Telegram Web Link
- النص المستخرج من الصورة: 📝
ll O
٢٠١٥
ضيفو سيكارة وقعد يشرب شاي بس عقلو وقلبو بالمدينة
وبغرفة بلسم تحديدا.
بقلبو: اخبرها ولا خليها مفاجأة
اسير صاير عنصر مميز بس على شو خانقنا بدخانك وصارعنا
بكوابيسك
محمد ركب باب للغرفة
اسیر هههه ناقص والله
محمد : لكن بدك تتحمل
اسیر انت مسبب رعب للعناصر مسمينك الشبح وحتى ما
بنامو بمكانك
محمد یکتر خيرهن على كلا انا بقرف حدا يشاركني المكان
اسیر: لكن كيف اتجوزت
محمد بمكر مثل ما اتجوزت انت
اسیر ههه قلیل ادب
غمزو وراح ليكمل الاستراحة ومو مستوعب من فرحتو
كالعادة قبل انام بعتلي هالمرة متطورة الامور دغري قلب
نابض
بلسم لسی ما نمت
محمد مابدك نحكي مجهزلك حكي وحكي
بلسم ازا هيك اتصل
محمد....
كان عم يتصل طولت لحتى رديت عليه
محمد: ليش مطنشة وليه
بلسم استنى شو وراك
محمد يا ويلي ازا بمسكك هلا
بلسم منيح انك بعيد
محمد ليش يا روحي
بلسم لاني صايرة عن بلسمين
محمد احلى انا بحبك شو ما تكوني
بلسم تيابي ديقين عليي
- النص المستخرج من الصورة: 📝
Kis
٢٠١٥
محمد : يعني بدك ما يتغير جسمك
بلسم ياريت
محمد: لا تخافي ما بخونك مع وحدة رشيقة
بلسم ياريت بلكي اخليك فرجة
محمد هههه ليش صرت عاملها بطمنك يا جدبة
بلسم لا مابدي هالاطمينان ليك محمد انا متدايقة من حالي
محمد ومني
بلسم اذا بتضل بسيرة النسوان اي منك كمان
محمد هاد من الوحدة انا بطلع بكل مكان مافي زوال مراة
اجباري بدك افكر بالنسوان وانتي حارميتني شوفتك
بلسم ما بحب ابعت صورا
محمد لك انا حدا
بلسم : ما حلوة ع الصور
الحدا
محمد لك شو ما كنتي مشتاقلك والله
بلسم: ابعتلي صورة الك
محمد : لا ما حذرتي
بلسم مشان ابعتلك
محمد بلشت کزب
بلسم اشتقت لعيونك بتسدء
محمد
أنا
مشتاق لتمك
بلسم : لك انت حرام الواحد يتغزل فيك
محمد محسوبك فلتان
بلسم : لا تحكي عن حالك
محمد الهدرجة بتحبيني
بلسم ماعندي اغلى منك
محمد ايوااا وانا شو بدو ينيمني هلا
بلسم هههه طنش وانسی
٣
محمد:بلا شو انا بس بدي كلمة ومنك بالتحديد بروح بشربة مي
بلسم:هههه اتزكر كيف تخانقنا
محمد:قلتلك مابقى اعصب
بلسم: حمودي
محمد:عيونو
بلسم:هههه لا ولاشي بس اتعودت كأنو
محمد:واحد بحالتي مافيه الا يقول لطفك يارب
بلسم:هههه يا ويلي رايح فيها ابو الشباب
محمد:جننتيه لابو الشباب
بلسم:من هلأ
محمد:من وقت بلشتي تتجاوبي معي دخلك بلسم شو بتفرق معك
بلسم:ع الواقع بخجل من نظراتك الي
محمد:بغمض بيمشي حالي
بلسم:ما بوعدك
محمد:يوم بس افصلي معي
بلسم:ما بتخيل
محمد:بتروح من شبابنا
بلسم:...
محمد:بكرى بس تختيري ممنوع تقربي صوبي
بلسم:كل واحد على تخت ولا يهمك
محمد:مشالله شو عندك مشاعر ابرد من التلج
بلسم:صلي على النبي
محمد:وخايفة يا بعدي
بلسم:هههه اي والله
محمد:كيف بدك تستقبليني
بلسم:مابدي اتوقع كيف لانو رح يصير العكس
محمد:منشوف لكن
بلسم: وايمتى جاي
محمد:لسى في شهر منيح
بلسم:المهم تيجي بالسلامة
محمد:انو سلامة هي من الصبح لاخر لنهار لحتى اوصل
بلسم:اي المهم توصل
محمد:لكن مابتعرفي انو بضل خايف لحتى اوصل للبيت
بلسم:من شو
محمد:انو ما اشوفك
بلسم:هههه والله انا الي خايفة منك
محمد:لا تقوليها
بلسم:لانو فجأة بتتغير
محمد:خلص شو بدك انتي
بلسم:ما حكيتلي شو اتغديت
محمد:ما اكلت
بلسم:ليش
محمد:كأنو بدي انتكس
بلسم:لانك تارك العلاج
محمد:بس اتزكر العلاج بختنق
بلسم: بس لازم
محمد:مو هلأ بعدين
بلسم:وما اعرفت مين وراه
محمد:لو بفوت لبيت بدرية مستحيل احط احتمال غيرها بس هاد لمحيرني
بلسم:بلكي عمتي وصفية بدها اياك لبنتها
محمد:لا الي فيني من زمان مستحيل تكون وراه عمتي
بلسم:يعني ايمتى من زمان
محمد:اول عداوتنا مع عمتك بدرية
بلسم: وليش انت يعني مو وحدة من اخواتك
محمد:انا حصتي بالكره اكبر بس مابتعرفي يمكن مشتغلة بكل العيلة
بلسم:الله يصلحها انا اوقات بستغرب معقول حدا يعرفك و يعاديك
محمد:ههه انا لئيم يا بلسم
بلسم:انت مافي منك صحيح بتقسى شوي بس بحس انو النخوة اكلة منك شقفة
محمد:اشاعات لا تردي على حدا
بلسم:لا مو اشاعات ولولا كم شغلة عملتها معي كنت ضليت بنظري مسالم
محمد:وين حكيك زمان اجى السرسري ابن عمك
بلسم:ستايلك كان يوحي انك هيك
محمد:الله عليكي قمة بالأناقة
بلسم:وقفتك تكون وقفة زعران
محمد:لساتني هيك شو بدو يغير عليي
بلسم:اي بعرف وكمان وانت عم تعمل حركات على موتور عامر😂هداك يروح ينجلط وانت تروح فيه وتدعس وتصرعنا
محمد:لكن ما شفتي على طريق الجسر شو اعمل عامر يضل حاطت ايدو على قلبو لحتى انزل
بلسم:احكيلي انا بحب مغامراتكن
محمد:ضليت ماشي على طرف الجسر انتي بتعرفي المسافة من الجسر لتحت
بلسم: عم تغامر بحالك
محمد:شوفير بعرف حالي
بلسم:اي ما بتعرف ساعة الغضب ايمتى بتيجي
محمد:هههه وكنت اخلي عزمي يصور عامر وهو يضرب على راسو مني
بلسم:هههه مشتغل بولاد عمك
محمد:اي والله جننتهن وهني اشتغلو فيني كتير
بلسم:وليش مرة عاقبوك اعترف شو عامل فيهن
محمد:ههه لبستلك عزمي فستان زيتي على الفوتوشوب وشلتلو الدقن😂
بلسم:ههههه وعامر
محمد:وعامر تنورة قصيرة وبلوزة قطع وحطيتلو بيروكة
بلسم:ههههه يا حرام عليك
محمد:وانا ما خبرتهن أنو البرنامج معي حكيتلهن بعتت الصور لمجد على المانيا زبطهن
بلسم:😂ليش بقى
محمد:مشان لا يزبطولي صورة
بلسم:منيحة هالشغلة يعني
محمد:غير شكل
بلسم:بس وقتها استلموك وانا خفت عنجد يشلحوك
محمد:هههه ويشلحوني شو رايح عليكي
بلسم:ضليت على اعصابي
محمد:عادي متعود
بلسم:بلا هاد حكي
محمد:الوحيد الي بينفذ عامر وانا عطول بتروح عليي وعزمي بيهرب باخر لحظة
بلسم:افهم منك عطول خسران
محمد:للاسف
بلسم:اي مابصير مو حلوة يعلمو عليك
محمد:لتنين بيعرفو نقاط ضعفي
بلسم: عنجد قهرتني
محمد:يلا بدك تطولي بالك
بلسم:كنت شاكة انو بتخسر بس هلا اكدتلي انت
محمد:هههه خلص بوعدك احتاط منهن المرة الجاي
بلسم:الله يستر ما يشلحوك بنص الحارة
محمد:هههه خلص بوعدك مابقى اخسر
بلسم:ولساتك بلا اكل
محمد:اشربت شاي
بلسم:بدون ما تتغدا
محمد: المهم معدتي مرتاحة
بلسم:انت ما بتاكل متل باقي العالم وبقارن اكلك ب اكل عزمي وعامر
محمد: شو بيطلع معك
بلسم:انو بالايام الجاية رح تصير تشبع من لقمة
محمد:ههه بوفر
بلسم:انا باكل اكتر منك
محمد:اكيد بلسم لانو بشيل همك كل الوقت
بلسم:هههه وصايرة اخجل لانو بضل لاخر شي
محمد:اي اتهني وماما ما بتعملك مشاكل
بلسم:مو على طول بس ما بتحبني اضل بالغرفة بتعرف ولا مرة خلتني اتحمم متل البشر بتضل تضرب على الباب وانا بتلبك بحالي
محمد:واكيد مابدها شي مهم
بلسم:لا بيكون بدها تسألني عنك
محمد:بدك تتحملي بس بوعدك بعد ما تولدي يتغير كلشي
بلسم: بتحمل كلشي كرمالك
محمد:انا يوم عن يوم بتعلق فيكي اكتر وصرت خايف مو بس على حالي عليكي
بلسم:عليي
محمد:انا بدي اتملكك وهالشي يوم عن يوم بزيد
بلسم:طيب فيني اعرف ايمتى اول مرة حسيت انو بتحبني
محمد:بعمري ما اكرهتك
بلسم:يعني مو متزكر ايمتى
محمد:امبلا كنت جاي لعند عزمي مشان لطيور بالعادة هو بيفتحلي وكنت ناوي اهجم عليه بس اطلعتي انتي وبوقتها انصدمت فيكي صدمة لاول مرة بتأملك بهيك طريقة صحيح كنتي ضاربة بوز ومعصبة بس انا هالشي ما أثر فيني
بلسم:ايام لطيور وقت كنت بالصف السابع
محمد:اي بوقتها مابعرف كيف كملت يومي مع انو بصحى بكير بس ليلتها ما نمت
بلسم:لكن شو عملت
محمد:كنت عم فكر فيكي وبعدها صارت هوايتي اليومية مراقبتك وياريت كنت امون عليكي
بلسم:هههه كنت رايحة جاية للنوفتيه
محمد:وانا اشوفك بالطريق ويضربو فيوزاتي
بلسم:بس مرة مابنسى كيف زورتني قدام المحل وانا رحت قلت لامي ابن سلفك ما بيستحي
محمد:هههه يعني مو ابن عمك
بلسم:لا امي كانت تدافعلك كتير وانت مرة حرضت عزمي عليي
محمد:اي لانك زودتيها وقتها حكيتلو روح مون على اختك تقعد بالبيت
بلسم:هههه واجى عزمي وانا على الاسطوح وللصدفة كان شب كمان على اسطوح بيتهن وانا مو منتبهة انو مراقبني وشافلك عزمي هالشوفة نزلني ولو ما كانت ستي عنا كان ضربني
محمد:والله بدك اياها انا شفت منك عناد ما شفتو عند اي حدا
بلسم:بعرف كنت ضاغطة كل العالم😂 بالاخص عماتي
محمد:كنتي تبردي قلبي من ردودك وردحك ومجاكرتك لعمتي
بلسم:وتبعتلي بهدلة مع امي وما اسمع كلمتها وازود لعيار
محمد: خير ما تعملي فيهن
سكتت لانو محمد بعد صوتو شوي
وكانو عم يحكي مع حدا
محمد: اصحيلك اياه....
