم الخامس
الساعة ١٢الظهر الفطور جاهز بس العريس بسابع نومة
بالمطبخ
مجد:ايمتى بدو يصحى ع حساب عازمة العروس وبيت عمها
ام ساجد: رايحة اصحيه صحي ماجد انتي
مجد:ما اظن يصحى الساعة ستة الصبح اجى للبيت
انصعقت
ام ساجد:شو بتحكي الفجر طليت عليه نايم
مجد:لا حبيبتي هو بيحط بمكانو مخدة وحرام ليبين انو نايم
ام ساجد:اوعك تجيبي سيرة قدام ساجد وابوكي أوعك
مجد: اديش بتدفعيلي 😂
ام ساجد:بدك لطشة انتي
راحت ل غرفة ساجد فتحت بهدوء كان نايم وقفت جنب التخت
ام ساجد:يلا ساجد حاجتك نوم ما اشبعت يعني
هزتو من كتفو كان حاضن لمخدة ودغري اتحرك
ام ساجد:يلا قوم اليوم عازم خطيبتك وبيت عمها
ساجد بتعب: عزايم دغري تعبان امي
ام ساجد:اي حاجتك دلال يلا قوم بدنا نفطر وتجيب لوازم العزيمة
اتجلس وارتكى على التخت
ساجد:خلي ماجد يجيب ماني قدران اروح لمكان ومشان الفطور افطرو انا اصحيت الفجر اكلت
ام ساجد:المهم لا تضل نايم خلصني لروح شوف هداك
ساجد:خلي مجد تعملي فنجان قهوة
غسل ورجع ل غرفتو وفتح اللابتوب
جابت مجد القهوة
مجد:شو من اول الخطبة انسدت نفسك😂
ساجد:شو عرفك
مجد:😂لك طلعتو بتجننو مبارح شو ساجد كيف شفت مريم

ساجد:مريم كيف بدي اشوفها
مجد: عم تغشم حالك يعني بدون حجاب ومتزينة
ساجد:انقلعي وليه بلا قلة ادبك
مجد:😂هههه اكلتها بعيونك
قبل يضربها بالمخدة هربت
بقلبو:يا حبيبي برج مراقبة هالمجد
رجع اتزكر تفاصيل الخطبة كلها
بقلبو:لنشوف اخرتها مع حبيبة ماما والله امي عملت معي فصل ابن حرام والله خطبتني غصب عني مين بسدء
.........
قبل الفطور بلشت اجهز تياب للعزيمة
ميس:من اولها عزايم
مريم: شايفة خليكي ولوو
ميس: اهل خطيبك شو دخلني وجاي رائد ياخدني اصلا بالزور لحتى وافقو انام عندك
مريم: وعمي اليوم راجع للضيعة
ميس: نامي عند ساجد😂
مريم:بايخة كتير
ميس:😂قصدي عن مجد
مريم:ما برتاح غير هون
ميس: حقك اليوم رح تحكي وتتعرفو ع بعض انتي مريم ضلي خجلانة😂
مريم:انتي متوقعة ساجد يحكي لكن ما بتعرفيه
ميس:للامانة جامد كتير شو هاد ولا نصف ابتسامة بس لشو الكزب والله اكلك بعيونو 😉
مريم:ولا مرة اتخيلت يصير خطيبي
ميس:يعني كنتي معجبة
مريم:متل اي صبية ابن جيرانهم حلو وشخصية بس ولا مرة فكرت انو يرتبط فيني
ميس:😂نيالك والله غير شكل ليش ولاد جيراني صغار كلهن
مريم:هههه لانو نيتك عاطلة
ميس:هههه هيك معقول بسيطة فيكي
اجى بعد الفطور اخدها وانا كمان بلشت تجهيز حالي وكتير اتغير من روتين حياتي.
.........
العصر البيت كلو مستنفر للعزيمة حتى ساجد كان جاهز
ولحظة وصولهن صفو كلهن للاستقبال وهو مركز ع امو وكيف نزلت تبويس ب مريم
اخد نفس عميق
بقلبو: حاسسني قلبي المحبة مارح تخلص ولا تقل ولا تنقص بس انا ساجد وهي امي مو امها ورح اشعل فتنه بين الطرفين ولو مو اسلوبي بس الموضوع عم يخرج عن السيطرة
وقعددو بغرفة لضيوف طبعا ساجد ومريم حد بعض وماجد ومجد عم يتكركرو على ساجد من تحت ل تحت تحلفلهن بعيونو والتفت ل مريم
ساجد:كيفك
مريم:الحمد الله
ساجد:ايمتى متيسر عمك
مريم:اليوم بالليل
ساجد:وانتي
مريم:شو انا
ساجد:رح تبقي بالبيت
مريم:اي متل العادة
ساجد:لا ممنوع تنامي لحالك
مريم:لكن
ساجد:رح تضلي تنامي عنا
مريم:...
ابو ساجد:اتفضلو على الغدا يا جماعة
طبعا ساجد ومريم ب غرفة لضيوف لحالهن ومجد ما رح تتغدا استلمت المراقبة من فتحة مفتاح القفل😂 بدها يبوسها او يقرب منها مشان تهددو
.......
ما كان جاي عبالي اتغدا وحسيتو هو متلي
ساجد:بدك اعزم عليكي
مريم:افطرنا متأخرين
ساجد:مابصير انحسب عليكي غدا
مريم: اتغدا انت
ساجد:لاني ما افطرت مو جاي عبالي اتغدا
مريم:...
ساجد:اي ساعة بدو يمشي عمك
مريم:ع المغرب يمكن
ساجد:ما طقتو
مريم بصدمة:ليش
ساجد:هيك لكن بيتركك هون لحالك ما بيستحي ع شورابو
مريم:هو ما هان عليه بس كمان انا موظفة بالبنك ومابدي اخسر وظيفتي
ساحد:لو انو رجال خصصلك راتب وخلاكي بين ولادو ولا صاير الشرف بلا قيمة
مريم باستغراب:انت مفكرنا بلا شرف يعني
ساجد:مو انا العالم كلو بيشك بلي بيترك بنت لحالها ساكنة وهو ما يتقبل وجودها بيناتهن
مريم:وانا شو بستفيد من حكيك بهيك وقت
ساجد:قلتلك ما طقت عمك وانا ما حدا بيجبرني احب حدا ما بحبو
حسيتو بيقصدني للحظة حسيت بأني ضعيفة كتير
حطيت الملعقة من ايدي
مريم:دايمة
ساجد:صحتين وهنا
انفتح الباب وطلت مرت عمي
ام ساجد: عم تتغدو
كانت مجد وراها مبتسمة
ساجد:اشبعنا
دغري وقف وانا كمان ما اقدرت اضل بمكاني
........
بالمطبخ عم تجلي وماجد عم ينقرش من اكل ساجد ومريم ما دقروه لانو
ماجد:تخانقوا يعني
مجد:لا بس حكاها حكي ما بينحمل اتخيل حكتلو دايمة ما حكالها زودي
ماجد:😂منيح ما زودت والا ما كملت طعامي
مجد:ياريت مبين فيك😂
ماجد:مجد هربيلي صحن فواككه لغرفتي بليل عم اموت من جوعي
مجد:😂اي أوامر اخرى
ماجد:اكملي غسيل الاطباق وحضري الشاي واجعليه يقطر عسل
مجد:😂يا ابو الدبلور عربي انت
ماجد:خاتمك دهب
مجد:شو عيني
ماجد:روسي مو
مجد:لا دهب
ماجد:مبين تقيل😍
مجد: اكمل طبق طعامك وفرجيني عرض كتافك
ماجد:وانتي ديري بالك ع يلي باصابعك
مجد بصدمة:شوووو
ماجد:بمسح معك
مجد: امسح عند غيري
ماجد:تلبيسة مريومة تقيلة😍
مجد:ييييي بدو بجنني
مجد:😂المهم انتي ومرت اخوكي ديرن بالكن في حرمية
مجد اخدت كلامو مسخرة بس هو حسب حساب خاتم مجد يجيب خمس ملايين😂
........

