واول ما استلم الشارع على الصوت وانسجموا كتير ومتحايد يمر بجنب الحواجز لحتى ما حدا يعرف بشغلو ابدا وبالسوق نزلو كلهن ماجد دغري لبس طاقية وكمان لاحظ ساجد عليه
ساجدة:ساجد اتركنا نفتل على راحتنا
اتطلع بمريم
ساجد:كيف ع راحتكن
مجد:انت عصبي ونحن جايين رواق برواق
ساجد: لا خلص خدو راحتكن
مشيو مسك اخوه من دراعو ورجعوا لعندو
ساجد: وين رايح
ماجد:مع الصبايا بدك يمشن لحالهن
ساجد:ماعليك انا بعرفهن منيح عاوزك بكلمتين
نفخ مو عاجبو
ماجد:هون
ساجد:الحقني
تنهد مو عاجبو وفاتو للكافيه
قعدو قبال بعض
ساجد:شو عم تشتغل هالايام
ماجد:شو عم اشتغل
ساجد:جاوب عم قلك
ماجد:اتصلت ب عمتي خولة وبعتتلي
ساجد:اتصل فيها
بلع ريقو بصعوبة
ساجد:اتصل
ماجد:لا شو انا صغير لتدور وراي
ساجد:انا كل صحبتك لجبورة ما عاجبيتني
ماجد:من زمان ما رحت لعندو
ساجد:كزاب
ماجد :حبيبي انت مين مسلطك عليي اه
ساجد:ترى الي بيسرق اهلو
ماجد:هيي هيي شبك ما سرقت حدا
ضرب على الطاولة بقوة
ساجد:ما اتهمتك قصدي عن جبورة
ماجد:لا انت ناويلي انا شايف نظراتك الي
ساجد: قسما بالله ازا بدرى الك يد بسرقة المواتير

بالحارة
لتتعلق من رجليك والله لتصير عبرة مو من بيت النمر بتطلع
الفاينة عم تفهم
غمض ب قهر ماجد وحس بخفقان بقلبو ما ريحو
ماجد: شو بدك انت
ساجد: صحبتك لجبورة فضها
ماجد الي بدك اياه بصير بدك شي
اشرلو بمعنى روح ارتكى على الكرسي واتكتف وهو عم
يتنفس ب قهر من اخوه
ساجد: والله ليوطي راسنا تحت سابع ارض
اجى الجرسون وحطلو فنجان قهوة وانصرف

القسم الرابع عشر
بالسوق وقت صادفنا مصطفى خفق قلبي بقوة لانو جاي ع الموتور وحسيتو مستقصد
ساجدة:مريم شو رأيك بهي الشالة
مريم:اي كتير حلوة
مجد:اختاري شي مريومة
مريم:عندي كلشي
ساجدة:تعالي شوفي هدول ميداليات اختاريلك وحدة ل ساجد
مريم:ليش
مجد:هي بتجنن وحرف الميم خليه يضل متزكر حرف المدام
ساجدة:لو سمحت بدي هي الميداليه
الشب:تكرم عينك
مجد:طيب في اسماء كاملة
الشب:شوفي متل هيك
كان الاسم مرصع بالصدف شي بطير العقل ومزين باللولو كمان
ساجدة:اسم مريم في
الشب:هلا بشوفلك بالمحل
مجد:واسم ساجد
الشب:ساجد؟لا والله يعني نحن منجيب لاسماء مكررة بس اسم ساجد اول مرة بسمع فيه
ساجدة:طيب هات اسم مريم وفرجيني كم موديل لهدول الدببة
كان عم يعرض عليها كل الهدايا واول ما لمحت مصطفى ومعو رفيقو بلشت ارجف والاحسن يوقفوا على نفس البسطة وجية ساجد سببتلي رعب وقت غمزني مصطفى ما ضل فيني حيل وما استوعبت الا ساجد ضاربو بوكس سطحو بالارض
ساجد:والله لربي قرود الأرض فيك يا حقير
جبورة:بعد عنو حقير بعينك
ساجد:والله لاشرب من دمك
مصطفى:عم تتمرجل ضربتني غدر
ساجدة:ساجد شو عم تعمل
ساجد:ع السيارة بسرعة
بعدنا عن البسطة وبلشت اولول بقلبي وبدنا اي حدا يجي يفزع كان ساجد عم يضربو والشباب بالسوق التمو عليهن واجى ماجد يركض
ماجد:لك شو القصة
مجد:ساجد عم يضرب مصطفى
ماجد:لكككك شو بدو فيه
ساجدة:روح خلص الزلمة من بين ايديه يا ماجد
ماجد: اطلعوا بالسيارة بالسرعة انا رايح اشوف
خلال ربع ساعةاجت الشرطة للمكان رمى مفتاح السيارة على اخوه
ساجد:رجع البنات للبيت
جبورة:عم تتقاوى عليه والله لتندك بالسجن
ساجد:انت بدك تدكني بالسجن يا صوص
مصطفى:الله يكسر ايديك
الشرطي:عم تتمشكلو بالسوق امشو معي
طبعا سبقهن بخطوة ومو خايف ابدا
..........
وقت ارجعنا للبيت مسحت دموعي خفت لانو متأكدة ضربو لانو لاحقني من فترة وهلا شافو غمزني
وقت شافتني مرت عمي ارتعبت
ام ساجد:شو القصة وين ساجد ومريم ليش عم تبكي
ماجد:ابنك ضرب مصطفى واجت الشرطة اخدتو من السوق
ساجدة:بابا لازم حدا يروح لمركز الشرطة مو حلوة يبات بالسجن
بابا:هلا بيجي لا تخافوا
ماجد: شووو لكن ما شفتو كيف دماه للزلمة
ام ساجد:يعني كان منيح
ماجد:نمر شو منيح
ام ساجد:الله يطمنك يارب
ما كنت فهمانة شي غير انو حماتي وعمي مو خايفين عليه ابدا وضلينا ناطرين وحسيتو ما رح يرجع
......
اجى مصلح يركض للورشة
مصلح:معلمي معلمي
ديب: شبك ولوو
مصلح:خبر حقو بلاوي
ديب:شوفي
مصلح:ساجد ضارب مصطفى وهلا لتنين بمركز الشرطة وما اظن يطلعو اليوم
ديب:ساجد بالمركز كمان
مصلح: اي وحكو اكتر من سيارة شرطة جاية للمكان
ديب: شه معقول ومين القاتل والمقتول
مصلح: ساجد مطعميه قتلة حشك ولبك
ديب: راحت عليك السهرة يا ساجد
مصاح:والله يا معلمي انا مقهور من مصطفى يعني المخلوقة اتجوزت ولو مو ساجد شايف شي عليه وملاحق مرتو ما بيضربو
ديب:هو حمار
بقلبو : لك ديب انت حرضتو ع المخلوقة وما فكرت انو ساجد بيخوف وبيضرب هيك ان شاء الله ما يحكي ويقول ديب حرضني بعرفو ريالتو شاطة
مصلح:شو معلمي سكتت
ديب:شو احكي اتركني افكر بلي حكيتو
مصلح:ايه لنشوف ازا ما اسقط حقو عن ساجد ع الاكيد راحت عليه ل ساجد وبدو ينام بالنظارة
.......
فات بكل ثقة على مركز الشرطة لانو كان بسيارة تانية طبعا مصطفى سابقو ومقدم البلاغ وقاعد برى بالانتظار شلح النظارات وصغر عيونو وجه الحكي ل جبورة
ساجد:انت معو يعني
جبورة:لا تدخل فينا والله لنخرب بيتك
عض على شفتو وغمزو وفات للمكتب حتى بدون ما يدق الباب ومابقى عرفوا مصطفى وجبورة شو بدو يصير بالمكتب وقف قدام رئيس المركز
ساجد: الظاهر في سوء تفاهم
المدير:انت كيف بتفوت لهون بدون ما تستأذن
ساجد:بحكيلك كأنو في سوء تفاهم
المدير: انت الي ضارب الشب الي اسمو مصطفى
ساجد:معقول يكون حدا غيري
طالعلو الهوية واول ما شاف رتبتو دغري وقف
المدير:نورت يا سيدي المكتب
ساجد:انا حالياً بمهمة ومابدي الي قدم البلاغ يعرف مين انا لهيك بعد ما انصرف من المركز بتفهموا انو هو الغلطان مو انا وبدي تعملوا فلقة وتتوصالي فيه كتير وتحلقلو شعراتو ع الصفر
المدير:انت بتأمرر سيادة الرائد اتفضل خلينا نشرب قهوة
ساجد:الي زيارة للمركز بس اكيد مو اليوم شوف شغلك معوو
فتح الباب ورمقهن نظرات استهزاء ولتنين وقفوا
ساجد:بشوفكن بالحارة وبصير خير.
انشحط مصطفى لغرفة التحقيق لبس نظاراتو وطلع من المركز رافض حدا يوصلو
.......
المدير:انت الغلطان بحقوا وجاي تقدم بلاغ بكل وقاحة
مصطفى:سيدي شوف شوهني
المدير:نزلوه ع الفلقة خليه يتربى وما بدي ولا شعرة براسو
صار مصطفى يترجاهن بس الاوامر لازم تتنفذ
.....

تركوا جبورة وطلع مقهور منو
بس ديب رح يفرقع من جوز اغبياء
.........
وعند مصلح كان عم يتقلب بدو ينام بس مو قادر مقهور ومحروق دمو من مصطفى وعلى يلي عملو واتزكر وقفة ساجد معو بالمستشفى وكيف دفع الفاتورة واتاكد انو هو الي دفعها
بقلبو:والله لو بيطلع بأيدي لافديك بروحي يا ساجد يا ابن النمر مارح اخلي مصطفى لسى يقرب صوب عيلتك ويلقى مني ازا بيلقى الاصيل اصيل وابن حسب ونسب واليوم ساجد اثبتلي انو هو بالقمة اخلاقوا عالية ومتأكد شأنوا عالي والا ما طلع بسهولة
.........
مصطفى عم يبكي ويمسح دموعو
بقلبو:كيف ضربني قدام مريومتي الله لا يسامحك عم تتقاوى عليي وغمزتها شو دخلوا هو يا الله صبرني قدام جمالها قدام اناقتها ولون عيونها الي بيسحروني مريم ما عم انام الليل من قهري ما حسيتي فيني انتي كيف محتملة تعيشي مع هالمتوحش ياريتك عندي لصير خدام تحت رجيلي انا بحبك بحبك
لك كيف حلقولي شعراتي كيف بدك تشوفيني بعد ما ساجد ضربني لك كيف طحش لمكتب مدير المركز وكيف حطو الحق عليي هو مو مخدوش خدش ولا كل الدنيا نفاق انت ما الك حظ مصطفى لو الك حظ اتجوزت حبيبة قلبك🥺💔
.........
تعب بعد الساعة تنتين استرخى اكتر واجت عينو على شعرات مريم صحيح مثبتيتهن ب بكلة بس مبين انو شعرها كثيف وطويل ولونهن مايل للبني بلش يغمض عيونو وببالو الف شغلة الصبح صحي على صوت حكي مجد وساجدة بس ما اهتم كانت مريم لافة لصوبو وبلش يتأمل كل ملامحها غمض بسرعة
ساجد:اوعك ساجد الي عم تفكر فيه مستحيل يصير خدعتني من البداية للنهاية شيل الموضوع من راسك نهائي وفجأة اجت أيدها على تمو وهي عم تتحرك وقلبو بلش يدق لمسة ايدها كتير ناعمة بعد وشو للجنب التاني
بقلبو:شو بصير ازا بغمرها ع اساس بسابع نومة اخ منك على هالنومة
اتجلس بسرعة لانو افكارو اتخربطت وطل من شباك الغرفة ليشوفهن عم يشربن قهوة
طلعلهن دغري وهو شبه مغمض ارتكى على الباب وحط ايديه بجيابو
ساجد:عاملاتها استراحة المزة اطلعنا لفوق ما اخلصنا منكن
ساجدة:😂حلوة القعدة بين لزريعة
مجد:مو تفكر اطلعنا نزعجك بس نشرت غسيل ازا انت ومرتك كسلانين
ساجد:اليوم صار بكرى يا ويلكن
ساجدة:😂ازا في شي مننزل
ساجد:يااا على قلة ادبك انتي ما بتستحي
ساجدة:😂مشان مجد انزلي مجد ساجد بدو يستسرلي
مجد: اعملك قهوة
ساجد:لا ريحي حالك
ساجدة:تعالي ننزل عيب لانو الجماعة بدهن ياخدو راحتهن نزلن فرطانات من الضحك
بقلبو:ولا فيوز الله يكون بعون اهلي على هالخلفة
وفات للغرفة
.......
مسكتهن امهن بالمطبخ
ام ساجد:ع شو بتضحكن
مجد:😂ساجد انزعج مننا لانو نشرنا غسيل
ام ساجد:ومين شارب القهوة هي
ساجدة:نحن بس ما فكرنا ابنك بدو ياخد راحتو بشقة الهنا
مجد:😂استراحة المزة قصدك.
ام ساجد:عيب عليكن انتي وياها انا اصلا سكنتوا فوق لياخد راحتو مو تطلعولو بالسحبة
مجد:😂 بس والله بضحك ساجد اي امي كيف طلع ابنك بدنا تفسير منطقي
ام ساجد:مابعرف دبر واسطة انتو مين ما سأل احكو الو رفقات بالمركز