شوي وصار حكي كتير وانا بس مستمعة وطول لحتى رد عليي
بلسم: محمد وينك
محمد:ليكني معك
بلسم:وين رحت
محمد:الي نومو تقيل بصحيه انا
بلسم: وانت مين بصحيك
محمد: قبل يصحوني بكون جاهز
بلسم:هههه مشان لا يتغلبو فيك
محمد:ادني ما بتنام بتضل صاحية مع الكل
بلسم:على طول
محمد:لا بس بالداوم بالاجازة بسترخي على الاخير
بلسم:ومو ناوي تنام
محمد:ازا مو جاييكي نوم بسليكي
بلسم:لا كتير انعست
محمد:ازا هيك ماشي....مو تسهري على مواقع التواصل
بلسم:هههه لا رح انام دغري
محمد:مراقبك ها
بلسم:ولا يهمك تصبح على خير
محمد:وانتي من اهلو
الحديث معو ما بينمل من بس يمكن تعبان وبدو يرتاح مابعرف شو بدو يصبرني على غيابو بحبو اكتر من حالي
.............
كان مهران مبسوط لدرجة وناطر اخوه بالثواني يرجع وماخبر حدا ابدا كالعادة ملتمين وعم يشربو قهوة دقات على الباب راحت روز لتفتح وسمعو اسم اصيل لهيك مهران اتنفس براحة بس ام مهران محاربيتو هي وبناتها والشخص الوحيد الي ابتسم بلسم وبس
محمد: مسالخير
طبعا ردن بدون نفس سلم على ابوه هالشي خلا مهران ينقهر وامو بدون نفس سلمت عليه ورغم انو سلم على بلسم سلام عادي بس الكل لاحظ كيف ضل ماسك ايدها
ابو مهران:ليش ما بتخبر
محمد:حتى انا مابعرف
حنان:ماصرلك زمان رايح
محمد:ارجع يعني
ام مهران:العشا عم يجهز ازا بدك بدل تيابك
محمد:وهو هيك
بقي ماسك ايد بلسم واخدها معو لتلات عيونهن على أيديهن
سلام بقلبها:الله لا يهنيكي
حنان بقلبها: ميت عليها
ام مهران:ايه هي ازا نزلو
ابو مهران: عادي روز بتطالعلهن العشى
مهران:...
وقت اتسكر الباب قلوبهن صارت تغلي غلي ورح يتفجرن عنجد
............
كانت بدها تغمرو بلسم بس بعدها عنو
محمد:بدي اتحمم بالاول
بلسم:اي مابقرف منك بحبك متل ما انت
محمد:تكة وبرجعلك
تركها تجهزلو تياب ومو بنفسو لا اكل ولا شرب كان مبسوط من شوفة بلسم ولانو الحمل كتير مبين عليها
بقلبو:رح تزيد غلاوتك عندي اضعاف مضاعفة بعد ما اتحمم ولبس غمرو بعض غمرة طويلة
محمد:ما بتتصوري الشوق
بلسم:لكن ما بتتخيل الصدمة
محمد:ما حبيت اخبرك مشان لا تشيلي همي
بلسم:يعني كنت بتعرف
قعدها على طرف التخت وبقي يتأملها
محمد:اي بس ما قدمت عليها للإجازة وهالشي مخليني ما ارتاح
بلسم:كيف صار هيك
محمد:حدا متواسطلي وماعندي فكرة
بلسم:...
محمد:لا تحطي ببالك
بلسم: وازا هي
محمد:بكون كتر خيرها لحقتني قبل اتفجر
بلسم:...
محمد:هههه ايمتى بدك تولدي
بلسم: ومشان شو
محمد:مبين تعبانة من الحمل
بلسم:كتير مو شوي بس كلو بيهون المهم احملو بين ايديي
محمد:وانا وين اروح بحالي
بلسم:ههه انت بتكون بداومك
محمد:بدك تحبيه اكتر مني
بلسم:رح احبو لانو ابنك
محمد:لا ممنوع انا وبس
بلسم:خلص انت وبس
محمد:يلا
بلسم:ليش ما سلمت على اخواتك
محمد:ما شفت غيرك
بلسم:لساتك زعلان من سلام
محمد:لا ببالي سلام ولا غيرها جاي ومو شايف غيرك بعيوني
بلسم: مو حلوة تضل مزعلها
محمد:ليكي انا مني الهن اسطفل مشان نتعشى ونسهر على رواق
بلسم:متحلفلي
محمد:هههه بعدين
نزلو سوى كانت السفرة جاهزة وبلشو بالاكل كانت امو عم تتمايزو وسلام متدايقة منو لانو ضربها ووجعها بدون رحمة وحنان من صفهن وكرهانة بلسم كتير
مهران:واجازة كم يوم
محمد: اسبوعين
مهران:نقشت معك بس شو المناسبة
محمد: والله مابعرف
بعد العشى خلى بلسم تلبس وطلعو سوى
ام مهران:ما بينسهر معنا
ابو مهران:الها زمان ما طلعت
حنان:معناتو بالحرف بتنقل احداث بيتنا
مهران:انتن ليش شايلات السلم بالعرض يسطفلو
سلام:شفت ما سلم علينا
مهران:يسطفل بوفر
حنان:يعني لولا العيب كان اخد بلسم قبل حتى يسلم على بابا
ابو مهران:انتو عايشين ظروفهن
ام مهران:بس نحن اهلو
ابو مهران:ومن قبل يتجوز من سنين بيرجع وماحدا بيستقبلو
حنان: وانا لهيك متدايقة هو سلم عليك بس مشان يسلم على بلسم شفتي كيف شد على أيدها
مهران: تصبحو على خير
ابو مهران:بكرى بتجيب نيفين ورسلان
مهران: حاضر
تركهن بنفس السيرة
سلام:اي شفت حسيتها علقت أيدو بأيدها بشي لاصق
تركهن ابو مهران ما عجبو حديثهن
حنان:لكن بالغرفة شو بيعملو
ام مهران:متل كل هالمتجوزين
حنان:اي بحياتو ما غمرني ولا مسكلي ايدي هيك بسافر وبرجع وكانو مبارح شايفنا
سلام:الحظ ل بلسم وبس حب ماقبل الزواج ورايح جاي للتلة كرمال يشوف عيونها للانسة وخلا الاخوة يتصالحو وهلا عشق ما بعد الزواج
بقلبها: والله لادور واعرف ليش ضربها واحرك الجو من جديد
حنان:وانا قلت بكرى ع الزواج رح يستصغر عقلو
ام مهران:ليش مستغربات من محبتو الها
سلام:مافي حب هيك ولو في بعد الزواج بيخف أو بيختفي
ام مهران: ابوكي بحبني وطاوعني بالكبيرة ولصغيرة وانا شايفة اصيل نسخة منو بكلشي
سلام: كيف اتحملت ستي
ام مهران:مو بس ستك حتى نسوان عمامك كانن يموتن جلطة من محبتو الي ام عزمي كانت تغار مني وام عامر بتكرهني الوحيدة الي ما عادتني هي ام بديع
حنان:اصلا نسيانة ازا الي عم تالت
سلام:ولساتو بابا هيك بحبك
ام مهران:اي شو بدو يغيرو
حنان:ليكون عامليتلو عمل
ام مهران:لا هيك الله خلقو
سلام: وانا بلاحظ حتى مهران صح بيقسى على نيفين بس بحبها حب مو طبيعي وبالدليل ما خانها ومعجباتوو كتار
ام مهران صارت تضحك
حنان:مبسوطة كمان
ام مهران:لا بس اخواتك طالعين لابوكي لا بقى تستغربن
حنان:وانتي بدك اصيل وبلسم يضلو متل العاشق والمعشوق
ام مهران:لا تستعجلن شي كلشي بوقتو حلو
لهيك اطمنن امهن ناوية على الشر
.........