واجى وقت يودعو بيت عمها كان ساجد واقف وبدون نفس عم يتطلع بعمها ومرتو وطبعا تمسيح الجوخ ما بيعجبو ودعوا مريم وراحو التفت عليها
ساجد:مابدك تفوتي
مريم:لا بدي ارتاح بالبيت
ساجد:ارتاحي ساعة وبترجعي
ام ساجد:فوتي حبيبتي
ساجد:حبيبتك بدها تبدل تيابها
ام ساجد :لكن بترجعي
مريم:ان شاء الله
راح يوصلها عند الباب وقف يتمايزو من جوى ومن برى
مريم:شوفيو الباب
ساجد:وانا احكي لحالي كيف من دفشة فتح

مريم:وانا خايفة ينسرق البيت
ساجد:ازا انسرق ع كفالتي انا بدي اعوضك عن المقتنيات الي فيه
مريم: انت عم تهزأ فيني
ساجد:لحد هلا ما صار😉
مريم:يعني رح يصير
ساجد:جايز يصير كلشي ارتاحي واتصلي فيني
مريم:🙄
ساجد:اي انسيت
طالع موبايل من جيبتو
ساجد:هاد الك هدية مو تفكريه مستعمل استعملو سنة بس😉
مريم:معي موبايل
ساجد:بصيرو تنين ارتاحي اي
مريم:فوت
ساجد:لا خليكي ترتاحي
مريم:...
سكرت بوشو قبل يمشي بقي مصدوم منها
ساجد:لككككك بسيطة يا مريم انتي مو قد التحدي
اطلع حواليه ليشوف مين شاف التسكيرة😂
وراح للدكان لعند وائل واول ما شافوه الشباب
شغلو دبكة وصار يدبكو وهو يتطلع فيهم ومبتسم
وائل:ارقصلك شوي
ماجد:انا برقص😂
وماجد بلش يهز لهيك انقعر ساجد من خفة دم اخوه الي مروحة بريستيج العائلة😂.
......
كنت مقهورة منو اسلوبو واضح انو متعجرف وشايف حالو ومو مسدء وهلا رح اطنشوا واطنش اتصالو ومارح انام عندهن مين مفكر حالو عنجد بيشبه الغراب بهالاسود الي لابسو
اللبست بيجامة للبيت واخدت وضعية النوم
..........
وعند ديب بورشة التصليح وعم يزبط لسرقة جديدة والورشة ع ضو ليدات ضعيف
مصلح:شو معلمي مخفف سهر
ديب:لا تخاف عندي سهرة اليوم بدي ازبط وضعي
مصطفى:معلم زبطني معك
ديب:انت مابتعرف تكولك وتاخد وتعطي
مصطفى:بتعلم منك ليكني على كيفك
ديب:من ناح الهرهرة غير شكل
مصطفى:ومن كل النواحي سدءني
ديب:على العموم انا ما بقى وفت معي كل اسبووع لنحصل شدو حيلكن شوي
مصطفى:شو رايكن بموتور ابن النمر
مصلح:صاحبو شبو
ديب:ههههه مين قصدك😂اي لك صحيح بس واعي كتير من هالناحية
مصطفى:خلص معلم انا عندي جولة اليوم ورح تصحلي صيدا مرتبة
ديب:اي الله وايدك وانت مصلح كثف الشغل وضعك مو عاجبني
مصلح:بتعرف الوضع معلم
ديب:ولانو الظرف صحي لازم تضرب ضرب بالشغل
مصلح:ولايهمك
تركهن ورجع للبيت سامع صوت نقار ونقير مرتو وامو
ام دياب:يا وخمة والله لابيع دهباتي واجوزو
ختام:يييي ع شو بتهددي ع اساس خايفة
ام دياب:بتخافي وعين الله عليكي
ختام: مين رح يقبل يصاهرو وعلى شو رح يعطيه
ام دياب:الف بنت بتتمنى ظفر ابني
زهزه من هالحكي وفات مؤازرة لامو
ديب:وشرطك بنت تكون
ختام:ايدك وما تعطي
ام دياب:اعتمد انت وما عليك جازتك التانية عليي
ديب: ينصر دينك شغل بسام يابي خلينا نهز ونرقص
ختام:وليييي جنوا عيلة مصيفة ازا الام هيك لا عتب ع لولاد
ديب:سدءتي اعطيها يلاا😂
وبعد ما قهرها جهز حالو للسهرة
......

بالمرقص كان مخلص ديب وبدو يمشي حاسب الشب ولحقتو جيانا
جيانا:ديبو لوين رايح
ديب:اكتر ملايح
جيانا:ديبو ليش مطنشني
ديب:ايمتى صار طناش
جيانا:ليكني رقصتلك
ديب:وكشكشتلك
جيانا:بس انت ما عم تفهم عليي ديبو انا مو من كيفي صرت رقاصة
ديب:اي بعرف واكيد انتي انجبرتي هيك حكاية كتير بسمع عنها وحتى الي ببالي بالك بشتغلو خطييي مشان يعيشو لانو مافي شغل شريف يطعمي ...يطعمي خبز
جيانا:عم تشكك فيني لك ديبو
ديب:شو بدك انتي لك جيجي
جيانا:نفوت ونطلع سوى
ديب:ايوا اكلنا هوى
جيانا:ديبو ما حبيتني
ديب:انا بحب كل نسوان الطابة الأرضية
جيانا: لكن ليش مو عاطيني مجال
ديب:لانو اتاخرت ع البيت
طنشها وطلع من المرقص اشر للتكسي وبوجهو للحارة هنيك هدوء وحركشات بحاويات لزبالة جرادين وفيران طق القفل وفات وقفل الباب واتاكد منو لولاد نايمين كل واحد بجهة وكمل ل غرفة النوم كانت ختام نايمة شعرها منكوش ومافي اي اغراء😂لابسة بيجامة مقلمة ابيض واسود وعم تشخر بدل تيابو شاف على الكومدينة كاسة الها سنه بالغرفة واكتشف انو كان فيها عصير لانو بارضها لون برتقالي وناشف
بقلبو:هي كمان ما بتحس الجو نار شغل المروحة وانتعش وغمض هلا لاني حليوة ابتليت بام شعر منكوش الله يسامح لحجاب هو اس البلا بس لو شفتها بدونو رح تعمل سشوار وانخدع فيها ولسى ابوها راسو مربع ومفكر حالو شي شخصية معروفة وبدو يترشح عضو بمديرية الناحية يعني رح تصرعني والله عبالي احكي مع صاحبنا يحولوه للفرع واخلص منو😂.
..........
كان مقهور ساجد منها لانو راح يجيبها ولافي رد والي تاكد منو صاحية ومابدها ترد عليه وامو سألت عنها حكالها نايمة
فتح الشباك وراقب البيت
بقلبو:شكلها مو بس عنيدة بدها تكسير راس
ما عاش الي بدو يطنش ساجد النمر
.......
الصبح بالحارة
جمعة شباب عند وائل زباين وجيران فات واندمج بالحديث
وائل: اشتكى ع الشرطة
الشب:اشتكى اعطاهن مواصفات الموتور ووراقو وحكولو منحكي معك ازا صار عنا اي مستجدات
شب تاني:اي زودوها ما بقى الا يفوتو لبيوتنا
وائل:يعني والحل والله الواحد عم ينام وخايف ينسرق من نص بيتو الحيلة والفتيلة هالموتور

