عزمي: اي
محمد: بتجيب لبلسم ولستي عشى سمك مشوي
عزمي:اه يا كرشي
محمد:انا بس ارجع بحاسبك
عزمي:ليش ما طلبت مني
محمد:هي بدها مني انا حبيبها وجوزها
عزمي:ضريب اي
محمد:ههه مضغوط ولاه
عزمي:لا مو زيادة على كلا المسا بيفتح المطعم وهلا عنا اجتماع تحت التوتة
محمد:ياعمي والله بحسدكن ليك مو تشتري للولد شي رخيص اوعك ها هاد ع الغالي متربي
عزمي:هههه اي متوصي فيه مبارح جبتلو علبه عصير منتهية الصلاحية
محمد:انا بفرجيك جاييك
عزمي:هههه قول ما اعرفت اربيك
محمد:رايح اتغدا بدي اسمع من بلسم انو اتعشت سمك مشوي ليك لا تخبرها هلا خليها تنصدم هي بتحي الاكل كتير
عزمي:😂اي وكل الله
سكر معو وراح لعند فادي
فاظي:خلص ياعمي والله انا الي اهل ومراة بس مو متلك هيك
محمد:لك اتمرمرت بحياتي خليني اعيش يومين نظاف
بلشو بالاكل وعلى مناقرة ومزح
.......
المسا وقت شميت ريحة سمك مشوي ما سدءت كان عزمي جايب العشى اي لو طالبا من المارد ما بتكون عندي
عزمي:اتفضلي خيتو
يلسم:لك شو عرفك
عزمي:جوزك شاغلني وشاغل بالي
بلسم:خهههه يسلمو فوت
عزمي:الو الاجر جبت للعيلة كمان وعامر جاب لاهلو يلا اتعشو اسمنو سخن
بلسم:يخليلي اياك يارب
بقلبي: الله لا يحرمني منك حمودي لك مهتم فيني وهو بعيد عني
اتعشينا وستي دعتلو كتير لانو مدللني
بعد العشى اجو لعنا واتصل محمد وبلشو مناقرات ومزح وانا مابدي يضل بعيد بدي يرجعلي باقرب وقت
وقبل انام اتصل فيني اتصال خاص ورديت وانا مبسوطة
محمد:كيفها حبيبتي
بلسم:بنتك
محمد:لا حبيبتي الأساسية
بلسم:زعلانة منك
محمد:له ليش
بلسم:ليش معزب حالك
محمد:عزابك راحة انا مابقبل اخلي شي بنفسك
بلسم:بكرى في حفلة
محمد:لمين؟
بلسم:لاخوات امين رفيقك
محمد:ليش خطبو
بلسم:واية مو مبسوطة لانها على وش ولادة
محمد: تهز متل حنان ما شفتي كيف صبحت جايبة
بلسم: حمودي عيب عليك صرت اشك انك دكتور نسائية
محمد:ياريت😂
بلسم:بلا جد
محمد:شوفيها ورا مكتبي وكل شوي بفحص شي مريضة
بلسم:لا انت من المرة
محمد:لا تخافي بس فحص
بلسم:لا انت مو معقول
محمد:هههههه شايفيتني خبير بالنسوان
بلسم:اي لو مابعرفك بقول كنت تتسمع على حكي نسوان عمامي
محمد:ههه هي بالفطرة الشغلة عندي
بلسم:ياربي بدو يجنني
محمد:انعزمتو
بلسم: اي بس مستحيل اروح
محمد:الكل رايح
بلسم:اي اكيد
محمد:لكن بتروحي بتغيري جو وكمان ما بتضلي بالحارة لحالك بخاف عليكي
بلسم:بس رح يكون مليان شباب
محمد:مو معك امك وستي ومرت عمي انا مصرحلك تروحي
بلسم:والله مو مسدءة انت بطلت تغار
محمد:لا بغار عليكي بس بعرفك منيح.
بلسم:براحتك وما خبرتني ايمتى بدك ترجع
محمد:يعني ما تقولي الا شوي
بلسم:كانك حكيت انو مطولة
محمد:اي بس بتفرج
بلسم:وين انت
محمد:جاهز للنوم وعندي دوام من بكير
بلسم: وانا كمان نعسانة بس مشتاقة كمان
محمد:يلا هاتي بوسة ونامي
بلسم:هههه اي تكرم الف طلب متل هالطلب
............
بحفلة نضال وبلال كان صوت الاغاني من الساحة يصدح واية ببيت اهلها ونحن قبل المغرب جهزنا حالنا اخترت ل رسلان طقم جينز معو قميص ابيض وبوط ابيض وجهزت حالي واطلعنا تمشاية لبيت العرسان التقيت ب شيماء كانت على اخر طراز وبعد ما عتمت العين رحنا تمشاية للساحة الانارة زكرتني بحفلة عزمي وعامر وهنيك في حضور بس لسى مو كتير في ناس قعدت بحد شيماء وسيدرا والساحة مبينة علينا اجواء الفرح بتجنن بالتلة موال عتابا بيخص عيلة العرسان وبعدها بلشت الدبكة وما خطر على بالي الا محمد ياريتو بالتلة ويحضر هو بحب اجواء الفرح كتير
شيماء:مو تخافي بدهن يقوصو
بلسم:بينزعو هالحفل بالقواص
شيماء:من مبارح مجهزين كلشي
بلسم:بدي اسألك مو ناويين تجوزو ايوب
شيماء:امبلا بس ليعتمد على عروس
بلسم:يعني كلها عم تتجوز
شيماء:هههه انا بقول نهايتو ل سعدية
بلسم:كتير لابقين ل بعض.
اجى عزمي اخد مني الولد لينزلو للساحة وقلبي فرح وقت شفتو بس يكبر رح اعملو حفلة ماصارت بالتلة بعدها شفنا عم يستقبلو حدا وما كنت متوقعة مين المعزوم من برى الضيعة دفشتني سيدرا
سيدرا:لك بلسم هاد محمد
هلا ركزت منيح وزاد خجلي وقت شفتو عم يسلم على امين و يبوسو وكانو معو حدا بس انا بفرجيه ما خبرني بنوب انو جاي للتلة وبعدها اسمعت صوت التحية باسمو واستغربت اهلا وسهلا ب سيادة النقيب محمد
الأصيل
حطيت ايدي على خدودي حسيت حرارتهن فل
شيماء:ولي عليكي البطن التاني ورايحة فيها
بلسم:ما جربتني تنامي بعيد عن امين
شيماء:هههه ما بنام عندي وقالب حياتنا هو وهالمرزعة
بلسم: بس ما غبتي عنو شهور
شيماء: بتلاقي حجة ؟؟؟ ميتة عليه وليه
بلسم:ههههه اي والله شو عرفك
شيماء: الله يحميه وتضلو كل العمر مع بعض

انتبهت انو معو رسلان وداب قلبي من هالمنظر
سيدرا:شو وليه كنتي بتعرفي
بلسم:ولا ببالي اصلا من هيك سمحلي احضر
سيدرا:ولو ما احضرتي كنتي رح تعرفي انو موجود عم يرحبو فيه
وماما انتبهت ودغري طلت عليي لهيك فرطت من الضحك عليها كأنو من حصتي لحالي رجعلي الولد عزمي وشفتهن بالدبكة امين وعامر ومحمد وعزمي صف واحد وقلبي عم يضحك من فرحتو لوجود حبيبي قريب مني
وبعد ما شفتو انسحب من الدبكة بعتلو
بلسم:منور الحفل
محمد:ليش وين انا
بلسم:بسيطة فيك تاني مرة بتخبرني
محمد:ربع ساعة مروحين
بلسم:وانا
محمد:عندي دوام
بلسم:لاااا
محمد:يا جدبة لعندك مروح مو للدوام
بلسم:بس مو مجهزة حالي
محمد:ههههه
سكر يمكن انشغل مع حدا
وبعد نص ساعة صفط السيارة قريب مننا ورحت لعندو وبطريقنا للبيت
بلسم: مارح تنال شي بس لانك أجيت فجأة
محمد:ههه ايه منشوف مين المسيطر
بلسم:حارتنا فاضية
محمد:وهو المطلوب
انزلنا سوى ورسلان معي واول ما فتنا للبيت غمرني انا ورسلان سوى
بلسم:اشتقتلك والله مو مسدءة انك بيناتنا.
محمد:ومعي إجازة شهرين
من الفرح غمرتو بكل قوتي
بلسم:بتمزح
محمد:لا بحكي جد يعني رح نشبع من بعض مع انو ما بينشبع منك
كاني بحلم عشيت رسلان وهو فات يتحمم
بلسم: شفت ابوك شو بحب المفاجآت....دخيلو شبيه ابوه.....لك بدك تطلع متلو هيك شخصية وتفرض حضورك على الكل ويكون الك قيمتك بين الناس
وقت اجى كان مبين عليي اني مبسوطة قعد بجنبي وقربني منو
محمد:بيطول بالسهرة
بلسم:ههههه لا بس يمكن لانك هون ماينام
محمد:نام حبيبي مو فاضينلك
بلسم:لك ليش ما كملت الحفلة
محمد:مابعرف الشوق
بلسم:وغلبني😂
محمد:عم تاخدي مصطلحاتي
بلسم:دخيلو المتنمر😂
محمد:لك احكيلي مبسوطة
بلسم:انوووو مبسوطة لك محمد انت مترفع
محمد:يطعمك الحج حبيبتي
بلسم: عنجد انت نقيب
محمد:لكن انحرمت منك شهور هيك
بلسم:يا عمري مع انو ما بحب شغلك بس منها للاعلى
محمد:شو بدك اترأس شي فرع
بلسم:لا يااا بخاف عليك
محمد:خلص لكن كيف اعرفتي اني بالحفلة
بلسم:شفت تجمع وسيدرا خبرتني انك اجيت
محمد:حتى عامر وعزمي انصدمو
بلسم: بدي اسميك ابو المفاجآت
محمد:نيمي رسلان لا يطول ها
بلسم:حاضر
.......
طلع لبرى اخد الشنتة من السيارة ورجع للغرفة ومو مسدء ايمتى تصير بحضنو وصوت الاغاني بالتلة لسى عم تصدح بس هو ما هامو الا رجعتو لعند بلسم ناسي اهلو وكانو بلسم أهلو وكل ناسو وبعد ما نام رسلان قعدت بجنبو ومن صوت لرصاص خافت
محمد:شبكي ليش خفتي
بلسم:حتى رسلان بينقز من الصوت
محمد:اي قويلي قلبك بدي اعلمك عليها
بلسم:يييي بموت والله
محمد:بنت الاغا لازم تقوص بقلب قوي شبكي
بلسم:حبيبي عندك انت علم اخواتك
محمد:بس بيلبقلك الك اكتر
بلسم:....
كان الصوت عم يتجدد وهي من كل عقلها عم تنقز
بعدها غمرها وراحو لعالم تاني😂 متل الي ماكتبتلكن عنو
والإجازة كانت من احلى ايام حياتهن 💕
.................
بعد مرور عدة سنوات
بالمكتب وبعد ما استلم منصب رائد فات ايوب وضربلو تحية
ايوب: احترامي سيدي
محمد:وصل
ايوب:بغرفة التحقيق
محمد:...
وقف بهيبتو وكلو وقار كان لابس قميص ابيض ولابس حزام المسدس وطلع من مكتبو ونزل ل غرفة التحقيق كان مهران مكلبش ومذلول
وقت شاف اخوه نزل راسو
محمد:طولت عليك
مهران:شو تهتمي
محمد:اغتيال الرائد عبد القادر
مهران:اخي
محمد:شيل صلة القرابة انا هون محقق وانت متهم وياريت لا تخلط الامور بدك تعترف
مهران:...
محمد:بس تعترف رح يتخفف الحكم
مهران:مين اعترف عليي
محمد:من وقت كنت عنصر كنت بعرف مين ورا الاغتيال وبعدها فاروق بيك طلب مني افتح تحقيق بخصوص اغتيالو
مهران: طالعني من هالورطة يا اصيل
محمد:انت خليت فيها اصيل عصابتك مهران لازم تتفكك
مهران: الي بدك اياه ووعد لاهتم بشغلي وبس
محمد:شغل مين انت مالك شغل غير التشبيح
مهران:بترجاك يا اصيل
محمد:...
كان عم ياخد نفس وبنفس الوقت مو مطاوعو قلبو باخوه بس هو غلطان
بقلبو:لو كنت مكاني ....اخ بس انت ذليتني بدون ما اكون متهم
مهران: ازا مو مشاني مشان ابني ومرتي
محمد:بدك تتعاقب والقانون ياخد مجراه
مهران:مين بيعمل بأخوه هيك
محمد:ليك هلا رح ينكتب المحضر انا اليوم دمي اتحرك بس مو كرمالك كرمال ابنك وبس رح تنسجن هالكم شهر لتتربى
مهران:...
محمد:....
طلع لمكتبو وجابو مهران بدون كلبشات كان عم بنكتب المحضر واتحول للمحكمة
كانت نفسيتو تعبانة على اخوه
بقلبو:وقت رجعوني للمدينة مافكرت استلم قضيتك انت بس لازم تتعاقب مهران والحق لا يعلى عليه
تاني يوم عملية اغتيال بالتلة وهي مو اول عملية بتصير لشخصية معروفة بالامن واجى الامر يستلم محمد التحقيق بالقضية
بعدها اتشكل رتل عسكري بقيادة محمد وبطريقو للتلة وكل انواع الشوق عم تلوح بعقلو وقلبو

