الشِي الچنت أريدة بقوة طلع مِن نفسي فجأة
وعلى لحظة أحسِب عيني ما شافتة

غريب الإنسان وغريبة الدنيا
مو هذا الشي الچنت أريدة بين إيدي !
ليش مدا أتقدم خطوة وبقيت واگفة بمكاني ؟

لأن إجة متأخر ..

فَ أي شي يجي متأخر مالة لزمة
وشعور الإنسان تجاهة لازم يختلف

هنا آنه مُخيرة مو مُسيرة !
لأن بالبداية مصار هذا الشي
وفقداني إله أدىٰ الى دمار شامل بنفسيتي
وچنت مُسيرة لأن هذي حكمة الله
وهذا درسي من الدنيا وچنت لازم أجتازة
فَ من رجعت اتعافىٰ نفسيًا
بدة يصير الچنت اريدة
وحاليًا بأمكاني أتقدم هالخطوة
بس يمكن مو خير وبهالحالة حچفص بحياتي !
فَ آنه مُخيرة ..

المغزىٰ يَ جماعة حاشىٰ لله أن يظلم عبد
إحنه اللي نأذي روحنا .. الطرق واضحة گبالنه
وبأمكاننه نسوي اي شي نريدة
وندير حياتنا باللي يعجبنا
فَ لا نجي نذبها براس الحظ
إحنه السبب ماغيرنا

فَ مثل الحبابين ..
أي خطوة تردون تتقدومها بأي موضوع
تفكرون تباوعون للموضوع سبعتالاف مَرة ..
وتفكرون تتقدمون خطوة ثمنتالاف مرة ..
يله عود تمشون خطوة.
وصباح الخير مِن وحدة مدتحس بشي مؤذي💚