هاي شرح حرف لات اقروه شويه وانزل امتحان بيه بالتوفيق

ملاحظه: الواو الي تجي قبل (لات) تعرب حاليه دائما 👍

فائده ان دخلت (لات)علئ غير اسم الزمان كانت مهملة لا عمل لها

مثال: قال الشاعر: ترك الناس لنا اكتافهم. وتولوا (لات) لم يغن الفرارُ
@Sa_Biology

هاي اهم الاسئله ♥️ اهم شي بالات افهمة اول للجمله بعدين حدد معمولي لات لان مرات يجيك بلسؤال محذوف احد معمولي لات والغالب ما يكون اسم لات محذوف تمام

#بلتوفيق
@Sa_Biology

ملاحظات حول الاستفهام التصوري ⭕️

اولا⭕️الاستفهام التصوري ادواته هي الهمزمه بدون (مع ام المعادله✅)و جميع اسماء الاستفهام الي همة (من ،ما،متئ،انئ،اين،ايان،كيف،اي،من ذا و ماذا)‼️


ثانيا⭕️اذا جاءت (ام المعادله‼️)وجاء بعدهة (من✅)اسم موصول بمعنئ (الذي) فيدغم (ام المعادله و من فيصبح (أمّن🔰)

ثالثا⭕️اذا جاءت (ام المعادله‼️)وجاء بعدها (ما✅)الموصوله فيدغم (ام المعادله و ما✅)فيصبح شكلها (أمّا✅)

مثال🔰(أفمن يمشي مكبا علئ وجهه اهدئ أمّن يمشي سويا علئ صراط مستقيم)☑️

متاكده لو اجاكم هيج سؤال راح تكولون انو هذا استفهام تصديقي لان اجتي الهمزة في بدايه الجمله بكلمه(أفمن)بس غلط❌❌

انتبهو للجمله عدل اجتي (أمّن)يعني ام المعادله واسم استفهام (من)فهذا يدل علئ انو الاستفهام تصوري لوجود احد اسماء الاستفهام وهو (من) في كلمه #أمّن ✅

اتمنئ تفيدكم هاي الملاحظه لان كلش مهمة و 95%من الطلاب يخطئون بهيج شي ف اتمنئ تنتبهون لهيج شي بلتوفيق 😊❤️
#شبكة_كورونا_التعليمية ✔️
@Sa_Biology

سؤال وزاري مهم يجي كل سنه وهو تحويل الاستفهام من تصوري الئ تصديقي والعكس صح ‼️

اول شي لازم تعرف نوع الاستفهام اذا جان تصديقي او تصوري ✅
وذالك اذا اجتي الهمزة بدون ام المعادله فيدل ع انو الاستفهام (تصديقي‼️)
وتعرف تصوري اذا اجتي الهمزة وياهة ام المعادله ف هذا (تصوري ‼️)

لتحويل من تصوري الئ تصديقي ✅
اولا⭕️تحذف ام المعادله من الجمله ‼️
ثانيا⭕️تحذف الي ما بعد ام المعادله ‼️

مثال وزاري🔰
أمنخفضا كان منسوب المياه ام مرتفعا؟ هاي هنا استفهام تصوري ✅
من تحوله الئ تصديقي ‼️يصبح. أمنخفضا كان منسوب المياه؟


اما‼️‼️‼️
اذا جان تصديقي ولازم تحوله الئ تصوري لازم تنتبهون الئ ما بعد الهمزة 🔰
اذا جان بعد الهمزة استفهام (فعل)يعني موجود فعل بلجمله ف انضيف #ام-المعادله ونضيف بعدهة #فعلآ معاكسا في المعنئ
للتوضيح ⭕️مثل :أتعلم بالامر؟ ⬅️أتعلم بالامر أم تجهل به؟
هنا حولنا من تصديقي الئ تصوري
واكو طريقه ثانيه ✅
وهي اذا جاء #فعل بعد الهمزة نضيف (ام المعادله)والفعل نفسه الي اجة بعد الهمزة بس‼️‼️مسبوق باداة نفي

للترضيح‼️‼️
مثال أتعلم بالامر ؟⬅️أتعلم بالامر ام لا تعلم به؟

ونفس القاعده اطبقهة اذا جاء بعد الهمزة اسم همات اما تكتب اسم مخالف للاسم الي جاء بعد الهمزة او تكتب (غيره)او مشتقاته يعني (غيرها.و غيرهم ....الخ) بس يسبق بحرف نفي وطبعاا‼️بوجود ام المعادله

مثال ⭕️أقصيدة قرأت؟⬅️أقصيدة قرأت ام مجله؟
، هاي اذا تكتبه مخالف للاسم👆

واذا تكتبه غيره ⭕️أقصيدة قرات؟⬅️أقصيده قرات ام غيرها؟

⭕️هاي كل الملاحظات حول تحويل الاستفهام من تصديقي الئ تصوري والعكس صح

#بلتوفيق
@Sa_Biology

أيام لـــــو تخليها أحلى سنة بحياتك لــــو أسوء سنة !