.............
كنت معصبة لدرجة الافندي من مبارح مسكر موبايلو رسلان عم يتمشكل برى مع اولاد الحارة وعشق عم تبكي وانا مو ملحقة
بلسم: يا ستي انتبهي ل عشق رايحة اشوف مين ضارب هالمشكلجي
اللبست على راسي واطلعت بسرعة كان معو عصاية وحجر وبنص لسان عم بهدد ابن جيرانة
بلسم:لك رسلان شو عم تعمل
رسلان:هو بدا
بلسم:شو القصة
الولد:خالة اجى ابنك ومعو طين ورماهن علينا
بلسم:لك انت ما بدك تبطل المشاكل
وقفتو كانت بتدل على الزعرنة
رسلان: بكرى منتواجه
بلشت اولول عليه وشحطو شحط لجوى
رسلان:انتي صفيتي مع الغريب ضدي
بلسم: اي لانك طالع لابوك داير تتمشكل فوت لقلك ع الحمام بسرعة غسل
طبعا ستي ضحكتها شبر
بلسم: بلاقيكي مفرفحة على شوفة ابن ابن ابنك
ستي:زكرني بابوه دخيل عينو
بلسم:ايوا هاد الي كان ناقصني
كنت عم اطبخ مقلوبة رحت لشوفها
واتزكر فعايل رسلان وبعدين خطرلي ابوه ل رسلان وقلبي مليان عليهن اطلعت لشوف مين بدو يجيبلي اغراض من الدكانة ندهتلو للولد
بلسم: تعال بدي اياك
اجى كان مبين عليه مؤدب مومتل ابني قليل ترباية
الولد:اي خالة
بلسم: بدي تجيبلي كم غرض من الدكانة
الولد:حاضر خالة
أرجعت استسمحت منو ما طول رجعلي دغري
الولد:الله يستر
بلسم:خير شوفي
الولد: شفت رتل عسكري فايت للتلة شكلو مشان الي صار مبارح
بلسم:الله يفرحها يارب
اخدت منو الاغراض وفتت اكمل الطبخة ورحت لاخبر ستي.
بلسم:في رتل غسكري بالتلة
ستي:وين الجديد متعودين
رسلان: ليش بابا ما بيحكي معنا
بلسم:لتتربى بيحكي
رسلام:انا بدي اروح اللعب عند ملك بنت عمي عامر
بلسم:لا ضب حالك مافي روحة بعدين رح تشل بيتهن اية شكت منك وبتضرب البنت
رسلام:بستها والله
بلسم:هههه بدو يفضحنا بكرة بيقولو طالع لابوه
رسلان:اشتريلي دفتر وقلم
بلسم:خلص بكرى بس لا تصرعني
كنت مشغولة بالطبخ وقت اندق الباب ومتاكدة ملك جاية تلعب وعبالها تنضرب فتحت وعيني على عتبة الباب وانصدمت ورفعت عيوني لاشوف محمد وقلبي بلش يعزف كل النغمات
كتمت ضحكتي لاني مصدومة
محمد:معصبة
بلسم:انت هون
محمد: بمهمة بس قلبي ما طاوعني افوت التلة بلا ما اشوفك
فات ودغري غمرتو
بلسم:يا الله شو عامل فيني
محمد:وين لولاد
اجى رسلان ركض حضن ابوه وهو راح سلم على ستي وحمل عشق وباسها وعضها من غيرتو
بلسم:لك بالغصب لحتى سكتت
محمد:هههه شو هالروايح اه
بلسم: مقلوبة ومعزوم انت
محمد:خلص مستحيل ارفض عزيمتك بس هلا ما معي وقت
الحقتو لاشوف السيارة ناطريتو ومعو كم عنصر رجع ودعني ب غمزة وراح قعدت مصدومة ومسدءة ومو مسدءة
ستي:شبكي حبيبتي
بلسم:ما فكرتو جاي مع الرتل
ستي:الله يحميه بتعرفي كل كم يوم بتيجي وحدة بدها محمد يتواسط لابنها ويفوت للفرع
بلسم:دخيلك على هالشغلة
ستي:لشو الحكي والله بفتخر فيه ما اتوقعتو يوصل لهون
بلسم: امبلا وبالدليل ماضيه متل عمايل ابنو هلأ
ستي:دخيلو هو وولادو
كملت الطبخة وناطرة الافندي يرجع وقت اسمعت صوت السيارة فتحت الشباك شفتو كيف صرف العناصر واجى وقلبي عم ينبض بفرح اتغدينا سوى وبعدها فتنا للغرفة كان مبين انو مهموم وهلكان
بلسم:سلامتك حبيبي
محمد:الله يسلمك
بلسم:بدك ترجع اليوم
محمد:اي خلصنا كشف المغرب راجع
بلسم:الله يكون معك شبك حبيبي
محمد:هالبال مو فاضي بنوب
بلسم:اشكيلي حبيبي
محمد:مو اليوم يوم تاني
بلسم:طيب رح اجهز الشاي
محمد:....
اشربنا الشاي برى والتمو كلهن علينا مزح وضحك تحت التوتة والمغرب حتى بدون ما يتصل بحدا اجو عناصرو واخر شي غمر رسلان وباس عشق وودعنا وطلع معهن بس ما كنت مطمنة عليه بس مسايرة الوضع وشغلو كمان....
..............
بعد انتظار حبلت سيدرا وكان الخبر شبه قنبلة فرح لكل العيلة ومتل ما نحن متعودين نجتمع ونسهر ومحمد كل شهرين عم يرجع اسبوعين وهيك خلص هاد نموذج حياتنا الأجواء ربيعية وطالعين سيران على التلة مو بس عيلتنا وامين وشيماء كونهن مقربين مننا كتير
كنت عم اتأمل الكل بدون استثناء الكل متغير مزح وضحك متل ايام زمان وسيدرا متحسنة كتير على الحبل كانت ما تقبل تقرب صوب اولادي هلا عم تبوس عشق وفرحانة كتير فيها بعد الغدا تركنا لولاد عن امي ورحت مع محمد لانو اشرلي نتمشى على التلة وماسكين ايدين بعض كنا عم نتأمل جمال التلة
محمد:في احلى منها
بلسم:اكيد مافي
محمد: يمكن الصلة بيني حبي الها هو حبي الك
بلسم:بتعرف انا كنت بدي احكيلك انت احلى من كلشي في بالتلة
محمد:اصارحك
بلسم:ياريت
محمد:وقفتي معك هون وماسك ايدك هيك وولادي منك كان بالنسبة الي حلم
بلسم:وانا ما فكرت احبك كل هالحب انت مابقى زرت بيت اهلك
محمد:مطرح ما برتاح بروح
بلسم:ومكان شغلك بترتاح
محمد: أنا بدي اخبرك
بلسم:اي خبرني

محمد:قدمت استقالتي
حسيت بفرحة كبيرة
محمد:بس لا تفكري انو رح اكون بأمان اكتر
العقود الي وقعها مهران خلصت وهو بعد ما انسجن عم يشتغل بالعقارات وفاروق بيك اتفهم سبب استقالتي
بلسم:كيف يعني بخطر
محمد:مع انو ما اذيت حدا بس في كتير بيحقدو بدون مبرر
بلسم:المهم تضل جنبي
محمد: خلص مابقى في فراق
بلسم:وشو رح تشتغل
محمد:رح استلم الارض بزرع وبحصد وبهتم بالزيتون
بلسم: اي احسن من شغلك بكتير
محمد:بتقبليني فلاح
بلسم:شو ما كنت المهم انك محمد الأصيل وابن العم
محمد:شو رايك بلمتنا
بلسم:مافي احلى منها محمد شو رأيك نحدد النسل
محمد:ههه بدك تضحكي عليي
بلسم:اولادنا صغار ونحن صغار
محمد:بس هلا فرصتك لتحبلي وتجيبي توأم
بلسم:انت بتحكي جد
محمد:اي بلسم الي ما حققتو بحياتي بدو اشوفو بولادي
بلسم:وشو هو
محمد:الود والمحبة انتي قلبك طيب وعسل وانا اتعدلت وبدي اشوف اولادي ايد وحدة وبحبو بعض وبكرى بس نكبر رح يجو يزورونا ويحكولك يا تيتة بلسم احكيلنا قصة حياتك مع جدي
بلسم: يا الله رح يجي هاليوم
محمد:ورح يكونو اولادنا مع ا

- النص المستخرج من الصورة: 📝
١:٠٤ ص
اسا
25 B
محمد ورح يكونو اولادنا مع اولاد عزمي وعامر رفقات ورح
ننسى كل الي المر الي مر
بلسم طيب موافقة بس بدها استراحة
محمد اسمنو ستي. ساكنة معنا بتريحك شوي وبتهتم معك
بلسم اي والله اصلا لولاها ما بعرف اعمل شغلة بالبيت صحيح
الله ما طعمني بيت احمی حناین بس سرقت منهن اغلى ابن
محمد هههه هي دعاوي ستي ادعي الله يخليها
بلسم ويحميلي اياك وتضل سندي وعزوتي واتباهى فيك
خبرت حدا بخصوص الاستقالة
محمد انتي وبس وما يهمني اي حدا تاني لانو وقت اغيب ما
بغيب عنهن وبتفكري بتروحي من بالي ما بحب اظلمك ابدا
بلسم معك حق الايام بتروح من عمرنا نحن
اجی رسلان وعلى طول حامل عصاية للقتال
بلسم شرف ابنك المشكلجي
محمد انا علمتك تمسك عصاي
رسلان لكن شو
محمد لك سايرني انا علمتك
رسلان: لا بابا
محمد شايفة الولد ازعر من حالو ما علمتو
بلسم اي صحيح وبالعلامة حكيتلو اول ما تصير بالتاسع رح
اسلمك سلاح
محمد صار رسلان
رسلان: اي بابا بدي مثل سلاحك
محمد كفووو
فتحت عيوني بصدمة
محمد منمزح يا روحي هلا طمني بستها ل ملك
رسلان: هي مو رضيانة
بلسم : لك يا عيب عم تعلم الولد
محمد اي بابا بوسها بكرى بتكبر وبتصير تتحسر
بلسم اي بيجي مين يبوس بنتك