كنت مبسوطة لاني حدو واصلا مو مستوعبة انو رجع كنا عم نفتل بالشوارع
بلسم:شو اجى عبالك لنطلع
محمد:يعني ما منرجع بكونو نامو
بلسم:يعني لاحظت
محمد:اي كانو ماحدا اتجوز غيري
بلسم:بدنا ننزل للتلة هالمرة
محمد:لا حابب كليوم نطلع مشوار
بلسم:بس هنيك سهرات وأجواء
محمد:انتي بتحلي كل مكان بتكوني فيه
بلسم:ومعك كلشي حلو انت تعبان
محمد:كتير تعبان بس كمان حابب اغير جو
بلسم:...
صفط عند مطعم واستغربت
بلسم:ليش جايبني لهون
محمد:نتحلى
بلسم:...
كنت طايرة من الفرح وعبالي كل حدا بيكرهني يشوفني مبسوطة وينك ياسيدرا عم احقق احلامي
..........
بعد مارجعو كانت الفيلا هدوء على الاخير فاتو ل غرفتهن وسكرو ومن كتر الشوق رجعو غمرو بعض
محمد: بتعرفي شو
بلسم: شو
محمد:انتي زينتي دنيتي الفرق كبير بين ايام زمان وهلأ
بلسم:اي لا تحسد حالك
محمد:ههه مابقى حدا يفرقنا وحياة الي خلى قلبي ينبض بحبك
بلسم:ولو شو ماصار
محمد:اي
بلسم: والانفصال الي هددتني فيه
محمد:كلشي اتغير انا بحبك ومتأكد من حبك الي
بلسم: وأخيراً
محمد:يعني الزواج بخلي الوحدة تحب حتى لو بتكره الشخص
بلسم:المعاملة الطيبة والاحترام الهن دور كبير وانت دللتني وانا بحب الدلال
محمد:مستحيل ادلل غيرك حبيبتي الي اوعيت على حبها
بلسم:مو انت تعبان
محمد:اي والمعنى
بلسم:خلص انا بنام هون
محمد:لا تكملي من مبارح بحلم فيكي
..........
بيوم جديد كان عامر كالعادة يلبي طلبات البيت التقى ب امين عند محل الخضرا
عامر:شو عريس بلاقيك بلشت طلبات
امين:عقبالك يلا شد همتك
عامر:يعني بتنصحني اتزوج
امين:شو ناطر بعدين اولاد عمك سبقوك
عامر:هههه اي اي زكرتني
امين:شو اخبار محمد
عامر:عتبك على يلي بيحكي معو بس اوقات بشوفو اون لاين فيس بوك او واتس وبطمن عليه
امين:هههه يعني بتقول لسى ما مات
عامر:ايوا عفية عليك وينو ابن حماك
امين:رجع للفرع
عامر:انت صاير شاعر
امين:😂دخيل قلبك اي حول علينا
عامر:شو بدي بهالعزيمة دخيلك
امين:انت راجع للبيت دغري
عامر:وين بدي اروح لكن
امين:تاخد معك هدول للبيت صاحب المزرعة بدو اياني ضروري
عامر:اي شو عليه بطريقي
اعطاه الي اشتراهن وكمل عامر اخد اغراضو وبطريقو لبيت أمين بالاول خجل
عامر: لك انا كيف وافقت يعني معقول هو التاني يبعتهن معي
اتشجع وزمر بجنب البيت وشوي انفتح الباب وزاد خجلو لانها اختو الي طلعت
عامر:هدول من امين
آية:اي يسلمو
اجت لعندو لتاخدهن منو غصب عنو اطلع فيها كانت عنجد آيه من الجمال بعيون ملونة وغمزة مبينة حتى بدون ما تبتسم ووش مدور
بالاول اتردد بس بعدها أعطاها اياهن بأيدها
عامر:اتفضلي
آية:يسلمو عزبناك معنا
عامر:...
بقلبو:شو هاااد معقول هالجمال كلو
كمل للبيت بسرعة وسط مو حلوة تشوفو وهو طاير وصل للبيت مو عاجبو شي اخدت منو بيلسان الخضرا وفات لجوى رمى امو نظرات لا تفسر وكمل ل غرفتو
لحقتو دغري كان لساتو واقف
ام عامر:شبك ولاه اطلعت مافيك شي
عامر:مزعوج
ام عامر:هيك من لا شيء
عامر:انتي شايفة كل هالنسوان عم تجوز اولادها وساكتة
ام عامر: اي وعرضت عليك
عامر:انا اليوم شفت صبية وعجبتني
ام عامر:ههههه مين هي ولاه
عامر:مارح احكيلك لتاخدي الموضوع جد
ام عامر:احكي احسنلك
عامر:وحدة هون ساكنة قريب مننا
ام عامر:استر يا رب عم اسحب الكلام منو سحب خلصني مين البنت
عامر:اخت أمين
ام عامر:ليش عندو اخوات
عامر:وانا اول مرة بشوفها
ام عامر:ازا بدك اليوم بروح وبشوفها
بلش قلبو يدق بسرعة
عامر:عنجد امي
ام عامر: انا منى عيني اجوزك وافرح فيك والليلة بازن الله بروح إنا وستك ومرت عمك ومنشوفها
عامر:اي هيك ها الله يخليلي اياكي
ام عامر:هههه ويخليلي هالشبوبية الحلوة
كان عم يتزكر ملامحها وغاب لعالم تاني
......
المسا اجتمعو ببيت ستهن وجاهزات النسوان للروحة
سيدرا:ووين شفتها
عامر:ما شفتها
سيدرا:خبط لزق صرت بتعرف انو عندو اخوات بنات
عزمي:ليش متدايقة لازم تفرحي
سيدرا: يعني مو زابطة
ام عامر:انا شفتها بعرس شيماء وعجبتني
ام عزمي:ليش انا ما شفتها كيف شكلا
ام عامر:هلا بتشوفيها
سيدرا:زمكة وقصيرة واد الدكة
عزمي: هههه بس شقرا
عامر:عزمي لو سمحت عيب توصف
عزمي:ههههه اتغزل ب مرتي يلعن ابو الي بيزعل
عامر:اخ بس
نوارة:يلا خلينا نمشي
راحن وبقيو لتلات برى وابو عزمي وابو عامر بالمضافة عم يحكو مكالمة مع ابو بديع
سيدرا:عيونها متل القطة
عامر:سيدرا هوني على حالك يمكن ما يصير نصيب
سيدرا:ومشان سلام
عامر:استغفر الله العظيم المخلوقة متجوزة
سيدرا:اه....ليش ما ادريتو
عزمي باهتمام:شوفي وليه
سيدرا:بس الحكي ما يطلع لبرى بالاخص لستي
عزمي:اي
سيدرا:سلام مطلقة
عزمي:من وين جبتي الحكي
سيدرا:من بلسم
عزمي: وحدي الله حكي مع بتحكي مع بلسم
سيدرا: امبلا حكيت معها من فترة وخبرتني
بقلبها:سلام خبرتني والله ازا بتدرى انو بدو يخطب وهي اتطلقت من ورا جنانها لتموت قهر
سيدرا:عامر بلالك هالخطبة
عامر:بلا شو
سيدرا: يعني معاد بدك سلام
عامر:سلام مين يا بنت الحلال شلتها من راسي من وقت اتجوزت
عزمي: اختك بنص عقل لا تعصب
عامر:حكيها بجيب الفضايح انا كل قصتي مع سلام اعجاب وصحيح حكيت معها بس والله ما اتعديت حدودي ابدا وما وعدتها بشي
عزمي:خلص ولوو روق وازا ناسبت امين منصير نشوف شيماء بالمعية
فرط ضحك عزمي وسيدرا نفخت ب غضب وعامر ابتسم لجنانو
عامر:هههه ياربي الناس مصيفة
عزمي:خوفي يطلبو يشوفوك وتروح وما تفوت من الباب
عامر:ههه لا شفت باب بيتهن عالي لا تخاف
....
ببيت اهل امين كانو شبه مصدومين نسوان بيت الآغا بزيارتهن مسدءين ومو مسدءين ترحيب وتأهيل وقعدن بالمضافة
ام امين:اهلا وسهلا نور البيت والله
نوارة:بوجود اصحابو منور
فاتت شيماء وسلمت عليهن وكانها وحدة من هالعيلة بس لانها رفيقة بلسم
ام عزمي:كيفك بعد الزواج
شيماء:الحمد لله خالة كيفها بلسم طمنيني عنها
ام عزمي:بخير الحمد الله
نوارة:رح ندخل بالموضوع دغري...نحن جايين مشان ابن ابني عامر
ام امين:الله يسلملكن اياه
ام عامر:حابة افرح فيه تفرحي بولادك انشالله
ام امين: تسلمي يارب
شوي وفاتت آية ولعيون كلها عليها وابتسمت ام عامر برضا
ضيفتهن القهوة
نوارة:اقعدي حابين نشوفك
اشرتلها امها وقعدت بجنبها كانت خجلانة لدرجة ومو مستوعبة لسى الصبح شافها
بعد لزيارة اتفقن على رد الخبر بأسرع وقت
بطريقهن للبيت
نوارة:اسم الله حولها
ام عزمي:والله وبيعرف يختار
ام عامر:لساتني تحت تأثير الصدمة
نوارة:يا حسرتي على بديع
ام عزمي:تساعلو امو بعروس مو ناقصو شي
نوارة: الله يختارلو الاحسن
ام عزمي:بس على فكرة انبسطو الجماعة بزيارتنا
ام عامر:وانا لاحظت هيك الله يجعلها من نصيبو
وقت وصلن الكل بالانتظار
عزمي:شو هاتن لبشارة
نوارة:يعني متل عادات كل اهل التلة ناطرين منهن رد الجواب
ابو عامر:الله يتمم على خير
كان عامر مبسوط لدرجة ومو مسدء يتركوه ويبقى لحالو ليفكر بالموضوع اكتر
. .......
