محمد:وابو رسلان ينباع بالعزا والله انتي وابنك عم تفاولو على حالكن
بلسم:يلا اتركني اجهز القهوة
محمد:خليكي والله مبسوط
بلسم:...
تركتو وبلشت اجهز القهوة
بلسم:شو اتعشيت
محمد:الله لا يدوقك رز مو مستوي وملوخية بلا طعمة
بلسم: شغل مين
محمد:الناقصات اخواتي
بلسم:واكلت
محمد:قلبت نفسي
بلسم:اجهزلك عشى
محمد:بس بشرط بتعشى بغرفتك
بلسم:شو بايعها بتقبل يعني
محمد:بقبل و
بلسم:جيب تيابك وتعال اسكن عنا
محمد:لا مو حلوة لو ما عندكن كنة اي ما بتردد ثواني
بلسم:بعملك عشى هون
محمد:لا مابدي هون
بلسم:خليك بلا عشى
محمد:ياااا اديشك ظالمة تعالي نروح نسكن بالمدينة
بلسم:ببيت اهلك
محمد:لا بفندق لا تخافي
بلسم: انت متخيل اهلك لوين وصلونا
محمد:مانك شايفة اديشني بحبهن
بلسم:اي ميت عليهن
محمد:ميت عليكي وبس منطلع سياحة معي شهرين شو رايك
بلسم:عم تغريني ها
محمد:يلا وافقي
بلسم:بس مو ببيت اهلك
محمد:ولا منقرب صوبهن
بلسم:اتركني افكر بكرى بردلك خبر
محمد:ايه اتدللي عليي بس كلشي بحسابو
وانا بعرف كيف بدي اتدلل عليكي
بلسم:....
جهزت القهوة ورحنا وهو ضيفها عني وبالاخير قعد بجنبي وكملنا حديثنا
بلسم: هلا ليش كلهن بيطلعو علينا
محمد:متلي متلك بس مبينين محطة انظار الجميع
بلسم: المشكلة جابو اجلنا ومو حالين عننا
محمد:وهاد الي بيقهر وع فكرة ماحدا حاسس فينا ولا حتى بيقبلو يعيشو ظروفنا
بلسم:معك حق انت الي فتحت عيون الناس علينا
محمد:امبلا كان راسي كبير ومو شايف حدا واضرب الباب بخلقتك ع الطالعة والنازلة
بلسم: اوووووف دايق مني ومكتر
محمد:او اقلك يمكن لو ما كبرتي راس كنت ما حبيتك لهدرجة
بلسم:بعرف هوايتكن الجري
محمد:انتي... مستعد اركض وراكي كل العمر
بلسم:وشو اخر الحلول
محمد: انام متل الكلب لحالي
بلسم:اووف منك ومن حكيك حسن ملافظك
محمد:هو بيني وبينك الكلب عايش احسن مني
بلسم:لاااا انت مو معقول بتعرف شو بدايقني ونازل حكي طالع نازل
محمد:شو هالقهوة هي عليم الله الصبح سلام عملت قهوة كبيتو متل ما هو
بلسم:عامل دعاية لإخواتك
محمد: لا هاد واقع الدعاية بتكون مزيفة كمان
يعني الواقع اضرب
بلسم:والعشى ما بينداق
محمد:واشكالهن ما بتنطس
بلسم:وانا
محمد:انتي وبس ماحدا اغلى منك ادعي يسافرو اهلي
بلسم:جيب رتل عسكري وخليهن يرحلو
محمد:ياريت بس بكرى رايح مهران مافي الا اتصل ب نيفين وتقنعهن يرجعو
بلسم:الله وايدك
محمد:وحطي ببالك ما سافرو نحن مسافرين
بلسم:انشالله
...........
الصبح كان يودع مهران وسحب لبيت عمو علملها تعليمة صغيرة ولساتو عند الباب وبعتلها
محمد:ازا صاحية عازم حالي على قهوة عندك
شوي وطلت عليه ومبين هو مصحيها
محمد:يسعد هالطلة
بلسم:بجهز القهوة وجاييك
نطرها لحتى رجعت كان قاطفلا وردة وقدملها اياها
بلسم:من وين
محمد:مو من ورداتك هي من عنا
بلسم:اكيد
محمد:فوق ما سرقتولي من الشتلة عم تحاسبيني
بلسم:بس وردتنا طلعت اكبر
محمد:واكبر دليل على انو الحرام احسن
بلسم:انت وحكياتك بعدين شو مصحيك
محمد:الشوق وغلبني
بلسم:انت من المرة
محمد:وين رسلان
بلسم: الفجر صحي ساعة ورجع نام
محمد:نيالو ليكي انا عيني بعيشة هالصبي
بلسم:يلا هانت
محمد:انووو هانت حماتك مستقرة مبارح اسمعتها تقول الجو حلو بالتلة
بلسم:ليكون بتعرف
محمد:اي قلبها دليلها
بلسم:وهي هاين عليها فيك
محمد:بس هي حتى انتي
بلسم:....
محمد:اي فكرتي بموضوع السفر
بلسم:وشاورت اهلي وعزمي ما عجبو
محمد: طبعا الافندي متنعم ولا عبالو والعترة علينا
بلسم:بس ماما رحبت بالفكرة كتير وبالاخص انك بإجازة
محمد:وبس تخلص برجعك لهون
بلسم:اي وايمتى بتقرر
محمد: لحتى اتاكد انها عنجد مستقرة هون
بلسم:....
محمد:ما احلى هالصباح
بلسم:منيح تصالحتو
محمد:انا من جهتي مو شايل على حدا بس عزمي وعامر الي عم يصب على النار زيت
بلسم:اي عامر من صفي ضدك
محمد:ماني مستغرب كلها ضدي وقفت عليه
بلسم:بس خلينا متفقين انهن معهن حق
محمد:خلص حبيبتي الماضي صفحة وطويناها
بلسم:اي وانشا لله تنزكر وما تنعاد
محمد:مابقى تنعاد انا صاحي للكل وهلا اتاكدت ماحدا رايدلنا الخير وموقف بيت اهلي من الي عملتو ماما اكدلي ماحدا لحدا
بلسم: اصعب ايام مرت عليي هي فراق رسلان حتى وقت سافرنا وكنت ضاربني ما اتأثرت متل ما اتأثرت على فراق رسلان
محمد:يكسر ايدي
بلسم:لك لا بعيد الشر عنك ....انا ما بهون عليي فيك
محمد:ومين حكالك انا هان عليي فيكي اتواصلت مع مهران بس مشان يرجعلك الولد بس الافندي ما رضي وانا كلو كوم والمهمة الي استلمتها كوم تاني وكل المصايب كانت تحل عليي مرة وحدة
بلسم:بس هلا نحن بحكم الخاطبين
محمد:قصدك الولهانين
بلسم:اليوم عازمتك على سهرة

محمد:حاضر بأمرك انا بس وين
بلسم: اكيد مو بالمضافة
محمد:خلص بغرفتك
بلسم: .......
محمد:يسعدلي هالصباح الي بجنن
كان يتأملها ويتأمل خجلها منو
وبقلبو:وانا رحت شكيت فيكي ااااوف بس الحمد الله عدت على خير لو اتعزبنا بس مابقى بدي ابعد عنك ولا لأي سبب يا روحي
مسك أيدها وبقي يتأمل كل ملامحها.
............................

