أغلى الأمنيات وأعظم المستحيلات:
‏زيادة دقيقة واحدة في عُمْر من مات.
‏فكم بين يديك اليوم من ساعات، يحسدك عليها الأموات، فلا تبددها فتكون عليك حسرات.

( المرأة )
إن استقامت أصلحت جيلآ كاملآ
وإن اعوجت كانت وبالا على الأمة كلها
اللهم وفق نساء المسلمين و أصلحهنْ

سَتُبتَلَى فِيما تُبتَ مِنه فاثبُت،

وإنّ الله دائم النظر إليك فتأدب!

2⃣7⃣
رمضان آخر روقان 🎆🌜

6⃣ تابع تروايح وقيام ليل .. بروقان ..

🤍 تخيل معايا كده يا حبيب قلبي .. في جوف الليل و الجو هادي وإنت محدش شايفك ولا سامعك غيره سبحانه أقرب إلينا من حبل الوريد سبحانه أحنّ علينا وأرحم بنا من الأم بطفلها..سبحانه جل جلاله أرحم الراحمين وأكرم الأكرمين

تخيل إنك في الجو ده على سجادتك ساجد بين يديه..شعور كله ود و رحمة و حب شعور كله ذل و افتقار و انکسار لله الملك الجليل
الواحد القهار

⬅️ فجأة لقيت قلبك رقّ أوووووي و حنّ أووووي ولقيت عيونك بتنهمر بالدموع ... يا ترى هتقول إيه لربنا ساعتها ؟؟

🟢 هتقوله : بحبك أوووووي يارب .. خايف تكون غضبان عليا قربني منك ومتبعدنيش عنك

🟢 هتقوليله: نفسي يارب ترضى عني
الأعلى علشان ماتحرمش من رؤيتك في الجنة
يارب نفسي يارب في الفردوس

🟢 يا ترى هتحكيله عن همومك و آلامك و مشاكلك ؟؟ ولاً هتوصف له شوقك وحبك ؟؟ ولاً يا ترى هتقول إيه ؟؟؟

🤍 يااااااآه .. الركعتين دول دنيا غير الدنيا 🤍

لما تجرب الكلام ده وتعيشه بقلبك، هتتمنى إن الفجر ميطلعش علشان تفضل في الجنة اللي إنت عايشها دي !

⬅️ قيام الليل يا شباب مش واحد واقف بيقرأ قرآن وخلاص ، لأ ..ده إنت في لقاء خاص جدا جدا بتكلم ربك حبيبك...کلمه و احكيله .. ناجيه واشكيله .. إسأله واطلب منه .. قول كل اللي إنت عايز تقولهوله .. فضفض براحتك

⬅️ قيام الليل يا شباب بتاع الناس اللي عارفة إن مفيش حاجة بتيجي غير من فوق .. إلا من خزائن الملك القدير .

⬅️ قيام الليل أكتر عبادة لها ثمار في الدنيا.. اللى عايز دعاؤه يُستجاب ويتقضيله حوائجه ووشه ينور وجسمه يسلم من الأمراض يقوم الليل

✅ ومش شرط القيام يكون ركعتين، ممكن تزوّد ؛ قال صلى الله عليه وسلم: (صلاة الليل مثنى مثنى) .. وتختم بعدهم بركعة وتر .

✅ ولو مش هتقدر تصليهم آخر الليل؛ يبقى تصليهم قبل ما تنام على طول، وتجعل آخر عهدك بالدنيا الصلاة

🟢 من دلوقتي نأخذ قرار... خد قرار إنك خلاص هتثبت لربنا من الليل نص ساعة أو ساعة أو ساعة ونصف أوساعتين لربنا..

ساعة هنضحي بها بس هنكسب معيّة ربنا في حياتنا..هتستقطعها من وقت نومك أو مذاكرتك أو شغلك، بس هتشوف ربنا
هيبارك في وقتك ونومك وحياتك كلها قد إيه!
ساعة هتكون هي سبب سعادتك وراحة قلبك بفضل الله الكريم .


#يتبع غدآ بإذن الله
#رمضان_آخر_روقان
#مصطفى_زايد

🌹كيف استعد لرمضان..

فيديو في غاية الأهمية👌

✅ الدكتور حازم شومان

🍃 الحكمة من تفلت القرآن 🍃

د. سعيد حمزة

1- تفلت القرآن يعني أنك لم تحفظ جيدا ولم تعتن بإتقانه في المرة من حفظك فيدفعك العلم بذلك أن تعيد حفظك مرة أخرى وتصحح المسار.

2- تفلت القرآن يستخرج منك عبادات كثيرة ما كانت لتخرج إلا لتفلت القرآن ، منها:
- قراءة القرآن كثيرا كثيرا ، ومعلوم أن ثواب قراءة الحرف حسنة والحسنة بعشر أمثالها
- إدمان قراءة القرآن من المصحف الشريف ، وهذا من أعظم الأسباب لإتقان حفظ القرآن؛ فإن تكرار النظر في المصحف الشريف يطبع الصفحة فى القلب والحفظة الماهرون يعلمون ذلك ، لذا من جملة الوصايا لحفظ القرآن الكريم أن يكون من طبعة واحدة.
- إدمان الاستماع لحذاق القراء بصفة منهجية ودورية ، وكما هو معلوم أن الاستماع يصنع روابط ذهنية يسهل بها تذكر الآيات.

3- تفلت القرآن يوقظك بالثلث الأخير من الليل لتصلى بمحفوظك ، فما أفضل من الصلاة لثبيت الحفظ فى الصدر .

4- تفلت القرآن يجعلك تصاحب الأخيار من المهرة لتجتمعوا على مائدة القرآن للمراجعة والمدارسة .

5- تفلت القرآن من أسبابه أنك لم تفهم معنى بعض الآيات ، ومعلوم أن الفهم مهم للحفظ ، فيدفعك ذلك لقراءة تفسير ميسر مختصر ولا أنصحك فى هذه المرحلة بالتوسع فى قراءة التفاسير .

6- تفلت القرآن سيجعلك تستغفر كثيرا ، وتحرص على الطاعات جميعها.

7- تفلت القرآن يجعلك تقبل على دراسة المتشابهات اللفظية بشرط عدم الاعتماد عليها بالكلية واعتبار أنها الحفظ ، بل التكرار والربط هما أساس الانتفاع بهذا العلم .

8- تفلت القرآن يجعلك تدعو الله كثيرا ، والموفق من وفق إلى الدعاء .

- وأزيد على ما قاله د . سعيد ، أن من حكمة تفلت القرآن أن يبقى القرآن بين أيدي المسلمين كالهوية ، لا يضعونه أبدا من أيديهم .. فبه يُعرفون وبالقرآن يحيون -

إلى كل من بدأ... حفظ كتاب الله ثم تركه ....
لزوم التمام من شيم الكرام...
و تاركه مع القدرة يلام...
لأنه ما بلغ الهدف و المَرام...
فعجزه عيب شبيه بالحرام !!...

فاعزم و توكل على العزيز العلام...
و قل سيُفْتَح لي كما فُتِح لغيري من الأنام...
و سأحفظ القرآن كاملا هذه الأيام...
بإذن ربنا ذي الجلال و الإكرام....
و لم أر في عيوب الناس عيبا...
كعجز القادرين على التمام .

ومضه 🌹
لا تمسك بمصحفك متفضلاً أن كان له نصيب من وقتك , بل تناوله و أنتَ خجل من الأيام التي تصرمت بعيدًا عن ظلاله .

