ام زياد : كمااان
يارا : ايييي شبنا ام زياد تخيلي اجاني عريس بدك تقوليلو انا مابسمح حدا من بناتي ينام برا البيت
ولا ناوية تخلينا معنسين
ام زياد : لا بجيبو يسكن معنا
يارا : ياسلاااااااام عليكي وعلى افكارك ياماميتي
ام زياد : ههههههه
يارا : الله يخليلي هالضحكة
اي هيك هه خلونا رايقين
بعدين مو انتو قلتلولي اذا تفوقتي بدراستك وصحتسلك منحة دراسة رح نبعتك
هي صحلي منحة شغل بترجاكن توافقو
ابو زياد : على خير يابنتي منهون لبعد بكرا بصير خير
**

# الجزء الثالت

حست يارا بقبول من ناحية اهلا فرحت وتوترت بنفس الوقت
صارت تدقق بتفاصيل البيت والذكريات يلي محفورة فيه

تاني عملت حالا عم تجهز تيابها للسفر
راما : اختي هي اسوارتي خليها معك مشان تضلي تتذكريني
يارا : ياروحي انتي تعي لعندي
انا رح ضل حكيكم ياعمري
ماتعذبي ماما وبابا
رح جبلك هدية معي بس ارجع
رنيم: يارا اجت رفيقتك مرام ليكا تحت
يارا: روحي قليلا تطلع لعندي
بدي اعد معها لحالي اي حبيباتي
**
مرام دقت الباب وفاتت: ياااارااا هلا هلا بدي افهم شو صاير شو قصة الشركة الفرعية يلي عم تحكي عنها لاهلك

ركضدت يارا عليها وسكرتلا تما
يارا : لك هصصصص سكتييي مايسمعوكي
فوتي فوتي لفهمك فضحتيني
مرام: مابدي اسكت لك شوووو القصة شو عم تخبصي
بعدين شو هاد عرض الشغل يلي حاكيتيه لاهلك ماسمعت بهيك شي بالشركة
بعدين انتي ويين مسافرة
صرلك كم يوم مالك طبيعية وماعم تحكي شي
يابتفهميني كلشي يا بتنسي وحدة اسما مرام
يارا : لك شبك شبك وحدة وحدة
رح فهمك
بس الحكي يلي بدي قلك ياه اووعاا حدا يعرف فيه اوووعا لان منروح فيها انا وياكي
انتي مو بس رفيقتي انتي اختي وانا وياكي ربينا سوا
ولو مابوثق فيكي اكتر من حالي ماكنت رح احكيلك
مرام : احكي نطفتيلي قلبي
يارا : سمعي ......
***
مرام : شوووووووو لك انتي شو عم تخبصي جنيتي
لا لا لا اكيد صار شي لمخك
لك.يابنتي انت عرفانة حالك لوين رايحة ومع مين عم.تلعبي
لك.هدول العالم وقت الجد بطالعو حالهم.من المشاكل متل الشعرة من العجين وبتوقع القصة براسك
يارا وقفت وكتفت اديها : خلصتي
مرام : لا ماخلصت ومارح خليكي تتورطي بهيك مصيبة
يارا : كل الحكي يلي حكيتي انا حكيتو قبل بيني وبين حالي
انا مو سائلة عن حالي بس المهم اهلي يضلو بخير
والقرار خلص اخدتو ماعاد فيني اتراجع
واذا بدك تسأليني ليش هلا عم خبرك ف رح جاوبك
انا باول فرصة رح حاول اتواصل معك بدي تقوليلي اخبار اهلي اول باول وايا حركة غريبة بتحسي عليها بتخبريني
هدول متل اهلك وانا مارح وصيكي اكتر من هيك فيهم بدي منك تضلي تطلي عليهم

ركضدت مرام عليها عانقتها وصارت تبكي
مرام: طيب وانتي وانتتتتتييي بركي أذوكي بركي صار شي عليكي
يارا: ماتخافي علي انا بعرف خلص حالي
_____
جهزت غراضها وودعت اهلا وراحت على عنوان البيت يلي عطاها ياه كمال
دقت الجرس وفتحلها
كمال : اهلين يارا تفضلي
تطلعت فيه وتلبكت وضلت وافقة
كمال: ايوه لا تعمليلي حركات تبع مابفوت ع بيت فاضي لحالي وبخاف وهدول القصص
الايام الجاية رح نتقابل كتير بدك تكوني من اولها قوية وواثقة من حالك
يارا : لا مو خايفة
كمال : اي تفضلي
فاتت عالبيت وقلبها عم يرجف خوف
كمال : شووو هاد يلي جايبتي
يارا : تيابي استاذ
كمال : لا لا مالن داعي
يارا: كييييف !!!!!
كمال : مشان تقدري تفوتي عالبيت بدون ماحدا يشك فيكي رح تدخلي ع اساس صدفة
يارا : مافهمت
كامل : رح اشرحلك كلشي
______

كان راكب بالسيارة عم يسمع اغاني هادية ومستمتع بالهوا يلي عم يلاعب شعره
فجأة الشوفير بيدوس فرااااام قوي
تيم: لك شببببك شو صار
طارق : بببب ننت بنت رمت حالا قدام السارة
تيم : شوووو ولسه قاعد بسرعة نزيل شوفها
طارق : حاضر يابيك

نزل من السيارة وركض لعندها
كانت مرمية عالارض ومعم تتحرك
طارق : يا انسة شو صرلك...... ردي علي .... يااااللله منوين طلعتيلي انتي ... شو هالمصيبة .....لك فتحي عيونك احكي ايا شي

رجع عالسيارة : يابيك البنت لا من تمها ولا من كمها
تيم : ماتت ؟؟؟
طارق : لا لسه عايشة بس معم تتحرك
تيم : شو هالمصيبة
ويييين عيوووونك شلون ماشفتا
طارق : الله وكيلك يا...
تيم : لاااا تشرحللللي هلأ روح هات البنت لناخدها عالمشفى مايصرلا شي بسرررررعة

حملها وحطها بالسيارة ومشي بسرعة على اقرب مشفى
ستقبلتهم الممرضى واسعفوها فورا

قاعد بالانتظار وساند راسو عالعصاية يلي بايدو
طارق : يااخي بحلفلك مالي علاقة ماشفتا غير رمت حالا قدامي مالحقت وقف اللله وكيلك
تيم: خلص خلص مصدقك
ادعي هلا بس البنت مايصرلا شي
طارق : انا خايف كتير
القصة كلها رح توقع براسي
تيم : ماتاكل هم خلينا نطمن بس وبعدين منحلها

اجا دكتور باتجاهم
الدكتور : حضرتكن شو بتقربو المريضة
تيم: طمنا دكتور هية بخير
الدكتور : الحمد لله مافي اصابات ظاهريا بس
تيم : بس شو دكتور
الدكتور : الظاهر انو المريضة فقدت الذاكرة
تيم : كيييف
الدكتور : هاد يلي صار لهيك ممكن اعرف شو صاير معها ومين حضرتكن

تيم نكش طارق برجله مشان مايحكي
تيم : البنت بتكون اخت الشوفير يلي عنا

وضربتها سياره هية وعم تقطع شارع
الدكتور : ووين يلي ضربها
طارق : هرب
الدكتور : بتحب تشتكي لنخبر الشرطة
تيم : مافي داعي للشرطة
طارق: الحقيقة يادكتور اختي هية يلي كانت عم تقطع بسرعة يدون ماتنتبه ومابدنا نحمل حدا المسؤولية
الدكتور : هلى راحتكم
على كل حال المريضة صحيت اذا بتحبو تطمنو عليها بس حكوها بهدوء لان ضايجة شوي
تيم : منتشكرك دكتور
****
كانت متسطحة ع سرير بالمشفى فات الدكتور لعندها
وقف جنب السرير وتطلع فيها وصفقلها تصفيق خفيف
يارا : خير دكتور شوفي

نزل الكمامة عن وجهو وشال الطاقية
يارا : استاااذ كمااال !!!! شو عم تعمل هون
كمال : معقول موظفة ظريفة عندي تعمل حادث وما اجي اطمن عليها هههههههه
يارا : الله يسامحك يابيك كنت رحت فيها ههههههه
كمال : لا لا ليكك عين الله عليكي ما احلاكي
المهم برابو عليكي لهلا شغلك تمام وصرت مطمن عليكي وهلا بتكملي كلشي تفقنا عليه ونتبهي كتير
يارا : بس خايفة الدكتور يكشفني
كمال: لا تخافي الدكتور عندي خليكي واثقة بحالك

سمع دقة الباب رجع لبس الكمامة والطاقية بسرعة وطلع

يارا شافت داخل لعندها شب عندو شخصية ملفتة وانيق حاطط نضارة على عيونو وحامل بايدو عصاية عم يستدل فيها عالطريق ويلمس الاشيا باديه ومعاه شخص ماشي معو ومعهم دكتور
الدكتور : طمنيني عنك كيف صرتي
تيم : مرحبا
يارا : مين انتو
طارق : ماعرفتيني اختي
يارا تطلعت فيه باستغراب وحكت بينها وبين حالا (اختيييي لعما مين هاد واخت مين ) : مين انت
طارق :انا طارق اخوكي ماتذكرتيني
ليش هيك عملتي بحالك وخوفتينا عليكي
يارا صفنت فيه
""" اخوكييي """ يالللللللله ما احلا هالكلمة ...
عصت هالكلمة بقلبا (اخي)...شو كنت مشتهية اسمع هالكلمة
يمكن لو كان عندي اخ ماكنت هلا بهالوضع
الدكتور : يا انسة انتي معنا ؟؟؟
رجعت من شرودها وحطت ايدا ع راسا وصارت تعيط : مااااعم اتذكر شي مين انتو
مين انا ليييييش انا هون
تيم : اهدي اهدي شوي كلشي بيتصلح انتي متوترة هلا بس تروقي بتتذكري كلشي ونحنا معك ماررح نتركك
يارا : طالعوني منهونط
الدكتور : نحنا اطمنا عليها ومافي داعي تبقى عنا فيكم تخرجوها
طارق : شكرا دكتور
اختي نحنا رح ننطرك برا لبين ماتجهزي حالك
يارا : اوك
_______
طارق : تيم بيك شو رح نعمل هلا
تيم : رح ناخدا عالفيلا ....البنت ماعم تتذكر شي وين بدنا نتركا
نحنا السبب بالحالة يلي فيها هلا
طارق : انا السبب يااخي الله يسترني من ردة فعل عصام بيك
تيم : انا رح فهم اهلي الموضوع بس قبل لازم نحكي مع البنت

طلعو من المشفى وراكبين بالسيارة
يارا : انتو مين وانا مين وشو صار معي
عنجد انت اخي
تيم : سمعيني يا انسة......
انتي مابتعرفي شو اسمك
او معك ايا شي اثبات شخصية ( بطاقة - موبايل ) ايا شي
يارا: مامعي شي ...وانت ليش عم تسأل انتو ما بتعرفو اسمي يعني هاد مو اخي وكذبتو علي
تيم : نحنا كنا ماشيين بالسيارة وانتي رميتي حالك ادامنا ......
مو متذكرة ايا شي عن لحادث ؟؟؟؟
يارا : حادث !!! حادث شو وليش لارمي حالي
وبلشت تبكي : يعني انا هلا ضايعة مابعرف وين اهلي .....هه هاد اذا كان عندي اهل اساسا
تيم : روقي انتي رح تتذكري كلشي المسألة مسألة وقت بس اهدي ماتبكي
انا بوعدك ندور ع اهلك
يارا : خدني على اقرب مركز شرطة انا بدي خبر الشرطة
تيم : مافي داعي نفوت بسين وجيم مع الشرطة
انتي مو متذكرة شي ولا في اي دليل
شو بدك تقوليلن
يارا : طيب انتو وين رح تاخدوني
تيم : لعنا عالبيت
يارا : وانا شو بعرفني ماتكونو خاطفيني
تيم : ههههههههههه لهالدرجة شايفتينا شكلنا مرعب ومجرمين
سمعي يا..... اييييه شو بتحبي ناديلك بما انك مجهولة الهوية حاليا
مممممم رح سميكي ليال شو رأيك حلو
يارا : حلو
تيم : طيب نحنا هلا رح نروح عالفيلا عيلتي هنيك وانا رح عرفك عليهم ورح.تعيشي معنا لبين ماترجعلك ذاكرتك او تلاقي اهلك
طارق وصلني عالبيت و خود ليال عشيها انا لازم احكي مع اهلي قبل تفقنا ليال
يارا : تفقنا ليش طالع بايدي حل غير انو نتفق
____
بفيلا كبيرة وراقية مجتمعة العيلة ع طاولة العشا
عصام : تيم تأخر كتير حدا منكم حكا معو
لميس : بابا انا حكيتو من شوي وقلي جاية
رن الجرس وركضدت الخادمة فتحت الباب
عفاف : اهلا وسهلا يابيك
تيم : اهلين عفاف شو وين اعدين
عفاف : عم يتعشو يابيك .... بتحب ساعدك
تيم : شكرا الك روحي على شغلك
فات تيم لعندهم
تيم : مسا الخيييير ..... اي شو هالجمعة الحلوة ريتكن ماتبلو
ام تيم : اهلين بعيونو .... وينك لهلا يا امي شغلتلي بالي
تيم : صارت معي شغلة اليوم ومنيح مجتمعين لان بدي احكي معكم
ابو تيم : خير بابا شو صار
لميس : شوفي تيم
تيم : اليوم كنا انا وطارق بالسيارة ماشيين بأمان الله وفجأة ..........
.
.
وهي هية كل القصة

