Yandex Go ребрендинг қилди

Yandex Go ўз брендини янгилади, яъни позицияси, визуал услуби ва коммуникациялар тоналлигини ўзгартирди. Янгиланиш илованинг турли кундалик вазифаларни осонроқ ҳал қилишга ёрдам берадиган барча одатий ва янги имкониятларини акс эттиради. Энди фойдаланувчилар нафақат шаҳар бўйлаб сафарлар, балки таомлар ёки озиқ-овқат буюртма қилиш каби имкониятлардан ҳам фойдаланишлари мумкин.

Yandex Go’нинг мақсади – инсонларнинг кундалик ҳаётини енгилроқ қилиш. Илованинг имкониятлари кенгайиб бормоқда ва ҳар куни одамларга ёрдам берадиган янги сценарийларни қўшмоқда. Фойдаланувчилар шаҳар бўйлаб таксида ва самокатларда сафар қилиш билан бир қаторда, жамоат транспорти йўналишларини белгилаш, севимли ресторанлардан таомлар, дўконлардан маҳсулотлар ва товарлар буюртма қилиш имкониятига ҳам эга бўлишмоқда. Yandex Go инсонлар эҳтиёжларига жавоб бериш мақсадида илованинг имкониятларини янада кенгайтиришни режалаштирмоқда ва уларнинг ҳаётини енгилроқ қилишга интилмоқда.

Хизмат аллақачон визуал услубини, логотипини, веб-сайтнинг бош саҳифасини янгилади, шунингдек, такси автомобилларида брендингни ўзгартиришни бошлади. Yandex Go’нинг хусусий белги-иконкаси ҳам ўзгарди — энди бу сариқ фондаги “Go” ёзувли қора ҳарфларда акс этади.