"إحنا بدنا ناكل.. حرام عليكو".. طفل فلسطيني يبكي من حالة الجوع التي وصل إليها أهالي غزة لا سيما في شمال القطاع في ظل استمرار الحرب الإسرائيلية 💔💔

س- تعبانة نفسيًا جدًا وحاسة بوجع رهيب لدرجة بدعي على نفسي بالموت مع إني عارفة إنه حرام😢💔

السلام عليكم ورحمة الله وبركاته💛🌸

١-  هذه هي الدنيا، الدنيا ليست مكان للراحة إطلاقًا، قال الله تعالى في كتابه العزيز (لقد خلقنا الإنسان في كبد) أي في تعب ومشقة، هذه هي الدنيا،
أما عن الحل ف تابعي معي:-
١- القرب من الله تبارك وتعالى وكثرة ذكره، فقد قال الله تعالى في كتابه العزيز (ومن أعرض عن ذكري فإن له معيشةً ضنكًا)
أي أنه من أسباب ضيق الصدر والوجع هو البعد عن ذكر الله تبارك وتعالى🌸💛
كمان أن للقرب من الله تبارك وتعالى حلاوة، قال عنها أحد السلف الصالح لو يعلم ما فينا الملوك وأبناء الملوك (أي من راحة وحلاوة إيمان) = لجالدونا عليها بالسيوف🥺

راحة وحلاوة حلوة ف القرب من الله، قربي🥺

٢- اصنعي لنفسك بيئة خاصة بيكي
بمعني إن الدنيا وحشة والكل جاي عليا ونفسيتي تعبانة= اعملي لنفسك عالمك الخاص، احفظي قرآن، تابعي شيوخ، ادخلي ف دورات دينية وادرسي علم شرعي، اقرأي كتب دينية

👈بالنسبة للكتب الدينية أرشحلك - الرجل الصالح، الطريق إلى القرآن، أنا مش فاهمني ودي سلسلة لدكتور حازم شومان موجودة بردة على اليوتيوب، أريد أن أتوب ولكن، فاتتني صلاة،... غيرها كتير🌸💛

وبدل م تدعي على نفسك إدعي لنفسك!!🥺 

الراحة مش ف الدنيا والله، غير بالقرب من الله، وبالقرب من الله راحة ف الدنيا والآخرة، والذنوب بتسبب وجع ف القلب وتنكت به نكت سوداء، دي رسالة ليكي افهميها، مش كلنا بنفهم الرسايل للأسف، الوجع دا يعني قربي من ربنا، ربنا بيوريكي إن البعد عنه وحش علشان تقربي🥺

أسأل الله العظيم رب العرش العظيم أن يوفقكك لما يحب ويرضى وأن يثبتك على طاعته يارب ويهديكي إلي صراطه المستقيم وأن يرزقك تقوته في السر والعلن وأن يرزقنا وإياكم بيتًا في جنته التي لا تعب فيها ولا نصب🥺🤲

اللهم إني أسألك باسمك الكريم والرحمن والرحيم والرؤوف والحليم أن يجبر فؤادك ويعفو عنك ويغفر لك وأن ييسر أموركم ويصلح حالكم ويريح بالكم اللهم آمين يارب العالمين 🤲💛🌸

رمضان مش أحلى على قناة النهار ❌
ولا أجمل مع الدرامات ❌
ولا رمضـان يجمعنا على MBC ❌

رمضان شهر واحد في السنة، وخاب وخسر من أدركه ولم يُغفر له.

خاب وخسر من مرّ عليه رمضان دون استغفار ولاصلاة ولاسُنن ولا ختم للقرآن، خاب وخسر من جعل رمضان للعزائم والمسلسلات والمولات!✋

اللهم بلّغنا رمضان واجعلنا فيه من المفلحين💛

إذا أردت أن تُرزق قلبًا أواهًا مخبتًا منيبًا في رمضان، فابدأ "بقانون الترك" من الآن، فهو من الأعمال التي ترفع الإيمان وتقفز به عاليًا، من الأعمال التي تندّي القلب وتليّنه وتسقيه.

فمن ترك شيئًا للَّه عوضه اللَّه خيرًا منه، وعلى مقدار الترك يكون العِوض من اللَّه.

فتش في يومك وليلتك ستجد الشهوات تحيط بك!
تُزاحمك، تُشغلك، تقيدك، تحجبك، تشوش عليك، خلَّص قلبك منها.

جاهد نفسك على تركها شيئًا فشيئًا؛ ليصفو لك قلبك وتصفو لك عبادتك، ويكثر دمعك.