قصة عشق الأصيل 19 الموسم الثاني
بالسهرة بعتتلو اتاخر شوي اهلي رايحين لعند بيت عمي ودعتهن بعد ما خبرت ماما انو جاي محمد يسهر عندي كنت مرتبة حالي ومجهزة سهرية وحسيت انو هالايام صايرة حلوة يعني الي ما اتهنيت فيه وعملتو بخطبتي عم اعملو هلا وقت اندق الباب رحت دغري لافتح ما كان لحالو معو عزمي وعملي حركة ب عيونو رفعهن لفوق
عزمي:مو مطول لا تخاف بعدين تاني مرة احكي انو عازمة جوزك على سهرة ليش عم تسرقو سرقة
مسكو محمد من جاكيتو
محمد:انت السبب وجاي تتفصحن
عزمي:اهلك السبب مو انا فوت خلصني
كانو يتدافشو كمل ل غرفتو عزمي ونحن ل غرفة القعدة ومحمد دغري قعد بجنب رسلان يلاعبو
محمد:حاسدك يا ابن بلسم
بلسم:حاطت عقلك ب عقلو
محمد:اي والله وحاسس حالي مراهق
بلسم:كملت معي رايحة اجيب الشاي
محمد:لا تطولي مو حلوة القعدة بدونك
كنت سامعة مناقرتهن وانا بالمطبخ
محمد:روح يلا مطول عندك
عزمي:الساعة تسعة منكون هون
محمد:طول شوي حرام عليك
عزمي: بتبوس ايدي بوافق
محمد:مو وقتك متحلفلك
عزمي:يلا بخاطرك خالي ابوك ماعليه سلام
محمد:بتوفر
سكر وراه عزمي وانا رحت لعندو
محمد:ليش عزبتي حالك والله مو بنفسي شي
بلسم:مشان واجبك .
محمد:نحن مطبقين المثل ناس بهناها وناس بعزاها
بلسم: ليش مين حكالك بيروح بديع من بالي
محمد:بس الحياة مستمرة بعرف
بلسم:يمكن لو بقي عايش بيناتنا نزعل اكتر
محمد: اي انا ضليت طول اليوم مكزب الخبر
بلسم:الله يرحمو مرت عمي متأثرة كتير
محمد:الله يصبرها وليه عازميتني تغمي على قلبي
بلسم: انت الي جبت سيرة الموت ليكون مفكر حالك جاي تنبسط
محمد: ياحبيبي انا شو جابني غير الشوق ومتحمس كمان
بلسم:ليك الصبي قاعد
محمد: وبيفهم
بلسم:شو رأيك انت
محمد:نيميه بلسم شو وراكي
بلسم:لك حرام عليك شوف كيف عم يضحكلك
محمد:دخيل قلبو تعالي نوصي على قطعة بتشبهك
بلسم:اي مفكرني فقاسة
محمد:رح نجوز الولد
بلسم:اي ما اتهنيت لا بحبلي ولا حتى بولادتي
محمد:هالمرة رح تكون غير
قربني منو متعودة على معاملتو المصلحجية
بلسم:رح تترك الشغل كرمالي
محمد:لا بس رح يصحلي انزل اجازات كتير
بلسم:انت مرتاح بشغلك
محمد:ولو مو مرتاح يعني شو بغير الواحد لازم يرضى
بلسم:انت اتحسنت
محمد:اي ومرتاح على العلاج كتير
بلسم:واعرفت من مين
محمد:مشان لا أظلم حدا أعدائي كتار بس هالعملة ما بتطلع من زلمة
بلسم:قصدك مراة
محمد:اي وما طلع معي غير بدرية
بلسم:معقول
محمد:اي معقول ما بستبعد عنها وصلحتها بدها تجددو
بلسم:يييي ناقص والله
محمد:هلا معقول تعرف الوجع الي بتوجعو وعملتو
بلسم:هي همها تأذي بأي طريقة ومين عم ياخدك للعلاج
محمد:مع امين بروح
.......
بقلبو:مابتعرف انو المعالج طلب المرة الجاي يكون معي اكتر من شخص
لانو بوقت عم يرقيه بصير حدا تاني
بلسم:وين صفنت
محمد:لا معك
بلسم:وين اللتقيت ب عزمي
محمد:كنت على باب بيتكن وهو كان وراي متأكد
بلسم:بس راجعين اصحاب
محمد:وانتي بتحبي اكون صاحب اخوكي
بلسم:وبكون بقمة سعادتي بس تكونو متفقين
محمد:وبس تكوني معي
بلسم:...
اطلع ب الولد الي مغمض عيونو وارتاح لانو نايم غطاه وغمرها بكل قوتو
محمد:شو هالحلاوة ياروحي بتعرفي انا نفذ صبري
كانت دايبة فيه ومنسجمة معو لدرجة ورايحين بحالة عشق اسمها عشق الأصيل
.............
كنت سامعة صوت حكيهن وخجلانة اصحي محمد لانو من ساعتين نايم ورايحة فيه نومة
ماما: اكيد هون هاد بوطو
عزمي:فرحان بنومتو عنا خلي مريم تفرقع
سيدرا :اي والله بسهرة مبارح كان ضغطها مرتفع
ماما:من غيرتها من طول عمرها بتكيد وبتوقع بشر اعمالها
بابا:يلا ع النوم كلكن
ارجعت ريحت حالي اتأملت نومتو
بقلب:يا اغلى من روحي انت لك ليش مرتاحة لانك بجنبي وصايرة قطعة مني
صوت نفسو راحة نفسية وامان لدرجة اي كليوم متل هيك بكون قلقانة ومو جاييني نوم
واليوم متونسة فيك كتير يعني لو بتصير برى حرب ما بهمني مسحتلو على خدو
واخجلت ابوسو هو بيحس لو بمثل النوم وقبل ازبط نومتي كان عم يتحرك وشاف الساعة من موبايلو
محمد:لك ليش ما صحيتيني
بلسم:كمل نومتك انت تعبان
محمد:مو حلوة
بلسم:انا مستقرة بغرفة القعدة لا تخاف ماحدا بفوت
محمد:لا بكفي لازم امشي
كان عم يجهز حالو
بلسم: حمودي خليك عندي
محمد:ياروحي انتي مافيني

بلسم: خايف من مرت عمي
محمد: شو علاقتها بس مو حلوة ومتل ما قلتلك جهزي حالك مسافرين بكرى
ودعتو بغمرة طويلة واطلعت لاسكر وراه لبس البوط وفتح الباب
محمد:تصبحي على خير يا روحي
بلسم:وانت من اهلو حبيبي.
سكرت وراه الباب وارجعت لاكمل نومتي بس ما اجاني نوم كنت عم افكر بالسفر ومتحمسة لانو رح ابعد عن حماتي وبناتها وخليهن يفرقعن
اتأخرت بالنومة لهيك اصحيت الساعة عشرة رسلان مو مخلي شي مو مخربو بالاول اتفقدت بيت عمي ومبين الحارة هدوء غسلت وارجعت طويت لحرام وعزلت الغرفة وقت اتصل فيني افرحت
محمد:صباح الخير
بلسم:صباح النور
محمد:اللبسي مابدنا نتأخر ولا تفطري عازمك على فطور
بلسم:متل مابدك يعني اكتر اغراض
محمد: شغلة شهر شهر ونص
بلسم:ماشي
فاتت امي لعندي
ماما:بلاقيكي مبسوطة
بلسم:بدنا نسافر
ماما:خير ما بتعملو بس مو تنسيني
بلسم:لا يوه ما بعملها
ماما: ديري بالك على حالك
بلسم:لا تخافي محمد معي
ماما:الله يحميلك اياه
بلسم:امين
ضبيت اغراضي واغراض رسلان ولاول مرة هيك بتكون عندي الطاقة إيجابية سيدرا انبسطت بدها تخلص مني وعزمي عاجبو ومو عاجبو وبابا بدو يريح حالو من هالمشاكل
بعد ساعة كانت السيارة باب بيتنا وعم يزمر ودعت الكل وبرى ودعت بس ستي ومحمد ودعها كمان وانطلقنا
بلسم: بتعرف هي احلى سفرة
محمد:وانا هيك شايف
بلسم: ومشان علاجك
محمد:بس يسافرو اهلي منرجع
بلسم:ووين بدنا نسكن
محمد:في شقة معي مفتاحها طلبتها من رفيقي
بلسم:ويعني
محمد:مداوم ومافيها حدا بعدين بدك تكوني اوعى مني بهالشغلة .
ساعات سفر ومحمد داعمني بالاكلات الطيبة وصلنا للمدينة مو متل كل مرة كنت مرتاحة كتير ودغري للبناية وعم اعيش اجواء غريبة كانت الشقة بسيطة كتير وبدها شوية ترتيب اتساعدنا عليها وبعد ما خلصنا جهزنا حالنا واطلعنا تمشاية للحارة ورسلان بالزور حاملينو بدو ينزل وعلى كيفو يفتل.
..............

ببيت ابو مهران كانت رح تموت من غيرتها وكيف سافرو ورجعت امورهن طبيعية
عازمين نوارة على العشى بس ما داقت الاكل لانو مو طيب متل اكل كناينها
ام مهران:وكيف بدنا نعرف ازا وصل اصيل
نوارة:من ايمتى حنونة عليه بالعادة بيغيب شهور ما بتسألي وبعدين يا ظالمة مين حرمك من اولادك
ام مهران:هي حرمتني اصيل
نوارة:هاد هو من يوم يومو اصحي لحالك يا مريم بكرى بس تصيري من جيلي ليرموكي
ام مهران:فشرو
نوارة:الكلمة الطيبة والحنية بتنفعك بكبرتك
ام مهران:....
نوارة:منيح طلاق سلام وهي عروس
ام مهران:كمان هي مني
نوارة:لا هي شر اعمالك وشماتتك ب ام عزمي نسيانة ولا ازكرك
ام مهران:والله الحق على ابن عمها هو وعدها
نوارة:كزابة بنص عينك
ام مهران:لوين بدك توصلي
نوارة: هالمرة اعملتي الي براسك المرة الجاي ازا بتحرمي اولاد اولادي من الراحة لاحرمك نومة عيونك
ام مهران:لا تخافي شايف هالبقرة مو مسدء
نوارة:من غيرتك تتشبهي الها ولشطارتها وقت كنتي من جيلها كنتي بهالشطارة على طول انيقة وريحتها متل الورد بيت اهلها بيشع نظافة برى قبل جوى وقت كان اخوها عريس طبخت طبخ ما دقت بطيابتو هاد الفرق بينك وبين ام عزمي هديك ربت بنتها وعلمتها وانتي شو عملتي ربيتيهن على خربان بيتهن لكن هاد طبخ وطبخ بلسم طبخ
حنان:اي طولي بالك مبينة انك بتحبيهن بتشوفي أنها احلى وارتب وانظف
نوارة:اي ومن هيك سالبة عقل اخوكي
سلام:افهمنا والله
نوارة: هالمرة حكيت حكي
ام مهران:اتصلي شوفي وصل
اتصلت فيه نوارة واطمنت عليه وعلى بلسم
سلام:شو وينهن ب الفيلا مو
نوارة:لا بالمطعم عم يتعشو
ام مهران: سألت روز مو بالفيلا
سلام:ايه نيالني
حنان:العز للرز
نوارة: يلا بخاطركن
كانن مستقلعات وبس راحت استلمنها
حنان:منافقة
سلام:ساوتها ليدي
ام مهران:لك مبارح نام ببيت ام عزمي
حنان:لا رجع الساعة تنتين
ام مهران:بدي اعرف كيف سلبت عقل هالولد
سلام:انووو ولد قولي هولاكو
حنان:ايه معقول نازلين بالاوتيل
ام مهران:شو احكي وبدي اسافر مارح استفاد مو بالفيلا لانهن
سلام:...
كانن مقهورات لابعد الحدود وغيرهن عم يعيشو احلى ايام حياتهن
..........
ارجعنا ومعنا كومة العاب ل رسلان وانا صحلي مكياجات كتيرة تركتو ينيم رسلان وفرشت بالغرفة يعني رح اضل انام بالارض انا وياه
زبطت مكان النومة وجهزت حالي لاسهر معو
واجى حامل الصبي لانو نايم حطو بفرشتو وغطاه واجى لجنبي دغري
بلسم: هيك اخرتنا نفترش الارض
محمد: ع اساس مبارح وين نمنا
بلسم: انت كملت على التخت
محمد:بجنبك بنام على الشوك
بلسم:لهدرجة
محمد: واكتر ليكي انا مو مسؤول عن اي تصرف
بلسم:لك محمد
محمد: يا روح محمد وقلبو وعمرو
سكرو الباب والي ناطرينو مارح اكتبو😂😂😂
....................

