تميم:روقتي
ما رديت عليه اتصلت ب روان مع انو اخدت منها موقف بس دغري ردت
روان:لااا في غلط بالاعدادات او الاسم
اسيل:كيفك روان
روان:مشتقتلك يا دبة
اسيل: وانا كمان شو كيف الوضع عندكن
روان:من انو ناحية
اسيل:اكيد ماحدا طايقني
روان:بالعكس كلهن معك
اسيل:ووسيم؟
روان:شو بدك فيه هاد غاوي مشاكل
اسيل:وكنانة
روان:كنانة مبسوطة لانو خلصت قصة حبكن ومابقى تتحسر على روتين حياتها مع جوزها
اسيل:وتميم
روان:تميم مبين عليه التعب
اسيل:ما كنت رفيقتك لهيك خبيتي عليي
روان:شو احكيلك انتي بتريدي يكون الي يد بخربان بيتك
اسيل:بس كان لازم خبرتيني كنت ما وصلت لهون
روان:هاد يا روحي الحكي ل تميم مو الي مو هو زوجك ولا بس زوجك لشغلات وشغلات
اسيل:هيك صار الحكي
روان: بعرف انك رح تزعلي بس انتي عم تحاولي تنسي مين السبب الاساسي وتبلشي تلومي غيرو لانك بتحبيه
اسيل:معك حق كيفها رنومتي
روان:اشتقتيلا
اسيل:كتيرر اشتقت لخدودها زوريني انتي وياها
روان: دخيلك والله مافيني وسيم متحطت عليي بدون سبب كيف ازا زرتك انت تعالي لعندي
اسيل:اي بالاحلام لكن ليكون عطلتك
روان:لا ابدا بدي ابلش اطبق الطبخة
اسيل:لكن بحكي معك بعدين
روان:ماشي ديري بالك على حالك
اسيل:ولايهمك
......
الحلقة السابعة عشر
بقلمي:مايا الحجازي
سكرت لشوف شو باعتلي تميم
تميم:ليش مطنشة رسالتي كيف بدك نرجع وانتي مو متحاكيه ردي اسيل
اسيل:تعال لعنا هلأ
تميم:مابدي
اسيل:بحكيلك تعال
تميم:لا تحلمي افوت بيت اهلك
اسيل:اي لكن انسى اني مرتك
تميم:لا تجننيني اسيل
اسيل: بتجنن بلد بس افهمت منك ولايمكن تجي لبيت اهلي
تميم:انتي بدك المشكلة تزيد
اسيل:لا اكيد انت تميم خلص معاد بدك اياني
تميم:كيف خطرلك انا اصلا مابدي غيرك
اسيل:حب ولا تمسك
تميم:...شو رأيك انتي او قلك مافي وحدة رح تقبل فيني هيك منيح لهيك مابدي غيرك قبلانة فيني بعيبي
اسيل:لا مو هيك قصدت
تميم:انا بشوف انو مافي داعي نضل نحكي لانو ما عم نتفاهم من بعيد
اسيل:انت مابدك تيجي
تميم:تعالي انتي
اسيل:انسى
تميم:متل مابدك
اسيل:بدك تحل المشكلة صح
تميم:اعطيني حل بيرضي الطرفين
اسيل:تجي وتحكي مع بابا
تميم:اي لكن اوصلتي
اسيل:ليش مابدك
تميم:مابدي احكي مع ابوكي وفشر احكي واترجاه
اسيل:لكن انت عم تنهي العلاقة
تميم: انتي وحدة غبية اسيل
هالكلمة خلت كل جسمي يرجف نفسي ضاق كنت عم اخد نفس وعيوني عم يذرفوا دموع
اتصلت لانو مابقى شفت بعيوني
اسيل:معك حق غبية لاني علقت حالي بواحد متلك اناني فوق ما انت الغلطان عم تحكي اني غبية .... غبية لاني حبيتك واوثقت فيك وعم اعمل المستحيل لنرجع يلا روح اتعرفلك على وحدة ذكية متلك انانية وراسها يابس وكملو بعض
فصلت وضليت عم ابكي
.........
ما لقى حالو غير قدام بيت جلال اتصل فيه
تميم:كيفك جلال
جلال:تمام كيف خطرت عبالك
تميم:بدي احكي معك ضروري
جلال:انا بالبيت
تميم:انا تحت ناطرك
جلال:ثواني بس
شغل الراديو ليتسلى لينسى كيف غلط على اسيل بس كان منفعل لانو مو متخيل يدوس بيت اهلها بعد الإهانات الي توجهتلو من ابوها
ابو عابد:مفكر حالك رجال ... مو مشان عيوبك صفاتك يا مخادع لا تحلم بظفر اسيل
تميم:بلا هاد رجال بدو الواحد يتناقش معو
والصدفة يسمع اغنية والله كتير اشتقتلك وما عم اعرف اوصلك عليي بعدك ضاق الكون حلك ترجعلي حلك
نصوص للصوت ع الاخير
تميم:كان ناقصني بس هالاغنية
وقت شاف جلال حس براحة نفسية فتح السيارة وقعد بجنبو
تميم:كنت نايم
جلال:لا عم نشرب قهوة
تميم:بالهنا
جلال:شبك ولوو افردها بقى
تميم:انا بدي احكي اسمعني وبس
بلش يسرد عليه وجلال متعاطف معو ومتعاطف مع اسيل اكتر
تميم:بس انا ما قصدت انها غبية بالمعنى الحقيقي للكلمة طلعت معي لانو قهرتني انا بحكيلا لبيت اهلك مارح اجي وهي تحكيلي بدك تجي ماعم تفهمني مابدي اواجه ابوها واحد اهاني ومسح بكرامتي الارض بالبناية انت ماشفت كل الجيران التموا والشاطر الي بدو يبتسم او يتفرج ومتأكد سيرتي على كل لسان وما عدا نظراتهن كل ما التقي بواحد منهم على باب البناية عم تفهمني جلال
جلال:اي بفهمك بس لا تحط الجيران حجة يتطلعوا ويشمتوا انت الك ب اسيل ولو يا تميم هي عم تعمل المستحيل وبيكفي انها بدها اياك وما اختارت تطلق مشان مو قلة الضنا مشان خداعك وانت جاي تحكيلي كرامة وإهانة لازم كرمال عيونها تروح لعند ابوها وتستسمح منو وتفتح صفحة جديدة
تميم:شو يعني
جلال:ترجع تدق باب الجماعة من اول وجديد وتفتحو صفحة جديدة
تميم:انت شو عم تحكي جلال
جلال:انت اجيت تستشيرني لانك مشتت وانا مرتاح نفسياً ولقيتلك حل مناسب وبيرضيكن
تميم:هاد الحل بيرضي اهلها
جلال:ساعة الي بترجعلك احبسها عندك وخلص الحل بين ايديك تميم

