Bugun, 8 may
☁️ +35°...+20°, Bulutli

Hozir: ☁️ +20°, ↘️ 0.4 m/s

Tong: ☁️ +25°
Kun: ☁️ +34°
Oqshom: ☁️ +32°
Namlik: 26%
Shamol: G'arbiy, 4.4 m/s
Bosim: 758 mm sim. ust.

Oy: Yangi oy
Quyosh chiqishi: 05:20
Quyosh botishi: 19:30

Bugun hamma xodimlar 1 soat vaqtli ketishi kerak!

Mehnat kodeksining 187-moddasiga ko‘ra, bayram kunlari arafasida har kunlik ishning (smenaning) davomiyligi barcha xodimlar uchun kamida 1 soatga qisqartiriladi.

Ertaga 9-may — Xotira va qadrlash kuni, dam olish kuni sifatida belgilangan bayram. Demak, bugun, 8-may kuni barcha xodimlar 1 soat vaqtliroq uyiga ketishiga qonuniy haqqi bor.

Eslatib o’taman, bayramdan oldingi kuni ishning (smenaning) davomiyligini qisqartirish imkoni bo‘lmagan uzluksiz ishlaydigan tashkilotlarda va ayrim turdagi ishlarda ortiqcha ishlaganlik xodimga qo‘shimcha dam olish vaqti berish yoki xodimning roziligi bilan ish vaqtidan tashqari ish uchun belgilangan normalar bo‘yicha haq to‘lash orqali kompensatsiya qilinadi.

Kam ta'minlangan oylalar uchun bir nechta yangi qulayliklar joriy etildi

🔹2024-yil 1-iyundan “mahalla yettiligi” tavsiyasi asosida Kambag‘allikdan chiqarish dasturiga kiritilgan va uy-joy sharoitini yaxshilashga muhtoj bo‘lganlarga ipoteka kreditlarini ajratish amaliyoti joriy etiladi.

Ipoteka kreditlari 120 million so'mgacha miqdorda, 20 yilgacha, Markaziy bankning asosiy stavkasidan to'rt foiz bandga yuqori stavkada yakka tartibdagi uy-joyni qurish, rekonstruksiya qilish va ta'mirlash maqsadlari uchun ajratiladi.

🔹Endi kam ta’minlangan oilalarga bolalar nafaqasi va moddiy yordam tayinlashga onlayn ariza berish mumkin.

Talabgorlar ushbu xizmatdan foydalanish uchun my.gov.uz da ro‘yxatdan o‘tishi, tegishli xizmatni tanlashi, undagi so‘rovnomani to‘ldirishi va yuborishi kerak. Xizmatdan foydalanish bepul.

Ariza o'rganiladi va Shundan so‘ng ijtimoiy nafaqani tayinlash yoki tayinlashni rad etish to‘g‘risida qaror qabul qilinadi. Va ariza javobi my.gov.uz orqali yuboriladi.

Aloqa operatorlari sizdan qo'shimcha pul yechib olmayotgan ekanligini qanday tekshirsa bo'ladi?

Uyali aloqa operatorlari abonentlarga pullik xizmatlarga obuna bo'lishga majbur etmoqdalar. Bu haqda "Potrebitel.uz" Telegram-kanali xabar berdi.
Shu bilan birga, barcha operatorlar abonentlarni obuna bo'lishga majburlamayotganligini aytishdi. Ularning aytishicha, abonentlarning o'zlari bilmasdan ba'zi qalqib chiquvchi tugmalarni bosib shu bilan u kontent uchun to'lashga roziligini bildiradi.

Barcha faollashtirilgan xizmatlarni o'chirish uchun quyidagi qisqa raqamlarni terish kerak:
● Uzmobile — *199#
● Beeline — *115#
● Ucell — *350#

Qaysi xizmatlar faollashtirilganligini tekshirish uchun esa:
● Mobiuz — *199#
● Beeline — *110*09#
● Ucell — *401#