#الجزء الرابع

عصام : كل هالشي صار معك وماحدا فينا معو خبر معقول انت يا ابني
لميس :اخي ليش ماتصلت فيني كنت اجيت لعندك فورا
ام تيم : ابني اكيد ماحدا صرلو شي
تيم : طولو بالكم ياجماعة شوي شوي....كل شي صار بسرعة وانا تصرفت وحليت الموضوع
ابو تيم : والبنت وينا هلا
تيم : كان لازم اشرحلكم يلي صار اول لهيك بعتا مع طارق
رح تبقا عنا..لايمتا مابعرف لبين ماتتذكر شي او نقدر نوصل لاهلا...
رح حكي طارق هلا كرمال يجو
___
راكبة بالسيارة وشاااردة بالناس والشوارع والحياة الجديدة يلي بدا تعيشا
طارق : ان شاء الله عجبك العشا انسة ليال .... انسة ليال .....لياااال خانم
يارا: ايييه رعبتني ليش عم تصرخ
طارق : عم حكيكي ومالك سامعتيني
يارا : لا تواخذني..... هلا سؤال هاد الشب يلي كان معنا كأني نتبهت انو عندو مشكلة.. بقصد بعيونو
طارق : صح تيم بيك كفيف
يارا : ياحرام شب متل الوردة... من وقت ولد هو هيك
طارق : لا عمل حادث
يارا : ييييي مسكين
طارق : بس تتعرفي عليهم رح ترتاحيلن
يارا : على مين
طارق : تيم بيك وعيلتو
ناس محترمين وايدهم للخير ومعدنهم طيب .....صرلي عمر بشتغل
عندهم
يارا : شو بتشتغل
طارق : انا الشوفير الخاص للاستاذ تيم وفي بينا علاقة قوية متل الرفقة هوة بالنسبة الي اخي يلي ماطعمني ياه رب العالمين وانا بفديه بحالي
يارا رجعت صفنت بهالكلمة : اخي
يارا : ممكن اطلب طلب
طارق : طبعا تفضلي
يارا : معلش ناديلك اخي
وقت قلتلي بالمشفى انا اخوكي حسيت بشعور غريب مابعرف كيف اوصفو
ممكن تعتبرني اختك
طارق : اكيييد....وبالمناسبة انا عندي اخت من عمرك او يمكن اصغر
يارا : جد وين هية...
قطع حديثهم رنة التلفون ...
طارق : الو....نحنا بالسيارة عم نفتل...اي تعشينا.....حاضر يابيك مسافة الطريق
طارق : تيم بيك بدو ياني وصلك عالفيلا.... منكمل حديثنا بعدين هلأ جهزي حالك لتتعرفي على عيلة السيد عصام بيك
___
الكل قاعد ومتوتر وناطرين توصل ضيفتهم

نزلت يارا من السيارة وعيونها عم تطلع يمين وشمال مبهورة وعم تتأمل بتفاصيل الفيلا يلي مقابيلها
يارا : وااااو متل فيلة الاحلام
طارق : يلا تعالي معي الكل ناطرك جوا
يارا مسكت ايدو : انا خايفة
طارق : لا تخافي انتي مع اخوكي ...

بتسمت ومشيت .....فاتت وعم تمشي ورا طارق متخبية ورا ضهره
شافت عيلة كبيرة مجتمعة تطلعت فيهم بسرعة شافت تيم اعد بالصدر وبحضنو بنت صغيرة
طارق : مسا الخير
يارا : مسا الخير
تيم : اهلا وسهلا ليال.... تعالي لعرفك على اهلي
هاد بابا وهي ست الكل وهي تيتة حبيبتي واخواتي لميس ولمى وهي الكربوجة ليا بنت اختي
عصام : اهلين فيكي يابنتي
ام تيم : اهلا وسهلا فيكي
الست حياة : اهلين بنتي
لميس _ لمى : اهلا وسهلا
يارا : شكرا الكم
عصام : يعطيك العافية استاذ طارق
طارق : حقك علي يابيك بس
عصام : مافي داعي تيم شرحلنا كلشي .... قدر الله وماشاء فعل المهم انكم سالمين
وانتي يابنتي الحمد لله عسلامتك رح تبقي عنا وبضيافتنا وتأكدي رح نساعدك لتوصلي لاهلك
يارا : بتشكرك يابيك وانا بعتذر منكم عالازعاج والفوضى يلي سببتلكم ياها بس صدقوني مالي متذكرة ايا شي من يلي صار معي
عصام : ولا يهمك من اليوم عتبري هالبيت بيتك وغرفتك هلا صارت جاهزة طلعي رتاحي اكيد تعبانة

عصام :ياعفاف وصلي الانسة على غرفتها
عفاف : بتأمر يابيك
ليال : مابعرف كيف بدي اتشكرك يابيك ..معروفكم معي مارح انساه.
عفاف : تفضلي
ليال : بالاذن منكم
تيم : اذنك معك

**
ماشية وعم تتأمل بضخامة الفيلا والفرش يلي فيها لحتى وصلت على غرفة
عفاف : تفضلي يا انسة هي غرفتك
يارا : شكرا الك
فاتت صارت تتفتل شافت غرفة هاااادية ورااايقة فيها سرير وخزانة وتسريحة
مرتبين بطريقة انيقة وفيها حمام صغير وبلكون بطل على حديقة الفيلا
يارا : وااااااااو شو حلوة هالغرفة.....حرام لو كنا انا واهلي عايشين بهيك بيت......اوووووف ناس بتشقى ليل ونهار وبتعمل اشيا غصب عنها كرمال تعيش وتاكل وناس عايشة بترف
تسطحت عالتخت وصارت تفكر بيلي صار معها وشو ممكن يصير
ندق عليها الباب
يارا : تفضل
لميس: ممكن ادخل
يارا : طبعا طبعا تفضلي
لميس : انا لميس اختو لتيم
يارا : تشرفت بمعرفتك وانا ليال...بقصد تيم بيك هيك سماني لان مابعرف شو اسمي
لميس : تيم خبرنا بكلشي ماتشغلي بالك فيكي تعتبريني رفيقتك وماتخجلي مني
يارا : تسلميلي انا جد ممنونتكم
لميس : طيب انا اجيت سلم عليكي بس وشوف اذا لازمك شي
يارا : بصراحة خجلانة منك
لميس : قلتلك عتبريني رفيقتك وماتخجلي
يارا : بصراحة انا حابة فوت اتحمم لان كنت بمشفى وتيابي توسخت بس مامعي تياب لبدل فيكي تجيبيلي ايا شي البسو

لميس : اوووو كيف نسيتك ... تكرمي
هلا بجبلك كلشي بيلزمك
يارا : بتشكرك كتير
____
قاعدين الكل بالصالة عم يتناقشو
تيم : كيف شفتوها ؟؟
ام تيم : مو باين عليها شي بنت طبيعية
عصام : بدنا ندور على اهلا....عم فكر نصورها وننشر الصور
تيم : فكرت بهالشي بابا بس في شغلة ..... متل مافهمت من طارق انو البنت رمت حالا قدام السيارة....
يعني في احتمالين يا البنت محاولة تنتحر يا هربانة من شي ...
طارق قال كانت عم تركض بدون ماتطلع حواليها
الست حياة : انا قلقانة ماتلحقنا شي مصيبة من ورا هالبنت
فاتت لميس لعندهم : البنت مامعها تياب عطيتا كم قطعة من عندي
ام تيم : خير ماعملتي يابنتي
تيم : المهم هلا حاولو تعاملوها عادي وماتحسسوها انها غريبة بركي بتتذكر شي منقدر نفهم منها شي
_____
طلعت من الحمام ولبست بجامة حمرا يلي عطتها ياها لميس ونشفت شعرها وتسطحت
يارا : اووووووخ فعلا يوم شاق
ياترا اهلي شو عم يعملو هلا ....وانا شو مستنيني هدول عيلة كبيرة انا كيف بدي ضل عم مثل عالكل
اوووووف يالله كون معي

ضلت عم تفكر حتى غفيت
*****
فاقت ع صوت عم يناديها من ورا الباب
عفاف : انسة ليال صحيتي .... يا انسة ليال.....ليااال خانم

وقفت وفركت عيونا وراحت فتحت الباب
عفاف : صباح الخير
يارا : اهلين صباح النور
عفاف : ناطرينك تحت عالفطور نادولي لخبرك
يارا : طيب يلا شوي وجاية
فاتت غسلت وبدلت تيابا وجدلت شعراتا ونزلت
شافت العيلة كلها مجتمعة حولين طاولة السفرة
يارا : صباح الخير بعتذر عالتأخير
عصام : صباح النور بنتي تفضلي قعدي
لميس: تعالي عدي جنبي ليال..... بتحبي اعطيكي شي ولا بتاكلي لوحدك
يارا : تسلم ايدك باكل لحالي
تيم : كيفك اليوم ليال..لااا ماشاء الله وجهك مورد مبين انك منيحة والتياب لابقيلك كتير على فكرة
يارا : عنجد شكرا تيم بيك هاد من ذوقك
تيم : هههههههه
لميس - ام تيم - عصام : هههههههههه
تيم : تركوها شكلها لسه نعسانة
فات طارق تطلعت فيه وبتسمتلو وهوة نتبه عليها و بتسملا
طارق : السيارة جاهزة عصام بيك والوالد منتظرك
عصام : يلا بالاذن
الست حياة : موفق يا ابني

كملو اكل وقام كل واحد على مكان وبقيت ليال مع تيم
تيم : بتطلعي نشرب قهوة بالحديقة
يارا : تمام بشرب
تيم : يلا
يارا: بتحب ساعدك
تيم : لا شكرا متعود

طلعو تمشو بالحديقة
يارا : الفيلة تبعكم بتجنن ماشاء الله
تيم : تسلمي ... بيتكن كيف شكلو
يارا : ممممم بيتنا
فجأة سكتت حست انو عم يحاول يوقعها بالكلام
تيم : ليش سكتي في شي
يارا : لا عم حاول اتذكر شي عن تفاصيل بيتنا
تيم : ولا يهمك اسف نسيت...
الفيلة هون كبيرة لسه...في ملعب بالجنب التاني وفي خيل
بخلي عفاف تورجيكي عليها
يارا : معلش قول لطارق يورجيني عالفيلا
تيم : اها ليش طارق .....كأنكم ضربتوها صحبة بهالساعة يلي تركتكم فيها
يارا : ههههههه بصراحة يابيك وقت نادالي طارق اختي حسيت بشعور كتير غريب وفرحت مابعرف شو سبب هالشعور
تيم : ممممم سببو يا انك محرومة من الاخ يا عندك اخ بتحبي كتير
يارا : عنجد يا بيك ؟؟؟
تيم : اممم انا عندي شوية خبرة بعلم النفس
على كل حال تكرمي بس يفضى طارق بخلي يورجيكي عالفيلا
هلا قوليلي كيف شفتي عيلتي ؟؟
يارا : الله يخليكم لبعض يابيك مافي احلا من لمة العيلة
وانا مالحقت اتعرف عليهم منيح لسه
تيم : شوي شوي بتتعرفي عليهم

قاطعهم طارق : صباااح الخير يامعلم
صباح الخير ليال
يارا : صباح النور ..قلي اختي بتطلع معك احلا
طارق : تكرمي..كيفك ياخيتي
يارا : منيحة وصرت احسن بشوفتك
تيم : اهااا هلا هيك صار الحكي ماشي ياعم ...استاذ طارق الست ليال حابة انك تورجيها عالفيلا
طارق : على راسي ... تفضلي اختي
يارا : بالاذن منك تيم بيك
___
طارق : ايه خيتي منوين بتحبي نبلش
ليال : من مكان مو واقفين
طارق : ههههههه تعالي
ليال : هلا انت شو بتشتغل هون بالضبط
طارق : قلتلك انا الشوفير الخاص لتيم بيك ...وبهتم بالحديقة والخيل وبشوف شو طلبات البيت وهكذا وابي الشوفير الخاص بعصام بيك
وامي واختي بيشتغلو بالمطبخ
يارا : ايوااا يعني كل عيلتك هون ...وساكنين بالفيلا كمان
طارق : اي بيتنا هداك يلي جنب الفيلا هلا بورجيكي ياه
يارا : يعني عفاف اختك
طارق : شطورة اي اختي ...تعالي لعرفك على امي
فاتو عالمطبخ كانت ام طارق عم تجهز الغدا
طارق : تعالي ليال ...بس تشمي ريحة اكل طيب كتير فورا بتعرفي انو الست ام طارق واقفة عالغاز ....مارح تدوقي اطيب من اكلاتا
ام طارق : اهلين وسهلين يابنتي
طارق : وهي عفاف بتعرفيها
وهي دينا بنت خالي عايشة معنا كمان