تميم:مو طايق ابوها يا زلمة
جلال:اجبر حالك لو نص ساعة وبعدها بترجع المياه لمجاريها
تميم:بس لازم افكر
جلال:فكر اد ما بدك بس لازم اليوم تراضيها مو قلت اتأثرت من كلمتك الي ما حكيتها بقصدك
تميم:..
اطلع ب جلال بحقد
جلال:شبك ولووو
تميم:بحسكن مبسوطين بلي صاير معي وبالدليل كل ما شكيت لحدا عم يزكرني بأخطائي وعيوبي ما واحد عرف بزعل اسيل والا حكالي انا نصحتك انت كان لازم صارحتها انت اهنتها انت واحد منحط ومخادع
جلال:طول بالك مو هيك قصدي مو منيح تنام اسيل وزعلانة منك واصلا لازم هلا تروح وتراضيها الواحد بلحظة غضب بيحكي شي مو قاصدو وانت اتهور وروح لبيت اهلها وحل الموضوع
تميم:شكرا جلال
جلال:هههه خلص ولووو يا امي شو لئيم
تميم:كملت قهوتك
جلال:😂وعم تقلعني يا ابن ال..
تميم:مشانك انا
جلال:على كلا جاهز بالخدمة كل الوقت😂
ودعوا ونزل بس تميم رجع للبيت مو شايف الطريق وعم يحاول يزبط موعد لزيارة اهلها.
........
بالمطعم كانوا عم يتغدو
نجاح:اي ابو عابد شو مشان اسيل
ابو عابد:هالزلمة مالو عنا شي ويروح ينطح راسو بالحيط
ام عابد:بس شفت اسيل حابسة حالها بالغرفة
ابو عابد:ازا مات حدا بعز علينا منزعل شهر بالكتير رح تزعل وترضى
نجاح:بس مو حلوة تطلق بنتك لساها ما طبقت ال٢٥
ابو عابد:اي ومابدي يفوتها القطار وتطلق كبيرة وتاخد ختيار
ام عابد:انت ناوي تجوزها
ابو عابد:الا ما يندق بابنا وبكرى اسيل اول ما يصير عندها اولاد رح تعرف انو عملنا كلشي لمصلحتها
نجاح:اي والله الضنى غالي بس كمان جوزها منيح
ابو عابد:انتي لمنيحة من وقت ناسبناه تخيلي ما بفوت بيتنا الا بالزور سكتنا وما حكينا وبكشف انو ما بجيب اولاد وكان بيعرف يعني خطبها وتزوجها ولا عبالو يحكيلا ولا وقت حكالها راح عمل اجراء عادي وع اساس ماكان بيعرف بلا عليكي نجاح هاد المخادع فيه الواحد يأمنلو
ام عابد:وفوق كل هاد بتحبو
نجاح:والله عملتو ناقصة مع انو الي بشوفوا بقول عنو اكابر وابن عالم وناس
ابو عابد:وازا مفكر نفوذ عمو فيه يخوفنا بكون غلطان
نجاح:بدك بنتك تطلق
ابو عابد:وغير بطلاقها ما بقبل
نجاح:واتخيل فتح معكن صفحة جديدة
ابو عابد:هو يسترجي يعتب باب بيتي لكن انا مو شامم ريحة الاخلاق والاحترام وبروح لعندو بيهددني وبيضرب على الطاولة وما احترم اني ابو مرتو موضوعو انتهى والله لخليه يحلم بظفر اسيل
نجاح: مابعرف كيف الناس جانة ع الاخير
ام عابد:وين كان مخبي كل هالحقد
ابو عابد:يلعنوا من بين لرجال
ام عابد: ومشان اسيل اقنعيها نجاح احكيلا انو لولاد اهم من الزوج
نجاح:بس والله زوجها منيح معها
ابو عابد:لا منيح ولا بطيخ بدو وحدة تقبل فيه بعيوبو وملاقي اسيل على كيفو قلبها طيب مو متلو حقود ولئيم واناني.
ام عابد:الله يهديها وتعرف الصح من الغلط
ابو عابد: ويحل عننا هالمنحط ونخلص منو
نجاح:لا حول ولا قوه الا بالله احسن شي
.........
الحلقة الثامنة عشر
بقلمي مايا الحجازي
وعند وسيم كان مع شلتو ومبسوط لابعد الحدود
وائل: اي وسيم كنت تقول في مفاجأة بالسوق
وسيم:بدي نبلش نرمي عابد بحجارنا وهيك بيصفالنا الجو وبدي همتكن شباب
مؤيد:اي قول من وين بدك من اول المحل ولا من نصو ولا ع الاخر
وسيم:لا بدي اياه يتلقى الصدمات اول باول بدي تنكسر واجه المحل بالاول وخليه يزبطها وبعدين بدي اسرقلو اكتر من نص لبضاعة واحكي مع التاجر مابقى يتعامل معو
مؤيد:😂من وين خطرتلك ولووو
وسيم:لحتى تعرفوا وممنوع حدا ينافسنا
مؤيد:طيب شو وضع اخوك
عبود:اخوه ولوو
وسيم:نحن مشكلتنا مع عابد
وائل:هيك بتصير الواجهة النا
وسيم: يا عيني عليك وبدي اضل وراه ليترك هالمصلحة
وائل:اي زوقوا بلدي نازع اسم السوق😂
مؤيد:ايمتى بدك
وسيم: بكرى اليوم خليه مروق حرام
.......
ليلة مضت على اسيل وتميم متل الكابوس لتنين عايشين على الذكرى تميم بالندم غرقان واسيل بالبكي والاهانة الي ما قاصدها تميم
......
اول ما فتحت عيوني نقزت لانو عمتي عندي اتجلست اريح حالي متكسرة
عمتي:صباح الخير
اسيل:صباح النور
عمتي:شبكي ليش مختفية من مبارح
اسيل:مابعرف مو جاي عبالي اعمل شي
عمتي: هلا شيلي كلشي على جنب جاوبيني اسيل بصراحة
اسيل:عند بكرة الصبح
عمتي: الموضوع مهم
اسيل:هاتي لشوف
عمتي:انتي بدك ترجعي لتميم وقبلانة فيه
اسيل: بلشت اغير رأيي
عمتي:ازا بتحبيه اوعك تخسريه
اسيل:اروح اترجاه
عمتي:لا انا رح اغطي عليكي بتروحي لعندو وبتفهميه ازا بدو اياكي يجي ويراضي ابوكي
اسيل:😂انا غبية لاحكيلو هيك
عمتي:ليش عم تضحكي
اسيل:انا بدي اروح بس مو مشان يرجعني بدي افهم منو شو نهاية هالمشكلة واكيد رح تنتهي يا اما طلاق يا اما تفاهم
عمتي:اوعك تخلي حدا يقرر عنك انتي شايفة ابوكي وامك متفاهمين واخوكي ومرتو ولا عبالهن هلا لساتك ضيفة عندهن بعد فترة رح تصيري تطلبي رضا العيلة حتى رضا اولاد اخوكي بينما ازا ارجعتي ل تميم رح تضلي مدللة وضيفة والك قيمتك

اسيل:هيك قولتك عمتي
عمتي:اي هيك وانا جربت هالشعور كنت اموت من قهري واسمع اخي يتغزل بمرتو ونازل يدللها مع اني ما أظهر الغيرة بس الكل يتحايدني خافوا احسدهن ابوكي طلع للمكتب واخوكي راح للمحل وانا وامك عندنا صبحية عند جارتكن
اسيل:ماشي
تركتني اجهز حالي كنت مشتته ومتأكدة روحتي لعند تميم مارح تجيب نتيجة بس على الاقل اليوم رح ارسي على بر
.........
كانت امو وكنانة عم يجهزن حالهن لزيارتو
.......
تميم كان بالمحل وعم ينزل بضاعة جديدة
......
ام عابد ونجاح بزيارة جارتهن ورهف ببيت اهلها زايرة
......
وقت فتت للبيت حسيت براحة نفسية مابعرف شو سببها ريحة تميم الي معششة بالبيت ولا اقامتي هون كانت من احلى ايام حياتي
كان البيت فيو كركبة شكلو تميم سهران على الدخان شي مو طبيعي الكمية الي شاربها والمطبخ كلو فنجانين قهوة منثورة على الرف رحت للغرفة لاشوف لتياب منثورة هون وهون مسكت قميصو واستنشقت من ريحتو اوووف تميم ساحرني اكيد وعشرة هالسنتين ما بيهونوا عليي
بعتتلو صورة ل غرفة النوم وكانو مداوم على الموبايل
تميم:وينك انتي
اسيل:ناطرتك تعال
سكرت وبلشت اغوص بالذكريات حرام ينكب كل هالحب ويروح بغمضة عين بس الي طلع معو انا غبية انا بفرجيه
اسمعت طقات المفتاح وضليت بمكاني اول ما فات للغرفة سدء اني عندو
تميم:اسيل عنجد انتي هون
اسيل:معك حق تستغرب وحدة حكالها جوزها غبية وبتيجي لعندو
سكر الباب واجى قعد جنبي
تميم:اكيد ارجعتيلي
اسيل: لا يا روحي بالاول بدك تيجي لبيت اهلي وتراضي بابا
تميم: انتي عم تعقدي الموضوع
اسيل:لكن طلقني
دغري اوقفت رجعني وخلاني اقعد
تميم:طيب اطلبي طلب تاني
اسيل:انا مو غبية عم تفهم
تميم:والله طلعت بدون قصد ما لحقت أعدل الرسالة
اسيل:معك حق تشوفني غبية
تميم:والله اذكى منك مافي بس كمان طلباتك تعجيزية بس خلص حاضر بامرك اليوم جاي ورح اتناسى كل الاهانة وبدي اعتزر من ابوكي ولا يهمك حبيبتي
اسيل:عنجد تميم
تميم:والله ما بصير غير الي بدك اياه انتي مو مشتاقة الي
اسيل:انت طفيت الشوق بكلامك العصبي
تميم:انا متهور شوي بس والله ما عندي اغلى منك بعدين انا بعرف التسامح لازم بين كل تنين بحبو بعض
اسيل:بس هي اول واخر مرة بتغلط فيها عليي انا ما نمت من هالكلمة
قرب من خدي وباسني
تميم:انا ما بتحمل اكون سبب زعلك
اسيل:يعني اليوم رح ترجعني
تميم:ما رح تنامي الا بحضني
اسيل:شفت اديشني منيحة
تميم:واحسن مني كمان شو رايك بفنجان قهوة
اسيل:بالصالون
تميم:وين ما بتحبي .
راح للمطبخ وانا رحت للصالون استناه رجع لعندي مبين مبسوط .
اسيل:شو تميم كأنك مبارح متغدي ومتعشي دخان
تميم:من الملل والله بتعرفيني بنفخ تنفيخ
اتأملت الكومة الي منفخها
اسيل:ما شاء الله هيك تنفيخ منيح ما اشربت بعمق
تميم:شو بدك انتي الك عليي ما تشمي ريحة الدخان ابدا عليي
اسيل:اي بعرف كنت ملتزم الله يرضى عليك بس انا مو متدايقة من ريحتها انا مابدي تدمنوا هاد كلو بلاوي وأمراض
تميم:بيحمي من الجلطات اسأليني الي
اشربنا القهوة
تميم: مبارح ضليت على نفس الوضعية وكتير ظهري مكسر تعالي اتمددي جنبي
اسيل:بس بدي نتفاهم
تميم:وانا بدي نتفاهم ونحن بحضن بعض
......

الحلقة التاسعة عشر
بقلمي مايا الحجازي
اتمددو سوى وغمرو بعض كان عم يبوس جبينها
تميم:سامحيني حبيبتي
اسيل:سامحتك يا روحي تميم ليش انا ما بعرف كيف اتعرضت للحادث
تميم:لانو انا ماني رجال
اسيل:بلا هاد حكي
تميم: بكره الي صار لانو
اسيل:بس من حقي اعرف
تميم:هالحكي بفترة مراهقتي كنت مدلل عمي لانو اسمي على اسمو اول شي ولاني بشبهوا كتير وانتي بتعرفي مكانتوو مافي داعي اشرحلك
اسيل:اي
تميم:وعطول عمي يجيه تهديدات بدون ما يعرف مين الي عم يهدد ويمكن الي عم يهددو مقرب منو لدرجة بيعرف انو انا اغلى ولد من اولاد اخوه عليه واجت الشغلة براسي كيف بدهن يحرقوا قلبوا غير عن طريقي كنت راجع من المحل بفترة الظهر واتجمعوا عليي تقريبا خمس رجال باعمار مختلفة وما استوعبت الا وانا عم اتلقى ضربات على كل جسمي واخر شي حكوه(سلملي على عمك)حكو هالحكي واختفوا من المكان بعد ما التمو الجيران عليي واهلي فزعوا كمان بس الصدمة يكون ابنهن المرتمي اسعفوني وصار الي صار
اسيل:وعمك عرف
تميم: يلعنوا من بين لعمام
اسيل:انت لهيك ما بتواجهوا ابدا
تميم:انا بعرف انو مو ذنبوا بس كمان بكرهوا لانو هو السبب وما اجاني من محبتو الا حرقة القلب والوجع
اسيل:انت ليش خبيت عليي
تميم:كان بدك احكيلك انا اتعرضت لحادث وصرت مو رجال
اسيل: بنظرك بس الرجال بجيب اولاد
تميم:وبنظر كل العالم ما كنت بدي تشوفي فيني نقص
اسيل:انت كامل مكمل مقياس الرجولة تميم مو بالخلفة بالمواقف بالصدق والامانة يعني بدك تقنعني كل حدا بجيب ولاد رجال

