••
وضع "خانيونس" هالمرة هيكون صعب جدًا، وعالاغلب مش هنطلع من هالحرب أحياء، دعواتكم💔!.

ما شاء الله كان وما لم يَشأ لم يكن، والناسُ وما حشدوا وما جمعوا ليسوا سوى أسباب تنفيذ المشيئة !
الله غالب!

لم أعُدْ أتغزّل بالشتاء منذُ أن سَكن أبناء بلدي الخيام💔!.

بتتذكروا غزة بالدعاء؟!

# بآياتكَ_نطمئن!.

••
ابن خلدون يقول:
‏إنّ المجاعةَ التِي أصابت خِلافةَ عُمر (رضي الله عنه) أنشأتْ جيلاً أسقطَ إمبراطوريتيّ الروم والفرس.
‏والحياةَ الرغيدة التي خيّمت في الأندلُس وبغداد، أضاعت بلاد الإسلام كُلِها.

‏لا تبتئس فِي الظُروف الصعبة؛ فهي مصنعُ الرجال!.

تواسينا الدّعوات ، فلا تنسونا ..♥️

#اللهم غزة

#شاهد الحزام الناري وسط خانيونس.

بسم الله الذي لا يضر مع اسمه شيءٌ في الأرض ولا في السماء وهو السميع العليم

اللهم إنا نسألك خير ما في هذه الليلة ، فتحها ونصرها ونورها وبركتها وهداها
ونعوذ بك من شرها وشر ما فيها وشر ما بعدها

#اللهم غزة بكل ما فيها 💔

جزء بسيط من حكايا ليلتنا
على سبيل المثال ، هذي هي المناطق الآمنة
وهذي هي خانيونس

#اللهم غزة💔

قد أسمعت لو ناديت حيًّا ولكنا لا حياة ولا حياء لمن تنادي!
#الله_غالب

يا رب... ضاق بنا الحال💔

انتم متخيلين أنه في غزة صارت تنباع المية السخنة عشان الناس تتحمم، متخيلين صرنا نشتهي نلاقي بسكوتة لصغارنا من كتر ما اشتهوا الحاجة، متخيلين أنه قاعدين بنطلع من دورنا وبنتشتت روحوا ربنا ينتقم من كل حدا اله علاقة بكسرة قلوبنا ودموعنا💔!.

••
لا حروف ولا كلمات ولا جمل تصف الحال في الميدان؟ نحتاج حروف إضافية لصياغة كلمات وجمل جديدة قد يستوعبها الآخرون!.

••
واللهِ العظيم تعبنا💔

••
استشهد رجل المساجد استشهد صاحب كلمة الحق والرأي السديد استشهد اللي كان بمثابة أب الي في بيت الزوجية استشهد حبيب الكل وتاج راسنا كلنا استشهد الغالي أبو الغالي استشهد عمي أبو زوجي ونياله ب هالخاتمة اقسم بربي نياله، ونيالي أنه كان من نصيبي من هالدنيا أعيش مع هالشخص العظيم، عظيم بكلشي كان.

قد ما احكي عنه مش هوفيه حقه وخيره اللي اعطاني اياه بالسنة الزوجية الاولى، كان أب عنجد وبستحق أناديه بابا.

_يا عمي كُلي عشان صحتك.
_يا عمي سمعت انه الجرادة مفيدة عشان صغيرك وجبتلك.
_يا عمي تغذي منيح كيف بدك تربي اولادك.
_يا عمي هي التلاجة مليانة اكل خدي اللي بدك اياه.

كان كريم كان أبيض القلب كنت عنجد احس الحب بمعاملته وحكيه معي، كان من أكبر مشجعيني انه لابسة الخمار، لهيك من حد ما استشهد سميته #رجل_المساجد، عظيم يا عمي وبحبك يلي كنت نفسي يتربى ابني بحضورك كنت مطمنة على استقامة ابني عشانك موجود بس هلقيت رحت يا عمي رحت يا عمود الدار رحت يا روح الدار رحت وتركت هالدنيا الفانية وتركتنا من بعدك بس يمكن يا عمو نلحقك كلها مجرد ايام ونكون عندك والله نيالك يا عمو

مع السلامة يلي عرفت تربي صح مع السلامة يا رجل المساجد مع السلامة يا شهيد💔!.

_السبت ٩/١٢/٢٠٢٣

••
المفروض احنا أهل غزة بعد ما تخلص الحرب اذا ضلينا عايشين المفروض نفتح عزا جماعي وكلنا نقول لبعض عظم الله أجرنا كلنا لأنه كلنا فقدنا حبيب للقلب💔!.

‏{قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا}