🇰🇬 Қирғизистон парламенти Асқар Акаевга “собиқ президент” мақомини беришни рад этди

Қирғизистоннинг биринчи президенти 1990 — 2005 йилларда мамлакатни бошқарган эди. 2005 йилда содир бўлган “лолалар инқилоби” натижасида у мамлакатни тарк этган ва унга нисбатан бир неча жиноий ишлар қўзғатилган эди. 2023 йилда жиноий ишлар даъво муддати ўтганлиги сабабли тугатилди.

“Собиқ президент” мақоми ўтмишда содир этган қилмишлари учун жавобгарликдан озод қилиш, президент маошининг 75 % миқдорида пенсия олиш ҳамда умрбод давлат ҳимояси остида бўлиш ҳуқуқини беради.

✅Sputnik канали👉 кирилл 👉 lotin

Дезинформация мамлакат миллий хавфсизлиги ва жамиятга салбий таъсир кўрсатиши мумкин — Фуад Гусейналиев

Озарбайжоннинг Report ахборот агентлиги директори Фуад Гусейналиев Тошкентда ўтказилган ўзбек-озар медиа форумида @SputnikUzbek мухбирига тадбирнинг аҳамияти ҳақида сўзлади.

У шундай форумлар икки давлат ОАВ ўртасида ҳамкорликни йўлга қўйишда муҳим аҳамиятга эга эканлигини таъкидлади.

Шу кунларда Озарбайжон ахборот соҳаси вакиллари Ўзбекистонга ташриф буюрмоқда.

✅Sputnik канали👉 кирилл 👉 lotin

Мирзо Улуғбек туманига янги ҳоким тайинланди

Бунгача Тошкент шаҳар ҳокимлиги ташкилий-кадрлар бўлими бошлиғи лавозимида ишлаган Баҳодир Ғоибназаров туман ҳокими этиб тайинланди.

✅Sputnik канали👉 кирилл 👉 lotin

Бурак Ўзчивитга Россияда кинога тушиш ёқди

Туркиялик таниқли актёр Бурак Ўзчивит Россияда 2024 йил охирида экранларга чиқадиган “Ёлки 11” янги йил комедиясида роллардан бирини ижро этади.

Актёрнинг айтишига кўра, Россияда суратга тушиш, рус режиссерлари билан ишлаш унга жуда маъқул келган. Бу сафар у банд бўлгани сабабли унинг роли жуда қисқа бўлган. Келгусида у каттароқ роль ўйнашга умид билдирган.

✅Sputnik канали👉 кирилл 👉 lotin

Ўзбекистонда аёллар бизнеси фаол ривожланмоқда, бироқ кенгайиши билан боғлиқ қийинчиликлар мавжуд

Бу ҳақда TBC Uz маркетинг бўйича директори Нодира Шерматова аёллар тадбиркорлиги форумида айтиб ўтди.

Шунингдек, унинг қўшимча қилишича, Ўзбекистонда бизнес асосчиларининг қарийб 40 фоизи аёллардир.

✅Sputnik канали👉 кирилл 👉 lotin

🏭2030 йилдан мазутдан фойдаланиш тақиқланади

Бу ҳақда президент қарор имзолади.

Унга кўра, 2030 йилдан Тошкент шаҳар ва унга туташ Тошкент вилоятининг ҳудудларида жойлашган иситиш ва электр энергия ишлаб чиқариш корхоналарига ёқилғи сифатида мазутдан фойдаланиш бекор қилинади.

✅Sputnik канали👉 кирилл 👉 lotin

Минскда МДҲ Армия, авиация ва флотга кўмак кўрсатиш кўнгиллилар жамияти (ДОСААФ) халқаро иттифоқининг пленуми бўлиб ўтмоқда

24-26 сентябрь кунлари бўлиб ўтаётган XIII пленум ишида Беларусь, Қозоғистон, Қирғизистон, Россия, Тожикистон ва Ўзбекистон делегациялари иштирок этмоқда.

Иштирокчилар замонавий шароитда Беларусь ДОСААФни ривожлантиришнинг асосий йўналишларини, Россия ДОСААФнинг ҳарбий хавфсизликни мустаҳкамлаш бўйича фаолиятини муҳокама қилишди.

✅Sputnik канали👉 кирилл 👉 lotin

Сунъий интеллект ҳам дезинформация тарқалишида муҳим аҳамиятга эга — Фуад Гусейналиев

Озарбайжоннинг Report ахборот агентлиги директори Фуад Гусейналиев Тошкентдаги ўзбек-озар медиа форумида @SputnikUzbek мухбирига ахборот агентликлари қандай қилиб сунъий интеллект жамиятга таъсири ўтказишининг олдини олиши мумкинлиги ҳақида фикр билдирди.

✅Sputnik канали👉 кирилл 👉 lotin

Сунъий интеллект (СИ) дунёдаги иш ўринларининг 40% дан ортиғига жиддий таъсир кўрсатади

Бу ҳақда 2024 йилги Халқаро валюта жамғармаси ҳисоботига асосланиб, Қозоғистоннинг "TechnoWomen" президенти Азиза Шужеева маълум қилди.

Уни сўзларига кўра, СИ даврида ишлаб чиқариш ишчилари, бухгалтерлар, операторлар, корпоратив юристлар, молиявий аналитиклар ва логистлар каби касблар йўқолиши мумкин.

Шу билан бирга, СИ мураббийлари, Prompt-инженерлар ва СИ этикаси бўйича мутахассислар каби янги касблар пайдо бўлади.

✅Sputnik канали👉 кирилл 👉 lotin