الشب:بدك تدير بالك والله عم نسمع سمعات مو بس سرقة اللهم عافينا
وائل:الله يسترنا من اخرتها
ساجد:شو القصة
وائل:سارقين موتور الاستاز ضياء
ساجد:شه ما بدنا نخلص من السرقة
الشب:تخيل بس فات يجيب علامات الطلاب طلع ما لقى الموتور
ساجد:شه والله شي ما بيتسدء
وائل:بدو الواحد يركب كاميرات مراقبة
الشب:هون بالحارة
ساجد:يعني زودوها الناس عم تشكي القلة
وائل:وهاد سبب من اسباب السرقات
الشب:يلا بخاطركن
بقيو بس ساجد ووائل
ساجد: ايمتى هالحكي صار
وائل: الصبح من بكير
ساجد:معناتو اكتر من واحد
وائل:عصابة على الاغلب
ساجد:بس كأنو حارتنا فيها اكتر بتصير السرقات
وائل:مستملين المنطقة
اتكتف وعض على شفتو بلش يفكر ويحاول يعرف مين بدو يكون حرامي من هالحارة
وائل:شو ساجد ليكون خايف تروح للعسكرية وتنسرق
ساجد:بتعرف انا شايف الموتور اغلى من روحي ياريت يروح ساعتها لاحرقهن حرق
وائل:😂اي هيك عصب فرجيني محبتك الو
.......

وعند ديب بالمزرعة اتمايز الموتور
نصرت:شو معلمي كيفك فيها
ديب:يعني منيح بس مهتري كتير
نصرت: شبك معلم هاد هرهرتو مو بالحسبان
ديب:بريه عليك بطل نكوشلي فيه مابدي اترك الورشه مشان الشبهات

-
نصرت: وجب معلم
ركب موتور وطلع من المزرعة ينغم ومبسوط للسرقة الجديدة
بالورشة مصلح لابس الطاقية بالعكس السيكارة بتمو وأيديه
عم يزبطو الموتور
مصطفی احلی معلم
ديب: شاي سريع
مصلح شو معلم هرهرتو
ديب يعني اسبوع ومنزبط الوضع اي طمن اخر التطورات
سكنوا اول ما اجى صاحب الموتور
الشب: زبط
مصلح: غيبلك نص ساعة
الشب: لا دخيلك الصبح انسرق موتور من باب بيت صاحبو
وقف مصلح مو عاجبو
ديب شو عيني عم تضربنا بحجارك هون وينسرق
مصطفى: بعدين من دخل بيت ابي سفيان فهو امن
ضربو ديب طيارة
ديب: الله لا يوفقك هيك بينحكى وقت نكون منسرق ليك
حبيب هون ورشة تصليح يعني اذا الحرامي منيشن ع
موتورك اقرأ الفاتحة عليه اما تيجي تحكيلي خايف ينسرق
من نص ورشتي باطل
الشب له يا معلم ديبو انت بتتامن ع الروح بس والله خايف
تغفلو عنو ويروح
فرطوا من الضحك والشب اتفاعل معهن وضحك
ديب: قال نغفل قال
الشب : لكن بفطر وبرجع
مصلح طمنلي بالك بالحفظ والصون
ديب: بايادي أمينة
الشب: كفو
تغامزو وهلا استلم ديب الموتور
ديب مشان يضل علينا بس صبغ وتنمير

القسم السادس
وعند ختام كانت عاملة وليمة غداء لأخواتها البنات لتلات وازواجهن وامها وابوها واخوها ومرتو وطبعاً الاولاد عد وخربط من الكترة صوت ضجيج من الاسطوح لانو لولاد عم يلعبوا وشي برى عم يلعب كرة قدم
بطريقو للبيت بفترة الغدا وبيستريح كمان صفط الموتور واتفاجئ تلت مواتير شغل نظيف موديلات مطلوبة حك دقنو بأعجاب لهالشوفة وكمل واول ما فتح الباب اتفاجئ صوت الضحك والمزح
اخلاص:اجيت صهري
ديب بصدمة:اهلين اهلين
ختام: اجيت ابن عمي
ديب:اهلا وسهلا عنا عزيمة
ابو ختام:اهلين فيك صهري
ديب:اهلا وسهلا اهلا وسهلا
عادل: اهلين عديل والله عم تحرجنا بهالعزايم
ديب:اعيد واكرر اهلا وسهلا شو وين الغدا ختاموو
ختام:تكة وبيجهز حبيبي
بالمطبخ انصدم لحمة وفروج ومناسف من لفريكة والاوزي والكبة والتبولة مقبلات كتير
انقبض قلبو بس شو بدو يحكي مال الحرام عطول رايح بس مو هيك
طبعاً نزلو الاولاد وبلش الضجيج واكل مو انو ما اكل واتفاجئ هالسرنوة بتعرف تطبخ او حدا مساعدها وبعد الغدا الشاي والفواكه واخر شي القهوة طلع هو وعدلاتو لبرى وقعدو على الكراسي وشوفة المواتير ريحتو ابتسم
ديب:يا مية اهلا وسهلا اي زمان زورونا
لؤي: شايف يا عديل يلا الايام جاية
ديب: والله انا حابب اكسبكن في مزرعة قريبة من هون اراكيل مسبح اطلبوا واتمنو
فؤاد:اي منروح وازا بدك اليوم
ديب:اي احلى واحلى خلينا نطلع من جو النسوان ونكدهن
بعت رسالة على كروب (حرمية شرفاء)
هراهير مطلوب تلات مراقبين بحال اولاد حرام سل مل
حط موبايلو بجيبتو وابتسملهن
ديب:حابين تروحوا اول للمزرعة ولا توصلو عيالكن ترى السهرة بتحلو بعد ال١٢
عادل:لكن ما خرج يسهرو
عيط صوت على مرتو
عادل:انا عندي سهرة يا مراة ارجعي تمشاية مع الاولاد
طلعو الاربعة على المواتير ودغري من الحارة وديب مبسوط بسط غير شكل 😂
.......