- النص المستخرج من الصورة: 📝
١:٠٤ ص
رسلان: بعضو
اسا
B
بلسم ياحبيبي لاااا انت نسخة طبق الاصل عنو
محمد اي بابا والي بترف عينو على امك واختك شو بتعملو
رسلام: بحط العصاية بعينو
غرق بضحكتو اما شو ترباية ما بعدها
محمد زلمة كفو
راح يلعب مع ملك كنت مبسوطة لزعرنتو وحركاتو
محمد شايفة ما احلاه
بلسم بيجنن دخیل قلبو
محمد وانا
بلسم وانت كمان هيك حققت مرادك
محمد الحمد الله اعطاني اكثر ما بستاهل
بلسم يعني مابقى اتوجعت
محمد :لا الحمد الله والتزمت كمان
بلسم يعني اليوم كل الاخبار بتجنن
محمد ومن بعد اليوم ولا يمكن نتفرق عن بعض
بلسم يا احلى اصيل بدينتي
محمد:يا بلسم لكل جروحي انتي
على صوت عزمي وعامر مستقتلين مو عاجبهن وقفتنا سوى
بس راح ليشوف شو بدهن وكالعادة مزح ومجاكرة وعيوني
ما فارقتو ابدا
صحيح الصبر مر بس نتيجتو حلوة رح تكون
محمد أتفرغ للشغل بالأرض واتحول ل فلاح
ليصير بجنب عيلتو كل الوقت عايشين بجو ضيعة حنونة
وناسها الطيبين
الود بيدوم والشر بينقطع
السند والعزوة الحقيقية بتولدهن الايام وابدا ما دخلها صلة
الدم
المعاملة الطيبة فيها تحول الكره للمحبة
المعاملة السيئة بتولد كره لو بعد محبة سنين

- النص المستخرج من الصورة: 📝
ااا
B
السند والعزوة الحقيقية بتولدهن الايام وابدا ما دخلها صلة
الدم
المعاملة الطيبة فيها تحول الكره للمحبة
المعاملة السيئة بتولد كره لو بعد محبة سنين
الانتقام الوحيد الي بتستحقوام مهران وجود محمد بصفتو
واحد من عيلة المرأة الي بتكرهها
سلام كملت دراسة ولساتها عايشة بندم
وحنان کشفت جوزها بس سكتت وما استرجت تعترض
مهران استقل ومابقى بمنصب رئيس عصابة وصار همو رضا
نيفين ويشوف ابنو متعلم ودارس
وابو مهران عايش على ذكريات الماضي
ابو عامر وابو عزمي ضيوف بيحلو على التلة وبيسافرو
عيلة ابو عزمي وابو عامر ضمو محمد لعيلتهن
وبلشت هالعيلة تكبر يوم عن يوم مو بس بالعدد وبالمحبة
کمان
كانو عم يعيشو فصول السنة وبكل فصل الو جو ورونق خاص
الشتا للسهرات والربيع للرحلات والصيف للمة تحت شجرة
التوت
والخريف للتمشاية
بقلم الكاتبة : #مايا_الحجازي
تمت بعون الله
خالص المحبة والشكر لكل حدا دعمني لو بكلمة
وشكرا على صبركن وتحملكن كل فترة الكتابة
يمكن تكون القصة الاخيرة ونهاية مسيرتي الكتابية ويمكن
تكون بداية المشوار فني جديد
دمتم سالمین

بداية القصة 🤍🌸
@Stories_3

رأيكن بالقصة🧚‍♀👇
@Stories_3_bot
لاتنسو التفاعل 🔥❤️‍🔥
@Stories_3

#رعب
أنا دكتورة وبشتغل بمستشفى الأمراض العقلية من تلت سنين
عطول بيمرق ع راسي ناس غريبين، ممكن أحاول أتقرب منه بعضهن وأفهم مشاكلهن
ومنهم ممكن أتجاهلن بسبب خوفي
بس بسنة 2009 بيجي عالمشفى مريض عمرو بالعشرينات شعرو فيه خصل بيضا وعيونو وساع وسود طويل وأسمر، مافيني أنكر إنو حبيت شكلو
يمكن كان هاد سبب من الأسباب يلي خلاني جرب حكيه كمان شكلو أبداً ما بيوحي إنو عندو مشاكل عقلية أو نفسية حتّى
إضافة ل إنو اليوم يلي فات فيه عالمشفى
كان يوم غريب كتير، كانت الطاقة بالمشفى غريبة، وكل ما قرب من غرفتو حس بشي يبعدني أكتر.
قررت فوت لعندو عالغرفة كان حوار بسيط بينّا ما حسيت من خلالو إنو هو حدا مختل ع غير كل المرضى هنيك ، كنت فعلياً خاف منهم ل حكيهم والتفاصيل الصغيرة والمخيفة يلي بيحكوها ومن أول حديث ، بس كان غير تماماً
كل يوم صارت علاقتي فيه تزيد ويحكيلي كلشي زاعجو، ليوم حكى إنو يلي البنت يلي بحبها
أبوها رفض يزوجو ياها، بس هو أخدها غصب عن الكل، وبدون علم حدا.
حكى كمان إنها ما بتتحرك من محلها بس بتضل مبتسمة ، وإنو هو خايف عليها بغيابو لأن هو كان يطبخ أما هي ماكانت تتحرك أبدا ولا تحكي.
سألتو مرضانة يعني؟
حكالي أي أي وغير السيرة فوراً
بعد فترة من حديثي اليومي معو،
استغربت من شغلات تصير معي لما شوفو
كنت لما أرجع عالبيت لاقي رسائل من حسابات وهمية وكلها تهد//يد/ات مابعرف ليش بس مفادها إنو لازم ضل بهالمشفى
وكمان كنت لاقي بشنتايتي ورق مكتوب عليها طلا//سم وشغلات مو مفهومة بلون أحمر واستنتجت بعدين إنو د//م
لمرة كنا أنا وياه قاعدين وبيسألني إذا تصالحت مع أمي أو لسا متخا..نقين
انصدمت ولما شاف ملامحي تغيرت حكالي إنو باين عليّ مزعوجة وتحذر وطلع معو صح
بعد فترة مرقت صرت حس إنو الشخص طبيعي وأنا الي بحكي معو4 شهور ما شفت عليه أي تصرف بدل إنو مريض قررت إعملو فحوصات من جديد
بعد الفحوصات يلي عملتلو ياها تبيّن إنو هو أبداً مش مريض ومتّزن تماماً، طلبت من الإدارة تعيد النظر بموضوعو وإنو يعطوه فرصة ويفحصوه.
بعد ما تم فحصو تبيّن إنو المريض معافى ومافيه أي شي وتحسّن كتير عن وقت دخل عالمشفى
قررت أنا خبرو بهالشّي
ولمّا رحت وحاكيتو
حكالي : لازم تروحي معي وتشوفي رَنا حبيبتي
وأنا بما إنو كانت علاقتي فيه منيحة ومن حكيو حبيت مرتو كتير، قررت وافق ورحت معو.
لما طلع قرار إنو هو صار فيه يطلع
خبرني إذا بدي روح ورحت معو
الطريق كان صحراوي وغريب كتير فاضي مافيه لا شجر ولابيوت
ضل يمشي لوصلنا لبيت مهجور بوابو مكسرة والشبابيك كمان ، حتى قفلو مخلوع الباب بيفتح دغري مابدو مفتاح وحوالي البيت في وراق ...