يارا : اهلين فيكم يعطيكم العافية ...
يلا بالاذن منكم.... شكرا كتير طارق على هالجولة الحلوة مبسطت كتير
طارق : هههههه نحنا بالخدمة 24 ساعة
يارا : هههههههه يلا باي
****
قاعدة المسا بغرفتها ومالة
يارا : اووووووف وبعدييين شو هالحالة مليييت.....اهلي ياربي اهلي شو عم يعملو هلا
ندق باب الغرفة
يارا : تفضل
لميس : مسا الخير ليال
يارا : يسعد مساكي تعالي تعالي اجيتي بوقتك كنت اعدة ومالة
لميس : انتي ليش حابسة حالك بالغرفة يابنت نزلي عدي معنا
يارا : انتو عيلة والكم خصوصياتكم مابدي كون ضيفة تقيلة
لميس : لااا هيك بدي ازعل منك انتي صرت مننا ...على كل حال شوفي شو جبتلك هدول كم قطعة شتهيتلك ياهم بدلي فيهم حاليا لبين ما انزل انا وياكي عالسوق ونشتري تياب
يارا : يييي ياروحي ليش عذبتي حالك شكرا كتير
لميس : ولو ... هلا قومي قيسي التياب ورجيني ياهم
يارا : موافقة

سهرو سهرة طويلة ضحكو كتير ومبسطو ولميس حبتها ليارا
_______
مرقو اسبوعين ويارا تقربت من الكل كتييير....حبوها وحبتهم.. للحظة رح تنسى هية ليش اجت لعندهم

كانت عم تركض بالحديقة هية وتيم
تيم : هههههههه بتعرفي اديش صرلي ماركدت يابنت ..حاج
يارا : هههههههه اخ حاسة قلبي رح يوقف
تيم : تعالي نقعد نشرب شي ... وينا عصايتي
يارا: مسكت ايدو ...انا وموجودة مافي داعي للعصاية
بتسم تيم وشد على ايدا

من بعيد واقفين عصام بيك وام تيم عم يتفرجو عليهم
ام تيم : ملاحظ انو تيم نفسيتو كلا تغيرت من وقت اجت ليال
صاير عم يقضي اغلب الوقت معها وماعاد قعد لحالو متل قبل
هالبنت طيبة وروحها مرحة
ابو تيم : ملاحظ هالشي
ام تيم : ايمتا بدك تفاتحها بالموضوع
عصام : هلا بس يروح تيم عالدكتور منحكي معها
عصام : تيييييم بابا تأخرت على موعدك
تيم : يلا بابا
يارا : خليني وصلك على غرفتك... ان شاء الله ترجعلنا بأخبار حلوة
تيم : ادعيلي
عصام : ليال بنتي بس تخلصي حابين نشرب من اديكي قهوة
يارا : من عيوني
_____
بالمطبخ عم تعمل قهوة فاتت دينا
يارا : دينا عطيني الفناجين
دينا بانزعاج : فوق راسك خدي طلبك

حملت حالا وطلعت من المطبخ
يارا : اييييه شبها هي كل ماتشوفني بتتخربط خلقتها
حطت الفناجين وسكبت القهوة وطلعت عالحديقة كانت اعدة امو وابو لتيم
يارا : تفضلو وهي اطيب فنجان قهوة
عصام : الله يسلم هالادين
عدي بنتي بدنا نحكي معك
يارا: تفضل عمو
ام تيم : بصراحة يابنتي نحنا ملاحظين على تيم بهالفترة تغير كتير ، كان اغلب الوقت يقعد لحالو حتى ضحكتو ماكنا نشوفها
عصام : يابنتي نحنا كنا طالبين ممرضة لتهتم بعلاج تيم...ف اذا بتقبلي تقومي بهالمهمة منكون كتير سعيدين لان انتي فهمتي طبع تيم
يارا: طبعا عمو ولو تكرمو اقل منها لردلكم معروفكم معي
عصام : لا يابنتي مو رد معروف انتي رح تكوني بوظيفة ورح يكون الك راتب
يارا : راتب شو ياعمو مو انا منكم وفيكم
عصام : كلشي لحال هاد شرطنا
واذا خايفة ع زعل تيم فبحب قلك انو تيم هوة يلي قترح الفكرة
يارا : خلص اذا انتو بدكم هيك انا موافقة
عصام : تفقنا لكن ، وهدول عتبرين دفعة عالحساب
يارا : بتشكرك ياعمو
______
اعدة بغرفتها بتجي لعندها لميس
لميس : لياااال هاتي البشارة
يارا : شوفي ؟؟؟
لميس : الدكتور قلو لتيم انو احتمال كبيير بعد فترة يقدر يعمل عملية وصارت نسبة نجاحها اعلى لان عم يستجيب للعلاج
يارا : بربك جد يعني رح يرجع يشوف
لميس : اي اي
يارا : انا رايحة لعندو
طلعت من غرفتها ركدت لعندو عالغرفة دقت الباب بطريقة مجنونة ودخلت
يارا : شوووو هالخبرية البتجنن يلي سمعتها
تيم : انا لهلا مو مصدق
يارا : لاااا هي البشارة مارح تمرق هيك ...يلا يلا قوم انا عازمتك لسببين
تيم : شو هنن
يارا : اولا كرمال هالخبرية الحلوة ... تانيا بمناسبة اول راتب بقبضو تييرراارااا ههههعههه
تيم : راتب شو
يارا : هلا لا تعمل حالك مالك خبر
تيم : هههههه حكوكي اهلي
يارا : اي يلاااا بعدين منحكي قوم تجهز
تيم : اذا هيك معناها العزيمة محرزة
يارا : هلا هية مو محرزة محرزة مرقلي ياها هالمرة بكاسة عصير ع اد مصرياتي ههههههههه
تيم : هههههه موافق

جهزت حالا ونزلت ركد عالمطبخ
يارا : شفتولي طارق وينو
دينا : ليش بدك ياه
يارا : عاوزتو
سمعت صوتو جاية ركضدت لعندو شدتو من ايدو وطلعو برا
طارق : لك شوفي
يارا : بدي طلب
طارق : تفضلي
يارا : انا عزمت تيم ....بدي تاخدني ع مكان هوة بحبو وبنفس الوقت مايكون عالي كتير يعني معي كم ليرة
طارق : ههههههه اما شو عزيمة
يارا : لك بلا مسخرة ولو خرج ؟؟؟
طارق : خرج ونص تكرمي
______

#الجزء الخامس

فاتو عالكافتيريا ويارا حست بنظرات العالم بس ماحبت تحسس تيم
يارا : شو رأيك نقعد على هي الطاولة
تيم : اووو اطلالتها بتجنن ههههه
يارا : ههههههه يلا
طارق : طيب انا رح جيب كم غرض للبيت وصوني عليهم وبرجع
اجا الكرسون عطاهم القائمة ليختارو فتحتها لقت بقلبها ورقة مكتوب فيها ( لاقيني عند الحمامات ) سكرت القائمة وتطلعت بالكرسون اشرلا بعيونو
يارا : تيم انا بدي روح عالحمامات طلوب شي على ذوقك الي والك
تيم : اوك

راحت باتجاه الحمامات وقبل ماتوصل حدا سحبها من ايدها

يارا ( فتحت عيونها على وسعم ) : كماال بيك شو عم تعمل هون
كمال : اجيت شوفك
يارا : شو عرفك اني هون
كمال : ولوو انسة يارا انا بعرف كل حركة عم تتحركيا
يارا : كمال بيك اهلي.... والله ناطف قلبي عليهم
كمال : اهلك بخير
شوفي انا تركتك هالمدة لحتى تتعرفي عليهم وتتقربي منهم والواضح انك ماشية تمام
يارا : لا تشغل بالك الامور كلها تمام
كمال : برابو هلا رح يبلش شغلك
اول شي بتعملي بعد ماتطلعي من هون بتروحي بتجيبي موبايل ورقمي معك بتبعتيلي مسج فورا لنتواصل وبدك تكوني حذذذرررة ما رح ارجع نبهك
يارا : تمام وشو مشان اهلي
كمال : ياارا اهلك بخييير ورح تحكين ركزي معي هلا
يارا : حاضر يابيك ... شو بتأمرني اعمل هلا
كمال : في بنت بالقصر اسما لميس بدي اعرف كلللشي عنها مفهوم
يارا : استاذ شو علاقة لميس بالشغل
كمال : لا تناقشي عملي يلي بقلك عليه بس
يارا : حاضر
كمال : يلا روحي قبل ما تتأخري وعطيني خبر بس يصير معك الموبايل
يارا : اوك
كمال : كمان شغلة قبل ماتروحي ... لا تدعسي بنزين كتير مع تيم ماشي
خلي ببالك انك بمهمة وبأيا لحظة ممكن تنتهي
يارا : حاضر كمال بيك ماتشغل بالك
يلا بالاذن

طلعت ومشيت باتجاه الطاولة وعم تحاكي حالا (لعمش هاد جني ولا بني ادم وين ما بكون بيطلع بوشي)

يارا : اي تيم انا رجعت
تيم : طلبت عصير الي والك
يارا : ايييه شو رأيك بهالاعدة
تيم : اووووه شغلة خصوصي هالبحرة يلي هنيك والشلال

جلست حالا يارا: تييم انت شو عرفك انو في بحرة وشلال
تيم : ههههههههه هبلة يا بنت لك انا بجي على هالمكان من زمان
يارا : الله يسامحك رعبتني.....
تيم : انتو البنات فورا بتمرق عليكم لميس متلك
يارا : هههههه صح على سيرة لميس بدي اسألك سؤال لو فضولي شوي
تيم : تفضلي
يارا : انتو كلكم عيلة مثقفة ما شاء الله بس لميس شو وضعا ما كفت دراستها ولا ماتوظفت بمجالا يعني بشوفها دايما بالبيت او بتطلع مع رفقاتها
تيم : ممممم لميس دكتورة ليال، اخصائية توليد
يارا : شووووو عم تحكي جد طيب ليش مابتروح على شغلها
ماعندها عيادة
تيم : كانت عم تشتغل وبطلت صارت معها حادثة وماعاد رضيت تشتغل بمهنتها
يارا : ايوااا شو هالحادثة يلي بتخلي دكتورة توقف عن مزاولة مهنتها
تيم : ماتت ام وطفلها بعد ماولدتها
يارا : مممممم بس عادي بتصير كتير هاد مو سبب مقنع
تيم : اي بس زوج المريضة ماتركها بحالا حاول يئذيها كتير ولهلا عم يحوم حوليها وشوه سمعتها كتير ك طبيبة لهيك المسكينة ماتحملت وتركت
يارا :حبيبة قلبي مسكينة ...
تيم : ايه قليلي شو رأيك بهالمكان
يارا : حلو ورايق
ايييه حزير شو بس نخلص بدي اخدك مشوار
تيم : كماان لوين
يارا : بدي جيب موبااايل ههههههه
تيم : طيب بس يجي طارق منروح
______
رجعو عالبيت شافو الكل متوتر
لميس : مااابدي عم قلكن مااابدي حاج فهموني
ام تيم : يابنتي شوفي اول بجووز تغيري رأيك
لميس : مابدي شوف حدا خلص لا عاد تفتحولي الموضوع
ركضدت وطلعت على غرفتها
تيم : شوفي شو صاير
ام تيم : متل العادة نفس الموال تبع اختك ....حرام عليها هالبنت يلي عم.تعملو بحالا

قربت يارا لعند تيم وهمستلو
يارا : شووفي
تيم : بحكيلك بعدين
ام تيم : طالعة شوفها
تيم : امي تركيا لحالا شوي
___
قاعد بالحديقة راحت لعنده
يارا : تيم حكيلي شبها لميس
تيم : في شب بدو يجي يتقدملا ...
يارا : اي وين المشكلة ليش مابدها
تيم : صايرة معهامشكلة من زمان ومن وقتا رافضة الارتباط
يارا : طيب معلش اطلع احكي معها انا ...يعني نحنا بنات منفهم على بعض
تيم : اوك
___
كانت اعدة بغرفتها وعم تبكي فاتت لعندها
يارا : بتسمحيلي فوت
لميس : تعالي ليال
يارا : انا اسفة عالتدخل بس نحنا بنات منفهم على بعض يمكن اقدر افهمك اكتر من الكل
بتحبي تحكيلي شبك
لميس (تبكي ) : خلاني اكره كلشي اسمو رجال... الحيوان خربلي كل حياتي
يارا : مين هاد
لميس : شب تعرفت عليه بالجامعة كان صايع وكلشي عندو بيعملو بالمصاري بيشتري ناس وببيعها بالمصاري

صار يتعرضلي لفترة طويلة وانا صدو بس بالاخر حبيتو.... كيف وشلون مابعرف كان يقلي انا تغيرت وانو حبني ومن هالكلام وفعلا تصرفاتو تغيرت والكل لاحظ عليه هالتغيير
بلشنا نتقرب من بعض وحبيتو كتييير لدرجة مابتتخيليا
يارا : كان معك بالجامعة
لميس : لا هو اكبر مني ومتخرج من غير كلية بس كان يتردد لعنا كتير
المهم بيوم تفقنا نطلع رحلة تخييم كنا مجموعة شباب وصبايا وهو راح معنا
كنت بالليل نايمة بالخيمة وقت حسيت في حركة غريبة جنبي فتحت عيوني لقيتو جنبي صرت قلو شبك شو عم تعمل هون مايسمعني وصار يقرب مني بطريقة بتقررف
يارا : ييييعععنني صاار شي
لميس : لا لا قدرت اهرب بس طلعت من الخيمة شفت الكل واقفين عم يتفرجو علي وانا بهالحالة يلي بتخجل
كان مهدد الكل ماحدا يتدخل تخيلي كان عندو مستمسك على كل شخص يهددو فيه
وقف بين الكل وصار يضححك بصوت عالي ويقول لرفقاتو شفتو كيف ربحت الرهن وهنن وقفو وراه وصارو يضحكو بطريقة غبييية
ركضدت لعندو وصرت اضربو وقلو رهن شوووو
مسكلي ايدي وقلي من كل عقلك مصدقة شب متلي وبمستواي يطلع بوحدة متلك او يحبا ياغبية
نحنا كان في لعبة رهن بيني انا والشباب واناا مااابحب اخسر
_ بهاللحظة حسيت قلبي رح يوقف صرت اضربو واتوعدلو وقلو رح احرق قلبك متل ماحرقت قلبي
ماعاد ستوعبت واغمي علي
فقت لقيت حالي بالمشفى واهلي حولي..وجوهم مابتتفسر عرفت انو صار عندهم خبر بكلشي رفيقتي يلي كانت معي بالخيمة حكتلهم كلشي