وبالمزرعة ضحك فرفشة اراكيل ومزح غمز نصرت ديب وفهم عليه
عادل:اي هيك اجواء غير شكل اعترف عديل الك المزرعة
ديب:شو الي ما الي بس صاحبها اخو رفيقي وبمون عليه
لؤي:كتير حبيت هالجو
فؤاد:والله هاد اطيب نفس اركيلة
ديب: بالهنا
سحب سحبة اركيلة ونفخها براحة نفسية وديب مبتسم بخباثة ولي على عيونو خبيث
وبعد ما خلصوا تجهزو كلهن واستلموا المراقبة ليعرفو مكان المواتير وين
وهلا ديب جهز حالو وبسرعة البرق للبيت يا قاتل يا مقتول فات متل البرق وبالمطبخ لسى لصحون والجلي ما اترتب ختام واقفة وعم تختار اغنية لحتى تشتغل بلا ملل
ديب:الله يعدمني اياكي يا بنت الحرامي النصاب
ختام:يوه مو كنت مبسوط واهلا وسهلا
ديب:والله لالعن ابوكي على ابو الي اتجوزك
وبلش مو فيها بالصحون وعلى تكسير واخر صحن طارت قطعة وعلى جبين ختام ونزل الدم
ديب:بتستاهلي الله لا يوفقك لك القاها منك ولا من ريحة البيت من مصروفكن يا ولاد الكلب انا خرجي اعزم وعلى لحمة وفروج لك الي ما بتطبخي يا معفنة
ختام:ااااخ ديب دم دم
ديب:دم ريتك بالموت افلست يا جماعة افلست بنت الحرام قشطتني الاخضر مع الاحمر
بسام:يا بابا دم كتير حرام عليك
ديب:والله بالحرام اسعفها لتكون طالق
طلع معصب للدكانة راح بسام ينده ل عمو ودغري طلب تكسي واسعفها
بالدكانة
ديب عم يزفر ب غضب:عوافي
وائل:اهلين ديبو
ديب:شوف عيني ازا بيجي مو بسام جدو ل بسام بيحكيلك اعطيني ابي بيعطيك ما الي علاقة انا ما بحاسبك غير عن الي بطلبو انا مني من لساني عم تفهم
وائل:طيب ليش معصب
ديب:انت اخو مزاجي وائل بدك تعطيه بعوضك الله انا زلمة ما بسد ورا حدا
وائل:متل ما بدك
وكمل لورشة التصليح فتحها وشغل الضو وقعد على الكرسي واتكتف والنار عم تحرقوا اتزكر لديون الي عليه وين ما كان يروح يطالبوه لدرجة صار يتخبى واخر مرة مسكوه وعجنوه بين أيديهن وخلوه يتنازل عن قطعة ارض بيملكها ورتة من ابوه ومن بعدها بلش يسرق لانو التصليح ما عم يجيب يومية لبيتو وولادو
ديب:ان شاء الله تموت وارتاح منها لسى بتسحب ع اسمي وبتبعت لاهلها يتزهرمو بتحب النفش على حسابي بنت الحرام
.......
تاني يوم اجبرتوا امو يعزمها المسا على تفتيل لبس قميص اسود وبنطلون بيج وحط النظارات بالقميص
مجد:يا نيالني
ام ساجد:مو واصل راجع بتتمشو بتغيرو جو
ساجد:انا برأيي تاخديها انتي مشوار وتبلشي حبيبتي مريومة عمري مريومة
ماجد:😂خففي غزل مامي ابن النمر بيغار
ساجد:انت ما علاقتك وجلس لسانك وتاني مرة بترقص وبتهز بدكان وائل بتعرف شو بعمل فيك
ماجد: حبيبي خفة الدم نعمة من الله
ساجد:هاد اسمو تهريج
ابو ساجد:وبعدين معك ومعو اه
ماجد:ابنك شايف حالو يا ارض اشتدي ماحدا قدي كلك شقفة عسكري
ساجد: شوفي ماما ورقة تأجيلو ما الي علاقة فيها

ام ساجد:بدك يشحطوه للعسكرية
ساجد:والله لابعت مين ياخدو وهنيك بدورة الاغرار رح يصير رجال غصب عنو
ماجد بخوف:ماما احكيلك كلمة
مجد:😂في فروج اخي بدورة الاغرار
ساجد:في كفوف وجوع ليوم الجوع
ابو ساجد: خلصنا مو مواعد خطيبتك
ساجد:ياريتني مواعدها مرتك مواعديتها
مجد:😂شنكليها ماما وروحي
ام ساجد:انت مو معقول
ساجد:لكن انتي المعقولة كيف بتعزميها كيف
مجد:😂خديني ماما وخلينا نروح😂
ام ساجد:روح حاجتك حكي
ساجد: اتصلي بمريومتك اسأليها جاهزة
ماجد:ومريم مريمتي😂
ابو ساجد:روح لعندها انت
حط موبايلو وجزدانو بجيبتو وطالع الموتور من الغرفة وراح لعند مريم
.......
كنت مقهورة وعلى عيوني المشوار وبدي ابكي من معاملتو الناشفة ولازم افاتح مرت عمي بالموضوع
قفلت الباب كان مستعد للقيادة مفكر حالو جاي بشي مرسيدس موديل سنتها😂بس مشتهية مشوار على الموتور
اطلعت وراه وغصب عني حطيت ايدي على خصرو
ساجد:قولي انك جاهزة
مريم:خبرت مرت عمي
ساجد:عفوا انسيت مرسول الغرام
شغل واطلعنا من الحارة وقلبي يدق بفرح للمشوار معو وكيف الهوى عم يلعب بشعرو وهلا وقت مسك ايدي وشدها اكتر
ساجد: بدي ازيد السرعة جاهزة
مريم:اي
وطار فينا وانا فايتة بنوبة عشق اتأمل لبسو والبوط وريحتو عم تلفحني كل شوي
.......
والاستقبال بمضافة ابو ساجد لنسوان الحارة الي جايات ومعهن هدايا بمناسبة خطبة ابنها الكبير وهي مو مقصرة مع حدا ابدا بالحارة
......
وبالسوق امن الموتور عند صاحب المحل الي بيعرفوا وكملو تمشاية
ساجد:خفيها
مريم:ليش سباق
ساجد: مريم انتي فايقة ورايقة كل الوقت
مريم: اسألك سؤال تجاوبني عليه بصراحة
ساجد:هاتي لشوف
مريم:انت انجبرت ع الخطبة
ساجد:شو بتحبي تشربي
مريم:جاوب ساجد والله ما عم افهم شبك
ساجد:انا باخد دوا بسببلي عصبية
مريم:دوا شو
ساجد: معي مرض اسمو غرور
مريم:ازا هيك انت كتير مغرور
ساجد:قلك شو انتي
مريم:شو
ساجد:بخاف تبكي
مريم:قول ساجد
ساجد:بطريق الرجعة
فاتو للمحل وطلب تنين كوكتيل طبعا ما حكى اتكتف واسترخى ع الكرسي يتأمل مريم ضاربة بوز مو عاجبها
بقلبو:لسى ما شفتي شي حبيبة مديحة انتي
......
كنت مقهورة منو وقررت ما ادوق الكوكتيل ابدا
ساجد:ليش ساكتة
مريم:شو احكي
ساجد:عجبك الموبايل😉
مريم:بعلق كتير واوقات بيروح الكيبورد
ساجد:😂وين بروح
مريم:شبعرفني وبس تتصل بيعلق ساعة لحتى يفتح القفل
ساجد:مع انو نزل عليه عرض وجبتوو
مريم: فضلة مو
ساجد:لا ما فضلة بس وقع مني وانا لازمني موبايل بسرعة فور جي
مريم:كنت كبيتوا
ساجد:حرام شو ينكب اعطيتك اياه شحنتلك اياه
مريم:بدك الصراحة لساتو ٥٠ بالمئة ما يطلع ولا شوي وحتى ما ينزل ولا شوي
ساجد:😂لك اشحنيه فجاة بيفصل
مريم:شحنتو صار متل النار
وانفجر من الضحك وانا اخجلت من ضحكتوا
مريم:بحكي جد
ساجد:😂حطيلو كمادة او شربيه سيتامول
مريم: موبايلي ازبط منو
ساجد:والله ازا بدرى انك ما عم تستخدميه مابقى احكي معك
مريم:يعني كلشي ستوك رح تعطيني اياه
ساجد:بس يخرب هاد الك ولا يهمك اشربي كوكتيل
مريم:ما بدي
ساجد:لك دفعت واتكلفت اشربيه
مريم:😡هيك لكن

رجعها للبيت والا يتمشى معها بالحارة ليجننها
......
وعند مصطفى كان عم يتقلب وكل شوي تخطر ببالو مريم لانو شافها تتمشى مع ساجد
مصطفى:الكلب ابن النمر ع شو شايف حالو معقول خطبها لحتى ما تتعرض لنفس الموقف لك من وين طلعلي انا كنت ناويلها لحتى اتقدملها وغصب عنها توافق كيف ضاعت من بين ايديي كلو منك امي قال بنت حسب ونسب احسن هي احسن بتمقطع فيها وما الها مكان تروح عليه ومنو بحط ايدي على بيت ستها وبأجرو بمبلغ محرز والا ما تكون ورتانة من ستها قطعة دهب او الها بالبنك مبلغ بس ما رح احل عنها انا بفرجيها للمقطوعة مريم
......
وديب كان سهران على الاسطوح يتمشى ويدخن
بقلبو:لايمتى لك ديب هيك بدك تضل الي عم طالعوا عم احطو سداد للدكان واللحام والخضرجي بدي افتحلي مشروع لك بدي اتنفس مخنوق وانت ليش رحت جبت منها عر اولاد لا واحد ولا تنين وكلهن ورا بعض مدارس ومرض ومصايب وبلاوي زرقا ليكو ساجد من جيلي مبارح خطب ومتأكد ازا جابت مرتو رح تجيبلو ولد او تنين ويعيشو براحة وهدوء وانا جاي عبالي اعيش بهدوء ليومين بفوت للبيت صرعة بهرب منو هريبة وبعدين لك ديب وبعدين.
........
والصبح صحي ديب متأخر ناطر الاخبار النايس من مصلح ونصرت وماجد سامع صوت لولاد وكأنو عندها ضيوف قبل يفتح الباب سمع صوت الحكي
اخلاص:لككك ليش ضاربك
ختام:مو هو اوقعت
اخلاص:كزابة هو ومية هو مو حرام عليه
ختام:شو احكي لاحكي خلص لا تفتحي جروحاتي
بقلبو:يبعتلك حمى انتي واختك
اخلاص:لك ليكون امورك معو مو زابطة

