القسم الاربعون
الساعة ستة المسا طلب من وائل يسكر عليه الدكان طبعا شو بدو يحكي وائل طاوعو
بقلبو:هاد بدو يجنني اكيد مخابرات ساجد ولازم اطاوعوا
سكر عليه الغلق وبقي بالعتم وعلى الشباك واقف وناطر الكاميرا بايدو لحظة وصول رغدان التقو بالخرابة سلم على ديب بايدو سلموا المبلغ وتمت العملية بنجاح
بقلبو: مابعرفوا ابدا مين هالزلمة ولمين تابع بعد ما خلص توثيق صور عادية وفيديو اتصل بوائل واجى فتح الدكان وساجد رجع للبيت مستعجل وطلع للغرفة ركض فوتو للغرفة رعبت مريم طالع اللابتوب واتواصل مع بلال خلال ساعة كان محول الصور والفيديو لايميل بلال وبلش يشتغل شغلو غمض ب تعب ارتمى بعرض التخت واتنفس براحة
ساجد:هانت ساجد المبلغ كبير بس رح يترجع لامسك طرف الخيط اول ما حطت ايدها على جبينو قشعر بدنو
مريم:شبك ساجد
ساجد: ياروحي انتي شبني
مريم:تعبان يعني
ساجد:لا ابدا بس مشغول بالي كتير
سحب أيدها لعند تمو وباسها
مريم:والله فكرت صاير شي
ساجد:لا ابدا ريحي بالك
مريم:تشرب قهوة
ساجد:ولاشي ناطر تقرير مهم
شو رأيك لوقت يوصل منكون حبينا بعض اكتر
مريم:لا روح اللعب غيرها
ساجد:ترى بتتحاسبي
مريم:وعرق ما بشرب عرق
ساجد:😂والله اليوم جكارة فيكي بطحتين وهون بالغرفة لاشربهن
مريم:والله لصورك وافضحك
ساجد:😂 بخاف ارشرشلك بالغلط
مريم: رقاصة شايفني
ساجد:😂بس حلو جو الكبريه بيدوخ عنجد
مريم:من هيك اجيت دايخ يومها
ساجد:دخيل رب النسوان
مسكتو من شعراتو بلغة التهديد
مريم:دخيل شوووو
ساجد: ههههه مابحكي تحت التهديد
شعراتي يا لئيمة
مريم: دخيل شوووو
ساجد: دخيل عيونك ارخي ايدك مريم
مريم:بعد بتتغزل بالفلتانات
ساجد: لا لا توبة
مريم: تسترجي يا ساجد تعيدها
ساجد:ما انتي نسوان
مريم:يعني ازا بدي اتغزل فيك اقول دخيل
ما خلاها تكمل بحركة وحدة قلب الأدوار
ساجد:اوعك مريم تشربيني من نفس الكاس
مريم:ليش بقى
ساجد: اوعك وبس
مريم: موبايلك
دغري انتبهلو بس بقي معصب منها
ساجد:اي بلال لا كنت بالحمام يلا رح افتح
انشغل بالابتوب والاحسن التقرير الي باعتوا بلال صور ل رغدان مع محجوب زيارة محجوب لنفس اللواء وهوية رغدان الكاملة
بقلبو:تمت العملية بنجاح
سكر اللابتوب طالع تياب الدوام وبلش يتجهز
لبس بنطلون اسود ولبس القميص واتصل ب نبيل
ساجد: جهزلي عناصرر المداهمة
نبيل:شو صاير عند هالليل
ساجد:مامعي صلاحيات احكيلك
نبيل:طيب انت جاهز
ساجد: جاهز بطريقي للاتستراد
لبس حزام المسدس والجاكيت واخد فلاشة التقارير وطلع تحت انظار مريم
......
كنت متأكدة انو محقق راقبتو وهو طالع من الحارة ومابعرف ليش غص قلبي خفت عليه كتير يا ترى شو القصة وليش ما بيحكي عن شغلو معقول مخبي حتى عن اهلو مارح احكي
بقلبي: يارب احميه يارب
......
على الاتستراد استنفار امني كثيف كان صفوح ونبيل مترأسين المهمة
صفوح:استدعيتنا بدون سابق انذار
نبيل:شغلت بالي
ساجد:وين محجوب
صفوح: بإجازة
ساجد:عناصر المداهمة الفريق الاول معي لبيت محجوب
الفريق التاني لبيت المدعوا رغدان
بلال:حاضر سيدي
طبعا صفوح ونبيل ما عندهن اي فكرة عن الموضوع بس لانو مستلم المهمة ساجد من حالهن اعتبرو محجوب صار بالنظارة
فريق مداهمة بقيادة صفوح وبلال والفريق التاني بقيادة نبيل وساجد
بسيارة ساجد
نبيل: يايت تفهمني
ساجد:وراقوا انكشفت وراح بشربة مي
حاوطو البيت بالمقدمة ساجد ما كان قصر ولا فيلا بيت بمنطقة بحال الوسط
دقات كبيرة ع الباب وخلال دقايق ماصار رد اشر للعناصر
وخلعوا الباب خلع وانتشرو جوى والصدمة يطالعوا محجوب من الحمام والخوف متملكو وبجهة تانية مرتو وولادو
محجوب: احترامي سيدي
ساجد:هو انت خليت فيها احترام اشحطوه
محجوب:طول بالك يا سيدي
ساجد:اشحطوه
زوجة محجوب:الله لا يوفقك يا عديم الشرف
نبيل:ضبي حالك يا مراة
كانو عنصرين بدهن يهجموا عليها بس منعهن ساجد بحركة وحدة
زوجة محجوب:الله ينتقم منك شو عاملك جوزي لحتى بتكرهوا
ساجد:فتشوا البيت
محجوب:سيدي
ساجد:بدي كلشي مصاري ببيتو وبدك تقر من كل واحد استلمت منو ليرة مقابل خدمة
زوجة محجوب:يا ويلك من الله يا ظالم
نبيل:سيدي
ساجد:خليها تحكي براحتها بتسكت لحالها
طالعو من غرفة نومو المبلغ نفسو الي دفعوا ساجد غمز محجوب
ساجد: شايف مال الحلال كيف بيرجع
انصعق محجوب ولو بيطلع بايدو بيخبر رغدان الخيانة من طرف الديب
انشحط بكل ذل وهوان وقدام ولادو وزوجتو ما سكتت دعاوي وشتائم ونبيل مقهور منها وساجد معتبر حالو مو سامع بنوب
والفريق التاني سحب رغدان من نص القهوة بالبلد ووصل الخبر للعقيد
انو ساجد اكتشف خيانة لرجال الاجهزة الامنية بقضايا استغلال
........
قدام المركز حاطت ايديو بجيبتو والتانية ماسك فيها السيكارة

نبيل:كيف كشفتوا
ساجد:😂متل الدراق ما شلحتوا شلح لحالو
نبيل:هههه تشبيه بليغ بربي رايق اليوم
ساجد:مو بلا
نبيل:مابدك تحقق معو
ساجد:انا الي بدي بس والله شوب وازا ما اعترف يمكن اقتلو لانو مو متحمل هالجو
نبيل:مو قلت في دليل
بجية الفريق التاني معن رغدان
ساجد:اقوال هالشب الحلو هي رح تودي محجوب لجهنم
وباشر بالتحقيق فوراً استلم رغدان ما حب يستنزف طاقتو حيلا سفق كفوف وضرب واهانات وبالاخير
رغدان:اي سيدي محجوب الي عم يمرقلي كل القضايا من تحت الطاولة بس كمان ديب الي خبركن واحد حرامي وياما مسكر ملفات السرقة في ناس شهدوا ضدو وطلع منها وهو مو لحالو معو خمس شباب وهو السادس
صار يعد ساجد على اصابعو (مصطفى_جبورة_مصلح_نصرت_ديب_واكيد ماجد اخي السادس)
ساجد:يعني معترف انو محجوب بيخفي الدلائل وبيقبض مقابل تغيير الحقائق
رغدان:اي واخد مني عشرة مليون مشان يشيل اسم شب مشكل فرار بس ما لحق انتو كشفتو الي صار
ساجد:وانت يا رغدان شو شغلتلك
رغدان:سيدي بدي اعيش وانا مو اول عسكري بيشتغل هالشغل كلها عم تقبض والله راتبنا ما بكفي
ساجد:عقلكن مو موفي وبدل ما تستثمرو مخكن بشي مشروع ينفعكن بتسخدموه للنصب والتهديد يعني لانك ابن دولة معقول ما تتعاقب انت بتعرف القانون فوق الجميع
رغدان: على دوري
ساجد:لك اسمعني ولاه انا ماعندي لف ودوران وقت الجد بحط اهلي بالسجن مو بس عسكري متلك ومو تفكر عندي خيار وفقوس هلا بس لاسمع اعترافات محجوب رح يصير خير
تركوا وطلع للغرفة الي فيها محجوب كونوا ملازم اول الاهتمام فيه كبير ومع ساجد ممنوع حدا يزيح هيك او هيك كان جرير شمتان ب محجوب لابعد الحدود وبعد صد ورد وبعد ما فرجاه ساجد المقاطع والصور نزل راسو محجوب
محجوب:اي سيدي قبضت ومو اول مرة بعمل هالشي وبارقة امل كانت بالنسبة الي غيابك عن المركز ومو بس انا انت مسبب رهاب لاغلب العناصر
ساجد:برر احكيلي راتبي ما كفى
محجوب:سيدي اول مرة تعاملت فيها بهالشي لاخلص ابن حمايي من قضية تهريب البشر وبعدين قلت بحالي ليش ما اتعامل بهالشغلة بس سدءني ندمان يا سيدي
ساجد:اعطيتك اكتر فرصة يا محجوب ضيعتهن هيك
جرير:فعلا اعطاك فرصة لاتثبتلو العكس وقضية طفل صغير متل نوار لازم هزت كيانك
محجوب:...
ساجد:كنت بتعرف انو متعرض للتحرش
محجوب:من اساسيات شغلي اعرض الجثة على طبيب شرعي وهو اعطاني التقرير وانا رحت هددت المتهم فيه بس بدون ما اخلي حدا يعرف وخبرت سيادة الرائد جرير التقرير الطبي مكتوب فيه الجثة سليمة وحتى اثار ضرب ما عليها ووقع من البلكون قضاء وقدر
جرير:وبعد الندم يا محجوب
محجوب:قلبك كبير سيادة الرائد
ساجد:انتهت جميع الفرص كتبت اقوالو يا ابني
العنصر:نعم سيدي
ساجد:حولوه للمحكمة العسكرية فوراً
طلع هو وجرير كانت الساعة وحدة بعد منتصف الليل
ماشي جرير وراه
جرير:انت ايمتى ما أجى عبالك عم تجي كبسة للفرع
ساجد:الي لازم تعرفوا ساجد مو بأجازة بمهمة
جرير:😂 يعني معقول مافي عسل
ساجد:مارح رد عليك
بالمكتب فاتو وسكر الباب جرير
جرير:ليكون جاي تنصمد بخلقتي
ساجد:شوفتك بتصد النفس عن الحياة بدي تتابع الموضوع باهتمام جرير وبدي انضباط مو مهيصة
جرير:😂 كليوم بهددهن جاي ساجد كبسة
ساجد:يعني بدو يصيبك متل شهاب الكزاب
جرير:بس انت نمر😂
ساجد:بتعرف لازم تحمد ربك اعطيتك فرصة
جرير:انا بعرف انك كاشف الكل وكأنك بتتفرج على تمثيلية
ساجد:اتعلم لكن الي بدي اياه منك ترفع تقرير مع اقوال محجوب بمنع لزيارات لانو محجوب شخص انتقامي لو اظهر الخضوع
جرير: ومشان التاني
ساجد:بيتحاكم متلو متل محجوب
جرير:كانك راجع للعسل
ساجد:اكيد راجع مهمتي قربت تنتهي وراجع للدوام والي لازم تعرفوا مارح استغني عنك رح تناوب عني واناوب عنك
جرير:كفو لكن بكسبك ع الغدا
ساجد:بتشرف زميل يلا تصبح على خير
جرير:وانت من اهلو
اتنفس براحة وطلع لعند نبيل
نبيل:فاقسة معك معلم
ساجد:وين ماجد
نبيل:عيناك تشوفوا وهو يلاكم العناصر كان متمكن من حالو ومن الخصم كمان
ساجد ابتسم بفخر:يعني عم يتمرن
نبيل:وما عم يستريح بسهولة ولو تعرف شو متمني
ساجد باهتمام:شو
نبيل:لو يرجع فيه الزمن ليتطوع متلك
ساجد: المشكلة صار عليه حكم
نبيل:بتدبرها بعرفك
ساجد:بالاول بدي اختبرو مية إختبار
راح يشق عليه فات بهدوء وابتسم وقت شافوا نايم على بطنو ومبين عليه التعب
مسح على شعرو بحنية كان مشتاقلو كتير
اتزكر طفولة لنقار والنقير ونهفات ماجد
........
بالماضي الجميل كان ماجد عاشق لكرة القدم وبيحب الكابتن ماجد لدرجة لانو على اسمو طبعا ما يخلي شباك ما يكسرو وام ساجد كل يوم يجيها مين يشكيلها من شقاوة ابنها لمدلل ماجد
وبيوم رجع ماجد فرطان من الضحك وشاركهن العشى

ابو ساجد:شو بيضحكك سيد ماجد
ماجد:عملتلكن بابو وائل فصل
طبعا ام ساجد انبسطت بتموت عليه وعلى نهفاتو
ام ساجد:شو عامل ولاه
ماجد:صرلي اسبوع بحكيلو لابو وائل عندك بوشار ويحكيلي لا بالصيف ما منزل بوشار ماعليه طلب اليوم ندهلي حكالي تعال نزلت بوشار قلتلو اشتريت مشي الحال😂جننتوا والله
ساجد:ههههه لتصير حكاية بالحارة
ماجد:انت شو ما شكالك وائل طنشو
ابو ساجد:يعني ابو وائل رجال صغير لتمزح معو
ساجد:هاد مقلب بابا بيمشي ع لصغير ولكبير
ساجدة:لكن لاحكيلو نزل لعب باربي
وفرطو ضحك .... ...
.........
حسيت عليه وقت رجع كنت بدي امثل النوم بس حابة اتطمن عليه
بدل تيابو واجى لجنبي وابتسملي
ساجد:صاحية بشوف
ما حكيت رميت حالي بحضنو
ساجد:اشتقتيلي بلا
مريم:لا تبعد عني ساجد بترجاك
ساجد:ههه لك شو اتغير
مريم: خفت عليك والله
ساجد:ليش بقى
مريم:انقبض قلبي وخفت خفت ما ترجع
ساجد:لانك مابتعرفي طبيعة شغلي لو بتشوفيني وانا بدوامي مارح تخافي عليي ابدا
مريم:طمني انت
ساجد:عطول قدامي خط حماية ومرافقة كتير
ضربتو على صدرو
مريم: يعني الي ببالي صحيح
ساجد:😂والله راح عن بالي انو ع اساس ماشية عليكي شغلة العسكري
مريم:شو رتبتك يعني
ساجد: رائد بالأمن الجنائي
مريم:لشو هالسرية التامة
ساجد:لانو مابدي عيلتي تتأذى واصير واسطة للرايح والجاي
مريم:كيف ما افهمت
ساجد:هون المشاكل بتنبع نبع واي واحد رح يفوت بمشكلة رح يجو لعند اهلي وعلى احراجات خلي ساجد يتواسط وانا مابقبل اشتغل شغل اعوج يا مزبوط يا بلا وهون انا قاصد كلشي
مريم:وشو علاقة الأذى
ساجد:بخاف اتهدد بأهلي وانا مابدي يكونوا بخطر وبدي يمارسوا حياتهن بشكل طبيعي
مريم:افهمت هلا بس انو عنجد عيب عليك
ساجد:😂بس ارتاحت نفسيتك لا تقولي
مريم:ما علينا أتاخرت وين كنت
ساجد:بمهمة خلصتها وارجعت
مريم:وكيف موافق اخوك ينسجن
ساجد:ليصير زلمة
مريم:خليك منيح يا ساجد انا كتير اتعلقت فيك
ساجد:اولا زعلان منك كيف بتشدي شعري
بستو على دقنو
مريم:حبيت اتمرد عليك
ساجد:تانيا بتهزأي فيني وكنتي رح تحكي حكي يقهرني
مريم:بغار عليك
ساجد: بحترق من جوى مو بس بغار
مريم:يعني رح تكون منيح
ساجد:خايفة اموت
مريم: بعيد الشر
ساجد:لا تخافي بتجوزك ماما دغري
مريم:يا عيب عليك هالحكي كيف بتقبل تحكيه
ساجد:لموت بفرجها الله
مريم:قشعر بدني ايأست من كلامك
ساجد:هلا منرجع الامل سوى 😂والا ما التحشتي بحضني مشتاقيتلي يا حرام
.......
كانت نادرة تحوص بالبيت مستفقدة ل ابو عمران وطلعت لفوق تشق عليه😂
وبلشت خبط على الباب
نادرة:ابو عمران يا ابو عمران
شوي وفتح ساجد تأفف بوجها
ساجد:عمي حلي عني مشان الله
نادرة:انت خطفت مريم
ساجد:شو رأيك مين اخطف اكيد مريم ابو عمران ما بيلزمني
نادرة: مريم تعالي معي
مريم:شوفي خالة
نادرة: خايفة عليكي من هالوحش
ساجد:ازا انا وحش انتي غولة😂لانك عمتي
نادرة: فشرت ابن اخي لمؤدب مدري وين رحت فيه
شوي وطلعت ام ساجد
ام ساجد:شوفي يا ام عمران
ام عمران تبكي:ضرب مريم
ساجد:😂مريم احكيلا اديشني حنون عليكي
ام ساجد:تعالي معي ننزل ابو عمران أجى
نادرة : يرحم تراب جوزك شو انك بنت اصل هاد ابنك
ام ساجد:اي
نادرة:قلعيه امانة برقبتك
ضرب على جبينو اتطلعوا ببعض هو ومريم وفرطوا ضحك سكرو الباب وقفلوه.
.......
القسم الحادي واربعون
كانت الصبح حماتي مجهزة شنته تياب واغراض واكل لماجد وساجد راح يوديهن واكيد راح يتأخر اسمعت حديث حماتي ومجد بالمطبخ واستغربت انهن بيتهامسن
ام ساجد:هي خبرتك اسراء
مجد:حكتلي جايين بكرى على الاكيد
ام ساجد:الله لا كان جابهن وفاطمة معهن
مجد:الي ما بتعرفيه فاطمة اتطلقت
ام ساجد:من وين طلعتي هالمصيبة هي
مجد:يعني خايفة متلي
ام ساجد:بدي اخاف لكن وبكرى رح يقعدو عنا اسبوع زمان ليرتبو بيتهن شطف وتعسيف قلبي متل النار مجد ليش خبرتيني
مجد:مشان لا تدرو من الغريب بس والله شي مضى عليه سنين يعني لشو خايفة
ام ساجد: اتركيني بحالي مجد لازم لاقي حل سريع
وقت فتت سكتو بس لوجوه ما كانت تتفسر
........
وعند ماجد كانت حدا مختلف حكيوا وهدوئو ولا كانو ماجد لمولدن
ساجد:اي حكيلي شلون الوضع
ماجد:ع كيفك عنجد شكرا ساجد انا بالبداية فكرتك بتكرهني اكتشفت العكس انت بتحبني وانا اليوم حابب حالي منيح ساجد ياريت اتطوع معك اكيد مو برتبتك بس اكون متلك بنفس المجال
ساجد:مدام معك بكلوريا ما بينخاف عليك بتخلص محكوميتك ورح تبلش خدمة الزامية ومو تفكر شي عادي رح تكون باشراف زملائي ايام الكلية
ماجد:ايه هلا ارتحت باقي كتير لمحكوميتي
ساجد:رمشة عين لا تخاف منو بتكون لياقتك البدنية عالية وعاجبني كتير تصرفاتك واهتمامك بالملاكمه

ماجد:بعجبك اخي كيف العيلة
ساجد:كلنا مناح ما عدا عمتك نادرة جننتنا والله اجى ياخدها عمران ما رضيت تروح بتسدء خلصو منها بلونا فيها
ماجد:😂والله منيحة عمتي
ساجد:لك موتتني منيحة الك مبارح فزعتنا بنص الليل جاية تشوف ابو عمران عندي فوق بالغرفة
فصل ماجد من الضحك لهيك انبسط ساجد كتير مشانو غيرلو كل جو وجايبلو دخان واكلات طيبة وبدو اياه يضل منيح بس شكلو الحبس رح يربيه والجيش يعيد تأهيلو
.......
كان ديب كانو مسفوق كف اختفاء رغدان وعدم التواصل معو احدثلوا صدمة وخايف يكون الشب ما انشال اسمو ويطلع نصاب اتصل ب ساجد وحكالو بطريقي لعندك التقى فيه بالورشة
ساجد:شبك ولوو
ديب:شو صار مع الشب
ساجد:ناطر منك دفعتلو
ديب:بس مغلق الافندي من مبارح
ساجد يمثل الصدمة:شو يعني مغلق فهمني
ديب:لا تعصب الا ما يبين يمكن صار عندو شي اي اليوم عازمك ع سهرة ع كيف كيفك
ساجد:موافق
رجع للبيت لوجوه ما تتفسر ولا هو بيتفسر هلا لازم يلقي القبض عليهم بس كمان مو هاين عليه اعتراف رغدان مسجل بالمحضر وعناصر المداهمة ناطرين الاوامر من ساجد بس هو عم يأجل بالموضوع
المسا جهز حالو وراح لعند الديب وبطريقهن للكبريه رقص وفقش وضحك وطبشوها ع الاخر
ساجد: اي ديب مابقى سرقت شي
ديب:تعدمني ابو نمر مصلح طلع من هالحكاية ومصطفى ملتهي بشب اوسخ منو جبورة بتعرف وين صار ونصرت ملتهي بشغلو انا الراس لكبير
ساجد:تبت يعني
ديب:من شو دخلك
ساجد:من السرقة
ديب:مو بأيدي اتعودت
رقصتلو جيانا كتير وبعد الفاصل رجعو للبيت بالزور شايف طريقو ساجد وصل ديب وسكربت السيارة فجأة طفت
ديب:اساعدك
ساجد:لا لا يمكن من حالها تشتغل
نزل ديب وحاول يفتح الباب فات وترك ساجد يشغل السيارة
........
اول ما فتح الغرفة صرخ بكل صوتوا
كان خيال ابيض بالغرفة وطااااخ على راسو بالعصاي
وفجاة ختام لبست على راسها وبلشت تولول
فزع دياب وساجد واقف برى صرخة ديب بادنو اسعف ديب هو ودياب والدم مغطي راسو
وبالمستشفى علق ديب لانو كان سكران وبعد سين وجيم انهى الموضوع ساجد 😂ع اساس هو انظم منو ضمدولو الجرح وبطريقهن للبيت
دياب:اخي مين ضربك
ديب:بسم الله الرحمن الرحيم لا تزكرني كان خيال ابيض بابيض
ساجد:بلا جدبة هي خبطة عصاي
ديب:اي ضربني
دياب:لا حول ولا قوة اخي انجن
ديب:ع وجه العروس
ساجد:ليكو صاحي مدامو متزكر العروس
وصلوا ورجع للبيت تعبان وهلكان وببوطو وبتيابو رمى حالو على التخت
.............

ما عجبتني رجعتو للبيت اصلا مابعرف اي ساعة رجع لهيك ما حبيت اصحيه انزلت لتحت على غير العادة مبلشين شطف وتعسيف وحماتي خلتني اساعدها ع الخفيف بس حسيت انو حديث مبارح الو علاقة بالتعسيف شاحنين نادرة لعند ام دياب وعمي مو بالبيت وساجد ولا يمكن يصحى اليوم هلكان الافندي
..........
كان معتز يتمشى رايح جاي ع امل يلمحها لمحة لو صغيرة لابس طاقية على راسو مشان لا تعرفوا مريم بس هو مستمتع كتير انو متواجد بحارتها
..... ...
وعند عمها كان مو عاجبو كل تصرف ساجد بيتزكر كيف قلعوا تقليع وكيف مابدو حدا يزور مريم ابدا وهو كان بيعرف بنت اخوه مارح تردو خايب بس جوزها خيب كل ظنونو.
.........
كان ديب متسطح بالفرشة وتعبان الدنيا عم تفتل فيه اتصال ساجد خلاه يركز
ساجد:كيفو الديب
ديب:خليها لله
ساجد:لك ما نمت وانا افكر فيك
ديب:شو طلع معك
ساجد:حبيبي مرتك الي ضربتك😂 لانو مافي جني بيمسك العصاي
ديب:لك لابس ابيض بأبيض
ساجد:بتكون لابسة شرشف😂يلا تعيش وتنضرب
ديب:حس فيني ساجد عم تلف الدنيا فيني لف
ساجد:بعد السكرى اجت الصحوة 😂
ديب: روح اقفل على غيري واضحك
فصل الخط وصار يستوعب ويتزكر ويتأكد انو ختام ضربتو انتقام منو😂
...........
كان نازل متشيك بلحظتها اسمعنا صوت زمور سيارة فتح عمي الباب وطلع وحتى مرت عمي ساجد وانا ما كان مني الا اوقف ع الباب اتفرج سيارة عالية وبتجنن
ابو ساجد:نورت الحارة اخي ابو سعد
نزلو صبيتين وحدة من جيل مجد والتانية على ما اظن من جيل ساجد ومراة من جيل حماتي وهالنظرة من ساجد للصبية خلت قلبي يغلى غلي حسيتو ابتسم نصف ابتسامة وحتى هي ابتسمتلو ابتسامة كاملة
بوسات واحضان هربت دغري للمطبخ اهدي من قهري واتناسى شو شفت بعيوني
........
ام ساجد مقهورة قهر كبير لانو فاطمة زايد جمالها وبناتها بجنن كمان
بقلبها:والله ازا الي ببالي صحيح لاخد مريم ونهج من الحارة لخليها الك ولابوك ولعيلة عمك كمان خوفي مريم تحس على شي
كان ساجد قاعد بالمضافة بجنب ابوه وعم يسمع الحكي
ابو ساجد: صحيح اتطلقت فاطمة
ابو سعد:اي والله ما هان علينا نشوفو يضربها ع الطالعة والنازلة
ام سعد: يكسر ايدو الهي
ام ساجد:بس مافي دخان بلا نار

اسراء:لا هو سكرجي
ابو ساجد:هلا صار سكرجي
ابو سعد: ليش ما ادريت اخي
ابو ساجد:لا والله
ابو سعد:مو اتاريه متجوز هالمنظوم ومعو تلت نسوان وبنتي اخدها الرابعة
ام ساجد: ليش وقت طلب من عندكن ما سألتو عنو
ام سعد:ما خطرلنا يكون متجوز
مجد:لكن خطرلكن تعرفوا حسابو البنكي
كتم ضحكتو ساجد
نادرة:مين هدول
ابو سعد:اخوكي انا اخوكي
ساجد:هيي بتخربط بس مو طرشة
نادرة:مين هدول
ساجد:شبعرفني قال اخوكي😂
ابو سعد:انسيتيني
نادرة:ابو ساجد بس اخي الله يرحموا
ساجد:تعيشي عمتي
.......
كانت فاطمة معجبة كتير فيه
بقلبها:ما كان هيك ابدا متغير مية درجة شو هالطول والجاذبية والشخصية كانت ناطرة منو اي نظرة لتبتسملو
بقلبها: لساتك بتحبني ساجد ؟؟؟والله قتل حالو عليي كنت الحب الاول واكيد لساتو عشقاني ومستحيل مرتو تكون بجمالي
صحيح وين مرتو متخبية
وقت وقف وطلع من المضافة ضلت مراقبيتوا اناقتوا جننتها لانو جوزها كان عكسو قصير بكرش واصلع
.........
كنت عم اغلي القهوة وقت فات لعندي
ساجد:لا تفوتي للمضافة
مريم:ليش بقى
ساجد:هيك انا بقول ممنوع خلصي ولفوق دغري
مريم:بيت عمك هدول
ساجد: اي
مريم:ومشان الغدا
ساجد: ماما بتقرر
ضليت مراقبيتوا وقت اخد القهوة واعطاها لمجد وفاتت تضيف والا اروح واسرقلي نظرة ما عجبني وضع البنت الكبيرة مراقبة جوزي عينك عينك وضريب الهي
.........
بقلبو:وما احلاكي قاعدة مع عمي ابو عين زايغة ما خلى مطلقة ولا ارملة من شرو لنشوف اخر لزيارة
كانن البنات عم يطلبن مصاري من امهن
ابو سعد:لساتو ابو وائل فاتح الدكان
مجد: اي
ابو سعد:انا باخدهن
مجد:انت بنطرهن تعالن لشوف وطلعت معها اسراء وهو ما حب الجو كلو شرب القهوة وطلع لعند مريومتو
بالغرفة كانت حاطة راسها على البيرو وفاردة شعرها الظاهر كانت تتأمل جمالها
انتبهتلو ودغري ضمت شعرها
ساجد:شو ليكون مالة
مريم:لا ابدا بس يمكن مرت عمي بتعرف بزيارتهن من الصبح نازلة تعسيف بالبيت
ساجد:يسطفلو شو دخلنا نحن النا بحالنا صح
اشرلا تعالي وقعدت بجنبو اتأمل جمالها وابتسملها
ساجد:هيك بصحى ما بلاقيكي
مريم:اجيت الفجر انت
ساجد:اي بس شو دخل رجعتي الصبح استفقدتك ما لقيتك
مريم:ما سألتك عن ماجد
ساجد: صاير غير شكل بس انتي عم تتهربي مني حبيبتي
مريم:ابدا بتحب بيت عمك هدول
ساجد:بكره سلالة النمر كلها.
مريم:ما بسدء مستحيل
ساجد: المهم انا مين بحب
مريم:بتحبني يعني
ساجد:بس بحبك والله قليلة اتدايقت الصبح حركت حالي ع امل امسكك واغمرك بس استوعبت انك صاحية وطالعة من الغرفة
طبعلها اول بوسة على رقبتها وانفصلوا عن العالم كلو
.......

كانو ناطرينهن بس ما نزلو لهيك بلشوا بالغدا وفاطمة ناطرة يطل ساجد بس ما حصل ابدا ورح يباتو هالليلة عندهم ام ساجد مقهورة ومبين عليها
بقلبها:خوفي يهدفن على ابني ساجد كان يعشقها ويحبها كتير طيب شو اعمل والله ازا بيصير الي ببالي رح اتربح خطية مريم عنجد
وهي ضروري ترجع ومطلقة كمان وعينها ع ابني بكل وقاحة
بالمطبخ ما اتكلفن يساعدن مجد
مجد بقهر:شو الترتيب مامي
ام ساجد:لازم مريم تتمسك بساجد بس هالفترة لانو ازا طقت براسو يستر عليها رح يتجوزها
مجد: لاااا غص قلبي من هالكمة
ام ساجد:ما شفتي كيف اكلتو بعيونها ونازلة تتأمل فيه من فوق لتحت
مجد:لانو الها من زمان مو شايفيتو ومتغير بالنسبة الها بس يارب ما يكون الي ببالك ببال ساجد
ام ساجد: كلو وارد لازم ما ينترك لحالو لحظة ليروحن يقنعنوا
مجد:لا تخافي هلا بحكي مع مريم ورح نشتغل نحن فيهن
ام ساجد:برافوا عليكي ساجد لمريم ونقطة انتهى
...........
المسا جهزنا حالنا واطلعنا نتعشى برى البيت واصر نطلع على عيون الكل سلمنا سلام عادي واطلعنا بالسيارة طول الطريق مشغل اغاني ويبتسملي
وفجأة خطرلي زواج جارنا على مرتو بوقتها صار يدللها لبس وغنج ويمدح فيها اقل من شهر كان جايبلا ضرة وسكنها بنفس الحارة ليكون ساجد عم يعمل متلو اسلوب الرجال واحد وكلهن نفس الاطباع ياربي من وين طلعتلي هالمخلوقة وكيف هيك ابتسمتلو يمكن انا مكبرة الموضوع بس غيرانة عليه لدرجة
مجرد رفعت ايدي دغري مسكلي اياها
مريم:ساجد انا زعلانة منك كتير
ساجد :ليش زعلانة
مريم:وقت ترجع للبيت طابشها
ساجد: كاسة وحدة ما بتأثر تعي احكيلك ختام شو عملت بديب مبارح
وقت حكالي التفاصيل فرطت ضحك
مريم: عنجد ضربتو بالعصاي
ساجد: انا اسمعت صوت صرختو بالمشفى حددو نوع الضربة 😂 واكتشفت انو ختام ضربتو مو معقول الجني يحمل عصاي
مريم:ولييي لكن دير بالك تتجوز😉
ساجد:هههه كان ناقصني تهديد بس
كان المشوار بجنن وما حابة ارجع واشوفهن ابدا يروحو لبيتهن نحن كنا مكيفين لحالنا
.......

وعند خطيبة ديب كانت خجلانة لانها زايرة خطيبها المتصاوب بس ديب غرقان ودايب فيها
بشرى:موجوع
ديب:اخ البي البي انكوى بالنار
بشرى:بحكي جد ديب
ديب: يا روح الديب هي لحتى تعرفي اني خضت تضحيات كرمالك مو بس بعمل ناطور😂وبنطر باب الورشة لا بنسفق ع راسي عصاي
بشرى: مين ضربك
ديب:ما عاش الي بدو يضرب الديب بس فتت بالحيط
بشرى: يوه واجت الضربة ع نافوخك
ديب:😂دخيل نافوخك اي شو هالبني والله جنني
بشرى:سلامتك والله ما اتوقعت تكون واقع
ديب:دخيل قلبك هاتي بوسة اسمنو مافي حدا
بشرى:روح اللعب غيرها
ديب:دخيل الله الحرص كمان وين بتحبي نروح
بشرى: بدك تسوق الموتور
ديب:لعيونك
بشرى:حيلا مكان نغير جو
ديب: بأمرك فرفوشة قلبي
ركبت وراه وانطلقوا من الحارة طبعا جهلان جهلة😂ولا جهلة ابو وليد بقصة رفقاً بقلبي 😂❤️
..........
كانت اخدا وضعية النوم بس مو جاييها نوم لانو ساجد ومرتو تأخروا وقت سمعت السيارة صفط فتحت شوي من البرادي وشافت كيف نطرتو مريم لحتى مشي جنبها حط ايدو ع كتفها وفاتتو للبيت
فاطمة:والله حلوة هالمريم ومبين

- النص المستخرج من الصورة: 📝
فاطمة : والله حلوة هالمريم ومبينة اصغر منو بكتير
اسراء: مابدك تنامي
فاطمة : مو جاييني نوم
اسراء: ليش
فاطمة شفتي ساجد متغير كتير
اسراء: اي متجوز جديد ما الو سنة
فاطمة : معقول يرفضني انا الحب الاول
اسراء: حبيبتي الحب الاخير الاول الزلمة ما بهموا هالحكي
المهم اتجوز
فاطمة : لا بكرى بتشوفي اول ما اوصلنا ابتسملي ابتسامة
خاصة
اسراء: والعر الي معك
فاطمة : عادي معي هو كتير حنون انا بعرفو من زمان من وقت
كنا بصف واحد
اسراء: حلي عني يااا اتجوزتي وخلفتي واجيتب لعند هالزلمة
بعدين كيف انتي ما ارضيتي تكوني ضرة هلا بدك تصيري
قناعة
ضرة عن
فاطمة : مستحيل تفهميني ساجد غير
بقلبها : ورح اراهن عليه واخدو غصب عن امو انا بفرجيها ام
ساجد الحقودة

تصبحووو على خير 🌸🤍🤍

لاتنسوو تفاعل 🤍🌸

القسم الثاني واربعون
تاني يوم استغربت ساجد ما خلاني انزل ابدا وجاب فطور الي والو ومابعرف حسيتو ما بدو اخالطهن لغاية بنفسو كنا عم نفطر برى بالهواء الطلق ونشرب شاي
ساجد:اكلك مريم ولا عاجبني بنوب
مريم:ليكني ها عم افطر
ساجد:اكل عصافير هاد افتحي تمك لشوف
مريم: سدءني عم اجبر ع حالي صايرة اكره الفطور كتير
ساجد:شو بصير معك طيب
مريم:مابعرف والله ساجد
ساجد:عيون ساجد
مريم:ليش ما انزل لعندهن حابة اتعرف ع الصبايا
ساجد:ماعندي مشكلة بس ليروح عمي وبابا شي مشوار
بقلبي: معقول غيران عليي من عمو
بعد الفطور طلعت مجد وانقهرت لانو ساجد نزل كنت بدي امنعوا بس صار رايح
مجد:شو فطور منفرد
مريم:مابعرف شو بصير مع اخوكي
مجد: ياريت ينقلعو
مريم: حاسة البيت مكركب
مجد:عم يجهزن حالهن بدهم يروحن يشوفن اابيت ويشطفنو ونرتاح منهن
مريم: وساجد ليش نزل لتحت
مجد:مريم انا جاية احكيلك ديري بالك ع ساجد
وفجأة وقع قلبي من مطرحوا
مريم:يعني احساسي بمطرحوا
مجد:هو من زمان كان يحب فاطمة وقاتل اخلي لياخدها بس ما قدر لماما وبابا واتجوزت وليكها رجعت اتطلقت وبكزب عليكي ازا بحكيلك فاطمة ما حاطة عينها عليه مبارح اتطلعت فيه كتير وعلى اقل فرصة تتبسملو وازا ساجد جد براسو الجد رح بتجوزها
مريم:وشو بدي اعمل ازا بتعرفي ساجد عنيد وعصبي
مجد:اهتمي فيه لا تخلي عينو تطلع لبرى
مريم:مابعرف والله بس ازا صار هيك شي انا ولايمكن ابقى معو وعندي الطلاق اهون عليي ما يتجوز حبوا القديم
مجد:المهم ديري بالك عليه
........
تحت كان عم يحكي مع امو واقف جنبها عند المجلى وفاطمة تتمايزو من عند الباب وقفتو وكيف سابق كل العيلة بطولو
بقلبها:دخيل الله هلا هالجاذبية كلها من ابن عمي لانطرو برى اكيد عندو مشوار لانو متشيك
.......
ام ساجد: بدك تتأخر يعني
ساجد:يمكن اتأخر بس متل ما قلتلك مريم لا تنزل لتحت
ام ساجد:بعرف من مين خايف عليها حتى انا ما بخليها تقعد معو
ساجد:منيح هيك طمنتيني
ام ساجد:شو مشاريعك هالاسبوع
ساجد:ليش بدك شي
ام ساجد:روح انت ومريم اسبوع لشقتك بتغيرو جو
ساجد:حاطت ببالي هالشي بس مو هالفترة بدك شي من السوق
ام ساجد:بدي ينقلعو بيت عمك ونخلص
ساجد:امي شو هالحكي مابصير
ام ساجد:بصير هلا صرنا نقربلهن وقت اتجوزت فاطمة عزيمة بالزور لعزمونا وكانت ام سعد تتغاوى باخواتها تروح تبات عندهن
ساجد:يسطفلو بيباتو مطرح ما بيرتاحوا
ام ساجد:يلا روح لا تتأخر
ما كان عاجبو حكي إمو ابدا
طلع لبرى واتصادف بالبنات قاعدات بحد لزريعة وما قدر يطنشهن
ساجد:شو بتعملن برى
فاطمة:منشم هوى
ساجد:ما حلوة تصيرن فرجة فوتن لجوا
اسراء:منستنى ماما بدنا نروح للبيت
التفت وراه كانت مرت عمو وابتسامتها عريضة الو
ام سعد:وين الهمة
ساجد:لعند رفيقي
ام سعد:يلا بتوصلنا لكن
ساجد:اتفضلو
بقلبها ام سعد:والله لاخلي السنارة تعلق من جديد
طلعن معو مع انو البيت قريب بس لتستعطفوا اكتر وصلهن وغمزت للبنات ونزلن
ام سعد:الله يحميك يارب
ساجد:تسلمي مرت عمي
ام سعد:شايف شو صار فينا طلاق فاطمة كسر ظهرنا
ساجد:الطلاق اهون من العيشة مع حدا مو منيح
ام سعد:والله اذاها نفسيا وجسدياً وبتعرف انت ما اقدرنا نعترض ولا حتى نرفع عليه دعوة
ساجد: المهم خلصت منو مو جايين تستقرو
ام سعد:اي اكيد بس والله خايفة عليها من حكي الناس
ساجد:شو اول وحدة بتتطلق
ام سعد:لانها حلوة وبتجنن بخاف كم ازعر يتحطتو عليها
ساجد:شو سايبة الدنيا انا هون وشو ما صار بتخبروني
ام سعد:الله يحميك يارب والله عطول بقول ام ساجد وبس عرفت تربي
نزلت وابتسمت بخباثة لانها استعطفتوا
وبطريقوا الكافيه لعند نبيل
.........
وعند الام وبناتها بلشن شطف
ام سعد:فطوم بدي تزبطي حالك رح تغمس السنارة
اسراء: ماما بهون عليكي
ام سعد:بهون وعندو فوق غرفتين
فاطمة:يعني حسيتي متل ما حسيت
ام سعد:اي شكلو لساتو معجب
فاطمة:ياريت اقعد معو لحالنا انا بفهملو من نظرة
ام سعد:اليوم زبطي امورك وبلشي زكريه بأيام زمان
اسراء:شو سايبة يعني
فاطمة:انت لا تدخلي
وقلبها معلن جواتها حرب الحب القديم
.......
كنت كتير مهمومة ما عم يروح من بالي كيف طلعوا معو ولوين راحوا بس انا اليوم بدي افرجيك يا ساجد والاحسن يستقرو بالحارة يعني حتى لو بروح يسهر عندهن مارح ادرى والله شكلو طار الرجال من بين ايديي شو رجعهن كلمة حبوا القديم قهرتني معناتو ابتسامتوا كانت متل الي خطر ببالي وهلا ساجد رح يبلش يدللني ويمدحني مشان يهون عليي مصيبة زواجو ....
.........
عند ساجد كان مهتم بالموضوع
نبيل:انا خايف يلاقي واسطة محجوب
ساجد:مو منعت لزيارات عنو
نبيل: مابعرف ساجد دير بالك منو
ساجد:شو بدي اعمل مثلا

نبيل:اخد احتياطك كل الوقت ازا رغدان خضع محجوب ما بيستسلم حتى الرائد جرير مو مستنظفوا حكالي نظراتو بيوم التحقيق كانت مو عادية
ساجد: وغيرو نبيل شو اخر المستجدات
نبيل:نحن حسب اقوال رغدان ناطرين منك اي اشارة مشان المداهمة
ساجد:لا لا هلا بدنا نتمهل
نبيل:يعني تابوا
ساجد:مو قصة توبة في واحد علم عليي من فترة وازا ما بعرف مين باعتوا مارح يهدالي بال
نبيل:اي اشحطوا وحقق معو
ساجد:كمان مابدي افتح لعيون عليي الكل ناطر تحركاتي
نبيل:متل مابدك المهم خود احتياطك
ساجد:الي كاتبوا الله بدو يصير
شربوا القهوة ورجع للحارة كان مشغول بالو بقصة زيارة محجوب معناتو حدا عم يتواسطلو
بقلبو:اعلى ما بخيلو يركبوا
..........
التقى بالبنات عند مدخل بيتهن هو شاف معتز وحسوا غريب عن الحارة وقبل يعترض طريقوا
ام ساجد:ساجد تعال شوي
دغري فات للبيت
ساجد:شو بدك
ام ساجد:شو بتساوي برى
ساجد:هلا مشان هيك والله فكرت في شي
رجع طلع لبرى ما شافوا
من شباك المطبخ حاكتوا
ام ساجد:بدي احكي معك
رجع فات لعندها
ام ساجد: ام مصطفى حكتلي حابة القرب مننا
ساجد باستهزاء وقرف:ما عنا بنات للزواج تسكر ع الموضوع بلا ما افجرها وافجر ابنها
وطلع معصب للغرفة والوضع بالبيت مكركب من زيارة غير متوقعة
.........
اول ما فات للغرفة انتبهتلو
مريم:طولت
ساجد:وين طولت ساعة
مريم:بقصد مليت كتير
ساجد:يومين بروحو منرجع لحياتنا الطبيعية
اتطمنت نوعا ما بس حسيتو مو على بعضو
مريم:صاير شي ساجد
ساجد:هلكان وبس بدي انام
راقبتو كيف شلح القميص واتمدد على التخت ب تعب وخطوة مني لحتى ما يشوف غيري طبعتلو بوسة على جبينو
بقلبي:من اليوم مو لصالحي ازعلو وابعد عنو
دغري غمرني
ساجد:النوم اطيب شي
هو نام بس ما اجاني نوم كنت خايفة وبس ينقبض قلبي لو ما صار شي بس الذكرى بتضل توجعني
..........
تحت سهرانين كلهن على مزح وضحك بس مجد مو قادرة تندمج فيهن ابدا
بقلبها:ضريب صرعتنا هي وبناتها احتلو البيت الحمام ما عم لحق عليه تنظيف اوف نيال مريم ساجد حربوق مابدو تشتغل مرتو وتتعب مشان العالم وعم يجيب فطور وغدا وحتى عم يجهزو قهوة وشاي فوق الله يبعتلي حظ متل حظك يا مريم بساجد يخاف عليكي من النسمة
فاطم:غريب ليش مرتو لساجد ما بتسهر معنا
مجد:هيك ترتيبهن من وقت اتجوزو
فاطمة:بتخدميهن يعني
مجد:معيشها ع الجاهز مغنجها ومدللها
فاطمة:ايه الله يهنيهن
بقلبها:هو حنون كتير والله بيلبقلو بس كمان بنزل ع ضرة وبشارك مريم عليه ليلة عندي وليلة عندها والله ما بيتفوت ساجد ولازم ما اضيعوا من بين ايديي
...........
وقت صحي اتزكر زيارة بيت عمو واتزكر انو امو متدايقة لوجودهن ومعها حق بس هو مو هاين عليه انو امو تكرههن هو ما بفكر متلها اتزكر ملامح فاطمة شالتها السودة الي بتعكس على عيونها رموشها طولها اتنفس براحة ولف ليشوف مريم متجلسة وشعرها نازل نصو ورا ظهرها والنص التاني ع كتفها لونو بيسحر كانت لابسة حفرة بتجنن عليها ابتسم وخفق قلبو لجمالها
ودغري التفتت عليه
مريم: صح النوم
ساجد:يصح بدنك
اتجلس وشاف انها تم تراسل ميس
ساجد:هي رفيقتك لازم تتبرى منك
مريم:عم صالحها😂بدها تحظرني
ساجد: قوليلها مشغولة بالحب
مريم:اكيد بتعرف تسهر
ساجد:انا الي بسهر جهزي راس الاركيلة
اشرتلو على عيونها
ساجد:يسلمولي هالعيون
مريم:يلا صحصح
ساجد:لا تنزلي لتحت انطريني.
لبست ونطرتو ونزلو سوى كان خايف عليها من اي نظرة مو زابطة بيعرف عمو ما بيسوى وما بيقصر وخايف تتعرض مويم لموقف يجرحها هو ما سدء رجعت طبيعية متل اول
فاتو للمطبخ يجهزو للسهرة الهدوء بكل البيت معناتو الكل نايم
جهزو كلشي وطلعوا لفوق الهوا بيجنن شغللها اغاني رومنسية شغلو الاركيلة وعلى نقرشة ومزح وضحك
بقلبو:احلى سهرة بعمري والله
........
تاني يوم كانن عم يجهزن حالهن ليروحن يفرشن البيت
ماشيات بالطريق
فاطمة: شفتي مرتو ولا بتبين
ام سعد:شفت والله بينحسدو مبارح حسيت عليهن الساعة وحدة نازلين يجهزو للسهرة
اسراء:يلا رح يرتاحوا مننا
فاطمة:بس ما رح احل عنو
ام سعد:اي زبطيه هو مارح يقصر ابدا والله الي بيشوف دلالو لمرتو بيغار ياريتك مرتو انتي
فاطمة:مو انتو اقنعتوني ساجد بالعسكرية بدك تنطريه بكون دعسك القطار مو بس فاتك
ام سعد:وانا بعرف انو معو هالمصااري
اسراء:من يوم يومهن معهن مصاري
فاطمة:قولتك رح يوافق عليي
اسراء: لا حول ولا قوه الا بالله انتو رح تخربو بيت مرتو
فاطمة:بالعكس رح اصير رفيقتها لساتك ما بتعرفيني ويمكن اتفق معها على ساجد
ام سعد:هلا سوحيه اهتمام وما عليكي من الباقي
اسراء: مفكرين العالم متلهن يمكن الزلمة مقتنع فيها
ام سعد:لرجال ما بعبي عينهن غير لتراب وازا ما استوى رح نحكيلو في حدا عم يدايقها ومارح يهون عليه ببنت عمو