تيم علق هوة وياه وتوقفو تنيناتهم
نحنا كان وضعنا متوسط وهوة كان ابن عيلة كبيرة حاولنا نرفع دعوة بس المحامي قدر يخلصو منها لان ماحدا من يلي كان موجود سترجى يشهد ضده
وانا ضلييت فترة ما ارضى انزل عالجامعة وبعد محاولات كتيرة نزلت وووقفت ع رجلي وتفوقت بدراستي وصرت دكتورة معروفة وتجاوزت المشكلة بس قلللبي نكسر ياليال مالي حاسة انو بقا عندي قوة اتحمل خيبة تانية .....عرفتي ليش ماعاد بدي ارتبط..........
بس طلعت من الخيمة شفت الكل واقفين عم يتفرجو علي وانا بهالحالة يلي بتخجل
كان مهدد الكل ماحدا يتدخل تخيلي كان عندو مستمسك على كل شخص يهددو فيه
وقف بين الكل وصار يضححك بصوت عالي ويقول لرفقاتو شفتو كيف ربحت الرهن وهنن وقفو وراه وصارو يضحكو بطريقة غبييية
ركضدت لعندو وصرت اضربو وقلو رهن شوووو
مسكلي ايدي وقلي من كل عقلك مصدقة شب متلي وبمستواي يطلع بوحدة متلك او يحبا ياغبية
نحنا كان في لعبة رهن بيني انا والشباب واناا مااابحب اخسر
_ بهاللحظة حسيت قلبي رح يوقف صرت اضربو واتوعدلو وقلو رح احرق قلبك متل ماحرقت قلبي
ماعاد ستوعبت واغمي علي
فقت لقيت حالي بالمشفى واهلي حولي..وجوهم مابتتفسر عرفت انو صار عندهم خبر بكلشي رفيقتي يلي كانت معي بالخيمة حكتلهم كلشي

تيم علق هوة وياه وتوقفو تنيناتهم
نحنا كان وضعنا متوسط وهوة كان ابن عيلة كبيرة حاولنا نرفع دعوة بس المحامي قدر يخلصو منها لان ماحدا من يلي كان موجود سترجى يشهد ضده
وانا ضلييت فترة ما ارضى انزل عالجامعة وبعد محاولات كتيرة نزلت وووقفت ع رجلي وتفوقت بدراستي وصرت دكتورة معروفة وتجاوزت المشكلة بس قلللبي نكسر ياليال مالي حاسة انو بقا عندي قوة اتحمل خيبة تانية .....عرفتي ليش ماعاد بدي ارتبط..........

قربت منها ليال وحضنتها ياروحي انتي روقي وانسي الماضي خلص راح انتي لازم تعيشي حياتك ماتسمحي لحدا يضل حارمك من هالفرحة يلي بتحلم فيها كل بنت
متل ماتجاوزتي القصة وتفوقتي بدراستك لازم كمان تأسسي عيلة وتابعي حياتك ...مو كل الرجال سيئين كوني واثقة كمان مو كل البنات مناااح
بالطرفين في المنيح وفي السيء
فكري منيح ....انا برأيي لازم تعطي حالك فرصة مو بس كرمالك كرمال اهلك يلي عم يتقطع قلبهم عليكي ... حرام عليكي تتركيهم هيك زعلانين فكري فيهم هنن متمنين يشوفو بنتهم عروس ويفرحو فيها ... حرام تحرمين هالفرحة
بس بكل الاحوال خلي الشب يجي اذا بدك بفوت انا بدالك بركي صار نصيب ههههههههه
لميس : ههههههه مجنونة
يارا : اي هيك هه ريتا تسلملي هالضحكة

#الجزء السادس
طلعت من عندا ورجعت على غرفتها قفلت الباب ومسكت موبايلا وبعتت مسج
( كمال بيك ... الموبايل صار معي وهاد رقمي )
بعد شوي رن الموبايل
يارا : الو
كمال : كيفك يارا
يارا: اهلين كمال بيك
كمال : قليلي بسرعة في اخبار
يارا : لا يابيك كلشي تمام
كمال : وبخصوص لميس في شي
يارا : لا بس في موضوع خطبة وفي شب بدو يطلبا
كمال : ممممم على خير
يارا : كمال بيك حابة استفسر عن شغلة
انت بعتتني لهون كرمال جبلك معلومات عن الشغل بس يلي شايفتو انو امور الشغل مابيحكو عنها بالبيت نهائيا ف بظن وجودي مالو داعي
كمال : انا يلي بقرر اذا الو داعي او لا ..كملي يلي بلشتي وبالنسبة لاهلك حكيهم بس نتبهي من الغلط
يارا : عنجد شكرااا كتير الك يابيك

ماصدقت فورا تصلت باهلا
ام زياد : الو
يارا : ماااماا ياعمري شتقتلكم كتييير
ام زياد : يارا تؤبري قلبي شلونك ماما طمنيني عنك انتي منيحة
.
.
حكت مع اهلا مع امها وابوها واخواتها فرحت كتيير لاول يوم بتنام هية ومبسوطة هيك بعد ماتطمن عليهم
صارت كل يوم تحكي معهم بنفس الوقت
ومضا شهر على نفس الوضع
يارا كان واضح التغيير عليها صارت مرحة اكتر وتعلقت بكل يلي بالبيت وهنن تعلقو فيها اكتر وعلاقتها مع تيم عم تقوى يوم عن يوم

كانت بالليل عم تتمشى بالحديقة وقت سمعت صوت جاية من بعيد صار تقرب باتجاه الصوت لحتى صار الكلام واضح
طارق : لك حااااج تخبصي حاااج مافي شي من يلي عم تحكي هي كلها اوهام انتي زرعتيها براسك
دينا : لا مو اوهام مووو اوهام انت مالك منتبه ع تصرفاتك انت وياها لك اغلب وقتك معها وبتمسك ايدك بدون خجل
طارق : لك ياغبية البنت معتبرتني اخوها
دينا : اي اهلين اخوها ....حبيبي نحنا بنات ومنفهم على بعض
هي حركات الاخوة مابتمرق علي
طارق : عبببببث الحكي معككك عبث
دينا : طيب قنعععني اثبتتتلي انو مافي شي بينكم عطيني دليل واحد
طارق : دليل ... بدك دليل طيب
مسكها من اديها بقوة
طارق : تيم بيك بحبها بدك ياني اتحدا تيم بيك ....قوليييلي شوو قتنعتي
دينا : عنجد عم تحكي انت
طارق : اي بس اوووعا حدا يعرف والا مابتسلمي من لسان تيم بيك عم تفهمي
دينا : ممممم ماشي
طارق : غبية روحي من وشي
حط ايدو على راسو اوووف سمع صوت من وراه
يارا : شو هاااد يلي سمعتو طارق
طارق : ايووووووه كملت
انتي شو جابك لهون
يارا : هلا قلي صح يلي سمعتو
طارق : ياستي صح
بتسمت يارا
طارق : شايفك ضحكتي معناها شعور متبادل
انو انتو ليش كل واحد فيكم عم يكابر اكتر من التاني خلص حكو يلي بقلبكم لبعض وخلصونا اي شو عنتر وعبلة
لياااال .... الووو .... وين شردتي
يااااحبيبي
يارا : اي اي معك خلص فهمت
طارق : واضح انو معي

اجت بدا تروح مسكها من ايدا
طارق : بشرفك اوعك تيم يعرف بشي بموتني
يارا : اوك بحاول ههههههه
طارق: ليال وحياتي اوعى
يارا : خلص خلص ماشي
____
الصبح بالظل اعدين تيم وطارق
طارق : معلم اانا برأيي تحكيها يعني خلص لايمتا بدك تنطر
بعدين بيني وبينك البنت بتبادلك نفس المشاعر
تيم : شو عرفك
طارق : هية لمحتلي
تيم : بتحكي جد
طارق : متل ماعم قلك لهيك واجهو بعض وحاج تتعذبو
تيم : مممممم اليوم رح حكيا
طارق : اي هييك هه

شافتهم من شباك غرفتها نزلت لعندهم
يارا : صباحوو...شو عم تعملو
تيم : طارق عم يقلي انو اليوم في فيلم حلو بالسينما تروحي نحضره
يارا : نحضر فيلم ...انا وانت !!!
تيم : هههههههه اي فيلم وين المشكلة
يارا : المشكلة انو ...
تيم : هلا اي صح مارح شوفو بس بقدر اسمع واتخيل الاحداث
يارا : لا انا اصدي انو الفيلم رح يكون بالاجنبي كيف بدك تفهم
تيم : انا بحكي لغات منيح بعدين اذا صعب علي شي بترجميلي ياه
يارا : موافقة
تيم : لكن جهزي حالك المسا
_____
بصالة السينما اعدين ومدموجين بالفيلم
يارا عم تهمس بادنو وتحكيلو الاحداث
يارا : شوف هلا لمحها من بعيد وعم يركض لعندا
تيم : اي شو كمان
يارا : وهية واقفة بردانة وخايفة كتير لان الشارع فاضي
مسكها من ايديها وعانقها عم يقلا كتير كنت خايف تتركيني وتروحي
تيم : اي سمعت فهمت عليه
لحظة لحظة شو قلا مافهمت
يارا : I love you
تيم : رجعي عيدي ماسمعت
يارا : I love you
تيم : كمان عيديها
يارا : لك I love you يعنييييي بحبببك
تيم : وانا كمان
تطلعت فيه ونتبهت على حالا
يارا : لك انا اصدي البطل بالفيلم هيك عم يقول
تيم : وانا عم قلك ياها الك
يارا : بس..
تيم : هصصصص خلينا نكمل الفيلم هلا بينزعجو العالم
مسك ايدها وشد عليها
بتسمت وكملو الفيلم

واقفين ع باب السينما عم يستنو طارق بقيت ساكتة بعدين حكت

يارا : تيييم...
تيم : اي ليال بحبك وكتييير وقلبي تعلق فيكي حيااتي وايامي كلها حليت بعد مادخلتي عليها
لدرجة صرت متمني ماترجعلك ذاكرتك من خوفي تتركيني حتى لو بدك تقولي عني اناني
بس كل يوم عم يمر عم اتعلق فيكي وحبك اكتر من يلي قبلو
صح انا شخص اعمى
يارا قاطعتو : لا تيم لا تحكي هيك
انت مو اعمى انت عم تشوف بقلبك عم تشوف الحياة بطريقة احلا من كل الناس المفتحين
يارا مسكت ايدو : لاعاد تقول هالكلمة
تيم شد على ايدها بقوة : ليال بتقبلي تكوني عيوني يلي بشوف فيهم
يارا : تؤ مابدي كون عيونك بدي كون قلبك وروحك وتفكيرك وكلشي حلو بحياتك
تيم شدها عليه وضمها
شافن طارق بهالوضع صار يضحك ويزمر بالسيارة
طارق : شوووو يامعلم كنتو عم تحضرو روميو وجولييت
تيم - يارا : ههههههههه
__
مرقو ايام وحبهم كل مالو يزيد عاشو لحظات متل الخيال
يارا كانت مبسوطة كتييير مع تيم وعم تطمن على اهلا كل يوم
اما كمال خففت اتصالاتا معو كانت خايفة من اللحظة يلي بقلا فيها نتهت مهمتك كانت خايفة تبعد عن تيم

ليوم كانو اعدين بالحديقة
يارا : كأنها لميس لانت شوي وقتنعت
تيم : اي من كتر ماحكيناها قبلت تشوف الشب رح يجي بكرا هو واهلو
يارا : ان شاء الله يكون عند حسن ظنها
تيم : امين
هلا شيلك من هالحكي في شغلة من زمان نفسي اعملها بس خجلان منك
يارا : اوووف شو هالشغلة ماتخجل

مد ايدو ع وجها وصار يتحسس عيونها وخدودها
يارا : شو عم تعمل
تيم : ستني بدي اتخيل ملامحك
صار يمرر ايدو ع شعرها وحواجبها وعيونها
سمعو صوت حدا جاية بعدت يارا فورا
لميس : هااااي انتو هون
يارا : اهلين لموس طمنيني كيف كان مشوارك
لميس : جبت كذا قطعة تعالي ختاري معي شي مناسب
يارا : يلا جاية
تيم : اوك انا رايح شوف طارق

طالعة عالدرج بيوصلها مسج من كامل ( يارا بدي شوفك ضروري ناطرك بعد ساعة بنفس الشقة يلي لتقينا فيها ماتتأخري في شي مهم )
نشغل بالا
يارا: اووووف يالله هلا وقتك
طلعت لعند لميس
يارا : لميس حبابة لا تواخذيني بس في قطعة وصيت عليها وهلا بعتولي مسج انو وصلت لازم روح جيبا بس ارجع منختار سوا التياب
لميس : اوكي حبيبتي روحي

لبست وطلعت ركد من باب الفيلا
شافها طارق
طارق : لوووين مستعجلة ليال
تيم : حبيبي وين رايحة
يارا : ياروحي في قطعة تياب شفتا بالسوق ووصيت صاحب المحل على وحدة قياسي وهلا بعتولي مسج انو وصلت بدي روح جيبها قبل ماتروح مني
تيم : طيب بخلي طارق يوصلك
يارا : لا ياروحي خلي معك بروح لوحدي

طلعت ركد من باب الفيلا ركبت تكسي وراحت عالعنوان
دقت الباب فتحلا
كمال : والله يا اهلا بالست يارا تفضلي
فااتت ومتوترة
يارا : كمال بيك شوفي رعبتني
كمال ( رفع ايدو وضربها كف وقعها بالارض ) : انا باعتك لتشتغلي ولا لتعملي قصة عشق وغرام وليه
يارا : كمال بيك فهمان الموضوع غلط
كمال بعصبية : هصصصصصص خرسي ما بدي اسمع منك ولا حرف
انا قلتلك.من الاول انتي بمهمممة اوعا تنسي هالشي
فوق كل هاد ماعااد سمعت صوتك ولااا عاااد جبتيلي اخبار لييييش .....
ليبيش ماقلتيلي انو لميس جاية شب يطلبها
يارا : وانت منوين عرفت كل هاد
كمال : انا النفسس يلي بتتنفسي بعرفو
يارا : طالما بتعرف كلشي ليييش بعتتني لهنيك ليييش
كمال : موووو شغلك انتي المفروض تنفذي الاوامر وبس ماااتبني علاقات بالهوا
يارا: حاضر يابيك
كمال : يلا قومي من وشي وبدي اعرررررف التفاااصيل
كللل التفاااصيل فهمانة
يارا : حاضر

طلعت من البيت وصارت تركض بالشارع وتبكي
يااربي شو اعمل كل مااالي عم اغرق شووو اعمل
حبييتو مو بايدي غصب عني

رجعت عالفيلا شافت تيم بالحديقة
يارا : تيم شو عم تعمل
تيم : ناطرك حبيبي طمنيني جبتي القطعة
يارا : ااه اي اي جبتها
انا طالعة على غرفتي شوي
تيم : اوك بس لا تنسي تمري لعند لميس عم تستناكي
يارا : اوك.

تاني يوم كانت عم تجهز حالا وتحط اللمسات الاخيرة فاتت يارا لعندها
يارا : اوووووو شووو هاااد شو هالاناقة هي
لميس : متوترة كتير ليال بتمنى ما اندم على هالخطوة
يارا : خلص ولووو ماتخلي هالتوتر يبان عليكي بعدين شفتي اهلو لما اجو المرة الماضية ناس اكابر وطيبين
لميس : بس اليوم رح شوفو الو .
يارا : اي ورح يطير عقلو فيكي انا متأكدة يلا رح اسبقك ما تتاخري
____
ماسكة صينية عليها فناجين القهوة ودخلت عالصالة متل الاميرة
قالت مسا الخير وبلشت تضيفهم القهوة
كان الكل مبهور فيها وعم يبتسملا
وصلت لعند الشب ونحنت لتضيفو القهوة
تطلع فيها ورمى الفنجان من ايدو ووقف
رتعبت من تصرفو ورجعت لورا
الشب : انتييي معقووول صار يصرخ ويقول معقووول جايين تعرفوني على هي البنت

الكل متفاجأ من تصرفو وامه وابوه خجلو من تصرف ابنن وصارو يقلولو شبك شو صرك

لتفت على اهلو وصار يعيط : معقووولين انتو بدكم ياني اتزوج مجرمة بدكم كمل حياتي مع وحدة متلا
عصام : حترم حااالك ياولدددد مابسمحلك تتهم بنتي هيك اتهام
تيم : انت فايت على بيت الو حرمته مامنسمحلك بهالحكي
لميس : لك انت منوين بتعرفني لحتى عم تحكي عني هالحكي
الشب : مو حضرتك الدكتوورة لميس يلي قتلتي ام وابنها كرمال تنتقمي من زوجا اااه احكي مو انتي
هي شو بتتسمى جريمة ولا لاء
لميس رمت صينية القهوة من ايدا : لااااااا انا مااااقتلتااا ماااقتلت حدا فهمووو بقا الله يلعنكم
حطت ايدا ع تمها وصارت تبكي وركضدت على غرفتها

تيم : نقلع منهون ياقليل الذوق الناس يلي متلك مامنسمحلا تدخل بيتنا
الشب : انا مابشرفني فوت على بيت ناس مجرمين
تيم كز ع سنانو : عم قلك نقللللع قبل ما ارتكب جريمة فيك فعلا

ليال واقفة ومذهولة من يلي عم يصير ادامها وزعلت كتير على لميس
طلعت لعندها عالغرفة لقتها اعدة على تختها ماسكة صورة بايدها وعم تبكيي
لميس : اناااا مااااقتلتها واللله ماقتلتا هية وصلت عالمشفى عم تنزف كتير وكان عندها مشاكل بالحمل الحق مو عليي الحق عالدكتورة يلي كانت متابعة عندها
يارا : روقي حبيبتي انا مصدقتك
لميس : لاااا ماحدا مصدقني لان هداك الحيوان خربلي اسمي وسمعتي صرت بنظر الكل مجرمة ...تررركت مهنتي وعيادتي وماااخلصت منو لسه لهلا عم يلاحقني ويئذيني وانا متأكدة انو هوة يلي بعت هاد الغبي يلي تحت
الللله يلعنوووو

قربت ليال لعندها وضمتها : روقي روقي بس احكيلي فهميني مين هاد يلي عم يعمل فيكي كل هالشي ولييييش
لميس : شب الجامعة يلي حكيتلك عنو
يارا : شو علاقتو بالمرة وابنها يلي ماتو
لميس : بكوون زوجها
يارا : كييييف وشلوون وليش اتهمك انتي بالذات
لميس : بهداك اليوم كانت مناوبتي بالمشفى الساعة 12 بالليل اجتني حالة ولادة عالمشفى
للصدفة ماكان في غيري دكتور توليد
لان الدكتورة يلي كانت معي تعبت فجأة واضطرت تروح عاللبيت
رحت شوف المرة يلي كانت اصواتها معبية المشفى من وجع الطلق
تعسرت ولادتها كتير وما قدرت اتركها وانا بغرفة العمليات اجت الممرضة قالتلي انو في حالة ولادة تانية طارئة اجت عالمشفى
قلتلا حجزولا غرفة وجهزوها وانا جاية ماكنت بعرف وضعها خطير لهالدرجة
والمريضة يلي ادامي كانت عم تبكي وتترجاني ما اتركا
بعد معاناة ولدت تركتا مع الممرضات يجهزوها ورحت ركض لشوف المريضة التانية فتت لقيتها عم تنزف كتير كتير بشكل مو طبيعي
صرت صرخ عالممرضات وقلن ليش ماخبرتوني انو وضعها هيك وليش ماتصلتو بطبيب تاني فورا
اخدتها فورا على غرفة العمليات لان وضعها حرج كتير كنت عم اركض ومو شايفة بعيوني
للاسف الولد نزل ميت وبعد الفحوصات تبين انو كان ميت من فترة
وهية نتيجة النزف دخلت بغيبوبة ودخلناها عالعناية
سألت مين معها من اهلا حتى نسلمهم الولد ونخبرن بيلي صار
خبروني انو زوجها جابها اسعاف وهوة ناطر برا
طلعت لخبرو بيلي صار بس ماشفت حدا
قلتلتن رايحة اطمن عالمريضة التاني وارجع
رحت طمنت عالأم وابنها كان وضعها منيح وانا طالعة من من غرفتها خبطت بشخص كان معمي على قلبي من يلي صار تطلعت فيه ونصدمت
قلتلو انت شوووو عم تعمل هووون
قلي بدي مساعدتك
قلتلو بعد كلشييي عملتو فيني بدك ساعدك لك انا اذا بشوفك عم.تموت ادامي وبايدي العلاج مارح اعطيك ياه ورح خليك تموت
دفشتو ومشيت
مسكلي ايدي قلي بترجاكي مرتي وابني بين الحياة والموت
كان بعيونو نظرة انكسار اول مرة بشوفا حسيت بغصة وقت عرفت انو تزوج
قلتلو مين مرتك قلي اخدوها هلا على غرفة العمليات ووضعها سيء وعم تنزف كتير
رجفو ادي وماقدرت خبرو انو ابنو مات تركتو مشيت صار يناديني يناديني ماقدرت رد رحت على مكتبي وطلبت من الممرضة تخبرو بيلي صار
اجا لعندي عالمكتب متل المجنون وعيونو عم تقدح نار
وصار يقلي شوو صار وكيف مات الولد حاولت اشرحلو مايرضى يسمع
بعدين عصبت وقلتلو سآل حالك
شوف اديش اذيت عالم وكسرت قلوب عالم حتى الله عم يعاقبك
وانا عم احكي اجت الممرضة وقالتلي انو ام الطفل كمان توقف قلبها بالعناية
جسمها ماتحمل التسمم يلي صار معها
صار يصرخ ويعيط وكسر كلشي ادامو ووتهجم علي يقلي انتي قتلتيهم يامجرمة مشان تنتقمي مني قتلتي تنين مالهم ذنب
حاولنا نهدي وفهمو بيلي صار ماستوعب وماهدي
بعدها ضجت المشفى كتير واجو اهلو واهلا وكبرت القصة كتير كتير ووصلت للشرطة وكانت رح تنسحب مني الشهادة
الدكاترة شرحو لاهل المريضة الوضع والكل فهم وتقبل الا هوة ماكان يقتنع ولهلا مالو مقتنع
من بعد هاليوم قلبلي حياتي لجحيم صرت وين مابروح شوفو
شوهلي سمعتي ونزعلي اسمي صارو المرضى يلي عندي كلن يهربو ....كان واصل كتير ويطلعلي بكل مكان متل خيالي
بعدا انا تركت الطب وقعدت بالبيت لان ماعاد حدا رضي يتعالج عندي

بس انا ماقتلتن ياليال بحلللللفلك باغلى شي عندي ماقتلتن
انا قلتلو روح ستفسر من الدكتورة يلي كانت متابعة عندها مرتك رح تعرف انو وضعهم كان خطير من قبل مو بس اثناء الولادة
لك انا مابقدر اقتل نملة كيييف بدي اقتل انساان
لك صورتها ليكها لهلا محتفظة فيها مابنساها
تعليق

# الجزء السابع
قربت منها يارا اكتر وضمتها وصارت تبكي معها زعلت عليها كتير
يارا : من وين جبتي صورتها
لميس : كانت بجيبتها وقعت وخليتها معي ولهلا محتفظة فيها
يارا: معلش شوفها
لميس : شوفي
يارا مسكت الصورة وشهقت وحطت ايدا ع تمها
لميس شبك
يارا : مممميييننننن ههاادد يلي معها
لميس : هاد هوة زوجها ...هاد الشخص يلي دمرلي حياتي كلها
رجل الاعمال الكبير ( كمال بيك )
يارا : هاد يلي كنتي عم تحكي عنو بايام الجامعة
لميس : اي هاد هوة

نزلو دموع يارا اكتر واكتر وضمت لميس وصارت تبكي معها
يارا : ياعمري انتي مابتستاهلي الا كل خير

رجعت على غرفتها وراسها رح يفجر من التفكير
يارا : ماااعم صدق ياللله معقوول كمال بيييك اووووووووف
معقول بعتني لهون كرمال ينتقم من لميس عن طريقي وكذب علي بحجة بدو معلومات عن الشغل
اللله يااااخدووو شووو لسه بدو من هالمسكينة انا لااازم حكي لاااازم وضحلو كلشي
مسكت تلفونها وتصلت
كمال : اهلا اهلا يارا
يارا : كمال بيك لازم شوفك
كمال : شوفي في اخبار حلوة بدك تخبريني ياها
يارا : لا الاخبار مو حلوة ابدا انا لازم شوفك
كامل : تعالي بكرا عالبيت وخبريني يارا : اوك
_____
راحت تاني يوم لعنده وخايفة تواجهو
كامل : شوفي يارا ليش كنتي مزعوجة عالتلفون مبارح شو صاير
يارا : استاذ كمال انت شو بدك بالضبط وليش بعتتني لهنيك
كمال : قلتلك بعتك كرمال شغل
يارا : انا اسفة اذا عم اتواقح استاذ بس لو بدك معلومات عالشغل بتبعتني عالشركة مو عالبيت وانت بتعرف انو امور الشغل مابتنحكى بالبيت
كمال : مافهمت يارا شو يلي ستجد بالموضوع حتى جاية تقوليلي هالكلام
يارا : يلي ستجد اني عرفت كلشي
انت بعتتني لهنيك كرمال لميس مو كرمال الشغل
كمال : مافهمت
يارا : استاذ انت فهمان قصدي منيح
بصراحة لميس حكتلي بالصدفة عن علاقتك.فيها وحكتلي كلشي صار
انت يلي بعتت هاد الشب لحتى يهينا ادام الكل صح
كمال : وانتي كيف عرفتي انو انا نفس الشخص يلي حكتلك عنو
يارا : ورجتني صورة الك ولمرتك
كمال: منووويييين جااابتها
يارا : قالت انو كانت بجيبة المدام
كمال : ممممم الواضح انو علاقتكن قوية حتى حكتلك كلشي ..منيح حلو
اي ياستي انا يلي بعتو ورح ابعت عشرة غيرو ومارح ينطفي ناري منها
يارا : ليش ماقلتلي انك بعتتني كرمال تنتقم منها
كمال : لان لو قلتلك مارح تقتنعي
يارا: يابيك حرام لميس مادخلها
هية حكتلي كلشي بالتفصيل مو هية يلي قتلت مرتك وابنك
كمال : وانتي صدقتيها ياغبية
فتحي عيونك ولا تصدقي كلشي بينحكى ادامك
يارا : صدقني يابيك.
كمال : يااراا انتهى لاا تناقشيني انتي مكلفة بمهمة بتلتزمي فيها وبس وماتدخلي بالتفاصيل والاا رح يصير بينا حكي تاني انتي بغنى عنو
يارا : حاضر يابيك بس بتمنى انك ترجع تدور عالحقيقة
كمال : روحي لشغلك
______
مرق اسبوع و الوضع بالفيلا متوتر والكل اعصابهم تعبانة ولميس ماعم ترضى تطلع من غرفتها