ببيت اهل امين لساتهن بالمضافة وعم يتناقشو
امين:معقول يعني
ام امين: شو المعقول
امين:مين اخد منو الخضرا
ام امين:انو خضرا
امين:انا بعتت معو الخضرا الي وصيتيني عليهن
ام امين: انتي أية اطلعتي عليه
آيه بتردد:اي ...
شيماء:الزلمة فيه شرف يعني شافها وبعت اهلو
ام امين:ومشالله الجماعة من احسن الناس
بقلبو :اي والله بيتناسبو بيت الآغا
ام امين:شو اشاور اخواتك
امين:شاوري
ام امين:وانت شو رايك
امين:من احسن الناس وعامر بينضرب فيه المثل اخلاق وادب
ام امين:وانتي أيه شو بتقولي
اية:الي بدكن اياه
شيماء:شو بدك احسن من هيك وحيد أهلو كمان
امين:يلا شيماء بدنا نمشي
ام امين:بس توصل خبرني...
امين: ولا يهمك
طلعو سوى كان لسى مصدوم من سرعة عامر
شيماء:ليش ساكت
امين:مستغرب فيه
شيماء:يمكن مافي حدا ببالو وعجبتو أية
امين:يمكن
شيماء:يلا وبتصير اختك كنة لبيت الآغا
امين:يلا الله يقدم اللي فيه خير
تاني يوم بعد المشاورات اتصلت ام امين بأم عامر واعطتها الموافقة ليصير موضوع خطبة عامر محور الحديث وسمعو فيه كل اهل التلة ووصل الخبر للمدينة
..........
كانو ملتمين يشربو قهوة الكل بدون استثناء ومحمد عم يحكي مع عزمي لانو متصل مخصوص يفرحو برفيقو وابن عمو
محمد: اتصالك غريب
عزمي:حط احتمال انت
محمد:والله ما ببالي شي
عزمي:خبر رح تفرح فيه كتير
محمد: مسروق البيت يعني
عزمي:هههه هيك طلع معك
محمد:مو ببالي شي احكي خلصني
عزمي:خود بارك ل عامر بدنا نفرح فيه
محمد: شو هالحكي...وينك ولاه
عامر:اهلين ابو رسلان باركلي
محمد:مبروك يا زلمة اعتمدت يعني
عامر:اي الحمد الله
محمد:ومين صاحبة النصيب
عامر:اخت أمين
طبعا مو غشيم عن خلقتها محمد كانت عطول تطلع وقت يروح لعند امين وتبصبص عليه
محمد:وين شفتها
عامر: بالصدفة
محمد:واتقدمتلها
عامر:والخميس الخطبة ومارح يكمل فرحي بدونك
عزمي:تعال التلة بدونك ماحلوة
محمد:ما بيتأجل الموضوع
عامر:لا يا زلمة ودغري العرس
محمد:يخرب بيتك ليش مستعجل
عامر:خايف يدعسني القطار
محمد:هههه على كلا مبروك ومنتشرف
الكل منتبه للحديث وبعد ما سكر
حنان:شو القصة
محمد:خطبة عامر الخميس
وفجأة اتغيرت ملامح سلام بس مو متل اول مرة بتنصدم فيها
ام مهران بقهر:ومين هالمرة العروس
محمد:اخت أمين
حنان:هيك لكن
مهران:ناس خربت بيتها وناس بدها تعمر بيوت
ابو مهران:الي من ايدو الله يزيدو
بلسم:بس ما عزمنا
محمد: انا وانتي واحد بس مابعرف ما عزمو اهلي
ام مهران:ايه ازا عزمو منتشرف ليش لا
نيفين:وانت رسلان بتروح
رسلان:لا يااا مستحيل
مهران:ولا انا مابروح وانتي ممنوع تروحي
ام مهران:وما احلاها وهي رايحة
سلام:ما بروح لا تخافو
طلعت مو عاجبها ومحمد لسى متحلفلها على كبر راسها ولا كانها اتطلقت وهي عروس
............
بفترة الظهر كل يوم بكون ناطر قهوة من تحت ايدين بلسم وبكون الو نكهة خاصة والهن جو خاص اتصال مهران بهيك وقت مو وارد بنوب
محمد:الو
مهران:وينك انت
محمد:بالبيت
مهران:انا بالمستودع بدي اشوفك
محمد:ما بيتأجل
مهران:ربع ساعة بتكون مزروع زرع بالمستودع
محمد:طيب ماشي
بقلبو:ازا مشان البيت شو اعملو يحاسب بابا انا ما دخلني ومابدي كمان
كانت بلسم مجهزة القهوة وهو عم يلبس الجاكيت
بلسم:عندك مشوار
محمد:اي
بلسم: والقهوة
محمد:بس ارجع
بلسم:لوين رايح
محمد:ما بطول
تركها وطلع وقبل يطلع بسيارتو وقفو جراح
جراح:لمعلم بدو نحن نوصلك
محمد:شو القصة
جراح:هيك الاوامر
محمد:....
رجع سكر السيارة ولحق جراح ببالو مية اشارة استفهام وصل للمستودع وقت نزل مسكوه تنين من مرافقتو وابدا مو مستغرب هالمعاملة رفع ايديه وبعدهن بعصبية
محمد:بمشي لحالي
المرافق: هيك الاوامر
شحطوه شحط لجوى كان المستوع عبارة عن صناديق كتيرة والارض كلها غبرة ومو نظيفة رموه بالارض بقوة وقف مهران واتقدم لمستواه ضل بمكانو يستوعب والمرافقة وراه دغري
محمد:شو في عندك اليوم
مهران:ايوا الي ببالك
محمد:شوفي ببالي
مهران:بيناتنا تصفيات
محمد:هي مو طريقة تجيبني فيها لعندك
مهران:...
اشرلهن وبلشو يشلحوه تيابو
محمد:مهران خليهن يتركوني.... لك شو بدك مني
مهران:ثبتوه بالارض
خلوه بدون بلوزة وثبتوه من رجليه وأيديه اشر للمرافق واجى وحامل أبرة واعطاها لمهران الشي الي خلا محمد يهستر
محمد:شو بدك تعمل مهران
مهران:هي ابرة كيف وبسط
محمد:لا تعملها فيني بترجاك
مهران:لا تخاف الكمية كبيرة بعطيك وبتساعدك باوقات دوامك مابتحس رح تسهر بدون تعب بتعطي طاقة كمان
محمد:لا لا مهران بعدها عني
مهران:انتي بشو غلطان معي
محمد:والله ما علاقتي بالبيت والارض وانت شفت واسمعت
مهران:بس انت ما اعترضت
محمد:بتنازلك عنهن
مهران:لا لا مابدي حابب اشوفك مزهزه
محمد:لا مهران بترجاك لا تبليني
مهران:في نوعيات كتيرة بس هي مفعولها فوري
محمد: بعدها عني
مهران:والمقابل
محمد:بعمل شو مابدك
مهران: شو بدي منك يا ترى
محمد:بعدها عني
مهران:يعني خايف
محمد:انا حتى الدخان ندمان اني ادمنتو
كانت الإبرة قريبة من ايدو كتير لهيك نار عم تطلع من جسمو متوتر وخايف على حالو من الي فيها
مهران: ليش عيشلك يومين مبسوط
محمد:عاجبيتني عيشتي
مهران:بتعرف مين سعالك بالاجازة
محمد:اكيد انت
مهران: وما سدءت تصير بين ايديي
محمد:انا اخوك ماني عدوك
مهران:لا مو اخي انت شايف الفرق بيناتنا شو جاب البيك ل عنصر عادي
محمد:متل مابدك
مهران:لا ممنوع تسايرني بدك تحكي الحقيقة وتعترف بالفرق بيني وبينك
محمد:...
مهران:زمان ما ضربتك...وانت حاسس حالك صاير زلمة
محمد:بعد عني هالابرة
مهران:بس رح اتشفى فيك
محمد:خود شو مابدك
مهران:ابوك رسلان وبدي اخد شو مابدي بتعرف انو رجع ملكية السيارة الك وكتبلك البيت مع الارض محصول الزيتون انت المسؤول عنو جوزك لبس مرتك دهب
- النص المستخرج من الصورة: 📝
Kis 1
يب
انت المسؤول عنو جوزك لبس مرتك ذهب كوميات شايف كل
هاد ما عملي منهن شي
محمد حتى انا مستغرب ما كان حنون عليي
مهران من يوم يومك فلذة كبدو من وقت اجیت وسلبت عقلو
ل رسلان
محمد لكن ليش رميتوني بالفرع
مهران: هي الشغلة الوحيدة الي طاوعني فيها انا اقنعتو انو
لمصلحتك بس بعد فترة اكتشف انو طلعتك من الفرع يعني
موتك الاكيد وصار يتلوى على حبيب قلبو وابنو
:محمد شو ذنبي بكلشي حكيتو
مهران: ذنبك انو رسلان بحبك اكثر مني
محمد ما كان هيك اتذكر كيف كان يعاملني
مهران بعد ما اكبرت وصرت نسخة عنو كلشي اتغير وانا
شايف فيك عدو مواخ
محمد بعمري ما ازعلت منك رغم كلشي عملتو فيني ولا مرة
اكرهتك من قلبي
مهران بدي تكرهني
محمد....