ختام:ولارح تزبط بخيل كتير وعم يحاسبني ع الليرة وشرطك ما بجيب شي الا لنطلبو مية مرة
اخلاص:ولي عليه بدو مراة بس لشغلات الي بتعجبو
ختام:شو اعملو يعني والله مقهورة وراسي لسى عم يفج عليي فج
اخلاص:يتحورق ريتو
ختام: وين جوزك انتي
اخلاص:وصلني وراح جوزك هون
ختام:مندفس
اخلاص:زبطيه اختي بلكي انتي مقصرة عليه
ختام:شو اعملو يعني بيرجع بنصاص الليالي
اخلاص:عز الطلب بكونو لولاد نامو بتجهزيلو نفس اركيلة وبتلبسيلو قصير وبترقصيلو ولا شاطرك تهزي بالاعراس وجوزك مطنشيتو
ختام: يعدمني اياكي اي
اخلاص:والله اختي هيك لرجال بيحبو وحتى لو حكالك قلة عقل بكون كزاب ما بتشوفيهن كيف بيندوخو بس يشوفو رقاصة بالموبايلات
ختام:انا ارقصلو فشر بنص عينو
بقلبو:انا بفرجيكي يا ختام
طلع من الغرفة ورأسا للحمام بدون ما يعبر حدا
اجاه اتصال من وائل واشمئز
ديب:الو
وائل:الحق الورشة رح تصير بخبر كان
لبس ع السريع وطلع بدون ما يشوف قدامو
.....
كان مصطفى بين ايدين شبين وعم يضربو فيه وقت اجى ديب دغري سحب موس كباس ومسك واحد منهن جمعة شباب ومواتير كتيرة
ديب: اتركوه بسرعة
وائل:ما بتنحل هيك ديب رجع الموس
ديب:كيف بتنحل لكن
الشب:انا ما دخلني
ديب:اتركو مصطفى عم قللكن
تركوه وهو ترك الشب
عمار:شغيلك نصب عليي بجوز حمام غالي كتير
ديب: يلا روح من هون جاي تتقاوى عليه
عامر:انا بفرجيكن يا كلاب
ديب:بتطلع ستين كلب يا حقير
مسكو وائل لحتى ما يعلقو من جديد
وهدي الجو ودغري ضرب مصطفى كف قدام الكل
ديب:حيوان انت لك عم تتمشكل بورشتي لك انا ما بكفيني الي فيني يلا انقلع من هون
وائل:طول بالك
ديب:يلا عمي سكرنا مابدي جنس مخلوق هون يلا
ساجد: مين مفكر حالك ولاه
كان هلا واصل وديب زاد قهرو
ديب:ابن النمر جاي يتدخل
ساجد:عيب عليك تقلع الناس بعدين الشارع املاك دولة ولا شو رأيك انت
ديب:املاك دولة وقدام ورشتي مابدي حدا
ساجد:وطي صوتك
حكاها بنبرة عصبية خلا ديب يهابو
ديب:انت لا تدخل هلا اجيت وجاي تتزاعم
ساجد:وبمصع رقبتك كمان وازا ما عاجبك التجمع سكر وانقلع من هون
ديب:وازا ما سكرت
ساجد:انا بسكر
وائل:ساجد شو بدك فيه
طالع مصطفى لبرى الورشة وسحب الغلق ونزلو وشد عليه برجلو لتحت
ساجد:يلا روح من هون بس تهدى بتفتح وازا بتنعاد قلة ادبك على العالم لا تلوم الا حالك
بقي واقف مصدوم ومقهور
وساجد ركب ع الموتور وطلع وراه وائل ورجعو للمحل
ديب:مابدو ينقلع ونخلص من زعامتو لابن النمر.
........
بالمحل
وائل:ساجد شو بدك فيه
ساجد:من يوم يومو وقح ما شفت كم زلمة كبار ما احترم حدا
وائل:يا ويلي منك والله رعبتو
ساجد:سدد دينو
وائل:اي وحكالي لا بقى تعطي العيلة شي
ساجد:عاملي فيها زعيم من زمان بيعمل هيك
وائل: لك شو بدك فيه الو اهل يربوه
بقلبو:الي بيسحب موس معناتو مشكلجي ومكتر ليش ماني مستنظفك وعندي احساس الك يد بموضوع السرقة وليش لحتى ما يكون هو الورشة عندو وشغلتو المواتير يعني المهمة بتكون محبوكة بنفس الدقيقة.
وائل:شو ساجد كيف الخطوبة😉
ساجد: ماشي الحال
وائل:ولقدام شو رح يصير
ساجد:اكيد مشاكل
وائل:اي بس حلوة المشاكل ما حلوة الحياة الروتينية
ساجد:دخيلك على هالافكار اي وائل شو لحساب عندك
وائل:انا طالبتك بشي
ساجد:لا انت كفو بس بدي اسدد ديوني اسمنو معي مصاري
وائل:😂كتار ساجد لا تعرض بكتافك
ساجد:ما بيصغرو خلقة هيك عراض
وائل:طيب لنشوف حساب ابن النمر
ساجد:هيك مسجل الاسم
وائل:😂لا ساجد ابن النمر
ساجد: خلصني قول
وائل:ليكون اخد من عندي شي مو مسجلو
ساجد:صاير تقيل دم مو بأيدك
وائل:حط رقم
ساجد:...
عض على شفتو وبلش يديق خلقو
وائل:😂مو كتار مية بس
ساجد:يخرب بيتك مقرشهن
وائل:اوعك ساجد بروح فيها
ساجد:عم تتعامل بغير السوري انا بفرجيك عند بو حيدر
وائل:ياعمي مناخد سوري بس استنى لاحسبهن
ساجد:لا خليهن هيك انا المسا بمرك
وائل:يعني معك
ساجد:اي معي بدك شي
وائل:خليك بدي اشغل الاركيلة
ساجد:جاي عبالي انام ومسكر مخي
........

القسم السابع
برجعت ديب للبيت بعد لخناقة
استقبلتو ختام
ختام:موتور عديلك مسروق
ديب:شو هالحكي مسروق
اخلاص:اي والله يا صهري مسروق الموتور
ديب: والله مو خبريه لروح افوت موتوري الحيلة والفتيلة
كانت اخلاص ترجف ومتلبكة على رزقة جوزها الي سلبها ديب😂
طبعا صار بكل الحارة خبر السرقة
وبالمزرعة كان عم يبدلو النمرة ويصبغوا مشان يعرضوه للبيع بعد ما عملو شوية تعديلات ولا لقرود السود رح تخليه ينعرف لمين كان
مصطفى حردان من ديب بس ولا هامو
نصرت:اي معلمي ليش مزعل مصطفى
ديب:لانو كر
مصلح: حرام معلمي طيب خاطرو مصطفى قلبو طيب
ديب:ينقلع يعملي شاي مشان اتفاهم معو نصرت جهز حدا من طرفك ياخدو للمعرض اخو الجديد لانو وانت مصلح جهزلي الاركيلة واتركوني مع مصطفى