اعزم على ترك ذنوب الخلوات فهي إغلاقٌ وإطباق، وهي البلاء الذي يضيع قلبك، ويلوثه ويسقطه.

تفقَّد تعلقات قلبك فأكثر ما أتعبك وأرهقك وشتتك وبعثرك أن سلّمتَ قلبك لمخلوق مثلك، فصحح وجهتك؛ ليسترد قلبك عافيته قبل رمضَان. 🌙

2⃣8⃣

رمضان آخر روقان 🎆🌜

6⃣ذكر الله..بروقان

الذكر هو حياة الروح ... وزي ما النبي ﷺ قال :(مثلُ الذي يذكر ربَّه والذي لا يذكر ربَّه ، مثل الحي والميت )

✅والذكر عبادة خفيفة وبسيطة ومش محتاجة مجهود بدني ولكن أجرها عظيم جداً جداً، ده غير فايدتها الكبيرة في حفظ الإنسان من المس والسحر والحسد والشياطين .

⬅️فـ اشغل أوقاتك بذكر الله، وبالذات الوقت الصغير اللي بيضيع في وسط الحاجات اللي بتعملها..النبي ﷺ قال :(سَبَق المفرِّدُون،
الذاكرين الله كثيراً والذاكرات)سبقوا يعني محدش يقدر يلحقهم! مش عايز تكون منهم؟!

✅وفيه عندنا نوعين من الأذكار :
الأذكار الموظفة : يعني اللي لها سبب مرتبط بها، زي أذكار الصباح والمساء والنوم والاستيقاظ والأكل وغيرها .
⬅️والأذكار المطلقة : زي التبسيح والتحميد والتهليل والتكبير والاستغفار والصلاة على النبيﷺ

📝وخد شوية النصايح دي لعلها تنفعك بإذن الله:

🟠اشتري أو حمّل كتاب للأذكار زي حصن المسلم أو مختصر النصيحة وحاول تحفظ الأذكار علشان تعرف تواظب عليها في رمضان وبعد رمضان بإذن الله
🟠الأذكار المطلقة زي لا إله إلا الله، وسبحان الله وبحمده، تحاول تقولها وإنت بتتفرج على بديع مخلوقات الله، وإنت بتتأمل في السما،
وإنت بتتفرج على مناظر وصور طبيعية، وإنت بتتفكر في نفسك وجسمك وإبداع صنع الله عزوجل لك .. وهكذا..حاول تعيش بقلبك مع الذكر .
🟠التنويع في الأذكار مهم جدًا، علشان تفوز بفوائد كل ذكر وتنوع في المكاسب والأرباح .. وكذلك علشان السرحان والملل، وكمان لأن كل ذكر له تأثير في القلب غير التاني وهتلاقي عندك في الكتب اللي ذكرناها ما شاء الله من الأذكار المتعددة..
🟠الأفضل طبعاً ذكر ربنا على الأصابع، بس لو بتنسى ممكن تشتري خاتم تسبيح في إيدك، طول ماهو معاك هيفكرك
🟠نزل برنامج على الموبايل يفكّرك كل شوية بذكر الله أو بالصلاة على النبي زي تطبيق أذكار المسلم أو أذكاري أو غيره..
🟠احفظ الحديث القدسي ده واستشعره وحس به في كل مرة  بتذكر فيها ربنا عزوجل .. قال تعالى :( أنا عند ظن عبدي بي
و أنا معه إذا ذكرني، فإن ذَكَرَنِي في نفسه، ذَكَرْتُه في نفسي، وإن ذكَرَنِي في ملأ، ذَكَرْتُه في ملأ خير منهم )متفق عليه
بالله عليك إقرأ الحديث ده تاني بقلبك ؛
🤍استشعر كده ← "وأنا معه" ! إنت عارف مين هو اللي معاك ؟؟! الملك العظيم الجليل
استشعر مَعيَّة ربنا عزوجل الخاصة لك إنت..معية الحفظ والتثبيت والتسديد والتوفيق والإعانة
🤍استشعر ← "فإن ذكرني في نفسه، ذكرته في نفسي" ! إنت مين إنت ؟؟!! وهو من هو سبحانه وتعالى؟؟! هو الملك، القُدوس، المهيمن العزيز الجبار المتكبر، هناك في ملكوته
وجبروته وعَليائه، يتفضَّل عليك ويذكرك في نفسه ! يذكرك إنت العبد الضعيف الذليل اللي متجيش ذرة في ملكه !
🤍استشعر وإن ذكرني في ملأ ، ذكرته في ملأ خير منهم" ! فوق في الملأ الأعلى، حيث ملائكة النُّور والأنبياء الكرام، أمام هذه الصفوة يذكرك الربّ العظيم تبارك وتعالى، ويُثني عليك إنت ! ده إنت قلبك بيرقص من الفرحة لو سمعت إن حد مشهور مدحك في جريدة أو في التليفزيون أو ذكر اسمك حتى !
أمال لو مَدَحك رب العالمين جلّ جلاله، وذكر اسمك في الملأ الأعلى، ياترى إحساسك ساعتها هيكون إيه ؟؟؟!
ياااااااااااااااااااه لو حسيت بالمعاني دي ..
هتلاقي قلبك طاير من السعادة والشوق والحب لله وإنت بتذكره


