- النص المستخرج من الصورة: 📝
۱:۲۳ ص
B
..
محمد: حطيه هون
روز بدك شي تاني
محمد بعد العشا جهزي القهوة
روز متل مابدك
طلعت وسكرت الباب
:محمد مابدي اعيد الحكي
بلسم حكي شو
محمد بتتعشي وبتشيلي الزعل على جنب الاكل اكل والزعل
زعل وع الفطور مشيتها لانك ما دقرتي الاكل وهون ما الك
حجة
طاوعتو كنت بدي تتصلح العلاقات ومابدي اي شي تاني
منظري بيناتهن مو زابط يمكن لانو محمد مو طايقني غسلت
ورحت شاركتو الاكل
محمد من الغرفة ممنوع تطلعي وممنوع تسمعي كلمة حدا
وازا ماما بتحكيلك تعالي اشربي قهوة بترفضي
بلسم ليش
محمد هيك انا حر
بلسم.....
محمد انا راجع للدوام مو ناقصني عي وحكي بتلتزمي الغرفة
بلسم... طيب ليش ما تركتني عند اهلي
محمد: منحكي بعد العشا
اطمنت يعني في مجال يسدءني اتعشيت بس بدون نفس
رغم انو الاكل طيب كتير بعد العشا اجت روز جايبة القهوة
واخدت العشا فتح باب البلكون وشغل سيكارة وقعد وانا
ناطرة النقاش
بلسم.....
محمد بدك تعرفي ليش ما خليتك بالتلة
بلسم مدامك بتعرف انو هون ما بناسبني الجو
محمد: لاني بصراحة مو مأمن فيكي لانو مابعرف وين رح
تلتقي ب ايوب وشو رح يصير بيناتكن
انصدمت اتمنیت تنشق الارض وتبلعني

- النص المستخرج من الصورة: 📝
۱:۲۳ ص
اسا
14
B
بلسم .....
محمد الي بتحكي مع شب ع الموبايل مو بعيدة عنها تلتقي
فيه لو بالخرابة
بلسم : لااا ما حزرت وبعيدة عن عيونك تشكك بشرفي
محمد: اكتشفت انك بنص عقل وبيلسان فيها مخ اكثر منك
وغير هيك ما وصلتي لهالحالة رح تضلي هون لحتى اخد
حقي منك
بلسم .....
محمد ورح تتعلقي مارح تتطلقي لتترجيني اتركك ومارح
يصير
بلسم انت متأكد
اني خنتك
محمد انا والموبايل شاهد كمان خوفك رجفتك اتصالك فيني
لتطمني مطول لارجع
بلسم : اتصلت لاخبرك انو
محمد كذابة
بلسم: وليش ما بدك تطلقني
محمد هيك بدك تضلي معلقة فيني ويمكن اتجوز وتحضري
الفرح انتي
بلسم اي نام واحلم
محمد رح انام وانتي الي رح تحلمي بالطلاق
بلسم بشو احلفلك سدءني ما بعرف انو هو المتصل
محمد مجرد فتحتي معو الخط ولسانك ناطق لسانو ما بقى
تلزميني
بلسم لهدرجة
محمد حدا حاول بشتى الطرق يثبتلي اني طرطور وفوق منها
مرتي معو عم تحاكيه شو بدو يكون شعوري تجاهك وتجاهو
بلسم: تقاويت عليه ولا بس شاطرك عليي
محمد |||||| بدك تطمني على حبيب القلب
بلسم لككك شو عم تخبص
محمد عطبتو مابقی ينفع مع انو ضربة وحدة بس اثرت فيه
بلسم .....

- النص المستخرج من الصورة: 📝
۱:۲۳ ص
K/
..
محمد: يعني رح يموت وهو بنفسو ينام مع مراة
بلسم ليش عم تخبرني
محمد بدي أطمنك عليه
كبيت القهوة بالارض وكسرت الفناجين
محمد انجنيتي يعني
بلسم انا ماني خاينة يكون بعلمك
محمد اي طولي بالك لا تنفعلي
بلسم لك انت شوووو وليش عم تتبارد
محمد مبارح انحرق قلبي ورح احرق قلبك كمان
بلسم لككك رجعني لعند امي بدي امي مشان الله
محمد بعيدة عن عيونك التنتين
بلسم برحمة الغوالي رجعني انا مافيني ع العيشة هون
محمد لمي الي كسرتيهن وهالمرة صارت غير مرة لاحني
ايديكي بالدم
بلسم محمد ... بترجاك هات ابوس ايدك
محمد : لاحقة رح تبوسي ايدي بس مو هلا
للتلة
بلسم طالعني من هون رجعني
محمد سنين عشتها بهالغرفة وهي شاهدة على كل قصص
الخذلان خذلاني من اهلي وخذلاني منك ومن نفسيتك
بلسم بدك تنتقم
محمد وعلى طريقتي بس مو لنفس السبب الي ببالك لانك
خنتيني
بلسم مابدي اضل بغرفتك
محمد مو بكيفك
بلسم: انت بتحبني
محمد كنت زمان ... انا على اد ما بحب بكره
بلسم شو اعملك لتسدءني
محمد: ولاشي انتي ما بقى تلزميني وحتى ما بقبل تكوني ام
اولادي
بلسم : يلا لكن طلقني

- النص المستخرج من الصورة: 📝
محمد قود نایت
K/
..
طلع وسكر الباب وانا مشلولة لا فيني اطلع ولا فيني ابقى
طليت من البلكون اتأملت كل اضوية المدينة في شي حلو
هون بس ما بعرف شو هو اتاملت حديقة الفيلا وشفت محمد
ركب بالسيارة وطلع من الفيلا وانا انهرت من البكي ما بعرف
كيف بدي احكي مع ماما
اول ما شغل الاغاني سمع المقطع المفضل عندو انتي بعيني
احلى بنية
دغري بدلها ليسمع اغاني الطرب شغل سيكارة وتعبان من
كلشي
محمد: آه على قلب هواه محكم
فاض الجوى منه فظلماً يكتم
ويحي أنا بحت لها بسره
أشكو لها قلبا بنارها مغرم
محمد كلشي اتغير اليوم انا اليوم اوسخ حدا بالعالم ورح
ارجع اطباعي القديمة ابن الحرام مبسوط وماعبالو اي انا ما
اتربيت تربية منيحة قبل هني ربوني اليوم رح اربيكن وعلى
طريقتي محمد الهادي العاقل المسالم ليفرجيكن ويطالع الفرق
يا اولاد الكلب لا لا الكلب اوفى حرام تسب علیه یا اولاد
الحقد يا اولاد الظلم
صفط على جنب الطريق حط ايديه على راسو ضغط عليه
بقوة كبيرة ليخفف وجع قوي
انتبه وقت سمع زمور سيارة لهيك شغل ومشي للبار ليفرغ
من قهرو شوي شاف شلة جيني
المختلطة
بقلبو هدول من وين طلعولي
قعد قبال الباراتي
الشب ما بتشرب ليش بتيجي
محمد: عبي
الكاس
الشب: ايه بأمرك شو بتحب تشرب
محمد: اغلی نوع
ব

- النص المستخرج من الصورة: 📝
TA
K/
..
الشب : كفو بتعرف انو رجلك للمحل خير
محمد: ليش بقى
الشب: مرتين لاحظت بس تفوت انت ما بقى نلحق طلبات
وزباین
محمد اي انا الخير بفيض من عندي
ضحكو سوى وضربو كفوف بعض
محمد کتر تلج محروق قلبي كثير
الشب يحرق قلب عدوك ...انا بسمع من امي عطول بتحكي
في ناس بس تشوفهن بتعرف انهن اولاد عالم
محمد وانا شو طلع معك
الشب : ابن عالم شوفتك بتريح
محمد
الشب: بتحب تطلب شي تاني
محمد: لا بكفي
اتكتف يتأمل كل البنات من لبس وشعر ملون ومكياج وكعب
صوتو بيصدح بالمكان
الشب: اتفضل
أتأمل الكاسة ومو بنفسو يجربها بس مسكها بايدو ولساتها
على الطاولة
حس
على لمسات ناعمة على كتفو التفت ليشوف جيني الي
دغري طبعتلو بوسة على خدو ضل مراقبها لقعدت مقابلو
جيني وانا أسأل حالي شو منور الدنيا ايمتى اجيت .. لك
مبروك الزواج
محمد: تسلمي
جيني حليان يا روحي انت
الزواج بحلي هيك
محمد...
اطلع بالكعب بالاول وبعدها برجليها غمض بقهر
محمد: مو هيك محمد مستحيل تعملها
جيني: كليوم منسهر هون
ব

- النص المستخرج من الصورة: 📝
اسا
B
محمد کثیر منیح شو بتحبي تشربي
جيني مع اني اشربت بس بدي من كاستك
قربها لصوبها
بقلبو ريحتيني منها
جيني مرتك معك
محمد مو شغلك
جيني هيك صار الحكي
محمد انا اجيت من الملل وهلا رايح
جيني: بكير ما اشبعت منك
محمد...
حاسب وطلع من البار بس ما كفاها لحقتو وقبل يطلع
بالسيارة منعتو
جيني:
اشتقتلك كتير كتير ما بتتخيل
محمد : انا مواعدك بشي؟
جيني : لا بس انا بحبك طوال فترة غيابك اتعبت اشتقتلك
ياريت بعرف عنوانك كنت اجيتك لو لحالي
محمد: وهاد الشي انا شو علاقتي فيه او شو بستفاد منو
جيني لا تبادلني الحب بس اقضي معي وقت حلو انا رح
اعيش معك مشاعر الك وبس
:محمد ما بقدر في شي غير الوفا بيمنعني
جيني بس انا بعرف المتجوز ما بيتحمل غياب مرتو ومارح
توفر على حالك
محمد المتجوز الرخيص في فرق
جيني مارح تتحمل غيابها انا مابنسى مكالماتك وانحرافك
على الاتصال ما اتولعت فيك من شي قليل
محمد هلا اتغير كلشي
جيني اذا ما عجبتك اتركني
محمد يا جيني الشغلة بالنسبة الي محسومة ما بتحمل اكون
شبه حیوان ما بتفرق معو انا ما فيني اعطي شي بدون
مشاعر
جيني ليش عقلك صعب هيك عم اعرض حالي عليك وانت