مهران رح اخد حقي بايدي
رجع الإبرة للمرافق وهو كان قاصدو يشوفو خايف وحقق
مرادو
مهران جلسوه
وقفوه غصب عنو وضربو اول كف
غمض بقهر واسودت الدنيا بعيونو
مهران: قوي ولا بدك الاقوى
محمد: خلصت
مهران اي بتنقلع مثل الكلب مشي كان عم ياخد نفس اخد
الجاكيت من الارض
مهران هاتها انا باخدلك اياها بطريقي
محمد بدك اياني امشي هيك بالشارع
NA LAK
.......
- النص المستخرج من الصورة: 📝
۲:۲۳ ص
اا
K/S
مهران صحلك هالشمس كلها فوائد يلا
انسحب من المكان قلبو مليان على مهران ولولا وجود
مرافقتو كان ردلو بدل الكف عشرة راجع للبيت ومو شايف الا
السواد متجاهل منظرو وكيف ماشي بدون بلوزة لوصل للفيلا
بعد ربع ساعة مشي وتعب
وقت فات للبيت انصدمت مو بس انا الكل استغربو كان بدون
بلوزة وطلع للغرفة مستعجل الحقتو لاعرف شو القصة وماني
متوقعة شي معقول متخانق مع حدا فتت للغرفة دورت عليه
بعيوني ولمحتو قاعد على البلكون بالارض ولساتو بدون بلوزة
قربت منو لاعرف وين كان وليش شالح القميص
بلسم شو صاير معك
نفخ بتعب
محمد: اتركيني بحالي
كان خدو احمر مبين حدا ضاربو بس ما اتقبلت هالشي
ونكرتو
بقلبي معقول حدا ضاربو يا ترى مين عامل فيه هيك
بلسم وين كنت
محمد: اتركيني واطلعي
بلسم ......
انسحبت لجوى الغرفة كنت مراقبيتو كيف عم يطفي سيكارة
ويشغل وحدة تانية وقلبي محروق عليه الله ينتقم من كل
حدا سبب حزنك الله يكسر ايد الي ضربك
بعد ساعات طويلة كان مو شايف الا الانتقام بعيونو وبدو يرد
الصاع صاعين
وقف وفات للحمام غسل ولبس لبلوزة ونزل لتحت كان ناطر
مهران ايديه عم يرجفو ويتمشى رايح جاي لحتى وصل
اتنفس براحة وراح يستقبلو اول ما شافو مهران ابتسم
بخباثة
محمد طولت
- النص المستخرج من الصورة: 📝
۲:۲۳ ص
K/S
مهران اشتقتلي
محمد: اي وبدي اياك على جنب
كانت نيفين مستغربة بس مهران مو خايف منو ابدا لحقو بكل
غباء مهران لورا الفيلا ودغري استناولو بوكس وقعو بأرضو
بس ما كفاه محمد رجع ركلو برجلو على وجهو بكل قوتو
خلى الدم يطلع من تمو وانفو
مهران: انت شو عم تعمل
محمد لسی ما شفت شي يا ابن رسلان
مسكو من قميصو وثبتو بالارض رغم انو مهران حاول يبعدو
ويتحكم فيه بس محمد عندو مهارات قتالية عالية
ضربو نفس الكف الي دوقو اياه
مهران: انت جنیت
محمد بكون ابن حرام ازا بسكتلك
مهران جراح
محمد: لو بتنادي لكل الدنيا لاخد حقي منك
حط رجلو عند رقبتو وحاول يخنقو فيها
محمد مكانك تحت رجلي بصرمايتي انت وكل مرافقتك انت
اتماديت واليوم رح احطلك حد
رجع دفشو برجلو وبزق على جنب
وفات تارك مهران يستوعب كيف محمد ضربو وذلو فات
لجوى الفيلا ودغري ل غرفتو وبعدها فات مهران وانصدمو
بس الكل بيعرف انو محمد ضاربو كان عم يمسح الدم ونيفين
مصدومة من هالشوفة
ام :مهران على شو تخانقتو
مهران ابنك عم يفاول على حالو
حنان: هو الي عامل فيك هيك
مهران: والله لیندم
رسلان: عمي اصيل مستحيل يعملها
ابو مهران شو عامل فيه لحتى ضربك
مهران طبعا لازم اكون عامل فيه شي اخلاق ابنك عالية
لدرجة
- النص المستخرج من الصورة: 📝
Kis
٢:٢٤ ص
ابو مهران لو مو عامل فيه شي ما كان ضربك
مهران والله لاربيه
ابو مهران ازا لسى بتقرب صوب اصيل لا تلوم الا حالك
مهران هيك صار الحكي يا رسلان
ابو مهران انت واحد قليل ترباية
مهران انا ولا ابنك لك كيف اتجرأ وضربني
بقلبو: وايدو كأنها حديد وعندو عزم اقوى مني
ابو مهران روز اطلعي لغرفة اصيل وخبريه ينزل دغري
شوي ونزل ومعو بلسم بس كان مروق كتير عکس مهران
كان مثل كتلة النار المشتعلة
محمد طلبتني بابا
ابو مهران من ايمتى بتمد ايدك على اخوك لكبير
محمد بس هو صغير بافعالو
مهران: يعني انت لكبير بافعالك
محمد ليكني كسرتلك راسك وحتى مرافقتك ما أتدخلو
مهران بس رح تندم
محمد كلنا بالحال واحد
ابو مهران من اليوم وبالرايح ازا بسمع انو واحد منكن اتعدا
على اخوه لا تلومو الا حالكن
محمد انا خلصت بس من بعد اليوم الكف رح ينرد عشرة
مهران...
بصير
ابو مهران: خلصنا بقى الي عم تعملوه ما
محمد فهم ابنك محاضراتكن حافظها خلي غيري يحفظها
طلع هو وبلسم من البيت تاركين مهران يفور ويغلي...
بالسيارة طالعين من الفيلا قبل تحكي بلسم سكتها
محمد: ما بدي احكي بالموضوع
بلسم شفتك وانت عم تضربو
محمد....
بلسم هو الي عامل فيك هيك
محمد: شو رأيك
- النص المستخرج من الصورة: 📝
Kis 1
٢:٢٤ ص
بلسم انت روقت
محمد لدرجة وين حابة نتعشى
بلسم : الك نفس
محمد : لاول مرة بكون الي نفس هيك
علا لصوت الاغاني على الاخير وبلسم مصدومة فيه وصلو
للمطعم وفرد سفرة اكل كبيرة كان عم ياكل بشراهة ولاول
مرة بزود بالاكل
بلسم يعني حابب الاكل
محمد النفسية مرتاحة
بلسم.....
وبعد العشى طلب حلو
بقلبو هلا برد قلبي لاول مرة بحس انو انا بني ادم مهران ذلني
كل هالسنين واليوم اخدت حقي منو
بعد ما خلص حاسب وطلعو بس مو بالسيارة مسك أيدها
وكملو تمشاية بجنب المطعم كان في زحمة وناس كتير
بسطات فيها هدايا والعاب وقف عند بسطة مليانة
اکسسوارات شاف قلب ومنقوش عليه كلمة (آراكي نصفي
الآخر) اشتراه وهي اختارت عبارة (دمت لي شيئاً جميلاً)
علقها دغري مع المفاتيح لانو ما بيفارقوه ابدا
وكملو تمشاية
بلسم وازا ضاعت منك.
محمد: لا ما بتضيع خوفي تضيعيها انتي
بلسم مستحيل انا بحب الهدايا كثير
محمد اكثر مني
بلسم لا انت التوب بحياتي
محمد يعني اغلى من اهلك
بلسم : على قلبي اغلى من حالي
محمد ههه لك ليش عاملة بحالك هيك
بلسم يمكن انعديت منك
محمد لا نحن طبيعتنا هيك منحب بكل ما فينا
بلسم مين نحن
- النص المستخرج من الصورة: 📝
٢:٢٤ ص
محمد عيلتنا
Kis 1
بلسم بس انا مقتنعة انا انعديت منك
محمد يمكن لانو كل الوقت عم تتنفس سوى
بلسم اي هيك بتعرف انا اتعودت على تقلباتك المزاجية
محمد لهيك ما ازعلتي
بلسم اي واتفهمتك مع انو ما هان عليي تكون بهيك
حالة .... بس كمان وقت شفتك عم تضربو اتاكدت انو هو عامل
فيك هيك مع اني ضد انو الاخوة يتفرقو بس كان بدو اياها
محمد : ما بتوقع يسكنلي
بلسم معقول
محمد الاحسن نسافر قبل زواج عامر
بلسم كانو مستعجل
محمد هههه بس اتزکر مین عروستو
بلسم والله حلوة انا بعرفها
محمد: اي بس مولدنة
بلسم : هي بتبين هيك وبعدين ماحدا بيضل على حالو بعد
الزواج
محمد بس
لازم اعرف وين اتعرف عليها هاد امين كان عامل
عليها حجر وما تطلع بس للامانة كنت كل ما اروح لعندو تفتح
الباب وتضل صافنة وبدها تطق حنك يمكن امين عامللها
توحد وكان بدها اي حدا تتفرج عليه
بلسم : ايوا هاد الي كان ناقص
محمد لك صغيرة من جيل بناتي
بلسم ع اساس عندك بنات
محمد هههه لك بقصد وقت الي كنت بالتاسع امها جابتها
بلسم يا عيني وحافظ عمرها
محمد عهههه لانو امين بوقتها حلانا هي البنت الوحيدة للعيلة
بلسم اي بعرف وكان امين اخر العنقود
محمد هههه اما شو اخر عنقود للكب دغري
بلسم بس كأنو سلام كانت متأملة
محمد من ايدها بتعرفي انا مستعد اسدء عامر وما اسدءها
- النص المستخرج من الصورة: 📝
٢:٢٤ ص
بلسم محمد كانت علاقتك بسلام قوية
محمد قبل تصغر عقلها من وقت اعرفت انها حابة وهي
مخطوبة نزلت من عيني بستغرب من الي بيخون بسهولة
بلسم ع اساس انت ما بتخون
محمد : ما خنتك رغم انو ما كان في امل تحبيني
بلسم والي عملتو اسمعتك لا تنكر
محمد الخيانة انك تاخدي العلاقة جد انا كنت مسايرها
مسايرة لانو بعرف حالي شو بدي ومع مين لازم اكون
بلسم يعني انت صاحب موقف
محمد وموقفي طويل ما بخلص
بلسم : خهههه انا اتعبت
محمد: يلا لكن
رجعو للسيارة الجو بكل مافيه حلو كان عم يقتلها بكل
المدينة وبعدها رجعو للفيلا سكر بواب السيارة بنفس
التوقيت
محمد: دخلك مين بيستعمل سيارتي بغيابي
بلسم ما حدا ... مرة شفت مهران بدو يطلع فيها وكانو عمي
بهدلو سكرها بعصبية ومن وقتها ضلت بمكانها
محمد هههه رسلان ناوي يجلط مهران
بلسم هههه هاد اسمو ابوك
محمد اممممم هيك لكن
فاتو سوى تحت أنظار الجميع لساتو مهران قاعد ومعصب
ومحمد مروق ومبسوط أتأمل مهران وكيف الضرب معلم
بخلقتو والا يغني بصوتو الحلو
محمد بدك ترجع ولا شو ؟
زعلان مني بلا شو؟
عيونك هني بلشو بالظلم والبادي أظلم
غمزو غمزة كلها تحدي وطلع وهو يكمل
محمد بدك تنسى ولا شو انا جرحتك بلا شو عيونك هني
بلشو بالجرح والجرح معلم
........