~انت تقرر انت المسؤول -
كن على يقين:
‏أن هناك شيء ينتظرك بعد الصبر ليُبهرك ويُنسيك مرارة الألم، ذاك وعد ربي ‏"وبشر، الصابرين".

يارب ساعدنا وحقق أحلامنا ياارب 🤲🤲

السلام عليكم♥️🤍

لللللكل🕊 ♥️

ابطال 4 ايام وح تبدي امتحاناتكم قلبي وربي وياكم انتوا كدها مبقه شي وتخلصون من السادس وتبدون حياه جديده كل التوفيق الكم من قلب ورب ♥️♥️♥️♥️



لكل قااعه ابطال وانتوا ابطال القاعه ✨♥️تعبتوا وسهرتوا وتحمتلوا هوواي اشياء علمود تحققون احلامكم وباذن الله حتتحقق احلامكم ♥️🕊✨يعني اتخبل من واحد يكول خاايف من شنو خااايف انته تعبت وسهرت واتاذيت وعانيت كله علمود هليوم اليوم مال امتحان اليوم الي بقاله خطووووه عن تحقيق الحلم ودكول خاايف من شنو خاايف لعد ليش جنت متلهف لطبه السادس وعدك حماس وووو وهسه ب الاخير دكوول خاايف لا ماكو خوووف خلي ايدكم ع قلبكم ♥️ وكولوا يارب السلام انته السلام ومنك السلام فهب لقلبي كل السلام ♥️✨♥️هوه رب السلام والامان وحينطكم الامااان♥️ 🕊راااااحت الخوفه مو ييي راحت يلا هاهيه هواي قاتلتوا علمود هاااي الايام هواي جنتوا منتظرين تمتحنون حته تصيرون احرار 🕊هاهيه هاانت وربي ✨♥️اتمنالكم الموفيقه من قلب ورب ✨♥️ويارب كلكم تكونون اسعد ناااس بيوم النتائج احبكم وان شاء الله بيوم النتائج تسجدون لله ودموعكم تصب فرح وفخررر ♥️✨♥️

🕊الاسئله حتكووون كلش سهله وحتبجون بيوم الامتحان تدرون ليش لان كلش سهله وراح دكولون هااذا تعبنا الي سواها سهله وتذكروا يوم النتائج هو يوم النصر ع كلشي ع كل الم واذيه وتضحيه وملل وسهر وووو والأهم والمهم هوه طلقة في جبين كل شامتت انتو كدها♥️
احبكمممم باي♥️✨🕊

#شاركوها لاصدقائكم
@Sa_Biology

#سلسلة_اللغه_العربيه

المنشور رقم ( 1 )

#الاستعداد

حضر

🔷 بطاقتك الامتحانيه 🧾

🔷 كمامتك + قفازات أن وجدت

🔷 اقلامك الرصاص ✏️✏️

🔷 قلم جاف شغال ازرق اللون 🖌

🔷 بطاقتك الوطنية أو جنسيتك اصليه أو استنساخ .. هي مو شرط توفرها لكن للضروره 🧾

🔷 ممحاة + مقطاطه

🔷 بطل ماء بارد أو عصير

🔷 كلينكس من اجل مسح اصبع الابهام بعد البصمه

🔷 حضر ملابسك واكويهن حتى تدخل للقاعه وانت كاشخ ومرتب ونظيف وانيق ترا مرايح تزور ميت رايح لحلمك 😒

🔷 الذهاب لمركز الامتحان قبل ساعه حتى تعرف مكانك باي قطاع .. والتاكد من وجود اسمك على لائحة الأسماء خارج القاعه ..

🔷 كن مستعدا للتفتيش ..من دون ضجر . لان الشخص الذي يفتشك هو مجرد موظف مؤتمر ..يعمل لاجلك وليس لضررك .. فكن بكامل اريحيتك وطبيعي جدا

🔷 لا تصدر ضجه داخل قاعة الامتحان ..
لان الصلاحيات تتيح لمدير القاعة طردك وابعادك من القاعه

هذا كل مايخص استعدادك للامتحان 👆

اما امنشور القادم هو كيفية تصرفك داخل القاعه وكيف تجيب على الاسئله


وذني حضرهن من هسه 👆 مو بال 6 الصبح تدور على جواريبك 😒😂

المنشور رقم ( 2 )

#جهاز_الموبايل

تعرف شنو أكبر ذله ؟

هي من تأخذ الموبايل وياك

من الأخير الموبايل يعتبر احد اجهزة الغش وممنوع دخوله للقاعه ..