بيوم جديد كنت متهنية بحضنو انا شامة ريحة دخان بس كزبت حالي فتحت عيوني اي الافندي عم يدخن
بلسم:محمد عند الصبح دخان
محمد:طولتي حبيبتي
بلسم:ليش ما صحيتني
محمد:ما اقدرت اتحرك خفت ازعجك
بلسم: رسلان نايم
محمد: صحي وجهزتلو الببرونة وما بقى الا اغيرلو وانتي نايمة
بلسم:لا بقى تسهرني
محمد: لا ياااا اصلا صاير الليل احلى شي شو صحصحتي
بلسم:اي
محمد:ازا صحي رسلان ما دخلني فيه دوري بدي انام هلكان
بلسم:هههه لا تنام رح ساوي القهوة
رحت بسرعة لاعملها وقت ارجعت كان نص غفيان
بلسم: جهزت يلا
جلس حالو شوي
بلسم: هلأ بتصحصح على القهوة
محمد:لا من شوفة هالنعومة
بلسم: بتعرف انا مرتاحة هون ليكون هالشقة الك
محمد:تخيليني افوتك لبيت حدا غريب
بلسم:بتحكي جد
محمد:والله الي بس ماحدا بيعرف فيها ولا حتى عزمي وعامر على اساس انها ل رفيقي
بلسم:وليش من اول ما خبرتني
محمد:يعني هلا بتطمن مارح تخبري حدا
بلسم:وانت من وين الك المصاري
محمد:بس بيضل سر بيناتنا
بلسم:لمين بدي احكي
محمد: بتعرفي حصة ستي من الورثة
بلسم: اي
محمد:بوقتها صمدتهن دهب بهديك الفترة كنت متطوع جديد ولانو غبت فترة طويلة وارجعت طلبت مني اشتري شقة بالاول حكتلي الها وانها مو مأمنة الا فيني بس وقت اجى المحامي مشان تبصم خلتني ابصم على ملكية الشقة
بلسم:وانت وافقت
محمد:لكن بدي ارفض
بلسم:وليش الك
محمد:كانت شايفة معاملة اهلي السيئة بحقي وخافت انلحش بدون بيت ولا اي شي ينفعني
بلسم:والله ازا حدا دري ليموتو طقيق منها
محمد:وانا حسبت هالحساب هي مارح تحكي ويمكن يتعدل وضعي وبقول اني اشتريتها
بلسم:والله وقت يحكو انت حصة ستي ما بيكزبو
محمد:شو اعمل المحبة من الله
بلسم:بس عفشها ما حلو
محمد:حبيبتي جوزك منتوف وازا شايفيتني مدللك على الدين مو تفكري معبي مصاري
بلسم:انشالله بتستنى الموسم
محمد:وماحدا اعطاني حصتي
بلسم:استنى لكن
محمد:يعني منيح انو عندي شقة
بلسم: اي واكيد ارتفع سعرها
محمد: الدبل
بلسم:ليش ما بتأجرها
محمد:ما بقبل لانو مابعرف مين بدو يسكنها وماحدا الو امان
بلسم:حربوق ومكتر
محمد: بتسمحيلي انام
بلسم:بس بدي بوسة
محمد:ابشري واحلى بوسة
رجع نام وانا اتسليت على موبايلي ومبسوطة من كلشي عم يصير...وكل خمس دقايق تحل عليي موجة الانحراف وابوس محمد وهو نايم
.........
وبالتلة ابو بديع وعيلتو سافرو وسيدرا راحت للدكتورة ونفس الحكي لازمها علاج وفي احتمال ضعيف يصير حمل واية حملها مستمر وأنس اتجوز وشيماء طلعت حامل ايوب رجع للفرع وبعد ما انقهر منو انس خلى فاروق بيك يمنعو من الإجازات ومنو بيتربى
التلة بدون محمد وبلسم ورسلان لصغير بتشبه العتم
كان عزمي عم يودع ابوه وعمو هو وعامر
ونوارة على فراق اولادها بتزعل وابو مهران بعد سفر اخواتو خلص استجمام وراجع لعند مهران وشغلو
وبغياب كل لرجال عزمي وعامر ما بينامو متل الخلق بيعملو نوبات حرس على الاسطوح وبيومها اجاه اتصال من رقم غريب كان بجنب سيدرا ورد بتردد
عزمي:الو
حنان:عزمي انت بالبيت
عومي:حنان ؟؟؟شوفي
حنان:في حدا حاول يفتح باب البيت
ومتل البرق لبس بلوزتو على الماشي واخد سلاحو وقت سمعت امو فتح الباب طلعت من غرفتها ما لحقو بس ضرب مخزن رصاص مو بالسما بين الشجر
فزع عامر والجيران حسو على الصوت دق باب بيت عمو بقوة
عزمي:افتحي حنان
وقت فتحت كانت عم ترجف هي وسلام وام مهران مو اقل منهن خوف
عزمي: شو الي صار
سلام:كان في حدا
حنان:انت شفتو عزمي
عزمي: اسمعت صوت ركض لا تخافو انا هون
عامر:لك شوفي فهموني
حنان:انا كليوم بسهر على التلفزيون وحسيت انو حدا جرب يفتح الباب
عامر:هاد بيكون مفكر مافي حدا بالبيت
عزمي: خلص عدت على خير ولا تخافن انا هون وهي عامر
ام مهران:يكتر خيرك
عزمي:خير الله
كانت خجلانة منو كتير بالاخص انو عم يطمنهن
عزمي:سكرن منيح
رجع وطمن امو دغري
ام عزمي:وليش لتتصل فيك
عومي: شو يعني ما ضل نخوة
ام عزمي:اي انا ماعندي غيرك
عزمي:بنات عمي واستجارن فيني شه
ام عزمي:الله يحميك يارب وين رايح
عزمي:طالع للاسطوح
والخبر وصل ل محمد وطبعاً ما استغرب هو بيعرف انو النخوة بالعيلة مكتسبة من جدودهن بعد هالفصل سافرت ام مهران وبناتها تاركات التلة ل يلي بدو اياها
وعشاقنا عاشو شهر بالمدينة شبه سياحة وعم يدللو بعض لتزيد المحبة أضعاف مضاعفة لبعض
............
كنت عم اودع كل الزكريات الي تركتها انا ومحمد بالشقة وحسيتو متل الحلم كلشي عم يصير وصلنا للتلة عند لغروب ومع هيك اجتمعو كلهن يستقبلونا عند مدخل البيت احضان وبوسات كتيرة وستي اكتر شي فرحانة فينا
ماما:كيف كانت سفرتكن
محمد:غير شكل
ستي:لك انت تركت امك سافرت واجيت

محمد:اي ما اغلطت مين بدا
ام عامر:هي وانت معك حق
محمد:تفضلو ليش واقفين
عامر: لجيب مرتي بالاول
فتنا ومعنا بس ستي تركت رسلان عندها وفتت للغرفة ابدل تياب السفر ومحمد اخد منشفة وراح يتحمم وشوي التمو كلهن عنا .مزح وتلطيش حكي الكل يشارك الا أية خجلانة يمكن من عزمي ومحمد
رسلان حط راسو ونام وبعد السهرة نحن كنا ميتين من تعبنا اخدتو للغرفة ونيمتو بيناتنا
محمد:ما صارحتيني..
بلسم:بشو
محمد:سبب زيارتك للدكتورة والمراجعة
بلسم:كان عندي شوية مشاكل واطمنت عن حالي
محمد:متل شو؟
بلسم: شغلات نسوان انا بعرف انك خبير بهالاموور بس مارح احكيلك
محمد:انا خايف عليكي
بلسم:لا تخاف طمنتني
محمد: وما شافت انك حامل😉
بلسم:لا ليش مستعجل انت
محمد:بدي ادللك
بلسم: دللني مسبقاً
محمد: بأمرك وكمان ما صارحتيني
بلسم: بشو؟
محمد:حبيتي السفرة معي
بلسم: حسيتو شهر عسل
محمد:ورسلان اكبر دليل
بلسم:دخيل قلبو محمد لاقيلي حل انا رايحة فيها
محمد:اي خففي عيب عليكي حبيني شو ناقصني مثلاً
بلسم:لك بس اتأملو واتأملك بروح بنوبة عشق
محمد: ليش عاملة بحالك هيك
بلسم:اااااخ منك انت
محمد: رح تصبري على فراقي
بلسم:هالمر