تميم:كان صعب احكيلك انتي ما عم تفهميني
اسيل:طيب ليش ما خبرتني بعد ما بلشت اطلب منك مراجعة دكتورة
تميم:اول مرة حكيتيلي هالحكي قلبي فز من مكانو وقلت بلشت اسيل توتر علاقتي فيها
اسيل:بس كان اختصرت علينا الي صار
تميم:كنت عايش بندم واخر شي توقعتوا يدرى ابوكي
اسيل:وبتجيبلي تحاليل ؟؟؟انت حللت ولا
تميم:بفترة الخطبة حللت كان بالنسبة الي بارقة امل رحت على امل اطلع غلطان وانو يكون تشخيص الدكاترة فيه غلط بس للاسف دغري اتلاشت احلامي وعشت بصراع احكيلك او ما احكيلك انا كتير مولدن
اسيل:لا حبيبي انت مو هيك انا بفهمك ومتأكدة انك كنت عم تعيش شعور سيء فكرت رح ارفض
تميم:كنتي رح تفكري الف مرة قبل توافقي
اسيل:انت حسبتها صح ودللتني لتكسب محبتي
تميم:دللتك مو لاحتفظ فيكي دللتك لاني بحبك لقيت فيكي مواصفات شريكة حياتي ابدا مو لغاية بنفسي وحققتها انا اي اناني بس حبيتك حب ما حبيتوا لحدا بس هيك حقك تزعلي وتشوفيني مخادع انا كمان ما عشت ظروفك وكنت احترق وقت اشوف رنيم بحضنك تلاعبيها وتبوسيها وتحني عليها اول مرة رحتي اشتريتلا فستان ليلتها من نمت انا ليلتها بكيت ردة فعلك وقت حضنتي الفستان كسرتني
دموعها انهمروا تميم اغلى من حالها وعم يسيلو دموعوا مسحتلو دموعو
اسيل:لا تبكي تميم اوعك تكسرني انا ما قصدت افتح جروحاتك أسفة حبيبي
تميم: انا ما ببكي على حالي انا بكيت لاني ظلمتك معي قربتك مني لانو بحضنك بحس بأمان انتي منحتيني حنية فوق الوصف بحبك بحب غيرتك المجنونة بحب اطباعك المرحة وقلبك الطيب حتى لو ما كملنا يحرم على قلبي يحب غيرك
كانو منفصلين عن العالم ولا حتى سامعين دقات الباب
.....
كنانة:ماما مو معك مفتاح البيت
ام سليم:اي
كنانة:شو ناطرة افتحي ليكون تميم صرلو شي
فتحت الباب وفاتت بالاول كنانة لتنصدم انو اسيل و تميم بوضع حميمي وشهقت بصدمة اجت امها وكمان نفس الصدمة بس لتنين اتجلسوا واسيل اتخبت وراه
تميم: انتو شو عم تعملو هون
ام سليم:والله مابعرف انو عندك حدا
كنانة:هااا البعد ما تحملتو اسيل
ام سليم:منرجع بوقت تاني
كنانة:خليكي متخبية اسيل 😂ومفكرين حالهم قد المشاكل بيت ابو عابد يجو يشوفو بنتهن ميتة على اخي
تميم:حاجتك لعي وليه
ام سليم:امشي نطلع
كنانة بضحكات بتشبه القهر:عوضها اخي انحرمت اسبوع وشوي
طلعت هي وامها كانت ام سليم مبسوطة انو اسيل عند ابنها ومو وحيد متل ما بتفكر
ام سليم:عيب عليكي وليه
كنانة:انت ما شفتي الي شفتو 😂
ام سليم:جوزها شوفيها
كنانة:لعمى وانا احكي اخي سايح ودايخ فيها يا امييي هالمنظر
ام سليم:اخرسي وليه
كنانة:اها لرجال بحبو المراة الجريئة😂وانا اقول جوزي مو متعمشق فيني بس كأنو الله جابني لحتى اعرف كيف اسوح جوزي
هربت قبل تدفشها امها وماعم يروح المنظر من بالها
..........
تميم:شبكي اسيل ليش خايفة انا جوزك
اسيل:لككك تميم كيف فاتوا للبيت
تميم:خلص ليش خايفة انتي نحن متجوزين شبكي
اسيل:يا خجلتي لك على هالموقف ياربي اموت وارتاح
تميم:خلص مو حرزانة تدعي على حالك اليوم جاي اصلح كلشي ولايهمك
اسيل:لك يا الله على هالموقف تميم انا ما توقعت هيك يصير
تميم:عم تزوديها
اسيل: انت عندك عادي يشوفونا هيك
تميم:الحق عليهن اسيل مو علينا نحن ببيتنا وهني الغلطانين ولازم يخجلن
اسيل:لازم ارجع للبيت انا حاجتي بهادل هالاسبوع
تميم:استني شوي انا بوصلك
اسيل:ياريت لانو مابدي اشوف اختك
تميم:...
تركني والخجل مكتسحني بس هو ولا هاموا ابدا رتبت حالي ونطرتو عند الباب
تميم:روقي مابدها كل هالخجل
اسيل:بحاول تميم بس ازا ارجعنا مابدي اشوف حدا
تميم: انتي مكبرة الموضوع خلص انسي
انزلنا بالمصعد واول ما طلعنا من الحارة شفت كنانة ومرت عمي حاولت اتجاهل كلشي وصلني لقبل البيت
تميم: لا تفكري كتير اليوم رح تنتهي كل المشكلة
اسيل:الله يسمع منك
انزلت بسرعة ودغري فتت للبيت واتخبيت بغرفتي متمنة اختفي من كل الحياة..
.....
وبالسوق ضجة وشرطة واجهة محل عابد محطمة والبلور على قد المكان وسيم بتحدي قدام محلهن والشرطة ما اخدتو شحطو وائل ودغري وسيم وعدو خلال خمس دقايق بكون برى السجن عابد معصب واجى ابوه بعد ما اتصل وخبرو انو الحرب بلشت بين العيلتين
.....
وعند تميم كان لابس وجاهز اشترى بوكيه ورد وبطريقو لبيت حماه متجاهل اتصال جلال واتصالات وسيم ومريم ولا هاموا الا يرجع اسيل
....
قل وداعاً حين تشعر ان المكان لم يعد مكانك
...
الحلقة عشرون
بقلمي مايا الحجازي
كان عابد مو على بعضو وبابا يرميني نظرات لا تفسر
بابا:شو بلاقيكي سهرانة معنا اليوم
اسيل:وين اروح
بابا:لغرفتك يلا
انسحبت ياريت تميم ما يجي شكلها مولعة مع بابا فتت للغرفة وضليت اتسمع

بابا:بنتك شوو ناطرة
ماما:مابعرف
عمتي:شو صاير ابو عابد
بابا:ولاشي
اول ما اندق الباب خفت يارب تكون رهف بس مستحيل تجي لحالها هاد تميم
ومن اول كلمة
بابا:هاد انت يا منحط
تميم:له يا عمي هيك بتستقبل ضيوفك
بابا:انقلع لبرى يلا
تميم:انا اجيت اعتذر منك واطلب السماح
ما اسمعت الا صوت شي انرمى بالارض وكانو بابا عم يدفش تميم فتحت الباب لانصدم اي بابا دافشو لاخر الباب
وعابد فوتني للغرفة وسكر الباب عليي واسمعت صوتهن طلع قعدت بالارض وهلا اتاكدت انو صرت بحكم لمطلقة😭
.........
تحت البناية كانت المواجهة مو بس تميم ووسيم اجى يركض
ابو عابد:لتطلقها ورجلك فوق راس

- النص المستخرج من الصورة: 📝
اسا
TVA
K/1
ابو عابد لتطلقها ورجلك فوق راسك عم تتحدونا يا كلاب
وسيم ماحدا غيرك كلب يا نجس
عابد: اخراس انت لا تدخل
تميم هو ما يتدخل وانتو تدخلوا بيني وبين مرتي يا ........
ابو عابد الي هالحكي يا عديم الرجولة هي لو انك رجال شو
بتعمل
تميم انا ماني رجال مو
وصفعوا كف صوتو دوا بكل المكان ووسيم دغري مسك عابد
وضربو بركبتوا بوكس على بطنو ثواني والتموا الجيران وفكو
بيناتهن بعد ما بزق تميم عليهن ورجع هو ووسيم
تميم السافل النجس انا بفرجيه
وسیم اخي هدول هيك بدهن وازا ما حرقت محل هالكلب ما
بكون اسمي وسيم
تمیم انا الي بدي احرقوا واحرق مكتبوا اطلاع لقلك
لتولع بين العليتين على الاخير
الفشة
وقت فاتو للبيت الخوف اتملكني وما فكرت تجي
براسي اول ما انفتح الباب ركضت لزاوية الغرفة واتخبيت
كان بابا ووراه عابد
عابد وين شايفيتو ليجي يصالح
اسیل ماشفت حدا
بابا: جوزك ضربني كف بتعرفي شو يعني ضربني
اسیل
عابد: والله ليدفع ثمنو غالي انا بفرجيه
بابا: وين شايفة تميم
عمتي: طولو بالكن يا جماعة انا اقنعتها تروح تحكي معو
وفجأة هجم عليي عابد وماما تحاول تبعدو بس بعد ما
ضربني كم ضربة ودفشة وجعني كثير
بابا ازا ما كسرتلو محلو وحرقتوا ما يكون اسمي ابو عابد
كنت شبه منهارة انا وصلت للنهاية وانتهيت