- النص المستخرج من الصورة: 📝
بتعرف وقت انوي بجيبك غصب عنك
B
..
محمد الك مني بس احس انو في احتمال اطلع من علاقتي
الحالية تكوني انتي البديل
جيني انت بارد معي
محمد اتاخرت كتير
جيني رح ترجع للدوام
محمد اي اكيد
جيني بشوفك
قبل تبوسو منعها
محمد اول مرة ماكنت منتبه هالمرة ما بقبل
جيني نيالها بس ما بقول غير هيك
رجع للبيت بعد تفتيل بكل الشوارع ومعلي صوت الاغاني
للاخير
فات للفيلا بنفس المود ونزل لعند المرافقة
وحتى
محمد: شو مافي تكثيف
جراح لمعلم هيك بدو
محمد انو واحد منهم
جراح لمعلم مهران
محمد هون
جراح من شوي وصل
محمد انتو مرتاحين عندو
جراح : يعني شو هالسؤال
محمد بيناتنا الحكي لو شكلت عصابة مثل عصابة مهران
بتشتغلو عندي
جراح حسب انت شو بتدفع
محمد هههه حبيتها هي رح احكي لمعلمك باعك بشوية وسخ
الدنيا
جراح : لا تعلقني معو
محمد اتلقى الشوف
كان يمزح معو فات للفيلا الهدوء غير شكل ودغري طلع
للغرفة فتحها ليشوف بلسم بمكانها وعنادها برد قليه

- النص المستخرج من الصورة: 📝
١:٢٤ ص
اسا
للغرفة فتحها ليشوف بلسم بمكانها وعنادها برد قلبو
:محمد شو بلاقي ما لميتي الي انكسرو
بلسم .....
محمد بحكي مع مين
انا
B
بلسم: اتصل بأمي
محمد: وين موبايلك
بلسم من مبارح مطفي
محمد وانا من مبارح مطفي
بلسم والحل
محمد: تحطي راسك وتنامي ريحي بدنك ومنو بيروح الكف
بلسم: رايحة لعند
عمي
محمد لیش
بلسم: خليه يتصلي ب اهلي
محمد از ا آن

محمد:ازا انتي كفو روحي هههه هي ازا اعرفتي غرفتو
بلسم:لايمتى
محمد:بس انقلع للدوام احكي مع مين مابدك....
فتح لخزانة وطالع بيجامة
.......
بقلبي:يارب بكرى يروح للدوام واخلص اتمددت واتغطيت على الكنباية الي بشوفنا كل واحد بمكان ما بسدء انو من كم يوم كنا متل العاشق والمعشوق
بلسم:يا عمري كيف ماتو والله ما بيستاهلو😭انتهت حياتهن وحياتي معهن اتفرقنا بنفس اليوم
محمد:حاجتك بكي
بلسم: دفنت طيور الحب
محمد: شايلة همهن
بلسم:كيف ماتو
محمد:يمكن بيحسن بالخيانة لهيك ماتن
بلسم:...
بقلبي:حسبي الله ونعم الوكيل بكل حدا كان السبب بدموعي
محمد:نامي شغلتك طويلة بدها بحر دموع ما بتخلصي المعاناة والمأساة
بلسم:اتركني بحالي
محمد:اي تركتك
بقلبي:يا ترى لوين راح واجى شبه مروق
ما اقدرت اغمض كنت مراقبيتو كيف بدو ينام وانا مقهورة هلا كلشي صار بيناتنا زكريات
ايوب الكلب الله ينتقم منك لك شو بدك فيني غلطة عمري اني شفتك مع شيماء ياريت لا شفتك ولا أسمعت فيك لك انا حبيت محمد والله وعشت معو ايام كتير حلوة شخص هادي ورايق ومسالم وابن اصول ومابحب الغلط.
بلسم:وهلا انا بنظرو خاينة ياريت يرجع الزمن يومين بس كنت كسرت الموبايل قبل حدا يتصل فيني وازا انتي يا شيماء معطيتو الرقم لاحاربك كل عمري صحيح الخطبة بتغير النفوس
.......
الفجر قبل طلوع الضو لبس وجهز شنتة السفر للدوام كان عم يرمي فيها كتير مستلزمات رح يحتاجهن بالدوام خلص وسكر الشنتة كان لابس اسود بأسود ربط البوط وقبل يطلع اتأمل بلسم كيف نايمة وتعبانة
بقلبو:تاركلك الغرفة اتنعمي فيها
قرب ليلمس خدها ومقهور لانو سببلها اهانة ووجع كمان
محمد:والله غصب عني انا متهور لدرجة وانتي ضيعتيني بحبك الله يسامحك بس رح اشتاقلك ولا تلوميني بلسم الي جاي صعب وصعب كتير بس لازم ينعمل رفع لحرام اكتر على كتفها وكأنو قلبو مو مطاوعو يتركها اخد نفس ونفخو من قهرو ودغري طلع من الغرفة سكرها بهدوء ونزل برى كان مهران واقف مع مرافقتو
مهران: شوووو وين
محمد:بكفي
مهران:ولوين رايح
محمد:للمفرزة
مهران: اطلاع بوصلك
محمد:لك مافي داعي
نهران:لا تخاف بوصلك على اقرب نقطة للمفرزة....جراح بتجهزو حالكن ع الساعة تمانية بتكونو مزروعين باب المكتب كان ناطرو محمد ليخلص تعليمات وطلع مهران
مهران:مع انو بكير
محمد: بكفي
مهران:شبك انت مو مزبوط
محمد: شو بدو يكون
مهران:سيبك من مشاكلنا بس انت بتعرف انا وياك ع الغريب
محمد:لا طمن بالك اموري تمام
مهران:براحتك
طول الطريق يتزكر بلسم وبس مابدو حدا يستفقدلو غيرها وهو مابدو يشتاق الا الها وبس
محمد:رغم انو كنت ناوي تكون سفرتك معي من احلى الذكريات بس كلشي انقلب راجعلك ايوب وين بدك تروح مني حسابنا ما خلص
وصلو لاقرب نقطة وكمل مشي هدوء الصباح صوت العصافير وناس رايحة لدوامها متلو اشترى قهوة من الطريق وقعد يعمل استراحة مابقي الا شوي وبيوصل عند البوابة لكبيرة وقف مع العنصر وقدملو الهوية فتحلو الباب وفات إجراءات كتيرة ليبعتوه مع باقي العناصر للفرع الي لحد الآن ماحدا بيعرف وين وبأي منطقة الا محمد بعد تجهيزات اجى بولمن كبير بينقل العناصر وبطريقهن للمكان المقصود.
كان متكتف وكل احداث حياتو عم تمر قدامو وكأنها شريط كان عم يلعب بالطابة مع عزمي وعامر وبديع من طول عمرو على جنب
وهلا بأول طلعتو كان مجنن الحارة مشاغب ومشكلجي لدرجة وهلا بمرحلة الشباب بوقتها كانت عم تتكون سخصيتو الجوهر الداخلي البعيد عن الصفات الظاهرة ابتسم وقت وصلت الزكرى ل بلسم
محمد:يا احلى شي صار معي بكل حياتي. بس ليش كلشي اتغير
الذكريات كتيرة والطريق طويل
......
اول ما اصحيت استفقدتلو بس اتاكدت انو رايح لانو الشنتة مو بالغرفة حسيت حالي ضايعة بدونو قلبي دق بقوة وخفت من الي ناطرني بغيابو وهو موجود ماعم يقصرن كيف بغيابو الاحسن التزم الغرفة وما اطلع ابدا
غسلت ومشطت طالعت تياب اللبست وشوي اندق الباب رحت لافتح وخفت من شوفة مرت عمي
ام مهران:شو وين اصيل
بلسم: راح لدوامو
ام مهران:انتي طالبة لفطور للغرفة
بلسم:لا والله
ام مهران:لكن بتنزلي لتحت بغياب أصيل كلشي بيتغير
بلسم:بس بدي اللبس الشالة
ام مهران:لا تطولي يلا
اللبستها وانزلت كانو الكل موجودين ماعدا مهران صبحت عليهن وقعدت
ابو مهران:اتيسر اصيل
بلسم:اي
سلام:من هيك شمستك عالية
بلسم:...
ابو مهران:يلا بلشو بالاكل
ما كنت مرتاحة ابدا نظرات الكل شلتني بعد الفطور عمي طلع لمكتبو ونحن كلنا اشبعنا
ام مهران: اعملي القهوة بلسم
بلسم:...
ام مهران: عمك بحبها من تحت ايديكي
بلسم: حاضر
رحت للمطبخ لاجهزها وقبل ابدا اعترضت روز
روز:شو عم تعملي هاتي عنك