القسم الخامس عشر
اول ما سكر الباب اتجلست
ساجد:جهزي حالك
مريم:ليش
ساجد:عازمك على فطور
مريم:منفطر هون
ساجد:بلا كتر حكي يلا
مريم:هلا
ساجد:هلا لكن بكرى
اطلعت اغسل لسى الواحد ما ارتاح من النومة شو صاير بالدنيا رح يعزمني ع فطور ايه منساير الوضع
اخدت تيابي للحمام اللبس ماني اخدا راحتي ابدا اللبست وجهزت حالي وبالغرفة لفيت الشالة من لمرايا شفتو حامل مسدس وحطو على خصرو كان لابس قميص اسود وبنطلون اسود وجاكيت نصي اسود
ساجد:خفيها جواز واتجوزتي ع شو خايفة
مريم:يعني بس الي بتدور ع عريس بترتب حالها
ساجد:وبترقص بالاعراس كمان
مريم:والي متجوزة لازم ما ترتب حالها
ساجد:بترتب حالها بس مو وقت تطلع من البيت
مريم:انا اول مرة بسمع بهيك قوانين
ساجد:خلصيني
اللبست البوط واطلعت معو قفل الغرفة واخد المفتاح معو
مريم:ليش قفلتها
ساجد: برأيك ليش غرفة بتخصني مين الو شغل فيها
مريم:...
بقلبي:ياااا شكاك يمكن بيشك بحالو كمان
تحت كلهن مجتمعين
ساجد: صباح الخير
ردو كلهن
مجد:وين
ساجد:صايرة امي مثلا
ام ساجد:وين رايحين
ساجد:عازمها على فطور
ام ساجد:الله يهنيكن يارب بالسلامة
.......
بقلبو:طبعا حبيبة قلبك معزومة ايه بدك تفرحي
ساجدة:لا تتأخرو بكرى مسافرين وحابة اقعد معكن
ساجد:ماشي
طلعو سوى من البيت الشمس ساطعة فتح السيارة وطلعو فيها سكر الشبابيك وشغل المكيف وطلعو من الحارة طول الطريق شارد بكلشي عم يصير معو
بقلبو:لا تنسى انت بمهمة ولازم تقدم للعقيد ملف كامل متكامل لانو ع الاكيد ناطر مني وثائق بتخص قضية السرقة
.......
ما كنت فهمانة شي قطعنا كل المطاعم بالمنطقة واخر شي اتوقعتو نوقف قدام بنايات مليانة دكاترة

واول ما دخل للحارة انصدم ديب
بقلبو:شه حكو الشرطة شحطتو معقول كيف طلع منها لكن وين جبورة ومصطفى لعمى بلش الفار يلعب بعبي
وائل:عوافي معلم
ديب: اهلين لوليتي
وائل:حواليك بينزين يا زلمة مقطوع ودوري مطول
ديب:انت بتستنى رسالة البينزين لكن شو تركت للمعترين
وائل:عندي طلبية حاجتك تحقيق
ديب:على كلا مبارح استلمت بس بالحر
وائل:موافق تجيني ولا استنى
ديب:تعال معي
سكر نص الغلق ومشي مع وائل
وائل:محرزين
ديب: حصتي يا زلمة ليك كيف طلع ابن النمر
وائل:والله متلي متلك بس اما شو عامل ل مصطفى بدن الله يسامحو
ديب:مو بلا ...معقول الو واسطة ابن النمر
وائل:😂خافو من كنيتو يا زلمة
ديب:يخافو من اسمي
وائل:هلا الديب متل النمر
ديب:والله اقنعتني
اعطاه البينزين واستلم منو بهديك الحسبة وعجبتو الشغلة
بقلبو:لك ديب شغلة البنزين بتقص دهب والله كأنو بدي ابلش اتاجر فيه
.............
كانوا كلهن بغرفهن الا انا وحماتي ناطرات سوى
وقت رجع كان مبين عليه انو تعبان ودغري حماتي استقبلتو وانا اوقفت كمان لساتني خايفة منو
ام ساجد:شو حبيبي انحلت
ساجد:تخيلي ما تنحل
ام ساجد: ومشان مصطفى
ساجد:هلا بجيبوه ليكون خايفة عليه
ام ساجد:امو مسكينة وبكون قلبها غليان عليه
ساجد:تربيه احسن ما يغلى قلبها عليه
اول ما اتطلع فيني وقع قلبي
ساجد:الحقيني انتي للغرفة بسرعة
ضليت خايفة منو
ام ساجد: روحي لعند جوزك شو عم تستني
تركتها ورحت كان مبين انو ناطرني سكرت بهدوء واستغربت وقت شدني من ايدي وقعدني على التخت وصرخ
ساجد:شوفي بينك وبين مصطفى
مريم: شوفي
ساجد:لكن في واحد بيغمز مراة متجوزة من الباب للطاقة
مريم:شو علاقتي انا
ساجد:مابعرف بس انا بلشت اتاكد هو ورا هديك الليلة
مريم:...
صدمني وخفت لانو اتزكرت الحدث بحذافيرو
ساجد:هو مريم صح
مريم:انا شكيت فيه بس مافي دليل
ساجد:ليش متكتمة على هالشغلات ليش عم تخبي عليي كلشي
مريم:...
ساجد:ما فكرتي اكتشف ولا قلتي رح تمشي المي من تحت رجليه مخي ما عم يستحمل كيف غمزك
مريم:🥺وانا والله انصدمت مع انو كنت متطمنة انو ما يقرب صوبي لانو معي البنات
ساجد:انا ما بتقبل اعيش مع وحدة مخبية عني بلاوي زرقا عم تفهمي
مريم:اضطريت اخبي عنك
ساجد:وما اتوقعتي اضربوا
مريم:بس سدءني ما كنت رضيانة على هالشي مو لاني اتجوزت حتى من قبل واكتر شي خلاني اشمئز منو وقت خبرني انو امو ما بتتشرف فيني بس هو اصر يضل ملاحقني
ساجد: لكككك يعني اخدتي واعطيتي معو
مريم:بس مو متل ما بتفكر كنت ابهدلو وانتر بوشو
ساجد:والنهاية مريم انا بدي حل نهائي
مريم:حل شو انا والله ما دخلني
ساجد:كيف ما دخلك خدعتيني بالاول سكتت انو ملاحقك مصطفى مرة بس مو كمان بعد زواجنا يضل ملاحقك من الاخر الي ما بتعطي ريق حلو للشباب ماحدا بيطلع فيها
مريم:قصدك مني العيب
ساجد:منك اكيد ليش ما اعجبلي بشي بنت بالحارة لانو ولا وحدة بتطلع فيني
بقلبي:ليش انت بتتحاكى بيخافو منك
مريم:يعني شو الحل
ساجد:انا بتصرف انتي ضلك اخدا دور المسكينة
ليلتها ما نام بقي عم يشرب دخان وقهوة شلحت عن راسي واتمددت بمكاني وقلبي عم يرجف اتزكرت كيف ضربو ودماه وفوق منها طلع دغري

.......
وعند ديب بالمزرعة كان عم يستنى مصطفى واول ما شافو انصدم لانو حالقينلو ع الزيرو😂 بس ما قدر يضحك كمل بعصبية
ديب:لك انت شو مخبص
مصطفى:بدرايتك
ديب:اي بعرف بس يا حمار جوزها رجع بتلاحقها انا قلتلك وهو غايب افهمها يا كر
جبورة:بدل الحمد لله على سلامتو
ديب:الله لا يسلموا انتو ادريتو ابن النمر ساعة ما قعد بمركز الشرطة
جبورة: لكن ما شفتو كيف طحش ل غرفة مدير المركز طحش
ديب بصدمة:بتحكي جد
جبورة: ويمكن ثواني الي فاتهن وطلع وهددنا قال منتواجه بالحارة
ديب: يعدمني اياك وياه لك مين واسطتو هاد فهموني
مصطفى: ويكون مين ما يكون انا بدي اربيه
بلش يضربو على راسو
ديب:اوعك مصطفى لسى تقرب صوبو اوعك
مصطفى:ليش انت بتقبل يضربك
ديب:بدك تعتذر منو عم تفهم
مصطفى: على جثتي
جبورة:زودتها معلم
ديب:لك نحن بحاجة هيك واسطة واسطتي حاليا مهتم بشغلو وناسيني يعني اي دليل ضدنا منتجرص
جبورة: انت عم تتغابى مثلا ازا هو واسطيتو تقيلة يمكن نندك بالحبس
ديب:انت حمار وما بتفهم واحد متل ساجد مافيه يقرب صوبنا
مصطفى:ليش بقى حنون ما بتشوفو متل ديك الحبش
ديب:كلمة ورد غطاها بدك تعتذر منو وغصب عنك
طلع مصطفى مو عاجبو وحكى بصوت عالي
مصطفى:الموت اهون عليي ما اعتذر من ابن النمر بوس رجليه انت
كان بدو يلحقوا ويدقو قتلة بس جبورة هداه ومسكو
جبورة:معلمي والله الحق مع مصطفى
ديب:لالعلن ابوك على ابوه يبعتلك داء مالو دواء يا ابن فصحية وانت ولاه والله لاربيك ازا ما بتقنعوا يعتذر