ماجد:معلم وجبورة
ديب:جبورة ما انضرب ع قلبو وشارك
ماجد:كرمالي يا معلم مأفلس
ديب:الصيدا الجاي وانت الك مهمة خاصة
ماجد:وجب
بعد نص ساعة كان قاعد مصطفى واخد على خاطرو وديب رجل ع رجل ويسحب من نفس هالاركيلة ومكيف
ديب:حقك على نافوخي صطيف
مصطفى:حصل خير معلمي
ديب:شفت ابن النمر
مصطفى:شفت
ديب:بدي تستلملي خطيبتو بس يروح للعسكرية
مصطفى:ليش مريم بتروح من بالي
ديب:بدي افرجيه
مصطفى:ولايهمك معلمي
ديب:هدول الك حصتك
مصطفى:فكرت مارح تحاسبني
ديب:لا شايلك اياهن ع جنب لو بعرفك بديقة اعطيتك المهم مصطفى حط راسك براس ابن النمر وما عليك انت بحمايتي
مصطفى:صار معلمي
......
كان عم يجهز حالو ساجد
لابس بنطلون اسود وبلوزة سودة وفلت اخضر موحد اللون حط المسدس على خصرو رش عطر اندق الباب وفتحو كانت مريم
فاتت وردت الباب
مريم:هلا بدك تروح
ساجد:اي من هلأ بخبرك ما رح اكون متاح كل الوقت اي شي بصير معك اكتبيه لو مسكر وقت افتح بشوفهم وديري بالك تنامي ببيت ستك وبتستشيري ماما وبابا بكلشي
مريم:حاضر
انتبهنا وقت اندق الباب وهو فتحو
ام ساجد:بدك تتيسر
ساجد:اي ...
كان قلبي منقبض رحت لاجهز القهوة مع مجد وقت ارجعت هبط قلبي لانو هي اخر قعدة الو معنا ضيفتنا وقعدت كان مشغول بموبايلو وعم يدخن
ابو ساجد:ضلك طمنا
ساجد:اكيد
شفتو عم يكتب
ساجد:جاهز اطلع
حط الموبايل جنبو
ام ساجد: ليكون نسيت شي
ساجد:ما بنسى ماجد مابدي اوصيك بالموتور
ماجد: المفتاح مع بابا
ابو ساجد:لا تخاف انا هون
اول ما اجاه اتصال وقف واخد الموبايل قرب من عمي وباس ايدو وهلا غمر مرت عمي وباس راسها
ام ساجد:الله يحميك يا رب
ودع مجد وماجد ع الماشي وحمل الشنتة وطلع حماتي وعمي طلعو وراه بس انا ضليت اتفرج عليه من الشباك كيف ماشي ورايح لدوامو اكيد بالسير .
.......
لحظة وصلو استنفار امني اكتر من سيارة مرافقة الو وصل لساحة مركز الشرطة فتحلو العنصر باب السيارة ودغري ضربلو تحية
العنصر: احترامي سيدي
شلح النظارات ووجهلو الحكي
ساجد:محجوب هون
العنصر:من شوي طلع
ساجد:لحالو
العنصر:معو كم عنصر
ساجد:حط الشنتة بغرفتي وبس يجي محجوب رأسا لمكتبي
العصنر: حاضر سيدي
فات للمركز وبس صوت ضرب التحيات كان ماشي وكلو هيبة وشخصيتو فارضها ع الكل فتحلو العنصر المكتب وضربلو تحية طبعا المكتب شرح وعم يلمع لمع بالاخص اسمو
(الرائد ساجد النمر) رئيس المباحث
ساجد:ابعتلي ورا نبيل بسرعة
العنصر:حاضر سيدي
شلح الجاكيت اخدو وعلقو العنصر وهو قعد ورا مكتبو يستريح من عناء السفر اول ما شافو نبيل ابتسم
نبيل:يا زلمة لحظة وصولك بتخلي الفرع ينور
ساجد: سكر الباب نبيل
نبيل: اطلاع شوي من جو التحقيق
ساجد:هات لشوف اخر المستجدات
سكر الباب وقعد نبيل
نبيل:لسى الملف الاخير مختفي
ساجد: المشكلة الي بدو يلعب معي مو عرفان انو ذاكرتي حديد بيجي محجوب وبصيرر خير.... محجوب بيعرف برجعتي
نبيل:اكيد العناصر من الصبح مستنفرين ما شفت كلو حالق ومزبط
ساجد:ياريت الي ببالي يطلع صحيح
نبيل:يعني مارح تتسجل ضد مجهول
ساجد:لا .....يا انا يا هي وازا ما بعرف مين ورا صاحب الملهى لاستقيل
نبيل:ما النا غنى عنك يا سيدي
طبعا اجاه اتصال من فوق ورد
ساجد: احترامي سيدي
العقيد:وصلت يا ساجد
ساجد:اي سيدي على راس عملي
العقيد:تابع القضية الاخيرة وصلني اخبار عن ضياع الملف
ساجد:انا جاهز لاي شي بتطلبوا
العقيد:داهم الملهى وبدي اعترافات ع الاكيد
ساجد:حاضر سيدي
العقيد:بأمان الله
نبيل بهمس: شو
ساجد:الاخبار واصلة
اتصل ب صفوح فوراً
ساجد:صفوح جهز عناصر المداهمة بأسرع وقت
صفوح:حاضر سيدي
نبيل:لوين هلا
ساجد:دوبني اجهز
نبيل:خليني اطلع بدالك استلم محجوب انت
ساجد:مابدي تتهاون مع اي حد الاوامر من فوق
نبيل:متل مابدك
اخد نفس وغمض عيونو ليتزكر تفاصيل جريمة الملهى وكيف رجع انفتح المرقص وكأنو شي لم يكن
.........
ببيت مصلح بغرفة لضيوف تحديداً كانو عم يتقاسموا حق لتلت مواتير حطهن بجيبتوا
ماجد:معلم ديب وين حابب الصيدة المرة الجاي
ديب: عند ابن حمايي يوسف ما صرلو سنه مشتريه
مصطفى:والله يا معلم صرت اخاف منك
ديب:هلا في شغلة ببالي
بقلبو: ابن النمر سافر بدي اهرهرو وهو هون مو بالخدمة
ماجد: شو هي
ديب:لا لا مشان شغلة عادية
مصطفى:ومشان اتفاقنا
ديب:زبط الوضع ع كيفك يلا اودعناكن
مصلح:صحيح معلم عم تدور ع عروس
ديب: لعمى لسى ما فكرت صار الخبر طالع
نصرت:ضريبة الشهرة معلم
ديب:انا حاجتي بشوفكن بكرى التزموا القوانين والتعليمات
طلع ودغري لبيت اهلو
ام دياب:نور البيت والله
ديب:مو وعدتيني تجوزيني
ام دياب:وعروستك جاهزة وايمتى مابتحب منروح نزور اهلها

