Stories 📖

غداً نلتقي لاتنسو تتفاعلو🤍🌸🏃‍♀

4.1K views°• ᒪᗩᗰOOᔕᕼ °•🌸, 23:01

قصة عشق الأصيل 7 الموسم الثاني
ايوب ع الاسطوح من سيارة محمد عرف انو طالعين سيران وريحة المشاوي لكل التلة واصلة
ايوب:ايه سيران العرسان هاد خليني اتجول في ارجاء التلة منرفع ضغط العريس منفرجي حالنا للعروس ومنغير جو ايه يا رب
نزل لتحت كل خطوتين سوى وقفتو امو
وصال:وين طاير
ايوب:فتلة ما بطول
وصال:قضيت السنة تفتل بدي تطالعلي هدول الأغراض
قبل تكمل قاطعها
ايوب:حبيبتي انا بأجازة عملتيني عتال وخدام
رانيا:اخي شو عتلت نحن حتى عم نركب جرة الغاز
ايوب:انا هون شغلتي نوم وتفتيل واكل
شيماء:يعني مين يطالعهن نجيب واحد من الشارع
ايوب:خلص بيجي وبجيب امين معي بساعدني
خجلت شيماء ومابدها كل فوتت امين للبيت
رانيا:اخي عيب
ايوب:لا مو عيب انتن جهزن قهوة وحلو ما بكفي بدنا نشغلو عتال
شيماء:ماما سامعة
وصال:ما بيستحي لانو
ايوب:الحيا خليتو لاخوكي ناصر
اطلقن ضحكة استفزتو وهربن كان ماسك الشحاطة وضربها بس ما لحق دغري اتسكر الباب
ايوب: راجعلكن يا بنات وصال
وصال:والله لاتصل باخوك خليه يجي يربيك
ايوب:والله لاجرم فيهن
وصال:الله يكملك بعقلك يارب
اخد المفتاح ودغري طلع بالموتور وعبى الحارة بضجة صوتو وينغم لحتى وصل لبيت أمين وصرع الحارة تزمير طلعلو امين شعرو مبلول وعم يكمل لبس لبلوزة
امين:انت مجنون صرعتنا
ايوب:نعيما الك عندي فتلة
امين: اليوم عطلتي
ايوب:اي عازمك على قهوة يلا
امين:بتسمحلي امشط شعري
ايوب:بس لا تتأخر
رجعلو مزبط حالو ولابس قميص جينز ومبين شخصية ضل ايوب يتمعن فيه
امين:يلا شغل
ركب وراه بس ما شغل ايوب
ايوب:امين عشقان مو
امين:اه...شو هالحكي
ايوب:تزبيطك مو حيلا مين حابب يلا اعترف
امين:تزبيط مين اتحممت بعد ما حلقت واللبست خلصنا امشي
ايوب: بتكون ابن حرام ازا ما بتحكيلي
امين:ع الطريق خلص امشي يلا
طالعين للتلة حكي ومزح بس شاف سيارة محمد امين عرف شو الموضوع
امين:لك يا الله شو انك خبيث ونجس كمان
ايوب:ياريتني الارض الي قاعدة عليها
امين:ليك محمد عم يطلع بعد خلقتك للصوب التاني
ايوب:سلم عليه سلم
امين:الله لا يسلمك زمرلو انت
ايوب:ولعيونك ها
بعد موجة تزمير ومحمد واقف وجنبو عامر وعزمي وعم بتفرجو عليهن لحتى نزلو ورجعو للبيت
امين:بمناسبة ولا بدون
ايوب:حابك بدك احسن من هيك
امين:لا ياااا ايوب لمصيف حاببني
ايوب:يالله يالله
كان عم ياخدلو طريق وقبل يفوت للصالون مسكو امين
امين:لك وين فايت انت
ايوب:مانك غريب فوت
امين:احم احم
ايوب:جهزو قهوة يا حريم
طلعت وصال مبين مو طايقة ايوب
وصال:اهلين يا ابني
ايوب:شو بدك مني كنت متصلة فيني
وصال:كنت بدي ترفعلي هدول الأغراض
ايوب:يلا بأمرك يا ست الكل
دغري امين بلش يساعدو ومبسوط لانو ببيت شيماء حبيبة القلب ومتاكد انها شايفيتو
...........
من شق صغير من الباب دايبة شيماء ومبتسمة كان متشيك لدرجة ريحة بارفانو عبت المكان
رانيا:ع شو بتتفرجي اه
شيماء:بدي اشوف كيف عم بخدم عليه
رانيا:مشالله عنو عزمو قوي
شيماء:...
بقلبها:الله يحميه يارب
طبعا ايوب ما اشتغل متل امين خلص وبلش ينفض بتيابو
ايوب: لك اسف مابعرف انو في شغل
امين:يا زلمة مو حرزانة
ايوب:لك وين القهوة يا حريم
اتشجعت شيماء وطلعت وايوب انصدم واتحلفلها
ايوب: بسرعة يلا
وعلى شوي بدهن يطلعو عيونو من مكانهن فاتو للغرفة لتنين ورجعلها مسكها من رقبتها
ايوب:لكككك كيف بتطلعي قدامو
شيماء:مابعرف انكن لساتكن بالصالون
ايوب:الله لا يوفقك لك شو بدو يحكي علينا عيلة خنازير ما بيخافو على بناتهن انا بفرجيكي بس ليروح تعالي قدميها ها
بقلبها:ياااريت
شيماء:لا يوه بناديك
بس طلع فرطت ضحك عليه
بس امين الي بعالم العشق سارح وبخيالو عند شيماء مارح لبسها حبها الو خلوه يكون مبسوط
ايوب:بدهن حرق البناات
امين:مو لهدرجة يمكن ما انتبهت
ايوب:...
امين:ايوب
ايوب:خير شو بدك
امين: لك لا تعصب .. انا من زمان بدي اصارحك
ايوب :بشو؟
امين:شو بصير ازا طلبت القرب منكن
ايوب:شوووو
امين:لك ما تفهمني غلط
ايوب:فهمني صح
امين:مو متل ما بتفكر بس انا دورت بعقلي كتير وما لقيت حدا اقرب من عيلتكن النا
ايوب:يعني مو شغلة حب وهيك
امين:حب شو انا اصلا
ايوب:اي ليل نهارك على الموبايل
امين:يعني الطلب مرفوض
ايوب:لا لا....بس مو هيك الأصول صح
امين:انا بدي اعرف في قبول
ايوب:انا من جهتي بوافق بس مابعرف عن العيلة
امين:ابعت اهلي
ايوب:اي بتشرفونا
بقلبو: واخيرا
ايوب بقلبو:رح اخلص من وحدة بس شو عجبو فيها بتشبه ابو عنتر
دقت الباب وراح ايوب اخدها وتحلفلها من جديد .
ضيفو وامين بعالم تاني اسمو رح يخطب حبيبة القلب ورح يصير يفوت ويطلع بصفتو خطيبها
........
بفيلا أبو مهران وبغرفة محمد تحديداً كانت ام مهران واقفة بنص الغرفة وتعطي التعليمات ل روز

3.5K views°• ᒪᗩᗰOOᔕᕼ °•🌸, 22:07