مريم:ليش اجينا لهون
ساجد:اكيد مو مشاني
مريم:مشان مين
ساجد:بدي أتأكد من الي صاير معك
حسيت بخدران ورجف جسمي
مريم:من شو تتأكد
ساجد:من الي متعرضيتلو على قولتك من صغر
مريم:يعني انت مو مسدءني
ساجد:ايوا وهلا رح اتاكد بنفسي
مريم:لا ما بقبل
ساجد:ليش مين شاورك يلا انزلي
مريم:وازا ما انزلت
فجأة نزل وخبط الباب وفتح
ساجد:انزلي لشوف
مريم:انت شو مفكر حالك
ساجد:لك حاجتك تناقشي يلا
مريم:كيف بدك تحطني بهيك موقف😭
ساجد:متل ما حطيتيني بموقف اضرب منو
مريم:انت مفكرني كزابة
ساجد:وهلا الدكتورة رح تاكدلي ازا الي صار من زمان صحيح ورح اعرف ازا في اكتر من الي حكيتيه
مريم:مستحيل تجبرني
فجأة مسكني من ايدي ونزلني من السيارة وخبط الباب
مريم:بس بعد من نطلع من عندها كل واحد من طريق
ساجد:امشي وانتي ساكتة
مريم:انت مين مفكر حالك
ساجد:بس تروحي بتبكي بحضن امي وبتواسيكي يلا
امشيت غصب عني كان في اكتر من مراجعة بالعيادة
السكرتيرة:اتفضلو....في حجز مسبق
ساجد:اي حكيت مع الدكتورة وهي بتعرف بالموعد
السكرتيرة:اتفضلو ارتاحو ازا هيك
ساجد: مامعي وقت فيكي تخبري الدكتورة
السكرتيرة:ماشي رح اخبرها
ياربت اهرب من المكان هاد شو بدو يعمل ولشو بدو يوصل انا والله ما اترجيت منو هالشي سمحتلنا نفوت سلم عليها هو قعد بس انا ما اقدرت اقعد وهو ما اهتملي ابدا
ساجد: اكيد اعرفتيني
الدكتورة:اي حكيت معي الصبح بس شو القصة؟
ساجد:انا جاييكي بموضوع شوي حساس
الدكتورة:شو هو
ساجد:انا اتزوجت من فترة صغيرة وخبرتني حضرتها الي هي مدامتي انو متعرضة لاعتداء وهي صغيرة بالعمر وحابب اتأكد عند دكتورة مختصة ازا هالشي صحيح او لا
الدكتورة:بس هالشي بيضر بنفسية المدام
ساجد: ونفسيتي كمان
الدكتورة: ازا هالشي متفقين عليه بعمللها فحص سريري واكيد رح يبين معي
ساجد:اي وهاد الي بدي اياه
الدكتورة:اتفضلي معي لو سمحتي
امشيت بخطوات مترددة والغرفة كلها كشف ومابدي يكون موجود بنفس الغرفة
الدكتورة:لا تتوتري هي مو اول حالة بتيجيني مريم بهمس:بس انا خجلانة منو
الدكتورة:باينتو عقلو شوي صعب اقل من خمس دقايق لا تخافي
على عيوني الي عم يصير بس انا بعرف حالي بريئة شلحت المانطو وسايرت كلشي عم تطلبو مني سالو دموعي وهي عم تفحصني وحسيت انو ولا يمكن أتجاوز الي صار
......
لساتو ناطر لحتى اجت وقعدت بمكانها اخدت ورقة وبلشت تكتب وهو مركز مع الدكتورة مية بالمية
ساجد:شو دكتورة
الدكتورة:كتبتلك كلشي بالتقرير الاعتداء الي متعرضيتلو لمرة وحدة بالفعل
ساجد:ومن زمان
الدكتورة:مع اني كتبت بالتقرير الحالة بالتفصيل بس رح اشرحلك عن مراحل الاعتداء وكيف ببين معنا ازا هو اعتداء لمرة او لعدة مرات
كانت عم تشرحلو بكل شفافية وهو ارتاح نفسياً بس مريم عم ترتب حالها ووقفت على جنب لحتى خلص واتشكر الدكتورة وطلعو كان سابقها بخطواتو متجاهل احاسيسها فتح السيارة وقعد ونطرها لحتى طلعت ودغري حرك ومشي
.......
دموعي عم يتجددو غصب عني
مريم: ارتحت يعني
ساجد:بس مارح اقرب صوبك ارتاحي
مريم:مين خبرك بقبل تلمسني يا عديم الرجولة
ساجد:انا عديم رجولة احسن ما اكون مقورن اتفرج على الست مريم وهي تنغمز ومبسوطة واتقبل فكرة انها مو بنت واتحمل شي ما علاقتي فيه من الأساس
مريم:لانك جاهل بتحكي هيك
ساجد:احسن ما اكون تشتوش على الاقل جاهل قوي مو بخاف من كلشي وببكي بدعوة وبدون
مريم:ببكي من خذلاني منك
ساجد:لا ياااا كان بدك اتقبلك بعدين امي أجبرتني
مريم:ليش وافقت
ساجد:ما وافقت ابدا اعطتك من حالها موافقتي وانصدمت انك قاتلة حالك عليي
مريم:على شو دخلك شو الانجاز العظيم الي قدمتو بحياتك
ساجد:اقصري الشر احسنلك
مريم:انا مابدي اياك
ساجد:اي احكي لامي هلحكي مو الي
مريم:ماني مصدومة فيك للحظات حسيتك واعي وفهمان بس هلا اثبتتلي العكس
صرخ بصوت عالي وضرب مرتين على التابلو
ساجد:شو كان بدك اتقبلك بعيوبك كان بدك استمر معك بدون ما اتحقق بنفسي
مريم:وشو رح يغير
ساجد:لا بقى تستفزيني مريم
التزمت الصمت واول ما وقف عند مطعم ما عجبني نزل وطبش الباب
ضليت قاعدة وشوي رجع وفتح الباب
ساجد:انزلي لا تجننيني
انزلت مو عاجبني هو راح لعند الجرسون وانا قعدت يأسانة وحزنانة وقت رجع اتأملتو كيف كتير متكبر يخرب بيتو الهي على هالنفسية وين ربيان الافندي لك انا كنت عشقانة غموضوا من فترة هلا كرهانة كل هالتفاصيل
واول ما اجى الاكل بلش يفطر بشهية بالبيت ما بياكل بهالطريقة
ساجد:ما تاكلي
مريم:مالي نفس
ساجد:فكرك اراضيكي مو
مريم:مو مو
ساجد:انتي الخسرانة
درت وشي على جنب وهو كمل اكل وطريقتو خلتني اشتهي ادوق الاكل واخر شي مسح تمو بمنديل واسترخى

ساجد:اوه الجوع عنجد كافر
مريم: كيف اكلت وانت عامل معي هالفصل
ابتسم بمكر
ساجد: بالعكس ما عملت شي وطبيعي الي عملتو ازا انتي شايفة انو عملت شي غلط الغلط استمر معك
مريم:بدك تصرعني بهالسيرة
ساجد:انتي واثقة من كلامك
مريم:ورح احكي مع امك اليوم بدي نترك والي بدو يحكي عني يحكي
ساجد:ع راحتك انتي الخسرانة😉
مريم:يااا عندك ثقة بنفسك فضيعة
ساجد:شو عرفك انا محور الكون كمان
مريم:شرير قصدك
ساجد:يعني مو شرشبيل😂
مريم:كلو وارد
ساجد:بس انتي مو سنفورة
مريم:انت ولا عبالك نمشي
ساجد:امبلا اسبقيني لشوف بس ما اكلتي
مريم: وفرتهن الك
ساجد:ع السيارة بسرعة
رحت للسيارة ابن اللذين طول والشمس ساطعة ولعت بسببو واول ما اجى
مريم:ليش ما فتحتها ازا رايح للحمام
ساجد: الشمس كلها فيتامينات
مريم:...
فتحها ودغري اطلعت وما سدءت ايمتى شغل وعلا لصوت اغاني اصالة وسلطن كمان معها
.....
بالمركز كان جرير على رأس عملو ومحجوب عم يحاول يطقطق براغي ساجد عند رئيس المباحث الجديد
جرير:شو صار باخر قضية يا محجوب
محجوب:سيدي بعتنا فرقة مداهمة بس كان المكان فاضي
جرير:بدي تقرير مفصل عن الموقع
محجوب:حاضر سيدي انت من يومين سألتني عن رئيس المباحث الرائد ساجد
جرير:شو سألتك انسيت
محجوب:نوع المهمة الي طالع فيها
جرير:اي شو نوعها
محجوب:ما بعرف بس هو حاليا باجازة اتجوز جديد
جرير:الله يهنيه مابدي تتهاون بلي طلبتو منك
محجوب:سيدي في موضوع لازم احكيلك عنو
جرير: محجوب انصراف
محجوب:حاضر سيدي
استرخى اكتر وفتح ملف قضية استلمها ساجد وانبسط انو مو مستلم ولا مهمة مو كاملة
جرير:والله نفسي اتعرف عليه اول ما فات نبيل ابتسملو
جرير:اجيت بوقتك
نبيل:على قولة الرائد ساجد فرفح قلبك لكن
جرير:تعال احكيلي عن الرائد ساجد
نبيل:انت بتعرفوا شخصياً
جرير:اسمعت عنو مو اكتر
فتحلو على صورتو ودقق فيها
جرير:شخصية والله اي صحيح راياتو بالعالي عند العقيد
نبيل:اي لانو سكر ملف جريمة الملهى
جرير:اي اسمعت فيها وهو بمهمة ولا بإجازة
نبيل:بمهمة بحارتو
جرير:انت مقرب منو
نبيل:رفقات كتير من ايام الكلية
جرير:ايوواا ومحجوب
نبيل:...
صار يفكر يحكيلو او لا
جرير:ليش سكتت
نبيل: الرائد ساجد مو عاجبيتو تصرفاتو
جرير:انا حسيت انو محجوب في من ورا حكيو عن ساجد في شي تطش بينو وبين محجوب
نبيل:انت بتعرف سيدي طقطقة البراغي كتيرة بس الي ما بتعرفوا الرائد ساجد ما بلف وبدور وموقفوا ثابت من اي شخص
جرير:وهيك انا تشوقت اتعرف عليه
نبيل: الايام جاية اكيد
جرير:ان شاء الله تكون قريبة هالايام
نبيل:ازا كتير حابب بتصلك فيه
جرير:هههه اي سلملي عليه واحكيلو ترى صفحتك عند زميلك مو زيادة
نبيل:هههه والله بدي اللعب باعصابو هو كتير بيتنرفز
جرير:وهو المطلوب
...........
وعند ديب كان معصب ومقهور من موقف مصطفى
مصلح:شو معلمي والله انك نحفان
ديب: مقهور من ابو مفرق
مصلح:😂معلمي صار ابو صلعة
ديب:😂اي اي انسيت كيف معند مو لازم يعتزر من ساجد
مصلح:دخيلك عمرو ما اعتزر هلا انا منيشن على صيدا ولا كل الصيدات
ديب: لمين ووين
........
جبورة ومصطفى مقرفصين بأول الحارة وعلى دخان
جبورة:شو صطوف
مصطفى:حاطو ببالي ابن النمر
جبورة:قلبا وقالببا معك
مصطفى:بس ليك مابدي لمعلم ديبو يدرى بالاتفاقية
جبورة:احكيلي الخطة لشوف
مصطفى:...
وبلش يسردلو على شو ناوي
........
فاتت ام دياب لبيت ختام الي الوسخ طالع لبرى قشر والسفرة مو شايليتها
ام دياب:يا وخمة يا عديمة النظافة وينك
ختام:اجت ام المشاكل
ام دياب:لك ابني وردة وزينة شباب الحارة لك كيف بتقبلي تنامي بالمزبلة
ختام:مو شغلك
ام دياب:انا بفرجيكي يا ختام
ختام:ما بخاف لا تخافي 😂😉
ام دياب:تفو عليكي روحي شوفي كناين جيرانا روحي شوفي كنة ام ساجد متل الوردة وهيك منقول مقطوعة هي لو الها اهل شو بكون حالها
ختام:حلي عنا يااا ناقصنا مخرفنات
ام دياب:...
طلعت مقهورة من عندها
ام دياب:والله لافرجيكي والله لتصيري علكة بتم نسوان الحارة
........
نزلنا بنفس التوقيت من السيارة سبقتوا وفتت للبيت واستغربت كان في ضيوف شب وصبية ومراة كبيرة بالعمر
مريم: مسالخير
ردو كلهن وهلا بس فات ساجد وقفوا ليسلمو عليه ضليت واقفة وشفتو كيف عم يسلم على الشب وهلا قرب من المراة وسلم عليها بس ع الصبية من بعيد فتت دغري للمطبخ
مريم:مين هدول
مجد: عمتي نادرة اجت تبارك لبابا بزواج ابنو
مريم: ما بعرفها
مجد:😂غير نتسلى بكرى بتشوفي
مريم:بدك مساعدة
مجد:اي يا مريومة افرمي السلطة انتي انا مجروحة اصبعتي
ساجدة:ايمتى السنة الماضية
مجد:راحت عليي خناقة لكروب من ورا الاكل
مريم:😂خبرينا شو بصير