بلسم:بس عمي
روز:السيد اصيل منبه عليي ما تشتغلي اي شي هاتي عنك
ما خلتني اعمل شي جهزتها هي واخدتها انا للصالون كانت مرت عمي مبين عليها الجبروت والقسوة ضيفتهن وروز طالعت فنجان عمي للمكتب
بقلبي:معقول محمد عايش معهن وهو مكتسب هالحنية من هالمخلوقة ياربي ليش هيك شايفة حالها وعلى شو دخيل قلبك يا ماما ما اطيبو قليلة محمد بيعاملك كأنك أمو يمكن ما حس بالدفا الا لحتى ناسبنا وامي من يوم يومها حنونة عليه حتى قبل يطلبني من وقت كان صغير ويتقلع بتزكر كانت تفوتو بوقت الغدا وتدعملو صحنو
سلام:سيدرا بتسلم عليكي... وين موبايلك بلسم
بلسم: انكسر
سلام:وكيف بدك تتواصلي مع اصيل
بلسم:..
ام مهران:انكسر ولا كسرتيه
بلسم:وقع من حالو
سلام:اي وكيف بدك تتواصلي مع اهلك
بلسم:والله مابعرف معك رقم حدا منهن
سلام:سيدرا وعامر ورقم ستي
بلسم:اي اتصليلي ب ستي
سلام:هيك ببساطة
بلسم:كيف يعني
سلام:بدي مقابل
ام مهران:اي خليها تنظفلك غرفتك
بلسم:الله غناني عن هالاتصال
تركتهن واطلعت بس جكارة فيها وبأمها
وكنت متأكدة اني علقانة بعيلة مكيودة ومارح اطلع من خرجهن..
........
نزل حامل الشنتة ودغري لمكتب قائد الحرس استغرب أسير مو موجود قدم اوراقو وكان عم يدقق فيهن
القائد:انت مين موقعلك على الاجازة
محمد:القائد أسير
القائد:وليش شهرين
محمد: اتجوزت عقبال عندك
القائد:انت بتعرف انو في عقوبة
محمد:ليش العقوبة ازا بدك بجيبلك طلب الإجازة
القائد:ازا معك هاتو
محمد:حالياً مو معي
القائد:شو انت عم تسلبها عليي
محمد:الي قدملي الطلب
القائد:أسير لا تحكيلي
محمد:اي والله
القائد: واكيد في برطيل
محمد:شكلي شكل واحد بيدفع
القائد:انت بتعرف انو رح اعملك منها مشكلة
محمد: براحتك
القائد:وعم تتحداني
محمد:ما اتحديتك بس براحتك
القائد: شو رايك بدوام متواصل كونك عريس
محمد:الي بدك اياه
القائد:هات هويتك لشوف
طالعها بدون نفس واعطاها للقائد وبقي بمكانو
القائد:منيح اربع شهور يا عريس
محمد:...
القائد:لخليك تتفجر بدل هالبرود
محمد: فيني انصرف
القائد: ع الاستراحة وبدي اشوفك بنوبة الحرس الساعة ١٢
محمد:حاضر
اخد الهوية وطلع كان عم يقرأ قرار من نسخة منع الإجازة عنو
محمد:يلعن ابوك بصرمايتي
راح استلم مفتاح لخزانة من الامانات بطريقو للاستراحة هلكان من المشوار فتح لخزانة طالع بيجامة وحط الشنتة قفلها واخد معو المفتاح كل العناصر نايمين وما بتفرق معو وين يبدل تيابو لبس البيجامة واتمدد على التخت وغمض
محمد:اربع شهور ياترى بتحمل لازم اشتريت ل بلسم موبايل احسن ما رحت للبار
اطلب من مهران...لا لا مارح اطلب بلكي تحس على دمها وتحكيني من حيلا حدا....انشالله ما تبلش حرب بيناتهم لاااا انا وصيت روز ب بلسم لانو بعرف اهلي مافيهن خير....وياريت بلسم تساير الوضع امي ازا بتحطها براسها لتكرهها الحياة.....
يا الله بمين بدي افكر بحالي ولا فيها ولا شو تركت مصايب وراي ولا هاد الوسخ الي هون بالفرع....بيجي اسير ورح احقق معك بنفسي.....
غمض بجوعو وتعبو وهلكان لابعد الحدود
ليصحى على صوت زملائو ضجة وحكي
(هاد ايمتى اجى)(علمي علمك بس كان هون)(قصدك قديم بالفرع)(اي وصحبة مع القائد أسير)(لكن شغلتو تقيلة)(صحيه هلا نوبتو)
اتجلس دغري يستوعب كيف مالل قبل يبدا بالدوام
العنصر:صح النوم
محمد:اهلين
العنصر:لك يا زلمة كيف متحمل تنام بهالمكان
محمد: شبو
العنصر:نام صاحبنا بدالك صحي مرعوب ومكوبس شكلك مترك صاحبك بالفرع
لاول مرة بيضحك اول ما بيصحى وبيروق
محمد:هههه يلا مشان ماحدا ياخدلي مكاني بس ليكون بتمزح
العنصر:لا والله ما بمزح صحي مرعوب ويتصبب عرق انت كيف متحمل صاحبك
محمد:هههه خاويتو
راح ليجهز حالو لبس البدلة مشط شعرو وحط الروسية على كتفو وطلع لبرى انزرع باب الفرع وببالو بس بلسم الساعة ١٢يعني غرقانة بالاحلام...
محمد:ياترى كيفها على غيابي وكيف اهلي عم يعاملوها لو ماصار الي صار كنت ما خليتك تنامي وخليتك تونسي ليلي الطويل يلعن ابوك يا ايوب بس بدي دليل انو كانت بلسم على تواصل معو مشان احرقها واحرقو بنفس الحفرة
........
كان غياب محمد مسببلي اكتئاب ووحدة وحتى لو كان مجافيني متاكدة رح تبين الحقيقة ورح يندم لانو ضربني وشك فيني ما عم التقي بعمي وبدي اشتري موبايل رايحة اهستر بدونو
اهلي اكيد بدهن يطمنو عني ومتاكدة الظروف مارح تسمحلهن يزوروني بالاخص ماما لو ستي هون كنت احتميت فيها هون ماحدا لحدا وانا بعرف الكره الي بيكرهوني اياه بس مو لهدرجة وهي صرلو اسبوع غايب معقول ما بيحكي مع اهلو مع سلام او حنان كنت شاردة بعالم مليان احداث ارتعبت وقت انفتح الباب والصدمة تكون مرت عمي اتلبكت كتير ووقفت

ام مهران:شو يا بنت العز والجاه كل وقتك بغرفتك
بلسم:وين اروح
ام مهران:وين يعني شغل البيت ناطرك
بلسم:بس
ام مهران:روز بإجازة بدك نحن نخدمك
بلسم:بس انا
ام مهران:وعم تجادليني وليه عنجد انك وحدة بلا ترباية
وقت اسمعت صوت مهران دغري اللبست على راسي
مهران: شوفي شو عم يصير هون
ام مهران:مرت اخوك مابدها تشتغل
مهران:ليش وين روز
ام مهران:شو يعني وين روز
مهران:وشو بدك من بلسم
ام مهران: بدي تنظف المطبخ وتعمل القهوة
مهىان:انا رح اتصل بالمكتب ورح يبعتو وحدة بدل روز
حسيتها مصدومة كانت تطلع فيه بطريقة غريبة
ام مهران:هيك صار الحكي
مهران:اي هيك وبلسم هون مو للشغل
ام مهران:....
راحت معصبة وانا هم وانزاح عن قلبي
مهران:اوعك تسمعي كلمة حدا
بلسم:يكتر خيرك
مهران:شو مابدك انا هون وازا اي حدا دايقك حتى جوزك بتخبريني
بلسم:عنجد شكرا الك
مهران:....
سكرت الباب وراه
بقلبي:معقول الي اسمعتو مهران يدافعلي من امو شو اتحركت النخوة بس كان حذر وما اطلع ابدا فيني والله انو فيو نخوة ومو بعيدة عنو هو من عيلتنا مو غريب ويمكن عندو صفات إيجابية
.......
تحت معصبة وتزور فيه وهو يبتسم ببرود
ام مهران:مهران شو الي صار
مهران:معقول ما اعرفتي
ام مهران:لا وما بينحزر شووفي عندك
مهران:انو نبين كلنا ضدها مو زابطة لازم تأمن لواحد فينا
ام مهران:بس ما يكون انت
مهران:اي انا مشان نكمل بلي اتفقنا عليه
ام مهران:اي وايمتى بدي اتشفى فيها وبأمها
مهران:بوقت اغيب عن الفيلا اعملي شو مابدك
ام مهران:بس اليوم فرصة روز بإجازة
مهران:خلص انتي اتركي الامور هي عليي مو بدك تطفش من هون
ام مهران:بدي تصير خدامة الي ولبناتي
مهران:الي بدك اياه
بقلبها:ليكون الدم حن ومو هاين عليك ببنت عمك
بقلبو:مارح اسمح تهيني بنت عمي اي والله ما بهون عليي فيها المخلوقة بريئة مع انو كنت اتزاول منها بس بعد ما سكنت عنا اتغيرت نظرتي كلها
مهران:وصيني ام مهران
ام مهران:بدك تيجي للعشا
مهران:رح اجيب العشا لا تعزبو حالكن
ام مهران:متل مابدك
طلع وهو عم يلبس نظاراتو وكلو هيبة وفارض شخصيتو ع الكل
ركب سيارتو وطلعو وراه المرافقة
.......
كنت عم اتفرج على مهران ياترى لوين رايح
بلسم: ولا بعمري اتخيلت يكونو بيت عمي ساكنين بهيك منطقة رغم انو عزمي وصفها وسلام كانت تفرجينا صور الهن وكنت الاحظ انو متعايشين مع المدينة اكتر من اهلها بس ما اتخيلت يكون مهران بهالمكانة ومرافقة وكانو مافيا ومحمد مرافق عادي بالفرع عيلة غريبة عجيبة
هي نتيجة تكون الام متل مرت عمي وشايفة حالها شوفة معقول مهران طالعلها ومحمد طالع ل عمي اي تحليل منطقي كتير التفتت للباب لانو انفتح وكانو مافي خصوصية لحدا
سلام:الاتصال الك
بلسم:مين
ببالي بس محمد
سلام:اخوكي من موبايل سيدرا
اخدتو منها ورديت وضلت مزروعة بالغرفة عندي
بلسم:الو
عزمي:بلسم مشغول بالي عليكن وين لا حس ولا خبر لا انتي ولا حتى محمد من اسبوعين مسكر
بلسم:انا بخير ومحمد بدوامو موبايلي انكسر ومحمد مابعرف
عزمي:على الاقل خبرو انكن مسافرين
غص قلبي لانو الظرف الي اطلعنا فيه من التلة بيقهر
بلسم: فجأة ما كنا مخططين للسفر
عزمي:انا ببالي كتير شغلات متخانقة مع محمد
بلسم:...
عزمي:ايوب معطوب ليكون جوزك ورا ضربتو
بلسم:مابعرف
عزمي:لكن شو بتعرفي احكيلي ليش اطلعتو من التلة بالليل
بلسم:مابعرف
عزمي:بدها تجنني ليكي هي امي بدها تسلم عليكي
ماما:بلسم ياروحي كيفك طمنيني عنك
سالو دموعي اشتقتلها مو متعودة على غيابها
بلسم:الحمد لله مشتاقتلك كتير
ماما:انا قلبي متل النار عليكي
بلسم:لا طمني بالك انا بخير
ماما:ومحمد منيح
بلسم:اي منيح
ماما:وكيف بيت عمك معك
بلسم:مناح كلهن
ماما:وايمتى بدك تحكي معنا
بلسم:لحتى يتزبط موبايلي دغري بحاكيكن
ماما:الله يرضى عليكي
بلسم:سلميلي على ستي كتير
ماما:وهي بتسلم عليكي كمان
بلسم:لا تشيلو همي
ماما:ضلي طمنيني عنك وسلمي على العيلة عندك
بلسم:بيوصل
سكرت معها واعطيت ل سلام الموبايل
سلام:كتير دايقة مننا لحتى بكيتي
بلسم:والله مو متعودة ابعد عن امي
سلام:بدك تتعودي ولابس تجوزتي وبدك تضلي بحضنها
بلسم:اخدتي موبايلك
سلام:هي غرفة اخي والفيلا لاهلي وانتي هون كنة مو اكتر
بلسم:افهمت
سلام: بيرجع اصيل وبصير خير.
بقلبي: ناقص تهديدك بس
طلعت وسكرت وراها كنت عايشة بحالة حزن واكتئاب الجو مو جوي ولا متعودة على هالمكان المسا طلع رسلان للغرفة مشان اتعشى معهن ورفضت لانو مو بنفسي شي
وما اتوقعت يجي مهران اندق الباب ورحت فتحت
مهران:ليش ما انزلتي للعشى
بلسم:مو جوعانة
مهران:كيف يعني مو جوعانة
بلسم: هالمرة بس اعذروني
مهران:شو بدك احكيلي ليش زعلانة