اسراء:ساون الزلمة لجنة خيرية
ما عجبها كلامهن ابدا
بقلبها:ولا كأنو اتطلقت من عنادها وجنانها
.........
بالمطبخ كانت ام ساجد بسيرتهن
مجد:شفتي كيف رافعات أيديهن عن الشغل
ام ساجد:عبالي اقلعهن والله
مجد:لا ماما يومين وبينقلعوا
ام ساجد:بدي انطر يومين كمان
مجد:شو بدنا نعمل يعني لازم نصبر
كان ساجد واقف يتسمع عليهن
مجد:شفتي هالوقحة كيف بتطلع بساجد
ام ساجد:شفت ومقهورة والله
مجد:وانا والله ناقصنا مطلقات
وفجأة حكى
ساجد:مو عيب هالحكي
نقزن التنتين
مجد:حكي شو
ساجد:شو عملت لتحكن عليها مطلقة اه
مجد:مين حكى
ساجد:ازا انتن اقرب الناس الها بتحكن مطلقة لا عتب ع الغريب ليش اتطلقت بلا اكيد مو من كيفها
ام ساجد:وليش معصب بلا كرمال فاطمة يعني
ساجد:انا بنزعج من موضوع النسوان وبالاخص عيلتنا مو ناقصنا بكفي ابنك طلع مشكلجي وليكو بالسجن كمان تطالعن حكي ع بنت عمي مطلقة
مجد:شو قلنا ليش كلمة مطلقة عادية
ساجد: عادية بس من وراها شي انتي شو حكيتي ناقصنا مطلقات
مجد:اهوووو علينا
تركتلو المكان وعلق مع امو
ام ساجد:شو قصتك انت فهمني
ساجد:قصة شو ماما عيب هالحكي بتكرهيها ما اختلفنا بس تحكن مطلقة ومدري شو انتي ضامنة ساجدة تضل مع جوزها
ام ساجد:يييييي ابني عم يفاول ع اختو
ساجد:بشوفك انقهرتي متل ما حسيتي بالقهر هيك بس تسمعكن تحكن مطلقة رح تزعل وتنقهر
ام ساجد:وتنقهر انت هامك مشاعرها يعني
ساجد:مالي بمشاعر حدا الي بسمعة العيلة
......
انصدمت من بهدلتو ل حماتي
ساجد:ساعة الجد بتجوزها وبستر عليها ولا حدا يجيب سيرة بنت عمي بالعاطل
ام ساجد:على جثتي يا ساجد
ساجد:لكن لا بقى تحكن على فاطمة اي كلمة
ام ساجد: وازا حكيت
ساجد:انا بعرف اتصرف مع الكل
كملت للغرفة قلبي وقع من الخوف وحسيت انو جايب سيرتها بدو يتجوزها معقول مريم هيك حكى ساعة الجد بتجوزها وبستر عليها
يعني ببالو هي
اسمعت صوت السيارة وحسيت بخذلان كبير
معناتو ساجد حاطت عينو عليها من زمان حبوا الاول😭 ياترى بقدر انسى ابتسامتوا الاولى الها ولا ما رح اتخطى
لك مريم شو مقعدك ببيتهن لليوم ناقص يكتب كتابوا عليها عاملي فيها دمو حامي
بلشت ادور على مفاتيح بيت ستي ولا يمكن انا بالبيت اليوم انا بفرجيك يا ساجد
طالعتوا واستغليت غياب ساجد وانزلت ودغري اطلعت من الباب البراني ولبيت ستي اول ما شميت ريحتو اتزكرت كل زكرياتي فيه الي بتخوف بس ازا ما عملت هيك رح ابقى على نار ورح اتفرج على زواج زوجي من تم ساكت
اتزكرت زواج جارنا بوقتها كنت بنت وانقهرت عليها قهر كيف اتجوز عليها واديش بكيت وانقهرت وصابها مية علة
انهرت من البكي 😭لااااا من وين طلعلتلي بنت عمو هي
........
كان معصب لدرجة مقهور من حكاية امو وكرهها لبيت عمو وكيف بدها تشوه سمعة فاطمة ومو فهمان شو القصة
.......
وعند ام ساجد كانت تبكي بغرفة مجد
مجد:هو حكى هيك
ام ساجد:يعني ناوي يثني وبدو حجة
مجد:الله لا كان جابهن يارب
ام ساجد:منيح تسمعوا مريم والله لتنقهر
مجد:الله يصلحوا يارب بس اكيد ما حكى هيك
ام ساجد:والله هددني يتجوزها ليستر عليها انتي بتعرفي فاطمة رح تتجوز للسترة ولا للمجاكرة والكيد
مجد: خلص ماما طنشي الموضوع منو لمريم يسطفلو وانا رح احكي لمريم تهتم فيه
ام ساجد:ازا الرجال حب وعشق وجهل مارح يهمد ليعمل الي براسو عم تفهمي
مجد:يييي ياريي دخيلك
كملت بكي
.......
رجعن مبسوطات كانت فاطمة لابسة عباءة سودا طالعة بتفلج فيها وناطرة الحب القديم يرجع لتتأملو وتبصبص عليه
.......
القسم الثالث واربعون
اجى الليل كنت خايفة كتير صوت سيارتو وقت رجع سببلي خوف مابدي ارجع معو وبدي اتبخر من حياتو ولا يتجوز عليي واحس بذل وهوان ماعم يروح تهديدو من راسي انا بعرف اني غلطانة بس ما بسمح بجوازتو لو على جثتي
.........
فات للبيت مو عاجبوا طنش يسلم على اي حدا ولغرفتو دغري تحت انظار فاطمة الي بقلبها نار وشاعلة من شخصيتو وجديتو
كمل لفوق
بقلبو:اكيد ماما زعلانة ولازم استسمحها بس شو خطرلا تجيب سيرة فاطمة خلص المخلوقة اتطلقت هي او هو السبب خلص كل واحد فيهن مكمل ازا ماما بتشمت لا عتب ع الغريب انا مو طايق وجودهن خربوا الجو كلو بس الشي الحلو انو عمتي نادرة ملتهية فيهن
وقت فتح الغرفة استغرب انها ع العتمة شغل الضو ما كانت مريم
طلع دغري للغرفة التانية كانت مطفية وحتى الحمام ما استوعب انها تركت البيت لانو ما كان بيعرف انو مريم سمعت تهديدو فتح لخزانة دور بكل مكان على بكل ارجاء الاسطوح ونزل ركض دقات قلبو كبيرة كتير خايف عليها لانها وحيدة مالها حدا فتح غرفتو القديمة وعلفاضي
فاطمة:خير ساجد شوفي
طنشها وراح لغرفة امو دق الباب وحس انو اتأخرو بفتح الباب رجع ضرب اقوى فتحتلو امو وزورتو

ام ساجد:خير
ساجد:وين مريم
ام ساجد: بغرفتها
ساجد:ماما وين مريم
ام ساجد:شو بتجدبها انت
ساجد:انا بفهملك بدك تعاقبيني ع حكي حكيتو وانا معصب
ام ساجد:ماعم افهم عليك
ساجد:وين مرتي لاخر مرة بسألك
ام ساجد: والله مابعرف
تركها وراح يركض للباب البراني اول ما شافتو مو مقفول عرف انو مريم طالعة ومسكرو الباب وراها ركض لبيت ستها وبلش يخبط عليه
ساجد:مريم...مريم لا تجرصينا بالحارة افتحيلي
طالع موبايلو ليتصل فيها ايديه عم يرجفوا وبالزور لحتى قدر يفوت للاتصال كبس على زر الاتصال والصدمة مغلق
بدفشة من رجلو كان الباب مفتوح لانو الضو مطفي انقهر بلش يدور بكل مكان قشعر بدونو العتمة البيت موحش ومظلم اتزكر انها كانت وحيدة وهو كان يكره سهراتها ببيت اهلو يكره امو تزورها
ساجد:مريم وينك مريم
عم يتخبط فايت ببعضو ما خلا مكان يعتب عليه لانو البيت مظلم عم يغص قلبو اتطلع لاخر مرة من الشباك وطلع والقهر معبي قلبو
بجية ام ساجد
ام ساجد:مو هون
ساجد:ماما رح افقد اعصابي قولي وين مريم
ام ساجد: اليوم ما شفتها والله مو جوى
ساجد:لا مو هون فهميني شو صاير ليش مريم تركت البيت
ام ساجد:والله منك ادريت
وسالو دموعها بخوف
وبلشت اعصابو تفرط
مين بدو يخطر ببالو غير مصطفى
سكر الباب وكمل مشي مو هاموا الفضايح بدو يعرف ولو انو تصرفوا متهور بس شك بكل العالم خبط على الباب والصدمة فتحلو معتز واتراجع لجوى واجى مصطفى كمان
ودغري سحبوا لبرى اتزكر فصولو الناقصة غمزو الها وبلش فيه تعفيس
ساجد:واطي حيوان نجس
معتز:بعد عنو ليش عم تضربوا
اتلقى لكمة ساجد واول ما استوعب انو انضرب نزل بالتنين لكمات وضربات وفزعوا اهل الحارة كلهن.
.......
بعد اقل من ساعة انزلت من لسئيفة على ضو موبايلي كنت وحيدة لدرجة مابدي اياه بتحمل كلشي الا انو يتجوز عليي
فتت لغرفتي القديمة شغلت فيها ضو صغير وحطيت راسي لانام سالو دموعي وقت اتخيلتو حاطت ايدو بايد عمو ويردد وراه كلمات ليتملك فاطمة😭واتخيلتو ماسك أيدها وطالع فيها لغرفتنا ووقت اتزكرت رومنسيتو الزايدة انهرت
مريم:ساجد الي وبس مو لغيري قال حبو القديم من هيك عارض الزواج وكان شايف حالو عليي بس شو بدي اترجى منو قال بدو يستر عليها لا هي بنفسو ولو معها تلت بنات وبكرى رح ترميهن لامها وتعيش معو الله يخلصني من هالعيشة ازا لزم الامر لازم اتواصل مع ماما اسافر بدي احرق قلبي ولا انذل لجنس ادم فشرو كلهن
.........
كانو لرجال بمضافتهن وماحدا دريان بغياب مريم
ابو سعد:ليش ضربتو يا عمي ما بصير
ساجد: حرامي كلب بيسوى نص فرنك
دياب:وفي دليل
ساجد:عندي أدلة
ديب بخوف:شو سرق
ساجد:سرق موتوري من فترة ومدري مين دزاه يرجعوا
مصلح: يعني انت اعرفت انو سرقوا
ساجد:اي يا جماعة شلة الحرامية كلهن بعرفهن
صفرن ديب ومصلح كمان
دياب:مين الشب التاني
مصلح:قرايب امو لمصطفى
وفجأة اتزكر وصف مجد
اسمر بعيون مبطنة وبطول ساجد
ساجد بقلبو:لكن هاد الي مسك ايدين مريم
طلع لبرى معصب ماحدا قدر يحكيه فتح خط بسرعة
ساجد:بلال عناصر مداهمة للحارة بسرعة
بلال:بهالوقت
ساجد: حالا بلال لبيت ام مصطفى اعرفتو بتشحطولي مصطفى والشب التاني
ديب بخوف:بمين اتصلت
ساجد: بلغت عن سرقة وهلا
مصلح بقلبو: اكيد بدو يلقي القبض علينا
مصلح:توصينا بشي
ساجد:بدي اياك بموضوع بس استنوا لشوف البلاغ رح يتنفذ
طلعوا لرجال ووراهن ابو ساجد واتشكرهن على حل المشكلة وما بيعرف انو ابنو نهى الموضوع من عندو
خلال ساعة عناصر المداهمة خلعوا البيت عليهن وسحبوهن ما بيكفي الضرب كمان السجن
على عيون كل الحارة
اطمئنوا ديب ومصلح واتنفسو براحة
بس ساجد اتزكر مريم وغص قلبو
ديب:يلا المهم شفناك بخير ابو نمر
ساجد:الله معك ابو بسام
وقرب من مصلح
ساجد:ليش خفت
مصلح:سدءني تبت انا
ساجد:ما بخبر عنك ولووو بدك تصير صهري
مصلح: الي الشرف والله بس عنجد كشفتو
ساجد:مساير العالم مسايرة
مصلح:طيب بدك شي خليك ترتاح
ساجد: سلامتك والله
اجى لعندو وائل كان مسكر المحل
وائل: ابو نمر طول بالك
ساجد:ننسرق ونسكت
وائل:عنجد اتاكدت
ساجد:اي والا ما بخبر عنو
وائل:والله انك كفو وبدو قتلة ما بكفي نسونجي كمان حرامي
ساجد:حول للسهرة
وائل:لا دوبني ارجع للبيت بشوفك
ساجد:....
فات لجوى تارك العيلة وبدو يبكي من قلة الحيلة متأمل تكون مريم بالغرفة فتحها وفات وقعد على طرف التخت اتأمل ايديه رجفتهن ضعفوا قدام حبها غمض بقهر والغصة كبرت
........
الفجر فتحت موبايلي وبعتت ل ميس تعي للحارة بالسر انا متخبية عن ساجد اوعك حدا ينتبهلك
راقبت الحارة كيف هادية لشوف ميس وحلولها الجهنمية
وقت طلع الضو ارتاحت نفسيتي ميتة من جوعي اتأملت غرفتنا من الشباك كان مطفي الضو اوووف ساجد هي كلها من عمايلك