- النص المستخرج من الصورة: 📝
M/
...
١٢:٥٩ ص
بلسم : هالمرة بتسجل رقمي على ورقة وبتخبيها بجزدانك وانا
کمان راح اسجل ارقامك عندي وانت بتاخد موبایلین احتیاط
وواحد اساسي وانا كمان
محمد هههه مجنونة وبلكي صار شي مو منيح
بلسم اترك هالشغل يا محمد
محمد بحاول خلص وانتي ادعيلي
بلسم صايرة امك يعني
محمد هههه عيب وليه بدك تلغي امي من الوجود
بلسم بتعرف قلبي بينفر منها لا تزعل مني
محمد: لهدرجة
بلسم لانو ماشفت بقساوة قلبها ابدا
محمد الكره بيعمل اكثر من هيك
بلسم ليش بتكرهنا
محمد اوعيت على الدنيا وهي تكرهكن ومو طايقة مرت عمي
ووقت طلبت مني اخرب على عزمي مشروعو لجديد بالاول
اترددت بس بعدين قلت صايرة وصايرة وزمان ما عملت
مشاكل
بلسم وضربتو وطاوعتها
محمد بس بعدين اندمت وقت رد الاذى بالمعروف ومن وقتها
حلفت ما اطاوع امي بشغلة
بلسم محمد شو قصة الحرامي الي جاي لهون
محمد متلي متلك خبرني عامر ويكتر خيرو
بلسم : ل عامر
محمد لك لاااا للحرامي لولاه كانت امي مستقرة هون
بلسم يعليكك شو قوي لكن يكتر خير الحرامي
محمد: ازا عرف عن حالو بدي اعطيه مكافئة مالية
بلسم هههه رسلان ماما اوعك تطلع لابوك ها
محمد اي اطلع لامك مشالله بيعتمد الواحد عليها بكلشي
بلسم ليكون مو عاجبك ابن مريم
محمد: لا لا عاجبيتني دخيل هالعيون انا دايب فيكي
بلسم : ايوا هيك بدي اياك
ব

- النص المستخرج من الصورة: 📝
١٢:٥٩ ص
..
25
NE
محمد : تربايتك ياروحي
بلسم الي بيسمع بسدء
محمد: مو قلتي صايرة امي
بلسم بس مو يعني اربيك
محمد ربيني والله ما بزعل
بلسم شو رأيك انا تعبانة وبدي انام
محمد هيك تنامي بدون وصلة رومنسية
بلسم هههه فكرت وصلة رقص
محمد ياريت ترقصيلي
بلسم: خلص الك مني شي يوم جو رومنسي ورقصة انا
مشتهية ارقص بس مو شرقي
محمد: لكن
بلسم سلو انا وياك
محمد انا صحيح عشت بالمدينة بس الله وكيلك ما بعرف
عن هيك رقص الا انو بايخ وبارد
بلسم له ازا حضنتني بتكون بارد
محمد : لا مو هيك بس بحس مبالغ فيه
بلسم يعني بدك ترقص معي مو بكيفك
محمد: انا شاطر بالدبكة
بلسم اي بعرفك ماني غشيمة عنك
محمد: يلا نامي وبلالك هالوصلة الرومنسية
وخلي رسلان بيناتنا
بلسم : لازمو سرير بخاف عليه من نومة الارض
محمد خافي عليي من نومة الوحدة
بلسم يا ويلي حاطت حطاتو من هالولد
محمد اصلا هو مريح قلبي لولاه لساتني عايش بحلم
بلسم هاد الاثبات يعني
محمد واحلى اثبات بحياتي
الصبح حس . على صوت بالمطبخ ومو متوقع شي ابدا
وانصدم بلسم نازلة ترتيب ومسح وتنظيف فرك عيونو ليتأكد

- النص المستخرج من الصورة: 📝
B
اسا
محمد شو صاير
بلسم المطبخ مزبلة بيقرف
محمد من الصبح
بلسم : فتت لاعمل قهوة ايبيع الزفر بكل مكان
محمد وين الولد
بلسم حطيتلو على اغاني الاطفال اتفقدو لا بقى ترجع
اشطف
للمطبخ بدي
محمد بدي انسفك عند هالصبح
خاف يبكي
راح وشاف رسلان مندمج كان مشتهي يعضو بس
ويوجعو باسو بوسة وشاف القناة الي حاطة عليها بلسم
محمد: ولا يمكن تطلع زلمة
غسل ورجعلها كانت واقفة على الرف ترتبو ودغري حملها
وصرخت بصوت عالي
بلسم |||||
محمد لك مجنونة انتي
بقي حاملها
بلسم دايخة يا محمد نزلني
محمد لااا في عقوبة على هالصبح المزعج
بلسم ......
قعدها على الرف كانت حالها بالويل بس هو مو شايف الا
ملامحها وبقي يتأملها
محمد يعني انا بعرف الواحد بعد فترة بفوت بمرحلة روتين
الا انا يلا بدك تعترفي شو عاملة فيني
بلسم هههه انت منحرف
محمد هي واضحة النقطة في شي تاني بلسم
بلسم انت سادء المشاعر
محمد: لو تعرفي الي ببالي
بلسم هههه خليني اكمل شغل
محمد بسرعة ها بكون جبت فطور كافيكي هالكركبة
بلسم اي بس لا تطول خلصت
ব

- النص المستخرج من الصورة: 📝
25 K/
..
O
محمد رسلان معي
بلسم دير بالك عليه
تركها تكمل شغل طلع جولة بالتلة وبعدين جاب كثير اغراض
للبيت خضرا وفواكه وشغلات ضرورية وفطور جاهز ورجع
زمر ل عامر لانو متلو رايح يجيب اغراض للبيت وقت رجع
كان البيت ريحتو معطرات ونظافة بتشع منو
بقلبو وبدها اخفف النظافة لحالها بتنحب ف كيف من حبيبة
قلبي
فات للمطبخ حط شوية اغراض وراح للغرفة كانت مبدلة
تیابها
محمد بری
بلسم حاضر
القهوة
طلت عليه كان مبسوط فيها كتير اخدت منو رسلان دغري
بلسم بتعرف لازم ستي تسكن عنا
محمد اي والله جبتيها
بلسم مو بس مشان هيك
محمد: لكن
بلسم: بوقت تسافر ما بدي اطلع من البيت
محمد....
بلسم : لا تخاف عزمي وعامر بالحارة
محمد.
بقلبو بالاول رح اشيك كل حصتنا وهيك بس بضل المنفذ
الوحيد شارع الحارة
بلسم ما عجبك
محمد بفكر بالموضوع
بلسم اي مابدي ارجع لعند سيدرا
محمد خلص منشوف شو الله بيسر
بعد القهوة اتصل بامين مشان يساعدو هو خبرة اكثر منو
وبعد الفطور طلع هو وعزمي وعامر ليشترو الشيك والمسا
جابو عمال وشيكو كل الحارة وهيك لتلات اطمنو لدرجة
ব

- النص المستخرج من الصورة: 📝
عامر: شايف لازم من زمان هالخطوة
محمد الفكرة فكرتك بس التنفيذ
مني.
K/
..
عزمي ولشو هيك
محمد يعني مشان الي بدو يفوت الحارة يحسب الف حساب
قبل يطلع منها
عامر: وازا هو زلمة يفوت من الشارع
عزمي مخ مشالله ليش ما كملتو دراسة كنتو هلأ عالمين
بالذرة
محمد هههه خلينا الاختراع الك يا معلم البلاط
عزمي : امممم احسن ما اكون شبيح
محمد شو عليه يا عزمي
عامر:وانا شو
محمد عزمي شلمونة
عامر: احسن من الكازوز
محمد هههه
صوت ضحكهن بكل مكان كانو يتأملو الشغل مزبوط وبعدها
جمعو حالهن وسهرو ببيت ستهن
ومحمد اصر يخليها تنام عندهن
طلعات
تاني يوم جهزلها غرفة ببيتو تخت وخزانة بس ما بيمنع
بالنهار بتقضيه ببيتها لانو بناتها بيزورنها بشكل يومي
يوميا تمشاية مثل العشاق اول تنين محمد وبلسم ومعهن
رسلان لانو بلسم ما بتتركو الا للضرورة القسوة ووراهن عامر
واية وبطنها قدامها ووراهن عزمي وسيدرا الي كل حكيهن
مناقرة وكانو بحرب
كان الجو بيجنن وانا متأثرة لانو قربت تخلص اجازتو لهيك
متمسكة فيه اكثر
بلسم : رح تتأخر
محمد: انشالله لا
بلسم رح تتصل

- النص المستخرج من الصورة: 📝
١:٠٠ ص
25
B
..
محمد كل شوي بدي اطمن عليكي
بلسم وانا كمان بدي اسالك شو المهام الي بتطلع فيها
محمد مو على طول . بس اوقات بصیر مشكلة منطلع كشف
للمكان واوقات بصير تشديد بالمحافظة مننتشر على شكل
دوريات بالشوارع
بلسم وبصير شي
محمد: لا ابدا بالعكس منعمل مثل السيران وبطلع للبحر لا
تخافي الله الحامي
بلسم : الحمد الله انت اتحسنت
محمد اخر مرة استفرغت فيها من بعدها مابقی حسیت
بالحجر الي عطول بيكون بمعدتي
بلسم الله لا يسامح الي عمل العملة فيك
محمد الحمد الله على كل حال
بلسم : رح اشتقلك
محمد وانا يا روحي وبدي تهتمي بحالك مو الاقيكي نحفانة
بلسم لك احلى مشان اللبس وما استحي
محمد هلا مو بتلبسي مشاني
بلسم اكيد
محمد اي انا بحبك تكوني مليانة
بلسم متل مابدك بس مو تصير تعيرني بكرشي
محمد: خهههه بعملها بس بمزح مو بجد
بلسم اي انت اكبر متنمر بالتلة
محمد: بهي. معك حق انا وقت اعرفت انك حامل خفت يجي
فيه علامة مميزة على اد ما اتنمرت على الناس
بلسم بتعرف يمكن اكون حامل
فجأة وقف رجعت مشيتو غصب عنو
بلسم : لك شبك
محمد عنجد... يعني اكيد
بلسم لسی ما اتاكدت بس احتمال كبير
محمد وكيف بدي أتأكد قبل اسافر
بلسم : خلص يتبب لا تشا هم

- النص المستخرج من الصورة: 📝
اسا
B
بلسم خلص بتبين لا تشيل هم
محمد: يارب تطلعي حامل
بلسم كانو رح تصير الحارة كلها اولاد
محمد بس اولادنا احلى شي رح يكونو
بلسم بالاخص رسلان هاتو عنك
محمد : لاااا ممنوع تقيل عليكي يعني بلكي تكمل معنا
بلسم : ع اساس نطرنا لولاد كثير
محمد الله كريم مو بشطارة حدا
بلسم اوف هيك يعني
محمد : لكن بشطارة الناس وقت الله يريد بيعطي
بلسم انت متل اخوك بتكره البنات
محمد مو کره بخاف عليهن خوف بس الي اتعرضتلو بحياتي
اکدلي اذا ولد ولا بنت نفس المصيبة لتنين لازمهن رعاية
وتوعيه
بلسم ايوا واحلى شي يكون البيت فيو اولاد
محمد ههه انت بالاخص لازم كل سنة تجيبي توأم
بلسم: الله يبشرك بالخير يارب
محمد جهزي حالك...
كانو ماسكين ايدين بعض
عامر: يكفي خلينا نرجع
اية: ليش
عامر: مابدي تتعبي يا روحي
اية : لا منيح المشي
عامر خايف عليكي .
كتير
اية: لا تخاف الله بيسر
عامر: بتعرفي انتي احلى شي صار بحياتي
اية مو احلى منك... انا ما فكرت بالتلة في شب حلو ومهضوم
ساكن فيها وعايش بيناتنا
عامر: وانا كمان بتعرفي برتاح وقت اتذكر اننا من نفس الضيعة
وانو كتلة هالجمال فزت فيها انا

- النص المستخرج من الصورة: 📝
B
ااا
اية بس خلينا متفقين انت احلى مني وكمان احلى شب هون
عامر: لا حبيبتي من بعدك مافي حلى
اية انا لاحظت ملاحظة
عامر: شو هي
اية : سلام بتضل تطلع فيك انت وياها حابين بعض من قبل
عامر: مو حب الي ببالك ... مجرد اعجاب وبس... واتلاشی اول
ما لمحتك
اية: ممنوع تحب غيري
عامر بدون ما توصي رايح فيها
اية هههه مبسوط رح يصير عنا بنوتة
عامر وناطف قلبي بدي اشوفها متأكد رح تطلع حلوة متلك
اية انا حلوة
عامر : احلى نساء الكون
اية بتعرف بحبك اكثر من اهلي
عامر: وهاد الي سعيتلو
اية: شو قلت
عامر : لا لا سلامتك...
قربها منو اكثر وكملو طريقهن
سيدرا: وهي آية رح تصير ام
عزمي اي وانتي رح تصيري ام
سيدرا بس انا قلبي مقبوض
عزمي: من شو
سيدرا انت وحيد واهلك اجباري بدهن يفرحو منك
عزمي:...
سیدرا: خايفة يجوزوك
عزمي خلص لا تعكري هالجو الحلو
سیدرا: قلتلك قلبي مقبوض
عزمي: لا تخافي مارح اتجوز
سیدرا: انت حلفت تتجوز
عزمی کلشی بحلفو لازم يصير
ব

- النص المستخرج من الصورة: 📝
عزمي: كلشي بحلفو لازم يصير
ااا
25
B
سيدرا بس مبارح كنتو تحكو بشي انت ومرت عمي وبس
اجیت سکتو
عزمي: لا ماصار
سييرا ليك ازا بدك تتجوز طلقني
عزمي يا الله كيف بتفكري خلص عيشي اللحظة ليش
بتستبقي الاحداث
سيدرا: يعني ناوي
عزمي خلص سيدرا انتي شايفة الوضع
سيدرا يا عزمي خدني الدكتورة تانية
عزمي بدك طريقة مضمونة
سيدرا اي
عزمي: جربي اتمني الخير للناس وحبي الخير للناس ولا
حدا خلي عينك بعيشتك وبس لانو بيحكو الحاسد ما
تحسدي
بینرزق
سید را لیش مین حسدت
عزمي عينك على بلسم وعيشة بلسم ومحبة محمد ل بلسم
وابن بلسم وازا طلعت حامل بلسم لتموتي طقيق
سیدرا: انت هيك شايفني
عزمي هاد انتي سيدرا لا تبكي وتستعطفيني

سيدرا:...
عزمي:صفي النية لانو النية بتغلب العمل والله لتحبلي الشهر الجاي
طبعا هالطبع غصب عنها تحسد غيرها بس مو قدرانة تتحكم فيه كملت المشوار بكي ونواح
بقلبها:معقول تكون حامل اوووف شو صايرة فقاسة ياربي دخيلك
................
بالمدينة عيلة ابو مهران على طاولة الاكل
مهران:شو أصيل بالتلة
ام مهران:اي أسمعت
سلام:كان خايف مننا
حنان:هيك بلسم بدها ما تعيش معنا
مهران:من الحنية الي عاشتها معكن
ام مهران:انا متزاولة منك كتير
مهران:خلص اتجوزو وخلفو كمان
ام مهران:وايمتى بيرجع لدوامو
مهران: الله اعلم
سلام:بس كمان نحن اهلو
ابو مهران:كل واحد بيتجوز بصير الو عيلة مسؤول عليها وابدا من كل العالم
حنان:ومننا
ابو مهران:اي المراة والاولاد ابدا من الأهل
سكتو كلهن
ام مهران بقلبها:المهم يضل منيح انا بعرف انو مستحيل يتخلى عننا
بعد العشى اجى جوز حنان اخدها هي والبنت ومهران اخد عيلتو ورجع لبيتو وام مهران وجوزها بغرفتهن وسلام بقيت وحيدة كانت عايشة بندم وتحاول تتواصل مع اي حدا ليسليها سيدرا ما ردت
بقلبها:بتكون بحضن جوزها
وحنان من شوي رجعت لبيتها وما لقت حالها الا عم تتصل ب أصيل وقت رد ارتاحت
محمد: الو
سلام:كيفك اخي
محمد:بالغلط متصلة
سلام:لا حبيت اطمن عنكك وعن رسلان
محمد:الحمد الله بخير
سلام:ايمتى راجع
محمد:دغري للدوام
سلام:اصيل انت زعلان مني
محمد:شو خطرلك عند هالليل
سلام:بتزكر ايام زمان كنت استنى لترجع ونحكي وتواسيني انا ندمانة كتير وبدي حدا يسمعني
محمد:على شو ندمانة
سلام:على محبتي ل عامر ومقهورة اتطلقت كرمالو وهو كمل حياتو
محمد:مع انو مو وقت هالحكي بس هي نتيجة الولدنة
سلام:يعني بستاهل الي صاير معي
محمد:والله مابعرف انت ادرى مني ازا بتستاهلي هالشي او لا....انتي ليش متصلة
سلام:بدي ازكرك انو انا اختك الي بتحبك
محمد:ازا بتفكري انا بكرهكن بتكوني غلطانة لساتك صغيرة.....الاحسن تكملي دراسة وانا بحكي مع مهران مارح يعارض ابدا
سالو دموعها لانو ماعم يفهم عليها هي محتاجة حدا يواسيها اكتر
سلام:طيب اخي مابدي اعطلك
محمد:ماشي
سكرت الخط وزادت بكي
سلام:الله يسامحك حتى انت اتغيرت
...............
قبل بيوم من السفر ضليت بحضنو غاصص قلبي من لفراق وهو يمكن اكتر مني
بلسم:والله مو حلو لفراق
محمد: بعرف
بلسم:بتوعدني ما تقطعني من اتصالك
محمد:ولو انقطع الاتصال من بالي ما بتروحي من اول ما افتح عيوني لحتى اغمضهن وحتى بشوفك بمنامي
بلسم:وانا كمان
محمد: مابدي اوصيكي ياروحي
بلسم:لا تخاف بين اهلي وعندي ستي
محمد:وحتى وقت ستي الصبح ترجع لبيتها بتسكري منيح وراها بدي تكوني واعية حتى من اقرب الناس عماتي مثلاً سيدرا بيلسان هدول كلهن بينخاف منهن
بلسم:...
محمد:ولا تقولي هاد منيح وهاد عاطل في شي بصير بحياتنا لازم ماحدا يدرى فيه
بلسم:انا اتعلمت كتير وكمان اوقعت بالفخ وكنت هبلة
محمد:طيبة قلب اسمها ولاتفكري انو الله كشفلك هالناس هيك لحتى تحتاطي اكتر واكتر بتديري بالك على رسلان واوعك حدا يقرب صوبو لانو بدرية ما صفي قلبها مننا انا بتحمل الوجع بس هو صغير وانتي كوني حذرة.
بلسم:عم توصيني بقلبي يعني
محمد:يلا نامي لا تفكري بشي
حسيتها صعبة هالليلة اتمنيت يخلص من شغلو ونرتاح بقى .
الصبح جهز حالو وودع رسلان وهو نايم كابرت على حالي كتير وودع ستي واخد رضاها وانا غمرتو عند الباب وضليت متمسكة فيه..
محمد:خلص بدي امشي وانا مطمن
بلسم:بعيد مشوارك للمدينة
محمد:مو اول مرة
بلسم: وحتى لدوام
محمد: بكرى رايح لدوامي منحكي الليل كلو
بلسم:محمد امانة امانة خليك معي
محمد:خلص بلسم لا تحرقي قلبي اكتر
بلسم:اترك هالشغل مشان الله
محمد:خلص يلا بشوفك بخير
بلسم:صرت اخاف من سفرك لانو المشاكل على غيابك بتنهال علينا
محمد:انشالله ما بصير غير الخير مطمن عليكي لانك عند اهلك
بلسم:اي ضلك حاكيني
محمد:بس اقطع الجسر بتصل فيكي
بلسم:تروح وترجع بالسلامة
محمد:الله يسلمك
باسني من جبيني ضليت أتأملو من عند الباب حط الشنتة واجى عامر وعزمي ودعوه يمكن كان يوصيهن فيني والا يضحكوه قبل يطلع وقت شفتهن سوى اتزكرت طفولتهن ومراهقتهن وهلا لانهن صار عندهن كل واحد عيلة
طلع بالسيارة واختفى من الحارة ورحت رميت حالي بحضن ستي
ستي:الله يحميه ويرجعو بالسلامة
بلسم:يا ستي بشع الفراق
ستي:انتي بتبكي بتريحي حالك شوي بس هو يعليي عليه بيكتم بقلبو بتفكري سهل لفراق السفر وعزابو بيشبه الموت
بلسم:اي مقهورة لاني شفت انو مو قدران يظهر زعلو
ستي:الله يحميه لا تخافي محمد اقوى من كل الظروف
بلسم:الله يسمع منك ادعيلو يا ستي دعاويكي بتستجاب
ستي:ما بدعي لولادي متل ما بدعيلو

ريحتني كتير بكلامها بس بقي بالي عندو انا بعرف انو التواصل معو رح يكون شبه معدوم بس ونست حالي كتير
........
طريق السفر كلو وهو بالو عند بلسم وصورة رسلان بين عيونو وصل للفيلا تعبان واستقبلوه اهلو سلام حضنتو لانها فاقدة السند من زمان وامو فرحت فيه كتير ارتاح بغرفتو اتعشى مع العيلة ورجع لينام بعد ما طمن بلسم انو ببيت اهلو وهو اطمن انو امها نايمة عندها كمان تاني يوم من بكير طلع للمفرزة وبسيارة خاصة فيها عناصر تابعين الو كملو للساحل لتبلش معاناة البعد بس الاتصال كان يهون شوي من الشوق
ساعات طويلة حكي ومزح وعتاب وشقاوة محمد عليها مكالمات فيديو ليشوف رسلان وحمل بلسم مستمر بدون اي مشاكل.
...................

قصة عشق الأصيل 20 الموسم الثاني

بيوم صيفي بأمتياز كنت مخلصة شغل البيت وبعدها اتحممت ستي رجعت لبيتها وانا مشطت شعري ورحت ارتاح ب غرفتي الفرح عم يغمر قلبي لاني بالتلة بهيك اجواء فتحت الشباك وفات هوى بنعنش القلب شفت اكتر من فيديو باعتهن محمد فتحت بحماس لاشوفو ب شورت وعلى يخت بالبحر والمنظر اكل من قلبي شقفة بعتلو قلوب كتيرة
وفوق منها اغنية عمر دياب الي مشغلينها بتفوت كمان بالقلب
الله على جمالو في كدة الله
ما بقى اتحملت فتت بنوبة عشق من اول لجديد
بلسم:انا بغاااار اتستر
وقت وصلني اتصال منو أفرحت بزيادة
محمد:ع شو غيرانة طلعة شباب
بلسم:اي ما بسدء بتكون مو مصور البنات
محمد:نشفان قلبي ومشتهي اشوف مراة
بلسم:هيك صار الحكي
محمد:هههه اي بدي اعرف ع شو غيرانة
بلسم:ولوو شباب بغار انا انت الي وبس
محمد:يسعد قلبكك بس الك حرام عليكي تكوني انانية
بلسم: حمودي لمين انت
محمد:هههه بس الك يا روح حمودك حلو الجو
عندك
بلسم:اي بجنن والهوى بيرد الروح وعند المسا عم نجهز شاي ونقعد تحت شجرة التوت وعامر وعزمي بحيبو بزر وموالح وبياخدولك رسلان للدكانة وبشترولو كل الاكلات الطيبة
محمد: ياااا لك زكرتيني بايام زمان
بلسم:اي نفس هديك الاجواء وعند المغرب منتمشى لراس الحارة ومنضب حالنا
محمد:يا روحي والله شوقتيني اكتر وهلا قلبي مابقى يطاوعني
بلسم:هههه واليوم السهرة ببيتنا
محمد:منحكي فيديو
بلسم:شو ناوي تتغدا
محمد:لو يصحلي بتغدا نسوان
بلسم:محمد😡
محمد:بمزح سمك مشوي
بلسم:يااااي نيالك انا مشتهية اتعشى سمك مشوي
محمد:ياريتني عندك كنت ما خليت شي بنفسك اي طمنيني كيفها حبيبة بابا
بلسم:شو عرفك انها بنت
محمد:اتصل عزمي وخبرني
بلسم: اديشو غدار كنت بدي احكيلك صبي
محمد:وشو رح نسميها
بلسم:انت اختار
محمد:عشق😂
بلسم:ما حلو
محمد:امبلا حلو وبصير اسمها عشق الأصيل
بلسم:ما حبيتو بدي اسميها ندى
محمد:بعد كلمتي مافي كلمة وبدها تتسمى عشق
بلسم:بس انا احردت يعني ما بيطلعلي اسمي شب ولد
محمد:الصبي والبنت الجايين عليكي الاسم
بلسم:حبيبي مطول انت والخلفة
محمد:هههه الحمد الله حيل موجود ولساتني شباب وبدي اخلف منك ست صبيان وست بنات
بلسم:ليش حبيبي عشرة ب عشرة
محمد:ما بخالف الي بدك اياه
بلسم:بعد هالبنت خلص مابقى اجيب
محمد:بتموني عليي
بلسم: مو بكيفك
محمد:باطل غصب عني يعني
بلسم:لا انا متعزبة من الحمل
محمد:بدك احبل عنك😂
بلسم:لا انت مو ناقصك
محمد:هههه متحلفلك ديري بالك مني
بلسم:وانا متحلفيتلك
محمد:ايواااا شو يعني بدنا ننبسط ولا نكد
بلسم:لا بسط وبس
محمد:الله يسرع بالاجازة
بلسم:يلا شد حيلك وتعال
محمد:حيلي جاهز بس الإجازة مطولة
بلسم:دخيلوو
محمد:شو وليه عشقانة ومكترة
بلسم:وبس اشوفك مارح اتركك بحالك بدي اطالع فرق الشوق
محمد:هاد الحكي الي بينسمع ودري رسلان لعند امك وخلص انا جاهز
بلسم:لا ياااا مانك مشتاق للولد
محمد: مشتاق لامو
بلسم:دخيل ابوه
محمد:يا ويلي لو انك قريبة شو بدي اعمل فيكي
بلسم:لا تشوقني للقاء
محمد:بس ما حكيتيلي شو متابعة هالايام
بلسم:العشق الممنوع😂
محمد: يسعدلي هالضحكة اي
كان حدا عم يندهلو
اصيل ...يلا بدنا نوصي على الاكل
محمد:منحكي المسا
بلسم:بالاول اللبست
محمد:ها ليكني عم اللبس لا تخافي
بلسم:دفي حالك
محمد:بامرك يا روحي ديري بالك على اولادنا شفتهن وما سدءت
بلسم:بعيوني انت وولادك
محمد:لا حبيبتي انا بقلبك رسلان بالبيت وعشق ببطنك
بلسم:😂 اي يا عمري الي بدك اياه بتستقبل بوسات
محمد:اااااخ منك انا الي بستقبل
بلسم:هههه قبل تنام
محمد:انا بفرجيكي بدو يجي الليل
بلسم:بالهنا سلفا للغدا
محمد:على قلبك حبيبتي
ارجعت اتفرج على كل المقاطع ودايبة فيه
..........
بقلبو:لو تعرف اني بأجازة ليجن جنونها بكرى بكون بحضنك يا روحي
كان عم يتصل ب عزمي وطول لحتى رد عليه
محمد:وينك ولاه
عزمي:هااااا شو بدك
محمد:بتعرفلي مطعم بيعمل سمك مشوي

عزمي: اي
محمد: بتجيب لبلسم ولستي عشى سمك مشوي
عزمي:اه يا كرشي
محمد:انا بس ارجع بحاسبك
عزمي:ليش ما طلبت مني
محمد:هي بدها مني انا حبيبها وجوزها
عزمي:ضريب اي
محمد:ههه مضغوط ولاه
عزمي:لا مو زيادة على كلا المسا بيفتح المطعم وهلا عنا اجتماع تحت التوتة
محمد:ياعمي والله بحسدكن ليك مو تشتري للولد شي رخيص اوعك ها هاد ع الغالي متربي
عزمي:هههه اي متوصي فيه مبارح جبتلو علبه عصير منتهية الصلاحية
محمد:انا بفرجيك جاييك
عزمي:هههه قول ما اعرفت اربيك
محمد:رايح اتغدا بدي اسمع من بلسم انو اتعشت سمك مشوي ليك لا تخبرها هلا خليها تنصدم هي بتحي الاكل كتير
عزمي:😂اي وكل الله
سكر معو وراح لعند فادي
فاظي:خلص ياعمي والله انا الي اهل ومراة بس مو متلك هيك
محمد:لك اتمرمرت بحياتي خليني اعيش يومين نظاف
بلشو بالاكل وعلى مناقرة ومزح
.......
المسا وقت شميت ريحة سمك مشوي ما سدءت كان عزمي جايب العشى اي لو طالبا من المارد ما بتكون عندي
عزمي:اتفضلي خيتو
يلسم:لك شو عرفك
عزمي:جوزك شاغلني وشاغل بالي
بلسم:خهههه يسلمو فوت
عزمي:الو الاجر جبت للعيلة كمان وعامر جاب لاهلو يلا اتعشو اسمنو سخن
بلسم:يخليلي اياك يارب
بقلبي: الله لا يحرمني منك حمودي لك مهتم فيني وهو بعيد عني
اتعشينا وستي دعتلو كتير لانو مدللني
بعد العشى اجو لعنا واتصل محمد وبلشو مناقرات ومزح وانا مابدي يضل بعيد بدي يرجعلي باقرب وقت
وقبل انام اتصل فيني اتصال خاص ورديت وانا مبسوطة
محمد:كيفها حبيبتي
بلسم:بنتك
محمد:لا حبيبتي الأساسية
بلسم:زعلانة منك
محمد:له ليش
بلسم:ليش معزب حالك
محمد:عزابك راحة انا مابقبل اخلي شي بنفسك
بلسم:بكرى في حفلة
محمد:لمين؟
بلسم:لاخوات امين رفيقك
محمد:ليش خطبو
بلسم:واية مو مبسوطة لانها على وش ولادة
محمد: تهز متل حنان ما شفتي كيف صبحت جايبة
بلسم: حمودي عيب عليك صرت اشك انك دكتور نسائية
محمد:ياريت😂
بلسم:بلا جد
محمد:شوفيها ورا مكتبي وكل شوي بفحص شي مريضة
بلسم:لا انت من المرة
محمد:لا تخافي بس فحص
بلسم:لا انت مو معقول
محمد:هههههه شايفيتني خبير بالنسوان
بلسم:اي لو مابعرفك بقول كنت تتسمع على حكي نسوان عمامي
محمد:ههه هي بالفطرة الشغلة عندي
بلسم:ياربي بدو يجنني
محمد:انعزمتو
بلسم: اي بس مستحيل اروح
محمد:الكل رايح
بلسم:اي اكيد
محمد:لكن بتروحي بتغيري جو وكمان ما بتضلي بالحارة لحالك بخاف عليكي
بلسم:بس رح يكون مليان شباب
محمد:مو معك امك وستي ومرت عمي انا مصرحلك تروحي
بلسم:والله مو مسدءة انت بطلت تغار
محمد:لا بغار عليكي بس بعرفك منيح.
بلسم:براحتك وما خبرتني ايمتى بدك ترجع
محمد:يعني ما تقولي الا شوي
بلسم:كانك حكيت انو مطولة
محمد:اي بس بتفرج
بلسم:وين انت
محمد:جاهز للنوم وعندي دوام من بكير
بلسم: وانا كمان نعسانة بس مشتاقة كمان
محمد:يلا هاتي بوسة ونامي
بلسم:هههه اي تكرم الف طلب متل هالطلب
............
بحفلة نضال وبلال كان صوت الاغاني من الساحة يصدح واية ببيت اهلها ونحن قبل المغرب جهزنا حالنا اخترت ل رسلان طقم جينز معو قميص ابيض وبوط ابيض وجهزت حالي واطلعنا تمشاية لبيت العرسان التقيت ب شيماء كانت على اخر طراز وبعد ما عتمت العين رحنا تمشاية للساحة الانارة زكرتني بحفلة عزمي وعامر وهنيك في حضور بس لسى مو كتير في ناس قعدت بحد شيماء وسيدرا والساحة مبينة علينا اجواء الفرح بتجنن بالتلة موال عتابا بيخص عيلة العرسان وبعدها بلشت الدبكة وما خطر على بالي الا محمد ياريتو بالتلة ويحضر هو بحب اجواء الفرح كتير
شيماء:مو تخافي بدهن يقوصو
بلسم:بينزعو هالحفل بالقواص
شيماء:من مبارح مجهزين كلشي
بلسم:بدي اسألك مو ناويين تجوزو ايوب
شيماء:امبلا بس ليعتمد على عروس
بلسم:يعني كلها عم تتجوز
شيماء:هههه انا بقول نهايتو ل سعدية
بلسم:كتير لابقين ل بعض.
اجى عزمي اخد مني الولد لينزلو للساحة وقلبي فرح وقت شفتو بس يكبر رح اعملو حفلة ماصارت بالتلة بعدها شفنا عم يستقبلو حدا وما كنت متوقعة مين المعزوم من برى الضيعة دفشتني سيدرا
سيدرا:لك بلسم هاد محمد
هلا ركزت منيح وزاد خجلي وقت شفتو عم يسلم على امين و يبوسو وكانو معو حدا بس انا بفرجيه ما خبرني بنوب انو جاي للتلة وبعدها اسمعت صوت التحية باسمو واستغربت اهلا وسهلا ب سيادة النقيب محمد
الأصيل
حطيت ايدي على خدودي حسيت حرارتهن فل
شيماء:ولي عليكي البطن التاني ورايحة فيها
بلسم:ما جربتني تنامي بعيد عن امين
شيماء:هههه ما بنام عندي وقالب حياتنا هو وهالمرزعة
بلسم: بس ما غبتي عنو شهور
شيماء: بتلاقي حجة ؟؟؟ ميتة عليه وليه
بلسم:ههههه اي والله شو عرفك
شيماء: الله يحميه وتضلو كل العمر مع بعض

انتبهت انو معو رسلان وداب قلبي من هالمنظر
سيدرا:شو وليه كنتي بتعرفي
بلسم:ولا ببالي اصلا من هيك سمحلي احضر
سيدرا:ولو ما احضرتي كنتي رح تعرفي انو موجود عم يرحبو فيه
وماما انتبهت ودغري طلت عليي لهيك فرطت من الضحك عليها كأنو من حصتي لحالي رجعلي الولد عزمي وشفتهن بالدبكة امين وعامر ومحمد وعزمي صف واحد وقلبي عم يضحك من فرحتو لوجود حبيبي قريب مني
وبعد ما شفتو انسحب من الدبكة بعتلو
بلسم:منور الحفل
محمد:ليش وين انا
بلسم:بسيطة فيك تاني مرة بتخبرني
محمد:ربع ساعة مروحين
بلسم:وانا
محمد:عندي دوام
بلسم:لاااا
محمد:يا جدبة لعندك مروح مو للدوام
بلسم:بس مو مجهزة حالي
محمد:ههههه
سكر يمكن انشغل مع حدا
وبعد نص ساعة صفط السيارة قريب مننا ورحت لعندو وبطريقنا للبيت
بلسم: مارح تنال شي بس لانك أجيت فجأة
محمد:ههه ايه منشوف مين المسيطر
بلسم:حارتنا فاضية
محمد:وهو المطلوب
انزلنا سوى ورسلان معي واول ما فتنا للبيت غمرني انا ورسلان سوى
بلسم:اشتقتلك والله مو مسدءة انك بيناتنا.
محمد:ومعي إجازة شهرين
من الفرح غمرتو بكل قوتي
بلسم:بتمزح
محمد:لا بحكي جد يعني رح نشبع من بعض مع انو ما بينشبع منك
كاني بحلم عشيت رسلان وهو فات يتحمم
بلسم: شفت ابوك شو بحب المفاجآت....دخيلو شبيه ابوه.....لك بدك تطلع متلو هيك شخصية وتفرض حضورك على الكل ويكون الك قيمتك بين الناس
وقت اجى كان مبين عليي اني مبسوطة قعد بجنبي وقربني منو
محمد:بيطول بالسهرة
بلسم:ههههه لا بس يمكن لانك هون ماينام
محمد:نام حبيبي مو فاضينلك
بلسم:لك ليش ما كملت الحفلة
محمد:مابعرف الشوق
بلسم:وغلبني😂
محمد:عم تاخدي مصطلحاتي
بلسم:دخيلو المتنمر😂
محمد:لك احكيلي مبسوطة
بلسم:انوووو مبسوطة لك محمد انت مترفع
محمد:يطعمك الحج حبيبتي
بلسم: عنجد انت نقيب
محمد:لكن انحرمت منك شهور هيك
بلسم:يا عمري مع انو ما بحب شغلك بس منها للاعلى
محمد:شو بدك اترأس شي فرع
بلسم:لا يااا بخاف عليك
محمد:خلص لكن كيف اعرفتي اني بالحفلة
بلسم:شفت تجمع وسيدرا خبرتني انك اجيت
محمد:حتى عامر وعزمي انصدمو
بلسم: بدي اسميك ابو المفاجآت
محمد:نيمي رسلان لا يطول ها
بلسم:حاضر
.......
طلع لبرى اخد الشنتة من السيارة ورجع للغرفة ومو مسدء ايمتى تصير بحضنو وصوت الاغاني بالتلة لسى عم تصدح بس هو ما هامو الا رجعتو لعند بلسم ناسي اهلو وكانو بلسم أهلو وكل ناسو وبعد ما نام رسلان قعدت بجنبو ومن صوت لرصاص خافت
محمد:شبكي ليش خفتي
بلسم:حتى رسلان بينقز من الصوت
محمد:اي قويلي قلبك بدي اعلمك عليها
بلسم:يييي بموت والله
محمد:بنت الاغا لازم تقوص بقلب قوي شبكي
بلسم:حبيبي عندك انت علم اخواتك
محمد:بس بيلبقلك الك اكتر
بلسم:....
كان الصوت عم يتجدد وهي من كل عقلها عم تنقز
بعدها غمرها وراحو لعالم تاني😂 متل الي ماكتبتلكن عنو
والإجازة كانت من احلى ايام حياتهن 💕
.................
بعد مرور عدة سنوات
بالمكتب وبعد ما استلم منصب رائد فات ايوب وضربلو تحية
ايوب: احترامي سيدي
محمد:وصل
ايوب:بغرفة التحقيق
محمد:...
وقف بهيبتو وكلو وقار كان لابس قميص ابيض ولابس حزام المسدس وطلع من مكتبو ونزل ل غرفة التحقيق كان مهران مكلبش ومذلول
وقت شاف اخوه نزل راسو
محمد:طولت عليك
مهران:شو تهتمي
محمد:اغتيال الرائد عبد القادر
مهران:اخي
محمد:شيل صلة القرابة انا هون محقق وانت متهم وياريت لا تخلط الامور بدك تعترف
مهران:...
محمد:بس تعترف رح يتخفف الحكم
مهران:مين اعترف عليي
محمد:من وقت كنت عنصر كنت بعرف مين ورا الاغتيال وبعدها فاروق بيك طلب مني افتح تحقيق بخصوص اغتيالو
مهران: طالعني من هالورطة يا اصيل
محمد:انت خليت فيها اصيل عصابتك مهران لازم تتفكك
مهران: الي بدك اياه ووعد لاهتم بشغلي وبس
محمد:شغل مين انت مالك شغل غير التشبيح
مهران:بترجاك يا اصيل
محمد:...
كان عم ياخد نفس وبنفس الوقت مو مطاوعو قلبو باخوه بس هو غلطان
بقلبو:لو كنت مكاني ....اخ بس انت ذليتني بدون ما اكون متهم
مهران: ازا مو مشاني مشان ابني ومرتي
محمد:بدك تتعاقب والقانون ياخد مجراه
مهران:مين بيعمل بأخوه هيك
محمد:ليك هلا رح ينكتب المحضر انا اليوم دمي اتحرك بس مو كرمالك كرمال ابنك وبس رح تنسجن هالكم شهر لتتربى
مهران:...
محمد:....
طلع لمكتبو وجابو مهران بدون كلبشات كان عم بنكتب المحضر واتحول للمحكمة
كانت نفسيتو تعبانة على اخوه
بقلبو:وقت رجعوني للمدينة مافكرت استلم قضيتك انت بس لازم تتعاقب مهران والحق لا يعلى عليه
تاني يوم عملية اغتيال بالتلة وهي مو اول عملية بتصير لشخصية معروفة بالامن واجى الامر يستلم محمد التحقيق بالقضية
بعدها اتشكل رتل عسكري بقيادة محمد وبطريقو للتلة وكل انواع الشوق عم تلوح بعقلو وقلبو