- النص المستخرج من الصورة: 📝
٢:٢٤ ص
ll O
مهران فوق قلة ادبو وبيغني كمان
ام مهران يكون سامعها بالسيارة
مهران: لا مجاكرة شفتي كيف عم يطلع فيني
نیفین: خلينا نرجع مهران
رسلان انا انعست بابا
مهران انقبر نام هون وانتي يلا لغرفتنا
سلام: بدك تنام هون
مهران اي قاعد على قلبو
سلام ماما ليش ساكتة احكي اصيل نازل فينا واحد واحد
ام مهران شکلو بلش يرد الصاع صاعين
مهران كانك مبسوطة مريم خانوم
ام مهران لا ابدا بس اذا انت الي ضاربو حقو
:مهران: صرتي تعرفي الحق
ام مهران منیح رجعتو للبيت ضاربو وبدون تياب على شو عم
تعاقبو
:مهران خفتي عليه يعني؟
اتحلفلها وطلع ل غرفتو ولحقتو نيفين ورسلان
حنان: اي ما حلوو رجعتو للبيت بهيك حالة
سلام بيستاهل لو مو عامل شي ما بيتعاقب
حنان شو بدها تحكي علينا الناس اخوة وعم يتقاتلو
سلام وشفتي كيف ضرب مهران
حنان انا هيك قصدي مين بيعمل هيك غير اخواتي
ام مهران خلصنا بقى كل وحدة لغرفتها يلا
بقيت لحالها وهي مو متخيلة كيف ضرب اخوه الي اكبر منو
وردة فعل ابو مهران اكدتلها انو بصف اصيل ضد ابنها الي
ربتو على التسلط والتجبر
عشق الأصيل 14 الموسم الثاني
لزيارة للتلة كانت سريعة وجوازة عامر خلت وصفية تقطع علاقتها بأهلها بس بدون ما تحسسهن بشي على اساس مشغولة بولادها وبيتها وبعد عرس عامر رجع محمد لدوامو تارك بلسم بشهور حملها الاخيرة الإجازة الجاية على الاكيد رح تكون بشهرها او معها بيبي صغير وهالشي خلى اتصالتو تزيد صبح وظهر وعصر وحتى قبل ينام يحكي معها او يبعتلا رسالة يطمن عليها هو بيعرف انو تاركها مع عيلة وحوش وبنفس الوقت ما فيه يتركها بالتلة كان ضد عقلو انو يفكر فيها ايوب مجرد تفكير او تخطر على بالو لو بالغلط كان عم يلبس البدلة وبجاهزية تامة لبس الجعبة الخاصة بالمخازن وطلع مع مجموعة العناصر المتكلفين بحماية فاروق بيك
طلع بالسيارة وانطلقوا ورا سيارة فاروق بيك بهيك مواقف ما بتخطر على بالو الا بلسم بيخاف يصير عليه شي
بقلبو:لمين بدي اتركها حاربت كرمالها الدنيا وحلم حياتي كان اتملكها وصارت الي وبتحبني متل ما بحبها ياترى كم يوم هالمهمة ولا رح تخلص بنفس اليوم
فادي: بغير عالم حبيبنا اللزم
محمد:انت بأي عالم حالياً
فادي: اتطلعت بنفس الاتجاه الي عم تطلع فيه يعني مو مستحق هالصفنة
محمد:هالبال مو مرتاح
فادي:هاتلك شي هم فضفضلي بترتاح
محمد:مبدئي بالحياة ما بيسمحلي اشكي وابكي لحدا متعود اشيل همومي وازا عندك هم هات لشوف
فادي:دخلك في حدا مو مهموم
محمد:شوف همومنا نحن الشباب ما بتتقارن بهموم اي حدا تاني
فادي:اتحفني
محمد: يعني بدك تشيل هم حالك وهم خوف اهلك عليك وازا عندك مراة او خطيبة او حبيبة كمان بدك تشيل هم تتركها بهالدنيا لحالها ورح تموت الف موتة ازا تخيلت من بعدك تروح لحدا تاني وازا عندك ولد او جاييك ولد على الطريق هون خلص لازم تسعى للاستمرارية ويكون دفاعك عن نفسك أضعاف مضاعفة
فادي: بتسدء جاوبتني جواب متكامل اي صحيح نحن الشباب اكتر فئة مظلومة بهالمجتمع
محمد:ياريت عاجبين حدا....وعلى فكرة من وجهة نظرهم انت انسان فاشل عديم المسؤولية اتكالي وعبئ كمان
فادي:انت خطير...بتعرف انت لو مكمل دراسة بيطلع منك دكتور
محمد:لا ما بيطلع مني شي شايفني هيك
اتأملو منيح
فادي:اي
محمد:هاد شكلي والي ما بتعرفو عني زميل انا بزماني عملت مشاكل اكتر من عدد شعر راسي كنت متمرد عصبي اناني لدرجة وبحب أذيه الناس اسرق وحتى ازا في حدا ماشي بالطريق بوقعو
فادي:مو مبين عليك
محمد:هالكم سنة تغيرت حالياً انا مسؤول عن افعالي وتصرفاتي
فادي: ومن قبل
محمد:الجو الي عشتو هو الي كون شخصيتي
فادي:افهم منك عشت ظروف سيئة وانت صغير
محمد:قلتلك مابحب اشكي وابكي
فادي:صار عندي فضول احكيلي وبنسى دغري
محمد:باختصار عشت تحت تسلط وتحكم أهلي وكنت برى البيت اعيش بالطول والعرض لانو جوى البيت ما كان صوتي مسموع وحتى ما كان مرغوب فيني
فادي:مع انو معرفتي فيك ك زميل سطحية بس ماشفت منك صفات سيئة وانت بتقول انك كنت تسرق انا بعرف هالصفة بترافق الشخص حتى بعد ما يكبر
محمد:اي وقت يورثها عن اهلو بس انا كنت اسرق لانتقم
فادي:هههه والله انك خطير اول ما حكيتلي عن موضوع السرقة ما سدءتك صرلي فترة بحط مصاري ودخاني بجنبي ومابعمري فقدت شي
محمد:ما بمد ايدي على شي مو الي ومو بعيني مصاري ولا حتى دخان مستعد ابطلو ازا مامعي مصاري لاشتريه بس انت جرب اعملك شي فصل والله لتلاقي تيابك الي لابسهن مسروقين
فرط ضحك عليه
فادي:انت خطير عنجد
محمد: بتسمحلي اصفن من جديد
فادي:اتهنى بس قريب نوصل
محمد:بلحق لا تخاف
بقلبو:اي ياريت كملت دراسة كنت هلا لو موظف عادي محترم الو مكانة بين الناس مو شقفة عنصر بينزكر اسمو عند المشاكل والمصايب ومابعرف ايمتى ساعة الغفلة الي رح تروحني
لو اتعاقدلي مع شي كاتب يخلد اسمي للتاريخ وياترى عنوان الرواية شو بدو يكون؟؟؟ أصيل صنع المستحيل
كانت مبتسم ابتسامة كتير حلوة خلت فادي يبتسم معو
اتأمل لبسو واتفقد المخازن وغمض عيونو مستسلم للقدر
...............
كنت مع العيلة سهرانة اخر رسالة بعتلي اياها( انا بمهمة بس ارجع منحكي يمكن يطفي موبايلي كمان لا تشيلي همي)
ام مهران:سو بلسم مافي بوادر عندك
بلسم:متل شو
ام مهران:يعني حركة كتيرة وجع شو حاسة
بلسم:يعني في نغزات بس بوقت النوم بتزيد
نيفين:وين ناويين تولد مرت عمي
مهران: اكيد بالبيت
سلام:مابقى حدا يولد بالبيت
مهران:بتسافر للتلة
ام مهران:ايوا علقنا مع اصيل
مهران: صايرة تخافي منو
ام مهران:مو خوف بس وصاني قبل يمشي اخدها للدكتورة وهي بتحدد
حنان:يعني ما نسي
ام مهران:ما بينسى يعني يومين وجهزي حالك منروح للدكتورة ومنطمن
نيفين:انشالله تقومي بالسلامة
بلسم:الله يسلمك
نيفين:ورح يرجع أصيل وتصيرو تلات
سلام:الله يسترنا رح يشل البيت هو وابنو
مهران:متل اخوكي مافي عن عشرة لانو
بجية عمي كالعادة مسى علينا وطلع ل مكتبو ومتمنية اعرف شوفي بالمكتب
ياريت لو محمد بيناتنا على اد ما بيحكو اصيل كنت رح انسى اسمو
ياترى شو عامل الدنيا ليل واكيد تعبان من الدوام الله يحميه يارب
.......