......
كانت ام ساجد على سجادة الصلاة وتبكي
ام ساجد: يارب ريح قلبي اولادي مشتتين وانت بتعلم بحالي احميلي اياهن يارب
طوت السجادة وقعدت تسبح وتستغفر ومو قدرانة تستوعب كيف مريم بتترك البيت ووين يمكن تكون ازا ببيت ستها مو موجودة.
ام ساجد:كيف بتتركنا هي وصية ام معن الله يرحمها
سالو دموعها وقت اتزكرت حال ستها لمريم على فراش الموت
ام ساجد:ان شاء الله رح تتحسني
ام معن:مو خايفة من الموت بقدر خوفي ع بنتي مريم
ام ساجد:الله يرجع امها بالسلامة
ام معن:انا ربيتها هي بنتي يا ام ساجد الله يحميلك اولادك ديري بالك عليها مريم ما الها حدا عمها مو منيح ومرت عمها مو طايقيتها وخوفي بس اموت يتكالبوا عليها
ام ساجد: الله يطول بعمرك وانا وين رحت مريم بنت من بناتي بعون الله
ام معن:لا تخليها تترك الحارة هون عندك امان مابدي حدا يأذي بنتي مريم
وقتها طلت عليهن مريم معها القهوة وبس شافت ستها تبكي حطتها من ايدها ومسحتلا دموعها
مريم:موجوعة ستي
ام معن:لا يا بنتي بس يمكن هي اخر ايامي
مريم تبكي:لا ستي بترجاكي لا تحكي هيك لا تتركيني يا ستي
استوعبت ام ساجد ودموعها شلال على مريم
بقلبها:سامحيني ام معن جوزتها لابني لاحميها واصون الامانة بس شكلي فرطت فيها
يارب رجعلي مريم بالسلامة.
.........
صحيت ميس ع قنبلة مو فهمانة شي
ميس:هي مريم بدها تجنني ساعة بتحكي معي كل شوي وساعة بتكتبلي لغز ولازمو حل شو يعني متخبية عن ساجد شو صاير ياربي معها هي البنت كلها اكشن وغموض بس لازم اشوف شو صاير معها
جهزت حالها وخلت رائد يوصلها لاول الحارة وبتسلل دخلت علمتلها تعليمة صغيرة وقبل تدق الباب فتحتلا وفاتت غمرتها مريم بس ميس دفشتها
ميس:يخرب بيتك اي بتتركيني ع كيفك وبترجعيلي
مريم:ميس بترجاكي انا اوقعت بمصيبة
بلشت تسرد عليها كلشي صار مراحل حبهن هي وساجد لوقت الي وصلت للواقع ولفاطمة بالتحديد كانت عم تحاول تستوعب
ميس:بنت عمو ومطلقة وبدو يستر عليها وحبو القديم طيب شو الحب الغامض هاد
مريم:مابعرف مقهورة دايخة موجوعة
ميس:انتي مو منيحة لازم تطلعي معي من الحارة وتيجي لبيتنا
مريم:مابدي روح لمكان
ميس:ليش مريم ليش فهميني اهلي بحبوكي
مريم:هيك ما برتاح لحدا الك وبس ميس هلا بدي اطلب منك اكل وشوية اغراض لازميني
ميس:طيب ماشي بغيب ساعة وبرجعلك
مريم:لا تتأخري عليي اي
ودعتها وطلعت من الحارة لتجيب ل مريم شوية لوازم
.......
اول ما فتح عيونو انقبض قلبو اتجلس بسرعة ليشوف مكان مريم فاضي
اتزكر اختفائها المفاجئ بيت ستها الفاضي وين ممكن تروح
بقلبو:مريم ليش تركتيني ليش حرام عليكي والله مو متحمل كمية هالقهر مريم ما بتركك انا بخاف ترجعي للوحدة لك مابدي يرجع ينعاد الماضي فيكي انا جربت الوحدة مريم نمت ايام وليالي ما احكي مع حدا جربت ومريت بنفس شعورك بس الفرق انا رجال ما بخاف بس انتي مراة وبتخافي وماعندك قوة قلب للرعبات كيف كنتي عايشة مريم ما عم استوعب كمية الوحشة الي حسيتي فيها بزمانك
كانت تحكيلي الليل رعب بالنسبة الها والله بدي اعوضك عن كلشي انا كمان بدي حضنك بدي تعوضيني عن الي انحرمتوا محتاح غمرة منك تحسسني بالامان والدفا انا جواتي مشاعر مو بس قلب قاسي والله قلبي حنون مريم ارجعيلي
سحب الحفرة الي كانت لابسيتها اتأملها وغمرها وغمض بقهر
.. .........
الصبح ابو ساجد مو مستوعب
ابو ساجد:وين مختفية وليش هلا لحكيتي
ام ساجد:والله مابعرف معقول مو ببيت ستها
ابو ساجد:كيف بتروح بدون ما تخبر
ام ساجد:والله ماحدا بيعرف
سمعوا صوت السيارة طلعت واتاكدو انو ساجد
راح
ام ساجد:حياتنا انقلبت قلب ياربي ساعدنا يارب
........
بالفرع وبغرفة التحقيق اول ما فات ساجد لعندهن وقفوا بقلة حيلة
مصطفى:ساجد ابوس ايدك اتركني
ساجد:شو بدك تبوس انت كمان
معتز:شو علاقتي اصلا مابعرف شوفي بينك وبينو
ساجد:اي هلا بعرفك
ثبتوهن بالارض العناصر ومدو رجليهن للفلقة والذل والغضب والقهر الي جواتو طالعهن فيهن صراخ مصطفى من اول ضربة بس معتز قاوم وصمد نبيل متكتف بيتفرج على فشة خلق ساجد
معتز:بعترف عنو انا بعترف
طبعاً بعد ما ضربوا ودماه
ساجد عم ياخد نفس بصعوبة:بشو بدك تعترف
معتز:هو حكالي مرتو حلوة وبدنا نعلم عليه
مصطفى:كزاب هو وسخ ما دخلني انا
معتز:والله يا سيدي ما دخلني وازا في مريم بالحياة ما بعرف
ساجد:شو الي عملتو فيها
معتز:والله هي مرة حاصرتها بالحارة وحاولت امسك ايديها
وبلش فيه ساجد برجليه ضرب على وجهو بعدوه غضب كان نبيل خايف عليه
نبيل:روق ساجد روق
ساجد:بدي اقتلو بدي اقتلو بعد عني
صفوح: سيدي مو لصالحك يموت خليه رح يتمنى الموت والله
ساجد:كيف بيتجرأ على مرتي كيف
طالعو نبيل من غرقة التحقيق وكمل معهن صفوح قعد بقلة حيلة بالمكتب

نبيل:روقت ساجد
ساجد:ما بروق نبيل لازم تركتني اخلص عليه
نبيل:انت كتير منفعل
ساجد:كتير والله لاحرقو والله
نبيل: رح يكمل استجاوبهن صفوح انت ارتاح ساجد كتير مبين عليك التعب
ساجد:...
اتزكر انو مريم بعدت عنو بدون سبب والندم سيطر عليه
.........
اعترافات كتيرة ومنها اعترافهن عن بلاوي معتز الو علاقة بالدعارة والنصب ولعب لقمار ومصطفى اعترف عن كل السرقات انكتب كلشي بالمحضر ليقراو ساجد ببرود عكس دقات قلبو والنار الي شاعلة فيه
ساجد:لا تحولهن للنيابة
نبيل: ليش
ساجد: هدول ضيوفي الي وساعة الي بحب بتشفى فيهن لتنين كل واحد بمنفردة والله ليتمنوا الموت والله
نبيل بقلبو:محاولة مسك ايدين كانت رح تقضي على حياتو اخ منك ساجد كيف عم تلقي القبض على هيك ناس وسخة ومخباية بحارات العشوائيات
......
اكلت بشراهة كنت ميتة من جوعي
ميس:طولي بالك
مريم:اول

- النص المستخرج من الصورة: 📝
:مریم اول مرة بجوع هيك
ميس: ارجعي
مريم: لا والف لا يتهنى ببنت عمو
المشكلة
میس
مريم يا انا يا لا
مريم: لانك ما بتعرفي ساجد ااااخ بس
كنت مراقبة الحارة وماحدا شاكك منهن اني بالبيت الله
يحجبهن عني.
كان ماجد عم يسمع من نبيل استضافة ساجد ل مصطفى
ومعتز
ماجد عنجد
نبیل اعترفوا بكل سهولة
ماجد بيستاهل هالكلب مصطفى
نبيل شو قصتو مع ساجد
ماجد حرامی مواتير
نبيل بس الي افهمتوا غير هيك
ماجد والله ما بعرف انا حيادي كثير
نبیل خیر مو مسوي بس مشكلجي حيادي وين صارت
ماجد بس صرت معدل
نبيل واحسن معدل والله
ضيفو قهوة ودخان كان ماجد شايف حالو بأخوه ومكانتوا
واتمنى يشوف مصطفى وهو ياكل قتلة حشك ولبك
وعنجد علقوا والله علقهن.
كان ساجد واقف قدام المركز راجع للحارة لينهي موضوع
ديب ومصلح ونصرت من المرة
بقلبو : راح لكتير وبقي بس هدول احكي معهن
وكمان بدي اتفرغ لعيلتي لازم الاقي مريم لازم ادور عليها عند
رفيقتها وحتى ببيت عمها مستحيل تختفي من حالها بدون
اي مبرر بدون اي سبب مقنع اخ منك مريم كيف بتتركيني
بهيك حالة انا من فترة كنت متعود على الوحدة ارجع للبيت

- النص المستخرج من الصورة: 📝
٤:٠٤
استقر بغرفتي على دخان وقهوة وتسلاية بس هلا انا اتعودت
عليكي بدي اياكي مو بس حكي بدي اياكي قول وفعل وين
بدك تروحي رح الاقيكي والله
..........
كانو عم ينتقلوا لبيتهن وما سدءت ام ساجد ایمتی اختفن ع
الاخير من بيتهن
سكرت الباب وراحت للمضافة تقعد ومنهارة كتير مشان مريم
نزلت مجد تركض من الاسطوح
مجد يعني عنجد مريم مختفية
ام ساجد بدي اكذب عليكي
نادرة: يوه وين مريم
ام ساجد اخ یا ام عمران اختفت بدون ما نعرف شو القصة او
لوین راحت
نادرة : ليكون ماتت
ام ساجد لككك اخ انا بجادل فيها
نادرة بتكون منيحة مريم شطورة ما بينخاف عليها
ام ساجد طيب يا مجد شو نعمل هلا عنجد خليلها الجو
لفاطمة
مجد معقول ساجد ما يتأثر ع غياب مريم مو معقول ماما
ام ساجد: الله يجيبك يا مريم يااااارب مالي غيرك
سمعن صوت ضجة خناقة بالحارة وقع قلبها من الخوف رغم
انها متأكدة ولادها مو بالحارة شافن شباب الحارة عم يركضوا
اکيد ليفضو المشكلة
وما كانت بتعرف انو ساجد الي علقان واتنفذت حادثة الطعن
المتفق عليها.