#رعب
P2
حوالي البيت في وراق مشقشقة وورق شجر مع إنو مافي شجر أبداً
حسيت بنوع من الخوف بس ما اهتميت، فتت معو عالبيت كانت مرتو قاعدة عالكنباية متل ما حكى
ومبتسمة ابتسامة بتخوف كتير
عم تتفرج عالتلفزيون ع محطة ولا بعمري شفتا وعم يحكو حكي مو مفهوم ومانو بأي لغة وهي عم تتفاعل وتضحك، فتنا وما رحبت فينا ولا حكت أي حرف، سلّمت أنا
مع إنو كان الخو.ف مالي قلبي بعد يلي شفتو عالحيطان من د//م وخرابيش مش مفهومة وعالأرص قزاز مك.سور يلي دعس عليه الشب يلي كان معي وما اتضرر أبداً، لوقت قررت رنا تحكي وقالتلي نور قومي أنت وياه عملو شي نشربو، رحت أنا والمريض يلي كان معي خلينا نسميه عامر
رحنا انا وعامر وفتنا عالمطبخ، ونحنا هنيك بيجي هوا قوي كتير وبيطبق الباب ومابقا بيفتح، قلي بدو فتح من برا أو مفتاح ورنا مافيها تمشي
هون أنا خفت كتير والمشكلة الشباك ماكان بينطلع منو صغير وعالي كتير
قلي بكرا الصبح بتجي لعند رنا رفيقتا عطول وهي معها مفتاح يعني مضطرين ننام هون، هي بتفتحلنا بكرا بتعطيها رنا المفتاح تبع المطبخ
ثنيت رجليّ وحطيت راسي عليهن وعم حاول أنام ليمضى وقت
ماعم أقدر نام حاولت غمض عيوني واتأمل يلي صار وفكر بحل
وإذ ما بلاقيه إلّا طلع من الباب وهو مسكر
ماكان إلو حاجة إنو يفتحو أصلاً
صرخت أنا لما شفت هالمنظر ، قلّي بما إنك شفتي لازم تعرفي الحقيقة.
أنا القر/ين تبعك، ق/ت/لت شب واتجسدت بجسمو لكون جنبك
ورنا كمان كانت جزء من خطتي لقرّب منك ووقعك بحبّي
أنا بعرف إنت شو بتحبي وشو الشب يلي بيعجبك
لهيك كنت الحدا المثالي بنظرك
أنا هلق مابدي شي
أنا هلق بدي ياكِ أنتِ
بدي أنتِ
صر.خت وبعدتو عني وركضت لحاول وصّل عالباب وأطلع
كل ما وصل عالباب الباب يبعد عني وكأنّي عم أركد بمحلي
الهوا بالبيت صار قوي كتير والورق يلي كان بالأرض صار يطير، كل هاد صار لأن عامر عصّب وحمي د/مّو
تذكرت إنو كان في بجيبتي شي بيجر//ح هو كان تعليقة مفتاح
حاولت إجر/حو بإيدو عند الوريد بس كل ما حاول إجر/حو عروقو تأفرع دغري وما يتضرر أبداً
حكالي: رح خليكِ تحاولي براحتك
مارح تقتنعي إنك مو قادرة تضر.يني لتشوفي بعينك
أنا صرت أصر.خ وأ.بكي واسألو هلق بدي روح لعند أهلي وبعدا أنا إلك بس اتركني اتركني
طلع صوت قوي كتير وما توقعت إنو هو سبب هالصوت
-صرلي شهور بحاول أتقرب منك
أنا تعبت لوصلت لهون
مارح تروحي !مارح تروحي
كررها كتير وبعد ما كررها بتجي رنا وبتقول
إذا بدك فينا نعمل...
وبتسكت، حكالها لأ، لسا بكير.
قررت سايرو وفكر بطريقة أطلع فيها من هالمحل
حكالي إنو اليوم لازم فوت نام وبكرا في شي مهم لازم يصير وضل هو ورنا يحضرولو
حاولت إسمع من غرفتي كم كلمة ويلي فهمتو إنو إذا بدي عيش معهن لازم يخليني إحكي طلا..سم تفوتني للعالم يلي هنن فيه وفهمت من حكيو إنو هو حدا كبير بهداك العالم
صفنت وصرت أتذكر مناماتي وكلشي كان يصير
كنت كتير أحلم شغلات بتخو.ف
وفيق بليل ع أصوات أو حس حدا جنبي
بس ما كنت إهتم
كلشي كنت إنسبو للمشفى يلي بشتغل فيه وكنت قول إنو أكيد ع كترة التجارب يلي بتمرق على راسي رح هلوس ومن كتر التعب
تذكرت كتير مواقف صارت معي وإنو أصحى ع صوت منبه مش معيرتو ولاقي حواليّ شي مو طبيعي
تذكرت إنو أكتر من مرة حكتلي رفيقتي غرفتك فيها شي بغبق عالقلب
بس مابقا ينفع هلق، لازم فكر بحل ضروري
تذكرت إنو مرة دخل الشك لقلبي وبحثت ع غوغل عن يلي بصير معي
وطلعلي معلومات عن القر//ين
واتذكرت إنو كل ما أذيت حالي رح ينأذى أضعاف وكل ما فرحت بيفرح أضعاف
مسكت تعليقة المفتاح يلي كانت معي
وبلشت أشطّ//ب ب إيدي
وهو يصر..خ برا
فتحت الباب كان هو مليان د//م
وكانت رنا حدّو بتتو.جع كمان
لأنها هي مخلوقة منو، متى ما تو.جع حتتوجع هي كمان
حطيت قرآن ع موبايلي وتركتو جوا
طلعت من البيت بسرعة وأنا حفيانة ماقدرت البس شي برجلي من الرعبة وعم أركد
من كتر الرعبة كل الطريق شوفو قدامي
أقول بسم الله وأكفي يكون اختفى هي أوهام كانت وبس
كفيت لوصلت ع مكان رجعت فيه الحياة
شجر وطريق نظامي
لحسن الخظ لقيت معي مصاري
ركبت تكسي ورجعت عالبيت
بس لهون ما خلصت القصة!
انا كل يوم بشوفو بكل الأشخاص
أنا كل يوم مابقدر نام أكتر من ساعة وبتكون بالنهار بس
كل ما قررت نام بفيقني بطريقة و//حشية ومخيفة
رحت ع شيوخ كتير
كلهن هربو مني لما سمعو وما صدقو
أنا هلق بالمشفى يلي كنت فيه
بس مش دكتورة أنا
أنا مريضة...

بداية القصة 🤍🌸
@Stories_3

رأيكن بالقصة🧚‍♀👇
@Stories_3_bot
لاتنسو التفاعل 🔥❤️‍🔥
@Stories_3

قصة جديدة: #حب_وانتقام

قراءة ممتعة🌸
@Stories_3

#حب_وانتقام
#بقلم_امان
#كاملة_جوا_الصور

- وقت بتكوني بنت بأول عمرها و بتحملي مسؤولية عيلة بسبب ظروف او يمكن قدر.....
- وقت الدنيا بتحطك امام خيارين اصعب من بعض شو بتختاري تبيعي ضميرك ولا تضحي بعيلتك....
- وقت القدر بيجمعك مع حب حياتك بوقت غلط.. وبطريقة غلط...رح تقدري تستمري بالغلط؟؟؟

- بطلتنا صبية بعمر الورد الدنيا بتاخدا يمين وشمال وبتنحط بمواقف فوق طاقتها... بتنجبر تكذب وتحب بنفس الوقت.. بس ياترى اديه رح تقدر تكمل بكذبتها.... خلونا نشوف...

قمّة الخذلان أن أحدّثك عن غدر الأحبّة، فتصبحي أنتِ أوّل الغادرين في سجل عمري، وأن أحدثكِ عن خيبات العشّاق، فأصاب منكِ بأكبرالخيبات في جلّ حياتي، أن أشكو لكِ ظلم المقرّبين، فتكونين أنتِ سيدة الظالمين لقلبي، ف بعد هذا لمن أشكو جورك وظلمك.!؟؟؟؟؟

#حب_وانتقام
#بقلم_امان ❤️#الجزء الاول

_ قاعدة ورا مكتبها حاطة ايدها على خدها و صافنة ،كأنها بعالم تاني .