بلسم:لا ابدا
مهران:بلا احكيلي ماني غريب
بلسم: موبايلي بدو تصليح
مهران:بس هيك هاتيه
بلسم:يعني بتعرف تصلحو
مهران:لا بس ببعتو لمحل تصليح
بلسم:بس ما يكون فيها سئلة
مهران:لا ابدا
اعطيتو اياه وكلي امل يتصلح وارجع اتواصل مع اهلي
مهران: يلا تعالي للعشى منستناكي
انزلت وراه كانت مرت عمي تتزاور فيني وكمان ب مهران مو عاجبها ومنيح عم تنزل اللقمة مع هيك نظرات وارتحت وقت شبع مهران وطلع من الفيلا اكيد بدو يصلح الموبايل وأخيراً
.......
بالمحل كان قاعد بجنب الشب الي بدو يشوف شو صاير بالموبايل
مهران: شو طمني
الشب: شغلتو بسيطة تبديل شاشة
مهران: وبتكلف
الشب:يعني بدك تقول ٧٠٠
مهران:يا لطيف غالي
الشب:انا بمتل هيك حالة بنصح تشتري موبايل رح يصير في مشاكل كتير ورح يعلق كتير معك
مهران:وبلكي فيو شي مهم
الشب:مابعرف ازا بدك خليه عندي وبزبطو
مهران:شو اسعار الموبايلات عندك
الشب:حسب انت شوفي ببالك
مهران:مو الي
الشب:لبنت ولا لشب
مهران:لبنت
الشب:هي تشكيلة نازلة جديد وبناتية شوفة عينك
مهران:والاسعار
الشب:ازا اعتمدت مارح نختلف
مهران:طيب ماشي فرجيني شو عندك
بقلبو:لانو مابعرف شوفيو موبايلها من الاساس منها لجوزها تسطفل
اشترى الموبايل وحاسب عليه ورجع للفيلا محاولات كتير يتواصل مع اخوه بس كان خارج النطاق
مهران:بقص ايدي ازا مو بايدو موبايلو كل الوقت بس بوضع الطيران انا بحياتي ما شفت متل هيك نوعية ولا بيعرف يجامل ولا حتى يسأل وكيف بيترك مرتو بدون موبايل
ارتاح لانو مافي حدا تحت طلع لغرفة محمد وكانو بلسم ناطريتو فتحتلو دغري
بلسم:شو زبط
مهران:للاسف لا
بلسم: عنجد
مهران:شغلتو صعبة وبكلف بس مارح تضلي بدون موبايل جبتلك واحد
بلسم: بس
مهران:شو يعني ما بيطلعلك مني موبايل حاكي المغضوب بقصد وزير الدفاع المتجوزيتو
اعطاها الموبايل كان مبين عليها انها خجلانة منو
مهران:يلا مو بيناتنا بس امانة ازا رد عليكي خبريني موبايلك القديم هون
بلسم:يسلمو عنجد شكرا
مهران:اهلا وسهلا بنت العم
وبطريقو لغرفتو كانت نيفين قاعدة ومبين ناطريتو
مهران:شووو سهرانة
نيفين:شو زبط الموبايل
مهران: لا بس جبتلا موبايل جديد
نيفين:اي حرام مبين انها ضايعة بدونو
مهران:كل الشعب بضيع بدونو وانتي نيفين
نيفين:شو انا
مهران:ما بتضيعي بدوني
نيفين:فكرت بدون الموبايل
مهران:اعتبريني موبايل
نيفين:هههه لا ما بتزبط
مهران:اي طمني ماعندك اعراض هيك ولاهيك من الصبح مشغول بالي
نيفين:لا ابدا
مهران:والحل نيفين
نيفين:اسمعت كلام الدكتورة
مهران:اي وما خرط مشطي انا مافيني شي وازا ماصار حمل بتعرفي شو بيطلع معي انا بدي يكون عندي عيلة كبيرة وبدي يكون عندي عشر صبيان واسلمهن كل واحد شغلة
نيفين: مهران الشغلة مو بايدي والله
مهران: تسطفلي دبريها من عندك بدك تحبلي بالزور بالدور بدك تحبلي
نفخت بيأس لانها هي ورا قلة الضنى وعم تتعامل مع الموضوع بكل برود
............
مع انو كنت متشوقة احكي مع الكل هلا مابعرف كيف اتغيرت نفسيتي اتزكرت سيدرا وجفاها ومحمد الي راح ولا كأني مرتو....شكلو مو ناويلي على الخير...عزمي رح يضل وراي ليعرف الاحسن ما احكي معو المهم صار معي موبايل وبتسلى لو على الالعاب ياترى شو عامل محمد بهيك وقت ووين هو برى ولا جوى قريب ولا بعيد مرتاح ولا تعبان
شو بنفسي نحكي متل كل تنين بحبو بعض وفرقتهن الظروف يسمعني حكي حلو يتغزل فيني يشكيلي واسمعو بس ما عم تزبط معي والله الجفاف دبحني دبح وكأني اتجوزت بالاسم
بلسم:مع انو الكل حسدني بيت وجهاز ودهب وعريس لقطة بس ما عم اتهنى بنوب عيون البشر يبلاها بالقلع
نمت على التخت لانو نومة الكنباية بتكسر ظهري وعم اعد الايام على غياب محمد ريحتو معششة على لمخدة وانا مابدي أبدلها ابدا راحة نفسية ريحتو
اشتنشقت كمية كبيرة وغمضت وبلشت اتزكر الليالي الي كانت تمضى بحضنو
............
برى كان برد كتير بس هو مدفي حالو ومو حاسس متل زميلو الي عم يرجف
محمد:فوت اللبس
فادي: مابدي اعلق مع القائد
محمد:بغطي عليك
فادي:هات لفحتك
محمد: اطلب شي تاني
فادي:ع فكرة مبين انها غالية عليك
محمد:هههه اي والله
فادي:شغل ايد يعني
محمد:اي شو عرفك
فادي:بتتأملها كتير
محمد:اوقات متل هيك شغلات بتونس وحدتنا
فادي:اي مو على طول اوقات بيضرب فيوز الشوق
محمد:لا تفتح مواجعي
فادي:بس كتير اربع شهور
محمد:شغل انتقام
فادي:بتتحمل
محمد:ولو ما اتحملت يعني شو بدي اعمل تساعدني
فادي:بشو
محمد:نفوت لغرفتو ونسرق العقوبة
فادي:بدك تروحني
محمد:انت بتراقبلي الجو
فادي:ليش بدك
محمد:لانو رح يخلص دوامو هيك اسمعت وازا بتضل العقوبة رح تتنفذ بس ازا انسرقت رح تروح فيها
فادي:والله انت بتستاهل بس انا بخاف من هالشغلات