بفترة الظهر وبرى فيلا فاروق بيك كان محمد مناوب بفترة الحراسة عم يتمشى ويشرب دخان ولانو بمهمة رح يسافر لمحافظات مسؤول فيها فاروق بيك وطبعا متل اي عنصر بجاهزية كاملة كان يراقب كل المكان والأجواء وينتبه على أدق التفاصيل بطلعة فاروق بيك من الفيلا استعداد كامل للعناصر ضربولو تحية كلهن وقف ليعطيهن التعليمات
كانت سيارة فايتة للطريق بسرعة ومحمد متأكد انو في من وراها شي خطير خرطش الروسية ووجه سلاحو عليها وفضى كل المخزن تحت صدمة اغلب العناصر الي فزعو ليشوفو شوفيها السيارة كانو تنين ملتمين وخلال تفتيش السيارة طلعت جاية بهدف اغتيالو الشوفير دغري مات والي كان بجنبو اسعفوه بنفس اللحظة
كان لسى فاروق بيك تحت تأثير الصدمة وبعت ورا محمد الي كان مشغول مع بقية العناصر بالحادثة
ومو اقل منهن كان شبه مصدوم من الي كان رح يصير
محمد: احترامي سيدي
فاروق:انت كيف اعرفت انو السيارة مشتبه فيها
محمد:صرلي ساعة ونص مزروع بالمكان فاروق:اي
محمد:ونحن بمنطقة راقية واكتر السيارات الي بتفوت المكان من نوع تكسي اوسيارة حديثة والي لفتني اكتر شي انو الي فيها ملتمين
فاروق:...
ما حكى فاروق بيك بس كان معجب فيه وعم ياكدلو انو نظرتو فيه ما خابت
فاروق:الي نجى من الحادثة لازم يتحقق معو
اسير:بس معلم لرصاصة بمكان حساس وما بظن يوصل المشفى عايش
فاروق:بتجيبولي هويات هالتنين وبدي اعرف حتى مين نزل هالسيارة للبلد
اسير:حاضر سيدي
فاروق:كل واحد فيكن يشوف شغلو وانت اصيل الحقني
جوى الفيلا كان فاروق بيك مبين عليه انو خايف وبنفس الوقت مرتاح لانو نجى من محاولة اغتيالو
فاروق:انت ما لازم تكون عنصر عادي
محمد:ليش شو عملت سيدي اي عنصر بمكاني رح يعمل الي عملتو
فاروق:قوة قلبك وثباتك على هدفك بالنسبة الي من احسن الصفات بعد هالمهمة رح تترفع برتبة تليق بذكائك وفطنتك وامانتك كمان
فيك تشوف شغلك
محمد:احترامي سيدي
ضربلو تحية وطلع ليتابع مع بقية العناصر اخر المستجدات وبعدها شي استلم تحقيق بالحادثة وشي اتكلف يتابع المهمة مع فاروق بيك .
..............
عند الدكتورة كانت عم تفحصني وحماتي مهتمة كتير
ام مهران:شو دكتورة طمني
الدكتورة:الاحسن تولد قيصرية
ام مهران:في شي
الدكتورة:حسب تشخيصي الجنين لسى مو متداير ومتل ماقلت الاحسن القيصرية
ام مهران:ومبين شوفيها
الدكتورة:والله اعلم صبي
ارتاحت حماتي واطمنت كمان
ام مهران:الله يبشرك بالخير يارب
الدكتورة:شغلة اسبوع منحدد موعد الولادة
ونحن طالعين رمتني نظرات لا تفسر
ام مهران:ليش مخبية انو فيكي صبي
بلسم:ما خبيت
ام مهران:ازا حملك خبيتيه بدك تحكي انو فيكي صبي هلأ عمك رح يفرح كتير انتي مجهزة للبيبي شي
بلسم:اي امي جابتلي لديارة وجبتها معي
ام مهران:ايه يكتر خيرها
كان بالي مشغول على محمد وكنت حابة اطمنو عن حالي بس لساتو مسكر ومابعرف ازا بيجي بموعد ولادتي ولا بعد
ارجعنا للبيت كنت تعبانة ودوبني عم اقدر اطلع للغرفة بالغرفة قعدت اخد نفس حطيت ايدي على بطني واحساس حلو اتملكني
بلسم:يعني قربت يارب كملها معي
كنت ناطرة يفتح محمد بفارغ الصبر بس ما كان يفتح ابدا
...........
ببيت الست نوارة يوم الوداع الأخين ابو عزمي وابو عامر والمشاعر كلها حزن بالاخص امهن الي عم تكبر سنة عن سنة وولادها بعيدين عنها العروس الجديدة موجودة وصارت من هالعيلة
نوارة:طمنوني عن ابو بديع
ابو عزمي:ولايهمك
ابو عامر:منخليه يحكي معك
نوارة: اقنعوه يجوز ابنو والله متل الوردة بديع
ابو عزمي: أنشالله امي لا تشيلي هم
وصار وقت الوداع الي متعودينلو الشباب لهيك ما رفلهن رمش بس سيدرا وبيلسان غمرن ابوهن وبكين وام عزمي اكتر حدا حنون بالموجودين مسحت دمعتها المكسورة وودعت جوزها بهيك يوم البكي ما بيخلص من زعلهن اجت التكسي وطلعو عامر وعزمي معهن حطو الشناتي بالسيارة
ابو عامر: مابدي أوصيك بستك
عامر:ولو بعيوني
ابو عزمي: والاحسن تضل عنا
عزمي:مستحيل اتركها تنام لحالها انتو لا تشيلو هم
ابو عامر:لعيال بامانتكن
عزمي:ولايهمكن
ابو عزمي: تضلو بخير
ودعوهن لاخر مرة وطلعو من الحارة
عزمي:شو بشع لفراق
عامر:اي والله يا حرام يا بلسم
عزمي:ليش يعني
عامر:عمي سافر بدون ما يودعها
عزمي:خلص بلسم صارت بغير عالم
عامر:ورح تزوروها اكيد
عزمي:انا مافيني بس ماما وستي على الاكيد
فاتو لجوى وشافوهن عم يمسحن دموعهن
عامر:يعني شو بأثر وشو بغير اتيسرو
نوارة:الله ييسرلهن يارب
أية:متل ما ودعتو تلاقو
ام عامر:تلاقي كل خير
عامر:يلا بشوفك ما الك نفس ترجعي
ستي: بترجعو على الغدا
عامر:ليكون في نفس بالاول
اخد مرتو ورجع تمشاية هالشارع ىبيشهد على كل قصص هالعيلة
اية:كانك مو زعلان
عامر:لا والله يا عمري مو كتير
اية:مابصير
عامر: مابغير شي الزعل بالعكس لازم افرح لانو لساتهن بصحتهن وعافيتهن
اية:ليش بسافرو حالتكن ميسورة
عامر:الارض ما منها مردود يومي من الموسم للموسم ولولا الغربة كنا متنا جوع
اية:اي معك حق
عامر: اشتقتلك يا قلبي
زاد خجلها مسكلها ايدها وشد عليها
عامر:يسلملي الخجول الي من نظرة وقعني بحبو
اية:بس نظرة
عامر:وغمزتك حفرت بقلبي
اية: عنجد مانك زعلان
عامر:لا انا عامر
اية:هههه يا الله شو بتحب المزح
عامر:اي مافي احلى من الضحك
اية: انا حابة ازور اهلي
عامر:اكيد مو اليوم
اية:بكرى
عامر:اي اتفقنا
اية:وانت
عامر: شو انا انتي زايرة اهلك
اية:بتيجي تسهر.
عامر:كرمال عيونك بس
اية:ليكون مابتحب اهلي
عامر:مابحب حدا اكتر منك
اية:بس امي بتحبك اكتر من اولادها
عامر:صهرها الوحيد لازم
اية:وعلى طول بتوصيني فيك
عامر:دخيل قلبها حماتي خلص لعيونك سهرتي بكرى عند اهلك
ابتسمت برضا وهو انسحر اكتر فيها وجاية على كيفو وكيف اهلو ادب واخلاق ونظافة ما كان حال بيتهن على عهد سيدرا بهالنظافة.
فاتو للبيت وسكرو
..........
كانت سيدرا كئيبة وحزينة والسبب مو فراق ابوها مشاكل كتيرة مع عزمي والسبب غيرتها المجنونة عليه وأوامر بيفرضها عليها لانو مابدو امو تتعب ابدا
بقلبها:ياريت احبل ساعتها مارح ترفضلي طلب
اتزكرت كلام الدكتورة
الدكتورة:لازم تستمري على العلاج
ام عامر:يعني مارح يصير عندها حمل
الدكتورة:نسبة ضعيفة جداً استمري على الدوا
سيدرا:يعني تحاليل جوزي فيهن شي
الدكتورة:تحاليلو سليمة مية بالمية
ليزيد الاكتئاب اتزكرت انو بلسم على وش ولادة
بقلبها:كلشي بتمناه عايشيتو ومو عاجبها خدم وحشم وعز وجاه وحب وهلا اولاد اووف صاير ما اطيق اسمع بأسمك
وقت فات عزمي جلست حالها
عزمي:ليش هون
سيدرا:شوفي
عزمي:الغدا عند ستي
سيدرا:مالي نفس
عزمي:اي ما بصير
سيدرا:...