ديب: هلا ليكني جاهز
ام دياب: بكرى احسن ولا يهمك حط رجليك وايديك بمي باردة
رجع لبيتو تتزاورو مرتو وهو يتزاورها وراح ينام ومشتاق لسهرة المرقص بس حالياً عم يزبط وضعو
.......
كانت الحارة بدون ساجد مو حلوة والاحسن ماعم يتصل ابدا واسمعت من حماتي انو بيختفي اثناء الخدمة وبلشو تخضيرات لحتى يزبطو غرفتين فوق الاسطوح.
.....
بغرفة التحقيق كان صاحب الملهى جواد باشا ومو عاجبو انو انشحط للفرع وساجد واقف قدامو ومرتكي بأيديه على الكرسي
ساجد:مابدك تعترف
جواد: ما كنت بالملهى ليلتها
ساجد:بس مات مقتول وحكيتو قضاء وقدر
جواد:هيك حكو يا سيدي
ساجد:والطبيب الشرعي حكى جرعة زايدة
جواد: يعني ازا جاي متعاطي بنحبس انا
ساجد:بدك تعترف مين ورا مقتلو الابرة الي أخدها المغدور اخدها بالملهى وحسب خبرتي بيوم الكشف بالاجباري معطينو اياها
جواد:فتش الملهى ازا بتحب
ساجد:لك انا ماني ابن يومين هون بدك تعترف جواد وحالا
جواد:انا ما بسمح انهان
ساجد:يا ابني
دغري فات العنصر
جواد:سيدي بدك اعترف بشي ما عملتوا
ساجد:اي بدك تعترف بشي مو عاملوا اشحطوه ع المنفردة وحمام بارد حالا
جواد: يا سيدي لازم تسمعني ما دخلني الله يوفقك الي اسمي ومكانتي لا تذلوني
كان معصب ومقهور رجع للمكتب وهو يسمع صوت رجاء جواد
قعد مو عاجبو
نبيل:مارح يعترف
ساجد:الا ما يكون في كاميرات مراقبة بالملهى نبيل اتصرف
نبيل:حاضر ورح اخلي مختص من قسم المعلوماتية يكشف على الفيديوهات
ساجد:بأسرع وقت بدي يتحول للمحكمة بتهمة ثابتة
نبيل:خلص اعتبر الي طلبتوا صار
اخد نفس عميق وغمض عيونو وارتكى على الكرسي ب تعب
ساجد: انا بفرجيكن يا كلاب
.......
تاني يوم راح ديب مع امو يشوفو العروس جميلة طبعا استقبلوهن الجماعة بغرفة لضيوف وهو ناطر تطل عليه ومتحمس واول ما شافهاا انصفر وحس انو وقعت على راسو بلوكة
بقلبو؛زوق امي بهوي ياربي دخيلك ليش هيك شكلا سامحني يارب ولسى خطاب المديح بحق الجماعة اي امها حلوة بس بنتها كوع لو بتضل تتمكيج اسبوع الله لا يوفقك يا ديب ليش شبها ختام
ضيفتو القهوة وهو يرجف كان داخل بموجة التوتر من خوفو يوقع بالفخ
قعدت العروس خجلانة وتطلع فيه وتسبل بعيونها
بقلبو:وينك يا ختام يارب ما تدرى اني عم اشوف عروس جاي ابوس ايديكي ختامووو الحب الحقيقي
وبعد القهوة اجاه اتصال واعتذر واول ما طلعو
من الحارة
ديب: انا مو ابنك يا ام دياب
ام دياب:يوه ليش
ديب:مو حرام عليكي بدك اياني من تحت الدلف لتحت المزراب شو عاملك ابن جوزك انا لك من شو بتشكي ختام
ام دياب:ولاه مقوص مو انت بدك تتجوز
ديب:ع الاقل تكون اصغر واحلى من ختام مو اكبر منها وابشع
ام دياب:يعني مابدك
ديب: اوعك قوليلهن مرتو دريت وعملتلو قتلة مرتبة وليييييي وليييييي حوينة جمالك يا ديب يا سبع البراري
ام دياب:عمرينك لا تتجوز عليها روح للمزبلة الي عايشها كتير عليك
ديب:مستعد اشتغل بالبيت ولا ابتلي بهديك المخلوقة شو كان اسما ماما
ام دياب:جميلة
ديب:ياربي سامحني هي مو جميلة قبيحة قبيحة
رجع للبيت وراسا لعند ختام كانت عم تجهز نفس الاركيلة ولاول مرة جذبها لحضنو وباسها
ختام:شبك ديب شو عملت
ديب:خلي السهرة بغرفتنا صباحي اليوم
ختام بخجل:ييي شو صرلك
ديب:رايح اجيب لنسهر بتكوني نيمتي لولاد
كانت خجلانة ما توقعت منو هالحركة لانو عايشين بروتين وما بقرب منها الا لمصلحة
سشورت شعراتها وفتحت خزانة التفاريع واختارت احلى تفريعة وبلشت تزبط للسهرة
اما ديب رجع حامل ومحمل كل الشباب الي بالدكان عرفوا انو الوضع زابط عندو
سردو عليه اول ما اخد تنتين مشروب طاقة ومكسرات وشوية فواكه وشوكولاتة
ماجد:طابشها ديبو
مصلح:شو معلم ما نتصل فيك😂
مصطفى:اتركوا لمعلم السهرة عندو صباحي
ديب: بشرع الله
وائل:😂 نحن ما حكينا يا سيدي الله يهنيك بكفي هيك كاجو
ديب:اتضبضب وائل احسنلك
وائل:ترى ما بدينك اليوم
بوقتها حاسبوا وضل طالع وهني ضلو بسيرتو وفرطانين ضحك لانو كان رايح يخطب وفقست وفهموا انو مرتو احلى من هديك
فات للغرفة ودغري غمزها وحط لغراض على التخت وهي خجلانة
ديب:شغلي الاركيلة لقلك
قفل الباب واتأكد من الشباك مسكر والبرداية وشلح القميص وراح لجنبها وهي بحالة من عدم التسديء اركيلة وسهرية ورومنسية ديب😂الي مو طبيعية وكانو راجع عريس وهي عروس

......
الصبح بكير على رأس عملو اندق الباب وبقي ساجد ساكت فتح محجوب وفات و ضربلو تحية
محجوب: احترامي سيدي
ساجد:وينك لهلأ
محجوب:انا اخدت اجازة من العقيد
ساجد:وانت بتعرف انو انا جاي وبدي تقارير منك انت
محجوب:اضطريت يا سيدي وبعرفك قلبك كبير ابني تعب شوي
ساجد:كان فيك تستنى

دفش دفتر المحضر الي فيه القضايا
ساجد:شرف لساتني بستنى حضرتك عم قلب بالاوراق ومابعرف من وين ابدا
وقف جنبو محجوب وطالع لوراق
وقف ساجد الي بيتفوق عليه بالطول والعرض
ساجد:محجوب بدي القضية الي انفقدت
محجوب:انو قضية سيدي
ساجد:سلمتك اياها هون بأيدي
محجوب:لساتها هون
ساجد:هاتها لشوف
كان واضح عليه التوتر وحركاتو ما ريحت ساجد ابدا بلش يدور بالملفات وع اساس مهتم ولسى ساجد ملاحقوا بنظراتو لهيك بلش يتصبب عرق
ساجد:وينها محجوب يلا
محجوب:معقول يا سيدي انا حطيتها بأيدي
ساجد:وانت اخدتها
محجوب:لا يا سيدي شو بدي فيها وانت بتعرف متل هيك قضية ما بتنترك لانو لسى مو مكتمل ملف التحقيق
ساجد:هي بعرفها الي بدي اعرفوا مين الو مصلحة يسحبها من بين القضايا الي مستلمها
محجوب:بدك احقق بالموضوع
ساجد:مافي داعي جواد باشا صار تحت
انصدم محجوب وابتسملو ساجد
ساجد:شو كأنو الموضوع الي بالي بالك صحيح
محجوب:بس يا سيدي خليني اشرحلك
ساجد:محجوب انت ابن الدولة معقول تحوص وتلوص ومع مين معي وانت بتعرف ساجد شو يعني تنسحب قض

٤:٠٨ م
مين معي وانت بتعرف ساجد شو يعني تنسحب قضية
بين أيديه معناتو الك يد
من
محجوب بشو احلفلك يا سيدي ما اخدتها انا اصلا حكيت مع
سيادة العقيد بالموضوع والا ما فتح الملف
ساجد حكيتوا ليتكسر من رتبتي
محجوب ابدا يا سيدي الي ببالك مو صحيح
ساجد: انزل قرر جواد باشا لانو حتى قسم المعلوماتية ما
قدروا يرجعوا تصوير الكاميرات يعني الي قتل مكانتو كبيرة
بدي صوت جواد لعندي انصراف
بقي واقف وحاطت ايديه على الطاولة ويتنفس بحقد وغل
بقلبو مارح تنال الي ببالك ورح تضل تحت امرتي يا محجوب
على الغدا عزموني بيت حماي ما الي نفس بالاكل بس
شاركتهن
ابو ساجد ليش ما عم تتغدي
مریم: ليش ساجد ما عم
يتصل
ام ساجد نحن متعودين ما يحكينا
ابو ساجد: لا تشغلي بالك اتغدي الله ييسرلو
بقلبي: امين
ام ساجد شو مشان دوامك بالبنك
مریم بشاور ساجد
ام ساجد بتتسلي
مريم: وهو هيك
مجد يعني الحارة ما حلوة بدون ساجد
ماجد بتجنن
ام ساجد: انت ما حدا سالك
ماجد: مافي داعي للسؤال لانو عجبني وجاوبت
ابو ساجد: احتفظ فيه لنفسك
مجد يعني مشتاقة ل ساجد
ماجد مشتاقة ليك
مجد: شوق الهوى لروحي