كانت عم تتمشى مع طارق بالجنينة
يارا : قلبي عم يحترق على لميس حالتها صعبة شو بدي اعمل كرمالا
طارق : الله يكون معها الجو كلو متوتر بالبيت
يارا : عم فكر اخدها مشوار
طارق : اذا بترضى بتكوني عملتي زينة العقل
يارا : رح قول لتيم بركي منطلع لشي مكان كلنا منغير جو
انت بتعرف شي مكان بتحبو لميس
طارق : في نادي بولينج بتحب تروح عليه
يارا : اوك رايحة قول لتيم
طارق : ع فكرة تيم كان معلم باللعب وضربتو ماتخيب
يارا : ورح يرجع هيك ان شاء الله
صفنت شوي رجعت حكت
بدي اسألك على سيرة تيم انت بتعرف كيف عمل الحادث

طارق : بيوم كنت كتير تعبان متسمم وهوة كان رايح عالشركة
اجا شافني بهالحالة ماخلاني قوم وصلو قلي بروح لحالي شكلو السيارة كان فيها عطل بالفرام وصار يلي صار
يارا: انت من شو كنت متسمم
طارق : كنت واقف عالاشارة
اجا عند الشباك ولد عم يبيع شوكولا وماكان يرضى يبعد
عطيتو مصاري قام تشكرني وقلي تفضل هي قطعة شوكولا
فتحتا واكلتا ومابعرف شو صرلي بعدها
يارا صفنت شوي : اووووف معقول
طارق : شو المعقول
يارا : معقول يكون الحادث مفتعل
طارق : دخيلك لا تفوتينا بمتاهة المعقول تبعك وتسرحي كتير بافكارك
روحي شوفي لميس اذا بترضى تروح
يارا : يلا رايحة
دقت عليها الباب وفاتت
يارا : هاااي ياحبي
لميس : اهلين ليال
يارا : ايييييه شو هالبنت الله يعطيني مصاري ع اد مابتنامي قومي يلا التخت مل منك صرلو ساعة عم يترجاني كرمال تحلي عنو
لميس : ليال بشرفك تركيني
يارا : مالي تاركتك قومي بدي منك خدمة
لميس : اووووف شو بدك
يارا: بدي تعلميني البولينج حبابة سمعت انك شاطرة

لميس : شووو شو جابها عبالك هلا
يارا : يلااا بلييييز حبابة كرمالي قومي
معقول تخجليني ....يلااا امانة ماتدللي علي هلا
لميس : ليااال بشرفك مو رايقة
يارا: حبااابة الله يخليكي ...بهون عليكي زعلي ... اول مرة بشتهي اتعلم شي حبابة ماتخجليني
لميس : اووووف منك ليااال اووف
يارا : كرمالي بليز حبابة
لميس : طيب خلص خلص حاج تنقي متل ولاد صغار ...روحي جهزي حالك
يارا : ياسلاااااااام هييييي
وقفت عالتخت وصارت تنط ولميس عم تضحك عليها
لميس : مجنونة كسرتيلي التخت يلا روحي
يارا : اوك ماتتاخري رح خبر تيم لان بدو يروح معنا كمان
_____
فاتت لعند تيم عالغرفة عم تصفق وتغني
يارا : تيراااراااا تيرراااررااا لو تعرف شووو صااار
تيم : ههههههههه شو صار
يارا : لميس وافقت تطلع معنا تيررراررراا هههههههه
تيم : ههههه عممم تمزززحي لك شلون ..كيييييف؟؟؟؟
شو قلتيلا يامجنونة
يارا : مممممم مستخف بقدراتي تيم بيك
معك ليال للمهمات المستحيلة ههههههه
تيم : خطفتي قلبي وروحي وعقلي بدون ماشوفك ولسه عم تقليلي مستخف بقدراتي
يارا : خجلتني
يلا قوم جهز حالك رح اخترلك تياب على ذوقي اليوم
تيم : اووو كمان هاتي لشوف ختاري
يارا( فتحت خزانته وقلبت بين التياب ) : رح تلبس هي التيشيرت الازرق والبنطلون الابيض وبوط رياضة لان بدنا نروح نلعب تيراااررااا
تيم : لا مابحبن هالالوان
يارا : تيم بيك بدون اعتراض اليوم رح تلبس على ذوقي
تيم : حاضر ياستي
يارا : طيب رايحة جهز حالي ماتتاخر
___
بالصالة عم يلعبو بولينج
يارا : هييييي ضربتهم كلهم لللللااااا هههههههه
تيم : تسلملي الشطورة يلي تعلمت بسرعة
يارا : الفضل للانسة تبعي هية علمتني منيح
تيم تعال معي دورك
تيم : لا لا خلص انتي لعبي
يارا : لا وانت كمان يلا امشي معي
شوف انا رح وقفك بالمكان الصح وانت سدد سمعت انك معلم فيها
تيم : طيب ياستي بجرب
يارا : يلا وقف هون ...تمااام ...اوكي يلا وااااحد تنييين تلااااتة اييييي يلاااا
هيييييييي صبتهم كلهم برااااابببووووو
تيم : حاجتك بقا
يارا : والله جد صبتهم كلهم سآل لميس وطارق اذا مو مصدقني
طارق : له يامعلم مستخف بقدراتك
______
لعبو ومبسطو واعدو
طارق : لميس شوفي هدينك مو رفقاتك
لميس : مممم اي والله مانتبهتلن
يلا هلا بروح بسلم عليهم
تيم : اختي هلا بدك تعلقي معهم ساعة كالعادة وانا تأخرت عالدوا وشكلا الممرضة تبعي نسيتني
يارا : ييييييي اووووف حقك علي عنجد اسفة كان لازم جبلك الدوا معي
لميس : خلص اخي بلا ماسلم خلينا نمشي
تيم : طيب شوفي اذا حابة تبقي قاعدة معهم شوي خليكي معهم ونحنا منمشي وبس تخلصي بيجي طارق بجيبك
يارا : اي لميس خليكي مع رفقاتك غيري جو صرلك زمان ماشفتين
لميس : طيب اوك ....يلا امشو انتو وانا بروح لعندهم كرمال مايشوفوكم وتعلقو معي
طارق _ يارا _ تيم : يلا سلام
_____
((((( تسنيم : راااامااا شوفي هديك مو اختك يارا
راما : وينها
تسنيم : ليكا هديك البنت يلي ماشية مع الرجال الاعمى
راما : اي جد بتشبه اختي كتير ، بس اختي مسافرة مو هون ))))))

******
بالسيارة قاعدين
يارا : بتعرفو منيح بقيت لميس مع رفقاتا بتغير جو
تيم : اييييه الله يسامح يلي كان السبب
يارا : يساااامح تيم يعني انت هلا لو بيقلك سامحني بتسامحو
تيم : لك كلمة وطلعت ليال
شو بعد بقول الله ياخدو وادعي عليه متل النسوان
خلصنا سكرو الموضوع قبل ماينفتح خلونا رايقين
طارق : اي معلم معك حق
اي ست ليال طلعتي شطورة فورا تعلمتي تلعبي
يارا : اووووو لسه بدي ورجيك شطارتي بشغلة تانية بس انت بدك تعلمني هالمرة
تيم : احم احم شو بدو يعلمك ليال خانم
يارا : السواقة يا حياااتي
طارق : شووووو هلا انتي بدك تسوقي من كل عقلك
يارا : اي لكن من نصو .....بسوق ليش حتى ماسوق بتعلم
ولا حضرتك نزلت من بطن امك ونطيت فورا عالسيارة
تيم : هههههههه قصفتلك الجبهة ياطارق
طارق : بسيطة ...انا كرمال المعلم مارح رد
تيم : لا رد وشوف شو رح يصير
يارا: هههههههه نننا

رن موبايلها
يارا : هي لميس عم تتصل
يارا : الو اهلين لموسة
لميس : كيفك حبيبتي
يارا : منيحة حبيبتي
لميس: ليكي لا تخلي طارق يجي انا برجع مع رفقاتي
يارا : اوك حبيبتي
لميس: وين صرتو
يارا : بالطريق رايحين عاللبيت
لميس : اوك يلا سلام
يارا : سلام

يارا: قال ماترجع لعندها رفقاتا بجيبوها
طارق : اوك
*****
اعدة بغرفتها وعم تحكي اهلا على نفس الموعد يلي بتحاكيهم فيه كل يوم
يارا : ايه كيف قضيتو نهاركم اليوم
راما : اختي شفت وحدة كتير بتشبهك اليوم يعني لو مالك مسافرة كنت قلت انتي

يارا : ههههه عنجد وين شفتيا
راما : بصالة البولينج
يارا : كيف وين بانو مكان
راما : بال......
يارا : وانتي شو اخدك لهنيك حبيبتي
راما : رحت مع رفيقتي تسنيم واهلا
بس عنجد اختي بتشبهك بس كانت مع عمو اعمى وغريب مشان هيك قلتلا لتسنيم انو مو انتي وحدة بتشبهك وقلتلا انك مسافرة
يارا : اي برابو عليكي حبيبتي ديري بالك على حالك وتاني مرة ماتبعدي عن اهل رفيقتك انتي ورفيقتك بتضلو معهم
راما : ماشي اختي يلا انا رايحة اكتب وظايفي
يارا : ماشي حبيتي
_____
بعد كم ساعة رجعت عالفيلا وعلى وجها مرسوم علامات مختلفة
حزن ....انتقام...صدمة ..هية مو عارفة توصف حالتها
شافت تيم وليال اعدين بالصالة
ماسك ايد ليال وعم يعلمها تلمس الحروف وتقرأ
تيم : قولي هون شو مكتوب لشوف
ليال : باء حاء باء كاف بحبك
تيم : وانا بعشقك
ليال : ههههههه

تطلعت فيهم ونزلت دمعة من عينها مسحتها فورا قبل ماينتبهو عليها وبتسمت
لميس : اي شووو هاد يسعد هالمسا
يارا : اهلييين لميس طمنيني كيف كانت سهرتك
لميس : اوووووه تمام
تيم : مبسطتي اختي
لميس قربت لعندو وحضنتو : في بنت بالعالم بكون عنها هيك اخ ومابتكون مبسوطة
الله يخليلي ياك

(عطا الموبايل صوت مسج )
لميس : هه اجاكي مسج انسة ليال
تيم : ايوه مسج من مين حياتي
يارا : يعني من مين بدو يكون ليش انا ارقام مين عندي غيركن
يا شركة الاتصال هالكتني يوميا مسجات شايفين اديش انا زبون مهم عندن هههههههه
تيم : هههههه اي يسلملي المهم
لميس : بمناسبة الموبايل انتي شو مسميتينا عندك
يارا : شوبدي سميكن يعني بأسمائكم
لميس : ممممممم ولتيم شو مسميتيه
يارا : سر
لميس سحبت الموبايل من ايدا : هههههه رح شوف شو مسمية اخي ننننا
" وقامت صارت تركض ويارا تركض وراها "
يارا : لميييييس ستني تعي لهون اذا بتفتحي ياويا
لميس : ههههههاااااي نننا اذا كنتي ليال تعالي خدي
يارا : لك لمييييس خليني امسكك بس وبورجيكي

( صارو يركضو حوالين المسبح لحتى تفركشت لميس ووقعت بقلب المي هية والموبايل )