وماكو شي اسمه امانات

والشرطي مامسؤول بجهازك ولا راح يخليه يمه

فاذا كان عندك سياره خليه بسيارتك

واذا ماعندك تركه بالبيت

واذا تكول أو تكولين اخابر بيه ابو الخط..

الامتحان يبدي ب 7 ينتهي ب 9 أو 10
انطي وقت معين لابو الخط يجي عليك

والله يذلوك بيه وتسمع حجايه متعجبك
وميخلوك تمتحن يكلك معليه اشمر جهاز بره حتلو يأخذو؟
وضحت؟؟

المنشور رقم ( 3 )

#دخولك_لقاعة_الامتحان

شوف من تدخل القاعه.. أو شي تسويه تندل مكانك وتكعد ع الرحله

عزيزي هاي سفينتك وانت قبطانها

💠 تطلع اقلامك 🖌🖌✏️✏️

♻️ وتضهر بطاقتك الامتحانيه كدامك 🧾

🌀 مدير القاعه راح ينطي توصيات خليك مركز عليهه ..لان حيكون بيها عدة أمور منها

🟤 كيفية كتابة اسمك
🟤 ووين تبصم
🟤 وشنو الامور الجديده اللي مطلوبه منك

🟣 راح يسلموك دفتر الامتحااان 📖

اهمممم شي واهم فقره هي

تكتب اسمك ورقمك الامتحاني وحسب التوجيهات بقلم الجاف الأزرق 🖌

بعدها شتسوي ؟؟؟

تشيل هالقلم الأزرق 🖌 وتخفيييييه من الوجود ..ما اريده ع الرحله كدامك ابد

تبقي بس قلم الرصاص والمساحه والمقطاطه

#تحذير / قبل لا تكتب رقمك الامتحاني

تأكد الرقم الامتحاني اللي ع الرحله نفسه اللي موجود بالبطاقه ؟؟؟

🌀 من يلزكولك الليبل

تاكد من اسمك ورقمك الامتحاني نفسهم ؟؟

واذا اكو خطأ أو خلل اخبر مدير القاعه

🟤 بكل قاعه اكو مشرف في حال الاساتذه ضايقوك او يحجون ومتكدر تركز اخبر مشرف القاعه وراح يتصرف

اسئله سهله أن شاء الله
توفيق للجميع حبايب ✔️

_ بهالأيام خلينة نحارب كل قوتنا ، ما ننام وما نسخت ونحرم نفسنا من كُلشي في سبيل حلمنا ، صدكوا اكو وقت بس الوقت هذا حجة احنا اتخذنا حتى نستسلم ، اني مؤمنة لأنُ الشخص الي بداخلة حلم وطموح راح يوصل لو يكون بعدلة ٥ ساعات وبهالساعات الـ ٥ تلكاة خلص فصل كامل ، الوقت هو مجرد حجة حتى نكعد ونلطم ..
ما أريد احجي هواية بس كل الي اريد اكولة خلينة ندرس ندرس ندرس مو علمود نوصل بس علمود نكول احنا ما استسلمنا ، احنا حاربنا لأخر دقيقة والآخر ثانية ، بس علمود نرضي ضميرنا ونرضي ربنا ، رب العالمين يقول " اسعى يا عبدي" ولهذا اسعوا اسعوا لأخر ثانية لا تكولون بقة كم يوم هي مال سعي ! بالعكسس يالأغبر هو انتة هنا دتبين سباعيتك لهذا اذا جنت سبع كوم بهالأيام وأسعى وشوف شلون الله راح يسعى معك وراح تنصدم صدمة انتة ممتوقعها منك وراح تبجي وتسجد سجدة شكر انتة ممتوقعها. ♥️
ومن هالمنبر احب أكول شكرًا لنفسي لأن ما استسلمت وشكرًا لكل شخص ما استسلم. ♥️

نامو من وكت حبايب لحد يسهر لان هناك بامتحان تتعب كلش ومسيطر تفقد كل التركيز نام هسه واكعد با ٥ لو با ٤ صلي و راجع وراها توكل ع الله
بتوفيق تحياتي...

الراح راح ، نركز بالجاي ..

امتحنت وجاوبت ؟ عاشت ايدك كلش ! ولاتنغر وتتراخى شدها ع الجاي بعد وراكم مجموع تلمه ..

امتحنت ومجاوبت كلش ؟ ميخالف بعد عدك مجموع تلمه ، تذكر انو أنـتَ عندك ٦٠٠ تجمعهه حتى تطلع معدل ف شنو؟ ما اتاثر ع الراح بعد عندي الجاي اكدر اعوض

ما امتحنت واجلت ؟ هاهيه ركز ع جاي وعدك دور ثاني تبدع بي وتجاوب وتجيب درجة ♥️

يعني الراح هاهيه لاتفكر بي فكر بالجاي 🥺
الله يوفقكم 🤍