ساجدة:اشتركي معها بالكروب
مريم:ابعتيلي الرابط مجد
مجد:😂بتفوتي معي مؤازرة
مريم:ما بحب اعلق مع حدا
مجد:انا معك شبكي
مريم:وافقت
غسلت ايديي وبلشت بفرم السلطة
بقلبي:شو عمل ساجد اليوم معقول اخد التقرير وحطو بجيبتوا يعني ما كان مسدءني ولوين بدو يوصل احكي مع حماتي ولا احل مشاكلي معو .
........
كان قاعد بيناتهن ومبتسم لحكي عمتو الي شروي غروي رايحة فيه
نادرة:انت جوز ساجدة بنت اخي
ابو ساجد:استغفر الله العظيم اختي هاد ابني ساجد الي جوزتو جديد
عمران:ماما ساجدة اختو ل ساجد
نادرة:مين انت
عبير:😂ابنك ماما
ماجد: عمتي انا ارمل😂 قصدي عزابي
نادرة:اسمو عزابي يعني
عمران:لا لا اسمو ماجد ابن اخوكي هاد هاد اخوكي
نادرة:ماعندي اخوة انا
فرطوا من الضحك كلهن
نادرة:انتي ليش واقفة بتفرجينا طولك
ساجدة:لا عمتي مشان اطول
نادرة وجهت الحكي ل عمران :مين هي
عمران:هي ساجدة شبكي
نادرة:اول مرة بسمع فيها على كلا مبروك جوازة ابنك ووجهت الحكي ل ساجد
ساجد:انا

ساجد انا العريس عمتي
نادرة: هي مرتو يعني
بتقصد ساجدة
ساجد: هي اختي عمتي مرتي بالمطبخ افرجيكي عليها
نادرة : ما شاء الله حلوة كتير
ضرب على جبينو ساجد
وفرط من الضحك
لمحتو يضحك الشي الي ما سده تو ولا اتوقعتوا جهزنا الغدا
انا وساجدة وحطيناه بالمضافة وما ارضيت اتغدا قعدت
بالمطبخ لحالي مهمومة وحزينة بس انا ما بنكر انو اتسلیت
مع هالعيلة لولا مشكلتي الي صايرة كنت يمكن منسجمة مع
ساجد یا تری وین نهاية مشواري معو ورح يتركني عنجد ولا
هو عم يرمي حكي والفعل شي تاني

القسم السادس عشر
راح ليغسل واتفاجئ انو ماجد قاعد على الرف بجنب المجلى وعم يدردش مع مريم بقي واقف عند الباب يسمع
ماجد:يعني ازا ما حطيت عيار المي شو بصير
مريم:ازا اكتر من اللازم رح يصير عجين وازا اقل رح يكون مو مستوي
ماجد:بس السلطة بتشهي عنجد غير شكل
مريم:انا جهزتها
ماجد:اي ليش ما اتغديتي معنا
مريم: اتغديت هون
ماجد: عمتي جاية تتعرف على زوجة ابن اخوها😂حتى اخوها ما بتعرفو اتخيلي
مربم:😂بس مهضومة وصوت ضحكهن غير شكل
ماجد:مو بلا
انتبه انو ساجد ع الباب ودغري نزل من ع الرف وبقي ساجد ملاحقو بنظراتو لحتى طلع قرب شوي شوي بهدوء لصار وراها
......
اجمدت وقت شفتو من لمرايا الي قبال المجلى واقف وراي التفتت عليه بهدوء
ساجد:ناوية تنتحري
مريم:لا
ساجد:ليش ما اتغديتي
مريم:ما جاي عبالي
ساجد:والحل
مريم:لو جوعانة اكلت
ساجد:لنشوف لايمتى يا مريم
اخد ركوة القهوة مطنش وجودي رتبت المطبخ ع الماشي واطلعنا سوى للغرفة صوت الحكي والمزح شغال كنت تعبانة لدرجة ومو مسدءة احط راسي وانام
.........
بالمزرعة كانو مجهزين الجو لساجد اتطلع بالساعة ديب
ديب:اتصل فيه
جبورة:ازا ساجد جاي انا رايح
مصلح:الله معك
جبورة:امشي مصطفى
ديب: مصطفى
مصطفى:مارح اعتزر انت اعتزر عني ازا بهمك الامر
مصلح:يلا عمي روح تزاعم بمكان تاني
نصرت:يعني شو صاير فهموني
ديب: مصطفى بلاحق مرتو ل ساجد ورباه
مصطفى: من كيفي لاحقتها
ديب:خراس ولاه يلا انقلع من هون
جبورة:امشي صطوف الله غنانا
كان مقهور ديب منهن هو مابدو يخسر ولا طرف
مصلح:طول بالك معلم لا يصح الا الصحيح
نصرت:شو بدك فيهن معلم اعصابك
ديب: وماجد وين
مصلح:انت اتصل ب ساجد وما عليك
........
بغرفتو ماجد عم يخطط لسرقة شي ثمين بنفس الوقت ما حدا يلاحظ اختفائو
بقلبو:دهبات مريم بجننو بالاخص المحبس يا ترى ما بتشلحو معقول واليوم ليش ساجد قافل غرفتو مو بس غرفة النوم وغرفة القعدة مافي غير اسرق حواض لزريعة والله اتعبت وفلست ومابدي اتدين من حدا الهدف محبس مريم او سسلسل ساجدة الي برقبتها اتصل ب جبورة حبيب القلب
ماجد:عوافي دادا
جبورة:اهلين ابو الجود
ماجد:اشتقتلك وينك انت
جبورة:بعد الحفلة الي عملها ابن النمر لمصطفى قلت زحلقلي
ماجد:انا ماني ديل لاخي بتعرفني نسر وحر
جبورة:بعرفك انت غير عن العالم كلو
ماجد:شو الترتيب
جبورة:مافي ترتيب ولاشي انا ومصطفى عم نتمشى
ماجد:دبرتلي من الي طلبتو
جبورة:اي صارو عندي بستناك
ماجد:على كلا جاي انام عندك مليت كتير بس ليهدا جو العيلة
انتبه وقت سمع صوت السيارة عم يطلع من الحارة
ماجد:وين راح هاد لازم اقوم اعمل جو قبل يرجع
........
كانت امو عم تفرش ل نادرة طبعا اولادها راحو لبيت عمهن يزورو كم يوم
ماجد:شو حجة بدك تنامي
ام ساجد:انت بالبيت فكرتك مو هون
نادرة:العريس هاد
ماجد:😂دخيل قلبك سامعة ماما
ام ساجد:لا هاد ابني العزابي العريس بغرفتو
ماجد:انتي بغرفتك ماما ساجد طلع
ام ساجد:بهيك وقت
ماجد:ماما الصيصان لسى صاحيين المهم شلونك حجة
نادرة:ان شاء الله بتحج
ماجد:دخيلووو عيونك زرق ولا حاطة عدسات
ام ساجد: حاجتك ولاه كش شو جاي تعمل
ماجد:نام جوزك
ام ساجد:ولي عليك ابوك هاد
ماجد:جوزك شو كفرت😂والا من وين جبتي هالطاقم الحلو
ام ساجد:يلا روح بدها تنام عمتك
ماجد:هاذي خرفانة ماما😂
ام ساجد:هسس فضحتنا
ماجد:اغنيلك يلا تنام يلاتنام ولا بتنامي بدون غناني
نادرة:عمران وين
ماجد: راح ارتاح منك😂
ام ساجد: اخ منك رح تجنني
ماجد:حجة ولادك رموكي هون عنا ما حدا طايقك
ام ساجد:انا رايحة اجيب مي روح نام انت
ماجد: روحي بسلي عمتي لترجعي
قعد جنبها واتمايز خاتمها
ماجد:حلو خاتمك عمتي دهب مو
نادرة:هاد
ماجد:اي هاد شو حلو اعطيني اخبيلك اياه معي
دغري شلحتو
نادرة:خدو مابدي اياه
ماجد:دخيل الله يا هيك العمات يا بلا اختك خولة بخيلة
نادرة: مين خولة
ماجد:لا حول ولا قوه الا بالله اختي انا
نادرة:اختي خولة مو اختك
ضب الخاتم بجيبتو
ماجد:اختنا كلنا ولا يهزك
اجت ام ساجد لعندو
ام ساجد:يلا روح بدها تنام عمتك
ماجد:بدك تنامي عندها
ام ساجد:لكن تفل بنص الليل ناقصنا يعني
ماجد:😂اقفلي عليها
ام ساجد:روح يلا بدنا انام
ماجد:تصبحي على خير ندورتي
لوحتلو بايدها وطلع مبسوط
ماجد:بيطلع خمس غرامات😂حرزانة والله
..........
اول ما فات المزرعة وقفو لتلات يستقبلوه وكم ولد للخدمة استغرب من اجواء المزرعة شي بجنن مسبح وقعدة بتجنن رحب فيه ديب كتير وقعدو كلهن
ساجد:شو هاد شي بجنن الك لك ديبو
ديب:لا من وين الي بس بمون ع صاحبها نورت ابو نمر
ساجد:اي وين باقي الطاقم
ديب:ببيوتهن انا بدي استسمح منك مشان مصطفى

ساجد: اسمع سكر ع الموضوع نهائي حسابو تقيل
انصدموا مصلح وديب
ديب بقلبو:كل هاد ولسى ما صفى لحساب
مصلح بقلبو:اكلت هوى لك مصطفى
نصرت بقلبو:شو بيشتغل هاد معقول عسكري
شغل اغاني ديب وشغلو ل ساجد نفس اركيلة والشاطر الي بدو يكسب رضاه
.........
بقلبو:شو ريحة تينر هي او دهان كأنو والله بقدر اميز بين ريحة التينر والبينزين
اي شو هالجو لك ديب هون الواحد بكيف عنجد هوى بيرد الروح المسبح بوحدة حبيت كتير هالجو
وقت اتزكر انو مريم نامت جوعانة والسبب روحة الدكتورة انقهر
اتزكر التقرير وكلشي حكتلو اياه الدكتورة
بقلبو:لازم اعرف مين معتدي عليها ليكون عمها استغفر الله العظيم اي قلة ما شفت متل هيك حالات مين بدو يكون يا ترى بس ع الاكيد بالضيعة الي صاير معها والا مو متعلقة بحارة عشوائية من عبث يمكن بتحس بالامان هون
غص قلبو فجأة وقت اتزكر كيف كانت تنام لحالها وكيف حاول يعتدي عليها المجهول الي متأكد مية بالمية كان مصطفى
وكانو اول ما صار معها هالشي ما اتأثر فيه الا من بعد ما قرب منها لو مو بالفعل بس فكرة انها بتنام معو بنفس المكان وعم ترد عليه الكلمة عشرة عم تخليه يتعلق فيها
بقلبو:معقول بيوم اسكت بس شو خلاني ما امنعها ما تطاول عليي هي كتير قوية بس مخبية بتيابها او ما لقت الي يدعمها من زمان
وصار قلبو يضرب ضرب وقت اتزكر انو رح يرجع ويلاقيها بغرفتو
ديب: اي ابو نمر شو اخر مشاريعك
ساجد:امدد الإجازة بس والله هنيك كانت الارزاق خيرات الله
ديب: متل شو
ساجد:يعني يصحلي نكاويش بيطلعلي من وراها كم
مصلح:ايوا من هداك الاخضر
ساجد:بس اوعكن هون حفرنا وهون طمرنا
نصرت:وانت بحكم انك عسكري شو هواياتك ساجد:اكيد مو رسم هنيك الساحة من لكبير للصغير وانت احسب هوايتي هنيك
نصرت:في عقوبات
ساجد:خيرات الله
ديب: شكل فرار
ساجد: بلكي اتسرح الي ٨ سنين بالخدمة
مصلح:بس والله مو حياة هنيك
ساجد: معك حق شو نعمل انت مبين وحيد
ديب:تخيل اخدم جيش
ساجد:عليك احتياط
ديب:اي الله لا يعلقني من جديد
طبعاً طالت السهرة وريحة التينر ما عم تروح من انفو بلش يستطلع بعيونو بحجة انو معجب بالمزرعة بس ما قدر يوصل لطرف خيط وحط احتمال انو عم بجددو دهان المزرعة
الساعة ١٢خلص السهرة والا يودعهن طلع بالسيارة واول ما شاف مطعم فاتح نزل يشتري وجبة اكل ل مريم اشترالها شاورما عربي وهو كمان جوعان وجاب تنتين كولا وبطريقو للبيت فتح بهدوء البيت شبه عتم ودغري للفوق لغرفتوو فتح بهدوء لحتى ما تنزعج مريم حط الاكل على الطاولة بدل تيابو وقعد بمكانو يصحيها
ساجد:مريم....مريم
فتحت شوي من عيونها
ساجد:اصحي جبتلك عشى
مريم:كتير نعسانة
ساجد:اتعشي وكملي نوم
مريم: اديش الساعة
كان يتأمل شعرها كيف شبه مربوط هي غفيانة من تعبها
ساجد:بكير لسى قومي يلا
اتجلست واستغرب انها لابسة نص كم مع انو شافها بيوم الخطبة بس هالمرة غير
مريم:ماني جوعانة
ساجد: انا كتير جوعان واكلت اليوم
راحت غسلت وقعدت تتعشى بقي يتأمل كل حركاتها شبه مغمضة وعم تاكل
.....
اجى بوقتو العشى وهو كمان اتعشى اسمنو ما اكل يعليي عليه عامل معي فصل لا شاورما عربي ولا ايطالي بخليني اسامحوا اتزكرت كيف ضب التقرير بجيبتو لعمى مابعرف شو الغاية معقول يفرجيه لحماتي بيعملا وبلاقيه مو حدا عادي بالبيت
مريم:ماكان في داعي للعشى
ساجد: زودي ما خليتي شي
مريم بصدمة:على الاقل ما اكلت اربع وجبات باليوم
ساجد:مين عمل هيك انتي
مريم:يمكن عمتك نادرة
ساجد:هههه
مريم: والله كتير نعسانة لازم ما صحيتني
ساجد:بتعرفي انتي قصة المرأة الي شربت لكلب مي وفاتت ع الجنة
مريم:نعم نعم
ساجد:انتي شو افهمتي من كلامي
مريم:اني كلبة
ساجد:هههه لا ولووو بس انو اكسبت فيكي اجر
مريم:هاااا افحمتني لك عامل معي فصل محروق قلبي منك
ساجد:حاجتك ولووو ترى ساكتلك بقول الواعة لكبيرة بتوسع الواعة لصغيرة بس وقت الجد بصير غطى قنينة كولا
مريم:بدك تنزل لتحت
ساجد:اي
مريم:لكن نزلهن معك
ساجد:كأنو عم تتخدمي عليي
مريم:انا بنزل
ساجد:لا لا ريحي حالك شاي قهوة شو عبالك
مريم: نعسانة وبس
غسلت ودغري فتت للغرفة شلحت اليانس ورميت حالي لانام
.......
تاني يوم اتفاجئت الساعة ١١ولا مرة نمت لهيك وقت اسمعت ساجد برى الغرفة يحكي
ساجد:ليش ما صحيتي مريم هي بتجهز القهوة
ام ساجد:لساتكن عرسان
ساجد:شو بدك تخدمينا كمان
ام ساجد:يوه شو هالحكي
ساجد:وعم تجهزيلا الفطور اكيد يا حبيبي بدل ما تصحيها
ام ساجد:حاجتك نق وحكي روح صحي مرتك وتعالوا اشربو القهوة معنا
ساجد:مو حكيت هديك المرة الماضية ممنوع تخدمي حدا
ام ساجد:حاجتك حكي خلص
وقت فتح الباب كنت قاعدة على طرف التخت زورني مو عاجبو

ساجد:ليكك صاحية ماما كنتك صحيت جيبي القهوة للغرفة بكون احسن
مريم:انا ما طلبت من حدا شي
ساجد:لااا اطلبي والك عين تحكي تاني مرة بتصحي من بكير بتجهزي القهوة والفطور
مريم:شو رأيك اجهزو وانام
ساجد:وعم تتمألسي كمان
مريم:انا ما عم افهم شبك ليش معصب
ام ساجد:لا تردي عليه هو مل من قعدة البيت صار يعمل مشاكل
ساجد:شو عبالك يا عروس اندلكلك رجليكي كمان
ام ساجد:حاجتك مسخرة عيب عليك
تركنا وطلع مو عاجبو كنت ندمانة لاكتر من السبب
ام ساجد:لا تزعلي هو طبعو هيك عصبي
مريم:هو ما كان بدو يتجوز
ام ساجد:لا تحطي ببالك تعالي نشرب القهوة
مريم:لا بقى تشتغلي مرت عمي انا بحب الشغل كتير
ام ساجد:انا الي بعرفك دخيل عينك مافي متلك بالحارة بدي تتحملي ساجد هالفترة
مريم:لايمتى يعني
ام ساجد:لحتى يستوعب انو صار عندو عيلة بتعرفي هو عسكري وما كان بدو يرتبط الا ليتسرح
مريم: اي بس عنجد لا بقى تتعبي حالك
ام ساجد:خلص ولا يهمك
........
تحت كانو ملتمين كلهن ما عدا ماجد لمة وداع ل ساجدة وجوزها كان ساجد مو عاجبو شي ابدا
وفجأة صارت نادرة تبكي وانصدموا كلهن
ابو ساجد:شبكي اختي
نادرة:مبارح سرقولي خاتمي
ام ساجد:مين سرقوا
اشرت على ساجد وانصدم
نادرة:هاد مو ابنك
ابو ساجد:شو بتحكي انتي اختي ساجد ما بيعملها
نادرة:امبلا شلحني اياه وانا نايمة
ام ساجد:نمت عندك ما صار هيك شي بعدين ساجد طول بالسهرة مبارح
ابو ساجد:ليش انتي لابسة خاتم
نادرة:اي كان معي خاتم من جوزي
ساجد: وحدي الله يا حجة شو بدي بخاتمك
ام ساجد شكت ب ماجد اتزكرت وقت راحت تجيب مي رجعت لقتو جنبها قاعد بس شو بدها تحكي
ابو ساجد:معقول كانت لابسة خاتم
مجد:اي بالعلامة نقشتو تقيلة
ابو ساجد:يا حبيبي على هالعلقة
اتكتف ساجد واتطلعت فيه مريم هزلها رتسو بمعنى شبكي و رفع حواجبو مستنكر
رفعت كتافها بملل وانصدم
نفخ بغضب من هالتهمة وما عرفان شو القصة
.........
بغرفة ماجد كان نايم على بطنو والمروحة بجنبو ومخلص باكيت دخان والكركبة بغرفتو شي مو طبيعي
بالشحاطة ضربتو على خلفيتو وفز بأربعتتو
ماجد يلهت من رعبتتو:بسم الله بسم الله شوفي
ام ساجد:يا عديم الترباية سارق خاتم عمتك
ماجد:مين عمتي
ام ساجد:قوم جيبو قوم
ماجد:مامعي شي
ام ساجد:اسمعني اجيت بالسر بدون ماحدا يعرف ازا بخبر ساجد بتعرف شو بيعمل فيك عمتك عم تبكي بدها الخاتم
ماجد:ناقصني خرفانات لانو
ام ساجد:لا تطالعني عن طوري طالعوا قبل تتصرف فيه
ماجد:ما معي شي
ام ساجد:رح اخبر ساجد وهو بيتصرف
ماجد:خبري ابو ساجد كمان
تحلفتلو وطلعت كان لساتو مرعوب من الي عملتو فيه ..
......
لحظة وداع ساجدة وجوزها ولولاد بكيت شوي ام ساجد ومجد فرحانة لانو ساجدة وعدتها بهدايا لزبارة الجاية وودعت مريم
ساجدة:منحكي واتس مريومتي
مريم:ماشي ضلي زورينا
ساجدة:اكيد لا يمل منكن والله
غمرت اخوها وابوها وامها وودعتهم كلهن وطلعت بجنب جوزها ومعها كتير شناتي وهدايا لرفقاتها وصار البيت شبه هدوء طلع ساجد لغرفتو هو ومريم سوى .
.......
بغرفة مجد كانت عم ترتبها من عجقة ولاد اختها
ام ساجد:مجد
مجد:اي امي
ام ساجد:ليكي بتقعدي بالصالون ممنوع ماجد يطلع من البيت
مجد:وين رايحة انتي
ام ساجد:شوي وجاية ازا بيطلع بتخبريني
مجد:اوكي مام
.......

القسم السابع عشر
كان مستعد للراحة وقبل يشلح بلوزتو اندق الباب لهيك رجع كمل لبسها وفتح
ساجد:اهلين امي
ام ساجد:عاوزتك بكلمتين
سكر الباب لحتى مريم ما تسمع
ساجد:شو الموضوع
ام ساجد:بس برضايي عليك لا تضربوا
ساجد:فهميني شو صاير بالاول
ام ساجد: مبارح ماجد كان ياخد ويعطي مع عمتك وخايفة يكون هو الي اخدو دخيلك يا ساجد مو ناقصنا فضايح بكرى عمران وعبير ليفضحو سيرتنا ويقولو حرامية
ساجد:هو الي اخدو
ام ساجد:لكن وين بدو يروح وشفت عمتك صارت تبكي وحكت انو انت اخدتو
ساجد:يلا شوي وجاييكي
طبعا جاهز ومتحلفلو فات للغرفة واخد لحزام ولفو على خصرو ونزل ودغري لغرفتو فتح بهمجية وسكر الباب وقفلو
كانت ام ساجد ومجد ومريم واقفات بالصالون يستنن النتيجة ونادرة عم تبكي وعند موقفها ساجد سرق الخاتم
........
كان مجهز حالو للمشوار وفوتت ساجد خلتو ينصدم
ماجد:وكالة بلا بواب
ساجد:طالع الخاتم احسنلك
ماجد:خاتم شوو
ساجد:انا بدي اعرفك خاتم شو
شلح لحزام دغري وتراجع للورى ماجد
ساجد:بدك تطالعوا ولا اشوف شغلي
ماجد:بتسترجي تضربني
ساجد:خايف منك لانو طالع الخاتم عم قلك
وضرب اول ضربة على لخزانة
ماجد:ما دخلني فيه
ساجد:ليك والله ازا ما خلال ثواني طالعتو لاجلدك وانت بتعرف اني مابمزح معك
ماجد:بدك اعترف ع شي مو عاملو
ساجد:بدك تعترف وبالصرماية لك بتعرف ازا بيدرو ولادها انسرق ببيتنا فضيحة فضيحة

ماجد:ماعم افهم عليكن انت وامي
واول ضربة كانت على جنبو
ساجد:طالعو عم قلك
ماجد:لك ليش عم تضرب ليش
رجع ضربو اقوى من الاول وصار ينط لفوق وتحت ماجد
ماجد:ماما....تعي شوفي ابنك
ساجد:طالعو يا بني ادم طالعو
وبلش فيه ضرب وصارت امو من برى تترجاه ام ساجد:برضايي عليك لا تضربوا ما خبرتك لتضربوا
ماجد:بعد عني بعد
ساجد:هلا بتشوف لا تعترف
بحركة وحدة سطحوا على الارض مسكوا من شعراتو
ساجد بتهديد:رفيق جبورة الي سرق اهلو شو بدي اترجى منك اه بدك تطالعو
ماجد:بعد عني روح اتمرجل ع غيري
وسفقو كف متل فراق الوالدين
ماجد:زودتها ساجد زودتها
جلسو وخبطو بالحيط
امو عم تترجاه يفتح وندمانة لانها خبرتو
ساجد:طالع الخاتم عم قلك
ماجد:انقلع من غرفتي انقلع
ساجد:انا انقلع
وبقفى ايدو رجع ضربو كف كان ماجد بدو يحاول يضرب ساجد بس ما قدرلو ابدا
مسكوا من حنكو وبلش يشد
ساجد:وين الخاتم
بعيون مدمعين حكى
ماجد:تحت الفرشة
نترو نتر وطالع الخاتم
ساجد: حسابي معك ما خلص وطلعة من البيت ازا ما بتتربى ممنوع تطلع
وقت فتح أنصدم الكل واقفين يستنوا
ام ساجد:ليش ضربتو
ساجد:الحقيني لشوف
برى اول ما اعطاها الخاتم انصدمت وسالو دموعها
ام ساجد:نحن بشو مقصرين عليه ليسرق
ساجد:مو خرج شغل لانو هيك ع المرتاح مأمن مصروفو روحي دوري ورا ابنك معو ايفون جديد مجمرك وعم يدك كل خمسة مليون للدكان سوى
ام ساجد:😭 مين خبرك
ساجد: قسماً بالله ازا بحطو براسي سنة مارح تدري عنو شي لربي فيه لقرود
ام ساجد:طيب انت لا تحكي لحدا انو كان معو ولا حتى لمريم انا رح احكي انو لقيتو بالمضافة
ساجد: خليه ينضب بغرفتو مابدي اشوفوا
طلع ل غرفتو معصب وماجد لساتو عم يتوجع وبدو يبكي من الي صار وكيف انكشف
.........
ضليت مصدومة وانا افرم بطاطا للشاكرية
مجد: ياحرام كيف ضربو
مريم:بس ما اعرفنا ازا هو ولا لأ
مجد:ما بيعملا ماجد
مريم:لكن ليش ضربو
مجد:مو اول مرة وقت عرف بيدخن كمان عملو اللازم
مريم: يعني هو بيشرب مي ولا دخان
مجد:ما افهمتيني
مريم:لا
مجد:كان يرجع محشش
صدمتني
مريم:معقول بس مابصير يضربو
مجد:بابا عاطيه ضو اخضر لو ساكت وما بيحكي
مريم: والله امرو غريب
بقلبي:معقول بيوم يضربني والله ما بلقى كف منو وليييي متأكدة لبس لحزام للضرب
على الغدا التمينا كلنا وفجاة طالعت مرت عمي الخاتم
ام ساجد: أم عمران لقيتلك الخاتم تحت لمخدة بالمضافة
نادرة:اي اي هاد خاتمي شلحني اياه ابنك
كان ساجد يهز راسو يمين شمال مو عاجبو
نادرة:هاد ابنك الي لحيتو كثيفة سرقني
ابتسامة صغيرة منو
ساجد:انا
نادرة:اي هو كان لابس قميص اسود
ساجد:متاكدة شلحتك اياه
نادرة:اي انت
ابو ساجد:المهم رجع ولا نعلق من جديد وين ماجد
ام ساجد:من شوي افطر ونام
مجد:وين ساجدة بتكون هلا
ساجد:لساتهن ع لحدود زحمة كتير
ام ساجد:مابتعرف حدا ع لحدود يمشيهن
ساجد:بس مو مداوم اليوم
ابو ساجد:الا ما يكون بيعرف حدا برضاي عليك تشوفلها واسطة ولادها صغار والدنيا شوب
ساجد:هلا بشوف
قضيت يومي بالمطبخ لانو مجد علقانة بالكروبات وما عندها وقت للشغل المغرب خلصت شطف برى وفتت للبيت ودغري للغرفة كان قاعدة وكانو بيحكي صوت وصورة مع حدا ما حكيت ولا كلمة اخدت تيابي وفتت للحمام اتحمم
........
نبيل:شو صار معك
ساجد:اليوم بدي ارمي شباكي قدامهن
نبيل:كيف
ساجد:ناوي اعملي كم حركة ليكسبوا ثقتي بس انو الهن يد مية بالمية متاكد منها
نبيل:بالمناسبة زميلك ما عاجبو شغلك
ساجد:مين
نبيل:الرائد جرير استلم بدالك
ساجد:وشو الي مو عاجبو دخلك
نبيل:قال انت خابص القضايا ببعضها وحكى لاي صف واصل الرائد ساجد
ساجد:وانت سكتت ما حكيتلو انو اتخرجت من الكلية بشهادة متميز وعن جدارة
نبيل:😂 جد انت اتميزت بشو دخلك
ساجد: انا بفرجيك لحتى نجومك تلمع جاييك
نبيل:منمزح سيادة الرائد
ساجد:الي طلبتو منك بكرى لازم يتنفذ
نبيل:حاضر أوامر تانية
ساجد:انصراف
سكر المكالمة وطلع من الغرفة ليزعج مريم دق بقوة على الباب
مريم:مين
ساجد:اكيد مو حدا غريب خلصيني
مريم:تكه
ساجد:تكتكي لشوف
كان مستقصد يزعجها بدو يحرك المياه الراكدة شوي وفتحت وهي لابسة ولافة الشالة فاتت دغري للغرفة ابتسم للمجاكرة
........
كنت امشط شعري واجهز حالي للسهرة عند ختام اول ما فات يمكن قلبو حسو
ساجد:شو وراكي مريومة
مريم:السهرة عند ختام اليوم
ساجد:اه يعني اخدتي الازن من حبيبة قلبك
مريم:مابدك اروح
ساجد:لا روحي اصلا ما بحقلي اتدخل بحياتك صح
مريم:ليش
ساجد:زواجنا شكلي مش اكتر
مريم:ليش حدا طلب اكتر من هيك
ساجد:بلكي انتي بدك يصير زواج عن حق وحقيق
مريم:لا ريح حالك مافي منو
ساجد:اكيد
مريم:اكيدين بعدين لا تنسى

اشرتلو بمعنى التقرير
ساجد:اي امبلا زكرتيني يحرق حريشك ما بتنسي
مريم:بدك تضل بالبيت
ساجد:النسوان بتدور ولرجال بالبيوت هيك الموضة صايرة
مريم:ليش عم تتمسخر
ساجد:لا جد بجد بحكي
مريم: ومشان ساجدة
ساجد: زمان تعدو لحدود بكرة بيوصلو
طالع تياب ليجهز حالو واعرفت وراه سهرة بس ما سألتو ابدا
مريم:انت الصبح كنت معصب
ساجد:لو تعرفي السبب مارح تسأليني ليش كنت معصب
مريم:يعني في سبب
هز راسو واكدلي بغمزة بس ما دققت كتير
مريم:وروقت
ساجد:نص ع نص
انزلت وتركتوا يجهز حالو
......
كان عم يحكي بالغرفة بهمس
ماجد:اي ساعة حكو
جبورة:ع العشرة بتبلش
ماجد:انا عشرة وشوي بجي يمك
جبورة:صوتك ما عجبني
ماجد:بس اشوفلك بحكيلك
جبورة:ع موعدنا لكن
سكر واتطلع بالمرايا مكان الكف
ماجد:الله يكسر ايدك يا ظالم لك شو دخلوا هو فيني انا بفرجيك يا ابن النمر كل مرة بتخسرني التحدي وبعدين معك روح اتقاوى ع غيري بسيطة بالخرفانة نادرة وهالمرة دور مرتك لاسرقها واسترجي قرب صوبي
لبس تيابو وقعد ينطر يروح ساجد للسهرة
........
برى كنا جاهزات انا ومجد ومرت عمي وعمتهن نادرة غير ننفضح بهالروحة😂ازا حكتلا كم شغلة مو واعية عليهن
وساجد كان يلبس بوطو ومشي معنا يوصلنا وصلنا لبيت ختام وانصدمنا وهي انصدمت فينا
ام دياب:اهلين وسهلين بام ساجد وعيلة ام ساجد
بقينا مصدومين بالبيت كيف مخبوص خبص وريحتو طالعة
.........
برى ديب عم يسلم على نادرة
ديب:كيفك خالة
نادرة: عزابي مو
ديب: ادعيلي الله يجوزني
ساجد: جواز قبرصي عندك تشكيلة كاملة
نادرة:الله يجوزك يارب
ديب:دخيل الله حبيتها لعمتك
ساجد:مو طالبين عليها مهر😂
ديب:هههه مشينا
ساجد:ماما يمكن اتأخر
ام ساجد:ماشي
طلعوا تمشاية كان ديب مبسوط ب ساجد كتير اتمايز لبسو وحس انو الي على خصرو مسدس
ساجد:مين جاي معنا
ديب:انا وانت ونصرت ومصلح
ساجد:يلا دوبنا نوصل
ركبوا بالسيارة واسترخى ديب
بقلبو ديب:ازا الله ما خيبني ساجد بيشتغل شغل مو نظيف لو هالسيارة مو الو بس اكيد اجارها غالي يعني عندو لف ودوران
ومرو على نصرت ومصلح وعلى المرقص دغري
.......
مصطفى قاعد لحالو بالبيت امو بالسهرة مع النسوان
بقلبو:نيالك يا امي رح تشوفي مريومتي اشتقتلك والله زمان ما متعت نظري بشوفة حسنك وجمالك يقبرني الشقار والجمال ويكفني بعد لو خيروني انوت بين ايديكي مارح اقول لا
مصطفى:مجنون انا بيك مجنون على طول
نقر على شباك البيت جبورة
مصطفى:فوت
جبورة:وينك
مصطفى:تعال هون
فات لعندو
جبورة:ليش ع العتم
مصطفى:شو صار معك
جبورة:لا تخاف اموري باللورد
مصطفى:لكن روح لشغلك
جبورة:ماشي بشوفك😉
ركى حالو على الحيط وغمض وشايف مريم بين عيونو
..........
لساتنا قرفانين نقعد اتطلعنا انا ومجد ببعض
وكتمنا الضحكة
ختام:ما خبرتوني جايين تسهرو
ام ساجد بقرف: امبلا حماتك عزمت
ام دياب:اي حضرتو وما حضر واجبكن
ختام:هيك لكن
نادرة:انتو ماعندك مي ولا مكنسة
ختام:شو تفضلتي حجة
نادرة:يبعتلك حمى يا وخمة متجوزة هي
ام دياب:جوزها الي صادفك وانتي جاية
نادرة:متل الوردة كيف قبلان بهالوخمة
ختام:عيب عليكي احترمي شيبتك
ام دياب:اخرسي وليه
ام ساجد:هي شوي بتخربط
ام دياب:هي الواعية شوفة عينك يا ام ساجد هاد وضعنا مع كنتي ومحروق قلبي على ديب هو بيقرف من خيالو
مجد:😂ختام مو هيك النسوان
ام دياب:اخ يا بنتي والله اعجزت فيها ليل نهار فصفصة بزر وعم تتخدم ع ولادها السجادة من سنة ما انغسلت.
ختام:اهوو علينا تركت النظافة الك ولمها وجوزي بحبني وميت عليي ومارح يتجوز ريحي بالك
علقت بيناتهن ونحن على كركرة وضحك والا العمة نادرة تضيف صراحتها ع الموضوع مع امو ختام لبس ومكياج شي غير شكل مافي فاتت شوي وطلعت على اخر طراز
......
التقو وطلعو على موتور جبورة وللشعلان
جبورة: ضربك مو
ماجد:اي
جبورة:مين مفكر حالو
ماجد: بلكي صاير ابي
جبورة:لا تزعل مني ماجد اخوك هاد متسلط وحقود
ماجد:ليش لازعل حكيت الحق
جبورة:ونهايتو وخمة بكرة بتشوف مو تفكرني حاقد عليه بس انت شفت شو عمل ب مصطفى وفوق منها طلع من المركز متل ما فات وهو الغلطان
ماجد:وليش مصطفى ليغمر مرت اخي اه
جبورة:هلا في شب بيقرب صوب بنت هيك
ماجد:شو قصدك وضحلي اكتر
جبورة:بتكون اعطتو ريق حلو
ماجد بصدمة:مستحيل ولايمكن تعملها
جبورة:لا تسدء بس مافي دخان بلا نار
........
اول ما اختفو فات للحارة والحقد معبي قلبو بيعرف انو موتور ساجد جديد وطخ مو مستعملو كتير مشى صوب بيتهن كان هدوء وهي شغلتو فك قفولة بخفة وبدون أصدار اي صوت راقب الجو كلو وبلشت عملية الفتح وكان مستغني عن روحو لو بدو يموت المهم يسررق ساجد ويحرق قلبو على موتورو

.......
وبالمرقص فاتو ورا بعض اول واحد ديب ووراه ساجد ولعيون كلها عليهن طول بعرض وشخصيات لتنين شلح النظارات وعض على شفافو وهو يتمايز ستيج الرقص
ديب:شو ابو نمر طمن
ساجد:هاد الشغل المزبوط
مصلح:اليوم الدعم كرمال ابو نمر وبس
ساجد:كفو
شلح الجاكيت وقعد ولمعت عيون ديب على المسدس
بقلبو:شغل النظيف نظيف يا عمي هاد صحبتو مكسب دخيل عينو
اشر للنادل وفرش الطاولة مكسرات و عرق والكل اهتم فيهن
........
استرخى اكتر وعم يتفرج على الرقاصات وبلش الحفل
المطربة:يما الهوى عذبني ودمر حالي يما الهوى عذبني ودمر حالي تركني ويا الغالي الشاغل بالي
كان مصلح رايح صوبها واشرلا على ساجد واكيد اعطاها الاسم
شد ديب من قميصو وهمسلو
ساجد:لك لشو هيك والحفلة مسجلة
ديب:واحلى ابن النمر انت الفخر والشهرة من بعدك ما تضل شخصيات اي
وبلشت المطربة تبعت تحيات خاصة لساجد النمر
طالع مصاري اشرلا فيهن واعطاهم لديب وراح يرش عليها
وبلش باول كاسة وبعدها بلش يتفاعل مع الحفل وكل الصبايا انعجبوا فيه
وديب طاير عقلو فيه
المطربة:بلوة العشق يا ناس بلوة ابتلينا حبهم بشيب

الراس
وش طالع بيدينا
وقف وبلش يرقص ومشغل سيكارة
ونصرت بلش يصورو والجو مولع بس لساجد الي صار حدا
تاني بعد اول كاسة عرق
رغم انو سكران بس ما قبل يقرب صوب مراة مع انو حاول
ديب بس هو رافض رفض تام
كان الجو هادي كتير طول الطريق ونحن نكركر على ختام
مجد و کیف مستحملها ديب والله اسمعنا انو وخمة بس
اليوم اتاكدت
مريم ما بعرف كيف بتقبل على حالها
ام ساجد دیب متل الوردة حرام يقضي عمرو مع وحدة متلها
:مریم جوزيه مرت عمي
ام ساجد: لا يوه ما دخلني كمان انا عندي بنات وما بقبل يتجوز
جوز ساجدة عليها
مريم لكن بتقبلي ساجد يتجوز
ام ساجد مارح يلاقي احلى وانظف منك لو بيدور كل العالم
مجد ماما انا بنتك مو مريم
ام ساجد: مريم بنتي كمان وبغلاوتكن كلكن
ارتحت كتير وانا بحبها كمان وبمقام امي
فتنا
ومجد اخدت عدة النوم وراحت لتنام عند الخالة ام
عمران وانا اطلعت للغرفة ارتاح وما بعرف ساجد أي ساعة رح
يرجع من سهرتو
وحتى ماجد كانو مو بغرفتو
فتت وسكرت الباب بدلت تيابي واللبست بيجامة للنوم باردة
لانو الجو شوب جوى الغرفة شغلت المروحة وحاولت انام

تفاعلو لحتا كمل القصةةة🏃‍♀🫠😜🥹😌🤣❤️

القسم الثامن عشر
وصل الشباب وصفط السيارة وبقي شوي فيها لحتى يركز اكتر
نزل وفات للبيت وبالزور لحتى استوعب كيف فايت للبيت واستغرقت طلعتو للدرج خمس دقايق يتهدا هون وهون طالع كومة المفاتيح وبلش يجرب يفتح الغرفة وبعدها فات وسكر الباب وارتكى بتعب
ساجد: وأخيراً وصلت
قفل الغرفة شلح القميص واستغرب انو في حدا معو بالغرفة قعد على طرف التخت وابتسم وقت شاف مريم نايمة ورمى حالو عليها ودغري صحيت
مريم:شو في ساجد
ساجد:مين ساجد
مريم:ايع شو هالريحة
ساجد:طيبة لا تقولي
مريم:بعد عنيي
ساجد:مستحيل ابعد
مريم: خنقتني ساجد بعد ليش هيك عيونك شو صاير معك
ساجد:ثمل المشروب افقدني صوابي
مريم:انت سكران
ساجد:مريومة شو حلووو اسمك
مريم:ساجد بترجاك كسرتني بعد عني
ساجد:ولا مرة جربت اكون مع مراة
مريم: بترجاك ساجد بترجاك تبعد وتصحصح انت مو معقول والله
ساجد:شو يعني مو معقول ليكون قصدك مو رجال
مريم:لا لا انت مو هيك بترجاك مو على اساس زواجنا شكلي
ساجد:بدك اصحى مروق خليه زواج فعلي
مريم:بعدددد
دفشتو لهيك بعد عنها
اتجلست ونزلت من التخت
ساجد:وين رايحة تاركيتني
مريم:بتصحصح ومنحكي
رمى حالو بعرض التخت وغط بنوم عميق
...........
كنت لسى مو مصدقة انو ساجد سكران اكيد مو صحيح الي حكاه بس حركاتو اي ع قولتو هو ثمل ومو وعيان ع حالو
والي متأكدة انو نام ومستحيل يصحى مبين تعبان كتير
حطيت فرشة بالارض واخدت لمخدة ونمت على الارض امري لله شو بدي اعمل..
.......
الصبح البيت صحي على صاعقة سرقة الموتور ماجد انصدم وساجد نزل يركض وهو عم يلبس لبلوزة
ساجد:شو صاير
ماجد:مسروق الموتور
ساجد:شو يعني مسروق وينك انت مو كنت بالبيت
ماجد:كنت بالبيت اي بس بس نمت بكير يلا تعال اتهمني فيه
طلع لبرى دغري واتأكد انو الحادثة صايرة وهو بالمرقص
غمض بقهر ودقاق قلبو تجاوزت المليون
بقلبو:شو يعني تنسرق لك ساجد يعني علمو عليك والله لاربي لقرود فيهن لكككك انا بالمهمة ولا بشووو يا ولاد الكلب
ام ساجد:شو يا ساجد
نزل ايديه بقلة حيلة
ساجد:الله لا يعوض ازا بدي احطها واطيه
وطلع للغرفة متل البرق
........
بالورشة كان ديب مصطهج ببالو كسب رضا ساجد وصار اتصل فيه جبورة
جبورة: معلم الجميع
ديب:شبدك
جبورة:تعال للمزرعة معلم الاخبار حلوة وبتعجبك
ديب:مسافة الطريق
......
وماجد برى عم يحوص ومو قدران يهدا وقلبو يخفق بقوة سرقة الموتور تعليمة على العيلة كلها
ماجد:معناتو جماعة غير جماعتنا معقول لمعلم ديب بعت مين يسرقوا مستغل غيابو انا وجبورة سوى وساجد والشلة مين الي سرقو لككك مين علم على بيت النمر
ابو ساجد:انت وين كنت مبارح
ماجد:رحت لعند وائل وارجعت
ابو ساجد: هيك منيح اتعلم علينا وتلت رجال بالبيت
ماجد:شو اعمل ما خلفت غيري يعني
ابو ساجد:وين كان اخوك
ماجد:رجع سكران اسألو الو
ابو ساجد:انت شو عم تحكي
ماجد:من اول ما فات الجيش ومشروبو المفضل العرق
ابو ساجد بقهر:اخرس حاجتك ترمي بلى
ماجد:لا تسدء ابنك راعي كيف وبسط
نزل ساجد مستعجل وكانو طالع بمهمة ركب بالسيارة وعبى الحارة غبرة
........
بالمزرعة اول ما وصل ديب وفات للقبو وشاف موتور ساجد وقع قلبو من الخوف
ديب: لمين هاد
مصلح:لساجد مبينة
ديب:لككك مين سرقوا
جبورة:ما عجبك معلم
ديب:اللهي بتعجب على موتك انت وياه
مصطفى:معلم حقو بلاوي اخو الوكالة
ديب:لككك ياربي شو عملت بليتني بشلة خوتان
مصلح:شو نعمل معلم اكيد انذاع الخبر بالحارة
ديب: ريتك تسهل وما تلاقي تواليت يقلل اكلك وتفضى فرشتك يا ابن ستين غبي
مصطفى: معلم انت علمتنا بالسرقة مافي خيار وفقوس
ديب: بعدوه من وشي لا ابتلي فيه لك نحن راكضين نكسب رضا ابن النمر واجيت انت سرقت موتورو مصلح اتصرف
مصلح:حاضر معلم
جبورة:نحن منصبغوا ومنترزق الله فيه
نصرت:اتركوه لمعلم بيعرف مصلحتنا
ديب: مصطفى جبورة انلقعوا لبرى مابدي اشوف ولا واحد منكن هون
اتطلعوا ببعض وطلعو مو عاجبهن وديب لونو بلون البندورة 😂كان ناوي يكسب رضا مو يبتلى بمصيبة وخايف من ساجد يدرى بالموضوع
........
نزل ع الاستوراد وحاوطوه عناصرو
ضربلو تحية بلال
بلال:خير معلم لشو الاستنفار
ساجد:بدي تلت عناصر بجاهزية تامة
بلال: خبرنا الملازم نبيل
ساجد: عناصر المهمة بسيارة وانتو ارجعوا للمركز بلال بدي تفتح عيونك على محجوب والليلة بدي تقرير مفصل عن سهراتو ومع مين
بلال:بامرك سيدي
ساجد: انصراف
بقيو تلت عناصر
ساجد: اسمعوا وافهموا الي لازم تعملوه بالحارة
..........
كان البيت مكركب كلو من سرقة الموتور وساجد طلع مو شايف بعيونو وحماتي مقهورة ونادرة بعالم تاني
نادرة:مات جوزك يعني
ام ساجد:لك والله مابعرف شو احكي جوزي اخوكي يا ام عمران

نادرة:لكن ليش زعلانة وليش فايتين طالعين مستعجلين
مجد:موتور اخي الي سرقلك الخاتم انسرق
نادرة:هههه الله جازاه
مريم:لك يقطع شرك لك مجد شو هالحكي
نادرة:وانتي وين جوزك
مريم:من زمان طلع
نادرة:ليكو فات للغرفة
مجد:هاد سلفها عمتي جوزها الي سرقلك الخاتم
ضربتها على كتفها
مريم:لك حاجتك تقولي سرق ما بيسرق عيب عليكي
بفوتت ساجد انتبهنا كلنا
مجد:هاد هو عمتي جوزها
نادرة:الي بالغرفة لابقلها اكتر
حتى حماتي ضحكت
نادرة:اجيت يا حرامي الخواتم
ساجد:سكتي بنت حماكي احسنلا
ام ساجد:روق شو صار معك
ساجد:ولاشي شو بدو يصير
اشرلي بمعنى الحقيني واطلعت وراه
نادرة:يا عيب الشوم على هالعيلة
ساجد:شو عم تخرف هالخرفانة
مربم:شو بدك فيها
ساجد:....
فتنا للغرفة
مريم:شو صار معك
ساجد:مترجية ارجع ومعي الموتور
مريم:فكرت هيك
ساجد: اقعدي لشوف
قعدنا جنب بعض على طرف التخت
ساجد: اي ساعة ارجعتوا من السهرة
مريم: تقريباً عشرة ونص
ساجد:مين كان عند دكان وائل
مريم:لمة شباب بس انا ما بعرفهن
ساجد: ووقت ارجعتوا كانت الغرفة مفتوحة
مريم:ما انتبهنا ابدا
ساجد:وين كان ماجد
مريم:والله مابعرف بس يمكن ماكان بالبيت
ساجد:بعد ما اطلعتي للغرفة نمتي دغري
مريم:اي دغري نمت
ساجد:وبابا
مريم:بعد ما رجع من الصلاة فات ينام حتى قبل نروح للسهرة
بقي ساكت وكانو عم يحاول يعرف مين
مريم:رح يرجع
ساجد:مابعرف
مريم:البيت كلو مكركب
ساجد:بتعرفي شو يعني ننسرق ونحن تلت رجال بالبيت رح يضل راسنا بالارض
مريم:يا لطيف سرقة وكلها بتنسرق
ساجد:كلها مو نحن
بقلبي:ع راسك ريشة انت يا ابو سكرة
مريم:مابدك تتغدا
ساجد:بدي اصفن على كيفي
رحت لاساعد حماتي