القسم الرابع واربعون
كان مستند على جدار بالحارة وطعنات السكين المتتالية بخاصرتو مانعيتو يتنفس بشكل طبيعي الدم عم يطلع بغزارة الدنيا عم تفتل فيه ضجة اكبر من اول وقت شافو ساجد مطعون
ديب مسك الي نفذ عملية الطعن واستحكموا ووائل الي ما الو بالمشاكل قوص بالهوى لانو الجماعة الي هجموا على ساجد اكتر من خمسة شباب وكلهن لواح
ابو ساجد وقت شاف ابنو عم ينزف انهار بنفس اللحظة
ليمر شريط حياتو لساجد قدام عيونو كان سامع الضجة وفجأة اجت امو ابتسم برضا وقت شافها كانت عم تبكي دموعها سالو على خدو
ام ساجد:لاااا ساجد ابني ساجد مين الي عمل فيه هيك يارب لا تمتحني فيه
كانت منهارة اكتر من ابوه ومو مستوعبة كيف ابنها مطعون بنص الحارة الي اتخبوا فيها مشان يحموه من غدر الحاقدين
وخلال ربع ساعة اجت الاسعاف وكل عناصر ساجد حاوطو المنطقة بالمقدمة بلال وطه
.....
بسيارة الاسعاف كانت ام ساجد تبكي مغمضة مو متحملة تشوف الدم الي عم ينزف منو
فريق اسعاف اولي
__:من مرتبات الامن حضرتك
__:لا تغمض تجاوب معنا لا تخلوه يغمض
__:اتواصل مع الادراة يجهزو غرفة العمليات نزف كتير
__:نبضات قلبو سريعة نحن على وشك نفقدو
لازموا اوكسجين
حاول يتجلس ساجد ودغري ثبتوه
__: لا تتحرك ابدا وضعك حرج
__: كميات الدم الي عم تطلع كبيرة
ساجد:لا تبكي امي بترجاكي
ام ساجد:شو صار بولادي انا ما بتحمل اشوفك بهيك حالة
ساجد:لا تخافي عليي
__:كم طعنة
ساجد: اكتر من طعنة ماني حاسس بوجع بس بخدران مكان الجرح
كان عم يتصبب عرق وعم يفقد الوعي اول بأول
وصلو للمستشفى كان الفريق الطبي ناطرهن ودغري لغرفة العمليات
وسكرو القسم بالكامل
..........
كان ديب قدام المشفى هو ووائل ومصلح وابو ساجد وقبل يفوتو للمستشفى منعوهم
العنصر: ممنوع الأوامر من فوق
مصلح على يقين هي حماية لشخص ساجد
ديب:كيف يعني ممنوع ابن حارتنا منحكيلك وهاد ابوه
العنصر:لحظة شوي
كان عم يتواصل مع نبيل عن طريق اللاسلكي
العنصر:سيدي في ناس برى المشفى وعم يحكوه انو ابوه لسيادة الرائد ساجد
نبيل:اسمحولو يفوت بسرعة
العنصر:معو كم شب كمان
نبيل:ممنوع دخلو بس ابوه
العنصر: حاضر سيدي
سمحوا لابو ساجد بس يفوت
العنصر:فضو المكان مابدنا اي شوشرة
كانوا مذهولين ديب ووائل من رتبة ساجد
بقلبو وائل:كان احساسي بمطرحوا
ديب:يا علقتنا السودة
مصلح: المهم يكون بخير بقلمي مايا الحجازي
وائل:طيب ليش ممنوع
العنصر:الاوامر من فوق ما بتفهموا انتو فضو المكان
ديب:وكيف بدنا نتطمن عليه
العنصر:ادعوا ما يصير عليه شي ساعتها لنحرق الحارة بلي فيها
قعدو على جنب لتلات يستوعبوا حجم المصيبة الي واقعة على راس الحارة كلها
بجية العقيد وجرير انذهلو من الموكب الي وصل للمشفى سيارات كتيرة وعناصر انتشرت بكل مكان وكلو بجاهزية تامة لابسين جعب وملقمين الروسيات
مصلح:يا ويلي على هالمصيبة الي صارت
وائل:شوو هاد شو عم شوف بعيوني
ديب:والله كنت احكي بحالي مو معقول يكون عسكري عادي
.....
كانت مجد تبكي وعندها ام مصلح ومرت عمها والبنات ونادرة
ام سعد:ليش عم تفاولي عليه
مجد:شو افاول عليه الدم معبي الشارع واخي بين الحياة والموت
نادرة تبكي:ساجد الي مطعون
مجد:اي يا عمتي ساجد ولاد الحرام طعنوه بنص الحارة يا ويلهن من الله شو عامللهن اخي
ام مصلح:رح يكون منيح هلا مصلح بطمنا
مجد:ياريت يا خالتي نحن اتدمرنا
وشوي اتصلت ساجدة تبكي
ساجدة:مجد صحيح ساجد بالمشفى
مجد:اي يا اختي طعنوه ولاد الحرام
ساجدة:وليي عليي عليك يا اخي مجد قولي انك عم تمزحي اسمعت من رفيقتي ما سدءت ابوس ايدك يا مجد قلبي رح يوقف من الصدمة
مجد:ياريت يكون مزح لو تشوفي كيف لسى دمو بالشارع الامن حاوط الحارة والوضع مكركب عنا
ساجدة:وين ماما وين بابا
مجد:ما شفتهن بس حكو راحو للمشفى
ساجدة:انا بكرى بكون عندكم بس شو بدو يصبرني لبكرى يا مجد بترجاكي طمنيني عنو
مجد:ماحدا بيعرف شي غير اسعفوه وحالتو حرجة
ساجدة:الله يحرق قلبهن متل ما حرقو قلبنا
مجد: امين
ما حدا يقدر يواسيها كانت منهارة على اخوها على المصايب الي عم تنزل عليهن بدون ما يعرفوا شو سبب المصايب
وفاطمة واسراء عم يتطلعن ب مجد ومو عرفانات يواسنها ابدا
كانت ام مصلح تحكي مع ابنها لتطمن مجد
مصلح:ولا حدا بيعرف شو صاير جوى المشفى
ام مصلح:يعني ما اسمعتوا اي شي
مصلح:ابدا الوضع هون مكركب وتكتم تام عن حالة ساجد
ام مصلح:الله يجيب العواقب سليمة
ومجد لساها عم تبكي هي ونادرة على ساجد
...........
بالسجن كان ماجد مقهور لانو نبيل طلع مصدوم من الغرفة وحاسوا قلبو الموضوع بخص ساجد دق الباب وفتحلو العنصر
العنصر:خير شو بدك

ماجد: شو صار لحتى طلع السيد نبيل بسرعة
العنصر:تنفذت عملية طعن بحق الرائد ساجد
ماجد بصدمة:اخي ايمتى صار هالحكي
العنصر:اليوم بحارة الرائد
قعد بقلة حيلة ودقات قلبو اعلنت النفير العام
واتخيل صدمة اهلو واستوعب انو قلب امو ما بيتحمل يكون حدا من ولادها بخطر
........
كنت يأسانة كيف طاوعت ميس تاخدني معها للبيت يا ترى شو لقواص الي صار بالحارة 🥺معقول صاير على ساجد شي قلبي عم يغلي متل هديك الليلة وقت راح بمهمة
ميس:ليش عم تبكي
مريم:لاني مقطوعة من شجرة ومشنططة حتى وقت احردت من جوزي ما لقيت حدا يحتويني
ميس:ياااا اديشك نكارة
مريم: ميس وين موبايلي
ميس:ليكون انسيتيه بالبيت
مريم:لا تجننيني هلا اخدتيه مني
ميس بتلبك:اي بدي اشحنلك اياه استني شوي
كنت متخبية عن اهلها ما بتعجبني نظرات ابوها بنوب ومو مسترجية احكي
دموعي شلال لانو ما بقيلي حدا من هالدنيا حتى الي فكرتو واخيرا سند طلع بدو يتجوز عليي ويكسر خاطري مشان بنت عمو.
.......
راحت للحمام ولغت متابعة الصفحة الي منزلين خبر حادثة الطعن والاضرب يكون الخبر مرفق بصورة ساجد وهو بمكتبوا قاعد
بقلبها:اتاريه مو عسكري والبلد ضاجة بحادثة الطعن كنت رح اكزب الخبر بس هاد ساجد جوز مريم
لغت اعجابها بالصفحة ورجعتلا الموبايل ومريم مو عرفانة شو صاير بس قلبها حاسس انو ساجد مو منيح.
........
بالقسم كانت ام ساجد وابو ساجد قاعدين جنب بعض وام ساجد تبكي ومنهارة وكل ما يفوت وفد ممرضين لجوى يجن جنونها قلبها عم يفز فز صفوح ونبيل عم يتمشوا رايحين جايين وعم يتواصل نبيل مع العناصر عن طريق اللاسلكي
صفوح:انمسك الي نفذ الحادث
نبيل: اي شباب الحارة مسكوهن كلهن
صفوح:سيادة العقيد مهتم كتير
نبيل:كنت خايف عليه والله ومتأكد محجوب ورا حادثة الطعن
صفوح:المهم يكون ساجد منيح والباقي بيهون
نبيل:مكسور خاطري على اهلو
صفوح:بالاخص امو ما نشفت دمعتها
......
وبغرفة مدير المشفى كان ورا المكتب قاعد العقيد وقدامو جرير وناطرين الخبر من غرفة العمليات
اجى مدير المشفى
العقيد: طمني عن وضع الرائد ساجد
المدير:مافينا نقول تجاوز مرحلة الخطر بس نحن وقفنا النزيف عملنالو صورة لمكان الجرح للاسف نتيجة طعنات متتالية صار عندو تمزق عميق وهالشي عم يأثر عم انتضام نبضات قلبو وتنفسو بشكل طبيعي
جرير: وإيمتى رح يتجاوز مرحلة الخطر
المدير:لازم يضل بالعناية لمدة ٢٤ ساعة وبعدها فينا نقول تجاوز مرحلة الخطر
العقيد:بدي اهتمام كبير فيه
المدير: حاضر سيادة العقيد فريق طبي كامل متواجد في حال صار اي مضاعفات نحن بذلنا كل جهدنا وانا شخصياً اشرفت على العملية
العقيد: مابدي اي تهاون
المدير: ابدا سيادة العقيد كوادرنا جاهزة كل الوقت
تنفس براحة العقيد
بقلبو:ازا صار عليه شي خسارة للكل ساجد
الله يحميه وبعدها رح يتغير كل المجريات ومارح اخليه ع كيفو واتركوا بدون حماية
.........
بغرفة الممرضات
__:بدني عم يرجف ما سدءت ايمتى نقلوه للعناية
__:من وقت اتصلو فينا نجهز غرفة العمليات قلبي حس انو الامر طارء والأوامر من فوق
__:بس وضعوا حرج وهاد الي زاد الطين بلة
__:ومدير المشفى شخصيا اجرالو العملية
__:لكك بشرفك لا تزكريني القسم مليان عناصر وجية العقيد للمشفى وترت كل الاجواء
__: بس والله صغير بالعمر هالرائد
__:وعدا عن عمرو مهم كتير والا ما بيتوتر وضع المشفى ما سدءت ايمتى تنفس الدكتور براحة وخلص العملية
__:الله يعينا على هالايام يارب يصحى ويتحسن
...........
كان نبيل واقف مع ابو ساجد ومستاء من حال امو
نبيل:وجودكن هون مالو داعي يا عم
ابو ساجد:كيف مالو داعي ابني هاد
نبيل:مو بس ابنك شوفة عينك الاهتمام فيه على اكمل وجه
ام ساجد:يعني شو صار ليش مابدكن تخبرونا عن وضعوا
نبيل:والله يا خالة طمني العقيد بس بعد ٢٤ ساعة لحتى يتجاوز مرحلة الخطر ما بخفيكي وصل على اخر نفس بس الحمد الله بفضل الله
لساتو منيح ويارب يتجاوز مرحلة الخطر انتو روحو ارتاحوا بالبيت وبكرى بتزوروه
ابو ساجد:بالزور لحتى فوتوني لهون
نبيل: انا رح اعطي العناصر التعليمات
ابو ساجد:الله يحميك لشبابك تطمنا عن ابني
نبيل:رح اتواصل معكن في حال صحي ساجد
وقفت بقلة حيلة ومسحت دموعها
ام ساجد:طيب مافينا نلمحوا لمحة
نبيل:طيب رح اشوف عند الدكتور المناوب
حط ايدو على كتفها
ابو ساجد:لا تخافي هي طمنا عنو
ام ساجد:ما بيرتاح قلبي الا لحتى اشوفو واحكي معو
سمحولهن من ورا البلور يشوفوه غص قلبها ابنها القوي الصلب على سرير المشفى وعم يتنفس تنفس اصطناعي وبعالم تاني
مسحت دموعها من جديد وطلعو واليأس مكتسح ملامحهن
........
اول ما انفتح الباب راحت مجد تركض غمرت امها وهي تبكي

مجد:طمنيني ماما
ام ساجد:لساتو بالعناية
مجد: المهم انو عم يتنفس
ابو ساجد:الي كاتبوا الله بدو يصير فوتوا ارتاحوا
مجد:بالزور عمتي لنامت لساتها عم تبكي ع ساجد وساجدة اتصلت ومنهارة والحارة كلها مو زابطة
ام ساجد: من وين اجتنا هالمصيبة ومريم مو مبينة
ابو ساجد:الا ما نعرف وينها هلا لازم نرتاح يومنا كان طويل
مجد ارتاحت نوعا ما بس شافت اهلها بس ما عم تستوعب شو صار فيهن
........