.............
كنت معصبة لدرجة الافندي من مبارح مسكر موبايلو رسلان عم يتمشكل برى مع اولاد الحارة وعشق عم تبكي وانا مو ملحقة
بلسم: يا ستي انتبهي ل عشق رايحة اشوف مين ضارب هالمشكلجي
اللبست على راسي واطلعت بسرعة كان معو عصاية وحجر وبنص لسان عم بهدد ابن جيرانة
بلسم:لك رسلان شو عم تعمل
رسلان:هو بدا
بلسم:شو القصة
الولد:خالة اجى ابنك ومعو طين ورماهن علينا
بلسم:لك انت ما بدك تبطل المشاكل
وقفتو كانت بتدل على الزعرنة
رسلان: بكرى منتواجه
بلشت اولول عليه وشحطو شحط لجوى
رسلان:انتي صفيتي مع الغريب ضدي
بلسم: اي لانك طالع لابوك داير تتمشكل فوت لقلك ع الحمام بسرعة غسل
طبعا ستي ضحكتها شبر
بلسم: بلاقيكي مفرفحة على شوفة ابن ابن ابنك
ستي:زكرني بابوه دخيل عينو
بلسم:ايوا هاد الي كان ناقصني
كنت عم اطبخ مقلوبة رحت لشوفها
واتزكر فعايل رسلان وبعدين خطرلي ابوه ل رسلان وقلبي مليان عليهن اطلعت لشوف مين بدو يجيبلي اغراض من الدكانة ندهتلو للولد
بلسم: تعال بدي اياك
اجى كان مبين عليه مؤدب مومتل ابني قليل ترباية
الولد:اي خالة
بلسم: بدي تجيبلي كم غرض من الدكانة
الولد:حاضر خالة
أرجعت استسمحت منو ما طول رجعلي دغري
الولد:الله يستر
بلسم:خير شوفي
الولد: شفت رتل عسكري فايت للتلة شكلو مشان الي صار مبارح
بلسم:الله يفرحها يارب
اخدت منو الاغراض وفتت اكمل الطبخة ورحت لاخبر ستي.
بلسم:في رتل غسكري بالتلة
ستي:وين الجديد متعودين
رسلان: ليش بابا ما بيحكي معنا
بلسم:لتتربى بيحكي
رسلام:انا بدي اروح اللعب عند ملك بنت عمي عامر
بلسم:لا ضب حالك مافي روحة بعدين رح تشل بيتهن اية شكت منك وبتضرب البنت
رسلام:بستها والله
بلسم:هههه بدو يفضحنا بكرة بيقولو طالع لابوه
رسلان:اشتريلي دفتر وقلم
بلسم:خلص بكرى بس لا تصرعني
كنت مشغولة بالطبخ وقت اندق الباب ومتاكدة ملك جاية تلعب وعبالها تنضرب فتحت وعيني على عتبة الباب وانصدمت ورفعت عيوني لاشوف محمد وقلبي بلش يعزف كل النغمات
كتمت ضحكتي لاني مصدومة
محمد:معصبة
بلسم:انت هون
محمد: بمهمة بس قلبي ما طاوعني افوت التلة بلا ما اشوفك
فات ودغري غمرتو
بلسم:يا الله شو عامل فيني
محمد:وين لولاد
اجى رسلان ركض حضن ابوه وهو راح سلم على ستي وحمل عشق وباسها وعضها من غيرتو
بلسم:لك بالغصب لحتى سكتت
محمد:هههه شو هالروايح اه
بلسم: مقلوبة ومعزوم انت
محمد:خلص مستحيل ارفض عزيمتك بس هلا ما معي وقت
الحقتو لاشوف السيارة ناطريتو ومعو كم عنصر رجع ودعني ب غمزة وراح قعدت مصدومة ومسدءة ومو مسدءة
ستي:شبكي حبيبتي
بلسم:ما فكرتو جاي مع الرتل
ستي:الله يحميه بتعرفي كل كم يوم بتيجي وحدة بدها محمد يتواسط لابنها ويفوت للفرع
بلسم:دخيلك على هالشغلة
ستي:لشو الحكي والله بفتخر فيه ما اتوقعتو يوصل لهون
بلسم: امبلا وبالدليل ماضيه متل عمايل ابنو هلأ
ستي:دخيلو هو وولادو
كملت الطبخة وناطرة الافندي يرجع وقت اسمعت صوت السيارة فتحت الشباك شفتو كيف صرف العناصر واجى وقلبي عم ينبض بفرح اتغدينا سوى وبعدها فتنا للغرفة كان مبين انو مهموم وهلكان
بلسم:سلامتك حبيبي
محمد:الله يسلمك
بلسم:بدك ترجع اليوم
محمد:اي خلصنا كشف المغرب راجع
بلسم:الله يكون معك شبك حبيبي
محمد:هالبال مو فاضي بنوب
بلسم:اشكيلي حبيبي
محمد:مو اليوم يوم تاني
بلسم:طيب رح اجهز الشاي
محمد:....
اشربنا الشاي برى والتمو كلهن علينا مزح وضحك تحت التوتة والمغرب حتى بدون ما يتصل بحدا اجو عناصرو واخر شي غمر رسلان وباس عشق وودعنا وطلع معهن بس ما كنت مطمنة عليه بس مسايرة الوضع وشغلو كمان....
..............
بعد انتظار حبلت سيدرا وكان الخبر شبه قنبلة فرح لكل العيلة ومتل ما نحن متعودين نجتمع ونسهر ومحمد كل شهرين عم يرجع اسبوعين وهيك خلص هاد نموذج حياتنا الأجواء ربيعية وطالعين سيران على التلة مو بس عيلتنا وامين وشيماء كونهن مقربين مننا كتير
كنت عم اتأمل الكل بدون استثناء الكل متغير مزح وضحك متل ايام زمان وسيدرا متحسنة كتير على الحبل كانت ما تقبل تقرب صوب اولادي هلا عم تبوس عشق وفرحانة كتير فيها بعد الغدا تركنا لولاد عن امي ورحت مع محمد لانو اشرلي نتمشى على التلة وماسكين ايدين بعض كنا عم نتأمل جمال التلة
محمد:في احلى منها
بلسم:اكيد مافي
محمد: يمكن الصلة بيني حبي الها هو حبي الك
بلسم:بتعرف انا كنت بدي احكيلك انت احلى من كلشي في بالتلة
محمد:اصارحك
بلسم:ياريت
محمد:وقفتي معك هون وماسك ايدك هيك وولادي منك كان بالنسبة الي حلم
بلسم:وانا ما فكرت احبك كل هالحب انت مابقى زرت بيت اهلك
محمد:مطرح ما برتاح بروح
بلسم:ومكان شغلك بترتاح
محمد: أنا بدي اخبرك
بلسم:اي خبرني

محمد:قدمت استقالتي
حسيت بفرحة كبيرة
محمد:بس لا تفكري انو رح اكون بأمان اكتر
العقود الي وقعها مهران خلصت وهو بعد ما انسجن عم يشتغل بالعقارات وفاروق بيك اتفهم سبب استقالتي
بلسم:كيف يعني بخطر
محمد:مع انو ما اذيت حدا بس في كتير بيحقدو بدون مبرر
بلسم:المهم تضل جنبي
محمد: خلص مابقى في فراق
بلسم:وشو رح تشتغل
محمد:رح استلم الارض بزرع وبحصد وبهتم بالزيتون
بلسم: اي احسن من شغلك بكتير
محمد:بتقبليني فلاح
بلسم:شو ما كنت المهم انك محمد الأصيل وابن العم
محمد:شو رايك بلمتنا
بلسم:مافي احلى منها محمد شو رأيك نحدد النسل
محمد:ههه بدك تضحكي عليي
بلسم:اولادنا صغار ونحن صغار
محمد:بس هلا فرصتك لتحبلي وتجيبي توأم
بلسم:انت بتحكي جد
محمد:اي بلسم الي ما حققتو بحياتي بدو اشوفو بولادي
بلسم:وشو هو
محمد:الود والمحبة انتي قلبك طيب وعسل وانا اتعدلت وبدي اشوف اولادي ايد وحدة وبحبو بعض وبكرى بس نكبر رح يجو يزورونا ويحكولك يا تيتة بلسم احكيلنا قصة حياتك مع جدي
بلسم: يا الله رح يجي هاليوم
محمد:ورح يكونو اولادنا مع ا