يارا : لميييييس صرلك شي
لميس : ليال انا ماصرلي شي بسس الموباااايل
يارا : اوووووووف منك يالميس
لميس : عنجد اسفة ليال بعتذر مابعرف كيف تفركشت
يارا : ولا يهمك فداكي تعي هاتي ايدك لطالعك
تيم : لك ويييينكننن وووييين رحتوووو يامجااانيين
يارا : ليكنننااا هون
تيم : شو صار معكم
لميس : وقععتت بالمسبح
تيم : ههههههه شلون وقعتي ... بتستاهلي
يارا : عجبك وقعت هية والموبايل كيف بدي صلحو هلا
لميس : انا اسفة اني قلك انو ماتحاولي ماعاد يتصلح قوليلو باي باي
يارا : انتي حسابك معي بعدين يادبة
تيم : اي خلصنااا هلا مسميتيلي هالكركوبة موبايل اي ستي حاملة احدث منو
يارا : نعم نعم نعم استاذ تيم مابسمحلك تحكي عن موبايلي هه
لميس : خلص الصبح بكون عندك احلى موبايل لا تزعلي
يلا انا طالعة بدل تيابي كلا مي صارت
_____
بعد اسبوع
تحت اشعة الشمس متسطحين عالعشب ومستمتعين بنسمات الهوا الخفيفة
تيم : ياسلااام شكلو الجو حلو اليوم
يارا : اي كتييير السمااا صااافية ولون العشب بجنن
( بتجي لميس لعندن )
لميس : صبااحووو ياحلوين
يارا : اهلين لميس شوو لوين الهمة على بكير شايفتك مجهزة حالك
لميس : اي طالعة انا ورفقاتي ع بيت الجبل نقضي شي يومين بما انو الجو حلو
تيم : اختي بعتي طارق يشيك عالبيت قبل ماتطلعو بركي ناقص شي
لميس : اي حبيبي بعتو وقلو كلو تمام
ليال كان بودي اخدك معي بس تيم بيك مابيقدر يعد بلاكي
يارا: لا حبيبتي روحي مبسطي انتي
انا و تيم عنا مشاريع كمان
لميس : ههههههه اوك يلا باي
يارا : حبيبي انا طالعة شوي ع غرفتي وراجعة
تيم :شو بدك تعملي خليكي اعدين
يارا : طالعة بدل تيابي بدي انزل نركب عالخيييل ههههه
تيم : طيب يلا

فاتت ع غرفتها ومسكت موبايلها اووووووف من هالورطة يلي وقعتي حالك فيها يا يارا وتصلت
يارا : الو كمال بيك
كمال : اهلين يارا كيفك
يارا : منيحة
كمال : قليلي شوفي
يارا : تصلت خبرك انو لميس طالعة مع رفقاتا ع بيت الجبل كم يوم
كمال : بيت الجبل وين هاد
يارا : مابعرف هيك قالت بس
كمال : طيب راحت
يارا : لا لسه هلا بدها تطلع لهيك دقيت خبرك
كمال : شطورة برابو عليكي بس حاولي تفهميني وين هاد البيت
يارا : كمال بيك بترجاك حاجة لهون عفيني من هالقصة انا اعصابي تلفت
وبصراحة انا كتير زعلانة على لميس
كمال : خبيلي مشاعرك الحنونة لبعدين
وتكرمي قربت مهمتك تنتهي
يلا سلام

سكرت الموبايل واعدت ع تختا
يارا : شو اصدو قربت تنتهي....معقول اترك تيم وهالمكان ....اوووف انا كتييير تعلقت فيهم كيف بدي ارجع لحياتي القديمة بعد كل هالتغييير
ياربي ساعدني

بدلت تيابا ونزلت لعند تيم
يارا : ايه انا جاهزة وانت جاهز تيم بيك
تيم : طبعااااا جاهز يلا تفضلي
يارا : رح اسبقق طارق علمني منيح تيرارااا
تيم : ههههههه هلا منشوف

((((( وكأنَّما السَّمَاءُ لفظتك من ثَغرِ غيمها ، ‏فأمطرك القدر صيِّباً نافِعاً لِقلبي 💛 ))))
***

# الجزء الثامن
ع طاولة العشا مجتمعة العيلة
عصام : والله والها وحشة لميس شتقتلا
قالت ايمتا راجعة
ام تيم : عالاغلب بكرا
يارا : اي والله ياعمو البيت بلاها مابيسوا
تيم : احم احم
يارا : لاتفهموني غلط انتو الاصل طبعا بس انو شتقتلا
عصام : ههههههه معك حق بنتي
تيم : معلش تركوها بركي بترجع لحياتا الطبيعية حاجتها قهر هالبنت

رن موبايلها ...فصلتو بسرعة ....رد رن مرة تانية....رجعت فصلت وطفتو
تيم : ليال ليش معم تردي
يارا : مافي شي مهم وحدة مخربطة قلتلا الرقم غلط شكلا مافهمت علي
تيم : اكيد ولا حدا عم يزعجك
يارا : لا ماتشغل بالك مافي شي مهم
يلا بالاذن دايمة سفرتكم
تيم : لوين رايحة
يارا : بدي روح ع غرفتي شوي

طلعت على غرفتا وفتحت موبايلها وتصلت
يارا : الوووو
مرام : يااارااا لييييش معم تردي
يارا : مرااام لك غبية انتي يا بنتي انا مافهمتك مابتتصلي فيني حتى انا اتصل
مرام : لك ياراا اختك اختك رااماا
يارا : شوفي مرام شبهاا راما.... لك احكييي... الووووو ..... مرااااام
يلعن هالحظ

تصلت لعند اهلا فورا
يارا : الووو امييي شبكن
ام زياد تبكي : يارا يابنتي اختك راما مامنعرف وينها
يارا : شلون يعني مابتعرفو وينها وين راحت البنت
ام زياد : الصبح راحت عالمدرسة ولهلا مارجعت رفقاتا شافو طلعت بسيارة قالتلن رايحة شوف يارا
يارا : شوووو لك وين بدا تشوفني
ام زياد : مااابعرف يابنتي قلبي رح يوقف عليها
يارا : طولي بالك امي انا رح شوف حدا يدور عليها

سكرت مع اهلا اعدت وحطت ايديهاا ع راسها ياااللله وووين راحت البنت وين بدا تشوفني ومين لعبان بعقلا
صفت شوي
كمال....معقول .....اذا هوة مااارح يسلم مني
مسكت موبايلها وتصلت
كمال : اهلين يارا
يارا : استاذ بدي شوفك ضروري
كمال : شو صاير
يارا : انا يلي بدي اعرف شو صااير لااازم شوفك
بعد ساعة عم استناك بنفس البيت
كمال : يارا عندي شغل بكرا بشوفك
يارا : الموضوع مابيتأجل يابيك لااازم.شوفك
كمال : اوك ناطرك

لبست تيابها ونزلت تركض
شافها طارق صار يناديلا وماترد ركبت تكسي ومشيت بسرعة

دقت الباب بقوة وبسرعة
كمال : شوووفي شوووفي شبك شو صاير
يارا : ويناااااا اختي
كمال : اختك !!! وانا شووو بعرفني
يارا: مبلااا بتعرف اختي مختفية وقالت انو رايحة تشووفني
ماحداااا بيعرف اني ماسافرت غير انا وانت
انت قلتلييي ماحدا رح يقرررب من اهلي مووو هيييك تفقنااا وييين اخدتو البنت
كمال : حاااج تعيييطييي عم قلللك ماابعرف شي عن الموضوع
يارا : لكن وييين البنت ويينها

رن تلفونها
كمال : ردي قبل ماتتهمينا
يارا: الو
مرام : يارا رجعت راما
يارا : شوووو وين كانت هاتيها بسرعة
راما : الو اختي
يارا : حبيبتي وين كنتي لوين رحتي
راما : وحدة رفيقتك اخدتني معها على اساس شوفك بس انتي ليش ما اجيتي
يارا : مين رفيقتي حبيبتي شو اسما حدا عملك شي
راما : لا اختي رفيقتك كتير حبابة شترتلي اكلات طيبة كتير وقالتلي بس تحاكيكي يارا قوليلها تسلم على ليال
يارا : ممممييين ليال
راما : مابعرف قال وحدة بنت انتي بتعرفيا
سكتت وصارو اديها يرجفو
كمال : شوو صار فهميني
يارا : ......
كمال : لك ياراا فهميني شوو صار
يارا : ماااا بعرررف. فييي حددا عمم يلعب معي
كمال : كيييف
يارا : راما اخدتها وحدة وقالتلا سلمي على يارا وقوليلا تسلم على ليال
كمال : شوووو...مين هي؟
يارا : مااااابععععررررف ماااابععععرررف شييي ولا بعرف شوو عم يصير
كمال مسكها من اديها بعصبية وكز ع سنانو : شوو عم يصيير...انا بقلك شوو عم يصير
يلي عم يصير انك نكشفتي يااااغبييية
يارا :شلووون ومييين لك انا هلا تركتن والوضع كلو طبيعي

حط ايديه على راسو وصار يصرخ يالللله..انا نبهتك.تحملي هلا نتيجة غباءك

قطع حكيهم رنة الجرص
يارا : مين بدو يكون عالباب
كمال : مابعرف بجوز حدا غلطان ماتطالعي صوت رح شوف مين

فتح الباب ونصدم
كمال : انتوووو!!!!

دفشتو وفاتت
كمال : وقفي عندك ماسمحتلك تدخلي
يارا وقفت وشهقت : لميييس
لميس : اي لميس ليال خانم ولا بتحبي ناديلك يارا
يارا دارت وجها شافت تيم واقف
يارا : تيم سمعني خليني اشرحلك
تيم : اووووعك تقربي مني اوووعك مااابدي اسمع شي منك
لميس : مافي داعي تشرحي شي كلشي صار واضح
كمال : يارا مادخلها هية كانت مجبورة بيلي عم تعملو
تيم : اننننتت خرااااس
يارا صارت تبكي قربت ع تيم ومسكت ايدو : تيم بترجاك سمعني انا كنت صادقة معك حبيتك بصدق بترجاك وحياة كلشي حلو عشناه سوا بس سمعني
تيم : حبيتيني لك انتي بتعرفي شو يعني الحب.. لك انتي قتلتيني ..دمرتيني.. جرحتيني جرح بحياتو مابطيب ولسه بتقوليلي سمعني قومي نقلعي من وشي

يارا : تيم بس
تيم : ليااااال نقلللعي منهوووون ماعاااد حاسن اسمع صوتك
كمال : لحظة انت بانو حق بتقلعها هية هلا ببيتي
يارا : تركو كمال بيك اصلا شو ماحكا معو حق انا بستاهل كلشي صار فيني
حتى انتو طلعتو كاشفيني وعم تلعبو معي
انا كنت متل الطابة بين فريقين كل واحد بيرميني بجهة
لميس : نحنا ماكنا كاشفينك
كمال : لكن كيف عرفتو انا متأكد انو يارا ماغلطت.. في شي صار.. متأكد القدر تدخل مو غلط منها
لميس : تماما متل ماقلت" القدر تدخل
الحقيقة بلشت توضح ادامي من اليوم يلي كنا فيه بصالة البولينج وبقيت انا كرمال اقعد مع رفقاتي
انتو وطالعين من الباب مرقو بنتين من جنبي وحدة عم تقول للتانية

#فلاااش بااك

((تسنيم : راااامااا شوفي هديك مو اختك يارا
راما : وينها
تسنيم : لك ليكا هديك البنت يلي ماشية مع الرجال الاعمى
راما : اي جد بتشبه اختي كتير ، بس اختي مسافرة مو هون))

وقت سمعت كلمة رجال اعمى شدني الفضول تطلعت عالباب كنتو انتو فعلا يلي طالعين
ناديت عالبنتين وسألتن
((لميس : انتو ياحلوين عن مين عم تحكو
تسنيم : عن هديك البنت خالتو يلي ماشية مع عمو الاعمى
لميس : انتي شو اسمك حبيبتي
تسنيم : انا تسنيم وهي رفيقتي راما
لميس : عاشت الاسامي ....حبيبتي هاد الشخص منقلو كفيف مو اعمى
بعدين شبها البنت يلي ماشية معو
تسنيم : صح حكيك خالتو ....هي البنت كتير بتشبه اختا لرفيقتي
تسنيم : اها طيب ليش ماناديتولا بركي هية
راما : لا خالتو اختي مسافرة
لميس "حكت بينها وبين حالها" ( معقول يكونو اهلا ل ليال لازم اتأكد اذا هنن وخبرن انو بنتن فقدت الذاكرة ) : طيب حبيبتي معك شي صورة لاختك
راما: .....
تسنيم فتحت التاب يلي بايدا: ستني لشوف يمكن عندي صور يوم عيد الميلاد
ها ليكا هي هية
لميس: ورجيني لشوف
تطلعت بالصورة وفتحت عيونها على وسعهم ( لك هي ليال فعلا ....معقول ؟؟؟)
لميس : شو قلتيلي اسما اختك
راما : يارا
لميس : طيب حبيبتي اختك لوين سافرت انتو بتعرفو وينها هلا
راما : اي خالتو بتحاكينا كل يوم
لميس : كيييييييف ....اصدي حبيبتي كيف بتحاكيكم
راما : كل يوم بالليل بتدقلنا وبتحاكينا مشان تطمن علينا واوقات منشوفها صوت وصورة
لميس ( مذهولة ): يعني بتعرفكم مانسيتكم
راما : لا خالة كيف بدا تنسانا
لميس : طيب حبيبتي انا رح احكيلك سر بس رح يضل بيناتنا بتوعديني
راما : اكيد خالة
لميس : هلا انا اذا تصلت بأختك انتي بتعرفي صوتا مزبوط
راما : اي طبعا بعرف صوتها منيح
لميس : طيب انا رح اتصل وانتي سمعي بس لا تحكي
راما : اوك