وعند ديب ومصلح كانو بالورشة ع ضو صغير وكأنهن مسفوقين كف لتنين
ديب: شفت مصلح الي شفتو
مصلح:انا بعرف
اتطلع فيه بصدمة
مصلح: لا تطلع هيك اي بعرف مرة شفتو مع عناصرو ع الاتستراد وقت خبرتك بدي انسحب لانو اكتشفت انو ساجد من مرتبات الامن الجنائي وانو بمهمة بالحارة مو اجازات متل ما فكرنا
ديب:طيب كيف سجن اخوه
مصلح:لانو صاحب مبدأ وبدو اخوه يتعدل والله رح ننفضح
ديب: وهلا مصطفى اعترف علينا اكيد امو راحت لتشوفو حكولها انسيه وترحمي عليه
مصلح:يا ويلييي يا ديبو شو صار فينا لكك وين كانت مخبيتلنا هالدنيا كل هاد اتفككنا اتشردنا ورح ننفضح
ديب:مارح نقدر نعمل شي ما عم انسى كيف طعنو ابن الحرام واكتر من مرة
مصلح:شفت كيف تكالبوا عليه يا اسفي على الي بيغدر غدر
ديب:ولا الاستنفار يا حبيبي كلشي في عناصر وعساكر انتشرو بالمنطقة
مصلح:لا تزكرني مشان الله شوف الحارة كأنها مسمومة من الي صار
ديب:الله يسترنا بس ويشافي ساجد
مصلح:الله يسمع منك يارب
.........
كنت يأسانة لو عم امثل النوم ميس صرعتني وهي تحكي مع حبيبها وانا مو عارفة اتواصل مع بيت حمايي ولا اضل مختفية بس يا ترى شو القصة شو صار لحتى ثار صوت رصاص بالحارة اخ منك ميس كيف اقنعتيني اترك الحارة ما بعرف ولازم اشوف ساجد ونحكي اما انا او بنت عمو
.........
كانو الخمسة على دولاب التعزيب وبالاخير اعترفوا انو محجوب من زمان عاطيهن موعد وقبضو حق الطعن مصاري بعد ما خلص عليهن جرير وضربهن واتشفى فيهن حولوهن للنيابة
تاني يوم الحارة كلها زعلانة على ساجد الجيران اكتفوا يسمعوا باخبارهن لحتى يتركوهن يرتاحو على اعصابهن كل الوقت وناطرين يمرو ال٢٤ ساعة ويتطمنوا على ساجد ساجدة بطريقها للبلد ومريم ماحدا بيعرف وينها وليش تركت البيت وبيت ابو سعد بيجو بس ليسمعوا اخر الاخبار.
وعند مصلح وديب ناطرين باي لحظة يتم القبض عليهن وختام مو عاجبها انو رح تتقبل الوضع الراهن وترضى ينزل عليها ضرة بس اهلها أجبروها ما تترك البيت ولولاد ساعات عم تمر على ابطالنا ببطء والاجواء حزينة لابعد الحدود بكي وزكريات وغصات قلبي متتالية
🥺💔
..............
بالمستشفى فوق راسو ممرضة والدكتور المشرف على الحالة اول ما فتح عيونو اتنفسوا براحة
الدكتو:الحمد الله ع سلامتك سيادة الرائد
الممرضة:اخبر مدير المشفى
الدكتور:بأسرع وقت العقيد ناطر مننا نطمنوا
كان واضح التعب عليه شحوب تحت عيونو من كمية النزيف تشنجات بمكان الطعن مع وجع هز راسو يمين شمال
الدكتور:مافي داعي لاي مجهود سيادة الرائد الاحسن تضل مرتاح لحتى تتعافى باسرع وقت بشو حاسس
ساجد:صعوبة بالتنفس
الدكتور:رح تتحسن اكيد ما على قلبك شر
كان عم يكتب ملاحظات بورقة ليتطلع عليها مدير المشفى
فات نبيل وكتير مبسوط لانو ساجد صحي
قرب منو وابتسملو بس ساجد بعالم تاني
نبيل:الحمد الله ع سلامتك
اكتفى بس بهز راسو كان واضح انو نفسو صعب كتير
الممرضة:مدير المشفى ناطر تقرير مفصل بحالتو
الدكتور:رجعيلو التنفس الاصطناعي لحتى يرتاح اكتر لا تبذل اي مجهود خليك مرتاح
غمض ب تعب اتزكر حادثة الطعن وريح اكتر
.....

القسم الخامس واربعون
الصبح جهزت حالي ورحت انا وميس للبنك
بقلبي:شو عم تعملي لك مريم طيب ومشان العشرة والخبز والملح حماتي ما بتستاهل اقطع فيهن بس كأنو كبر الموضوع واكيد ساجد ساكت في من ورا شي ياريت فيني ارجع بس لا خلص مريم لا تتعلقي بحدا ابدا ولو طلع مجرد حكي ابتسامتوا لفاطمة خلت قلبي يغص ومستحيل انسى الي شفتوا بلشت دوامي بالبنك شردت بلي صاير معي مشيت كم معاملة وفتحت الفيس بوك لاتسلى وانتبهت للخبر
(نفذت اليوم حادثة طعن لاحد مرتبات الامن الجنائي )وكان الخبر نازل عندي والو اكتر من يوم وقلبي صار يغلى والي اكدلي انو الموضوع متعلق بساجد صوت لرصاص الي ثار من كم يوم اوقف واتلبكت رحت لعند ميس اهدي حالي
ميس:يوه شبكي مريم
فرجيتها الخبر
ميس:هاد الخبر من كم يوم
مريم:ميس حاسة انو ساجد صايرلو شي
ميس: انا بعرف بس خفت يصيرلك شي لهيك خبيت عليكي والله ما بحب اشوفك منهارة
سالو دموعي قعدت على الكرسي وحطيت راسي على الطاولة
ميس:لك بكون اتحسن
مريم:ميس بترجاكي قولي انو كزب
ميس:لا مزبوط الخبر بس الي اسمعتو انو ما صار عليه شي

مريم:😭لككك لازم اكون بجنب حماتي هي بتخاف ع ولادها خوف مو طبيعي بترجاكي ميس قولي اني بكابوس
ميس:مريم انا مصدومة فيكي والله
مريم:😭بحبو وبخاف عليه هو كتير حنون بيملك قلب ابيض وطيب متسامح لو تشوفي كيف بيسامح دغري
اتزكرت كيف عاملتو وقت ازعلت وكيف ضل وراي لحتى صالحني وما خلاني انام زعلانة
لا لا ساجد منيح والله منيح حرام يصير فيه هيك ياريتني ما تركت البيت ياريت
ما اتحملت اكتر راسي رح يتفجر من هالخبر من هالصدمة يا ترى كيف صار ساجد
.............
كان شبه متكسر من النومة عم يستوعب أنو بالمستشفى ما شاف اهلو ولا بيعرف شو الي صاير فيهن
اتزكر لحظات الطعن وغمض عيونو من جديد
ساجد:اولاد الكلب طعنوني غدر
اتزكر كيف تنين مسكوه والتالت طعنو عدة طعنات
صوت الدقات ع الباب
ساجد:فوت نبيل
فات نبيل ومبتسم
نبيل:لك يا ابن النمر بتعرف صوت دقتي
ساجد:انا الي بعرف اهلي نبيل شو صار فيهن
نبيل:لاني بعرف انك بتداييق لوجودهن بمكان مليان عناصر خليتهم يرجعوا واتواصلت معهن وطمنتهن انك اصحيت الاحسن تصحصح باسرع وقت
ساجد:لازم اشوف اهلي
نبيل:كشف الدكتور على الجرح
ساجد:اي بدلي الضمادة نغزات قوية بمكان الجرح
نبيل:الله سلمك يازلمة ما كانو طعنات عاديين كان قاصد يقتلك
ساجد:مسكتوهن
نبيل:البركة بشباب الحارة لقيناهن ماسكينهن كلهن ماعدا ضرب لرصاص
ساجد:ان شاء الله وقفتو حدا من الحارة
نبيل:ابدا ما قربنا لك نحن انشغلنا بلي صار معك حط ايدو على كتفو
نبيل:خفت افقدك ساجد
ليتزكر مريم غمض بقهر
ساجد:لازم الواحد يتوقع كلشي مافي شي بيدوم يا صديقي
نبيل:جاهز ساعة ورح يخرجوك
ساجد:جاهز اكيد
نبيل:لكن ارتاح لييجي الدكتور
غمض وشريط زكرياتو مع مريم مر بمخيلتو
بقلبو:اشتقتلك وينك مريم معقول الي صار ليش كل المصايب نازلة علينا هيك
..........
كانو على ناااار بعتلهن نبيل رسالة انهن على الطريق كانو بيت عمو بالبيت ناطرين مع اهلو وكم جارة وام ساجد مسدءة ومو مسدءة
وشباب الحارة كلهن مستنفرين وكم ولد على الخط العام ناطرين ليخبرو انو وصلو لمحو سيارات كلهن من نوع واحد وطارو لاول الحارة ولعند وائل
محمد:كأنو وصلو شفنا سيارات كتير ع الشارع كلهن استعدوا للاستقبال مصلح وديب واقفين مع وائل فرحانين لرجعة ساجد بلعوا ريقهن من الموكب الي جاي معو
اول ما نزل ساجد سالو دموع امو بس هو ابتسم انتشرو العناصر بالحارة كانو بجاهزية تامة ونبيل ماشي مع ساجد سلم عليه ابوه كان منهك لدرجة غمرتو امو وهي تبكي
ام ساجد:الف الحمد لله الله نجالي اياك
النسوان جوى ومن تعبو ما قدر يسلم على حدا مو مسدء يرتاح جوى
عم يتشاور هو ونبيل
نبيل:ترتاح بغرفتك
ساجد: الاحسن هيك
فتحتلو امو الغرفة القديمة وزبطلو المخدات نبيل
كانت ام ساجد تشرع البرادي فاتت نادرة لتسلم عليه تلقائيا ابتسم غمرتو وباستو
نادرة:منيح انت عمران
ساجد:بلشنا عمتي
نبيل:😂مزور اسمك هااا اعترف
ساجد:هو عمران مابدو يزورنا عمتي
ام ساجد:كلهن سألو عليك واجو يتطمنوا
اتمدد بتعب
نبيل: رح اتركك ترتاح
ساجد: خبرني شو بصير
نبيل:لا تفكر كتير المهم انك صرت منيح
ساجد:المهم لا تنسى
نبيل:ارتاح مشان الله انت محمل نفسك فوق طاقتك
ام ساجد:في وجع
ساجد مبتسم:لا امي مافي وجع الدوا فيه مسكن
نبيل:المسا برجع بشوفك
ساجد:ماشي
تركوه يرتاح غمض بتعب حاسس البيت بدون مريم عتم ومافيه روح
...........
بعد ما طلع نبيل قعدت بجنبو امو باستو على جبينو وعلى ايدو
ساجد:ماما شو عملتي
ام ساجد:يخليلي هالقامة ما يحرمني منها يارب انت منيح حبيبي
ساجد:الحمد الله دايقتني والله ايدك ببوسها وبحطها على راسي يا ست الكل انتي
ام ساجد:ارتاح اي لا بقى تتعب حالك ابدا
ساجد بيأس:ومشان مريم
ام ساجد:لا تشيل هم حبيبي رح ترجعلك
ساجد:وينها ماما
ام ساجد:انا حللت الي صار مريم سامعة الكلام الي دار بيني وبينك
انصدم
بقلبو:لاااا مو معقول انا حكيت حكي مو جد
ساجد:قصدك تركتني بتفكرني
ام ساجد:اي بس لا تخاف مريم ما الها غيرنا رح تبعد فترة
ساجد: كتير تعبان ماما
ام ساجد:سلامتك حبيبي رح اتركك ترتاح
غمض بقهر بيأس وقلة حيلة
ساجد: حسنائي الجميلة اخدا على خاطرها مني يا عمري مريم اشتقتلك والله وينك عني انا موجوع مريم بدي اتخبى بحضنك الشعور الي بيتملكني وانتي معي ما حسيتو مع حدا ابدا
نار جواتو وبس بدو يلمحها لو لمحة
............
كنت مقررة ارجع للحارة بس بدون ما حدا يشوفني ياريتني ما طاوعت ميس ياريت ضليت بالحارة بس يا ترى بتحمل الي صار مع ساجد اشتقتلك والله انا حاسة حالي بغربة بلا وطن بلا عنوان
فتت للبيت شغلت الضو ورميت الشنتة بالارض ودغري للحمام