#يتبع غدآ بإذن الله
#رمضان_آخر_روقان
#مصطفى_زايد

"‏الفتن التي تعصف، والشهوات التى تتيسر؛ هي اختبار للتدين الراسخ والمراقبة الحقيقية والتي تردع النفوس عن حرمات الله خشية له لا عجزاً عنها.
وقد ذكر الله تيسّر الصيد للصحابة وهم محرمون وقال بعدها( ليعلم الله من يخافه بالغيب)
فكن رقيباً على نفسك فأنت المسؤول عنها."

🍁 🍃 المحن وتدبير الله 🍃 🍁

✍️⁩ سئل الإمام أحمد بن حنبل
ألم تصدك المحن عن الطريق ؟!

قال : والله لولا المحن لشككت في الطريق ..!

اعلم أن الله لا يبتلي ليعذب ولكنه يبتلي ليصطفي ويهذب
واعلم ان الله لا يبتليك إلا بشيءٍ هو خير لك ..
وإن ظننت العكس ..!

أرح قلبك وثق في تدبير ربك
فلولا البلاء لكان سيدنا يوسف عليه السلام مدللاً في حضن أبيه ..
ولكنه مع البلاء صار عزيز مصر وحاكمها ..!!!

ومن المنفى رجع سيدنا موسى عليه السلام  نبيا...!!!!

ومن المهجر رجع سيدنا محمد صلى اللّه عليه وسلّم فاتحاً لمكة ..!!

فهل يضيق صدرك بعد هذا ؟؟!!

  فإن مع العسر يسراً ..
لم يقل سبحانه فإن بعد العسر يسرا .

أكثروا من الصلاة والسلام على رسول الله صلى الله عليه وسلم .
‌ أكثروا من الاستغفار وحسن الظن بالله والدعاء وابشروا بالفرج القريب .

‏ قديمًا قالوا:
‏"من علامات المقت: إضاعة الوقت".
‏
‏فإذا أردت أن تعرف مقدار حُب اللَّه لك، فانظر كيف اغتنامك لوقتك، وكم منه تقضيه في مرضاة اللَّه.
‏
احذر لصوص رمضان!!

رمضان ليس شهر متابعة المسلسلات والمنكرات. 📺

رمضان ليس شهر الإسراف في الأكل وتضييع الوقت على وسائل التواصل بدون فائدة .📱

رمضان شهر الطاعة والعبادات والقُرب من الرحمٰن.

رمضان شهر القرآن والصيام والقيام.💫

🚫 فالحذر الحذر أن يضيع وقتك مع تلك الأجهزة أو مع تلك القنوات الفضائية.

"‏هوّن عليك إذا ما نلت مطلوبك بالدعاء فلقد صرف الله عنك من الشرور بمثلها، ولقد حماك دعائك من نزول النوائب عليك، وأنت الذي تظنّ أن الإلحاح الطويل والدعوات التي خرجت من قلبك بصدق لم تُغيّر شيئًا! لقد غيّرت دعواتك الكثير وأنت لا تعلم! فلا تغفل عن الدعاء مهما بدت الأقدار في وجهك شاحبة!".