.....
على الغدا الوضع مكركب ابو ساجد مقهور من ولادو بالاخص من ساجد الي ما عم يستوعب انو بيشرب ومن ماجد الي قاعد بدون شغل وحتى ام ساجد كانت مقهورة ومجد ماسكة موبايلها وعم تحكي مع رفيقتها وتكركر ضحك وقطع الصمت
نادرة: ليش قاعدة بعيد عن جوزك
انتبهوا كلهن وساجد ركز بكلام الخرفانة😂
ابو ساجد:عن مين قصدك
نادرة:هالحلوة هي مو كنتك
ابو ساجد:اي
نادرة:ليش بعيدة عن جوزها
اطلع فيها ساجد لانها بجنبو وهو جوزها
ساجد:مين جوزها
نادرة:هالشب الحلو
بتقصد ماجد
صوت بس كتم الضحكات
ابو ساجد:اختي هاد جوزها لمريم هداك ابني لساتو عزابي
نادرة:مو راكبة بمخي ابدا
ساجد:هو في مخ من الاساس
ابو ساجد:كملو اكلكن
ساجد:اختك فوتت دماغي ببعضو مرة بسرق ومرة....
سكت ما قدر يكمل
ابو ساجد:شو بدك فيها انت بتعرف وضعها
ساجد:اي بس مو هيك حجة في بيني وبينك تار
نادرة:انت لا تحكي معي يا حرامي الخواتم
ماجد:هههههه
ساجد:الك عين تضحك مو
ماجد:كلها عقل عمتي😂دخيل عيونها الزرق
ساجد:ديري بالك ع حالك حجة بعدين وين ولادك
ماجد:هني سدءو وخلصو منها😂
ساجد:ناس ارتاحت وناس ابتلت
نادرة:لا تضلي قاعدة بجنب الحرامي بكرى بخلصك صيغتك
مريم:ليش عم تحكي هيك عنو
ساجد:اي دافعيلي هون كلهن ضدي
نادرة:لانو حرامي
ماجد:😂كلها نظر
ساجد:خراس ولاه الك عين تضحك مو
نادرة:هالمريومة متل السكرة
غمض بقهر
بقلبو:هي ما بتيجي تسافر ولا مجننيتني على الاخر شو خطرلا عم تفكر مريم مرتو ل ماجد
ااااخ بس
...........
بعد الغدا فات ل غرفتو وشاف اشعار مقطع فيديو واصلو من جبورة فتحو وانصدم ب ساجد بالمرقص وعم يرقص ويدخن وقدامو كاسة عرق
بقلبو:اهاااا هيك لكن يعني عنجد رجع طابشها ومو غلطان وقت شفتو عم يصحصح بالسيارة
هاد الشغل المزبوط ورح امسكك يا اخي من ايدك الي بتوجعك بس زعلان على بابا ولادو فلتوا 😂
ورح اهددك فيه شاطرو يحاسبني على سيكارة حشيش وهو مسلطن لكن ما اشرب عرق غير يجن جنونو
........
بالمطبخ كنت عم اجلي لحالي اتزكرت رجعة ساجد للبيت اوف منو كيف كان مو واعي على حالو والاحسن وقت صحي على خبر السرقة يا ترى مين الي سرق موتور ساجد معقول وصلت لهون ولا مرة اتوقعت ينسرقوا كنت على طول اسمع بالسرقة بس انو ينسرق ساجد كبيرة كتير
والله الموتور جديد وكأنو مو مستعمل ابدا وبالزور عم يعطي مفتاحو ل ماجد عيلة شفت عندهن العجايب وكلو كوم ورجعو للبيت فاصل كوم تاني .
.......
بالمضافة التمو يشربوا قهوة على الخيبة ساجد جواتو بركان اجت مريم قدمت القهوة للكل وقعدت بجنب ام ساجد صارت مقابيلو وهو عم يدخن ومو عاجبو شي وقت فات ماجد انتبه ولطشو غمزة وحس بشي غريب ساجد
ابو ساجد:شو بدك تعمل يا ساجد
ساجد:لسى عم استوعب يمكن لو حدا ضربني كف اهون من الي صار
ام ساجد:هو مين رح يسترجي يضربك اصلا كل الحارة بيشكوا منك سلام ما بتسلم
ماجد:ابتيلنا بلوة وبحب الحلوة
مجد:وقت الإغاني لك ماجد
ابو ساجد: قدم بلاغ
ساجد: مرحبا بلاغ

نادرة:ليش قعدت عندك تعال بجنب مرتك
اخد نفس عميق ساجد وزفرو بغضب
ماجد:عمتي انا سنجل نو مراة نو
مجد:لك ليش عم تصرخ هي بتنسى مو طرشة
ماجد:شنو في نمر ع جنب ما عجبو
ام ساجد:ام عمران هي مرتو لهداك ابني هاد شفتيه
نادرة:مو حلو خفف لحيتك مشان تقبل فيك العروس
وقف على حيلو وراح لجنب مريم وقربها منو
ساجد:هييي مرتي شفتيها
غرقوا بضحكهن بس هو عنجد معصب ومريم صارت بلون الدم
نادرة:بعد عن مرت اخوك عيب عليك
ماجد:بابا احكيلك كلمة هي مو خرفانة هي بدها تجننا
ابو ساجد:عيب عليك هي بتضل تخربط
نادرة:قوم شوف اجى ابو عمران
ماجد بصراخ:لا بتأذونا ولا منأذيكن
ابو ساجد:اختي جوزك مات وشبع موت
ماجد:ترملتي صغيرة يعليي عليكي
ساجد:ارتاح وريح
مريم:من زمان هيك هي
ساجد:اخوها ادرى
ابو ساجد:لا صابتها جلطة وباعجوبة نفذت منها واتأثر دماغها وصارت تنسى وتخربط
ماجد:هي فعلياً عم تخربط ابونا😂
مجد:يا ريت تضل عنا
ساجد:طبعا اقامة ذهبية عنا لانو هو الواحد متحمل حالو ليتحمل غيرو
ماجد: عمتي شلونك
نادرة: الله يسعدك يارب ويطعمك الصبي
ساجد:شرف بابا عجبك هيك
ماجد:من وين الصبي حجة بالاول عروس بعدين واع ويع
فرطوا من الضحك ولاكانو عندهن مصيبة
........
كنت خجلانة من حركاتو على حساب عاملي فيها عصبي بس شكلو غيران عليي من ماجد كتير 😂الحجة حركت احساسو تجاهي معقول ساجد عم يحبني اووف مريم لا تنسي انو اخدك لدكتورة وحطك بموقف محرج

.........
وعند ديب كان مقهور من مصطفى وجبورة وناطر اي خبر من مصلح
نصرت:استسمحوا لمعلم
جبورة:معلم طيرتو من ايدك
ديب:مو وقت سرقة ابن النمر افهموها نحن بحاجة واسطة عم تفهم
مصطفى:شو بدك نعمل يعني
ديب:انت مصطفى ازا ما بدك اطلع منها حصتك بالحفظ والصون
مصطفى:بوافق اصلا مو متصور شكلو
جبورة:معلم بس مو حلوة نحطها واطية
ديب: اسمعوني انا ما سدءت اكسب ساجد لصفي
نصرت: وانا مع لمعلم بكلشي
ديب:الله يجيب العواقب سليمة يارب
.........
وعند مصلح رمى الموتور على الباب وضرب حجر وهرب من الحارة بسرعة البرق فات للبيت تعبان من الركض
ام مصلح:اجيت يا ابني
مصلح:اي ماما
ام مصلح:ما طولت
مصلح:بكفي سهر اتعشيتي
ام مصلح:رح اجهز لك العشى
مصلح:لا ماني جوعان
ام مصلح: احسب حسابك بكرى نسوان الحارة مجتمعات عندي
مصلح:ماشي امي
بعت على لكروب
مصلح: تمت العملية بنجاح
بس بقي خايف يكون حدا لمحو لو كان ملتم

........
كانو مصدومين وساجد اتخربط كل كيانو من رجعة الموتور ماجد عم يتمايزو
ماجد:مو مخدوش ولا خدش
ساجد:في شي عم يصير ما عم افهموا
مجد:معقول يكون حدا اضطر عليه ورجعو
ابو ساجد:لازم تعرف مين الي علم علينا هالتعليمة
ام ساجد:والله شي بحط العقل بالكف
ماجد:انا ما عم استوعب
بقلبو ماجد:معقول جبورة ورا سرقة الموتور ما عم يطلع معي خيار تاني بس ليش رجعو ليش
ساجد:رجعو للغرفة
ابو ساجد:وين رايح
ساجد:ما بطول راجع
مشي بهدوء وافكار تاخدو وافكار تجيبو
دق باب البيت وهو عم يتطلع حواليه انفتح الباب وفات
...............

القسم التاسع عشر
بقلمي مايا الحجازي
وبطريقو للدكان
وائل: أهلين والله عاش مين شافك لك أزعلنا على الموتور وكمان افرحتلك
ساجد:مشان هيك اجيتك
قعد واسترخى
وائل:احكيلي كيف صار
ساجد: الحرامي استغل غيابنا عن البيت وهلا منتفاجئ بخبطة على الباب والموتور برى
وائل:وين صارت هي كيف اترجع يعني
ساجد: مابعرف انا لسى ما استوعبت كيف انسرق لحتى استوعب انو رجع
وائل: مابعرف انت بتشك بحدا
ساجد:مابدي اظلم حدا ابدا المهم انو رجع
وائل:اي والله منيح افرحتلك كتير
ساجد:الاخبار بالحارة
وائل:متل ما هي
ساجد:يعني مافي احتفالات
وائل:لا ما في الا انت تحتفل بحالك مبارح نزلت موالح ع كيفك
ساجد:شو المناسبة
وائل: ولووو عريس وبدك جاها لتشتري هيك شغلات
ساجد:اي اختارلي ع زوقك تشكيلة
بقلبو:بلكي الله تلين معي مريم
اليوم وقت قربتها مني اتملكني شعور حلووو عدا انو قهرتني عمتي الخرفانة وعم تحكي شروي غروي وتقطع وتلحش من كيفها معقول انا بشع لك نادرة كلو وارد لاسأل مريم عن رأيها فيني
اخد من وائل التشكيلة ودعو بعد ما سجلهن ع الدين وكمل للبيت وصوت حكيهن بالمطبخ كان طالع لبرى واتوقف عن المشي
مجد:والله كلها بسيرتها
مريم:ما عم تفوت لمخي يا بنت الحلال
مجد:وانا وقت الي اسمعت قشعر بدني والله
مريم:الله يستر علينا والله الواحد بيتقبل كلشي الا هالشي
مجد:اوعك تحكي انو انا خبرتك والله ماما لتعلقني من رجليي
مريم:اي ما بحكي وما احلاني حاكية
فات للبيت ودغري طل بالمطبخ هز براسو بأستغراب
ساجد:رواق وقهوة انتن ما بتشبعن شرب قهوة
مجد:اي طيبة
ساجد:كيفك مريم