اجت من وراها ورعبتها
مرام : لك وييين صافنة يابنت ،وصلتي عالقمر ولا لسه
يارا : مو وقتك هلا تركيني بهمي كرمال الله
مرام(اعدت جنبها ): شبك شوصاير معك
يارا : اوووف قولي شو مو صاير .. بكرا بتنتهي المهلة يلي عطاني ياها الاستاذ كمال لسدد الدين وانا لهلا ماجمعت غير نص المبلغ
مرام : اييي شو يعني !!!
يارا: يعني بكرا بيتنا بصير الو ورح نبقى انا واهلي بالشارع
وابي لسه ماخلص علاج شو بعمل اووووف
هربت دمعة من عيونها ونزلت ع خدا
مرام : كان المفرووض ماتقبلي بهيك فترة قصيرة
يارا: مااااااكاااان عندي حل حياة ابي كانت بخطر
مرام: طيب حبيبتي روقي الا ماتلاقي حل
مثلا مابتقدري تأمني دفعة تانية بحيث يكونو مغطيين تلتين المبلغ وتعطي ياها بركي بيعطيكي كمان وقت
يارا: مرام انتي مالك غريبة وبتعرفي الوضع لو قدرت جمع ايا مبلغ كنتي شفتيني بهالوضع
مرام : سامحيني ياروحي والله لو بقدر ساعدك ماكنت قصرت بس بتعرفي الحال العين بصيرة والايد قصيرة
يارا: شو عم تحكي الله يعينك ويعيني
بتعرفي شو!! انا طالعة لعندو جرب احكي معو شوف شو بقدر اعمل
مافيني ماكمل علاج بابا لازم اعمل أيا شي كرمال يرجعلنا متل قبل
(وبلشت تبكي )
مرام : خلص كرمالي تهدي قومي قوي حالك وطلعي احكي معو وتوكلي ع الله ان شاء الله بتلاقي حل ...

_____
# بشركة كبيرة وضخمة
شب بالتلاتينات كان قاعد بمكتبو
وعلامات الغضب على وجهه

كمال: شووو لسااه عايش ما ماااات ماخلصنا منو
علاء: متل القط بسبع رواح مامات
بس سمعت انو فقد بصره
كمال : لكن وييين كان مختفي كل هالمدة ووصلنا خبر انو مات
علاء : برا البلد عم يتعالج
كمال : في احتمال يرجع يشوف ؟؟؟؟
علاء: لسه ماعندي فكرة عن مسار العلاج
بس حاليا عرفت انهم طالبين ممرضة خاصة لتهتم بالعلاج
كمال
( خبط بايدو عالمكتب بعصبية )
ماااااعم تزبط معي كل ما ارسم خطة بتفشل
لييييش هيك عم يصير معي لييييش
علاء: روووق ...انو صار اعمى هي ضربة قوية بالنسبة الهم كمان

قطع حديثهم دقة الباب

كمال: تفضل
عليا: كمال بيك في موظفة بدا تشوف حضرتك
كمال : مين
عليا : يارا
كمال : يااارا !!! اوووووف كيف كنت نسيان
سمعي طلبيلا قهوة وخليا عندك تنتظر ودخليها بكون خلصت الشغل يلي بين ادي
عليا: بتأمر يا بيك

طلعت وسكرت الباب
عليا : انسة يارا البيك عندو كم شغلة عم يخلصهم خبرني تنتظري عندي
شو بتحبي ضيفك
يارا : شكرا الك ماعبالي شي
عليا : مابصير هي اوامر البيك
رح اطلبلك قهوة معي
يارا: شكرا الك
_______
كمال بالمكتب اعد وشارد
كمال: ياراااا والله وزمان
انا كيف كنت نسيان هيك شي مهم
علاء: شو القصة
كمال : هاد ياسيدي من حوالي 6 شهور .....

# فلااااااش باااااااك

(( كان طالع من مكتبو بعد يوم شغل طويل وماشي بممرات الشركة كانت شبه فاضية من الموظفين !
سمع صوت بكى
مشي باتجاه الصوت شاف صبية اعدة ع مكتبها وغرقانة بدموعها
قرب لعندا ودق الباب
رفعت راسها وقت شافتو تلبكت ووقفت وحاولت تمسح دموعها،
يارا: كمال بيك !!
كمال تطلع فيها وتفاجأ
صبية متل الوردة بس ملامح وجها على وشك تختفي من اثر الدموع وعيونها لونهم احمر وعم يرمشو بصعوبة وصوت تنهيدتها ماعم تقدر تخبي

كمال:خير يا انسة ليش بقيانة هون لوحدك صاير معك شي
يارا: بعتذر يابيك مالي منتبهة للوقت
كمال : صاير معك ايا مشكلة بالشركة
يارا: لا لا ابدا استاذ الموضوع عائلي
كمال : يلي بشوف منظرك بيقدر يتوقع انو الموضوع كبير اذا ماخاب احساسي
بتحبي تحكيلي ؟؟؟
يارا صارت تبكي اكتر وماعاد قدرت توقف "اسفة استاذ ماتشغل بالك ومو حابة ضيع وقتك "
كمال : واذا قلتلك صار عندي فضول اعرف سبب هالدموع كلها
احكي عم اسمعك
يارا: ببب صص راحة استاذ
قاطعها كامل : لحظة هيك مارح يمشي الحال روحي غسلي وشك واهدي وانا ناطرك عباب الشركة

راحت غسلت وشها وطلعت بالمرايا
يالله معم صدق كماااال بيك بدو يقعد معي انا وانا متل الهبلة قبلت لك شوبدي قلو هلا من وين بدي بلش حكي اوووووف يارب تساعدني

نزلت كان ناطرها بسيارتو واشرلا تركب
يارا : بعتذر اذا تأخرت استاذ
كمال: ولا يهمك
وهلا بتقبلي عزيمتي ع فنجان قهوة
يارا : بصراحة انا خجلانة منك يا بيك والي الشرف طبعا اقعد معك
كمال : ولو انا موظفيني غاليين علي وتأكدي ايا حدا فيهم وقت بيحتاج مساعدة اكيد مابقصر
يارا : الله يديمك يابيك
_____
اعدين وساكتين ويارا مو عرفانة من وين تبدا
كمال: ايه انسة يارا انا عم اسمعك

يارا : بصراحة استاذ ابي عمل حادث وعلى اثره ماعاد قدر يمشي وهوة تعبان كتير ولازمو عملية فورا
بس
بس
بس
كمال : بس تكلفة العملية غالية كتير صح ؟؟
يارا رجعت تبكي اكتر من قبل : لو بيقبلو ياخدو قلبي وروحي وعيوني بس ابي مايصرلو شي نحنا ما النا حدا غيره بعد رب العالمين
انا البنت الكبير لاهلي وعندي اختين صغار عم يدرسو
انا عم اشتغل وساعد اهلي كرمال اخواتي يكفو دراستهم
كمال شاف من نبرة صوتها وعيونها الحزن واضح انها صادقة :
طيب وانتي درستي
يارا : انا خريجة كلية اقتصاد
كمال:طيب وين قرايبينكم
يارا : نحنا ماعنا قرايب ابي ترك الضيعة من زمان كتير وستقر بالبلد هون
وهي قصتي يا استاذ
كمال : خير محلولة انا عندي حل
يارا : كيف
كمال : انا بعطيكي تكاليف العملية
يارا تطلعت فيه مصدومة : كيييف
مستحيل
كمال : ليش مستحيل
يارا : مقابل شو او بصفتي شو
كمال : ولا شي عتبريهم دين وبتسدديني ياهم
يارا : استاذ كمال هاد مبلغ كبير انا كيف بدي سدده
كامل : وانا مالي مستعجل
يارا : مستحيل اقدر سدده استاذ
كامل : طيب لا تجاوبي هلا فكري ورديلي خبر
يارا: شكرا كتير الك يابيك بكفي تعاطفك معي
كمال : ولو الناس لبعضها
_____تاني يوم بالشركة
مرام : اوووو ماعم صدق يلي عم تحكي يارا
متأكدة عم تحكي عن كمااال بييك
يارا : وانا لحد هلا مو مصدقة يلي صار معي مبارح
عنجد هوة شخص كتييييير محترم وكريم
مرام : فعلا
طيب وانتي فكرتي بالعرض يلي قدمو
يارا : انا كتير خجلانة منو يا مرام كتير
وبنفس الوقت حسيتو ملاك الله بعتو ليساعدني
انا مستعدة اشتغل ليل ونهار كرمال جمع مبلغ العملية
بس نحنا محاصرين بالوقت
وماااافيني اخد المصاري من البيك هيك بدون مقابل بدون شي .
مستحييييل اقبل ....
نحنا بحياتنا ما مدينا ايدنا لحدا رغم كلشي صعب مرينا فيه
مرام : طيب شو رح تعملي
يارا : في ببالي فكرة
مرام : شو هي
يارا : رح ارهن بيتنا مقابل مبلغ العملية
مرام : شوووووو مجنونة انتي
لك انتو كل حيلتكن هالبيت وهلا جاية ترهني
يارا : لك اييييييي ايييييي برهن البيت وبرهن عيوني بس ابي مايصرلو شي
مرام :لمين بدك ترهني
يارا : لكمال بيك
مرام : يابنتي الزلمة كرم اخلاق منو عطاكي المبلغ وانتي جاية تقولي بدي ارهن البيت
يارا : كرم اخلاق مرام
كرم اخلاق بكون بشغلة الف او الفين
لك ياستي 10 الاف
بس مو بمئات الالوف
شبكي ركزي معي
مرام : مممممم صح !! طيب وانتي كيف بدك تقدري تجمعي هيك مبلغ لتفكي رهن البيت
يارا: هو قلي مو مستعجل بكتب معو عقد ع مبلغ اقدر ادفعو كل شهر
لمدة سنتين ...تلاتة.... اربعة المهم اني رح رجع المبلغ بس بالتقسيط
مرام: مابعرف ..... الموضوع تعقد
يارا: انا طالعة اعرض عليه هالاقتراح
___
قاعد بمكتبو وغرقان بالوراق يلي مقابيلو
بيندق الباب
كمال: تفضل
عليا: كامل بيك في موظفة بدا تشوفك
كمال : مين
عليا : يارا
كمال : دخليها