2⃣9⃣

رمضان آخر روقان 🎆🌜

7⃣استغفار .. بروقان ..

🟢الاستغفار يعني طلب العفو والمغفرة

⬅️من مين ؟؟ من الله، ملك الملوك الكبير المتعال
⬅️على إيه ؟؟ على ذنوب ومصايب وبلاوي سودا إنت عملتها في حق الله عزوجل !!!

⬅️طيب تخيل ولله المثل الأعلى لما واحد يدخل على ملك أو رئيس وهو عامل جريمة كبيرة ويطلب منه المغفرة والعفو عن الجريمة دي .. عيش الموقف وشوف هيطلبه إزااااااي ؟؟!
⬅️تخيل شكله وذله وانكساره؟؟
تخيل طريقة كلامه ونبرة صوته ؟؟
تخيل تكراره وإلحاحه في الطلب ؟؟؟
تخيل دموعه وندمه حرارتهم قد إييييييييه ؟؟؟
🟢المفروض إن كل ده وأكتر يكون حالك وإنت بتستغفر ربك ؟!

🟢عرفت ليه دلوقتي إن استغفارنا اللي بنقوله بكل غفلة واستهتار، في حد ذاته ممكن يكون ذنب أصلاً محتاجين نستغفر منه !!!

_هتقول : طيب أستغفر ربنا لييييييييييه ؟؟!!
_هقولك : لأن الذنوب يا حبيب قلبي خطيرة جدااا.. ولكننا غافلين ! إبليس انطرد من الجنة بذنب واحد...سيدنا آدم بذنب واحد خرج من الجنة .. وإنت بتعمل الذنوب دي كلها ومش فارقة معاك !!

🟢 عارف إنت محروم بسبب ذنوبك من إيه وقد إيه ؟؟!!
🟢انتي عارفة الذنوب عاملة فيكي إيه ؟؟؟!

⬅️ياما ناس اتحرمت من القيام بسبب الذنوب .. ياما ناس اتحرمت من صلاة الفجر بالذنوب ياما ناس اتحرمت من الخشوع في الصلاة بالذنوب...ياما ناس اتحرمت من الدعوة بالذنوب .. ياما ناس اتحرمت من طريق الدين بسبب الذنوب !
الذنوب بتمنع إجابة الدعاء وبتمنع الرزق وبتمنع التوفيق !!

❎الذنوب بتقفل كل الأبواب في وشك والعياذ بالله
✅علشان كده هتلاقي الاستغفار داخل ضمن معظم الأعمال اللي بنعملها علشان يفتح لنا الأبواب دي ..

🔶شوف وإنت داخل المسجد، أول حاجة بتقولها : (اللهم اغفر لي ، وافتح لي أبواب رحمتك) أبواب الرحمة كانت مقفولة والاستغفار هيفتحهالك

🔶أول حاجة بنقولها في الصلاة : ( اللهم باعد بيني وبين خطاياي كما باعدت بين المشرق والمغرب ) ..ده اسمه دعاء الاستفتاح كأن أبواب قلبك كانت مسدودة والاستغفار
هيفتحها ما بينك وبين الخشوع في الصلاة

🔶سيدنا نوح بيقول :(فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ) الذنوب كانت قافلة الرزق كانت قافلة الأرحام .. كانت قافلة المطر
والاستغفار فتح من الله لكل الأبواب دي ..

الاستغفار هيفتحلك أبواب الدين والدنيا في حياتك .
الاستغفار هيعمل مفاجأت في حياتك
الاستغفار هو المفتاح السحري لفتح أي باب مقفول في وشك .

✅وأي حد مجرب عارف الكلام ده كويس .. أي حد جرب عرف قد إيه حلاوة وجمال وسحر الاستغفار، وإن ربنا سبحانه وتعالي جعله سبب لتفريج الهموم والكربات ودفع العذاب ورفع العقوبات ومخرج لابتلاءات كتير جداً في حياتنا..
بس استغفر بيقين وإنت هتشوف العجب .