#باااك

لميس : وقتها دقيتلك كرمال قلك ماتبعتي طارق لعندي
اختك سمعت صوتك واكدتلي كتير انو انتي فعلا
بعدها تحايلت على اختك وطفلة صغيرة بعمرها مو صعب ينضحك عليها قلتلا انو انا رفيقتك وانو انتي رجعتي وحابة تعمليها مفاجأة لاهلك
طبعاوهية صدقت ونبهتا انو الموضوع يضل سر بينا وماتحكي لحدا
ضليت اعدة عم راقب اختك لحتى مشيو ووصلت عالبيت هون عرفت عنوان بيتك
ستفسرت بطريقتي عنك يلي عرفتو انك البنت الكبيرة لاهلك وانك كنتي تشتغلي بشركة كمال
هون وضحتلي شوية امور وصرت لازم اتاكد اكتر مين انتي وليش اجيتي لعنا
رحت جبت موبايل وعندي صديق خبير بالتكنولوجيا اخدتو لعندو وطلبت منو ينزلي عليه برنامج مراقبة ويوصلو على موبايلي
وكان باقيلي خطوة وحدة هية انو اتخلص من موبايلك
يارا : كرمال هيك زتيتيلي موبايلي بالمسبح
لميس : تماااماا
بعدها راقبت مكالماتك وبقيت اسبوع راقب تحركاتك وتحركات اهلك وقتها صارت الامور كلها واضحة ادامي
وماعاد اقدر خليكي تضحكي على اخي اكتر من هيك
لهيك من يومين خبرت تيم بكلشي
انا مارحت على بيت الجبل انا بقيت بالفيلا بس حكيت هيك ادامك حتى شتت انتباهكم انتي وكمال
وبالمناسبة اختك كانت معي اليوم
وهي هلا بالبيت
وهيك.بظن الامور كلا صارت واضحة النا كلنا
وهلا بتمنا ماعاد نشوف وشك ابدا
يارا وقفت ومسحت دموعها وحكت بصوت مخنووء :
يمكن ايا شي بدي قولو هلا مالو فائدة
كلشي لميس حكتو صح
بس الشي الوحيد يلي بدي ياكم تعرفو انو حبيتكم من قلبي وماكنت بتمنى ائذيكم لان حسيتكم فعلا اهلي

مشيت باتجاه تيم ومسكت ايدو :
خلي ببالك اني ولا مرة خدعتك بمشاعري.. كانت كلا صادقة اتجاهك وطالعة من قلبي
كل كلمة قلتلك ياها قلتا بصدق يمكن ماتصدقني بس انت اكتر شخص بالعالم حبيتك حبيت حنانك وطيبتك واسلوبك
تيم سحب ايدو وكز ع سنانو : وانا هلا اكتر شخص بالعالم بكرهك
بكره كل لحظة حبيتك فيها وكل يوم وكل ساعة قضيتهم معك
انا هلا تأكدت فعلا اني اعمى مو بس اعمى عيون واعمى قلب كمان
تأكدي منيح لو كنت بشوف كنت ماتعبت عيونو حتى بنظرة وحدة عليكي
ادعي لربك ماتطلعي بوشي بعد هلا لان لو صدفتك.حتى بالصدفة مارح يحصل خير
بس هلا انا عاطي وعد للميس اتركك تروحي
بتحملي حالك وبتنقلعي عالحارات الشعبية يلي اجيتي منها لان هنيك مستواكي

حطت ايدا ع تمها وصارت تبكي تبكي وحملت حالا وطلعت تركض
شافت طارق واقف جنب السيارة
ركض لعندها
طارق : ليااال شووو صار لك ليييش هيك عملتي ليش
يارا : ماعاد في داعي تقلي ليال ...انا اسمي يارا
بس بدي قلك شغلة وحدة
انا عنجد ماعندي اخ ووقت كنت ناديلك اخي لان فعلا حسيتك اخي وكنت كتير مبسوطة بهالشعور
نتبه ع حالك

صارت تركض بالطريق بين العالم والسيارات ماعم تشوف ادامها
***
كمال : انتو لييش هيك حكيتو مع البنت ليش جرحتوها هيك هي كانت مجبورة بكلشي عم تعملو بعدين البنت ما اذتكن
تيم : هية اكتر حدا بالعالم اذاني
لميس : سؤال ؟؟؟
انا يلي متأكدة منو انو يارا مابتعرف ايا شي عن امور الشغل يلي بدي اعرفه ميين عم يوصلك اخبار شغل بابا وشو عم يصير بالشركة
كمال : هاد الموضوع خاص فيني
لميس : بما انك بتعرف كل امور الشغل ليييييش لتبعت البنت لعنا لييييش شووو كان هدفك ليش اذيت اخي بسببي كنت متفق معها انو تخلي اخي يحبها صح
كمال : لميييس حاااج تعيطي انا اخوكي مالي شغل معو شغلي معك بعتتها كرمالك ....كرمال اعرف كل التفاصيل عنك وهية تغابت وعملت قصص حب وغرام ونبهتا وماردت.
لميس قربت لعند كماال وعيونها غرقانة بالدموع : شوووو لسه بدك مني شووووو
فهاااااام ماااالي علاقة بموت مرتك وابنك رووووح عند الدكتورة يلي كانت مرتك متابعة عندها سألها عن وضع مرتك خلال الحمل
الطفل كان مريض خلال فترة الحمل المفروض الدكتورة تنبهكم .....
دمرتني ودمرتلي حياتي ومستقبلي شووو لسسسه بدك لييييش لتدخل اهلي بانتقامك مني
عم تحارب ابي بالشغل
وهلا كسرت قلب اخي شووووو بدك فيهم

قاطعهم صوت طارق
طارق : مو بس قلبو وعيونو كمان
لميس : كيف!!!!
تيم : شو اصدك طارق
طارق : في سؤال للسيد.كمال وبتمنى يجاوبني بصراحة
كمال : خير كمان مين انت
طارق : حادث تيم بيك مو صدفة
كان فعل فاعل صح ؟؟؟
كمال واقف مصدوم:.....
تيم : كماااااال احكييييي انت كنت السبب بالحادث يلي عملتو
لميس ركضدت لعندو مسكتو من القميص وصارت تضرب ع صدرو : لك احكييييي قووووول ايا شي
انت السبب بحادث اخي لك.احكي
كمال حط اديه ع راسو : شو عرفك
طارق : شوو
كمال : كييييف عرفت انو الحادث ماكان صدفة
طارق : يارا مرة قالتلي قلبها حاسسها انو الحادث مفتعل
يعنيي شووووو كلامها صححح
كمال : هالغبية
لميس : لك شوووووو
كمال : ايييي صح كلامها صح
اخوكي نفد من الموت كان بدي ياكي تدوقي اديش صعب تفقدي شخص اغلى من روحك
كان بدي تعيشي يلي عشتو

لميس : حطت ايدها على وجها : لااا ياربي ماعم صدق مااااعم صدق لك انت بشر ولا حيوااان ...بشر ولا حيوااااان
" وقعت عالارض واغمي عليها "
ركض طارق لعندها حملها ونزلو

# الجزء التاسع

مرق شهر والكل تعبان ومكتئب
الجرح كبر...والقلوب عتمت
بس اوقات من وسط العتمة بيبصر النور
مجتمعة العيلة بتدخل لعندهم لميس وعلامات الفرح والسعادة واضحة على وجها
لميس : هااااتوو البشااارة
ام تيم : تكرمي بس فرحينا معك
لميس : الدكتور قال انو تيم صار جاهز للعملية ونسبة النجاح كبيرة

ركضو الكل على تيم
ام تيم : تؤبر قلبي يا ابني مو مصدقة هالخبر عندي بمال الدنيا
الست حياة : تعا لعندي ياروح التيتة انت واخيرا رح ترجع متل قبل واحسن
تيم : ....
ابو تيم : ايييه يا ابني البطل الشركة شتاقت للمساتك كتير
تيم ....شوفي بابا ليش معم تحكي شي !!؟؟؟
تيم : انا مارح اعمل العملية
الكل : شووووووو
تيم : لاااحداا يسألني شو السبب انا قررت وانتهى مابظي شوف حابب هيك وضعي
ام تيم : ليش هيك عم تعمل فيني يا امي ليش عم تحرقلي قلبي انا بدي ياك ترجع اقوى من الاول انت ابني الوحيد وسندي
تيم : امي بترجاكي ...بارجاكم كلكم تتركوني ....هي حياتي وانا حر فيها
وانا بطلت اعمل العملية
بالاذن منكم بدي روح ارتاح بغرفتي

ام تيم : ياللله هالولد بدو يجنني ليش هيك عم يعمل حالو ليش عم يعذبني
انا طالعة احكي معو
ابو تيم : لا تطلعي تركي مابتعرفي ابنك بس تضغطي عليه بعند بزيادة
خلص تركو كم يوم يراجع تفكيره
لميس : سمحلي بابا بس هالمرة تيم مو على كيفو بدو يعمل العملية
انا مارح اسمحلو يدمر حياتو بايدو
طالعة لعندو
*
اعد بغرفتو حاطط سماعات ومتسطح وفي دمعة على خدو

((((((( قلبك معي ماااا صدق...، والحلم انسرق...
شو ذنبي حبك إلي؟
شو ذنبي حبك إلي؟.....
يطلع حبر ع ورق )))))))))

فاتت لميس وشافتو بهالوضع
اعدت جنبو ....حس انو في حدا جنبو
مسكها من اديها وعرف انها لميس
تيم : اهلين اختي
لميس عم تبكي : اخي ليش انت كمان ضدي
مابكفيني كل الدنيا ضدي جاية انت تكملا علي
تيم : اختي شبك ليش هيك عم تحكي
بشو وقفت ضدك انا
لميس : انا الاحساس بالذنب مااعم يفارقني
كلشي صار معك بسببي .....
كانت الفرحة مو واسعتني لان صار في امل ترجع تشوف
حسيت انو ممكن اقدر عوضك عن يلي صار فيك
بتجي انت بكل سهولة بترجعني لعذاب الضمير من جديد
لييييش اخي ليييش هيك عم تعملو فيني ...والله انا تعبت تعبت كتير
وانا لحالي بدي ياك تكون معي سندي بدي تكون المصدر يلي باخد قوتي منه

قرب تيم منها وضمها
تيم : تعي لعندي ....حاج تبكي ...انتي مادخلك بشي لاتحملي حالك ذنب شي
لميس : معناها رح تعمل العملية كرمالي والا ماعاد تسمع صوتي
تيم : خلصتي جنان
لميس : مارح اخلص لاخد وعد منك
تيم : خلص كرمالك بس .....بس بشرط
لميس : شروط الشرط يلي بدك ياه
تيم : رح ترجعي لعيادتك ولشغلك ولمرضاكي
لميس : اخي بعدين منحكي بموضوع شغلي هلا المهم عمليتك
تيم : لا هلا ....منوعد بعض ....تفقنا
لميس ( ضمتو ) : تفقنا يا احلى واغلى شي بحياتي
______
بعد (6) شهور

ماشي بالشركة والكل عم يوقفلو ويسلم عليه لوصل لمكتبو
اعد ورا المكتب وبلش شغل
فاتت السكرتيرا لعندو
سلمى : استاذ تيم في بنت ناطرتك وحابة تشوفك
تيم : مين هية ؟؟؟
سلمى : ماقالتلي يابيك
تيم : دخليها لشوف
سلمى : حاضر
**
دقت الباب وفاتت
_ شووو ياااامعلللم صار بدنا واسطة لنشوفك
تيم : لييييللللى ...لك يامية اهلا وسهلا ....شتقتلك يابنت شو هالمفاجأة الحلوة
ليلى : وانا اشتقتلك اكتر بكتير
( ركضدت لعندو وضمتو )
ليلى : ماااعم صدق عيوني الدنيا مو وسعانتني انك رجعت تشوف
تيم ؛ دخيل قلبك
ليلى : انا هيك مابيمشي الحال معي بدنا نقعد قعدة راكزة في كتييير حكي بدنا نحكي لهيك بتخلص شغلك ومنتفق ع شي مكان نقعد فيهو
تيم : شغل شو يابنت ....عمرو الشغل هلا منطلع فورا ...انا ماصدقت وشفتك بعد كل هالمدة
ليلى : لا مابدي عطلك خلص بتخلص شغلك ومنقعد
تيم : اصلا ماعاد اعرف ركز بشغلي بعد ماشفتك ....يلا خلينا نمشي وبلغي كلشي اليوم
عازمك على فطور على كيفك
ليلى : ههههههه ياروحي ماشي

_____
ليلى : اييييييه والله وزمان مافطرنا سوا ياتيمو
تيم: اي انتي تقلانة علينا
ليلى : ههههههه الله يسامحك انت بتعرف الرواية كلها
بس وقت دريت انك عملت العملية ونجحت طار عقلي وماتحملت الا اجي وشوفك
تيم : دخيل قلبك
ليلى : احكيلي عنك ...اخبارك...مشاريعك....مافي شي هيك او هيك ....مافي شي يلوح بالافق ..بدي اعرف كلشي من وقت تركتك ...طبعاا الا اذا في شي خاص مابتحب تحكي
تيم : شو هالحكي ام اللول معقول خبي شي عنك ....انتي مابتعرفي غلاتك....انتي مو بس رفيقة الدراسة ...انتي اختي وغلاتك بغلاة لميس ولمى بس شو بدي احكيلك لاحكيلك صار كتير شغلات