- النص المستخرج من الصورة: 📝
اسا
K/
وما ذنبي ان عشقت شخصاً لم يكن لي
الصبح اصحينا على ضجة والي متأكدة منو تميم ووسيم و را
حريق محل عابد ومكتب بابا كنت بحالة صدمة لا قادرة
ادافع ولا قادرة اتعاطف مع حدا الكل عم يرمي اللوم عليي
وببيت اهلهن فات سليم معصب وصرخ عليهن ليطلعو من
غرفهن وسيم وتميم
سلیم شو عاملين بالسوق انتو
وسیم لحقت تدری
سليم: استدعاني عمي للفرع انتو شو عاملين بمحل عابد
ومكتب ابوه
:تميم اطلاع من هالحكاية انت وازا عمك زلمة ليش ما اتصل
فينا ازا بيعرف نحن ورا الحريقة
سليم: تعالي اسمعي ابنك
ام سلیم لیش یا تمیم لیش
تميم ليعرف اننا مو ولاد حلال والي بيحط من كرامتنا مصيرو
الارض والله ما شفى غلي منهن
سليم يخرب بيتك ولا بحياتي اسمعت واحد بيحرق املاك
اهل مرتو لانو بدو اياها
وسيم لك ما عاش الي بدو يذل اخي انت ما اسمعت كيف
وجهلو حكي وما استحى على شيبتو
سليم : لك انت كيف بتضرب عمك كف
تميم لك سليم اطلاع من هالحكاية انا بقلع شوكي بايدي
ام سلیم له یا تمیم انا ما ربيتك هيك
تمیم انا بلا ترباية ريحو حالكن
فات وطبش باب غرفتو ووسيم مبتسم بفخر وطمأنينة
سليم: لك الله لا يوفقكن شو عملتو انتو يلا .
ليطلع بس تميم عم يلبس الجاكيت
تميم انا رايحلو
عمي
ناطرکن
وبكل ثقة طلع من البيت وامو قعدت مصدومة بلي عاملينوا

- النص المستخرج من الصورة: 📝
۲:۱۰ م
اولادها لمشرانية
اسا
25
K/
وسليم رجع للبيت ووسيم راح رمى حالو على التخت ليكمل
نوم
وعلى باب الفرع صفط السيارة ونزل وقف مع العناصر
تميم : عمي هون
العنصر اي موجود اتفضل
طلع مو شايف بعيونو كان المكتب مفتوح دق الباب ودغري
ابتسم عمو ووقف يستقبلو
العم: اتفضل تميم ليش واقف عندك
فات ووقف قدام مكتبو
تمیم استدعيتني سيد تميم
العم وزمان ما شفتك متغير كتير
تميم بحس الك يد بموضوع تغييري
العم: ليش واقف اتفضل
:تمیم مستعجل شو عندك انت
العم له يا تميم انا عمك
تمیم: معقول عم تشرحلي وتحكيلي بعرف انك .
عمي والا ما
شفتني وصلت لهون دفعت ثمن محبتك الي من نفسيتي
وعمري وخربان بيتي
العم شو صاير وليش لتحرق املاك عمك
تميم اجى بهدلني واخدها مني بدك اسكت
العم: بس هو اشتكى
تميم وبيطلع بايدو يعمل شي
العم: اكيد لا انت بحمايتي اقعد تميم لا تضل واقف
تمیم: ما اجيت لارتاح اجيت اعرف شو بدك مني
العم: مارح اخلي حدا يمسك بسوء ورح ينكتب بالمحضر ضد
مجهول
تميم كتير منيح فيك تخدمني خدمة
العم اي ولو شو بدك قول وبكون حاضر وجاهز
تمیم بدی اجیب مرتى لبيت الطاعة

- النص المستخرج من الصورة: 📝
۲:۱۰ م
K/
...
تميم بدي اجيب مرتي لبيت الطاعة
العم انت هيك بدك
تميم وحالاً
العم بس هاد غلط یا تمیم
تميم بدك ولا مابدك
العم: اليوم بيتبلغوا غيرو
تمیم ما قصرت مطلوب مني شي
العم تروق ونقعد ونحكي
تميم: حاطك ببالي شي يوم بزورك ولا يهمك
تركوا وطلع من المكتب وارتاح اسيل رح ترجعلو وبالزور كمان
بعيني
أحببتك تخليت عن الكل وتفردت بك أراك
حين
الجميع أنت الصديق والحبيب وأنت سبب تبسمي دائما ولم
يعد يهمني اي شيء سواك نعم أحببتك وبشدة
....
كان البيت كلو شرار بابا حاطت الحزن بالجرن وعابد بغرفتو
من بعد ما رجع من المخفر والي افهمتوا اسم تمیم مرتبط
باسم عمو وماحدا مسترجي يحاسبوا وهون الكل عم يلومني
حتى لو ما حكو نظراتهن عم تحكي جريت حالي جر ورحت
للمطبخ وبين معي انو قاعدين بالصالون.
عمتي لو بعرف صاير معكن كل هالمصايب والله ما بفكر ارجع
ماما باطلة ومحولة رجعتنا للبلد ياريتنا متنا ولا اجينا لهون
بابا نحن افلسنا یا نجاح
مو
عمتي المال بيتعوض اخي بس صحتكن بالدنيا.
بابا انوو صحة هي لك اختي واحد منحط ! كف لك
يضربني
الحق عليه الحق على يلي ناسبوا شايفة يا ام عابد اصلهن مو
منيح وما ارتاحلو قلبي ولا شوي
ماما: یکسر ایدو عديم الترباية ويكسر رجل اخوه كيف بنتي
عايشة مع هالوحش سنتين وعم تدافعلو كمان
عمتي انا هلا بلشت اتاكد انو هالتمیم انسان سيء ومو منيح
والله خلص اسيل منو

- النص المستخرج من الصورة: 📝
۲:۱۰م
عايسه مع مار
اسا
ستين وعم تدافعتو دمان
K/
عمتي انا هلا بلشت اتاكد انو هالتمیم انسان سيء ومو منيح
والله خلص اسيل منو
دموعي كرجوا كيف بيضرب بابا كف وكيف اجتوا كل هالجرأة
وين كان مخبي كل هالحقد
اتزكرت اديش كان يتمسخر على بابا ويضل يسمعني حكي انو
انشالله بموت وانا افكرو بيمزح كان لازم حطيتلو حد من
هداك الوقت هلا ما بقى شي ينفع
وقت طلع عابد ورهف اتخبيت لحتى راحو للصالون وارجعت
للغرفة وقعدت على طرف التخت والندم مسيطر عليي
#يتبع

الحلقة الحادية وعشرون
بقلمي:مايا الحجازي
وقت اندق الباب انتبهوا ودغري راح عابد ليشوف عنصرين من قسم الشرطة ومعهن بلاغ
الشرطي:مو هون بيت ابو عابد
عابد:اي
الشرطي:هاد البلاغ فيك توقع انك استلمتوا
بلش يقرأ وعيونو رح يطلعوا من مكانهن
عابد:هاد البلاغ
الشرطي:انت استلمتو ولازم توقع عليه
عابد:...
ابو عابد:شو القصة عابد
عابد:تميم طالب مرتو لبيت الطاعة
كانت صدمات متتالية بحق العيلة رهف شهقت ونجاح صارت تضرب على وشها وامها وقفت مصدومة
الشرطي:لو سمحتووا وقعوا على البلاغ خلال اسبوع ما بترجع لبيت جوزها الشرطة رح تتصرف
وقع عابد وهو متردد سكرو الباب ولسى الورقة بايدو
ابو عابد:هلا كلمت معنا
ام عابد:شو يعني
ابو عابد:يعني بدها ترجعلو غصب عننا
عابد:نحن شو كان بدنا بكل هالقصة نحن اخسرنا كلشي بابا كلشي
فات ل غرفتوا وابو عابد كمان فات ل غرفتوا ورهف لحقت جوزها والبيت مكركب ع الاخير
.........
بعت ورا ام مطيع ترتبلو كل البيت وجهزو لاستقبال حبيتو واهلو مو مسترجين يعترضوا بس وسيم مبسوط كتير انو تميم طلبها لبيت الطاعة مذلولة هي واهلها وكنانة شمتانة بقصة حبهن وام سليم مصدومة بعملة ابنها وسليم حاقد عليه وروان قلبها عند اسيل ومتخيلة موقفها وتميم ولا عبالوا المهم ساوى الي براسو
.......
الصبح خفت اول ما اندق الباب كنت متأكدة بهدلة اكيد فتحت الباب مترددة كان بابا وما اقدرت افسر ملامحو ولا نظراتو
اسيل:خير شوفي
بابا:جهزي تيابك
اسيل:ليش
بابا:قومي بدي اوصلك لبيت جوزك
اسيل:مين جوزي
بابا:تميم بكفينا فضايح مو ناقصنا تجي الشرطة
اسيل:شرطة شو بابا
بابا:انا اغلطت وما كنت مفكر نخسر كلشي وانو هالعيلة ولاد حرام اب عن جد
اسيل:شوفي بابا وكيف بدك ترجعني لتميم بعد ما حرق كل املاككن وضربك
بابا:مو وقت الاسئلة يلا قومي
اسيل:مابدي ارجع
بابا:مو بكيفك معنا مهلة اسبوع مو حلوة بحقنا تيجي الشرطة وتاخدك
اسيل:انا....وشرطة... وتميم هيك بدو
بابا: اطلعنا موو قدهن واخسرنا
اسيل: انا بحكي مع تميم
بابا:لا تحكي معو جهزي حالك ويلا انا بدي اوصلك
اسيل:...
تركني مصدومة ما عم استوعب معقول تميم طالبني لبيت الطاعة مستحيل تميم هاد ما بعرفوا بهدل اهلي وحرق محل عابد وضرب بابا كف وهلا طالبني لبيت الطاعة والاحسن الكل ناطرني اجهز اندق الباب وخفت
ماما:يلا اسيل ما معنا وقت
اسيل:شو يعني ما معنا وقت
عمتي:مو ناقص فضايح يا اسيل ارجعي لجوزك وهاد ابوكي بدو يوصلك
اسيل: الموت اهون ما ارجع مذلولة مين مفكر حالو
عابد:اي حاجتك علاك انتي هيك بدك
اسيل:انا هيك بدي...لا لا انت غلطان انا قبل يعمل هالعمايل كنت موافقة ارجعلو بعد ما ضرب بابا يحلم ارجعلو وكمان بالزور
بابا:يلا بدي اوصلك قبل اروح لعند ابو عطيه
اسيل:لا لا مابدي
ماما:حاجتك تتعززي وازا كان مابدك هنيك فهميه يتركك بحالك هلا روحي مشان البلاغ الي استلمو اخوكي
اسيل:شو يعني انتو مابدكن اياني
بابا:روحي كملي قصة حبك معو ولا بقى تفرجينا وشك ووشو
اسيل:انتو عم تقلعوني يعني
عابد:مو تقليع بس حليها سلمية بينك وبينو يلا حاجتنا مصايب
كنت مو مستوعبة بس الكل ناطرين مني اجهز حالي ما لقيت حالي غير دموعي عم يذرفوا والحقد معبي قلبي على اهلي وتميم
........
بالبيت كان متحمس وناطر بأي لحظة توصل اسيل واخر شي توقعوا يجي معها ابوها شافهن نازلين من السيارة ودغري سكر البلكون وراح وقف عند الباب قبل يندق
ابو عابد:شو ناطرة
اسيل:روح انت
ابو عابد:لا ما بروح بالاول بدي اسلمك لجوزك
اسيل:ما بهرب لا تخاف انا مابدي تشوفوا
ابو عابد:دقي الباب لقلك
كانت عم تدق اخد نفس واستعاد نفسيتو وفتح بهدوء اول ما اجت عينو بعين عمو ابتسم بس ابوها كان مبين عليه مكسور
ابو عابد: وهي اسيل رجعتلك
تميم:ما قصرت
كانت تراقب ابوها كيف تركها ونزل بس هو ما بيعرف شو ناطرو منها
بعد ما اختفى ابوها اتطلعت فيه بحقد
اسيل:انت شو عملت
تميم: خلينا نحكي جوى
فاتتت وهي تحكي:وبدك تحكي كمان هات لشوف شو بدك تحكي
لساتها واقفة بالصالون
تميم:انا اغلطت اسيل
اسيل:انت الغلط راكبك من راسك لرجليك وبكل عين وقحة طلبتني لبيت الطاعة لك انت شوووو انا ما عم استوعب انت نفسو تميم الي عشت معو سنتين كاملات لك وين كنت مخبي كل هالحقد والأنانية لك ارضيت فيك واقبلت اعيش معك واحلم بظفر ولد صغير وهيك بتروح تكافئني وتكافئ اهلي حرقت محل اخي حرقت مكتب بابا لك انت كيف بتصفع بابا كف لك كيف اجى من قلبك تضوبو هاد الي بيوم من الايام فتحلك مضافة بيتو وحط ايدو بايدك وردد ورا الشيخ زوجتك ابنتي لتيجي تذلوا لك مين انت لتذل بابا تميم طلقني هلا بدك تطلقني
تميم:روقي اسيل انا ما ضربتو الا وقت دفشني ورمى بوكيه الورد بوشي انا سكتتلو كتير بس ما اتحملت يهيني ك رجل انتي شفتي سببلي بهدلة

اسيل:لك ما انت شو عملت اعملت الاضرب منو رجعتو لتحت الصفر وذليتوا وذليتني يا تميم لكن انا تطلبني لبيت الطاعة ياريتني ما اعرفتك ياريتني متت قبل التقي فيك واحد اناني ومخادع
تميم: مابدك تهدي
اسيل:اوعك تقرب تميم والله برمي حالي من البلكون وبخلص منك ومن كل هالعيشة
فجأة انهارت شلحت من رجليها ورمتهن عليه وصارت تضرب بحالها ما اتحمل يشوفها هيك صار يحضن فيها لتهدا عم تشد بشعرها وتضرب بحالها
تميم:اسيل اهدي اسيل
اسيل:مين اسيل مين اسيل انا مو اسيل مين اسيل انت مين اطلاع من حياتي خربت بيتنا خربت حياتي حطمتني حطمت اهلي اناني مخادع
اخدها وخلاها تقعد بعد ما مسك ايديها التنتين بايد وحدة وبايدو التانية صار يرتب شعرها كانت عم ترجف وخاف تكون جنت ع الاخير وهو السبب مسح دموعها ونفسو صعب ولا مرة تخيل تكون بهالحالة ضعيفة ومقهورة منو
تميم:اهدي اسيل حبيبتي انا مستعد ارجع محل اخوكي ومكتب ابوكي
اسيل:اي اي موافقة حرام عابد هي كل حيلتو كتير اتعزب لحتى صار معو كم ليرة وبابا طول عمرو يحلم يكون عندو مكتب بس كيف بدك تمحي الكف من ذاكرتي
تميم:بعتذر منو وقدام كل الدنيا بس انتي كوني منيحة اسيل
اسيل:لا ما برتاح لو اعتزرت كيف ضربتو ما عم اتخيل يجي حدا يضرب بابا كف بعد هالعمر انت انزلت من عيني كتير
تميم:طيب اهدي والله ما هاين عليي فيكي
اسيل:بس هنت عليك وبعتت شرطة وطلبتني لبيت الطاعة انا وين كنت عن هالايام لمخبية 😭كنت بعيني رجال ولا كل لرجال واليوم انت بنظري مو رجال
تميم:رح يتصلح كلشي بوعدك
اسيل:طلقني وحاجتك تمثل انك منيح خلص بين معدنك
تميم:روقي اسيل والله لاصلح كلشي ساعة غضب انتي ما عم تستوعبيني
اسيل:ما انا صرت امك اسهرت عليك واسيتك واسمعتك ودعمتك حبيتك اكتر من حالي واليوم عم اخد جزائي الي بستحقوا اترك ايديي تميم وجعتني
لاحظ انو شادد على ايديها بدون وعي تركهن وشاف كيف معلمين اصابعو ومكان قبضتو لون بشرتها صار احمر
تميم:ما انتبهت حبيتي
اسيل:فيك تبعد عني انا اهديت
تميم: متل مابدك
اسيل:...
..........
الحلقة الثانية وعشرون
بقلمي:مايا الحجازي
كان قلبي بخفق خفق شي مو طبيعي قشعريرة
عم تنفض بدني ما انتظمت نبضات قلبي اعطاني كاسة المي بالزور لاقدرت امسك الكاسة وكبيت منها بسبب رجفة ايديي شربت الكاسة كلها وحسيت انو ما ارتويت
اسيل:ما عم ارتوي ابدا
راح دغري جابلي كاسة تانية اشربتها دغري
تميم:ارتحتي
اسيل: ما برتاح لحتى تطلقني
تميم:انا كلشي عملتو لحتى ما اخسرك
اسيل:انت عملت المستحيل لتخسرني الموت اهون ما اعيش مع واحد متلك
تميم:طيب ريحي حالك
اسيل:اريح حالي كتير هامك حالي طلقني تميم وخليني اطلع من البيت ومن حياتك
تميم:ليش مصرة ع الطلاق ليش
اسيل:فكرك ترجع علاقتنا متل اول اي نام واحلم بالرجوع
تميم:...
تركني وراح مابعرف لوين اسمعتوا يحكي مع حدا اول ما يهدى خفقان قلبي لازم اطلع من البيت
ضليت لحالي فترة وشوي شفتو رايح يفتح الباب واول ما شفت روان سالو دموعي صرت ارتب حالي انا وياها عطول منتنافس مين احلى
روان: حبيبتي اسيل شبكي
وقفت وغمرتها وضليت متعمشقة فيها وابكي وانتبهت انو سليم ومعو رنيم تركتها غصب عني
روان:شبكي يا روحي
اسيل: تميم جابني لبيت الطاعة 😭اتخيلي كل هالحب هيك عمل فيني
روان:حبيبتي روقي لا تخوفيني عليكي اهدي اهدي انا معك
اسيل:ما عم ارتوي شربت مي نشفان ريقي مو قدرانة
روان: اقعدي نحكي
اسيل:طولت ع بيت اهلي بدي ارجع
سليم: اقعدي بالاول روقي انا بوصلك
تميم:انا جبتكن تحلو المصيبة
سليم:انت لا تدخل
قعدت وجابتلي روان مي اشربت لاتزكر سهراتها عندي وكيف كانت اكتر من اخت اتاملت رنيم وكملت بكي
سليم: اهديتي اسيل
اسيل:مابعرف بس انا ماني منيحة والله
سليم:انتي مافي منك ابدا والحالة الي انتي فيها لازمها لغيرك بس انا بعرف عطول الي بيدفع الثمن بكون ما علاقتوا بالموضوع لا تزعلي الي صار خير الك
تميم:سليم شو عم تحكي
سليم:اسمعيني اسيل بالنهاية هي حياتك وانتي حرة فيها وماحدا رح يعيش ظروفك غيرك انتي بدك تطلقي
اسيل:...
سكتت اول ما لمحت تميم
بقلبي:بدي أطلق واخلص من كابوسك ازا ارجعتلك رح اتبرى من اهلي ومين بيعرف ازا تميم اتغير وصار يتمقطع فيني مين بيقول يجي يوم ويضرب بابا
اسيل:بس خايفة تيجي الشرطة ترجعني
سليم:لا ما تخافي هي تميم عم يسمع شو قلتي
اسيل:مابقى بدي اياه خليه يطلقني
سليم: متأكدة اسيل
اسيل:شو بدي اترجى منو الي دمر اهلي انا ما الي كرامة عندو
روان:ساعة غضب
اسيل:وتخيلي تيجيه ساعة غضب يحرقني ويقتلني
سليم:المهم انتي مقتنعة بقرارك
اسيل:اي مافي قوة بتجبرني اعيش معو تحت سقف واحد

روان: تميم احكيلك كلمة
تميم:شو احكي من يوم يومهن بحبوا خربان بيتي
سليم: مارح رد عليك
اسيل:يعني ارجع مارح يبعت الشرطة
سليم:على مسؤوليتي
دغري وقفت
روان:اسيل فكري منيح
اسيل: فكرت وخلصت
حملت الشنتة والحفاية واطلعت من البيت لأسمع خطوات بس ما همني الي بيني وبينو مات
........
عند الباب منعوا سليم
سليم:ممنوع تعترض طريقها اتحملت منك كتير
تميم:اتركني ازا اسيل تركتني مابقى ترجع بحياتها
روان:سليم اسيل كانت منفعلة خليه يلحقها حرام عليك
خلص حالو ودغري نزل ليشوف اسيل ماشية متل المجنونة وتطلع حواليها وفجأة وقفت جنبها سيارة عابد طلعت معو وطلع من الحارة كلها
تميم:اسيل....اسيل
صار يصرخ بصوت عالي بس ما كانت تسمعوا اسيل سليم وروان واقفين وراه
تميم:اسيل....انا بحبك اسيل ارجعيلي اسيل
سليم: اتركها بحالها الله يستر ما يصيبها شي المخلوقة مخطوف لونها لك كيف وصلتها لهالحالة تضرب انت وكل واحد متلك بحب بانانية
تميم:جبتكن تصلحوا مو تخربو
سليم:روح كمل معروفك معها وطلقها وريحها من كابوسك
روان:حرام تميم الي عملتو فيها اسيل منهارة وانت السبب
تركهن وفات لحتى الندم ياخد حقها منو
.........
اول ما فتنا للبيت الكل انتبهوا
رهف:اسيل...
عابد:استلموها هيك رجعها تميم هاد مفعول الحب وقت يكون من واحد مخادع
ماما:انت جبتها
عابد:شفتها ع الطريق انا رح اطلب دكتور فوتي اسيل
ماما:شو عامل فيكي
تركتهن وفتت للغرفة اخدت المنشفة ورحت لاخد دوش بارد دموعي عم يسيلو غصب عني اللبست بيجامة بغرفتي مشطت شعري واتمددت على التخت وضليت صافنة بالسقف بس دموعي ما علاقتهن فيني بدون وعي عم يسيلو ليمر شريط زكرياتي وكيف كانت فرحتي بيوم العرس بالاخص وقت انزلت من درج الصالة وكان تميم ناطرني ببدلة سودة ما بتلبق الا الو واخدني من ايدي لتبلش حياتنا الزوجية كمية الفرحة الي عشتها معو عم عيش نفسها بس الم وقهر اجى الدكتور وشرحولو وضعي وشو صاير معي وطلب تحاليل بعد ما فحصني وما كنت بعرف انو انحط فيني علة والسبب تميم
.......
فتح الباب وسيم وفات ليشوف فوضى عارمة البيت مقلوب ولا في شي بمحلو الفازات مكسرة القهوة بالارض المطبخ مقلوب قلب وغرفة النوم مكسرة وتميم على التخت عم ياخد استراحة مقاتل
وسيم:شو صاير تميم شو عامل بالبيت
ما كان يرد كان شبه غايب عن الوعي او هو بعالم الخيال
وسيم:لك تميم صحيح الي حكاه سليم اسيل رجعت مرة تانية لاهلها رد عليي اتجلس تميم
تميم:تعبان كتير وسيم
وسيم:هاد جنس عاطل لا تزعل سدءني لو كملت معها رح تخرب بيتك خلص طلقها واخلص منها ومن اهلها
تميم:وسيم دايق نفسي ماني قدران
اتصل بجلال لانو ما فيه يتصرف لحالو وخلال نص ساعة كانو بالمستشفى
جلال:شبو لك شو صاير معو
وسيم:انا خايف عليه جلال فوتوه على غرفة العمليات
جلال:الله يجيب العواقب سليمة
وسيم:الله يحرق النسوان وبلاهن
جلال: طلقها
وسيم:لا بس خلص تركتوا بشكل نهائي
نص ساعة لحتى طلعت الممرضة
جلال: طمنينا
الممرضة:تجاوز مرحلة الخطر الله سترو من جلطة لحقتوه على اخر نفس
وسيم:كان رح يموت يعني
الممرضة:الله لطف فيه
قعد ب تعب وجلال لساتو واقف ومصدوم تميم بنظرهن ما بيستاهل الي صار معو دفع ثمن محبة عمو الو من عمرو بالكامل
....
من الصعب أن يكون في حياتك شخص لا تستطيع الابتعاد عنه ولا الاقتراب منه. #مقتبس
....
الحلقة الثالثة وعشرون
بقلمي مايا الحجازي
نزل الخبر على اهلو متل الصاعقة فاتت كنانة وما قدرت تخبي خوفها على تميم وقفت امها
ام سليم:كنانة شوفي
كنانة:لا تخافي حكالي وسيم انو رح يصير منيح
ام سليم:تميم فيو شي
كنانة:الله سترو من جلطة بس هلا هو منيح يلا تامر بالسيارة ناطرنا
دغري طلعت مع بنتها ودموعها عرض خدودها فتحتلا كنانة الباب ووهي جنب جوزها
تامر:لا تخافي مرت عمي وسيم طمنا
كنانة:لا تبكي ماما
ام سليم:من وقت كان صغير كل الضربات والمرضات تجي فيه معتر من صغرو
كنانة:رح يكون منيح لا تخافي
وصلو بنفس التوقيت روان وسليم ودغري للقسم الي فيه تميم
...........
الصبح بكير اجى ممرض واخد عينة دم مشان التحاليل كنت شبه محطمة ونفس خفقات القلب عم ترجعلي كنت محتارة ازعل على حالي ولا على اهلي ولا من تميم ولا على حبنا الي راح ضحية تهور اهلي وانانية تميم
فاتت رهف معها لفطور حسيت بالاحراج منها
اسيل:لك ليش معزبة حالك
رهف:لا عزاب ولا شي انتي ما عم تاكلي ابدا
اسيل:ما الي نفس لشي
رهف: مين الو نفس ياكل بس كمان مشان صحتك
جبرت حالي على كم لقمة
اسيل:شو صار مع عابد مشان المحل
رهف:اتصل بورشة لحتى يرجعو المحل متل ما كان
اسيل:يعني رح يتكلف كتير
رهف:لا تخافي مدبر حالو معو مبلغ بدو بزبط فيه المحل واخي بدو يساعدو مساعدة

اسيل:وعرفوا مين ورا حريق المحل
رهف:ليش هني معترفين ضد مجهول وحتى تكسير الواجهة هاد الازعر وسيم دغري اتصل ب عمو وطالع رفيقو الازعر منو
اسيل:انو واجهة لك رهف
رهف:وقت كنت ببيت اهلي اخي راح بعد ما سمع انو زعران مكسرين واجهة المحل وبنفس الليلة احترق
غص قلبي هي عصابة اكيد مو وسيم وتميم
اتزكرت انو بيومها كنت بحضن تميم وكنت متعاطفة معو وعم امسح دموعو واواسيه وطبت علينا امو واختو وهو ولا عبالو كان متنعم بدلالي الو ما بيستاهل مني شي وجكارة فيك وبأهلك رح اتقوى وارجع متل قبل واحسن اي الحياة ما رح وتوقف عندك
رهف:شو اسيل شكلك ما عم تنسي
اسيل:انا مخذولة منو
رهف:لعلو خير فينا نقول غير هيك
على كلا عمي بدو اليوم نطلع كلنا سيران مشان نغير جو عمتي اجت وما اتهنت ابدا
اسيل:ضرروري يعني
رهف: اوعك ترفضي رح نغير جو كتير بكفينا مصايبنا
تركتني اكمل فطور وهاجمتني كل الذكريات لفطور الي كنت احضرو لتميم ويقضيها يعبي وشي اكل ويضحك عليي معقول كان انسان سيء واستغل طيبة قلبي لابقى معو تميم ما كان يحبني حبني لمصلحتوا كان منيح معي لانو مابدو اتركوا اول ما اعرف انو ما بجيب ولاد الله يسامحك تميم مسامحتك من كل قلبي

.......
أعرُف معنى أن يَنظُرَ المَرءُ بِخَيبةٍ،
لِذاتِ الأمورِ الَتي كانَ يُحَدِقُ بِها بِأمَلٍ..
#مقتبس

.....
اول ما صحي فتح عيونو ليشوف اهلو كلهن
ام سليم: الحمد الله على سلامتك حبيبي
سليم: ما تشوف شر اخي
وسيم واقف عند الشباك ومقهور كيف بيتعرض اخوه لكل هالمصايب متجاهل انو الو يد بتحريض اخوه على اهل مرتو وانو الحالة الي وصللها تميم وسيم الو يد فيها
وسيم: عملية قسطرة لشب بعمر الثلاثين والسبب مراة
ليتزكر نجوى المرأة الثلاثينة الي خلتو يكره جنس حوى .
.......
بالحديقة العامة كنت مستغربة اهلي عم يضحكوا ومبسوطين حتى بابا
بقلبي:شو سر هالضحكة في حدا بيضحك بعد كل هالمصايب معقول مبسوطين لانو بدي اتطلق
بابا:شو اسيل اتحسنتي
اسيل:مابعرف
ماما:ما حكيتي ليش تركتي تميم
اسيل:انتو برأيكن لازم استمر مع واحد متلو دمركن
بابا:ومشان البلاغ
اسيل:سليم اتدخل بالموضوع وانتهى
عابد:والله لسى ما عم استوعب انو تميم يطلع منو كل هالشي
عمتي:تمسكن لحتى يتمكن
بابا:ما كان مسكين بنوب انا كنت شايف فيه كل الجوانب السيئة
ماما: الي كاسر ظهري انهن جيران
بابا:ايه صدق المثل الي بيقول بتعرفوا اي بعرفوا طيب جربتو لا لكن لا فيك ولا بهالمعرفة
رهف:شو رح يصير يعني بعد رجعة اسيل
بابا:يتكرم الاخ ويطلقها بالمحكمة ونخلص
طنشت كل الحكي ورحت اللاعب نوار ورواد
بقلبي:نيالكن لا هم ولا غم
كان معهنة طابة ويلعبوا ومبسوطين
........
بعد ما اجى الدكتور وفحصو واطمن على وضعوا ووصفلو دوا
الدكتور:بدو راحة على الأقل اسبوع بعدين لساتك شب لو شو ما كان السبب لازم ما تنفعل وتزعل
وسيم: يعني دكتور هو منيح
الدكتور:بس ديرو بالكن عليه اكتر
ام سليم:الحمد لله ياربي
ساعدو وسيم لحتى لبس وطلعو كلهن من المستشفى بتلت سيارات وجلال بعد ما اتطمن عليه رجع لبيتو ليفكر بمصيبة رفيقو
.......
خلصنا سيران وارجعنا للبيت انزلناا عند البناية ولاحظت بيت حمايي هلا جايين من مشوار غريب كلهن سوى وهلا اتاكدت انو تميم تعبان لانو وسيم ماشي جنبو وهو مبين تعبان من مشيتو بجية الممرض ومعو التحاليل
عابد:اهلين دكتور
الممرض:هي تحاليل المريضة
بابا:في شي بالتحاليل
الممرض:السكري مرتفع معها
عابد:سكري؟؟اسيل انتي معك سكري
اسيل:لا
الممرض:اوقات السكري بيرتفع لسبب معين وبيرجع لمعدلو الطبيعي يعني مافي داعي للخوف بس الاحسن ازا عندها ظروف سيىة تبعد عن القلق والتوتر لساتك صغيرة على هالمرض
بابا:يعني هي مصابة بالمرض
الممرض:مو اصابة بس اوقات بيرتفع لسبب معين ومع الوقت بيروح واقات بيستمر وبيتحول لداء
اخد عابد التحاليل كنت مصدومة مو بس مشاني انو تميم مبين كان بمستشفى والا مو جايين معو كلهن وكأنو تعبان كتير
اطلعت للبيت ودغري ل غرفتي وحاولت استوعب وين كنا ووين صرنا
......
وببيت أهلو كانو كلهن متجمعين بغرفتو ارتاح على التخت وصورة اسيل مع اهلها ما عم تفارق بالو ولمح معهن ممرض بس اسيل كانت منيحة وهاد الي طمنو
بقلبو:اكيد مو اسيل المريضة يمكن حدا من العيلة
وسيم: يلا يا جماعة اتركوه يرتاح
ام سليم:رح تجهز روان الاكل
نزل لتحت لحرام وشال لمخدة ليرتاح اكتر
بقي معو وسيم الخبيث
وسيم:كيف صرت تميم
تميم:كأنو احسن عملولي عملية
وسيم:بس ما بتخوف قسطرة للقلب صحتك بالدنيا
تميم:وسيم بدي تعرض الشقة للبيع باسرع وقت
وسيم:ليش اخي
تميم:بدي ابيع كلشي بزكرني ب اسيل
وسيم:يه ع هالحالة رح تبيع قلبك وعقلك كمان ابتسم ابتسامة خفيفة

تميم:مو مشكلة وسيم سيارتي كمان بدي ابيعها
وسيم:خلص هلا ارتاح وبعدين بتقرر انت شوي منفعل رح اتركك ترتاح
تميم:اعطيني بيجامة من خزانتي
وسيم:حاضر
طالعلو بيجامة مريحة
وسيم:اساعدك
تميم:لا مافيني شي جوعان كتير
وسيم:بس يجهز العشى بجيبلك اياه خود راحتك
............
الحلقة الرابعة وعشرون
بقلمي مايا الحجازي
بالصالون كلهن
ام سليم: يعني شو صاير معو
سليم:انا لو بعرف بدو يتعب ماكنت تركتوا لحالو
رمتوا روان نظرات كلها لوم
بقلبها:انت حرضت اسيل من تحت لتحت
وسيم: المهم انو صار منيح والعملية نجحت
وهلا لازم ماحدا يجيب سيرة اسيل واهلها
كنانة:ما منجيب سيرتهن بس عقلو عندهن حبيبي ع شو بحبها يا جماعة نفسي اعرف
تامر:كل واحد شايف مرتو ومو مسدء
كنانة:ههه وانت هيك
تامر:في غير هيك
كنانة:لو ما النمش مغطي خلقتها
روان:هي بتجنن وكتير حلوة
وسيم:هلا نحن بدنا نقييم جمال اسيل ولا بدنا نتحايدهن
كنانة:اي انسينا يعني اتطلقوا😌
روان:اسيل هيك بدها
ام سليم:يا خسارة
سليم:مستحيل ترجع المي لمجاريها بالاخص اولادك فضعوا بالجماعة تكسير وحريق وضرب كفوف وبوكسات
وسيم مبسوط:ياااا اتشفيت فيهن
كنانة: اخي ناقص تسرق سيارتهن
وسيم:رح يبيعوهن😂
كنانة:طمنتني
ام سليم:ياربي دخيلك شو عاملة يا ربي لحتى أعطيتني اولاد مشرانية
سليم:لتلات لصغار ماما انا مابحب المشاكل متلهن
روان:رايحة اشوف الشوربا
وسيم:بس لا تشوبي نار مع الحيايا ما بتزبط
كنانة😂
ام سليم:استغفر الله العظيم
سليم:سد بوزك حاجتك لعي
تامر:يلا كنانة اطمنا على تميم
وسيم:مرني بكرى للمحل
تامر:اي ولا يهمك
ودعت العيلة وطلعت مع تامر بعد ما صلحت علاقتها فيه وصارت تدللوا متل ما كانت اسيل مدللة تميم ومسوحيتو
تامر:اطمنتني على اخوكي
كنانة:كتير
تامر:يعني رح تكون ليلة مميزة
كنانة:اكيد
تامر:اي زمان كوني متل مابدي
........
كنا عم نشرب القهوة رهف نيمت لولاد واجت شاركتنا اعطيتها فنجانها
عمتي:انا حاجتي جوزي مبارح اتصل وحكالي لازم ارجع
عابد:لا تفكري ترجعي عمتي المصايب انهالت علينا
ضحكوا كلهن حتى هي
عمتي:انا بفرجيك ...وانت اخي شو مشان مكتبك
بابا:كنت معطي شريكي ابو فريد مبلغ رح يرجعوا وبرمم المكتب وازا احتجت اخي ابو فهد مارح يقصر معي
عمتي:المهم انكن بخير وانشالله تكون أكبر المصايب
ماما:الله يسمع منك
عمتي: وانتي اسيل بعدي عن كل الحلويات مشان يتعدل السكري عندك
رهف:خلص انا بعملا حمية 😂خليها تختفي
عابد:لسى بتشكي من شي
اسيل:لا احسن الحمد لله
بابا:ايه ولسى رح نرتاح بس لنخلص من الي ما بيتسمى
بقلبي: يا ترى شو صاير معو معقول تعب ما عم اتوقع شو ممكن يكون صاير مع تميم
كانو عم يحكوا ويمزحوا واتزكرت بنفس هيك وقت كنت اعمل جاط بوشار وعصير ونتابع فيلم والاحسن يكون الفيلم رومنسي ويكون تميم مندمج ويصير يقربني منو وبعدها ننسى كل الفيلم والعالم كلو معقول كل الي صار بيني وبينو وهيك تنتهي قصة حبنا معقول يطلقني مو انتي هيك بدك ولا صرتي تناقضي حالك بس الي بعرفوا مابقى نرجع بنوب وشكلي بعد سفر عمتي رح اكون وحيدة وهني كل تنين رح يكونو سوى وانا بغرفتي لحالي بعد زواج دام سنتين مافي ليلة نمتها لحالي
بقلبي:الحمد الله على كل حال.
...........
بعد اسبوع اتعافى تميم واصر يطلع لبرى يشرب القهوة ومنو بقابل بيت حماه بجية كنانة ووسيم جاهز ليروح للمحل
وسيم: وصيني تميم
تميم:سلامتك
كنانة:اجيت بوقت مناسب
وسيم:القهوة جاهزة وفنجاني الك اي تميم مشان المحل
تميم:خليه مسكر انت لا تشيل همي
قعدت كنانة واتأملت اخوها وين شارد ببلكون بيت حماه
تركهن وسيم وطلع بسيارتو واجت امو حاملة القهوة وقعدت معهن اخدو كل واحد فنجان وشغل سيكارة وكمل مراقبة البلكون
انتهدت كنانة مو عاجبها
كنانة:بلكي اخسرت زبوناتك
تميم:مو مهم
كنانة:وصحيح صارف كل الموظفين بالمحل
تميم:شو بدي فيهن غير رواتب موناقصني
كنانة: لايمتى اخي
تميم:لحتى ارتاح
وما شال عيونو عن البلكون
اتأففت كنانة
كنانة:اوف الجو ملل
ام سليم:اي شو مشان حملك
كنانة:لسى حكتلي لبعد الاربعين يوم ببين
ام سليم:ايه الله يتمم على خير
كنانة:تميم شبك وين سارح
تميم:ع فكرة انا اطلعت اغير جو صرعتيني كنانة
كنانة:يوه ليش معصب
تميم:اعتقيني طنشي وجودي
ما عجبها قلبت عيونها ولوت تمها
ام سليم:تعالي نفوت عاوزك بكلمتين
تركنوا لحالو مو ناقصو هزات بدن
ارتاح اكتر على الكرسي واتكتف وابتسم وقت شاف البلكون انفتح
...........
كانت ريحة القهوة معبية البيت طبعا الست رهف متقلة بالسهر قعدنا لتلات ع البلكون واول ما لمحت تميم لحالو برى اخجلت ومشان لا ينتبهن درت ظهري هيك احسن شي
ماما:شو اسيل بدك ترجعي لدوامك

اسيل:اي بس بكير وحابة اداوم بمدرسة قريبة من بيتنا
رهف: لو الامور زابطة كنتي حطيتي خبر عند سليم وبقدم وراقك للوزارة
ماما:مابدنا من حدا شي
ما سدءت ايمتى راحت ماما ترد على التلفون الارضي لهيك درت وشي لاشوف تميم لساتو قاعد ومتكتف
رهف:شيلي عيونك ترى هو ما شال عيونو عن البلكون
اسيل:شو رح يستفاد
رهف:مبسوط بيت اهلو بجنب بيت اهلك
اسيل:اوف رهف انتي مفكرة انو ممكن تتصلح الامور
رهف:حلو العشق الممنوع😂
اسيل: بدعي عليكي ها
رهف:😂بمزح ولوو مافيني انام بعيد عن حضن عابد
اسيل:يخرب بيتك عم تجاكريني مو
رهف:مو 😂
اسيل: اسكتي وليه لا تجننيني
رهف:يعني هلا انا في احتمال يزعجوني لولاد وانزل لعندهن بس انتي كل الوقت متعمشقة ابو الشباب
اسيل:ولي على عيونك والله عم تجاكرني
رهف:بس اكيد تكون الليلة نيرانية
اسيل:اخرسي وليه استحي مني انا بنت حماكي
رهف:اي مبين كنتي مفضعة مع تميم
اسيل:اسكتي اجت ماما
ماما:وحدة

- النص المستخرج من الصورة: 📝
٣:١٦م
ا
VA 25
K/B
ماما: وحدة منكن تجهز حالها بدنا ننزل للسوق
رهف خلي اسيل تروح انا مافيني اطلع مشان لولاد
وحسيت طاقة فرج انو اطلع من البيت
الحلقة الخامسة والعشرون
بقلمي مايا الحجازي
وبرسالة عادية من خطها القديم لرقم تميم
صار لازم تطلقني بالمحكمة ناطرة تبعت بلاغ بحضور جلسة
الطلاق مثل ما بلغتني لترجعني لبيت الطاعة
وقت وصلتو الرسالة كانو على طاولة الغدا مسح تمو واخد
الموبايل وراح ليقرأها
ليتزكر انو هالكلمة اصعب من الموت بالنسبة الو وكانو
هالرسالة مختصرة لحتى ما يصير نقاش ويوصلو لحل ممكن
يكون مرضي
بقلبو رح تكون اصعب كلمة بتطلع من تمي وبتتوجهلك أسيل
بعت لنفس الرقم ( يوم الاربعاء موعدنا بالمحكمة)
غمض وكبس على الارسال متجاهل دقات قلبو ومو مستوعب
انو وصلت معهن لهون
المسا ونحن عم نتعشى وبعد ما أشبعت
بابا: اسيل جهزي حالك يوم
الاربعا
اسیل: شوفي يوم الاربعا
بابا: تميم بلغني مشان نحضر جلسة الطلاق الي رح تتم بينك
وبينو
وما اقدرت اخفي الصدمة وما اقدرت اتحكم بدقات قلبي
ابتسمت متظاهرة بالبرود بس جواتي نيران وثايرة
اسیل انا حابة اضل لحالي ياريت ما حدا يزعجني
كان لازم استفرد بعواطفي ولازم ازعل وابكي وانهار سكرت
الباب بهدوء عكس الضجيج الداخلي قعدت على طرف
التخت واطلعت بأيديي وكيف عم يرجفوا وذرفوا دموعي
بغزارة

- النص المستخرج من الصورة: 📝
٣:١٦م
ا
K/B
كانت مواجهة الذكريات شي صعب بالنسبة للطرفين لتنين
قاعدين بغرفهن بس تميم ما عم يبكي مثل اسيل كان منقبض
قلبو وبس
لحظة اللقاء الاول واول مرة بادر ليحكي معها وكانت مو اقل
منو معجبة فيه وكتير كمان اول ما بعت اهلو وتمت الخطبة
وبعد خطوبة دامت شهور انزفوا لقفصهن الذهبي ليصيرو
احلى كوبل متفاهم وحنون
اتذكر كيف خيرها هو او لولاد واختارتوا وكيف بوقتها كبرت
بعينو وارتفع رصيدها عندو ليدللها دلال وعيشها كأنها ملكة
ويغارن منها كل الي حواليها ومستحيل ليلة وحدة تمر
بعيدين عن بعض وكل ليلة تختلف عن الي قبلها بالحب
والدلال والرومنسية وهلا كلشي عم ينتهي وما بقى من
ها لعلاقة الا الزكريات بالنسبة الهن مؤلمة لانو الواقع فراق
وبعد وشوق وندم
كنت لابسة قميص اسود وبنطلون اسود وجاهزة لجلسة
المحكمة خايفة أضعف أو يشوفني تميم ضعيفة مو هيك بدو
وانا رح اكون قوية اد ما فيني طلع بابا لابس وجاهز والكل
عيونهن علينا
ماما: مابدي أوصيكي اسيل
اسيل: لا ماما لا تخافي انا قوية كثير اليوم
انزلت مع بابا وبطريقنا للمحكمة
وببيت اهلو كان لابس جينز اسود وبلوزة سودة بايدو موبايلو
وسيم وبدك تدفعلا لمأخر
تميم كل حقوقها رح تأخذها
وسيم هني طلبوا الطلاق مو انت
تميم وانا ما شفت
من اسيل شي.
غلط
وبدي ادفعلا كامل
حقوقها
كنانة اخي شد حيلك شوي مبين عليك زعلان
طنشها
وطلع
وبری شاف روان ووسيم وطنش نظراتهن

- النص المستخرج من الصورة: 📝
٣:١٦م
وبطريقو للمحكمة ليتزكر وقت راحو يثبتو زواجهن بالمحكمة
وهلا رايح ليطلقها وقت وصل شاف سيارة عمو قدام
المحكمة غمض بيأس هاد تاني مشوار للمحكمة لانو قدم
الاوراق من قبل نزل ليفوت للمحكمة كانت مزدحمة مليانة
ناس فايتة طالعة والظاهر مو بس هو واسيل جايين لنفس
هالشغلة كتير في ناس بقاعة الانتظار واول ما شاف اسيل
قاعدة بجنب ابوها انقهر كانت منطفية ضحكتها باهتة ملامح
الحزن ظاهرة لو عم تبتسم اتقدم منهن وقعد على جنب ناطر
ينادو على اسمهن ليتم الطلاق بالتراضي وبصمت الطرفين
.........
شوفتو خلت كلشي جواتي احاسيس تتحرك كان مبين انو
جد الموضوع وانا الي ما فكرت بيوم اهون عليه ما اقدرت
اسرق ولا نظرة بس كنت شايفة بطرف عيني كيف قاعد
شابك ايديه ببعض وعم ينطر متلنا وخايفة وعلى اعصابي
ينادو علينا وكل شوي اشوف تنين طالعين بعد ما أطلقوا
بقلبي يارب الهمني الصبر قدام هديك الكلمة من شخص كان
بيوم حبيبي واكلنا واشربنا ونمنا واصحينا سوى كان نفسي
صعب كتير وخايفة انهار باي لحظة واول ما نادى الشرطي
على اسم تميم وقع قلبي من الخوف وقف بابا ووقف تميم
واوقفت مترددة وفتت ورا بابا ووقفنا قدام القاضي نحن
لتلات
القاضي: اتفضلوا سيد تميم والسيدة اسيل
اتقدمنا لقدام القاضي
القاضي بناءً على طلبكن انتو جايين لتطلقوا شو اسباب
الطلاق
تميم: مشاكل عائلية
القاضي: طيب يا ابني عندكن اولاد
تمیم: هاد سبب من اسباب الطلاق كمان
القاضي يا بنتي انتي موافقة تتطلقي
اسيل....
كنت احاول اخد نفس وانطق بدون تردد

- النص المستخرج من الصورة: 📝
٣:١٦م
ا
V 25
كنت احاول اخد نفس وانطق بدون تردد
اسيل: اي موافقة
انتبهت كيف تميم أتطلع فيني ورجع اتطلع بالقاضي
القاضي: وانت يا ابني موافق
تمیم: ازا هي رغبتها اكيد
القاضي ابغض الحلال عند الله الطلاق يعني ما في مجال
للصلح
بابا: سيادة القاضي مافي مجال وبدون ما احكي الحاصل
بيناتنا
الفاضي خليهن يجاوبو
اسيل: لا مافي مجال
القاضي : وانت یا سید تمیم رح تدفعلا كامل حقوقها
تمیم: اكيد سيادة القاضي
القاضي : لكن ارمي عليها اليمين
وفجأة حسيت بخدران باطرافي ووشي وحاول اد مافيني
اتماسك واتمنيت لو ما اسمع اتطلع فيني ما اقدرت اتطلع الا
بالارض
تميم انتي طالق... طالق..... طالق
كان نفسي صعب
القاضي: وقعوا هون
وقعنا على ورقة الطلاق وتنبن شهود كمان وقعوا وانسحبنا
دغري من المحكمة
ببابا شو اسيل ليكون زعلانة
اسيل: حقي ازعل ما كانو يوم او يومين
انتبهنا لصوت تميم كان عم يندهلي
وقفنا كنت مقهورة كتير
تمیم: سامحيني اسيل
اسيل: الله يسامحك
بقي واقف وشافها كيف طالعة مع ابوها وواضح انها مو
منحة ابدا