🟢وللأسف إحنا بنقعد مستنيين إننا نسمع أو نقرأ قصص عن عجايب الاستغفار علشان نتشجع ونستغفر !! مع إن ربنا عزوجل وهو أصدق القائلين قال في القرآن في أكثر من آية إن اللي هيستغفر هياخد فتوحات وبركات
وكرامات ورزق وزواج وذرية ومتعة وقوة
كل ده وغيره أكثر للمستغفرين ولكن قلوبنا للأسف لسه مش مصدقة ومدخلهاش اليقين !!

هتقول : بس أنا مش بحس بالمعاني دي وأنا بستغفر لأني مش عارف أصلاً إيه هي ذنوبي، هستغفر على إيييييه بالظبط ؟؟؟
هقولك : ده إحنا عندنا معاصي متتعدّش !!!!! خد عندك :......


#يتبع غدآ بإذن الله
#رمضان_آخر_روقان
#مصطفى_زايد

قتل .. سرقة ... انتحار
بسبب لعبة على الموبايل ( القمار )
كل الابليكشن الى فيها توقعات الماتشات حرام و كبيرة

أى ابليكشن فيه خسارة اكيدة قصاد مكسب متوقع .. حرام و كبيرة و قمار

لو عندك كشك أو محل بتشحن للعيال الى بتلعب الألعاب دى أو بتديهم المكاسب بتاعتهم من خلال كشك حرام و كبيرة و مشارك
أفهم القصة 👌

🎙أمير_منير

🌃 بشريات إلى أصحاب قيام الليل 🌃

البشرى الأولى 1⃣

اذا قمت الليل فى البرد فلن يحاسبك الله

إنَّ اللَّهَ ليضحَكَ إلى رجُلَينِ : رجلٌ قامَ في ليلةٍ بارِدَةٍ مِن فِراشِهِ ولِحافِهِ ودِثارِهِ فتوضَّأَ ، ثمَّ قامَ إلى الصَّلاةِ ، فيقولُ اللَّهُ عزَّ وجلَّ لملائكتِهِ : ما حمل عبدي هذا على ما صنَعَ ؟ فيقولون : ربَّنا ! رجاءَ ما عِندَكَ ، وشفقَةً مِمَّا عندَكَ . فيقولُ : فإنِّي قد أعطيتُهُ ما رجا ، وأمَّنتُهُ مِمَّا يخافُ ، وذكر بقيَّتَهُ
صححه الألباني 630

(وإذا ضحك ربك إلى عبد في الدنيا فلا حساب عليه.)
                صححه الألباني
            🌱🌱
البشري الثانية  2⃣

لو محتاج ربنا يشفيك ، ويكفر عنك سيئاتك ، ويبعد عنك الذنوب والمعاصي وأصحاب السوء وكل إثم ،
ولومحتاج حاجة تقربك إلى الله زى الصالحين بالضبط عليك بقيام الليل
قال رسول الله صلى الله عليه وسلم
(عليكمْ بقيامِ الليلِ فإنَّه دأبُ الصالحينَ قبلكمْ، و قربةٌ إلى اللهِ تعالى، و منهاةٌ عنِ الإثمِ، و تكفيرٌ للسيئاتِ، و مطردةٌ للداءِ عنِ الجسدِ)

            🌱🌱

البشرى الثالثة3⃣

إلى اصحاب الاماني الكثيىررة (عايزين فلوس ، عايزين تتجوزو ، عايزين اولاد ، عايزين تتوبوا ، عايزين الجنة....)ابشر👇

( ينزل ربنا تبارك وتعالى حين يبقى ثلث الليل الآخر كل ليلة فيقول من يسألني فأعطيه من يدعوني فأستجيب له من يستغفرني فأغفر له حتى يطلع الفجر)

👈🏻أن لم تكن مصلياً ف كن مستغفراً
وان لم تكن مستغفراً فكن من الملحين بالدعاء ..👉🏻