عزمي:حاجتك صافنة يلا
وبييت نوارة ما بتعترف بشي كانت اية هي الي تطبخ وتجلي وترتب ومخليه البيت متل الفلة وسيدرا بس ماسكة الموبايل وعم تقرأ نشرات طبية عن الحمل وموانع الحمل وكيفية الحمل ..
.............
بالفرع وتحديداً بمكتب فاروق بيك كان اجتماع لتترفع اسماء عناصر كتيرة من بينهن محمد الي تحت بالساحة نزل فاروق بيك ونائبو وقادة الحرس اسير وزميلو وبعد خطاب ليتشكرهن على همتهن ومجهودهن نادى باسم أصيل ليترفع ويصير برتبة ملازم أول
بعد ما اجتاز اختبارات كتيرة من بينهن الامانة والنظام والالتزام بكافة المهمام

رغم انو الكل عم يهنوه بس هو كان يستذكر لحظات دخولو للفرع وكأنو متهم وأبداً ما توقع يصير ملازم ويتكرم على مجهود بذلو عن طيب أصل مكتسبوا من عيلة هو فرد من افرادها وما خطر ببالو الا مهران الي مستحيل يتقبل فكرة انو صار ملازم أول وعلى كتفو نجمتين ورح يستلم قيادة فصيل ويكون المسؤول عنهن ويلتزمو بأوامرو
بقلبو:وهي قبل اصير اب اترفعت شو بدي احسن من هيك الحمد الله صحيح صبرت على شي امر من الصبر بس بلشت انال جزاء هالصبر
غمرو اسير وهو مفتخر فيه لدرجة
اسير:سيادة الملازم مبروك
محمد:الله يبارك فيك
اسير:مو تفكر رح تعطيني أوامر
محمد:لا العين ما بتعلى عن الحاجب
اسير:من هون وهيك رح تتسلم دفعة جديدة بالفرع وقال رح يصيرو يحسبولك حساب اجى الملازم وراح الملازم
محمد:هيك يعني ليكون مو عاجبك
اسير:انت الي عاجبني وبفتخر انو عندي صديق متلك واعز من اخ مو بس صديق
محمد: يلا لكن خليني اشوف شغلي ومهماتي لجديدة
اسير:بالتوفيق يارب
.......
وقت رحت للدكتورة حددتلي موعد العملية تاني يوم خفت وتوترت واصريت انو تيجي ماما تحضر ولادتي بعت عمي مين يجيبها واجت لعندي نيفين تساعدني بضب شوية اغراض ضرورية لازمة بالمشفى
بلسم: خايفة كتير
نيفين:الله الي بيسر
بلسم:قلة رد محمد عم تخوفني عليه
نيفين:لا تخافي ولا تحطي ببالك نفسيتك بتتعب لانو
بلسم:من ساعة الي رجع للدوام وانا مو مرتاحة
نيفين:لانك متعودة عليه
بلسم:لا مو شغلة تعويد بحس حالي غريبة بيناتهن
نيفين:لانك من العيلة لو انك وحدة غريبة رح يعاملوكي بلطف
بلسم:....
نيفين:يلا ريحي حالك ما بصير الا الخير
تركتني وراحت كنت ناطرة توصل امي لهيك رحت استنى على البلكون وقت اجى مهران رحت استنيتو عند باب غرفتوو لحتى طلع واستغرب
مهران:خير شو لازمة هالنطرة هون
بلسم:بدي اطلب منك طلب
مهران:شو بدك
بلسم:انت فيك تتواصل مع محمد
مهران:ليش ما بيحكي معك
بلسم:اخر مرة من اسبوعين بعتلي رسالة انو بمهمة ببعتلو مافي رد هو كان كاتبلي بيطمني عنو وما بقى بين
مهران:للامانة هو مشكلجي يمكن عاملو شي مشكلة ومحبوس
بلسم:معقول
مهران:بس لا تخافي السجن العسكري مدتو شهرين
بلسم:عم تمزح
مهران:لا بحكي جد وخلص مدامك قصدتيني رح احكي مع ضياء بيك بيسال عنو ودغري رح اطمنك لا تخافي
بلسم:يكتر خيرك
بقلبي:ياريتني ما سألتك معقول محبوس بس انا ولا مرة أسمعت انو بيعمل مشاكل بدوامو يارب طمني عليه قبل اولد والله قلبي مو مرتاح
وقت وصلت ماما افرحت شوي غمرتها والكل مو عاجبو لا مرت عمي ولا حتى بناتها بس نيفين الي كانت متواضعة اتعشت معنا واشربنا قهوة وبعدها اطلعنا ل غرفتي نرتاح
ماما:ليش تعبانة هيك
بلسم: خايفة من بكرى
ماما:لا تخافي الله بيسر انشالله
بلسم:الله يسمع منك
ماما:خبرتي محمد
بلسم:هو محمد بيرد لاخبرو
ماما:متخانقين
بلسم:لا ابدا بس مختفي
ماما:اتصلي فيه
بلسم:مافي رد
ماما: هو عطول بيخرب موبايلو
بلسم:بدو يكون هيك
ماما:يلا نامي وارتاحي من بعدها رح تتمني تنامي
بلسم:...
كنت مرتاحة لانها بجنبي ومعي وبنفس الوقت مستفقدة لمحمد بس كنت ناوية اعاتبو اول ما يتصل معقول هيك بيختفي فجأة
بلسم:شو صار مع سيدرا
ماما:على حطة ايدك
بلسم:وكيفها هي وعزمي
ماما:ما بتدخل فيهن يسطفلو
بلسم:يعني مو مرتاحين
ماما:اخوكي بيزكرني بابوكي بزمانو
بلسم:عههه بس سيدرا مو متلك لحتى تصبر
ماما:وعزمي مزبط بيت عمو وبزيادة واقل شغلة ماعم تخلص من عامر ولا من امها
بلسم:اي شغلتهن صعبة عامر وعزمي لو انهن اخوة ما بيتفقو هيك
ماما: وحتى محمد يمكن لانهن جيل واحد
بلسم:يمكن ليش ما اجت ستي معك
ماما:نفسيتها تعبانة عمك ابو بديع مرضان
بلسم: شبو
ماما:مابعرف ما حكو
بلسم:الله يشفيه
ماما: امين يلا نامي تصبحي على خير
بلسم: وانتي من اهل الخير
حطيت راسي ونمت والصبح دق قلبي بقوة بس ما بيمنع رغم الخوف والتوتر جهزت حالي واطلعنا للمشفى ومعنا مهران وبالمشفى عملولي فحوصات ضرورية قبل العملية كنت مسايرة وهادية لدرجة والغصة جواتي عم تكبر مجرد يخطر ببالي انو محمد صايرلو شي
..........
بعد ساعة كانت بلسم طالعة من غرفة العمليات وقت حملت ابن ابنها ام مهران ما تحملت صارت تبكي من فرحتها واتصلت بشرت ابو مهران والبنات وام عزمي قاعدة بجنب بنتها الي التعب مبين على ملامحها كانت عم تفتح عيونها
باستها امها من جبينها
ام عزمي:الحمد الله على سلامتك حبيبتي
بلسم:انا اولدت
ام عزمي:وصار عندك ولد وصرتي ام رسلان
بلسم:محمد رد
ام مهران:مهران عم يتواصل مع رفيقو اسمو مصطفى لا تخافي هلا بيعرف وبيحكي معك
بلسم:تعبانة كتير
ام عزمي:رح ترتاحي لا تخافي
بلسم:وين ابني
ام مهران:هلا بتشوفيه
حكتها وهي فرحانة لدرجة
بعدها جابن الممرضات البيبي لصغير واول ما شافتو بلسم سالو دموعها
ام عزمي:ليش البكي اسم الله عليكي وعليه
ام مهران:المهم انكن بخير ومشان محمد هلا بيطمنا مهران
بعد ما استأذن مهران فات وباركلها وابتسم وقت شاف ابن اخوه
مهران:مبروك ما اجاكي
بلسم:الله يبارك فيك...رد محمد
مهران:اي رد وبعتلو صورة لابنو
بلسم:ليش ما حكى
مهران:كان عندو ضجة شكلو مشغول
كان مبين عليها انو مو مسدءيتو سكتت وريحت حالها اكتر
........
كان عم يتأمل الصورة قلبو عم ينبض بحب وفرحة لا توصف وكانو كان فاقد أمل يكون اب اتأملو اكتر وابتسم
محمد:الحمد الله يارب اعطيتني اكتر ما بستاهل لازم اطمن على بلسم...ولو الموبايل لأسير
أسير: شو حبيب كأنو الموبايل الي
محمد:مارح اتغداه لا تخاف
شافو عم يتفرج على صورة الولد
اسير:ابنك
محمد:اي
اسير:لك مبروك
محمد:الله يبارك فيك يارب
اسير: صار بدها حلوان
محمد:تكرم عينك بس طالبها منك
اسير:اطلب
محمد:بدي إجازة ساعة زمان
اسير:والله فكرت اسبوعين
محمد:وانت بتعرف المهام الي استلمتها
اسير: معك إجازة ساعتين
محمد:والله انك كفو...ليك لا تمسح الصورة
اسير:هههه لا تخاف بس لمين الرقم
محمد:سجلو السفاح مهران
اسير:هههه يا ويلي انت فوق ما طمنك عن عيلتك
محمد:اي والله معك حق
اسير:فيك تروح على بكير
محمد:وهو هيك
جهز حالو وطلع مع فادي تمشاية لو المسافة طويلة المهم يوصل لمحل موبايلات
فادي:لك والله بعيد
محمد: شو اعملك يعني
فادي: ضروري تاخدني خود من العناصر لجداد
محمد:انت غير بحس اني طالع مع رفيقي
فادي:ليش مو حلوة كلمة سيادة الملازم
محمد:مو متعود يا زلمة انا مابحب شغلة الرتب
فادي: واحد تاني بطير ريشو وبصير يامر وينهي
2024/09/29 19:34:43
Back to Top
HTML Embed Code: