Stories 📖

بلسم:وانت مداوم شيبتني
محمد:ههههه فرجيني الشيب
بلسم:لولا مهران كانت عجبت فيني
محمد:مهران؟؟
بلسم:اي ما خلاها تتحكم فيني
محمد:وهو اشترالك الموبايل ودافعلك بغيابي اكيد في عطل بالاعدادات
بلسم: هاد الي صار ولسى مبارح سألني شبكي
محمد: وكنتي بدك تحكيلو
بلسم: اي كنت مخنوقة كتير
محمد:ياريتك تحكيلو هاد مجنون نظامي انا اوقات بروق هاد ولا يمكن اوعك بلسم
بلسم:ازا بدك ما احكي ولا اشكي لا تزعلني بس لحتى اولد
محمد:اي وانا كمان قرأت عن نفسية الحامل وكيف الجنين بيتأثر
بلسم:يعني مو خوف عليي
محمد:لا امبلا عليكي كمان
بلسم:يعني مبارح كنت معصب هلا مروق انا عنجد بلشت انفصم
محمد:هههه بلا عليكي شو خطرلك من الصبح
بلسم:لك انت ما بتستحي وبتحكيلا حكي عيب ينحكى
محمد:ههه وانتي اسمعتي كلشي
بلسم:ومقهورة من جرأتك معها
محمد:الجريء بدو جريء متلو😉
بلسم:هي اسمها قلة ادب
محمد: اي لانو رفيقتي هي بس لو انا وياكي ما بتكون اسمها قلة ادب
بلسم: اي ما بقبل بهالحكي
محمد: وهاد من اسباب الخيانة الزلمة بيدور على وحدة تلبي كل طلباتو وخجل المرأة من جوزها ما بيزبط يعني اجباري يا اما يحكي مع غيرها وينبسط يا اما يجرب كلشي بنفسو
بلسم:وهي بدك تقنعني بنت
محمد:اي شقفة كمان
بلسم:عنجد اليوم انزلت من عيني واكدتلي انك عامل العمايل
فرط ضحك وهي فاتت حردانة
بقلبو:لسى ما شفتي شي
.........
كنت شبه مرتاحة لانو ما خلاني احرد اصلا عملت الي عملتو وانا خايفة منو واستغربت من ردة فعلو الله يهديه ومابقى يتزكر لانو هالمرة رايحلو على البيت لامسح فيه الارض
رتبت لفطور على الطاولة واجى حضرت جنابو
محمد:جهزي حالك
بلسم:لشو
محمد:بكرى بدي اعزم العرسان وعمامي
بلسم: ومين الطباخ
محمد:انتي من هلا رح اجيب كل لوازم العزيمة
بلسم:ليش نحن مين عزمنا
محمد:والله هاد واجبي وانا مستقل مو متل الباقيين
بلسم:لحالي مابقدر
محمد:لحالك ولا بس بينضرب فيكي المثل
بلسم:لكن ليش ما عزمت واهلك هون
محمد:ما بأثر
اليوم كلو انشغلت مشان العزيمة مع انو ماحدا بيستاهل غير ماما وبابا بس الافندي صاحب واجب ومكتر
تاني يوم كنت مشغولة بالمطبخ ومحمد بس عليه يجي يزيد اللبكة ويضيف تعليمات ما الها داعي بعد العصر كان كلشي شبه جاهز رحت اللبست مو اقل منها انا بلسم على سن ورمح كنت ناوية اغطي على العروس بنت عمي الي فجاة اتحولت من اعز رفقاتي لوحدة غريبة ما بعرفها ابدا ومحمد لبس جينز وقميص ابيض وطلع يستنى وصول المعازيم وانا اطلعت استنى معو وشوي وصلو ستي وبابا وماما استقبلناهن بالمضافة واطلعنا نستقبل بيت عمي ابو عامر واخر شي وصلو العرسان بس انا ما رح اسلم على حدا ابدا اتأملت سيدرا اي ما كانت متل باقي العرايس الي بيحلن على الزواج طنشت عزمي وهو طنشني وما همني ابدا وشوي اشرلي محمد ورحنا للمطبخ مشان نسكب الاكل
وهو الي بلش بالصب
بلسم:اتاريك شاطر
محمد: تا تعرفي
بلسم:لكن ليش ما طبخت انت
محمد:ازا بدك بجلي الجليات
بلسم:هههه اتخيل ياترى الاكل طيب
محمد:شي مفروغ منو
بلسم:هههه لكن ليش قلت في شي ناقص
محمد:الحلو لسى ما جبتو
بلسم:اي اهم شي الحلو
بجية ماما كانت جاية تساعد
محمد:ارتاحي مرت عمي كلشي جاهز
ماما:خليني اساعدكن
محمد:انا اوعيت على الدنيا وانتي ام الولائم والكل بيستعين فيكي هالمرة حبيت تكوني ضيفة عنجد
طبعا كتير انبسطت ماما فيه ضربتو على كتفو
ماما:ما اغلطت وقت وافقنا عليك
محمد:شايفة انا احسن صهر عندك
بلسم:هههه ومافي احسن منك
ماما: طبخك ولا طبخ بلسم
محمد:انا اشرفت على كلشي وليكني حطيت لمساتي الأخيرة
بفوتت عزمي
عزمي:بدك مساعدة
محمد:جهزلي كرشك يا عريس
عزمي:هههه على كيفك
محمد:عاااامر
عزمي:ليش بدك اياه
محمد:ناقص بس هو
طبعا فات عامر وما وفر بلش ينقرش
محمد:عليم الله رايح الأكل فيك بالطول
عزمي:ههه وانا بالعرض
ماما:يلا شدو همتكن
ساعدونا ب نقل الاكل للمضافة وسيدرا لساها اخدا وضعية العروس بس بيطلعلها
والكل عم يمدح بالاكل وستي بس تتبسملي مبسوطة فيني بعد الغدا طلعو لتلات مشوار وما خليت سيدرا تساعدني ابدا خلصت جلي وجهزت الفواكه هاد ابو الكرم حسابو بعدين
واجو بعد المغرب كالعادة على مناقرة ومزح حطيتلهن فواكه وجهزت القهوة والحلو اي مو مسدءة نودعهن وانام واريح حالي كتير اتعبت
...........
تاني يوم كان عندي غسيل كتير وما نشرت الا لحتى كان معي ويراقب الأجواء فاضي لحالو بس محمد في شي شاغل بالو يارب نسيه ايوب وخلصني من هالمشاكل المسا ضبيت لتياب واتعشينا ورحنا لنسهر ببيت ستي وقت وصلنا لجنب بيت اهلي كان صوت عزمي طالع لهيك وقفنا انا ومحمد
عزمي: بضربك وبكسر راسك وراس الي مكبرلك راسك عروس يوم يومين شو بدك امي تخدمك وانت نايمة وعلى الموبايل

2.3K views°• ᒪᗩᗰOOᔕᕼ °•🌸, 23:13