محمد:انت مارح يصير عليك شي انا
فادي: مابعرف
محمد:قول انك مو كفو
فادي:هلأ خلينا بالنوبة بعدين منتفق
محمد:....
بقلبو:مارح تزبط الا ازا رجع اسير معقول مايرجع لا حكى انو بأجازة يارب ما يطول ولو ما انزلت إجازة بخلص من اوامر هالكلب
محمد:مابعرف ليش نافش ريشو ياريت فيني احكي مع فاروق بيك بس صرلو فترة متغيب عن الفرع واكيد بإجازة حظك يا ابو لحظوظ زفت كانو حظ شي رقاصة او ابن حرام استغفر الله العظيم بس
...........
كانت ام مهران ناطرة تبلش اوامرها على بلسم صرفت روز واستنت لحتى نيفين طلعت من البيت وهي دغري طلعت لعند بلسم حاولت تفتح الباب بس كان مقفول
ام مهران:ليش قافلة الباب افتحي وليه
كانت تخبط بشكل جنوني لحتى فتحت بلسم ومبين متحممة
ام مهران:ساعة
بلسم:لحتى اللبست
ام مهران:يلا شغل البيت بستناكي
بلسم:بس مهران
ام مهران:بلا مهران بلا بطيخ يلا انزلي لشوف بتبلشي من الصالون
بلسم:بس انا بردانة
ام مهران:اي بتدفي من الشغل اسألي امك كانت خدامة النا بزمانها
بلسم:لشو هالحكي
ام مهران:اتدايقتي على امك
بلسم:اي
ام مهران:يلا الشغل ناطرك
بلسم:بس انا مو خدامة هون وعم رتب غرفتي
ام مهران:لسى بتجادل
شحطتها من كتفها بس بلسم بعدتها
بلسم:اتركيني
ام مهران:ليكي هلا بجن عليكي
بلسم:خليني امشط شعري
ام مهران:مشطي هي انا ناطرك هون
كانت مراقبتها ومبسوطة لانو بلسم على وشك البكي مشطت ولبست الشالة ونزلت وراها
ام مهران:بلشي من الحمام
بلسم:...
ام مهران:يلا ما اسمعتي
بلسم:انا ما بشتغل هالشغلة بدك بجلي بمسح غبرة
ام مهران:لا بدك تنظفي الحمام
بلسم:ما بقبل
ام مهران:ايوا انتي عم تكبري راس كتير تعالي لقلك
كانت عم تشحطها بقوة بس بلسم عم تحاول تفك حالها منها واتعمدت توقعها عند باب المطبخ بس ما كانت متوقعة يغمى عليها وقت شافتها بهيك حالة خافت
ام مهران: بلسم يا بلسم.... شو صرلا المخلوقة ليكون ماتت دغري اخدت الموبايل واتصلت ب مهران
ام مهران:الو مهران وينك
مهران:ع باب الفيلا
طلعت دغري تفتحتلو
مهران:شبكي ماما
ام مهران:يا مهران بلسم وقعت ومابعرف شو صرلا
فات ركض لجوى وحاول يصحيها
مهران بعصبية:كيف وقعت
ام مهران:مابعرف انزلت هيك شفتها
مهران:يعني مو انتي
ام مهران:انا شو بدي فيها
مهران:بلسم ...يا بلسم
ام مهران:خلينا ناخدها للمشفى قبل يجي ابوك ويعملنا قصة
مهران:....
بين التردد والتشجيع حملها واسعفها ومعو امو
........
كنت عم استوعب ليش انا بالمشفى شوفة مرت عمي رعبتني كانت مبتسمة هاللئيمة
ومن الصوب التاني مهران
ام مهران:هيك يا منظومة انتي وجوزك هيك شغلة بتتخبى
بلسم: شغلة شو
ام مهران:معقول حامل وما منعرف
بلسم:انا حامل
مهران: لبشارة النا لكان ازا مو دريانة
بلسم: مين حكى
ام مهران:الدكتورة بشرتنا فرحتي مو عاطيتها لحدا انا بدي اخبر اصيل ها
مهران:هههه اي ليفتح بتخبريه
ام مهران:انشالله تقومي بالسلامة
بلسم:الله يسلمك
مهران:انا رايح اشوف الدكتورة بلكي يسمحلوها تطلع
ام مهران:عمك رح يفرح كتير....
بلسم:...
بقلبي:ياترى رح يفرح محمد بهالخبر ولا رح يزعل لانو مو طايقني قبل الحبل كيف مع الحبل
خرجوني وارجعنا مع مهران كانت مرت عمي كل سيرتها عن لولاد مبسوطة لدرجة وما كنت بعرف اديش بتحب محمد الا هلأ
بالفيلا الكل متجمعين وفرحانين كمان وبلشن يقترحن اسماء بنات وصبيان وانا ميتة من تعبي كنت اتزكر كيف مرت عمي شحطتني للشغل
سلام:لك اصيل مسكر موبايلو مهران جيب رقم حيلا حدا معو
مهران:الوزراء صعب الواحد يوصللهن
حنان:لازم نخبرو ممنوع بلسم تخبرو
سلام:اي بدنا الحلوان
نيفين:ورح يصير عنا رسلان التاني
مهران:التالت قصدك
ابو مهران:المهم السلامة وما بهمنا الاسم
ام مهران:يوه غير رسلان ما بيتسمى اقل منها يعني جوزتو وليكك عم تصرف عليه يعني يسميه عثمان ع اسم عمو
مهران:لا رسلان وبس
سلام:بابا كيف بدنا نخبر اصيل
ابو مهران:بيدرى ع شو خايفات
سلام:بدنا لبشارة منو
ام مهران:غصب عنو مو بكيفو
حنان:ازا اجى متل اصيل كتير حركة ومشاكل انتصرنا.كان مصدر للمسخرة والضحك وانا مو هاين عليي فيه
أصلا ازا طلع متل محمد رح يكون من حصتي
بعد الاجتماع الي كلو استهزاء اطلعت ارتاح بالغرفة خبرت ماما بموضوع الحمل وانبسطت كتير ناقص بس محمد يعرف.
..........
برجعة أسير فرحتو مو عاطيها لحدا حضنو بعض
محمد:الك وحشة يا زلمة
اسير:منور المكان ايمتى اجيت
محمد:زمااان طمني عنك
اسير:بخير الحمد الله
محمد بهمس:اما شو كلب مستلم مكانك👌🏻
اسير:هههه دخيل عينك اي زمان عن هالحكيات
محمد:ايمتى بتستلم
اسير:هلا ليوصل فاروق بيك
محمد: اوف الخير بيهل علينا مرة وحدة
اسير:هههه حاجتك كولكة

محمد:انا سيد مين كولك خمس دقايق وبتكون القهوة جاهزة
اسير:بكون جهزت حالي
محمد:قبل العو ما يروح
اسير:هههه
كان اسير رايح يستلم كل الملفات الي مستلمها القائد البديل ومحمد من فرحتو عم يغني ويعمل القهوة وزملائو مفلوجين فيه اول مرة بيشوفوه مروق هيك
جهز القهوة ونطر لحتى اجى اسير وتقابلو وضيف اسير سيكارة
اسير:يسلموو...لك شو عامل ليش معاقب
محمد:من العو
اسير:ههه بلا بدون سبب
محمد:بدو طلب الإجازة وانا اخدتها شفهية مو كتابية
اسير:بدها تتنفذ العقوبة
محمد:مو انت مداوم هالشهرين
اسير:الله لا يوفقك
محمد:ههههه بلا مو جننتك
اسير:ماحلوة الحياة بدوني
محمد:الفرع بس
الحياة بدون الحب ما حلوة
اسير:تحبك الحبيبة انشالله
محمد:اي كيفو صاحبنا ال
اسير:لا تخاف عندي ومسكر ملفو لحتى ترجع
محمد:وانا ما سالت عنو تحت يعني
اسير:اي تحت
محمد:اي خبرني كيف اجازتك
اسير:يعني هيك وهيك وباركلي
محمد:حامل😂
اسير: يعدمني اياك لا مرتي
محمد: كلو واحد
اسير: عقبالك ما تحبل😂
محمد:من زمااان حامل
اسير:هههه شو حامل
محمد:هموم ومشاكل وازا اشتد الوضع رح اتصل بالداية
اسير:هههه خلص ولاه حاجتك كانك مروق

محمد: شوفتك بتروق
اسير:طبعا الي صايرلك مو صاير لحدا
محمد:اي والله وبدي إجازة
اسير: لا العقوبة سارية حتى اشعار اخر وازا انعرضت على فاروق بيك مصيبة رح نتعاقب سوى لاني ما شاورتو
محمد:ليش ما استفقدلي
اسبر:ههههه بتعرف هو مو فاضي الا الك...حبيبي هو مسلمني زمام الامور وع الثقة
محمد:خلص غيرلي الموضوع كيف الحبل أنشألله تمام الامور
اسير:هههه والله ازا بتمسكها سيرة
محمد:صعب لوحام صح
اسير:هههه طفشتني معقول انا ما بنطاق
محمد:هلا لعرفت
فرطو ضحك تحت تأثير صدمة باقي العناصر
محمد:بس بتعرف انت أضحكت عليي بالاجازة
اسير:لك المهم اتهنيت
محمد:وشو بدو يصبرني اه
اسير:اي بتصبر بعرفك عاقل
محمد:اعزب دهر ولا ارمل شهر
اسير: مافي العقوبة مارح تتخفف
محمد:وانا شادد حيلي فيك وناطرك والله يجيبك يا اسير
اسير:هههه اجيتك
محمد:بس ما استفدت منك
اسير:لك لا تستعجل الامور بتيجي على اهون سبب اديش الك مداوم
محمد:شهر ونص
اسير:هههه يلا بتهون وعيلتك وين
محمد:كلهن بالمدينة
اسير: ايوا يعني مكمل شهر العسل بالمدينة
بقلبو:الله يجعلو عسل
محمد:هيك شي بدي اسألك بتعرف بلموبايلات هدول عناصرك بس اعطيهن دخان وبزر
اسير:انت شو قصتك مع الموبايلات
محمد:في حدا داعي عليي
اسير:شبو موبايلك
محمد:طفى واشتغل من حالو بس مقفل مو متزكر الرمز
اسير:حدا بينسى هيك شي
محمد:حاولت كتير وعالفاضي واغلب الوقت بيطفي من حالو
اسير: بيريح حالو
محمد:لك والله ما استفدت منك بشي
اسير:لا تخاف رح يصحلنا طلعة مع فاروق بيك بس بدها شوية صبر
محمد:الله وايدك يا زلمة
بوجود اسير كان محمد متناسي كل الدنيا سهراتو معو مزح وضحك طالع كل الجانب الإيجابي فيه بعيد عن الاكتئاب والحزن والشوق سهراتهن يتجمعو فيها كل العناصر وكل واحد يرمي كلمة تتحول يا لمشكلة يا لمسخرة
..........
قصة عشق الأصيل 10 الموسم الثاني
التلة بغياب الاحباب كانت كئيبة سهرات مملة تنتهي بمشكلة بين سيدرا وعزمي
عامر همومو عم تزيد لانو موعد زواج سلام قريب وسيدرا مبسوطة العرس رح يصير اول ما يرجع ابوها وعمها من السفر
نوارة ساكنة ببيت ابو عزمي بقرار منو
كانت مو بس التلة كئيبة حتى ام عزمي مستفقدة لبنتها ومشتاقة شوق مو طبيعي وناطرة زيارتهن
ايوب متحسن وزايد شر وناطر يرجع أصيل للتلة لحتى يتشفى فيه لانو حاليا بأجازة مرض وامين عم يجهز الغرفتين الي رح يسكن شيماء فيهن ولو كانو بسيطين بس هو مع شيماء رح يشوفهن قصر وقصة حبهن عم يعيشوها بأجواء بتجنن سهرات وزيارات وهدايا الشي الي مزود قهر عزمي لانو ماعم ينسى شيماء ابدا

..........
بساحة الفرع سيارات كتيرة من نوع هايلوكس جاهزة لتطلع حماية لموكب فاروق بيك من بين هالعناصر محمد وأسير رح يكون مع فاروق بيك
كانو بجاهزية تامة وانطلق اول رتل ومحمد معهن كان مبسوط لو مو إجازة بس رح يرجع للمدينة وقريب من اهلو مقر الاجتماعات ومنو بيزبط موبايلو
بقلبو:يارب نضل شي اسبوع اي مارح اشوف حدا بس رح احس بوجود الي بحبهن ساعات سفر طويلة وبكل استراحة عم يشتري يا دخان يا عصير والنفسية عالية كتير.......ومحتاجة بس لبلسم.
........
الحمل ما غير شي من معاملة بيت عمي بيضلو اشرار ماعدا مهران ونيفين كانت تدافعلي بوجودي ومهران مايخلي امو تتحكم فيني وبس يقرر شي ما تعترض مرت عمي
بالصالون كنا عم نشرب القهوة
مهران:زمان ما اطلعنا
سلام:اي ياريت نروح للمنتجع
حنان:اي يا مهران مدامني زايرة عندكن
مهران:مقيمة لو سمحتي
حنان:منيح ببيت اهلي
مهران:شو قصدك وليه
حنان:ارجاع لبيتك ازا متدايق من زيارتي
مهران:اقامتك اقامتك
سلام:هههه اي المهم طالعنا يا مهرانوو
مهران: مهرانو!!وجيبي دحل لاعبيني
سلام:ابو رسلان الغالي
مهران:لمكولكة سلام
سلام:بابا احكيلك كلمة
ابو مهران: اطلعو بتغيرو جو
سلام:لحالنا
مهران:شو هي لحالنا
سلام:بقصد ماحدا غريب
مهران:اه بتقصدي بلسم...اصلا كل الروحة متوقفة عليها
حنان:ياااا صارت اغلى مننا
مهران:من يوم يومي بكرهكن
نيفين:هههه حرام عليك
مهران:لكن هاد حكي بعدين بلسم بنت عمهن اولا وزوجة الوزير تانيا
ابو مهران:معو حق لازم تكونن اخوات
حنان:ليش ما بتعرف المتل الي بيقول تناسبو تباعدو
سلام:نحن من يومنا ما من...منكره بلسم
ام مهران:وفوق منها حامل بدنا احسن من هيك
مهران: وطلع زلمة
ام مهران:شو قصدك
مهران:يعني مافكرت يصير اب من اول شهر
نيفين: مهران عيب
مهران:يلا دايما ع القهوة تجمعنا بعد نص ساعة والي متدايق من التاني لا يجي
سلام:لا يوووه كلنا حبايب
كنت حابة اطلع حيلا مشوار مخنوقة من البيت ووقت اطلعت لقيت حالي بالمشفى جهزت حالي ولانو الجو فيو برودة اللبست شال شتوي وانزلت قبل الموعد واستنيت لحتى نزلت نيفين واطلعنا سوى

نيفين:شو بلاقيكي سابقة الكل
بلسم: دايق خلقي لدرجة
نيفين:نفسية حوامل 😂 منيح اصيل موو هون
بلسم: ليش
نيفين:يمكن تكرهيه خلال الحمل
بلسم:....
طلعت سلام وحنان متجهزات واخر شي اجى مهران واطلعنا معو نحن بنات العم ورا
مهران:ع التصويت وين حابات مطعم حديقة ولا فتلة
سلام:حيلا المهم نغير جو
حنان: شو حيلا بدنا للحديقة
سلام:حبيبتي بنتك نايمة
حنان:اي رسلان بخلص دروسو وبيلاعبها
نيفين:انت وين بدك تاخدنا
مهران: للمقبرة
فرطنا ضحك سوى بس هو استنكر
مهران: يا حبيبي على هالضحكة انزلن لشوف
سلام:خلص خلص سكتنا
ضلينا كاتمات الضحكة لحتى شغل ومشي
حنان:نيفين من عندك اغنية رمنسية
سلام: لا حماسية
مهران:مابدنا اغاني مو ناقصنا بعدين ما بكفي صرعتكن يعني لصغار بالبيت وانا ماخد لكبار معي
سلام:انت اتبرعت
مهران:اسمنو اول مرة بلسم بتزور المدينة رح افرجيكي الفرع الي كان يداوم فيه اصيل
حنان:مسموح يعني
مهران:من جنبو لانو منطقة عسكرية كلها
كنت متحمسة لدرجة اي عبالي اشوف وين كان يداوم كان في دوريات كتيرة واستغربنا اشر لنوقف على جنب وانصدمت كان محمد ببدلة زيتية موحد لونها وطالع شخصية وقلبي صار يضرب ضرب جواتي وفوق كل هالجاذبية لابس نظارات وصعبانة عليي اشوفو من بعد لغياب
.......
كان مبتسم نص ابتسامة لانو متعمد يوقف سيارة اخوه ومو عرفان مين فيها صفط مهران على جنب وقرب محمد من الشباك وشلح النظارات
محمد:ممنوع
مهران:بلا جد
محمد:شو بمزح يلا لف وارجع
مهران:شو القصة وانت ليش هون
محمد:دورية مشتركة
وهلا انتبه لبلسم وقلبو دق بقوة
مهران:يعني في شي
محمد: اجتماع
مهران:يا خطير انت ع فكرة حصتك معنا
اطلع فيها بشكل مباشر
مهران:بعدين ليش مسكر موبايلك يا مهم انت
محمد:اليوم بيزبط
مهران:كنت بتمزح مشان الطريق
محمد: لا والله لف وارجع يلا
وعيونو ما فارقت بلسم ومهران انصاع لأوامر محمد رجع ومع هيك محمد ضل عيونو على السيارة
بقلبو:متغيرة بلسم وكانو نحفانة شو صاير معها انا كيف بدي اكمل دوامي
انتبه لاسير جاي صوبو
اسير:يلا جاهز
محمد:جاهز
اسير:مامعنا وقت الا نص ساعة
محمد:خلصنا لكن
طلع مع اسير بالسيارة وهمو بس يزبط الموبايل ليحكي مع بلسم ويطمن عنها متناسي ليش سافر بدون ما يودعها
واسير ما فكر انو هدول اهلو
اسير:تركتك مبسوط
محمد:شبني
اسير:حاسك متحمم بمي باردة
محمد:ياريت بلكي بتنطفى النار الي جواتي
اسير:يا لطيف كل هاد لانك قريب من اهلك
محمد:اي والله ياريت اترك كلشي وارجع للبيت
اسير:ههه مشان شخص
محمد:...
اسير:مو حرام عامل بحالك هيك
محمد:اخ يا اسير اخوك مدبوح دبح
اسير:سلامتك بس انت مزود لعيار ع حالك هونها بتهون
محمد:قبل اشوفها كان كلشي عادي
اسير:احلمت وانت صاحي
محمد:ما كان حلم
أسير:يعني هي السيارة لأهلك
محمد:...
تنهد والحسرة بقلبو
اسير:وانا فكرتك بتاخد وبتعطي حيلا اتاريك اعلقت
محمد:...
اسير:ياريتك ما اجيت معنا
بقلبو:نظرة وحدة ما بتكفي بدي شي اكتر ياريتني انا الي معك مو حدا تاني والاجازة شغلتها طويلة بيكون انحرق سلافي
كان اسير ملاحظ على محمد انو تايه ومقهور
اسير:خلصني وين المحل
محمد:...
اسير:حبيبي انا غشيم هون
محمد:بس نوصل بخبرك كمل
مع انو كان متحمس بالدوام بس في شي طفاه ع الاخير وبدو يعرف ليش متغيرة بلسم .
عند محل الموبايلات اعطى الموبايل للشب وبقي ساكت بس اسير شرحلو شو صاير بالموبايل
الشب:بس رح يروح منو كلشي
محمد:وارقام
الشب:اي
محمد:...
اسير:اي زبطو شو بدك تضل بدون موبايل شكلك متل الارمل بيناتنا
قبل يعترض محمد كان الشب عم يفرمتلو كلشي جواتو واخيرا فتحو .
بقلبو:ما استفدنا شي مافي الا استنى تتصل هي فيني لازم طلبت منها اوووف بس ليش انا مو حافظ ارقام لاهلي ليش.
حاسبو وطلع وأسير التزم الصمت لانو محمد ما بيتفسر.
......
مابعرف انو شوفتو بتخليني متل المراهقة كنت حافظة اللقطة الي وقفنا فيها والنظرة الي رماني فيها كانت خاصة كتير وكيف واقف وملتزم بدوامو وانا مافكرت انو كلو هيبة ببدلة الدوام وانيق لدرجة لا توصف
نيفين:في ناس عشقانة
مهران بغيرة:شقفة عنصر مو حرزان
سلام:دخيل كل العناصر لأجلو
حنان:ههه يخرب بيتو ولا سلم علينا على الأقل كيفكن يا حلوات يا بشعات حيلا
نيفين:بكون فات بموجة عشق متل الي فايتة فيها بلسم
بلسم:مو لهدرجة
نيفين:اي امبلا😂 واكتر
حنان:بس لازم خلانا نمشي قلعنا
مهران:بلا جدبة بكونو مسكرين كل الطرقات
سلام:يااا نيال اصيل بيعرف شو الموضوع
حنان:بس شغلة معلمو شغلة
نيفين:اي مبين حدا تقيل والو قيمتو
مهران:سكرن ع الباقي خلص.
وانا كملت ومتمنية ارجع اشوفو او لحالي اروح للمكان مستحيل يقلعني يا الله شو هالنظرة ولا هالهيبة وملتزم فوق كل هاد .

مع انو اشترو اكلات طيبة بس انا ما بقى الي نفس ع الاكل كنت اتأمل رقمو ولانو رح يزبط موبايلو رح استنى منو اتصال رح يتصل فيني اكيد ومارح انام للصبح سهرانة
بس ياترى شو رح نحكي بدي اخبرو اني حامل متأكدة رح يفرح يلا بقى اتصل انا مشتاقة اسمع صوتك انا وحدانية محمد وماحدا رح يسليني غيرك واصلا مابدي غيرك
ضليت حاملة الموبايل وعلى امل يتصل ومالي عين انا الي اتصل لازم هو يبادر
.....
صوت تنبيح لكلاب كان بالاستراحة في شي مطمنو انو بنفس المدينة
مسك الموبايل واتأمل الشاشة
محمد:اتصلي بقى انا ماعندي رقمك....هي تاني مرة بوقع بنفس المصيبة وما بكون حافظ رقم لحدا لك حيلا حدا يتصل فيني اتصلي بلسم بدي اسمع صوتك معاد فيني....لا تتأخري ناطرك
ساعة ورا ساعة كان يروح الامل شوي شوي وع الساعة وحدة حط الموبايل بجيبتو
محمد:ذاكرتي صفر مو متزكر الايميلات ولا حتى الارقام حيلا رقم ما بتفرق .....
ايميل ل ستي وكأنو مابقرب لحدا او هني بيعتبروني ميت خلال فترة الدوام لك بلسم اتصلي مافي غيرك لازم يكون مشتاقلي ولا مشتاقة لايوب وبتحاكيه معقول زبط موبايلها اي لمحت بايدها موبايل اوووف شغلة الغيرة بتحرق حرق
ازا ما اتأكدت من برائتك ومات ايوب ولايمكن ارجع معك متل الاول
........
بيوم خلصت المهمة كان مبين انو مزعوج واسير حاسس فيه
كان عم يتجهز قبل الانطلاق
اسير:شو جاهز
محمد: شوفة عينك .. اسير اطلب منك طلب
اسير:ازا بقدر تكرم عينك
محمد:احكيلي مع فاروق بيك
اسير:تبقى هون
محمد:شغلة يومين
اسير:مو قلت اتعزبت لوصلت للفرع
محمد: عادي يوم وطالع عنو
اسير:ما بظن يوافق انت شو بدك
محمد:بدي رقم لحيلا حدا من اهلي لانو ماحدا عم يتصل فيني
أسير:ومهتم وجاي على حالك بدك تحاكيهن
محمد:بدك اشرحلك بالتفصيل
اسير:لك فهمان عليك....طيب هات رقم مهران انا بحاكيه
اطلع فيه بغرابة محمد ومية إشارة استفهام
اسير:مو انت ما بتحكي معو
محمد:سجل عندك
مسك موبايلو اسير
محمد: لو معي رقمو بتلاقيني ساكت
اسير:هههه فكرتو معك بس ما بتحكي معو
محمد:لا والله مو معي
اسير:وهو هيك شكلو متلك لانو اتشوقت اتعرف عليه
محمد:فاضي لحالك والله
اسير:امانة تحكيلي
محمد:ك شكل لا بس ك طول وجسم كتير قريبين من بعض
اسير:خلص يلا بتسافر ويتنسى انت مشتاق لانك قريب
محمد:اي يمكن
بقلبو:ماحدا حاسس بلي جواتي وحتى بلسم طلع بس بدها ترتاح مني
بطريقهن للداوم كان شارد ومهموم لحد ما اجاه اتصال وماعندو ولا رقم مسجل فصل الخط وبعت رسالة عادية
محمد:مين؟
اجاه الرد دغري
أمين:صاحبك الي بعتو
محمد:انا بداومي بس اخلص بحكي معك
امين: ضروري نحكي
بقلبو:تضرب منك لايوب من وقت ناسبتهن ومابقى بدي هالصحبة وانت الك اس امين لو كنت تخبرني بنوايا ايوب ما كنت وصلت لهون
........
بسهرة بيت حماه كان بجنب شيماء واللمة شبه عائلية
وصال:شو ايوب مابدك تداوم
ايوب:لا
وصال: وبعدين معك
ايوب:بس يديق خلقي بنقلع
وصال: اخوك جاي يتجوز وانت ايمتى بدك تنوي
ايوب:بس تتجوزي بتجوز
وصال بشهقة عالية:شوفو هالحكي ما بيستحي ابدا
امين:عمرو ما يتجوز خليه يشوف الناس ويتحسر
ايوب:انت لا تدخل
وصال:خلص ولاه الزلمة ببيتنا
ايوب:لو سمحتي صار بيتو لانو ليل نهار لزقان فينا ياعمي اهلك اشتاقولك
شيماء:لا حماتي حكت خليه عندكن
ايوب:ومبسوطة كمان ساعة غضب الي وافقنا
اجاه الاتصال المنتظر وايوب اهتم لدرجة
وقف امين واعتذر وطلع لبرى يحكي
بقلبو:زمان عن اتصالك
امين:اهلين بابن الآغا
محمد:اهلين بنسيب جدوع
امين:مو مشكلة المهم انت من عيلة اصل وحسب ونسب
محمد:شو عندك ليش متصل لحد الآن ما سدءت حالي
امين: أجيتك تاني يوم للحارة ما لقيت سيارتك وادريت من الناس انك مسافر هربت
محمد:فشرت اهرب
امين:كان بيستاهل هالضربة
محمد:وما انشفى غلي منو
امين:ليش شو عامل فيني افهم وكيف بتواعدو من موبايلي وعلى اي اساس جبتو للمزرعة
محمد:على اساس اربيه واربي قرود الارض فيه
امين:ما بينحكى
محمد:مابينحكى؟؟؟ليك بس مابقول الا شغلة انشالله تنحط بنفس الموقف
امين:على شو بتدعي فهمني
محمد:انت كنت بتعرف نواياه وسكتت مشان تناسبو ماكنت بدك تنزع صحبتك معو
امين:اي ما كنت بدي انزعها لاني شفتك وقت حبيت صرت تتنازل عن كتير شغلات
محمد:بس ولايمكن اعمل الغلط متل ما عملو هو
امين:لا انت بدك تحكي ولا هو
محمد:كزاب حاكيلك كان يخبص قدامك كلشي جاي تستشرف مو
امين:وعزمي ليش محاربني
محمد:بقى هي مابعرف فيها
امين:اشرتلو من فترة مشان اسالوا عنك حكالي برجعلك وما رجع
محمد:حتى انا ما بتواصل مع حدا
امين:بس منيح في عاقل بعيلتكن
محمد:اي روح لعند العاقل احكيلو محمد بدو تحاكيه ضروري
امين:وازا مارحت
محمد:امين الموضوع ما بيتأجل

امين:بالاول احكيلي شو عمل ايوب
محمد:...
امين:كان بالحارة مثلا
محمد:ياريت
امين: ليكون حاكي معها
محمد: والباقي عندك امين
امين:...
محمد:وازا هي مظلومة لحساب رح يتقل هيك خبرو والي اعطاه رقمها والي زبط الموضوع رح يتحاسبو
امين:...
محمد:بدك تروح لعند عامر
امين:الوقت متأخر وماحدا عم يطلع بهيك وقت بكرى ع الاكيد رح اخبرو ليش مو معك رقمو
محمد:لا مامعي ارقام حدا وماحدا متكلف يحكيني
امين:الا انا
محمد:وما عجبني حديثك روح يلا لاتنسى شو وصيتك
امين:ماشي
سكر واتفاجئ ايوب واقف وراه
امين:ليش واقف عندك
ايوب:هاد الكلب
امين:انت من وين جايب رقمها
ايوب:ههه شكالك يعني
امين:ايوب زودتها كتير انت متسبب للمخلوقة بمشكلة حرام عليك عم تخرب بيوت عمرانة
ايوب:والي جاي اضرب استنى انت بس
امين:..انا صار لازم امشي
ايوب:استنى لجيبلك جاكيتك
شبه تقليع قلعو طلعت امو وشيماء
وصال:وين يا ابني
امين: بكفي
شيماء:مع مين حكيت
امين:مع محمد
وصال:بكرى لا تنسى معزوم
امين:انشالله مرت عمي
لبس الجاكيت وضل واقف لحتى طلعت شيماء وقفت معو
امين:شيماء حلفتك بالله انتي ورا شغلة الرقم
شيماء:رقم شو
امين:اخوكي متصل ب بلسم والي فهمتو من محمد عامللها مشكلة وشفتي شو عمل بايوب انا كنت بعرف الشغلة فيها رقم بس مو انو يحاكيها
شيماء:رح يجننا والله
امين:صار لازم علاج هاد السم الهاري ورا المصايب احكي مع امك تعالج ابنها النتائج رح تقلب عليكن انتو
شيماء:شو قصدك ليش ايوب شو بيشرب
امين:اساليه وانا خبرتكن
ودعها وكمل للبيت مقهور من لهجة محمد معو من نبرة ايوب وكيف ناوي على الشر ومن كل قصة حبو الي كل ما فكر مين اخوها بينقهر لانو رح يخسر رفيق عمرو
......
كانت شيماء معصبة منو وتطلع فيه بنفسية
ايوب:خير
شيماء:انت شو مخبص
ايوب:مو شغلك
شيماء: اوعك تكون اخد الرقم مني
ايوب:لكن من ستي
شيماء:ايوب حرام عليك المخلوقة اتجوزت وما حليت عنها وناوي تخرب بيتها
ايوب:ايوا....انتي قلتيها
وصال:مابدك تركز لك ايوب
ايوب:لا وانا عاجبني وضعي كتير
شيماء:ماما ابنك داير يخرب بيت المخلوقة
وصال: ليك انا اعجزت فيك والله لاغضب عليك ازا ما بتحل عن هالمخلوقة
ايوب:لا تخافي شلتها من بالي بس جوزها حطيتو بنص راسي
وصال: ياربي دخيلك بدو يموتني طقيق
ايوب:بدي انام
قلعهن تقليع اتمدد على الفرشة وغمض
ايوب:رح تبكي على جوزك دم...ورح اتشفى فيه ورح يدوق من نفس الوجع انا بفرجيك يا ندل يا ابن الندل
.............
بعد مرور ٣ اشهر
كانت التحضيرات ل عرس سلام والكل مشغول
بس انا كنت حزنانة لدرجة بعد ما اتشجعت واتصلت ب محمد رفض المكالمة وانا معاد اقدرت اتصل فيه مرة تانية كان بدي اعرف بدو يحضر العرس ولا رح يكمل غيابو هون الكل عم يشتري والو نفس يفرح الا انا بس في بارقة امل امي رح تحضر ازا مو كرمال بيت عمي كرمالي انا بنتها وكنة العيلة وقت فتحت الباب حماتي ما استغربت
ام مهران: انزلي عاوزتك بموضوع
بلسم:...
سبقتني وانزلت بدون نفس وقت شفتها هي وسلام وحنان اتدايقت لانو بسمعني حكي كتير
ام مهران: شرفتي
بلسم:خير مرت عمي
ام مهران:بدك تساعدي سلام بترتيب اغراضها
بلسم:هلأ
ام مهران:لكن ايمتى
بلسم:بس انا
ام مهران:لكن انتي بنت عمها اقل منها
بلسم:بس
ام مهران: بدون اعتراض وهلا عندك شغل تاني
بلسم:بس روز موجودة
ام مهران:لا شغل ما دخلها روز فيه
بقلبي:الله يجيرني
ام مهران:تعالي امسحيلي كندرتي
بلسم: بتمزحي مو
ام مهران:اكيد لا انشالله بتفكري جوزتك اصيل لسواد عيونك في حساب قديم بيني وبين امك
بلسم:وشو علاقتي انا
سلام:امسحيها بلا ما تعلقي معنا
بلسم:انا ما بقبل وهي مو شغلتي
حنان:فوق ما اخترنالك شغلة تليق فيكي
سلام:وما بتعب كمان
بجية رسلان ابن مهران ارتحت يمكن مع اهلو جاي
رسلان:يلا تيتة شو ناطرين
ام مهران:يلا وليه اخرتينا شوفي شغلك
قبل اطلع للغرفة وقفتني
ام مهران:لا تحطي راسك براسي يا بنت
سلام:ناويتلك على نية لهيك اسمعي كلمتها يا شطورة
حنان:هالشغلة ريحة قدام الي ناطرك نفذيها ها انا مشانك
بلسم:رح اخبر عمي
ام مهران:ليرجع بتخبريه يلا مامعنا وقت
بلسم: مهران بيعرف
سلام:لسى محتمية فيه خلصي
رسلان:شو بدك منها
حنان:مو شغلك حبيبي يلا اطلع نحن جايين
بلسم:انت بترضي
ام مهران:من زمان متحلفيتلك على هالشغلة يلا
بلسم:ليش انا
ام مهران:والله هيك اجى عبالي يلا خدي امسحيها
بلسم:...
سلام:شو انك عنيدة
بقلبي:الله ينتقم منكن يارب
دفشتني وخلتني انزل لمستوى رجلها
وقت اسمعت صوت مهران ارتحت
مهران:شو عم يصير هون
طلعن سلام وحنان يركضن
جلست وقفتي
ام مهران:شو دخلك انت
مهران:انتي شو عم تحاولي تعملي بلسم لغرفتك
ام مهران:لكن مين بدو يساعدنا بترتيب غرفة سلام

مهران:ل غرفتك بلسم بسرعة
اطلعت وتركتها تخانق فيه وصوتو عليها ريحني لدرجة
مهران:ممنوع تتعامل بلسم بهالمعاملة
ام مهران: بتتزكر كيف اقنعتني اوافق
مهران:اي بتزكر بس حاليا مو هاين عليي فيها بنت عمي والدم ما بصير مي وهي هون مو شغلتها تمسح متلها متل نيفين بتتعامل بمعاملة تليق بكناين ابو مهران
ام مهران:هيك يعني
مهران:اي ومن بلسم اوعك تقربي بحضور جوزها تسطفلي منك الو الها مدامني هون ممنوع تقربي صوبها
ام مهران:والله اتاري بيت الآغا كلهن نخوة
مهران:وياريت ما يتكرر الي صار
شفتها طالعة وهو طلع وراها مو عاجبو بس كنت مرتاحة كتير
بقلبي: بترضى على بنتها سلام هالمعاملة وبدها مني امسح كندرتها وغرفة بنتها الحمد الله اجى مهران واكيد رسلان خبرو الله خلصني من هالمهمة الوسخة
..........
فرحتو مو عاطيها لحدا لانو انتهت العقوبة وعم يتجهز للأجازة كان اسير عم يوقعلو على الاجازة ويختمها
اسير:يلا عيش بهالنعمة
محمد:دخيلك عفنت هون كل العناصر نزلو الا انا
اسير:هههه يلا اجازة عريس بدها عقوبة
محمد:انت والي بيطلب منك
اسير:اي ولوين الهمة
محمد:للبيت
اسير:مو للتلة
محمد:لا
اسير:بسلامة حاكينا مو تاخد وضعية المهم ومابقى نسمع صوتك
محمد:اي ولايهمك مابكفي الكل مطنش وجودي
اسير:هههه يلا روح خود بتارك من الكل
محمد:لا توصي حريص
بالاستراحة كان عم يتأكد من محتويات الشنتة لبس تيابو الي اجى فيهن لساتهن نظاف وريحتهن عطر ضب البدلة بالخزانة وقفلها حمل الشنتة والروسية وطلع ركض لبرى لانو ناطرينو وهلا فيه يرتاح كان يتزكر كل الليالي الي سهرهن وحيد بدون تواصل مع اهلو حتى اولاد عمو الي معتبرهن اقرب من مهران بارقة امل وحدة موجودة ببيت اهلو
بلسم بس فيها تغير مزاجو كان بس بدو يوصل الساعات طويلة بس بالاخير وصلو للمفرزة إجراءات روتينة وبعدها اخد تكسي وبطريقو للبيت قلبو سابقو هيك حس حاسب ونزل وحامل الشنتة
اطلع بالساعة
محمد:منيح لساها بكير
فات للفيلا دق الباب وكالعادة فتحتلو روز وعيونو ع كل الموجودين
سلام:اصيل
محمد:والله ما بتقومو
ابو مهران:ليش مو مخبرنا
محمد:لاسباب امنية
ام مهران: الحمد لله على سلامتك
اطلع ببلسم اللقاء بارد لدرجة واتأكد انو بلسم متغيرة
ام مهران:هيك الوحدة بتستقبل جوزها
ابو مهران:بتكون خجلانة اتركيهن بحالهن
سلام:لك مبروك بدك تصير اب
اتفاجئ ما كان متوقع ابدا
محمد:شو هي نكتة
سلام:بلسم بعدي ايديكي عن بطنك خليه يتأكد
ام مهران:عاملي فيها مو دريان مو
محمد:هلأ لعرفت منكن
ابو مهران:بدل تيابك بكون جهز العشا
رمى بلسم نظرات كلها عتب وطلع للغرفة وميت من تعبو رمى الشنتة وفات للحمام
.....
ام مهران: اطلعي لعند جوزك شوفي شو بدو
ابو مهران:خلص حلي عن لولاد اتركيهن براحتهن هلا انتي كتير حابة يكونو مع بعض
ام مهران: ما شفتو كيف اطلع فيها
دغري تركتها تحكي واطلعت للغرفة كنت مقهورة من كلشي برودي هو سببو كنت خايفة منو ومن المواجهة انا ما بنسى قبل يسافر كيف كانت المواجهة الاخيرة ضليت واقفة بنص الغرفة لحتى طلع من الحمام مطنش وجودي
بلسم:الحمد لله على سلامتك
محمد:شكرا
بلسم:....
كنت بدي اساعدو اعطيتو جاكيت البجامة
محمد:متعود اخدم حالي ريحي حالك انتي
بلسم:لساتك
محمد: شو بدو يغير
بلسم:عرس سلام بعد بكرى
محمد:كتير منيح
بلسم:اعملك شي
محمد:لا ريحي حالك ما بتفهمي انتي
بلسم: انا حامل
محمد:مبروك
بلسم:يعني مابدك
محمد: انا حاكيتك يا مخلوقة
بلسم:,.....
محمد:لا تعملي فيها المهتمة
بلسم: انا اتصلت فيك
محمد: ورفضت المكالمة لاني اتزكرت الوضع الي شفتك تحكي فيه مع هداك الوسخ
بلسم: لساتك مو مسدءني
محمد:انا مابدي اسدءك منيح
تركني وطلع من الغرفة غمضت بتعب
بقلبي: هاد اللقاء الي كنت كليوم احلم فيه ليش هيك معقول ما حن ماسدء
الله لا يوفقك يا بطيخ
جريت حالي جر لتحت كانو ملتمين وهو عم يشرب القهوة ومشغل سيكارة قعدت بعيد عنو ما اقدرت اطلع بحدا
محمد:وين عيلة مهران
سلام:بتعرف عاملين الفيلا اوتيل ما عاجبيتو عجقة العرس اخد نيفين ورسلان وراحو لبيتهن
ابو مهران:اي بريح حالو هالكم يوم
ام مهران:طولت هالمرة
محمد:بتفرق يعني معكن
ام مهران:اي شو شايفنا حجار يعني
محمد:لا بشر بس في اختراع اسمو موبايل كان فيكن تتصلو
ام مهران:انا حاولت كتير كان يعطيني مغلق
محمد:كان في عطل بموبايلي بس بعدها اتصلح ماشفت حدا اتصل فيني
ام مهران: اي والله ايأست بعدين اتعودت على غيابك
سلام:اي امبلا هلا جاية حنان
محمد:ليش خبرتيها بكرى بشوفها
سلام:اي ما بتطول صايرة خفيفة دم
محمد:اي طمنتني
سلام:انت اجيت مشان عرسي مو
محمد:ولا ببالي اصلا انا مابحب هالمناسبات
سلام: بلااا شو

محمد: المهم نخلص من خلقتك
سلام: سامع بابا
محمد:وين بدو يروح سامع اصلا مبسوط بدو يخلص منك
ابو مهران:لا تردي عليه
سلام:...
محمد:وين العشى يا جماعة متت جوع
ام مهران:يلا بلسم روحي استعجلي روز
رحت للمطبخ شفتها عم تجهز
بلسم:اساعدك بشي
روز:كلو جاهز بس بدو شوي وبيستوي
بلسم:....
روز:روحي ارتاحي انتي
بلسم:لا ببقى هون
قعدت ارتاح مابدي اشوف حدا نظرات مرت عمي كلها شماتة خلصت تجهيز العشى ساعدتها ورتبتو على طاولة السفرة وبلشنا بالعشى بس ما كان الي نفس بشي
اتزكرت زيارات محمد للتلة قبل حتى اصير خطيبتو كان حدا منيح ويخجل مني هلا صاير العكس انا خجلانة منو وبدي رضاه وهو ولا عبالو
ابو مهران:بلسم ليش ما عم تاكلي
سلام:اي هي نحفانة بدل ما تسمن
ابو مهران:اتغذي مشانك ومشان الي ببطنك
بلسم:انشالله
ابو مهران: بكرى بتاخدها للدكتورة قبل عرس سلام بدي اطمن عليها
محمد:لبعد العرس
ابو مهران:بكرى انا حكيت
بعد العشى قلعني تقليع
محمد:للغرفة يلا
بلسم: ليش
محمد: و