فاتت لعندو وحاطة ايدها على قلبها
كمال : اهلا يارا كيف صرتي
يارا : الحمد لله استاذ
كمال : اي خبريني فكرتي بيلي حكيناه
يارا : بصراحة استاذ حاجتي كبيرة جدا للمبلغ
بس انا مافيني اخد شي بدون مقابل
كمال : مافهمت
يارا : استاذ انا جاية ارهن بيتنا لحضرتك
مقابل مبلغ العملية
وبسدد المبلغ على دفعات شهرية

نزعج من حكيها
مابيحب هالاسلوب بالتعامل
بس ماحب يخجلها
كمال: تمام عرضك مقبول بس عندي شرط
يارا : تفضل
كمال: بما انو الموضوع صار بزنس انا رح اعطيكي مدة 6 شهور لترجعيلي المبلغ ويرجعلكم بيتكم
يارا : بس هي فترة قصيرة يا بيك انا مافيني جمع هيك مبلغ بهالفترة
كمال : انا هاد عرضي والقرار بيرجع الك
يارا نزلت راسها بانكسار
بس ماعندا حل تاني : تمام موافقة
# باااااك
كمال : وهي كل القصة
والبنت هلا جاية لعندي لسببين
السبب الاسوأ انو تكون قدرت تجمع كل المبلغ وجاية تعطيني ياه
اما السبب يلي بتمناه تكون جاية كرمالو هوة اني اعطيها مهلة كمان
علاء: اوووف ليش قالبة الحكاية معك
كمال : هههههه متطلبات شغلنا يامعلم لازم دايما نحسب لقدام كتييير
علاء (بتسم ابتسامة خبيثة ) : بشو عم تفكر ؟؟؟؟
كمال: متل يلي عم تفكر فيه بالضضضبط
علاء : ههههههههه خطير ياشريك
كمال : ههههههههه قلتلي بدهم ممرضة ماهيك
علاء _ كمال : هههههههه
علاء : لكن شوف شغلك انت وانا رايح كمل شغلي
كمال : تمام
خلي السكرتيرا تدخلا ليارا خانم
______

#الجزء الثاني
فاتت لعندو متلبكة وعلامات التوتر واضحة على وجها
وقت شافا كمال ابتسم وحس انو هدفو رح يتحقق
كمال : اهلا اهلا بالانسة يارا
وين هالغيبة
بتعرفي بنت حلال لو ما اجيتي كنت هلا بدي ابعتلك خبر
يارا : خير استاذ
كمال : كل خير طبعا
على ما أذكر من فترة كان في عقد بينا صح
يارا: صح استاذ وانا جاية لعند حضرتك.كرمال هالموضوع
كمال : اووو يا محاسن الصدف
ايه خبريني
يارا: بصراحة يابيك المهلة يلي حضرتك عطيتني ياها بتنتهي بكرا
كمال : شاطرة
والمبلغ جاهز معك
يارا : بصراحة استاذ
لا ....
انا وشي اسود منك انت قدمتلي معروف كبير
وانا خجلانة منك
بحلفلك يا استاذ حاولت بكل طاقتي وشتغلت كتير لأمن المبلغ بس ما جمع معي لحد الآن غير نص المبلغ
انا بعرف اني اخليت بشروط العقد
بس استنفذت كل جهدي وطاقتي وهاد يلي قدرت حصلو
وانا خبرتك عن وضعي
بابا لهلا ماخلص علاج ومسؤولية البيت صارت علي انا لبين ما يرجع بابا صحتو منيحة ويقدر يشتغل
لهيك انا اجيت اطلب منك مهلة جديدة لسدد باقي المبلغ
وكلي أمل انك تتفهمني
كمال : اهااااا
بصراحة يا انسة يارا انا متعاطف معك
بس كوني رجل اعمال رح خبرك شي :
بمجال البزنس يلي منتعامل فيه ك رجال اعمال ماعنا شي اسمو فرصة تانية او مهلة تانية عنا عقود منتعامل فيها بكل التزام
وانتي قبلتي انك تتعاملي معي على هالاساس
يارا : صح استاذ بس
كمال : انا لسه ماخلصت
يارا : بعتذر
كمال : لذلك انا بعتذر منك العقد يلي معي بقول بكرا لازم.المبلغ كامل يكون بايدي
وإلااا بيتكن رح يكون ملكي
يارا : استاذ ان...
كمال : قلتلك ماخلصت كلامي لاعاد تقاطعيني لو سمحتي
يارا : بعتذر مرة تانية
كمال : انا مقدر الوضع يلي انتي فيه ومتعاطف معك
لهيك رح اطلع عن قوانيني وقدملك عرض تاني
في حال وافقتي منبدأ مهلة جديدة
وفي حال رفضتي لازم يكون المبلغ كامل بكرا
والقرار بيرجع الك
يارا : طيب ممكن اعرف شو العرض استاذ
كمال : قبل ما احكي لازم.تعرفي انو الموضوع بغاية السرييية
واذا سمعت كلمة طلعت برا رح حملك كامل المسؤولية
يارا : ماتشغل بالك من هالناحية استاذ
كمال : شاطرة
الموضوع باختصار
في شركة منافسة لشركتنا بشكل كبير
وانا حابب تكون الي عين عندهم تخبرني بالتفاصيل والتحركات
يارا : بفم منك بدك ياني اشتغل بهديك الشركة استاذ
كمال : يعني قربتي
مو بالشركة بالضبط رح تكوني ببيت صحاب الشركة
يارا وعيونا فاتحتهم على وسعهم: كيييييف
كمال : رح دبرلك طريقة تفوتي فيها ع بيت العيلة وتتقربي منهم وتنقليلي تحركاتهم
رح تحاولي تكسبي ثقة الكل وتعرفي ادق التفاصيل
وبدك تكوني صحيانة منيييح لانو الغلطة رح تخرب كلشي
رح تتركي الشغل هون بالشركة
وطول فترة مهمتك راتبك رح يضل ماشي ورح يتضاعف
وبعتبر هالمهمة مقابل باقي المبلغ يعني منطلع خالصين لا انتي مديونة الي ولا انا مديون الك
القرار بيرجع الك
يارا :استاذ صعبت علي الموضوع كتير
انا بحياتي ماعملت هيك شي ومارح اقدر اعمله رح انكشف بسهولة ياريت تتفهمني
كمال: لا تعطيني جواب هلا فكري منهون لبكرا
بكرا متل هالوقت بدي شوفك عندي
يا بتجي بتقوليلي موافقة وساعتها منحكي بالتفاصيل
يا بتجي ومعك المبلغ كامل اووو مفتاح بيتكن

تطلعت فيه ونزلت دمعة من عينها
يارا: بالاذن استاذ
كمال: فيكي تروحي ع بيتك هلا وتفكري

طلعت من المكتب حطت ايدها ع تمها وصارت تبكي وركدت ع مكتبها اخدت شنتتها وطلعت
شافتها مرام بهالحالة ركضدت وراها
مرام : يارا شبك شو صاير معك
لك وقفي ستني عم حكيكي
يااااارااا

ماردت عليها وكملت طريقها
رجعت عالبيت شافت امها بارض الدار عم تسقي الوردات وابوها عالكرسي تبعو
يارا : مسحت دموعها مشان ماينتبهولا
يسعدلي هالصباح
امها وابوها: يارااا
ابو زياد : خير يابنتي ليش راجعة بكير من شغلك
ام زياد: ماما حبيبتي شبك شبن عيونك بكيانة
يارا : لا ماما حبيبتي مافيني شي
بس انا وعم اشتغل تعبت وحسيت راسي فتل واخدت اجازة
ام زياد : ياروحي انتي بعرف عم تشتغلي فوق طاقتك وماعم ترحمي حالك
ابو زياد : حقك علي يابنتي الله يقدرني وعوضك عن هالايام
يارا : شو هالحكي بابا انا بفديكن بعيوني طول ما انتو بخير انا بضل بخير
بشتغل ليل نهار بس ماحدا فيكم يصرلو شي
ابو زياد: الله يرضى عليكي يابنتي
رنيم - راما : اختيييي اجيتي
راما : يارا كنتي واعدتيني بهدية اذا اخدت الجائزة بالمسابقة
يارا : وانا عند وعدي طلبي
راما : بدي الفستان يلي شفناه بالسوق
يارا : تكرم عينك
رنييم : اييي لكن ياعمي العز للرز والبرغل شنق حالو
يارا: لا تزعلي برغلة خانم مالي نسيانتك

رنيم_راما : هههههههههاااااااي انتي احلى اخت بالدنيا
ام زياد: بس يابنااات تركو اختكم بحالا وحاج طلبات اختكن تعبانة
يارا : لا ماما انا وعدتن
يلا انا طالعة على غرفتي بدي نام شوي
_____
اعدة بغرفتها ومسكرة عليها الباب وسارحة بافكارها
يارا : يااااللله شو بدي اعمل
لك هاد البيت كلشي منملكو كيف بدي قول لاهلي ماعاد النا
وين بدنا نروح ونحنا مالنا حدا منعد بالشارع
اهلي مارح يتحملو هالخبر ورح ينزل عليهم متل الصاعقة
وماعاد معي وقت .....

وضلت افكار تاخدها وافكار تجيبها لاااخر الليل حتى غلبها النوم وغفيت

تاني يوم بالشركة اعد ناطرها على احر من الجمر
ندق الباب
عليا : استاذ كمال الانسة يارا برا بدا تشوف حضرتك
كمال : دخليها فورا انا ماقلتلك فورا بتدخليها
سمعي بتلغيلي كلشي اجتماعات منهون لساعة او ساعتبن ومابتدخلي حدا لعندي
عليا : حاضر استاذ

رجع ع مكتبو اعد وهدى اعصابو حتى مايبينلا اي توتر و شغل حلو بالوراق يلي مقابيلو

دقت الباب وفاتت
يارا : بتسمحلي ادخل
كمال : طبعا تفضلي
فاتت وبقيت ساكتة وهو ما عطاها ايا اهتمام على غير العادة
كمال : ايه انسة يارا شو جايبتيلي معك المبلغ كامل ولا مفتاح البيت
يارا بعصبية : لا هاد ولا هاد ...
انت يابيك حطيتني بين خيارين كل واحد فيهم اصعب من التاني
وانا من مبارح لهلا عم فكر وخايفة اختار
كمال : وعلى شو رسيتي
يارا : عالخيار يلي بكلفني اقل خسائر
ولو انو الاحتمالين خسارتن كبيرة
كمال : عطيني كلام واضح ومفيد
يارا : انا بعرف اني داخلة على لعبة كبيرة ومع ناس كبار وممكن تكلفني حياتي بس بدي اخد منك وعد انو ماحدا يقرب من اهلي
كمال : بفهم منك موافقة عالعرض تبعي
يارا : عرضك ممكن اخسر فيه حالي
اما بيتنا اذا راح بكون خسرت كلشي
المأوى الوحيد النا وشنططة كبيرة لاهلي
كمال : اهاااا هلا صرنا نحكي بالمهم
اول شغلة بدي ياكي تعرفيها انو من هاللحظة اهلك رح يكونو بحمايتي انا ورح خصص شخص بس ليهتم فيهم
تانيا مارح تخسري حياتك لان انا مو طالب منك لا تقتلي ولا تسرقي القصة انو في شوية معلومات بدي اعرفن مو اكتر من هيك
يارا : طيب ممكن اعرف التفاصيل
كمال : طبعا بس قبل مانحكي التفاصيل يلي بدي ياكي تعرفي انو الفترة يلي جاية بدي ياكي تكوني قوية وحذررررة بشكل كبير
وكرمال ما حدا يقرب من اهلك انتي لازم تبعدي عنهم هالفترة
يارا : كييييف شو اصدك بعد عنهم استاذ
كمال : رح تعيشي بببيت الناس يلي رايحة لعندن
يارا : نحنا ماتفقنا هيك.يابيك
كمال : نحنا لسه ماتفقنا على شي يارا
انتي وافقتي عالعرض معناها موافقة عالمهة بكل تفاصيلها
يارا : يابيك انا مابقدر اترك اهلي
انا خبرتك انو اهلي مالهم حدا وانا يلي حاملة مسؤولية البيت كلها
كمال : وانا خبرتك اني رح خصص شخص ليهتم باهلك
اهلك مارح ينقص عليهم شي رح يكونو بحمايتي وبعاد عن هالموضوع
وكل اول شهر راتبك رح يوصلهم وكل طلباتهم رح توصل لعندهم ماتشغلي بالك باهلك
يارا : عفوا استاذ بس انا شو بيضمنلي هالحكي
كمال : رح تطمني عنهم بنفسك كل كم يوم بس من بعيد بدون ماحدا يشوفك ورح تحكي معهم عالتلفون
وهلا خبريني موافقة لنحكي بالتفاصيل
يارا اخدت نفس وتنهدت : عم اسمعك استاذ ....
____
رجعت عالبيت شافت اهلا مجتمعين كلهم عم يحضرو تلفزيون
دمعو عيونا كيف بدها تفارقهن كيف بدا تنحرم هالجمعة الحلوة
هالشي صعب على عقلها يتحملو
ام زياد : اهلين وسهلين حبيبتي تعالي عدي
راما- رنيم قومو حطو لاختكن اكل
يارا : لا ماما حبيبتي مالي جوعانة خليكم بدي احكي معكن بموضوع
ابو زياد : خير يابنتي شوفي
يارا : بصراحة بابا مدير الشغل عنا قدم عرض شغل كتير حلو لموظفين محددين
وانا اسمي كان من بين هالموظفين
ام زياد : شغل شو يابنتي
يارا : في فرع تابع للشركة بمحافظة تانية وعاملين مشروع ومحتاجين موظفين لفترة مؤقتة
و وبصراحة انا حابة اني كون بين الموظفين اذا سمحتولي لان العرض مغري الشركة رح تتكفل بكل التكاليف بالاضافة لزيادة الراتب للضعف
هي فرصة بالنسبة الي
ابو زياد : شلون بدك تسافري وتتركينا يابنتي هالفكرة مو واردة ابدا
ام زياد : لا انا مابتحمل حدا فيكم يغيب عن البيت وانا مالي موافقة
ماما_ بابا : سمعوني شوي وفهموني بترجاكن
كتير عاجبكم وضعنا
المبلغ يلي رح اخدو مابحلم فيه اذا بشتغل ليل ونهار ونحنا بامس الحاجة الو
وانا مو تاركتكم لحالكم الشركة رح تتكفل بكل احتياجاتكم
وانا رح ضل على تواصل معكم

بعدين كلها فترة صغيرة وداخل البلد
بترجاكن تفكرو بالموضوع وتوافقو
ام زياد : وايمتا السفر
يارا : بعد بكرا